الســـلام عليكم ..

علومــــكـــم يالطــيبـــين .. عســـاكم مرتاحيـــن ..


اسمحولـــي ادري اني اتـحيـــر عليكـــم وايد ف تنزيل الــبارتــات .. بس والله ظروووف الدوام ..



يعنـــي انا ما احصـــل وقـــت عسب احدر .. بس كل ما حصلت فرصه احدر وانزل لكم الـــبارتـــات ..



لعـــيونكـــــــــــــــــــــــــم بنزل بــــارت بس قصـــير ... بس المره الـــيايه بخيـــليه اطول .. ^^



دمتـــم بود .. ^^

الـــــــــــــــــبارت الــــسادس


بيت بوسيف..
نش سيف من الرقاد.ونزل تحت وشاف سلطان قاعد فالصاله..


سيف:صباح الخير..سلطان :قول مساء الخير.
سيف:وينهم العرب؟!
سلطان:مادري عنهم نزلت ماشفت حد.
.سيف:اتغديتو.
سلطان يتطنز:و اتعشينا بعد.
سيف:احلف انت بس ..
سلطان قام من مكانه وشل موبايله وسويجه اللي كان حاطنهم عالطاوله : والله ..
سيف:وين ابها؟!
سلطان:بسير صوب الربع..
سيف:اها.عيل سلم عليهم وفداعة الله.
سلطان:مابتخاويني؟!
سيف:مالي بارض.
سلطان:برايك يالله باي..
سيف:بااااي
وسار سلطان وهو طالع طلعوا ف ويهه الشله المشتله.
الميث:على وين ان شاء الله؟!
سلطان بخبث:هاكو سيف قال هو بيوديكم.وشرد عنهم..
عواش:فديت اخوي انا لاخليت منك يا رب.. وسيف زي الاطرش فالزفه..
سيف:سبحان مغير الاحوال من حال الى حال..وشوي ورن فون البيت...
وركضت عواش تشل الفون ..
عواش:الووو
ميره:هاي .... اشتأتلكوو.. وحشتوني
عواش صرخت:ياي احنا بعد دبوه
وكل الشله ساروا صوب الفون بعدما
عرفواانهاميره..ميثه:دبوه ولهنا عليج يالله ردي بسج خلاص . سيف سحب السماعه عن البنات سيف:مرحبا..
ميره:مراحب هلا بالعاشق الولهان
سيف:جب جب..شحالج واشحال الاهل..ميره:تماميشن مايشكون باس
ع فكره.. انا كلمت الحب عن السالفه
سيف : اي سالفه..ميره:عن الحب المخفي.سيف:لا يكون خبرتيهم..
ميره: لابس جسيت النبض..
سيف:اها وشو قالوا ..
ميره: خلنا الحين من اللي قالون انت
ماناوي تخطب..؟!
سيف : مب الحي خليها بعد ما اخلص
ميره: انزين عادي اخطب الحين و بعدين ربك كريم..
سيف: مادري بفكر فالموضوع...
ميره: فكر وعزم اخاف اتطير البنت من ايدك بعدين ولاحد يخطبها..
سيف: هزرج..
ميره:اذا بتاخذ شوري اخطبها قبل ما تسافر..
سيف:الله كريم.يصيرخير ان شاء الله
ميره:وينهن بناتي اتولهت عليهم..
سيف:لا صارو بناتج..
ميره:هي فديتهم......وسيف وداالفون
عند البنات..وقعد يفكر فكلام ميره ..
عواش:ميروه اشوف بينكم اسرار انتي وسيفو..
ميره : لو سمحتي خلج بعيد انتي .
ما يخصج فسوالف الكبار ماماتي انتي بعدج نونو..
عواش : احلفي انتي بس ..
عواش:حلفت.اقول يالله بخليج الحين
بنظهر انا وخلود ومنصور وبنحاوطok
عواش: ياي ياحظكم ليتني معاكم
ميره: السنه اليايه..
عواش:صح نسيت اخبرج عرس عبود بعدشهر.ميره : ليش ماقالوا انه بيكون
شهر٢ ...
عواش:تدرين ها عبود كل يوم براي ..
ماصدق انه قسمه خلص وجدم العرس .. تصدقين انه قايل لامه خلي العرس بعد اسبوعين ..
ميره:احلفي..
عواش:والله بس عموه قالت له ما يمديلنا نجهز فاسبوعين .واخر شي اقتنع بشهر...
ميره : عيل لازم اروح ادولي فستان من الحين ,..
عواش : واحنا بعد نبا نسير دبي نفصل ..
ميره:جيه يعني .. حليله عبود .. مستعيل ع العرس
عواش: شفتي عاد ..
ميره:لا شفت ثمود..
عواش:خسيفه(اونه يعني سخيفه)
ميره:احلفي انتي بس ..
عواش :جلبي ويهج يالله ماعندي سالفه قعد اكلمج .
ميره:اقول العوش.
عواش:يا عونج ..
ميره:سمعي صوت القطار .وع طول بندته فويهها....
عواش ماتت من القهر بس قالت بتردلها الحركه..
عواش سارت عند سيف اللي كان يقرا الجريده..
عواش:سوافي انسير نتجهز..
سيف: وليش تتجهزين ان شاء الله ؟
عواش : سلطان قال انك بتودينا
سيف: وين اوديكم ان شاء الله؟!
عواش:اتودينا السوق ..
سيف:ليش دريولكم انا ..
عواش :لافدوتك انت اخونا الغالي العزيز اللي نحبه .. ونموت فيه..
سيف : دنيا مصالح .. هي شو عليج اتفدي ترى كله لمصلحتج ..
عواش : الله يسامحك ياخوي بعدك ما تعرف غلاتك عند اختك ..
سيف : جلبي ويهج يالله هناك ..
عواش: افااآاا..
وفهالحظه دشوا منال ، نوف ، مريامي ، خلود ... السلام عليكم ..
الكل : وعليكم السلام ..
وسارت منال صوب سيف ..
منال: سيف فديتك مابتودينا دبي
سيف : وليش تروحين دبي شو عندج
منال : انا ونوف ومريامي وخلود نبا انسير نفصل فساتين .. حق عرس عبود..
سيف : ومتى بتسيرون ..
منال : بعد صلاة العصر ..
سيف : خلاص انا بسير ارقد وعوني حق الصلاة واتجهزوا لو تأخرتوا ما بوديكم..
منال : افا عليكم من الساعه ٣ نحن جاهزين.
عواش :يا سلام وانا من مساعه اقولك واتقولي لا لهالدرجه تكرهني يعني . عالعموم مشكور يا خوي ما قصرت ودمعت
عيونها وخلتهم وسارت صوب غرفتها ..(اصلا سيف ما كان بيوديهم بس لما سمع ان نوف سايره وافق ) ....
سيف : عواش تعالي .. بس عواش لبسته وسارت .. وقفلت الباب ع روحها وتمت اتصيح ...
سيف حز فخاطره كلام اخته .. وسار يراضيها تم يدق عليها الباب وهي مب راضيه ترد عليه .. ولا تفتح الباب ...
وسار سيف يرقد .. (( ما يشبع رقاد هالانســـان .. ككككـ )) ..
البنات حاولو مع عواش انها تفتح الباب بس هي ماترد عليهم .. وساروا كلهم غرفة منال و تموا يسولفون ..
لحد ماأذن العصرسارت منال توعي سيف .. ونش سيف وتلبس وسار يصلي وقال لهم من يدق الهرن يطلعون ..
ساروا البنات يصلون .. ومنال سارت عند عواش اللي حليلها من كثر الصياح رقدت ..
منال: عواشه .. فتحي الباب .. عواشه اذا راقده نشي صلي .. اذن العصر ..
وقامت عواش وسارت وفتحت الباب
منال: بسرعه صلي واتلبسي بنسير الحين..
عواش: وين ..
منال: بنسير دبي انفصل فساتين سيف بيودينا ..
عواش : مابسير .. سيرو رواحكم ..
منال: انتي من صدقج زعلتي ..
عواش: وليش ازعل .. مب زعلانه و لا هم يحزنون .. بس مابسير..
منال:يالله عاد عن الدلع .. لبسي يالله بتسيرين مب ع كيفج..
عواش: مابسير..ماتفهمين انتي .. و بندت الباب فويه منال وقفلته ..
منال : شوفو هاي صدق ماعندج مذهب تبندين الباب فويه عمتج ..
وسارت منال اتصلي ..
وبعد ما صلوا فالبنات اتلبسوا وساروا صوب غرفة عواش وتموا يدقون الباب ..
وفتحت عواش الباب وصرخت عليهم صرخه محترمه وقالت لهم : ما بسير ماتفهمون انتو . وبندت الباب و قفلته ..
وصل سيف من المسيد وتم يدق الهرن .. سيف كان شال سياره اليت اللي هي لكزس ستيشن ..
خلود : ما بتكفينا السياره وايد احنا ..
منال : بتكفي بتنزاحم عادي ..
مريامي : حرام ماخبرنا قوم سلامي ..
منال : ما عليه خلهم يسيرون يوم ثاني اصلا وين بنشلهم ما تكفي السياره ..
حمده : الحين من صدقها ما بتي عواش ..
منال : خليها خبله هاي خلاص دام قالت ما بي يعني ما بتي ..
حمده : مايهون علي اسير واخليها روحها ..
منال : والله بروحها ما تبا تسير ويانا كيفها هي الخسرانه ..
حمده : حرام انزين خلنا انسير نشوفها يمكن غيرت رايها ..
منال : لا تحلمين .. ما بتغير رايها .. خلنا انسير لا يسير عنا سيف ..
وركبوا البنات السياره .. منال قعدت يدام ..
ورا نوف ومريامي وخلود وحمده .. والسيت الاخير مهاري , فطامي , علايه , ميثه .) طبعا كانوا متراصصيين ع
بعض بس عشان يهون اي شي << مثل يديد .. كككككـ
وبعد ما ركبوا البنات حرك سيف السياره صوب دبي ..
منال : ياخي سمعنا شي من اللي عندك ..
سيف : ياشاغل قلبي وفكري عن الناس مابيك تسأل ليه قل اتصالي ..
منال : شوفو ها ليش تغني انت ؟؟
سيف : انتي قلتي سمعنا شي ..
منال : طاع ها انا قلت سمعنا شي يعني حط لنا شي نسمعه مب اتسمعنا صوتك الشجي ..
سيف : انا اشعرفني انا اتحسب تبين تسمعين صوتي الحلـــو . وحط سيف اغنيه ميحد
لا تتصلي ولا ترسيلي احروفك مابا سوى تسمح ارقامي من اللسته ..
وطبعا منال مرتبشه .. وتغني وحالتها حاله ..
بعد فتره يوم وصلوا تقريبا جريب دبي .. سيف : الا وين الحلوه ما نسمع حسها بعدها زعلانه ..




Stop
ها شو رايكـــم بالبارت ؟؟
ان شاء الله عيبكم ..
ادري ان البارت قصير بس ان شاء الله المره اليــايه يكون اطول ..
ياترى من هاي الحلوه اللي يسأل عنها سيف ؟؟
عواش شو بتسوي يوم تعرف ان سيف سار حتى من غير ما يفكر
انه يسيرلها.. ويراضيها .. ويخليها اتسير وياهم ؟؟
كل ها بتعرفووونه ان شاء الله ف البارت الــقادم ..
ولـــــــــــــــــــــــــي عـــــــــــــوده ^^

ياترى من هاي الحلوه اللي يسأل عنها سيف ؟؟
عوااااااااااااش
عواش شو بتسوي يوم تعرف ان سيف سار حتى من غير ما يفكر
انه يسيرلها.. ويراضيها .. ويخليها اتسير وياهم ؟؟
ااااكيد بتزززعل

ونتريااااااااااااااااج

الــــــــــــــــــــــــــــــــــــــــــــــــ بارت الــــــــــســــــــــــــــــــــــــابع ...


بعد فتره يوم وصلوا تقريبا جريب دبي ..
سيف : الا وين الحلوه ما نسمع حسها بعدها زعلانه ..
منال : اي حلوه فيهم ... وايد الحلوات عندنا .. وانا اول وحده فيهم ..
سيف : حلوتنا .. بنت بوسيف اميرتنا الجميله ..
منال : هيه قصدك عوااااش ..
سيف : هي وينها ما اسمع لها حس ..
منال ما عرفت شو تقول خافت تقول لسيف ويعصب : ها امممممممممممم بقولك بس لا تعصب اوكيــه ..
سيف طبعا لما ركبوا البنات مالاحظ انع واش مب وياهم ... ما شاء الله من كثرهم .
سيف : شو قولي اسمعج ..
منال : وما بتعصب ؟؟
سيف بدا يعصب : ما بعصب قولي ..
منال : كل هذا ومب معصب ..
سيف : منول رمسي ..
منال : امممـ بصراحه عواش ما يت ويانا ..
سيف : شوووووووووووووو .؟؟
منال : حاولنا معاها بس ما طاعت ..
سيف : وليش ما خبرتيني ؟؟
منال : امممـ ها نسيت ..
سيف : احلفي انتي بس .. نسيتي ..
منال : والله حاولنا وياها بس هي قالت اونها ما تبا اتسير ..
سيف : يعني بعدها زعلانه .؟؟
منال : لا هي قالت انها مب زعلانه بس ما تبا تسير مالها خلق ..
سيف : مب زعلانه .. هي شو بتقول الحين هي صح اخوي يكرهني صدق
حتى ما فكر ييي صوبي ويراضيني ويشلني وياه ..
منال : لا العاش مب جيه ما بتقول جيه ..
سيف : هيه صح ما بتقول صدقتي الشيخه وسكت عنها سيف وصد يدام وهو متضايق وايد من نفسه
وزعلان من نفسه يعني هو كيف ما لاحظ ان العوش مب وياهم ..
سيف : وين بتسيرون ..
منال : نبا نسير عند المصمم وليد عطا الله ..
سيف : وين بعد هذا وين مكانه ..
منال تمت اتدلي سيف المكان لانها كانت تعرف المكان لانها يايه قبل ايام عرس ناصر ..
وصل سيف ونزلن البنات وسيف قال بيترياهم ف السياره ..
نزلن البنات وهم سايرات ..
نوف : احسها سخافه منا يوم ما خبرنا سيف من البدايه ان العوش مب ويانا .
مريامي : هي والله المفروض نخبره ..
منال : خلاص اللي صار صار .. امشوا الحين يالله ..
حمدايه : لو قعدت عن العوش احسن .. حرام والله كلنا خلينها وسرنا عنها وما همنا الا عمارنا وما افتكرنا فيها المسكينه
فطامي : بعد ما فات الفوت ما ينفع الصوت ..
حمدايه : هي والله بس والله ندمانه ..
مهاري : ما ينفع الندم الحين خلاص ..
ودخلوا البنات عند المصمم وتموا يشوفون الموديلات ..
.................................................. .................................................. ..................
عند عواش .. نزلت تحت وشافت مافي حد ف البيت ..
عواش : جيه يا سيف هانت عليك اختك تسير وما تشلها وياك ..ما عليه الله يسامحك ..
وقعدت عواش ف الصاله تشوف التي في ... دخلوا سلامي ومروه وامون , وكانت معاهم حصه ..
سلامي : مرحباااااااااااااااااااا
عواش : مرحبتين
مروه : كيفك ؟
عواش : منيحا .
امون : وين ربيعاتج عنج ..
عواش : ساروا دبي ..
سلامي : وليش ما سرتي وياهم ؟
عواش : هم اللي ساروا بدوني ..
امون : افا كيف يسيرون ويخلونج ..
عواش : برايهـــــــــــــــــم .. اي دونت كير ..
مروه : صح هم الخسرانين يوم ما شلوا وياهم العوش ..
وقعدوا البنات ويا العوش يشوفون تي في ..
ودخل سعيد : السلام عليكم ..
الكل : وعليكم السلام ..
قعد سعيد عند حصوص : اشحالكم ؟؟
الكل : بخير ..
سعيد : وينهم عيل العرب مب مبينين ؟؟
مروه : ساروا دبي ..
سعيد : وليش ما شلوكم وياهم ..
امون : كل وحده همها عمرها كيف تباهم يشلونا ..
سعيد : حليلكم .. والعوش افا كيف ربيعاتج يسيرون ويخلونج ..
عواش وفيها صيحه وسعيد لاحظ عليها : من زود ما يحبوني ساروا بدوني ..
سعيد : من وداهم ..
عواش : اخوك العود ..
سعيد : ليش مب اخوج انتي ؟؟
عواش : يقولون , بس سار حتى من غير ما يكلف ع عمره يراضيني وانا زعلانه منه ويشلني وياه ..
سعيد : افا وكيف يهون عليه يخليج زعلانه ويسير ..
عواش : من كثر ما يحبني ..
سعيد : لا اكيد نسى ..
عواش : هي لازم من زود حبه بينساني ..
سعيد : افااااا .. خلاص سيري اتلبسي وانا بوديج وين ما تبين ..
عواش : مب لازم .. ما ابا اسير مكان ..
سعيد : الحين انا الشيخ سعيد متنازل وقعد اقولج سيري اتلبسي واتقولين مب لازم .. قومي
يالله بسرعة انتي ومروه وامون وسلامه , ولبسي حصوص بعد بوديج انا وين ما تبين , انتي شو تبين تتشرين .
عواش : ابا اسير اشوفلي فستان حق العرس ..
سعيد : خلاص انا بترياكم ف السياره سيروا اتلبسوا اترياكم انا بس بسرعة لا تتأخرون ..
عواش : اوكيه ,, يالله بنات .. وقامن البنات يتجهزون ..عسب يسيرون السوق ..
وبعد ما لبسن عبينهم نزلن تحت ..
امون : انزين نفصل ولا نشتري جاهز ..
عوا ش : انا عن نفسي باخذلي جاهز ..
سلامي : انا بعد باخذلي جاهز احسن .. امون مروه شو رايكم نطقم ..
عواش : ياي بتطلعون كشخه اذا طقمتوا ..
امون : اوكيه انا موافقه ..
مروه : مي تووووو ..
سلامي انزين بسير باخذ فلوس من عند امايه ..
امون : انا بعد ..
مروه : مي توووو ..
عواش : مب لازم انا بدفعلكم وبعدين انتوا عطوني ..
مروه : يعني عندج انتي ..
عواش : هي عندي ؟ يالله نسير سعيد يتريانا بر ع..
وظهرن البنات برع عند سياره سعيد اللي يترياهم ..
سعيد كان قاعد ف سيارته اللي كانت ( بورش كااييين بيضها ومخفيه )) عواش قعدت يدام
وباقي البنات وراا ..
سعيد : وين بتسيرون ؟؟ ابوظبي ولا دبي ..
عواش :لا خلنا هني ابوظبي ..
سعيد : انزين وين بتسيرون ؟؟
عواش : ابوظبي مول ..
سعيد : وليش ما تسيرون دبي ؟؟؟
عواش : مب لازم ما نبا نتعبك ؟؟
سعيد : جب جب ما تبا تتعبني انتي تعبتيني خلاص .. خلنا نسير صوب دبي احسن ..
وسار سعيد صوب دبي ..
بعد ساعتين تقريبا وصلوا دبي وسأل البنات عن المكان اللي بيونه وقالوله بيون يسيرون
ميركاتوو .. وسار بهم سعيد صوب مركز ميركاتووو ..
اما عند الشله الثانيه .. صارلهم ساعتين عند المصمم يختارون ومخلين سيف برع يترياهم
سيف بعد ما مل خلاص من القعده ف السياه اتصل ف منول ..
سيف : وبعدين معاكم ما خلصتوا انتوو .؟؟
منال : خلاص الحين طالعين ..
سيف : عشر دقايق ان ما ظهرتوا بسير عنكم ؟؟
منال : يالله خلاص الحين الحين ..

بعد ما تفاهموا مع المصمم انهم بيون الفساتين تخلص فاقرب فرصه يعني ع الاقل بعد اسبوعين
بما انهم اختاروا موديلات بسيطه وهاديه عسب اتخلص بسرعه .. وظهروا وراحوا السياره ..
بعد ما ركبوا البنات تحرك سيف ..
منال : سيف ..
سيف : نعم ؟؟
منال : ما بتودينا شوي صوب الوافي مول ؟؟
سيف : لا , ماشي ..
منال سكتت لانها عرفت ان سيف معصب فمستحيل انه يخطفهم اي مكان .. وع طول سار بهم صوب
ابوظبي ..
اما عند قوم عواش نزلوا مركز ميركاااتوو وتموا يدورون ف المحلات ويدورولهم فساتين ..
وبعد ثلاث ساعات من الحواطه .. حصلوا البنات اللي يبونه .. واشترولهم نعلان واكسسوارات ..
وكل شي يحتاجونه .. وبعدين ساروا صوب ماكدونلز وكل وحده طلبتها وجبه .. وخلاف ساروا عند
البحر .. صوب الممزر وقعدوا يتعشون هناك ..
.................................................. .................................................. ..............
عند الشله الثانيه بعد ما وصلوا نزلوا من السياره .. وساروا داخل وسيف بعد نزل وسار ع طول صوب غرفة
عواش اللي ماكانت موجوده , نزل سيف وزقر ع الخدامه .. وسألها عن عواش .. وقالت له انها ظهرت مع بابا
سعيد ..وظهرسيف وسار صوب ربعه .

اما لما ما شافوا عواش .. كلهم ساروا صوب بيت سلامة (ام حمد )..والحريم كلهم كانوا موجودين
هناك .. ويسولفون عن عرس عبد الله واستعداداتهم ..
منال : امايه امايه ..
ام محمد : لبيه .
منال : لبيتي حايه .. امايه ما تولهتي ع روحة العزبه (( لوتيه هالبنت ))
ام محمد : هي والله اتولهت ع روحة العزبه ..
منال : خلاص قولي حق عيالج خلهم يودونج ويودونا هناك ..
ام محمد : يمكن مشغولين عيالي ..
منال : مب مشغولين وبعدين اذا انتي قلتيله بيفضون عمارهم وبيودونج ..
ام سيف : هي والله عمتي من زمان ما رحنا صوب العزب ..
ام عبد الله : خلاص خلونا نشاور الرياييل ونسير نقعد لنا كم يوم ..
ام محمد : خلاص شاوروا رياييلكم ..
منال : يااااااااااااااااااااااااي وناااااااااااااااااااااااااسه ..
فطامي : اشكر فنج منووووووووووووووووووووووووووول ..
منال : افا عليج تعالي كل يوم ..
والبنات كلهم استانسوووا انهم بيسيرون العزبه ..
ام سيف لا حظت انع واش مب وياهم ..
ام سيف .: وين عيل العوش ..
منال : ظاهره ويا سعيد ..
ام سيف : هييه .
ام محمد : اتصلي ياام سيف ف محمد وخبريه شوفي شو بيرد عليج ..
ام سيف : ان شاء الله عمتي .. واتصلت ام سيف ف بوسيف وخبرته .. وهو عطول
وافق ع الموضوع .. وقال انه بيتصل ف خوانه ويخبرهم .. وقال لام سيف انهم يجهزون اغراضهم
عسب يظهرون باجر من الصبح صوب ليوا .. وبندت ام سيف عن بو سيف وخبرتهم .
وطبعا البنات طاااااااااااااارن من الوناسه .. اما بو سيف من صوبه اتصل ف خوانه واتفق وياهم
ومحد عارض كلهم وافقوا .. واتصل فسيف وسعيد وخبرهم وعواش والبنات طارن من الوناسه يوم
عرفوا عن روحة العزبه .. وجي كل واحد اتصل ف عياله وخبرهم ..
وبما ان باجر الخميس يعني بيكون اجازن يعني مبارك وحارب وسهيل بيظهرون من الكليه وبيسيرون
وياهم .. والكل مستانس ع روحة العزبة لانهم من زماااااااان ما ساروو صوب العزب ..
واتفقوا كلهم ع انهم يسيرون عزبة بو سيف بما انها اكبر عزبه .. فيها فله طابقين ..
وملحق خارجي ....
وخلاف كل حد سار بيته عسب يتجهزون لروحة العزبة ....
وصلوا قوم سعيد ع الساعة عشر ونزل سعيد البنات ( سلامة وامون ومروه ) بيت عمه سعيد
وسار صوب بيتهم وكانت حصيص راقده .. وصلوا البيت ونزلت العوش وسعيد شل حصوص
ووداها صوب غرفتها .. اما العوش سارت صوب غرفتها وشلت اغراضها هي وحصيص وياها
يودت الاغراض وسارت تسبح ..
منال سمعت صوت سعيد ظهرت من غرفتها ..
منال : متى الوصول .؟؟
سعيد : من نص ساعة ..
منال : اهااا وين العوش ؟؟
سعيد : ما ادري عنها سارت صوب غرفتها ..
منال : اهاااا .. عرفتوا عن روحة العزبة ..
سعيد : هي عرفنا ..
منال : وبتسير ويانا ..
سعيد : هي اكيد ..
منال : يالله بسير ارقد انا شي بخاطرك ؟؟
سعيد : سلامتج .. جلبي ويهج ..
منال : صدق ما تستحي اقول شي فخاطرك يقولي جلبي ويهج ..
سعيد : هههاااااااااااي كيفي اماراتي ..
منال : هاع هاع هاع . حلوه منك ..
سعيد : ادري .. وسار عنها سعيد صوب غرفته وبند الباب ..
منال : طاع ها صدق ما يستحي خلاني وسار عني .. صدق ما عنده مذهب ..
خلني اسير اشوف هالهبله .. وسارت صوب غرفة عواش .. فتحت الباب ودخلت
بس ما حصلتها .. وقعد ع الكرفايه ..
بعد خمس دقايق ظهرت عواش من الحمام " الله يعزكم " ..
منال : نعيما ..
عواش : الله ينعم عليج ..
منال : وين سرتواا ..
عواش : ما يخصج ..
منال : افاااااااااااااااا ..
عواش : شو تبين انتي الحين ؟؟
منال : ماشي يايه اتطمن عليج بنت اخوي حبيبتي ..
عواش : اتطمنتي خلاص ..
منال : هي الحمد لله ..
عواش : عيل يالله جلبي ويهج برقد ..
منال : افا تطرديني .. تطردين عمتج ..
عواش : دخيلج انتي بس يالله ظهري ابا ارقد ..
منال : انزين ما بتخبرين عمتج وين سرتي ؟
عواش : قلتلج مايخصج ما تفهمين عربي انتي ؟؟
منال : انزين سرتي فصلتيلج فستان ؟
عواش : اتز نوت يور بزنس .. اوكيه ..
منال : ما افهم انجليزي عربي لو سمحتي ..
عواش : اقول جلبي ويهج وعطيني مقافج .. ابا ارقد ..
منال : الشرهه مب عليج الشرهه علي انا اللي متعنيه ويايه اسأل عنج ..
عواش : مشكوره ما قصرتي ع السؤال .. الحين ممكن تخليني ارقد ..
منال : رقدي يالسباله رقدي .. بااااااااااااااااااااي ..
عواش : بااااااااااااااااااااااااااااااااااااااااااااااااا اااااااااااااااااااااااااي ..
وظهرت منال من غرفة عواش وسارت غرفتها ترقد .. وعواش حطت راسها ورقدت ..
وع الساعة وحدة ردوا الشباب ( سيف , وسلطان ) من برع وحطوا راسهم ورقدوا ..
والكل رقدوووووووو في سلااااااااااااااام ... وغدا يوما يـــــــــــــــــــــديد ..
واكيد فيه مغاااااااااامرات وسوااااااااااااالف ..
اليوم الثاني الصبح الكل ناش من وقت .. ويتجهزون عسب روحة العزبة ..
سيف من نش سار صوب عواش .. دخل الغرفة وشاف عواش كانت تلبس عباتها ..
سيف : صباح الخير ..
عواش ما ردت عليه ..
سيف : لا لا لا كله ها زعل القمر زعلان .. لا مب لايق عليه الزعل ..
عواش ما عاطتنه ويه ..
سيف سار عندها ولوا عليها .. وعاد عواش من لوا عليها صاحت (( حساسه )) ..
سيف : لا ليش القمر يصيح ... عواشه حبيبتي والله انا اسف .... والله موقصدي ازعلج ..
عواش وبعدها تصيح : هي صح عسب جذا سرت حتى من غير ما تسأل عني ..
سيف : والله العظيم انا يوم ساير اتحسبج ويانا .. وعاد يوم وصلنا صوب دبي ..قعدت اقول انا ما اسمع حس
عواش ليش ساكته , وقالتي منال انج مب يايه .. والله عصب عليها ..
عواش : هي ترى وايد اهمك انا ..
سيف : كيف ما تهميني وانتي الغالية اختي حبيبتي ..
عواش : هي واضح ..
سيف : يالله عاد ... والله ترى مب لايق عليج الزعل ..
عواش ابتسمت : خلاص رضيت خلاص ..
سيف : هيه جيه هاي اختي الحلوه الاميره اللي اعرفها ..
عواش : احم احم .. فديتني ..
سيف : يالله بسير اسبح انا شفتي قمت من رقادي حتى ويهي ما غسلته قلت بسير
اشوف اختي الغاليه واراضيها ..
عواش : سير سير اسبح يالله فكنا نبا نسير ورانا درب ..
سيف : شوفوا هاي تطردني من غرفتها ولا جني اخوها العود ..
عواش : يالله اجلب ويهك .. عطني مقفاك بسرعة ..
وجان يمسكها سيف من خدودها ..
عواش : ااااااااااي ..
ويهدها سيف ويشرد عنها .. وسار عسب يسبح ...
طبعا ع الساعة عشر ونص استعدوا السيايير للروحه و كانوا سبع سياير ..
1. سيارة بو سيف : ام سيف , مهرة (ام ناصر) , سلامة (ام حمد ) , ام عبد الله .. (لكزس استيشن )
2. سيارة بوحمدان : ام حمدان , روضه , منصور , نوف , مريوم , شوق .. (لكزس ستيشن)
3. سيارة حمدان : سهيل , حارب , مبارك سار حمدان يشلهم من الكليه .. (رنج سبورت )
4. سيارة سعيد : عواش , ميثه , فطامي , مهاري , حمدايه , علايه , العنود , حصيص .. ( نيسان فتك )
5. سيارة سلطان : سيف , حمود , ذياب , عبود .. ( بورش كاايين )
6. سيارة احمد : ام محمد ,ام احمد , منال , خلود , مروه , سلامة , امون .. (لكزس استيشن )
7. سيارة الدريول عبد القادر معاه البشاكير . (نيسان بترول)
8. هزاع .. الشيخ هزاع روحه ف السياره محد وياه لانه ظهر متأخر ما ظهر وياهم بما ان الشيخ تأخر ف النوم وما نش من وقت .. ( انفنيتي )

((اما حمد وعبدالله .. بيلحقونهم بعد ياردون من دوامهم .... اما بوعبد الله , وبو حمد , وبو ناصر ما قدروا يسيرون وياهم بحكم ظروف شغلهم ..))

وهكذا انطلقت ا العـــــــــايله الكريمة الى ليوا ..

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>

كــــــــــــــــــــــــــــــــــــــــــت


شو يـــاركم بـالــبارت ؟؟؟


شو بيستوي ف المزرعة .؟؟..


متى ميره بترد البـلاد ؟؟


سي يوووو فالـــبارت الـــياي .. ^^


دمتــــــــم بود .. ^^