منتدى استراحات زايد - انا الي يداوي جروح البشر و نسى نفسهـ

البـــــآرت الســــآبع *

دخلت الشقه و هـي فأيدهـا كمن كيــس كآنت رايحـه صـوب الغـرفه ادس اكياسها في الشنطـه قبل مايرجـع خليفه ..
وقبل مآتقتـح بـآب الغرفه سمعت صـوت شخص تمنـت في خاطرها يكــون يتهيألهــا ..
خليفه : ميثـــــــــــــآآآآآآآآآ ؟!!

~

ميثا طيحت الأكيآس من أيدها وتيبسـت في مكانها مالفت ورآها وتدعـي في قلبـها مايسويلها شى وتعدي هالليله على خيــر: نِـِ ِنــعمــ ؟!
خليفه وهو معصب كالعآده (( قرب صوبها و مسك كتفها و لفها صوبه )) : من ويــــن يــآيه !!!!
ميثا وهي ميته من الخوف : ككـ .. كنت فــ ... ــفي
خليفه صـآرخ : مـــآيهمني وين كنتــي .. !! شـو طلعــج من الشقه .. انا قلتلـــج مـآتطلعيـــن !! ممكن تقوليلــــي ليش طلعتــــي ؟؟

ميثا تحاول تهد أيــد خليفه : انتـــــه مآيخصك فيني .. مش على كيفك .. يـآيبني هنـي عشـآن تيلسني في الشقه " وهي ادمع " و عشآن تحبسني .. و انته تطلع كل يوم معا بنيــه مره منـآل و مره ماعرف منـو .. " بدت تصـآرخ " يآخي خلني ع كيفي انته مآلك أي حق تيلس تتحكم فيني و تتأمر عليـه لا تتحرآني كل يوم بسكت لك عشآني خايفه منكـ .. انـآ

و فجـاءه سكتت يوم حست انه خدهـآ تكهرب من الكف الي يآها من خليفه .. و خليفه كأنه عيبته السآلفه كآن بيعفد على ميثا يكفخها يطلع كل حرته غيضه على ميثــا

بس ميثا مآستسلمت لخليفه يلست تشمخ ويهـه بظفـورها و تسبه بس مـاكان ينفهـم و تصيح وتشـاهق بس طبعا خليفه اقـوي منها بـوآيد اخر شى حست ميثـا بالتـعب .. خليفه يوم حس ميــثا بتموت على أيـده هدها و فرها عالكرسي ورآح صوب الغرفـه

ميثا وهي ميـته من التعب و كآنت تتألم من ضربآت خليفه يلست تصيـح بصمــــت لين ماغلبهــا النوم .. و نـــآمت ..

في اليوم الثانــــــي ..

قـآمت ميثــآ.. حست بتعب فضيـع شـآفت لبسهـآ بعدها من امس مآغيرتها وماعقت عبآتها .. طاحت عينها عالأكياس لقتهم عالأرض .. تنهـــدت تنهيـدة عـذآب ..قـآمت مكانها و هي حـآسه بتعب .. شافت الساعه لقتها 10 .. قالت في خاطرها مابقى شى الساعه 11 بنطلع من هالمكـآن و من دبي بكبرهـآ .. و برد بيت ابويه .. و بينتهي كل شى بيني و بينكـ يا خليفه .. !!

رآحت صوب الغرفه دخلتها لقت خليفه رآآآآقـد طلعت ثيآب و رآحت صوب الحمام .. تغسلت و تلبست .. راحت مره ثانيه الغرفه عشان تقوم خليفه يجهز عشان يطلعون من الفنـدق ..

ميثا تهز خليفه : خليفــــه .. خليفــــه قومـ .. يــالله بتصيـرالسـآعه 11 مـآفي وقت ليـن مـآتلبس وتلم اغـرآضكـ ..

خليفه : ......
ميثا تهزه قوي : خليفـــــــــه قوم خلصنــــــي
خليفه : هـــــآ .. شو تبين من صبـآح الله تزآعقين ..
ميثا من غير نفس : من متى ازقرك و انته مـآتسمعني .. يالله قوم هب رقآد كل هـآ ..
خليفه وهو يـتأفف قـآم ورآح شل ثيـآبه و رآح صـوب الحمـآم ..

اما ميـثا يلست ترتب اغرآضها .. طلع من الحمام وهو يـآي صوب ميثا و يقول

خليفه : يعنـي اونـج ترتبيـن اغرآضج .. مـآفيج خيــر ترتبيـن و تحطيـن اغرآضـي في الشنطـه ؟
مــيثا انصدمت وتقول في خاطرها من يومين كافخني عشان رتبت اغرآضك ..
وقالتله بطنآزه : لا فيــهـ خير .. بس مـآفيه ارتب اغرآضك و احصلي كمن كف ..
خليفه : ههههه انزيـــــن رتبيهم مابعطيــج كـف لا تخافيـن ..
ميثا وهي اطالعه بأحتقار : عنــدك أيــد ولا مـآتعرف تستخدمهـآ الا يـوم تمـدها عليــه ..

و طلعت من الغرفه وهي شـآيله شنطتها .. اما خليفه يلس يرتب اغرآضه وهو يتحرطم علي ميثا ..

اما ميثـا يالسه تتريـآه في الصـآله و تقول في خـآطرهـآ (( والله انكـ مزآجي امـس كفختني لين مـآشبعت و معصب عليـه و اليوم قمت من الصبح تنكت و تسولف ويـآيهـ .. اكتشفـت انكـ مزآجي و عالدقهـ تعصب ))

قطع تفكيرهـآ صوت خليفه وهو ماسك شنطته و بأيده الثانيه ماسك زقارته و يالس يدوخ

خليفه : يــالله قومي ورآنا درب
ميثا و هي تتأفف : خليفه عنبـو من صبآح الله ادوخ زقآره مب زيــن
خليفه وهو يمشي صوب الباب : ههه ليـش تخـآفين عليـه عن امـرض ولا يصيـر فيني شـى
ميثا قالت بسرعه : ابـداً مـآخـآف عليكـ .. ماتهمنــــــــي اصلاً

ركبو الثنين السياره و طول الطريق ولا حد فيهم تكلم

ميثا من شآفت انهم وصلو بوظبي : آآهـ فديـــت بوظبي و اهلهـآ تولهت عليهـآ والله .. " و سكتت عقب فتره قصيره كملت " اقول خليفـه وصلني بيـت ابويـه ابا اسلم علـى امـآيه و اخوآنـي ..

خليفه : .....
ميثا : خليفــه اكلمك انــآ ليش مسولـي طـآف !!
خليفه و هو يتأفف : شـــو تبيـــــن !!
ميثا تقول في خاطرها" من شـوي كنت تضحك وتسولف " : وصلنــــي بيت ابـويه
خليفه : مـــش لآزم تـروحيـــن اليـــومـ .. ههه ادريبـج تبيـن تروحيـن بيـت ابوج و تندسيـن هنـآك و مـآترديـن عشـآن تطلقيـن
ميثا : خليـفه شـو انـدس مـآحيـدني خـدآمهـ شـآرده عشـآن اندس !! ابـأ اسلم علـى امـآيهـ متولهـا عليهـآ
خليفه : هههههه اونـهـ خدآمه شـآرده تعرفيـن تنكتيـن ميثـوهـ .. قلتلج مش لازم اليـوم .. روحيلهم في يوم ثـآني
ميثا : اووففف العيشـه ويـآك مـآتنطـــآق !!!

وصلو خليفه و ميثا بيت خليفه .. دخلو البيت مـآسمعو حس ولا حد

ميثا : شو وينهم .. انته مـآقلتلهم ان بنـي اليوم ؟
خليفه طنشهـآ : امـــــآيه .. هنـــدووه ..

اخته هند و هي طالعه من المطبخ يـآيهـ تسلم على خليفه و على ميثا : مــرحبـآ .. الحمـدالله عالسـلآمه ..

ميثا+خليفه : مرحبتيــن.. الله يسلمج ..
هند : شحـآلج ميثـآ ؟
ميثا من غير نفس : ابخيـــــر ..
هند نزلت رآسهـآ
خليفه : ويـن امـآيه ؟
هند : في المطبخ يـآلسه تسوي الغدا ..

خليفه رآح عند امه .. اما ميثا حست انه هـند مايخصها تعاملها جي عشآنها اخت خليفه

ميثا : هممــ .. انتي في أي صف هند ؟
هند : رآيحه ثـآني ثنـوي ادبـي ..
ميثا : اهــآ يعنـي نفس مريوم ..
هند : هيــهـ .. هممــ تعـآلي بوديج عند امـآيه تسلمين عليهـآ

رآحو المطبخ عند ام خليفه و خليفه

ميثا وهي تسلم على ام خليفه : مرحبــآ .. شحـآلج خـآلوهـ ؟
ام خليفه وهي تشوفه من فوق لين تحت : الحمدالله بخيـــر ..
خليفه : هنــد روحـي ويـآ ميثـو وديها الغرفه .. انا رآيـح الحيـن ..
ام خليفه : بتـــي تتغدآ ويـآنا ؟
خليفه : لا بتغـدا عند ربعــي .. مع السلامه " و طلع عنهم "
" ميثا في خاطرهآ : عند ربعك ولا عند منـآل "
هند : تعـآلي ميثا برويج غرفتكم
ميثا : اوكـي يـالله
وقبل مايطلعون ام خليفه قالتلهم : ميثـوه و هند .. يـوم بتخلصن تعالو تحت حطو الغدا في الصاله ..

رآحو ميثا و هند فوق غرفت خليفه .. دخلو الغرفه و يلسو يرتبون الأغراض .. نزلو تحت عالساعه 2 حطو الغدا و تغدو .. ميثا ارتاحت لهند حست انهـآ مسكينه ..

ميثا و هند يـآلسات في الصاله و ام خليفه رآحت غرفتها ..

ميثا كانت ادق حق امهـآ ..

ميثا : الــــــو امــــــآيه !! تـولهت عليــــــــج
ام مايد : ويييـــهـ ميثـــآني .. حبيبتـــي شحـــآلج ؟ وينج يـالقآطعه ماتسأليــن ؟
ميثا : انا بخيـــر .. شحـآلج انتــي .. و شحـآل مايد و محمــد ؟
ام مايد : كلهم بخيــر ويسلمون عليج .. هــآ ميثـآ رديتي بوظبي ؟
ميثا : الله يسلمهم .. هيــه فديتــج رديــت اليـوم ..
ام مايد : الحمدالله علـى السلامه .. افا ترديــن بدون مـآتقوليلــي .. ليش مـآيتي
ميثا : هممــ .. ان شـآء الله بيكمـ بعـد صـلآت المغرب ..
ام مايد : عيل بخليـج الحين اتـريآج المغرب .. و بزقر قوم ام منصور .. يالله مع السلامه
ميثا : اوكي .. مع السلاآآمـهـ ..

ميثا : هممــ .. هنـد انا بروح بيت ابـوييهـ المغرب .. بتيـن ويـآيهـ ؟
هند : لا فشـــلهـ شو يخصنـي ارز ويهـي هنـآك !
ميثا : هههه لا عــآدي تعـآلي ..
هند : هممــ .. لا اسمحيلـي مـآقدر مـره ثـآنيهـ ان شـآء الله .. ورآيهـ انظف البيـت .. واسوي عشـآ
ميثا كسرت خآطرها هند : انـزيـــن ليش مـآتيبـون خدآمهـ ؟

ام خليفه وهي تدخل الصـآله .. سمعت اخر جمله ميثا قالتها ..

ام خليفه : وييـــه ليش خـدآمه ان شـآءالله .. انتـي و هنـد تســدن ..
ميثا انصدمت : نعـــم ! شـو نسـد خـآلو .. !
ام خليفه : روحـي زيـن .. مـآعندي دلـع مـآبا اشتغـل و مـآبا اطبخ .. هالدلع ودريـــه .. !!
ميثا انصدمت اكثر من الكلام الي قالته ام خليفه : لا والله .. اسفـــه .. انا يـآيه هنـي حرمـة ولـدج هب خـدآمهـ عندج !! " ورآحت غرفتهـآ "

ام خليفه : لا و تـرآدد بعــد .. ملسونــه هالبنيـه و مستقـويه .. بس هب عليـّـه .. والله لأخليهـآ تكرف في هالبيـت ..

في الغرفه عند ميثا ~

ميثا كـآنت تكلم خليفه عالتلفـون : خليفــه المغرب بـروح بيت ابـويه !! .. تعـآل ودنـــي
خليفه : مـآبقى شى عالمغرب .. اوفففف ميثـوه شـو انـا دريـول عنـدج تبيني اوصلج .. مــآفيه .. خلي أي حـد يـوصلج ..
ميثا : خليفه .. عيب عليـــك يعنــي لازم تروح ويـآيه تسلم عليهمـ .. على الأقل أيـلس سـآعـه او بالكثـير ساعه ونــص ..
خليفه : اييــه اييــه هب انتـي تعلميـني السنـع .. انجلعـي بروحج هنـآك .. و انـا الفليل بمر عليــج .. يــالله يــالله بـآي
" وسكر في ويههـآ "

ميثـآ تقـول في خـآطرهـآ " عافــآن الله شـو هالعـآيله الـي ابتلـشت فيهــآ .. كلهـ مني صدقت كـلآم خليفه .. آآهـ الحين شـو بيفيــد الكلآم والنـدم "

قـآمت ميثا تتسبـح .. و بدلة لبسهـآ و كشخــت .. و عالسـآعه 6 ونــص .. دقت ميثا حق اخـوها مايد

ميثا : ألــــو ميـود
مايد : يـالسخيفــــه تردين بوظبي و مـآتقوليلــي .. يـآ ماما على الأقل مسج اطمنينــآ عليج
ميثا : ههههههه .. شحــآلك انزيـــــــن ؟
مايد : بخيــر الحمدالله .. يـالله متى بتيـــن الكل يـآلس يتريـآج
ميثا : هههههههههه اول مره احس اني بنتكم صدق والكل يتريـآني .. يـآخي حسستنـي كأنـي شخصيــه مهمــه !
مايد : ههههههههههههههههههههه بدت بدت تصــدق عمــرهـآ .. يــالله تعـآلي بسرعه حتى عمتيــه و بنـآتها هنـي و رآشد بعد
ميثا سكتت كـآنت بتسأل عن منصـور : اهـآ .. هممــ .. اوكي ممكن تـيّ هنــي وتـآخذني ؟
مايد : ليـــش وينــه خليفه ؟
ميثا " شو اقوللهم خليفه مايبا ايي ويـآيه " : خليفــــه عنده مشوآر صغير .. و بيّ هنـآك الفليل ..
مايد : آهــــــآآآ .. اوكي خمس دقايـق و بكون عندج ..
ميثا : اوكي اتريـآك .. ببــآي

ميثا لبست عبـآتها .. نزلت تحت شافت ام خليفـه يالسه تشوف تلفزيـون و هند كانت في غرفتها

ام خليفه وهي تحيس ثمها وكـأنه مش عـآيبنها شى : علــــى ويـــن الشيخـه ميثـآ ؟؟
ميثا و تقول في خاطرها " هآي الي نآقصتني بعد " : بروح بيــت ابـويه ؟ .. فيهـآ شـى بعد ؟
ام خليفه : لآ مـــآفيهـآ .. روحي فكينــآ من شرج ..
ميثا فتحت عيـونها عالأخر و تقول في خاطرهـآ " لا و شري بعد مـآشآفت عمرهـآ "

ام خليفه : شوي شـوي عن اطيـح عيونــــج
ميثا وهي تسمع هرن السياره : تـأمرين على شى .. مـآيد اخـويه وصل بـروح الحيـن
ام خليفه : لا مـآشي روحي .. حشرتيني مـآخليتينـي اشوف المسلسل فـآتتنـي كمن لقطه الحيـن

ميثا و هي تمشي رآيحه السياره تقول في خاطرها : صدق انهـآ عيوز مخرفــــــه .. اونها انا الحين حاشرتنها ماشافت عمرهـآ

ركبت السيـــآره ~

مايد : هــــلآ والله بـــالعـروس ..
ميثا : ههههه اهليــن .. شو انته بعدك على العروس ..
مايد : هاللقب بيتم معاج ليـن ما وحده من الأهل تعرس ..
ميثا اكتفت بالأبتسـآمه ولفت صوب الثـآني تقول في خـآطرها .. " امحــــق عروس والله "
بعد فتره .. مـآيد : يـــالله انزلي وصلنـــآ ..
ميثا : مســـرع ..
مايد : ههههه شـو مسرع .. مـآدري ويـن رآح بـآلج اشوفج سرحتي اكيد عنـد خليفـــه عنبو مسرع مـآولهتي عليـه
ميثا من سمعت اخر جمله سكتت .. تنهدت وقالت في خاطرهـآ " مـآتعرف شى يامايد تتحرآني مستـآنسه معاه او احبــه .. آآه احبــه ؟ .. قبل قبـــل كنت احـــبه بس كـآن كله خرآبيط و بـآن المكشوف .. "
مايد : اوههووو ردت سرحت .. هههه مـآدري شو مسوي فيج هالخليفه .. امشي بس امشي ..

دخلو الأثنين البيـــت .. كـآن الكل موجود معـآدا منصور .. و ابو منصور .. ~

ام مايد وهي تروح صوب ميثا : فديتــــج يا ميثـآني متوله عليــج وآيــد .. شحـآلج يمــه ؟
ميثا : هههه حتى انا متوله عليــج وآآآيــــــــد .. الحمدالله انا تمــآم ..

و سلمت عالكــل .. طبعا الكل استلمها بـالأسألهـ ؟

ام منصور : هــآ يـآ ميثـآني .. شو استـآنستي ويـآ ريلـج في دبي .. ؟
ام مايد : وييــه ام منصور شفيــج هـآ سؤال تسألينه البنيـه تحرجينهــآ تـرآج ..
ميثا " شو اقولج يـآخالو..امحق ونـآسه اصبح على ضربه و امسي على كف " : هههه لا عـآدي امـآيه .. هيــه خالو استـآنست وآيـد..الحمدالله خليفه مومقصر معـآيه .. " و هي مـآتعرف ليش يـآلسه اتجذب !! "
الكل : الله يديــمـ السعـآدهـ ..

مايد : اوفف خـآلو شفيـــه ولدج مسكر تلفونه .. مخلنــي هني يـالس ويـآ الحريم !! وينـــه ؟
ام منصور : ويييــه وآعليه على ولدي ويـن رآح .. روح دوره ليكون صـآير فيـه شـى و انا مـآدري !!
راشد : لا امـآيه عنبو على طول فـآولتي على الريـآل .. منصور قاللي رآيح عزبتنا مع ربيعـه مـآذكر شو اسمه .. اظن سيـف !
مايد : الخـــآين رآح مع سيفووه العزبه ولا قــآلي .. مآعليه مسود الويـه انا ارآويه ..
مريوم : هي هي هي انتــه شفيك على اخويــه .. كيفــه مل من شيفتك ..
مايد : هههههه جب انزين من زينـج انتــي و اخوج .. انــآ بروح المول اكيــد بـلآقي ربعي هنـآك يـآلسين
ام مايد : مــآعندهم شغله ربعك اربـع و عشرين سـآعه فـي المول .. روح يـآيمه .. بس ها لاتدعـس شوي شوي
مايد : ههههه قلتيهـــآ فديتج مـآعندهم شغله .. امــآيه يــآهل انا جي ترمسينــي .. يالله مع الســلآآمه " وطلع عنهم "
ميثا : اتولهت على غرفتـــيه .. سلامي و مريوم تعالو فوق .. تولهت على سـوآلفكم .. مافيه اسمع سوآلف العيـآيز ..
ام منصور : سود الله ويهج مـآتغيرتي بعده لسـآنج طويل.. شو عيــآيز .. لا حبيبتي هـآي امج .. انا بعدني شبــآب ..
ام مايد : هههههههههههه ام منصور شفيج عصبتي .. خـلآص ارضي بـالأمر الوآقع .. شفيهم العيـآيز يـآحلآتهم والله ..

رآحن البنـآت فوق .. غرفة ميثا .. ~

ميثا وهي تنسدح عالشبريه : يــآآآه تولهت على شبريتــي .. و عالغرفه ..
مريوم : الا من كمن يـوم فارجتيــهـآ ..
ميثا : ادري .. بس شـــو اسـوي عــآد ..
سلامي و هي ترمس بـالألغـآز : ميثـآ .. هممــ .. بعدج على نفس الحــآل ويــآآ ؟!
ميثا : افف اسكتي لاتذكريني .. هيــه بعدني .. الله يعيــــــن بس
مريوم : شو ســآلفتكن ؟؟
سلامي : مــآشى .. لازم ترزيـن ويهــج ..
ميثا : هــآ مريوم شـو معنـويـآتج بتخـلص الأجـآزه بعد اسبوع مادري اكثر .. جــآهزه حق المدرسه و الدرآسه ؟
مريوم وهي تنـآفخ : هيـه عـآدي شـو فيهـآ ..
ميثا : غريبـــــه مريوم عـآدي الوضع عندهـا الأجـآزه بتخلص و تبداء الدرآسه ..
مريوم : هيــــهـ عــآدي تــرآ مــآفي شى يتم على حــآله .. مثل مـآعرستي و خليتــي اخـويه منصور الي يحبـج و متمسك فيج .. خليتــه لا ليله ليــل .. ولا نهــآره نهـآر .. الحيـن شـوفي كيف حـآلته .. كـأنه مش عـآيش في هالدنيــآ .. حزيـــــن على هالحب .. الي مـآحصل شى ورآه غيــر عوآر قلب و رآس .. وانتــي مستـآنسه ..الا بطيــرين من الونـآسه و انتي ترمسين عن خليفه و عن حالج ويـآهـ .. و هــو ...

ميثــآ وهي حاطه ايدينها على اذونهــآ وتصـآرخ : بـــــــس بـــس حــرآم عليــــج يـآ مريوم .. قلتي هالكـلآم و كـأنهم قنـآبل .. انتــي مـآتعرفين شـى " وبدت تصيح " والله مـآتعرفين شـى .. تتحــريني انا مستــآنسه ؟؟؟!! .. لا حبيبتـــي انا مش مستـآنسه !! .. يمكـن العذآب الي انا يـآلسه اعيشه اكبر من العذآب الي منصور عـآشــآه !! .. انا شو ذنبـي حبيت خليفه .. بس كـآن يقص عليـــه .. والله يـآمريوم لو اقولج كيف انا عــآيشه .. بتحسيــن فينــي .. آآه انا زيــــن مني مستحملتنهم .. و بدت تصيــــــح اكثر ..

مريوم و هي منصدمه من مـيثا رآحت صوبهـآ ولوت عليهـآ و سلامي يـآلسه تهديهـآ

سلامي : بس حبيبتــي خلاص لاتصيحيــن ميثــآني .. مـآيسوى عليــج .. والله هالخليفه مـآآستـآهل تنزلين دموعج عشـآنه
مريوم : ميثـــآني .. انا اسفه .. والله مـآكان قصدي اقولج هالكلام .. بس كنت منقهره انا كنت اتحرآج مستـآنسه .. و من صوب الثـآني اشوف منصور يـآلس يتعذب .. قوليلي شو يسوي فيج خلـوف .. والله لأرويـــــه ..

ميثـــآ : ....... " تصيـــح "

و بعد فتـره قـالت : آآه يـآ مريوم شـو اقولج .. ( قـآلتلهـآ كيف كـآن يعـآملها في دبي و كيـف يضربهـآ .. قالتلهـآ عن سوآلف مع البنــآت .. و قالتلهــآ معـآملة ام خليفه )

مريوم حـآطه ايدهـآ على حلجهـآ : الـ**** .. وانتــــي ســآآآآآكته ليــــش !! .. ليش مـآتخبرين امج و مـآيد عليــه .. شو تتـريـــن طلبي الطـلآق منه .. كيف عـآيشه ويـآه ليـن الحيــن .. انا لو منج مـآيلس ويـآه ولا ثـانيه !!

ميثا : مــآدري ليش لين الحيـن سـآكته .. ترآ هو مـآيبـآ يطلقنــــي .. اونه الزوآج مو لعبه يتزوجني و عقب اسبوع اطلق !! ..
مريوم : يخســــــي !! مش ع كيفــه !!

سمعو صوت ام مـآيد تزقرهم : يــآ بنـــآت .. ميثـآني .. سلامــي و مريوم .. تعـــآلو تحت حطـو العشــآ !
سلامي تصـآرخ عشـآن ام مايد تسمعهـآ : ان شـــــآء الله عمــوه الحيــن بنـــــي ..
مريوم : يـالله ميثـآني .. قومي غسلي ويهـج ..عشـآن مايحسون انج كنتي تصيحيــن..
ميثا : مــآشتهـــي اكـل شى !
سلامي : قومي زيـــن .. عن الدلع .. بتشـوفيـــن الأكل بتشتهيــن .. يـالله بننزل تحت .. لا تتأخرين ..
قامت ميــثا صوب الحمآم غسلت ويههــآ .. عدلت مكيـآجهـآ الي اختـرب شوي .. و نزلت تحت لقتهم يتريـونهـآ في غرفة الطعـآم

تعشـــو كلهمـ .. و بعد العشـآ يلسو في الصـآله يسولفــون ..

خليفه اتصل على ميثا الساعه 9 ونص

خليفه : شو عيبتــج السـآلفه في بيـت امـج ؟؟
ميثا : هممــ .. متى بتي ؟
مريوم و هي تصاصر ميثا : قوليله ماتبين تردين له
ميثا : قومي مريوم
خليفه : اييييييـــه انا ارمسج !!
ميثا : اوكي تعـــآل الحيــن خذني
خليفه : هممـ مسـآفة الطريج و اكون عنـدج ..
ميثا : انزين بتنـزل تسلم على امايه .. تسأل عنك
خليفه : اوفف متفيجلها امج العيوز
ميثــا كـآنت بترد عليـه بـس سكر في ويههـآ ..

مريوم : هـآ هـآ شو قالج السخيـف
ميثا : شو بيقول يعنــي .. الحيـن بيّ
مريوم : مـآلت عليـه .. يعلـه يسـوي حـآدث و يمــــوت ..

محمد : رشــــــود تعـــآل بنطلــع برع .. الحيــن اولآد الفريــج كلهم برع يلعبـون كرهـ ..
ام مايد : لا لا مــآشى ظهـره الحيــن شوف السـآعه 9 ونص ..
محمد : امــآيه عــآد بيفـــوتني اللعــب اليـوم .. بنطلــع نص سـآعه و بنرجع
ام منصور : يـآ حرمه شفيج عالأولاد خليهـم يطلعون يلعبون مع ربعهم ..
محمد : يـــالله رشـــود تعــآل بـرع والله اسميـــك بتستــآنس عاللعب .. " وطلعو برع البيــت "
ام مايد : هـآ ميثا وينــه ريلج ..
ميثا : الحيــن يـآي

اتصل خليفه على ميثا

خليفه : يالله طلعي انا بــرع ..
ميثا تقصر صوتهـآ : خليفه عيييييب عليك امـآيه تبـآ تسلم عليك .. انزل خمس دقـآيق بس ..
خليفه : اوفففف .. يــالله يــآي ..

ميثا رآحت صوب البـآب : خليفــه بـرع .. بنـآت لبسن شيلكن ..

مريوم قـآمت رآيحه صوب الـدري : انــآ بروح فــوق مــآطيق اشوف شيفتــه ..
سلامي لحقتهـآ : و انــآ بعـد " رآآحــن الصـآله الي فــوق "

ميثا : ادخل خليفه محــد غريــب ..

دخـل خليفه و سلم علـى ام منصور و ام مـآيد ..

ام مايد : هـآ خليفه .. ان شـآء الله مش معذبتنك ميثا ؟
خليفه : لا مـآشــآء الله عليهــآ ميثــــــآني مـآفي منهـآ .. الحمدالله مرتــآح معـآهـآ ..
خليفه : يــالله نحنـآ بنروح الحيــن .. قومــي ميثـآني ..
ميـثا قامت .. سلمت على امهــآ .. وطلعــو

ام منصور : عيــل حتى نحنــآ بنروح الحيــن ..
ام مايد : ويــــن يـآختي تـو النـآس !
ام منصور : ههههه شو تـو النـآس .. و بعـديــن بو منصور يـآلس في البيت بـروحه ..مافيه على حشرته بتصير 10 ونص ونحنـآ محد ..
ام مايد : هيــهـ انزيـن عيـل .. سلميـــلي علـى بو منصور ..
ام منصور : يــبلغ .. وييــه البنـآت فــوق .. " صـآرخت عشـآن يسمعونهـآ " : مــرييوووم .. ســلآآآآمي انزلن تحت بنروح الحيـن

نزلـــن تحــت و روحو البيـــت .. ام مـآيد رآحت غرفتهـآ تريــح ..

مـــرت الأيــــآم .. بعــد اسبــوعيـن ~

في بيـــت بو منصور .. في الصـــآله ..

ام منصور : يـآ بو منصور .. شوف لك حــل مع منصــور .. كل مـا اريــد افتح لهـ سـآلفة العـرس يشـرد .. الـولد كبـر و صـآر مـآشــآء الله عليــه دكتـــور .. مـو نـآقصله شـى غيـر انهـ يعـرس .. و اشــوف عيــآله !!
بو منصور : ويـــــنه منصـــور ؟
منصور : فـــــوق .. يالــس يلبس مـآدري وين بيـروح ..
بو منصور : مــآعليه الحيـن بينزل .. بنكلمه .. الا مـآقلتيلي حـآطه عينج عـ وحـده تبيــن تخطبيله أيـآها ؟
ام منصور : هيـــه هيــه ..حــآطه عيني عـ شيخــة البنــآت .. دلع و جمـآل و رزآنه .. بنت اختيـــه .. شرآيك فيهـآ ؟
بو منصور : همممـ .. هيــه مـآشــآء الله عليــهـآ مـآعليها رمسه .. شورج و هدآية الله .. بقوله بنخطبله بنت اختج اكيـد مابيعـآرض ..
ام منصور : هيـه صح انا امس يوم كنت عندهم .. لمحــت حق اختيه .. انه نبـآ بنتهـآ حق منصور ..

بعـد كمن دقيقــه .. دخل عليهــم منصـور

منصور و هـو يحب رآس امه و ابـوه

ام منصور : تحب الكعبــه ان شــآء الله ..
بو منصور : هــآ ويـن رآيـــح الحيــن اشـوفك لابس ؟
منصور : بنتكم مــريوم تخلي الوآحد في حـآله .. اونه المدآرس بتفتح بعـد 3 أيـآم .. وهي تبـآ تشتـري اغـرآض حق المدرسه
بو منصور : خلهــآ عنك الحيــن .. تعــآل انـآ و امك نبـآك في سـآلفه ..
منصور : خيـــر ابـوي ؟ .. في شـى ..
بو منصور : لا فديتــكـ .. مـآشــآء الله عليـــك .. صرت ريـآل والنعم فيــك .. جمـآل و هيبــه لا ودكتـور يعنـي مـو نـآقصتك شـى
منصور : الحمـــدالله مو نـآقصني شــى ..
ام منصور : لا لا نــآقصنك شــى وآحــد .. نـآقصتنك حرمـــه .. تهتم فيك و ادآريــك ..و تترسلك البيــت يـآهــآل
منصور وقف متنرفز : امــــآيه !!.. انا مـــآفكر في العـرس ..
بو منصور : ايلــــس يـآ منصور !! .. شو مـآتفكر في العرس .. شوف عمرك لا تتحرآ عمرك صغير كبر رآشد .. انته ريــآل الحيــن ..
ام منصور : انا مــآعليه منك .. بخطبلــــك شيخــة البنــآت .. انت لو تعرف منو هــي مـآبتقول لا ..
منصور وهو يتأأفف : منـــــو ان شــآء الله !!
ام منصـــور : روضـــــه بنت خـآلتك ..

ستـــــــ stop ـــــــــب

توقعاتكم...

و شو رايكم بالبارت ؟