منتدى استراحات زايد - ~ ][ سؤالين لأخي وأختي الأعضاء .. تفضلوا .. !! ][~

منتدى استراحات زايد (http://vb.ma7room.com/index.php)

- الحوار والنقاش - الرأي والرأي الآخر (http://vb.ma7room.com/forumdisplay.php?f=7)

اقتباس:

المشاركة الأصلية كتبت بواسطة دبــ rooo7 ــي (المشاركة 986265)

انا نفس اختيييه سلامة

امي هيي اللي تختارلي ثيابي ....يمكن لان من يوم انا صغيره هي كانت تشتريلي

وانا اتعودة على هذا شي لين ماكبرت ...فصعب عليه اني اخنار بروحي بدونها او البس ثياب

انا بروحي اخترتها....

وواجهتني هاي الشكلة يوم كنا بنسافر كنت اترياها اتي اطلع الثياب اللي بشلها حق السفر يكون من اختيارها مب من اختياري

واحس ان لو الاهل هم اللي يختارون الثياب حق عيالهم هذا شي عادي...

لان الاهل اكيد بيختارون شي حلو ومناسب والافضل حق عيالهم..

وانا اعرف اختار حق غيري بس ماعرف اختار حق نفسي...

حتى اخوي يوم يظهر ويا ربعه ايي عندي يقولي اختارله

ومشكوره عالطرح الرائع

الله يسلمج ختيه رووج دبي .. مشكووورة على رايج الطيب .. والحمد الله إن العلاقة طيبة بين الأهل والعيال ..

تسلمييين خيتي ولا تحرمينا من تواجدج في مواضيعي:13:

اقتباس:

المشاركة الأصلية كتبت بواسطة |-الــســنــافــي-| (المشاركة 986967)

انا معاج يا خيه اللوم يطيح عالاهل بعد وبشكل كبير بعد
(كلن راعي وكلن مسؤول عن رعيته) بس مثل ما قلتي البعض منهن من يظهرن من البيت و يختلن فصخن اللثام ولا العباة ولا .... اي شي
يعني في موقف يخبروني عنه الشباب يقولن ذاك اليوم في مطار دبي سايرين ألمانيا شافو 3 حريم ام وبنتين دخلو الحمام عزج الله وكرمج ويوم ظهرن شافوهم بليا عبي ولا شيل ببناطيل و تيشرتات .... والي يفجر المخ انه لو البنات رواحهن بنقول ماشي رقيب ولا عتيد لكن امهم فياهم لكن ان لم تستحي فافعل ما تشاء
السنافي

حياا الله أخوويه السناافي منور والله ...

صح منطووقك ... اللوم الأول والأخير على الأهل وأولياء الأمر .. لكن ماذا نقووول .. الدنيا اتغيرت والأفكار تغيرت .. >>> أصبحت .. ( open minded ) أكثر بكثير من المطلوووب ..

الله يعيين .. يا أخوويه نعم بالفعل سمعت بموضووع الفتيات اللي يوم يسافرن يتغير الوك ماهن بشكل غير طبيعي ..

الله المستعااان .. الله يستر علينا بس ...

( إن لم تستحي فافعل ما شئت ) <<<< جملة في غاية الرووعه والصدق .. !!!

تسلم أخووويه على مرووورك الطيب .. وزورنا دائما ً ..

هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟

لا ما يضايجني .. على العكس انا احسه نوع من الاهتمام مب عدم الاستقلالية والصراحة انا واااايد احب اسمع رأي أهلي في لبسي

ومشكوره على الموضوع والطرح ..

هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟

☠ عليكمــ السـلامــ والرحمهــ ☠

☠ انا عني ... فهالشي وفكل شي ☠ خواتي وامي هم الي يتحكمون فيني بكل شي ☠ وعن اللبس اختي هي الي تسير وتتشرى حقنا طبعا انا واختي ☠ ع قولتها نحن بعدنا صغار ... وعمرنا 20 كيف جي ☠ بس ها الصراحه وايد وايد بالنسبه لي مب شي ☠ لاني الحين ماعرف ابد اتصرف بمواقف او شي ☠ وماحب حتى الزحمه اذكر مره كنت سايره المول ويا خواتي وكان وايد زحمه زين ما اغمى علي ☠ بس زين اني تلاحقت عمري وقلت حقهم يلا بنطلع ☠وعادي اذا ضعت عنهم عادي اوقف فماكني واصيح << مب جني طلعت من الموضوع ☠ المهم والاهم انه انا ما اختار لبسي ابد ☠ كله ع ذوق خواتي وهم الي يسيرون ويتشرون حقي ☠ ويسلمووووووو ☠

☠ والسموحه ☠

امم

ولا مب جي

عااادي انا عنديه

لاني ما البس شي مخاالف

كندوورة بو تلي و عبااه مسكره

و رووحي و القلب داعيلج يا مقلووعة

تسلمين ختي

لا هنتي