البارت الخامس / الفصل الثاني

فـ اليوم الثاني الساعه 6 ونص
نشت ساره من الرقاد واتلبست (لبس المدرسه) واتكشخت واتعطرت .. ونزلت تحت عسب اتسير تتريق دخلت حجره الاكل شافت راشد + سيف + ابوها (محمد) يالسين ياكلون
ساره : صباااح الخير
الكل : صباح النور
ساره : ها ليش ماتريتوني ؟
سيف : لين مانتريا حظرتج بنموت من اليوع
ساره : هههه .. فديتني والله
راشد : سيفوو انت شكلك ياي من مجاعة افريقيا
سيف : هااهااهااي ظحكتني
راشد : احلف انت بس
سيف : والله
محمد : اقربي اقربي بنتي بلاج واقفه ؟
ساره : اتطالع المخبل
راشد : لا والله اشوفكم اليوم واايد مطولين لسانكم تراني ساكت عنكم
ساره : السموحه يالشيخ راشد
محمد وهو يرمس سيف : الا تعال الساعه كم طيارة سلطان ؟
ساره من سمعت طياره سلطان انصدمت : ليش سلطان مسافر ؟
راشد : هيه ساير اييب يدوه موزه وعموو شيخه
ساره : والله ؟
راشد : هيه
ساره : الله وناااااسه
محمد : سيفو اشعنه ماسرت ويااه ؟
سيف : يا بووويه ماتدري اني بزنس مان
راشد : ماااالت
ساره : هههههههه .. بويه بصراحه اليوم مالي نفس اداوم
سيف : وليش انشالله ؟
ساره : مادري بس جي
سيف : يلايلا ظهري اكييد عبدالكريم يترياج الحين
ساره : هههه .. يالله عيل فمان الله
الكل : فمان الكريم
ردت وصعدت فوق جان اتبطل مبايلها عسب اطرش مسج حق سلطان وجان اتشوف مسجين من سلطان بطلتهم
المسج الـ 1
(هلي ان جارت الدنيا عليا
اوصيكم على روحي وصيه
انا مسافر وخلوا قليبي عندكم
غصب عني ترى لا مو بيديا
عذروني اذا سالت دمعتي
وذكروني اذا طالت غربتي)


والمسج الـ 2


(سارونه انا مسافر اليوم الساعه 9 ونص
ماتامرين على شي ؟!)

ساره لااراديا نزلت دموعها وتمت اتصييح وطرشت له

( هيه توه ابويه كان يقول
عالعموم دير بالك على روحك
وتروح وترد بالسلامه
لا سلامتك )

رد وطرش لها

(انشالله .. وانتي بعد
انشالله .. والله اني بتوله عليج
الله يسلمج
تدرين فـ خاطريه اسمع صوتج قبل لا اسافر )

ردت عليه ساره

( سلطون تدري اني اتأخرت عـ السكول ؟!
هههه .. عيب )


رد عليها سلطان

( والله وغلاتي عندج الحين بسويلج فون ردي عليه
بليييز بس 5 دقايق عقب سيري )

عقب هالمسج ما اتريا ساره اترد عليه على طول سوالها
المتصل
حياتي ميروه


ردت ساره
سلطان بكل حب : هلا والله
ساره بنبره حزن : اهلين وسهلين
سلطان : شحالج ؟ .. عساج بخير ؟
ساره : الحمدالله ماشي الحال .. ومن صوبك ؟
سلطان : تمام دامني سمعت هالصوت الفنان
ساره : متى بترد ؟
سلطان : ليش ؟
ساره : مجدر سؤال
سلطان : اول قوليلي بعدج زعلانه عسب سالفه البارحه ؟
ساره : لا خلاص
سلطان : زيين زيين .. اممم .. شوفي نحن اي وقت بنحصل تذاكر بنرد .. عاد انتي ادعيلي ارد بسرعه .. انا روحي ماداني المانيا
ساره وهيه شوي وبتصيح : انشالله
سلطان : ساروه بلاج ؟
ساره : ماشي ماشي .. بس انا الحين بخليك بسير السكول ..
سلطان : اوكي فديتج .. تيك كير
ساره : اوكي .. يو2 .. تروح وترد بالسلامه
سلطان : انشالله
ساره : بااي
وسكرت الخط وتمت اتصييييييييييح .. بعدين حطت الفون عـ السايلنت وسارت شلت شنطتها ونزلت تحت وركبت السياره وسارت السكول

فـ السكول التقت ساره بالشله وكان ينبان على ساره انها متضايجه
مزون : ساروه بلاج ؟
ساره : ......
بثينه : ساروه حياتي قوليلي حد جرحج ؟
ساره : .....
جوري : ساااروه حبيبتي ردي علينا
جان اتيهم ميره وهيه بعد شوي متضايجه بس طبعا هب شرات ساروه
ميره : هلا
الكل : اهليين
مزون : ميروه بلاها ساره ؟
ميره : ليش :
بثينه : من يوم مايت مانطقت وعيونها محمره من خاطر جنها صايحه صيااح
ميره : اوييه فديتها .. خلاص انا برمسها انتو سيروا
جوري : ليش يعني هيه بس اربيعتج انتي ؟
ميره : دخييييلكم
مزون : اوكي .. ( سارت مزون وسحبت بثون وجوري وياها وحدروا الصف هم اصلا كانوا يالسين فالساحه )
ساره من شافت ميره حظنتها ويلست اتصييييح
ميره : ساروه انشالله سلطون بيرد بالسلامه .. بسج عااد
ساره : انزيين يمكن ايطول
ميره : عااادي بخلييج كل يوم اترمسينه
ساره : سخييفه .. ميروه والله احبه
ميره : هو بعد والله يحبج .. حتى اليوم كان بيصيح بس احس انه اميود عمره
ساره : فدييته والله
جان ميره تظربها : اييه اييه لاتتفدين اخويه
ساره : ههههه .. فديتج ياميروه محد يروم ينسيني الي انا فيه غيرج
ميره : لازم لأني اخت روميو
ساره : اوييه صدق اتحريته قيس
ميره : سخيييييييييفه
ساره : ميروه تدرين يوم رممست سلطان الصبح يلست اصييح
ميره وهيه مصدومه : سلطون لين الحين يرمسج
ساره : والله بس اليوم الصبح اونه عسب يودعني
ميره : ساروه اخر شي انتي الي بتتمشكلين
ساره : شو اسوي ؟
ميره : مادري والله

وجان يدق الجرس
ترررررررررررن

ساره : شو علينا ؟
ميره : اظني ان علينا احيا
ساره : الله ونااسه احب ابله شما .. يلا يلا انسيير
ميره : يلا بس لاتمين مضايجه خلج كوول
ساره : اووك
ميره : تدرين ان اليوم علينا المصخره ؟
ساره : حلفييي
ميره : والله
ساره : اي حصه ؟
ميره : الثانيه
ساره : خخخخ .. وناااسه .. يلا يلا انسير هذي ابله شما
وسارن حدرن الكلاس

فـ بيت حميد تحديدا عند سلطان كان يزهب اغراضه ..
سلطان : اففف واخيرا خلصت
جان يحدر عبيد
عبيد وهو شوي وبيصيح : عميي يعني انت خلاص بتسافر ؟
سلطان من شاف عبيد حظنه وعيونه امتزرت دموع وكان شوي وبيصيح : خلاص عبيد حبيبي انشالله بردلكم
عبيد : عمي لا تساافر انا احبك
سلطان :والله انا بعد احبك
عبيد مناحته بدت وتم يصييييييييييييييح
عقب حدرت عليهم ام احمد
ام احمد : ها سلطان جهزت كل شي
سلطان : هيه امييه بس باقي انا اتزهب
ام احمد : يلا عيل اتزهب عسب تلحق عـ الطياره
سلطان : انشالله
وظهرت ام احمد وشلت عبيد ويها الي هب طايع يسكت

سار سلطان واتسبح وعقب اتلبس ولبس برمودا سوده وتوب ابيض فيه رمسه بالأسود ولبس كاب اسود .. كان شكله عجيييب .. وتعطر وشل سامانه عسب يحطهم فـ السياره .. نزل عـ الساعه8ونص سلم على امه وابوه واخوه احمد وعبيد الي بغى يموت من كثر الصياح وسار ويا سيف الي بيوصله المطار ..

فـ العين تحديدا فـ بيت قوم العمه مريم
غابت فاطمه لأنها كانت تعبانه ومزجمه فمارامت اتداوم .. وميثا حاولت انها اتغيب بس امها ماطاعت وداومت غصبا عنها وخميس سار الجامعه من وقت .. ومايد سار الدوام

فـ دبي فـ بيت سالم ( بو عبدالله )

نشت ظبيه وهيه كلها نشاط وحيويه واتلبست واتعدلت وسارت المدرسه وشافت ربعها تموا يعلقون على البنات وظبيه قردنت لها بنتين اتخبلوا عليها وهيه عايشه دور الحبيبه العاشقه .. هع

وعبدالله سار دوامه وهو مستانس لأنه اليوم عازم راشد عـ الغدا وبيشوفه عقب غيااب طويل
وسعيد كان بيغيب بس امه ماخلته وخبرت عبدالله عسب يهزبه وداوم نص دوام عقب شرد ويا ربعه وساروا المول

فـ سكول قوم ساره كانت الساعه 9 بدايه الحصه الـ2
حدرت عليهم ابله الفيزيا اسمها رائده
كل البنات يحبون يطنزون عليها ويلعوزونها ومايودرونها فـ حالها
اول ماحدرت طبعا سلمت وهم ردوا عيلها السلام
وعقب بدوا بشغلهم كل وحده اتسولف وتظحك ويا ربيعاتها والابله تمت امحرجه عطتهم محاظره بنص الحصه ونص الباقي تمت تشرح وكل شوي اتنقع
ابله رائده : طبعا السفر ما اله قيمي يعني مابندخلو عـ الحسابي

( الصفر ماله قيمه يعني هب مابندخله عـ الآله الحاسبه )

مزون : ههههههههههه .. السفر مره وحده
الكل : هههههههههههههه
مها وهيه تطنز عالابله : ابله اذا دخلنا السيفر شو بيصير ؟
الابله : ما إله داعي .. وبعدين انتوا ماخذين فـ الرياضيات السنوات السابقه ان السفر ما إله قيمي
( ماله داعي .. وبعدين انتوا ماخذين فـ الرياضيات السنوات السابقه ان الصفر ماله قيمه )

مها : اهااا .. جي يعني
جان مزون اتشل شنطة ساره عسب اتلعوزها
الابله : نزلي الشنتايا يابنيت
(نزلي الشنطه يابنت)

ساره وقفت جان تظحك : ههههههههههههههههههههههه
الابله : يا بنيت يا ساره اوقعدي
( يا بنت اقعدي )
بثينه : هااهاااهاااهااا
الابله حرجت : خلااااص الكل عند عيني هون
( خلاص الكل ينتبه عندي هني )

مزون : ولل ولل ولل .. عند عينج مره وحده
مها : من زيين عينها
الكل : هههههههههههههه
الابله : مها اقلك اوقعدي في محلك احسنلك
( مها اقلج قعدي في مكانج احسنلج )

ساره : خخخخخخخخ .. حتى صيغة المؤنث حولتها للمذكر
الابله : ساره ومها .. بررررررررررررررع
ساره : احســــــن
وهم سايرين مزون قالت : ياحيييكم خذوني معاكم
ساره : هههههه .. خلج يوم بتعفنين تعالي
ميره : هاااهاااهاااا


الابله : ميره بسرعه برررع وراهم
ميره : افف فرجت .. يلا بااي يا شلتي العزيزه
وجاان يدق الجرس للحصه الثالثه وكان عليهم انجلش (مس ابتسام)
مادرستهم بس عطتهم امتحان بسيط عقب شرحتلهم جزئيه صغيره وعقب خلتهم يسيرون الكانتين ، عقب ماساروا الكانتين بـ 15 دقيقه دق الجرس قوم ساره ظهروا من الكانتين ويلسوا فـ نص الساحه وتموا يسولفون ويظحكون ويعلقون عـ البنات والابلوات .. يعني كانوا صدق ربشه .. بعدين يلسوا يغنون .. وجي .. عقب قبل لايدق جرس الرابعه بخمس دقايق يت وحده لـ ساره وعطتها ورقه وسارت يوم سارة بطلت الورقه انصدمت عاااد الشله الا اتعارف شو فـ الورقه جان تقرالهم اياها وكله كلام حب وغرام وعشق وهيام << عقولة ناس
خخخ .. عاد مزون تمت تطنز وحالتها حاله عقب انتبهت بثينه عـ الاسم اخر شي نوف .. وجوري قالت حق ساره قردنيها كمن اسبوع عقب ودريها واتفقوا عـ البنت وحليلها .. عقب دق جرس الـ 4 كان عليهم عربي ابله حنان والخامسه والسادسه كان عليهم رياضيات ابله منى
وطبعا فـ الفسحه الثانيه ساروا عند هذيك البنت الي عطت ساره الرساله وسلموا عليها ويلسوا يسولفون وياها وسألوها عن نوف عقب يوم اشرت على نوف ساره سارت عند نوف وتمت يالسه اتسولف وياها الين مادق الجرس .. والبنت كانت صدق صدق متخبله على ساره
عقب قوم ساره السابعه كانوا فاظين لأنه كان عليهم دين وابله الدين عاليه ردت البيت من وقت .. عاد البنات سووا عرس وتموا مستانسين واخيرا دق جرس وكل وحده اتوجهت لسيارتها ..
ميره ردت ويا ساروه البيت
ويوم سارة ردت البيت شافت سيف كان واايد متضايج لما رمسته قالها انه مشتاق لسلطان وتمت اتسولف وياه عقب سارت عند ميروه الي كانت تترياها فـ الحجرة كانوا يذاكرون ويا بعض ويسولفون ويا بعض ويتضاربون يعني كانت حالتهم حاله وكل ماسلطان يتصل بـ ميره ساره اتم تسمع الي سلطان يقوله وهيه مستاانسه وهو حليله مايدري ان ساره تسمعه ايتم يستهبل شوي ويتطنز وجيي
وتمت ميره راقده عند ساره 3 ايام ، بس ماصار شي يديد كل شي كان على حاله ، وعن سلطان حاول انه يحجز 3 تذاكر بس ماشي حجوزات هالايام وقال حق سيف انه ياخذله اجازه من الجامعه ..
عقب ما ميره رقدت فـ بيت عمها حنت على ام ساره عسب اتخلي ساره اتبات فـ بيتهم ( عوشه ) الين ماطاعت اتخلي ساره اتبات فـ بيتهم 5 ايام وساره وميره استانسوا من خاطر ..
يوم ساره سارت فـ بيت قوم عمها حميد كانت كله تتذكر سلطان وتذكر حركاته وكانت صدق مشتاقتله .. بس شو تسوي بعد هاي ظروفه .. تمت فـ اول يومين عادي يعني ماصارت احداث يديده ..
وفـ اليوم الثالث وكان فـ يوم الخميس ( بدايه الويك اند )
ميره : سااروه سااروه بقلج خبر عجييييب
ساره : قولي قولي
ميره : امييه رمست سلطان .. وشكله حصل حجز
ساره : حلفييي
ميره : والله
ساره : انزيين متى بيون ؟
ميره : اظني عقب باجر .. ها الي اذكره
ساره : الله ونااااسه
ميره : سارووه خاطري اسوي كيك تعالي سوي وياي
ساره : اوكيك .. شرايج انسوي مسابقه بيني وبينج والي بتربح واتسوي كيك فنان اي شي ينطلب منها لازم اتسوييه
ميره : اووووكي
وسارن وبدلن ولبسن لبس بيت ودخلن المطبخ وتمن يخبصن والي اتزيد فـ المقادير والي اتحط بدال الملح شكر والي ماتعرف اتشغل الفرن يعني كانت حالتهم حاله عـ اخر شي ميره حبت اتخيس ساره فـ زقرتها
ميره : ساااارونه
ساره حليلها على نياتها صدت صوب ميره ولا طرااااااخ على ويها .. الله يسلمكم ميره صبت الطحين على ويه ساره .. وساره بغت اتموت وميره تمت ناقعه عليها من الظحك .. عقب ساره غسلت ويها مؤقتا .. وحدرت عليهم ام احمد وحصه وتمن يظحكن على خبالهن عقب ماخلصوا الكيك ميره وساره قالوا بيسيرون ويتسبحون وعقب بيون ياكلون الكيك ويصوتون لأحلى كيك .. وحدرن ميره وساره الحجره وتمن يظاربن على الحمام منو الي بتتسبح الاول اخر شي ميره قالت حق ساره اتسير وتتسبح فـ حمام سلطان ترااه محد مسافر .. شلت ساره قشارها وحطت ثيابها فـ الحمام ونست تقفل باب الحجره بس طبعا قفلت باب الحمام وتمت تتسبح عقب اتلبست ولفت الفوده على شعرها جان تظهر من الحمام وسارت صوب الممر الي بين الحجره والحمام وتمت اتمشط شعرها ولا مره وحده مشطها ايطيح نزلت راسها عسب تاخذ المشط (( طبعا هيه شعرها كان واايد طويل وحلوو والكل كان حاسدها على شعرها الغاوي )) وهيه نازله عسب تاخذ المشط نزلت خصلات من شعرها الاسود على ويها الابيض وكان شكلها خبااااااال جان مره وحده تسمع صوت حد يفتح الباب ولا يوم رفعت راسها شافت واحد طويل وكان لابس بنطلون جنز وقميص احمر وراد شعره عـ ورا


كــــــــــــــــــــــــت

وـآآآآآآآآآآآآآآآآآآىي ونـآإسه ونـآإسه

دخيــل واالديك غرشووب كملهـآ <~ هع

القصـٍه عذاااااااااااااااااااااااااااااااااااااااااااااااب


ونترقب البـآرتات اليأيه

السلام عليكم

اشحالكم ؟ بقوللكم شي الصراحه القصه عجيبه من الخاطر

نتريا البارت نزلوا مادام اجازه فاضيين

ولكم مني اعذب تحياتي

اختكم .. نونو كيووت .. اتريا تراني

تسلمونـ عـ المرور الفنتكـ ...
وهذا منـ ذوقكنـ...
وانشاالله اليوم المساء راح انزل ...الباراااات ...
وسموحهـ