يا كيف الليل يمضي بس علي .. وانا حرات قلبي بي لهايب .
خبر حطم غرامي الاولي .. ودمر جو كنا به حبايب ..
زواج عاثرٍ اقشر أسي .. يا كيف اتأقلم بهذي الهبايب ..
عوشه ما رقدت الليل كانت تحسه طويييييل ومتعب نزلت دموعها و فكرت وتعبت من التفكير وفي هالوقت .. سيف كان يحلم بحب عوشه ... وبغرامها في أحلامه .. وكيف بتصير حرمته .. وشو نوع الهدايا لي بيهديها ايااها .. وكيف بيأثثون بيتهم واحلالالام ما خلصت
اصبحوا الصبح
وسيف كان ناش من الغبشه من الساعه 8 كان يالس في الصاله ويشرب حليب ويفكر كيف بييب السالفه حق خواته وامه وخوانه
شيخه ناشه وكانت ترمس في التيلفون ريالها .. : يالله عاد كنت ناشه روحي ههههههه
سيف سمع شيخه ترمس وهي يايه من فوق وابتسم .. كان يتخيل كيف بتكون عوشه ويايه بعد ما يكلمها على التيلفون ويقولها كل اللي في قلبه كل شي بالتفاصيل
شيخه نزلت اول ما شافت سيف ابتسمت ..
شيخه : اوكي اوكي توصل بالسلامه ان شاء الله فمان الله
شيخه : صباح الخير
سيف : صباح النور والسرور
شيخه : ما شاء لله شو هالوقضه العجيبه الغريبه
سيف مبتسم ويطالع تحت : بس جيه نشيت
شيخه توايق في ويه اخوها .. : لا لا انته مب طبيعي اليوم شكل الويه مورد يعله دوم جيه
سيف تلوم وابتسم : تسلمين
شيخه : الله يسلمك
سيف : ليش وين ساير غانم اسمعج تقوليله توصل بالسلامه
شيخه : ساير بوظبي
سيف : ما شاء الله حق شو مب كان ماخذ اجازه ؟
شيخه : طلبوه
سيف : هذا عيبهم اللي يشتغلون في بوظبي بس ان شاء الله ما يطلبونه في العرس بس ههههههه
شيخه : ههههههههه لا ان شاء الله
سيف يبا يقول لشيخه عن الموضوع : شيخه
شيخه : هلا
سيف متردد : ابا اقولج عن شي في خاطري
شيخه : آمر الغالي قول اللي في خاطرك
سيف : ااااااا ابا الكل يتيمع وبقول
شيخه مبتسمه : شووووو في خاطرك شو السالفه
سيف مبتسم وما يقدر ايود ابتسامته : ابا اخطب
شيخه استاااااااااانست : احلف
سيف : ههههههه اسكتي
شيخه : منو بتخطب ؟
سيف : بخطب وحده في بالي من زماان
شيخه سيييييييييده عرفت بس كانت تستهبل عليه : اعرفها ؟!!
سيف مرتبك : هيه
شيخه : عوشه
سيف : ههههههههه عليج نووووووووووووووووووووووور
شيخه نقزت على اخوها وباسته : مبروووووووووك الغالي مبروووك
سيف : ههههههههههههه بعده ما استوى شي وتباركين ؟
شيخه : انا اعرف انه البنت من الحين موافقه
سيف : شدراج
شيخه : بس جيه ادري وبعدين ليش ما توافق سيف انته الكل يتمناك والله وربي ما اجامل
سيف : تسلمين
شيخه : انزين بخبر امايه بقولها بجرج يبا يخطب
سيف : لحظه يا اميه هيدي علينا شويه
شيخه : شو بعد تتريا يا بويه اخطبها بتستوي الفرحتين 3 فرحات
سيف : عاد انتوا بتعرسون زف وانا بعرس بروحي جيه بتملك الفندق ههههههههه
شيخه : هيي عاد انته عرسك غييييير بيكون جيه مثل ألف ليله وليله
سيف مستانس ع الاخر ويتخيل كل اللي كانت تقوله اخته تم ساكت : يا شيخه ما تدرين من متى كنت افكر
شيخه : تستاهل التفكير كله هالبنت
سيف : بس بخبرج عنها شويه من يوم استوت سالفة عذاري وعوشه مطشتني حتى من اول يوم في الدواام .. محسستني اني واحد غريب محسستني اني مذنب واني ارتكبت ذنب كبير في حقها ..
شيخه : ماااااااا عليييييك تتدلع اذا خطبتها بتحس انك مهتم لها وبشل هالافكار من راسها
سيف : هزرج ؟
شيخه : هيه هييه خلها على الله انته بس
-----------------------------------------------------------------------------------
عوشه عقب ردقت لها ساعتيين نشت وسبحت ولبست وسحت شعرها على غير عادته رافعتنه فوق ورافعه بكلتها فوق بعد حطت لها كريم على ويها تحس انه جاف ومصفر ..
عوشه : من اليوم انا في حياه يديده .. اكيد اليوم بتزورنا ام محمد انا متأكده
طلعت عوشه وسارت صوب حجرت حمد وحميد وشافتهم راقدين وكل واحد طايح اللحاف عنه في صوب ..
عوشه دخلت كالعاده وشلت اللحافات ولحفتهم عدل .. وابتسمت .. آخر ايامي وياكم يالغالين
طلعت وسارت صوب المطبخ وين الريوق ام خالد يالسه
دخلت وسلمت : السلام عليكم
ام خالد تطالع بنتها : وعليكم السلام
دخلت عوشه وفتحت الثلاجه وصبت لها عصير ويلست تحت مجابله امها بس ما طالعتها
ام خالد : بنرد ع العرب اليوم
عوشه حست بطعنه في قلبها وتطالع امها وابتسمت مره وحده : أبغي سعادتكم قبل سعادتي
ام خالد : ابوج البارحه كان يبا يكلمج
عوشه متروعه : ليش
ام خالد : عشان ياخذ الخبر منج
عوشه : وهو سار اليوم الدوام
ام خالد : لا ساير يشتري اغراض وراد أي دوام اليوم الجمعه
عوشه : هي صح
ام خالد : بياخذ الخبر منج لا تسيرين حجرتج خلج في الصاله
عوشه : ان شاء الله عوشه يلست تفكر ليش استوت امها قاسيه لمجرد خطبت ولد بو محمد لها
ونشت ام خالد وطافت عن بنتها
عوشه حست انها تبا تصيح بس تمالكت نفسها وسارت الصاله
دخل بو خالد واستانس يوم شاف بنته
عوشه تمت موخيه
بو خالد : السلالالام عليج العروس
عوشه حست بغبنه تجتلها وابتسمت لابوها
بو خالد يا ويلس عدال بنته وحط ايده وراها يحظنها : هااه مواافقه يا الغاليه
عوشه ترتجف مب عارفه شو تقول
بو خالد : شو فيج حبيبتي خبريني
عوشه : موافقه يا الغالي موافقه
بو خالد حس براااحه في قلبه وباس بنته فوق راسها : الله يرضى علييج يالغاليه ويسعدج فديتج
عوشه : آمين
بو خالد : خبرت اخوج خالد ووافق على الريال
عوشه ساكته
بو خالد يجوف بنته مالها بارض : وسالم بعد موافق بس مصر انه ينشد عن الريال
عوشه حست انها تبا ترمس : مب كل مره يخطبوني تنشدون عن الريال شمعنى هالمره متهاونين
بو خالد حس بأحراج : انا اعرفه الريال واعرف ابوه .. ريال طيب وهادي ما يتكلم وايد مب لغاي ولا يخصه في حد , ما شاء الله عليه غاوي انا شايفنه مرتين عند عمر
عوشه تقول في خاطرها مرتين ؟ هزت راسها
بو خالد : بيب لج صورته .. اباج تتزهبين من يعطونا المهر ..
عوشه : وليش متى الملجه ؟
بو خالد : قبل العرس بيوم
عوشه انصدمت : شووووووووووووووووووووه
بو خالد : بو محمد ناذر انه الملجه والعرس في نفس اليوم
عوشه حست بنفضه فضيعه في جسمها .. وتمت سااكته ما تتكلم
بو خالد : بتتساهل الاموور فديتج والعرس ما بيكون شراته في البلاد وربي
بو خالد : يالله عاد ابتسمي
عوشه منصدمه وتطالع ابوها
بو خالد : يالله انا بسير اسبح ياي من صوب الجبره
وعوشه كانت متسمره مكانها والدموع تنزل من عينها , استوييت لعبه تتحكمون فيني استويت ولا شي عندكم .. يا حظج يا رويه يوم انج سرتي عند اخويه .. ليتني مكانج .. ليتني ما حبيتك يا سيف .. ليتني ما شفتك ليتك ما طلعت جدامي في المزرعه ولا شفتني ولالا اشتغلت ويااك.. يارب
---------------------------------------------------------------------------------------
فارس : الله يوفقك والله فرحان لك
سيف : تتسلم الغالي
فارس : يالله يعني ما بقى من الشباب غيري انا يمكن باجر اقولكم بخط ولا شي
سيف : ههههههههه تستاهل بس من البلاد الله يخليك
فارس : أكيد من البلاد لا تحاتي
سيف : تستاهل والله تستاهل
فارس : خبرت الوالده
سيف : هيه كلم خبرتهم
فارس : يالله بعد شو خله يتصلون بهم الجمعه جامعه
سيف : والله ما ادري يمكن يتصلون اليوم العصر
فارس: الله يتممه على خير
سيف : آمين
فارس : الحين انا بخليك الغالي ناصر يبا يرمس هله في البلاد
سيف : سلم عليهم وسلم على الشباب كلهم لا تخلي حد
فارس : ان شاء الله يبلغ
سيف : يالله فداعه الله
فارس : فداعه الرحمن
سيف من كثر ما الفرحه ماليه صدره ما يعرف منو يخبر.. اليوم بيخطب غناته وبتكون فرحته واسعه الكون ..
---------------------------------------------------------------------------------------
وقراب العصر
سالم : انا سألت عنه كم شخص
عوشه تطالع سالم
سالم متردد : يقولون انه زين
عوشه مبتسمه عشان ما تبين حق اخوها بشي
سالم : أسمعي يالغاليه الريال أول ما ياخذ الحرمه يتعدل .. ويصير مخلوق ثاني .. يحبها يعزها يقدرها يحترمها بأخلاقها هي .. واذا فيه عيب تقدرالحرمه تحول عيوبه لافعال زينه .. اتمنى لج السعاده والحياه الحلوه يا اختيه الغاليه .. والله لج معزه خاااصه في قلبي وربي شاهد عليه
عوشه : تسلم يالغالي
سالم يبا يخليها تضحك : ما راويتيني فستانج حق عرسي ما باقي شي تراه
عوشه مبتسمه : بخليه مفاجأه لك
سالم : يا سلام عيل فطيم تشوفه وانا ما اشوفه الا يوم العرس
عوشه : احسن
سالم : عاد يوم العرس بكون مشتده بكون ما اعرف حد جدامي الا فطيم
عوشه مبتسمه : الله يوفقكم ويهنيكم يارب
سالم : وياج
عوشه : قررتوا تسافرون ؟!
سالم : هيه نعم اول شي بنسير ايطاليا البندقيه .. يمدحونها .. وعقب بنسير فرنسا ..
عوشه : ما شاء الله
سالم : انتي قولي لريلج يوديج ايطاليا كشخه عويش والله
عوشه حست بظيج : هذا جان خططت وياه لشي
سالم : ان شاء الله بتخططين وبتسعدين هو يعرف المكانات يقولون وايد يسافر ما شاء الله عليه
عوشه تهز راسها
سالم : تخيلي جيه يعني انتي تسكنين في بيتهم هناك اكيد عندهم بيت ويخدمونج يا عويش يايينج العز
عوشه : الحمد لله
سالم : أباج ما تكدرين على عمرج بشي موليه يعني تكونين مستانسه في كل لحظه وياه
عوشه : ان شاء الله
سالم : يالله عاد قومي نشي الحين بسير اسبح وبسير المسيد بيتقم الصلاه الحين
عوشه : تقبل الله
سالم : منا ومنكم ان شاء الله
طلع سالم من البيت وبو خالد وحمد وحميد ساروا كلهم يصلون كالعاده ..
شويه واستوت الساعه 5 العصر .. كانت عوشه يالسه في حجرتها ... وفجأه سمعت تيلفون البيت يرن
نشت بتشله لكن سمعته سكت ويلست تمت تكتب في دفترها بدون ما تدري شو تكتب المهم ينفس عن همومها ..
ام خالد منصدمه من الخبر اللي سمعته
ام سيف : الو ؟
ام خالد بعدها منصدمه ومب عارف شو تقول : خبر خطبت بنتها بعده ما انتشر وايي يخطبها الثاني
ام سيف حست بلومه : ميثا شو بلاج الغاليه صابج شي
ام خالد بصوت منصدم : لا الغاليه ما فيني شي
ام سيف : عيل شو فيج جنه الا ولدي مب عايبنكم
ام خالد محتاره مب عارفه شو تقول : الغاليه بخبرج بخبر وما ادري شو اقولك البارحه عوشه خاطبنها ياركم عمر حق ولده محمد والبنيه موافقه عليه
ام سيف حست بطعنه في قلبها وجنه قلبها انغمس في ماي حار سكتت ما قدرت تقول شي
ام خالد : والله يالغاليه اسمحيلي
ام سيف حست انه ام خالد تقول هالكلام جذب : ميثا لا تقولين هالكلام وتحرقين قلبي وقلب ولدي
ام خالد : عوذ بالله شحقه احرق قلبج وقلب ولدج
في هالوقت دشت عوشه الصاله بس ام خالد كانت صاده ورى وما تشوفها واقفه وتسمع
ام سيف : ولدي ما بغى غيرها ما بغى غير بنتكم والحين تردونه
ام خالد : ما ردينااه يا ام سيف لكن البنت مخطوبه الحين وما باجي شي عن زواجها ..
ام سيف حست بانه حره في قلبها
في هالوقت عوشه ما كانت فاهمه شو السالفه منصدمه وواقفه مكانها
ام سيف دموعها في عينها : الله كريم والله يرزق ولدي بغيرها
ام خالد ما عرفت تقول شي : سامحيني اختيه الله يرزقه ببنت الحلال الي تسعده .
ام سيف : فمان الله
ام خالد : فمان الكريم
وتبند ام سيف من الحره بحيل التيلفون .. كانت في حجرتها وسيف وخواته يالسات في الصاله ويسولفون ويضحكون
سيف كانت الارض مب شالتنه من الوناسه يقول في خاطره اخيرا عوشه بتكون لي بعد عناد ,, ان شاء الله تكون لي
عوشه كانت تبا تنزل دموعها بس مب جدام امها عشان ما تشك في موضوعها ..
ام خالد : نصييب ما تعرفيله شو نسوي
عوشه يالسه وتفكر صدق من قال انه الدنيا ما فيها خير ..
ام خالد : بعدني متلومه في الحرمه لو كانت عندي بنت ثانيه ليوزتها لسيف ..
عوشه حست بشي في قلبها .. وكانت تبا تزعق على امها وتقول انه سيف لها مب لحد بس يا حسافه
ام خالد : انا بسير بطالع العشى ما ادري شو مسويه االشغاله اليوم
عوشه اول ما صكت امها الباب ركضت صوب الحمام وصكته عليها وفتحت الماي وتميت تصيح ..
عوشه : ليش ليش هالتعذيب ياربي والله احبه .. والحين يا الوقت الحقيقي اللي بيفرقني عنه .. شو بيكون موقفه كيف بيتقبل الخبر ياربي ... صاحت وصاحت وصاحت وقلبها تقطع من الصياح .. ركضت على الباب وقفلته وسارت بتكلم فطيم
فطيم اختها وكاتمت اسرارها
ام سيف ما عرفت شو تقول حق عيالها تمت تفكر وقالت بتقول انها ما وافقت على الخطبه وانه هي سألتها شخصيا
ام سيف : لا لا قلبي ما يطاوعني اقول لولدي جيه حسبي الله ونعم الوكيل
طلعت من الحجره وويها حزين على ولدها ..
نزلت له الصاله
الكل هههههههههههههه
احمد : هذيه ام العرسان
سيف يطالع امه وويها متغير حس بشي في صدره
احمد : كيف السوالف ما شاء اشوفج طولتي
سيف يطالع اخته شيخه بخوف ويرد يصد على مريم .. ويمرر نظره لسلمى ...
سيف نش وسار صوب امه
احمد : ههههههههههه مستعيل الريال
سيف : اميه !!!
ام سيف بويه حزين : البنت مخطوبه
سيف اول ما سمع الخبر حس كأنه وجهوا مسدس كلاشنكوف صوب صدره وفرغوه فيه
الكل شهق يوم سمع الخبر .. وسيف متجمد مكانه
شيخه نشت ومريم وكانن يطالعن بعض
مريم : كيف مخطوبه ؟
ام سيف تمت متيوده في الدري : البارحه خاطبينها والبنيه موافقه
سيف يحس انه قلبه يدق بسرعه .. ومصدوم بشكل فضيييييع
ام سيف تطالع ولدها : والله يالغالي لخطبلك بنت تسوى الدنيا وما فيها
سيف كان يطالع بعيد , وشيخه دمعت عينها ..
ام سيف : لا تحزن يالغالي اللي خلقها خلق شرواها واحسن عنها .. اصبر وبتنال فديتك
شيخه عادت الافكار في راسها وتمت تطالع اخوها .. تمت تفكر وتقول في خاطرها يارب تهون عليه مصيبته يارب ما ترد له ذيج الحاله .. يارب
سيف تم يفكر ويطالع تحت حس انه راسه فاااضي وما يدري شو يقول احمد اللي من دقايق يضحك عليه الحين حزن العالم فيه على اخوه ..
سيف ابتسم للكل : صح كلامج امايه اللي خلقها خلق الف شرواها واحسن عنها .. بس تدرون انا وشلي اعرس .. حس سيف انه العبره كاتمه على فواده .. وبدون لا يقصد نزلن الدموع من عينه .. انا اصلا مب ويه عرس ومب ويه فرحه .. الله يهنيها مدام انخطبت .. ويتخطى سيف الكل ويطلع برع ...
ام سيف تمت تصيح : ياربي على ولدي ياربي شو صاير له .. الحقه يااحمد لا تخليه يسير جيه
ويركض احمد لكن سيف حرك من زمان وطلع ماا كان يعرف وين يسير وبأي قلب يواجه هالخبر ..
خطفت السعاده من قلبهم .. وتزتزع الفرح في أحشاء روحهم .. وسكنت الاشباح في بلاد أفراحهم .. انها كتله من أحزان تدحرجت في قلوبهم وذابت في تراب الفرح .. كم أحبوا بعضهم .. وكم ستدوم هذه المحبه ... وهل اللقاء سيتجدد بينهم .. ؟؟!!




ترى ما باجي الا القليل من الاجزاء استعدوا لتوديع القصه


وسموحهــــــــــ ع التاخيـــــــــــر

خويكــــــــــــــــم: ـ غ ــــــــــــــرشوبــــــ البـــــــــدو

مسكيـ،،،،،،ــن حـ،،،،ــآآلـــه سيـ،،،،،ــف ..

واللهـ غـآآمضنـــي ..

تسلمـ خيووو ع البــآآرت الغــآآوي ..

ونرقــب اليــآآآي .. ولـــا هنـــــت ..

ولــــــــــــــــــــــــا تبطـــــــــــــــي علينـــآآ ..

الله يعينك يا سيف
تسلم غرشوب ونتريا الباقي

القصه اكشن من الخ ـآطـِر


حرـآآآآآآآآآآآآآم سيف وربي ان قلبي تقطع عليه


امم هيه صح تذكــرت <~ خخخ لكم علي :p


يسلموو عـ البـآرت

كملي بليييييييييييييييييييييييييييييز بلييييييييييييييييييييييز بلييييييييييييييييييييييز ..


وابااه طوويل ..