|
السبت :: رابع يووم من ايآم رمضآن . ~ [7:36pm] : مدري شو من احآسيس يايتني اليوم ، احس اني ولهـآنة على مشتآقة ، ومزآجي رومنسي [:001_wub:] بس لمنو والله انا بروحي مدري . [عآدي ، مب لآزم يكون في حد ؟!] انزيييين ، من البآرحة وأنآ احآتي اليوم ؟! وكنت خآيفة ان اليوم يصير اللي فبآلي ، بس الحمدلله ، ما صآر اللي فبآلي ، صآر اللي اهون منه ، لي عودة بعد دقآيق ، شي صور لازم أعدلهم وعقب بنزلهم فالمدونة ، والعدسة . [:28:] [8:42pm] : بآك ، من شوي نزلت موضوع فالعدسة [هنـآ] اليوم الصبح كنت قآعدة أطآلع برنآمج في التلفزيون ، ويوم خلصت طلعت برى ، عيبني الجو وآيد [:Afk_r:] مآ أذكر متى آخر مرة شفت فيهـآ الصبح ، بس اللي كآن مخرب ، كآن شي شوية رطوبة ،. ~ ع العموم ، رآيكم يهمني ، اتمنى كل من يحدر بروفآيلي يرد ع الموضوع . ~ هآذوله أحلى ثنتين : http://uaemusics.com/uploood/images/...j2r4lgsn79.jpg الأحد :: خآمس يووم من ايآم رمضآن . ~ [9:57pm] : اليوم كآن مو حلو ، صآرت سالفة ، وامي وابوي خذوآ رايي فيهآ ، وآنا يوم رفضت اخوي اشطط [عفس الدنيآ علي ،الموضوع يخصه] . ~ انآ بالنسبة لي أموري كلهآ طيبة [:smilies-113:] . ~ عقب صآر شي وآيد انقهرت منه ، بس شسوي ؟ غصبن عني؟! [مكتوووب هذآ اللي يصير] . ~ وشو سويت بعد ؟ . . . . . . . . . { هي صح . ! غيرت اللقب اللي ينحط تحت نكي [أملوه] . ~ حطيت : آڷقڷبٌ , عَزيتّه ۈشدّيتُ قيۈدَه ،. : ان شآء الله ينآل اعجأبكم ،. [:ax:] |
الأثنين :: سآدس يووم من ايآم رمضآن . ~ [4:18am] : للحينه ملل [انزين ، بعده ما بدى اليوم ، ههههه] المهم ، وانآ قآعده ع المنتدى ، شوي إلا اسوي رفرش ، ولا أشوف المنتدى رد شرآت قبل ، استآنست وايد ، [شسوي أحبه << اتعودت عليه] [:smilies-113:] المهم ، طبعآ لو لاحظتوآ فالإستآيل الرمضآني ماشي الوسآيط المقربة لنـآ ،. بس فالهالاستآيل شي ، فقلت بمآ انهم ردوآ الاستآيل الجديم ، خلى أسوي وسآيط حقي ، وهذآ اللي طلع معآي . اذآ عيبكم ، [ تفضلوآ ع بروفآيلي واكتبوآ ولا قيموني واتفلسفوآ فالتقييم ، ههههه] [:ans_flw:] [8:30pm] : كالعادة ، لازم تصير أقل شي مرة بالأسبوع ، نشيت من صوت الفون ، بطلت عيوني أشوف منوه ؟ [بوحمد يتصل] ، انا ويهي جي استوى .! [:21:] [بوحمد : بجر أبوي ، اخوي العود] ، انا ماخذه هالرقم تقريبآ من 3 سنين . ! وطوول هالثلآث سنين ما اتصل ولا مررة علي .! المهم ، قمت لين ما صحصحت وجي ، وعقب اتصلت فيه ، . . . { كآن يبا يرمس ابوي ، بس ابوي فونه مغلق . ~ عقب يوم ابوي نش ، قلتله فلآن اتصل ، ورمسه ، بابا اول ما اتصل فيه ، انا قلت خلى اشل قشوري واسير الحجرة ، سرت الحجرة ، وقرّب وقت الفطوور ، وجآن اسأل امي عن أبوي ، [هنييه القهر !] [:خ9:] قألتلي سأير بيت أخوج . ! ياتني غصة ، هو يعرف اني ابي اسير هناك لو هو راح . انقهرت وايد [:36:] بس ما عليه ، فطوورنآ كآن حلو ، ومآ كان يتفوت [:smilies-113:] وعقب الفطور يلست اسوي الصورة اللي فوق ، قلت اكيد مليتوآ كله رمسة ورمسه ، من غير صور [:smilies-113:] . . . . . جآن عيبكم ، لا يردكم إلا الكيبور اللي يدامكم ، احم [:24:] الثلآث :: سآبع يووم من ايآم رمضآن . ~ [3:51am] :البآرحة كنت اشتغل ع تصميم[:77:] ونزلته ، كآن اول موضوع لي انزله فقسم تصاميم الأعضآء كتصميم ، من هنيه قبل نزلت مرتين بس كانوآ تواقيع لي [:D-:] المهم ، استآنست وآيد ، ما شآء الله عليهم اللي حدروآ الموضوع وحدطوآ ردودهم ما قصروآ وياي [:kk_ed:] كل وآحد رده يحفز أكثر عن الثآني ، حتى مآ قصروآ فالتقييم ، [يمكن انت وآحد منهم][:Afk_r:] للي يحدر مدونتي :[لو ما كنت شآيف التصميم ، روح فوق واضغط على هنيه][:smilies-113:] [آخر تعديل ليوم الثلآث] : اممم ، جدولي ما كآن اوكيه اليوم ، واللي مخربنه مودي ، مادري كان ملل وانا بروحي تعبآنة حسيت كله ابي ارقد وهذآ اللي صآر تقريبآ ، رقدت ع السآعه 10:00pm ونشيت ع السآعه 1:00am ، يلست اتطآلع التلفزيون ، وعقب سرت اييب سحور لابوي [كآن يوعآن] ، ورديت الميلس وقآعدة ع هاللاب ومجآبلو هالتلفزيون ، وبسس . ~ |
حَزنُي , أقسَى منْ جرُوحَ الزمّن . ~ حزني كبير ، أكبر من حدوْد شآطيك، وأقسى من جروحَ الزمن .. آلعطآيب ف هالزمـّن أقـَرب حـبـآيـبك يشـقـيك ! إليـنَ تدفٌع في غلآآآه .. ضرآيِبُ . ! صد ، وتصدد ولا يبي يسمع "طآريك" ويآما انت من "دونُه" اتعبتك الطلآيب [راقت لي] الأربع :: ثآمن يووم من ايآم رمضآن . ~ كآن يوم عآدي ، ومآحسيت بالوقت فيه . ~ الخميس :: تآسع يووم من ايآم رمضآن . ~ [5:33pm] : no thing to say الجمعة :: عآشر يووم من ايآم رمضآن . ~ ع السآعة 3 الصبح ، يت امي الميلس ، وقالتلي قومي لبسي عباتج . !! انآ استغربت ، سرت لبستج وجي ، اشوفهآ قاعدة فالسيآرة ، سآلتها وين ؟ قالت لي ركبي واقولج ، ركبت . وجآن تقولي بوديج الجمعية اشتري كذا وكذآ حق ابوج [فديته ابوي محموم ومزجم] ادعوله الله يقومه بالسلآمة ، حليله وايد تعبآن [:GIF_13.gif:] من البارحة ما طلع من حجرته . ! السبت :: اليوم الحادي عشر من ايآم رمضآن . ~ اليوم الأهل كانوآ متيمعين عندنآ ، ما شآء الله عليهم تمو لين الساعه 2 استانست ، بس شي نآس فوروآ لي دمي ، . بس طآف ، بلا حرق اعصآب وصدعة ع الفآضي ، هييي صح ، واليوم اكتشفت شي . ~ ما بقولكم شو هو ؟ لان لو دريتوآ بتقولون والله انج غبية ! [ههههه ، خلوهآ مستورة] |
دخييلَ الله أنآ مشتَآق . !! http://uaemusics.com/uploood/images/...xywx8lns9i.png دخييلَ الله أنآ مشتَآق . . . . واحس ان الفضآ يشْتآقُ ، أنآ والكوُن وأشوَآقي ، نبيكك .. تسآبقنآ علَى طيفك 3 وكلنآ "عشَآآق" ! صدّقنيَ ؟ لو كنت أدري إنَّ السآلفة هذي نهآيتَهآ ! قسسْم بالله مآ جيِتكُ ولا حنيتً بغِيَآبُك .! [راقت لي] الأحد :: اليوم الثآني عشر من ايآم رمضآن . ~ [4:18am] : اممم ، حآسة بتعب ، البآرحة كآن يوم طويل ، بس ما فيني رقآد ، خآآطري أرقد . ! شو بعد ، . . . هييييه ، من شوي يلست اسوي التصميم الصغيرروني اللي فوق ان شآء الله عيبكم [:24:] ،. ~ [8:48pm] : اهي اهي ، اللي كنت خايفة منه صآآآر . ! http://uaemusics.com/uploood/images/...8dvn9p1fi7.jpg رآسي يعورني ، مصدعة ، ومزجمة ، وفيني اللوز ، والله زين مني رمت امسك صيآمي اليوم ، . الله يكون ف عوني . [:mornincoffee:][:14:] الأثنين :: اليوم الثآلث عشر من ايآم رمضآن . ~ [5:55pm] : جسمي متكسر [:no_6:] ، الله يكون فعوني ، انا الحينه بسير المطبخ ، ماباجي شي ع الآذآن . لي عوده ان شآء الله . ~ باك ، احس اني شوي احسن ، والمرض راح ، الحمدلله . |
http://uaemusics.com/uploood/images/...m5lhrj4erc.png مع مَرورْ الوقَت ارجوووكك "اسآل" . . . خلّ الوصَل لوْ يوٌم منْ بعضَ طبعكك لآآ عآشَ لك "قلبً" إذآ الضيم يقبلَ ،، ولا ينفعكك زين لؤؤ الغدُر طبعكك ~ [راقت لي وبس] اليَوم كمَلت سنتيَنُ بالضبط فيُ استرآحآتُ زآيِدُ . ~ Auguest 24.2010 الثلاث :: اليوم الرآبع عشر من ايآم رمضآن . ~ [1:56am] : اليوم نشيت وانا كلمة متكسرة شويَة علي . ! جتفي اليمين رآآآآآيح فيهآ ، اخآآف ردت لي أعرآض العلةِ الجديمة ، . الله يكوون فالعون ، وعقب صآر الأسوأ واللي كآن يية نآس من أشوفهم يوقفون لي فبلعومي ، بس الحمدلله ما طولوآ ، وعقب شليت قشوري وييت الميلسَ ، ومنهآ يلسة ع اللآب ، وفنفس الوقت أشوف التلفزيون . هيييه ، حبيت اشكر كل من تحمدوآ لي بالسلآمة ، كله كله من هالوحدآوي [الله يهديه] ، واقول ، انا الحينه بخير وما فيني شي الحمدلله [:ax:][:001_rolleyes:] . [:162:] الأربع :: اليوم الخآمس عشر من ايآم رمضآن . ~ [5:47pm] : كآن من اطول أيآم رمضآن اللي مرت علي ، وآآآيد زعلت وصحت ورمست ، . اكره 3 :واحد ، ان حد يقولي انتي ما تعرفين شي ، واثنين ، ان محد يقدرني ، وأخيرآ ،ان حد يظن فيني ظن السوء . وأقول للي فبآلي : الواحد لي ملك قلب حسّآس ، ترى هذي نعمة . [يآ ربي ألن قلبه وطهره من كل حقد وكره ، والّف بيني وبينه ] الخميس :: اليوم السآدس عشر من ايآم رمضآن . ~ [1:06AM] : مآ وحآلي أحس بعمري إلا واستوى العصر وأشوف الكل يتجهز ، عسب نسير نفطر عند الأهل ، وصلنآ هناك ، ومآ حسينآ إلا وأذن المغرب فطرنآ وعقب يلسنآ نسولف ونتضحك ، بس انقهرت لاني ما رمت أشوف شعبية الكرتون ، وآيد حشرة كآن ، من استوت السآعة 11 ونص ولا أشوف أبوي قآآم ، وقمنآ ويآه وردينآ البيت ، ودشيت المنتدى ولا أشوف 4 تنبيهآت . ! احم ، كح ، اثنين منهم كآنوآ تقييم [:Afk_r:] . ~ اليمعة :: اليوم السآبع عشر من ايآم رمضآن . ~ ما بعتبره يوم من حيآتي ، لاني مابي أخذ بآي شي صار فهاليوم ، خصوصآ باللي صآر الصبح [:54:] لاني مابي اذكر اشيآ ما أحبهآ وانآ اقرأ مدونتي في يوم من الأيآم ،. ~ بالمختصر ، يووم وعدى ع خير ، وما أقول غير الحمدلله ع كل حآل [:ans_flw:] هذي الدنيآ ؛ يوم لك ، ويوم عليك . . الله المستعآآآن . ! |
| الساعة الآن 02:21 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir