وتمو يسولفون لين ماراشد يه
راشد:سلام عليكم
بوراشد وام راشد وسلمى:وعليكم السلام
راشد:ها اشوفكم كلكم متيمعين شسالفة؟
بوراشد:مافي سالفة ليش حرام اقعد ويا حرمتي وبنتي؟
راشد:لا موحرام,هي صح وين حمدو؟
ام راشد:فوق اتذاكر
راشد))ياشر على سلمى))وانتي ليش ماتذاكرين ان شالله؟
سلمى:ذاكرت وخلصت
راشد:امبين
سلمى اتشوفه بنص عين وعقب سارت فوق
بوراشد:لي شجي سويت؟
راشد:عشان اتروح اتذاكر
بوراشد:حرام راشد
راشد:بعد ماتخلص امتحانات خلها اتسوي الي تبغيه ترا احين حتى الي معاه الدكتوراه مايحصل شغل
بوراشد:فهاي صدقت
راشد:عي لانا بسير فوق اذاكر
ام راشد:متى امتحاناتك؟
راشد:بدينا ((وطلع لسانة وراح فوق))
ام راشد:صدق هرم طالع من الصبح وي البيت يعصب على خواته يلا ذاكرو وهو مب ذاكر شي
بوراشد:ولا بعد مو مذاكر شي
ام راشد:انزين تعشيت؟
بوراشد:لا والله
ام راشد:خلاص بسير احطي العشى
بوراشد:وانا بسير ابدل ملابسي
عند راشد فوق
راشد كان قاعد على الكرسي مال مكتبة الي فغرفتة ومعاه ورقة وقلم ويكتب

وبعدين بكماال الباقي انزين^^



















































صادوه من غير مايدري شكووه













عند راشد فوق
راشد كان قاعد على الكرسي مال مكتبة الي فغرفتة ومعاه ورقة وقلم ويكتب
[ انــت وينك ]
كل ما فيني تـعب يشتاق لك
[ بيني وبينك ]
عجزت ألقى عذر وأتجاهلك !!
كل الظروف تبكي تبيك
هي بـ الأصل منّك وفيك
علمني يعـني هـو [ زعـل ] أو [ تغلي ]
عشان أعرف شـلون أجيـك ؟
راشد:اه يسارة صج امعذبتني ...اتولهت عليج ابغي اشوفج فديت عيونج
فجئة سمع حد يدق الباب
دق دق دق
راشد:تعال
حمدو:هلا
راشد:اهلين
حمدو:شحالك؟
راشد:بخير اونتي؟
حمدو :زينة
ومني شافت الورقة الي على الطاولة وقرت الي مكتوب عليها
حمدو:يؤ يؤ يؤ شوها الاخ عاشق وانا مادري
راشد:هههه جب
حمدو: منو هاي سعيدة الحظ؟
راشد:وحدة تعرف نفسها
حمدو:اعرفها ,بس ابغي كانت اتقولي منو هاي؟
راشد:انتي قولي
حمدو:احم احم سارة
راشد:كح كح كح
حمدو:صحة صحة اوي شوقلت انا
راشد:حمدو اباج اتقوليلي احين انا افكر فشو؟
حمدو:هممم اتفكر ان كيف ان عرفت صح؟
راشد:حمدوو بلييز قوليلي كيف تعرفين تقرين عقول الناس
حمدو:هههه صج غبي ,شوقالولك ساحرة؟
راشد:هي ساحرة ,تعالي كيف عرفتي كل هذا؟
حمدو:شوفي اغبي ان يوم قلت لي اقري الي فبالي فكرت وقلت اكيد هو يفكر كيف عرفت ا نجي لان اذا اي حد بدالك بعد جيب يفكر وان عرفت انك اتحب سارة من تصرفاتك
راشد:انزين قوليلي كيف تصرفاتي؟
حمدو:احم احم يوم كنا فالمول كيف كنت اتشوفها ويوم غنيت صدفة كنت اطالعا ولاحظت ويوم كنا فالاسكيت وي...
راشد:بس خلاص خيبة رادار
حمدو:هههه قول رادار فعينك
راشد:انزين قوليلي هي اتحبني؟
حمدو بغت اتلعوزة:شوف نصيحة مني انسى سارة
راشد:لييييش؟
حمدو:لان هي من يوم كانت صغيرة كانو يقولون هي حق ولد خلتها احمد عشان جي هي قالت انا بكمل دراستي فقطر
راشد والحسرة على ويها:انزين خلاص اظهري برع ابغي اذاكر
حمدو:اوكي
وطلعت برع
ورد وكتب على الورقة


يكلمني عن [جروحه] وأنا من سبته [مجروح]..
يسولف لي عن [أحبابه] واسولف عنه [لحاله]..

أحس في [دمعة] عيونه..وتطلع من بكاه [الروح]..
وإذا يفرح[مع غيري] بكى قلبي وهناله...

......

مشغول فيك ولا تخيلت فرقـــــاك
عجزت لالقى للمحبه نهاية
قلت أبعد يمكن مع الوقت أنساك
لقيت إن البعد عنك بــــــــــــداية

..................

..........
ما ينجبر قلب على قلب ما دام قلبك ما هواني..
لا حبك أول وآخر الحب ولا انته الوحيد اللي في زماني..
صحيح لي شرواك ينحب حسن وأخلاق ومعاني..
لكن ما قدر ليه الرب ألقى على بحرك مواني..
لك درب في الدنيا ولي درب روح عساك تعيش هاني..
ونا على ذكراك برقد ربي يعوضني بثاني..
مسموح مالك في الهوى ذنب لو شفتني عقبك أعاني..
ما ينجبر قلب على قلب ولا يستوي العاشق أناني
.....
راشد:هي صح ماينجبر قلب(ن) على قلب مادام قلبك ما هواني
دق دق دق
راشد:اف بعد منو,ادخل
حمدو :ابغي اقولك شي؟
راشد:شو تبين اتقوليلي انهم بيتزوجون بعد كم يوم؟
حمدو شفت وابتسمت وعقب شافت الورقة
حمدو:ههه فديتك صج انك عاشق
راشد:كنت,فعل ماضي
حمدو:احم احم شوف انا توة كنت اقص عليك سارة ماتحب حد وهذا احمد تعتبرة مثل اخوها
راشد:حلفييي
حمدو:والله العظيم
راشد:انزين هي اتحبني؟
حمدو:هممممم مادري وطلعت برع الغرفة وهي تظحك
راشد صارخ:حمدو حماااارة والله براويج
ورد وكتب على الورقة:
اوعدني عني ماتغيب تبقىالا جنبي قريب محتاجلك مثلك حبيب يفهم عيوني وظحكتي فيك انت حلمي من زمان وانت الهوى وادفى حنان تلقى معاك روح الامان احلى بشر في دنيتي ..........
راشد:ابغي اشوفج ..بس كيف ؟؟ بنادي حمدو وبخليها ادور لي خطة
وراح راشد وناد حمدو
فغرفة راشد:
حمدو:شوتبا؟
راشد:ابغي اشوفها؟
حمدو:امنو؟
راشد:القلب
حمدو:هههه انزين شو اسوي تندل بيتهم روح
راشد:لو جي كنت بسير من زمان بدون ماناديج
حمدو:احين شو تبا؟
راشد:اانا زاقرنج عشان اتفكرين معاي
حمدو:رشوود والله متفيج
راشد:حمدو حسي فيا حرام علييج
حمدو:اف انزيين شو تبا اسويلك احين؟
راشد:هممم,هي ماعندج درس من الدروس ماتعرفينة؟
حمدو:همم مادري ليش؟
راشد:انتي الفي درسة وانا بوديج اهناك وخليها تشرح لج وعقب بمر عليج وعقب بشوفها
حمدو:يافرحتي فيك الخطة نفس ويهك
راشد:افا ليش؟
حمدو:نحن باجر بنسير بيتهم
راشد:صدق بس ليش؟
حمدو:عشان بنطلع ويا سارة وخواتها بنسير انيب فساتاني وفستان مريوم
راشد:انزين سارة اشترت فستان؟
حمدو:اف انت شو يخصك؟
راشد:اووه حرمتي
حمدو:وايد امصدق عمرك ,لو ريال سير اخطبها
راشد:يعني بترياج بخطبها يوم بتخلص المدرسة
حمدو:احلف
راشد:والله انا احين برمس امي وبخطبها بعد الامتحانات وبعد ماتخلص المدرسة بنملج
حمدو:اشوفك امرتب كل شي اتخيل ترفظك
راشد:افا ليش ترفظين شو فية عيب؟
حمدو:انك وايد تتخيل
راشد:شسوي امعذبتني
حمدو:هههه الله يعينك
راشد:انزين باجر انا بوديكم بيتهم
حمدو:هههه انزين
راشد:وانا باخذكم من بيتهم
حمدو:انزين
راشد:منو بيوديكم؟
حمدو:مادري يا الدريول او حد من اخوانها
راشد:ياااااارب فهد ياااااارب
حمدو:ليش
راشد:لان اذا هو بيديكم اكييد بيقولي تعالي وياي
حمدو:وبعدين
راشد:بشوف الحب
حمدو:الله يعطيك العقل
راشد:انزين حمدو قوليلي هي اتحبني؟
حمدو:بسألها
راشد:شوبتقولين
حمدو:مالك خص
راشد:انزين
حمدو:انا بسير تحت
راشد:بي وياج
وراحو تحت
بيت بو فهد"
سارة:اميييييه باجر نبا الدريول ومولازم اتسيرين السوق باجر
ام فهد:انزين انتو بعد مو لازم باجر تطلعون
سارة:نحن اتواعدنا ويا قوم حمدو وامييه فشيلة
ام فهد:سارة عن المصاخة وانا متواعدة ويا ام فيصل
سارة:اهى اهى اهى احين منو بيودينا
ام فهد:شوفي حد من اخوانج
سارة:انزين
وراحت فوق عند مايد
دق دق دق
مايد:ادخل
سارة:ميوود انقظني
مايد:شو مستوي؟
سارة:نحن متواعدين ويا حمدو وسلمى انا باجر نظهر وياهم عشان انيب فستان مريوم وحمدو ونكمل شغلنا حق ملجة شعوول
ميود:شواسوي؟
سارة:المشكلة ان امك متواعدة ويا ام فيصل انهم يطلعون باجر فكيف نحن بنطلع وماما بتاخذ الدريول؟
ميود:وشو المطلوب مني؟
سارة:الله يخليك ودنا
ميود:والله لو ماعندي شغل كنت بوديكم بس باجر مشغول لان نحن بدينا امتحاناتنا
سارة:اف عيل مافي غير فهد
سارة راحت عند فهد
دق دق دق
فهد:تعالي
سارة:فهد بلييز لاتردني
فهد شوفي؟
سارة: )قالت له السالفة)
فهد:يعني تبوني اوديكم
سارة:هي بليييييييز
فهد:هممم انزين وين بتروحون؟
سارة:اول شي بنيب فستان حمدو ومريوم وعقب مادري وين بنسير بس يمكن المول عشان نشتري نعل واكسسورات
فهد:انزين احين خليني اذاكر وراية باجر امتحان
سارة:يس فديييتك والله
وباستة وطلعت
فهد:ههه فديتج والله
خلني اتصل حق راشد واقوله اي وياي
واتصل فهد حق راشد
ترن ترن ترن
(بيت بوراشد كانو يتعشون ))
راشد:ها فهد شو يبغي؟
ام راشد:رد
وراشد رد
فهد:هلا
راشد:شوتبا؟
فهد:انزين رد السلام
راشد:لاسلام على الطعام
فهد:شو تتعشى؟
راشد:هي
فهد:انزين خيو شوف باجر ابيك اتي وياي
راشد:فهوود انت وطلعاتك الي ماتخلص
فهد:ياحمار انا بودي خواتي وخواتك السوق فباك اتي معاي لان اذا انا تميت بروحي معاهم عادي اسوي حادث
راشد فرح:هههه مرة وحدة حادث ليش ؟
فهد:على قولتك سرلنكيات مايسكتون
راشد:ههههههه هي والله انزين خلاص مر علينا انت
فهد:اوكي باي
راشد:باي
وسكر عند بو راشد
ام راشد:شو حادث
راشد:هههههه يقولي فهد تعال وياي لان هو بيودي خوانه وخواتي السوق ويقولي اذا هو تما بروحة معاهم عادي يسوي حادث
سلمى:ليش ان شالله ؟
راشد:لانكم وايد ترمسون على قولتي سرلنكيات
حمدو:ماتظحك انزين
بوراشد:ههههه اي مارظا على بناتي بنتك سرلنكية
راشد:افا بوراشد والله ماهقيتها منك احين اتقول عن حفيدتك الاولى جي
بوراشد:على كيفك الولى ليش انت مابتزوج خواتك لين ماتزوج
راشد:انا اصلا بتزوج قبلهم فصيف ان شالله
حمدو:ههه كح كح كح
ام راشد:شو حاط عينك على بنية؟
راشد:هي
سلمى:منو؟
راشد:وحدة تعرف نفسها
ام راشد:رشوود قول
راشد:هههه مابي
بو راشد:يالهرم قول
راشد:اول شي قول ان بناتك سرلنكيات
بو راشد:رشود بفلعك بالقلاص الي جدامي
راشد:انزين بقول حمدو انتي قولي
حمدو:شو ها انا مالي خص
سلمى:حمدو قولي
حمدو:ماعرف
راشد:عيل مابقول يا حمدوا تقول ولا مابقول
ام راشد:رشود تراب كفخك
راشد:سارة اخت فهد ((وعلى طول سار فوق فغرفته))
حمدو:هههههههههههههههههاي
سلمى:هههههههههههههه
ام راشد:ههه بلاكم؟
حمدو:جبان
بوراشد:ههه فديته والله
ام راشد:ماعليه انا بسير احين عندة فوق وبعرف كل شي
بوراشد:وعقب قوليلي لان هال هرم مابيقولي ادريبة
ام راشد:ههه اكيد بدون ماتقول ,عي لانا بسير فوق اميه سملى يوم بتخلصون قولو حق الخدامة اتشل الاكل
سلمى:ان شالله
وسارت ام راشد فوق عند راشد
ام راشد:رشود:ياحمار ليش ماقلتي من زمان؟
راشد:ها مادري
ام راشد:انزين من متى وانت اتحبها؟
راشد:من اول ماشفتها ,تعرفين اماية اول ماشفتها ماعرف شو صار لي
ام راشد:ليش؟
راشد:مادري؟

صدفة لقيتها اللي هويتها
مــ احلى عيونها واااي فديتها

هو ويه غاوي
كالبدر ضاوي
عوقي يداوي
شفته ولقيته

مسلي كلامه
عــ خده علامة
لولا الملامة
غصبن خذيته
بلمسة كفوفه
روحي تطوفه
لا فيه خوفه
عمري عطيته

بحره غزير
دربه خطير
ولو هو عسير
لأجله مشيته
اداري وتاده
ولأقوى بعاده
ومني شهادة
قلبي هديته