منتدى استراحات زايد - • رواية : (( أخبرتك . . أن لا تحاول الاقتراب منهُم )) بقلميَ ،

البارت الخامس :

هنالك موافق .. قد تكون مجرد روتين يومي ..

وبعضها قد تحمل صدمات ، أو حتى مشاعر مزعجة

لن نتوقع حدوثا . . لكن ربما لتلك المواقف أسباب كثيره ..

وتستمر الحكاية . . .. .. !!

عهود : مدري والله أحس رافضه الفكره نهائياً ..

ماحبيت أقول شي زياده وتضايق أعرف عهود من النوع الي يضايق بسرعه ..

فجأه سمعت صوت هوااش وقفت بصدمه : راااشد !!!!!!!!!!

عهود وإطالعني باستغراب : شوالسالفه شو صاااير !!

طعلنا من الحجرة خايفات أنا وعهود دخلت الصاله شفت راشد معصب هو وعلاوي مافهتم السالفة !!

عهود مسكت ايدي : ميره شفييهم خوانج ..

طبعا راشد وعلاوي ابد مب منتبهين بس شكلنا ما لحقنا عليهم لأن يوم وصلنا تمو ساكتين مدري شو كان صاير ..

تحرك راشد وخطف من صوبي وأنا مصدومه ..

راشد : هذا أخوج إذا تم جيه بيندم وبتندمين معاه فاهمه ؟

أنا رديت بعصبيه : راشد لا تستهبل .. عييييب إنتو كبار ..

راشد : دامج تعرفين كبار .. عيل يوم الكبار يتكلمون الصغار بس يقولون حاااضر ومايرفعون صوتهم .. " قرب صوبي كان ناوي على شي "

بس عقب انتبه على عهود .. عهود كانت خايفة ومنصدمة في نفس الوقت !

تحرك وراح حجرته .. عهود : ميره انا برد البيت خلاص ..

ماعرفت شو أقول الشي صج صار في وقت غلط وجدام عهود بعد : بتحصلين البنات أكيد برع يلعبون ..

عهود وكأنها مستعيله تبي تطلع من هالجو : أوك السموحه نرمس عقب وتحركت برع ..

علاوي : هذي لي متى تطلع وترد بدون محد يكون معاها ..

أنا رحت صوبه ومتنرفزه : الحييييين فهمني انتو على شوو متهاااوشيين ومالك خص في البنت لا تقعدد يتسال واايد ..

علاوي ويلس على الأرض مجابل التلفزيون : ليش انتي خايفة .. تدرين هو مايقدر يسوي شي أساسا فارتاحي بس يحاول يطلع عصبيته ..

قلت : يووووم يكوون حد عندناا لازم تتهاوشوون !!! وأبي افهم على شوو متهاوشين !!!

علاوي : بدون سبب ..

ضحكت بسخريه : هه بدون سبب .. الحمدلله ابوي واميه راحو بيت عمي ..

دخلت مريومه تركض التفت لها تنفست بعمق عقب قالت باستغراب : اييييييه انتوووو شوو صااير ليش عهود تصييح وردت البييت !!!!!!!!!!!!!

أنا وعلاوي انصدمنا !

قلت : شووووووووووووو !!

مريومه : شوو الي شو .. خبروني شو صااار !!!!! ليكون قلتو شي يضايقهاا ..

انا على طول ظهرت فوني واتصلت عليهااا .. بس ماردت ، معقولة لهدرجة هيه تتاثر في هالأمور !!

علاوي : مريومه من صجج ؟

مريومه : عيل استهببللل .. شو صااار ميره ..

رديت : ما صار شي !!

مريومه وتيلس : شو يعني بدون سبب .. والله هذا ربيعتج وانتي أدرى فيها ..

فكرت شو السالفة .. مب فاهمة شيل يش هم تهاوشو اساساً وعلى شو !

وعهود معقولة ظروفها خلتها جيه حساسه ولا في شي ثاني ..

***

(( في اليوم الثاني ))

اتصلت لهاا كذا مره وبعدهاا للحين ماترد علي !!

يالله لي متى عهوود ردي علي .. . . . ماشي رد ،

تأففت .. عدلت شعري وعقب ظهرت من الحجرة شفت عنود يالسة تحت تتريق ..

قلت : صباح الخير ..

العنود : صباح النور .. شوص اير امس ردينا البيت الكل مختفي لا حس ولا صوت ..

رديت : لاتذكريني بأمس .. عيل ابوي وينه ؟

العنود : من زمان ظهر هو وراشد أتوقع عسب الشغل .

قلت : أها .. والباقيين شو رقود " سحب الكرسي ويلست أتريق "

العنود : هيه راقديين ..

كنت أتريق وأطالع الفون كل شوي .. عنود انتبهت لي كانت مستغربة مني ،

العنود : شو تتريا حد ؟

رديت : عهود ماترد علي ..

العنود : أكيد راقده عيل .. صبري عليها

قلت : يمكن والله ما ادري ،

شوي اشوف شي خطف علاوي ! لمت لابس وين رايح قلت : علاووويييي !!

سمعت صوته : هلا .. " وعقب ييه كان لابس ويبين انه بيظهر "

علاوي : شو ؟

رديت : وين رايح !!!

علاوي : ماشي بروح أحاوط شوي وراد في شي ..

العنود : من صباح الله خير تحاوط ؟؟

علاوي ويطالعها عقب جدم وضربها في راسها : جب انتي مايخصج ..

العنود وتمسك مكان الضربه : ايييييييييييييه سخيييف والله سخيييفففف ..

علاوي ويقلدهاا : سخييف والله سخييف .. عيل لا تتفلسفين ههه ..

قلت : بسسس خلاص لاتتضاربون الحينه ..

العنود : الله يااخذذذك ان شاء الله روووحههه بلالالا رررده ..

علاوي سوا لهاا طاف وظهر من البيت ..

أنا : لآ حول ولا قوة الا بالله لي متى انتو جيه ..

العنود نفس الشي راحت حجرتها اونها معصبه ،

***

كنت أطالع أبوي وهو يرمس المدير ويكلمة مدري بشوه ..

عقب قال لي : يالله من باجر تبدأ دوام ..

جان استانس : إن شاء الله ..

المسؤول : بيتكون مع فريق العمل هنيه .. يعني من الأحلين أبيك تشد حيلك في الشغل ..

رديت : فالك طيب ..

أبوي : يالله عيل رادين البيت .

قلت : ابووي روح إنت قبلي أنا بس بسوي جولة في المكان ههه ..

أبوي : زين بس لاتضايق الي يشتغلون .. يالله عيل في أمان الله " وسلم عالمسوؤل وراح "

المسؤول : محظوظ عندك أبوك مهتم فيك وفي شغلك ..

رديت : أبوي ريال عود لكن مع هذا يحب يهتم فينا ..

ابتسم : الله يحفظه لكم ..

قلت : عادي اخذ جولة في الأقسام ولا في مشكله ؟

رد علي : لا عادي .. عندك التصريح ،

قلت : مشكور .. بسألك أكثر الموجودين شو يشتغلون ؟

رد : مثل ماتعرف في وايد أقسام يعني منهم إدارة ومنهم هندسة وغيره ما أقدر أتكلم في تفاصيل ..

لكن أهم شي تركز على شغلك ، الي بيبدأ من باجر بيكون معاك بومايد وبوعلي أكثر شي بتتعامل معاهم ..

ماحبيت اطفره وأسأل وايد سويت عمري فاهم : أهاا .. زين عيل اسمحلي أخليك الحين ..

رد علي : ماعلي مسموح ونتكلم في وقت ثاني ..

ظهرت من مكتبة ، ويلست أفكر أنا ما احب شغل الجماعي ليش اتوهق مع ناس يمكن ما ارتاح معاهم

يلست أحاوط وأسوي عمري اونه شخصية مهمه ههههههه والله ولا حد عبرني أكبر طاف !!

دخلت واحد من المكاتب كان في ثلاث أشخاص !

قلت أسولف مع أول واحد : احم احم السلام عليكم ..

رفع راسة وطالعني باستغراب : خير اخوي ؟

انا انصدمت من ردت فعله جنه معصب قلت : ماشي سلامتك يالطيب ..

وظهرت .. على طول طلع في ويهي ريال كان شال أوراق في ايده ويوم شافني على طول سألني ..

: أو مره أشوفك ؟ خير تدور شي ؟

رديت : لآ والله ما أدور شي لكن من باجر بيبدأ دوامي .. تعرف بوعلي أو بو مايد ؟؟

رد علي : معاك بو مايد .. أها عيل انت راشد ال .. ؟

رديت : بالضبططط

طالعني : وليش مستعيل باجر بتبدأ معانا ..؟؟

قلت : متحمس هههههههه

طالعني بنظرة برود شكله مايضحك : .. !!

رديت : أوك السموحه على الازعاج ..

رد : مسموح .. " وعقب تحرك على طول كأن يبي الفكه مني "

شفت أن وجودي جيه مامنه فايدة برد البيت أحسن لي ..

***

أبي من قال بأن الظروف تغيرنا بسرعه ..

أن من علمني بأن كل شيء يحدث لسبب ما وحكمة لا يعرفها إلا الله ..

(( في بيت بو عهود ))

شفت أبوي بإستغراب : أبوي لاتربط الأمور في بعض وقلت لك أنا عااادي ماعندي مشكلة بهتم في خواتي ..

رد علي : وأنا قلت لج .. هالشي لمصلحتكم ،

قلت : خلاص ابوي الي يريحك ..

قالي : تقولين هالكلام من خاطرج ولا بس علشان اسكت ..

رديت : خلاص مايهمني اذا تزوجت خالتي ولا لا .. وبعدين انت قلت هي بتهتم في خواتي الصغار وأنا معاك في هالشي ..

طالعني وابتسم لي .. حسيته فرح مدري ليش تضايقت مع أن يمكن كلامه صح !

رحت حجرتي ويلست أفكر ..

لين ما انتبهت على فوني ميره متصله كذا مره وأنا مدري ..

إتصلت عليها ،

.. : هلالاااااا وييينج ماترديين ؟؟

قلت : هلا ميره سوري توني أنتبه على الفون ..

ميره : طمنيني شحااالللج ؟؟؟

قلت : الحمدلله بخير .. وانتي ؟

ميره : مدييييييم وأنا الحمدلله بخير .. خبريني شو صار وياج أمس ؟

رديت : عن شو ؟؟

ميره : مريومه تقول شافتج تصيحين ؟

رديت : هااا .. لآ ماااشي .. لآتفكرين في الموضوع .. صح كلمت أبوي قلت له اذا يبي يتزوج فأنا راضيه ومابوقف ضده..

ميره : زيين تسويين .. أحسن لكم والله ، ومتأكده ما كان فيج شي .. أعتذر والله على موقف خواني مدري كيف جيه صار ..

رديت : لااا عاادي والله ..

ميره : أنا ما أحسه عاادي عسب جيه أعتذر لج ..

ضحكت : هههه .. اعتذار مقبول .. يمكن أسجل للجامعه ،

ميره : صصصصصصصصصصج !!

رديت : مدري والله يمكن .. اذا خالتي بتعيش معانا ف ليش ما استغل الفرصه ..

ميره : هيه معاج حق .. وأنا بستانس بنكوون مع بعض ..

رديت : هييه .. ويييت بسكر برمسج عقب اسمع ساره تزقرني ..

ميره : أوكك مب مشكله باااي ..

قمت من مكاني رحت شفت ساره : شو فييج ؟؟

ساره : يوعااانهه ..

قلت : أوك بروح أسوي لكم شي تاكلونه ،

دخلت المطبخ ويلست أطبخ لهم .. شو اسوي مالنا حد عماتي ولا وحدة تفكر تسأل !!

خالتي الوحيدة مهتمه فيناا يمكن عسب جيه أبوي فكرت يتزوجها وتصير بمثابة ام لنا بعد ..

أتمنى ما أندم أني وافق على هالشيء ..

***

يعيشون في بيت واحد ..

لكن لكل منهم حكاية لا يعرفها الآخرين ،

بعضهم يتصنع الأعذار .. وبعضهم يفضل الصمت ..

(( في البيت – بو راشد ))

يلست أطالع مسلسل فاللاب والعنود ظهرت مع ربيعاتها وللحين ماردت ..

أما مريومه يالسة تلعب مع علاوي ..

دخل خالد : هااا شو تسوون ؟

رديت : ماشي اطالع مسلسل بس النت يستهبل وخوانك يلعبون اون لاين ..

خالد : خخخ هذيله كل لعب ..

عقب يلس ، وبعد دخلت غاليه : تبون اسوي لكم شي ..

رديت : لا سلامتج تعالي يلسي معاي ..

غالية يلست عندي : تتطاعلين مسلسل ياباني هذا ؟

ضحكت : ههههه كوري .. هيه مدري عيبني قلت أشوفه .. تابعي وياي يمكن يروح الملل..

غالية : لآ عادي مب ملانه هههه ..

خالد : عيل انا بظهر عندي كم شغله " عقب التفت لغالية " لاتطبخين شي بتعشى برع ..

غاليه : إن شاء الله .

عقب ظهر ، انا مستغربه منهم ليش هالاسلوب البارد بينهم !! أحس في شي بس محد يدري عنه ..

سرحت في غاليه ..

غالية : ميره ؟؟؟؟

رديت : هلا هههه ماشي سرحت .. صح بسألج شرايج باجر نمر بيتكم خاطري اشوف أمج واسولف معاها هههه

غالية : هيه .. اوك ، دوم اميه تسال عنج هههه تقول هالبنت الوحيده يوم اسولف معاها سوالف اول ماتمل ..

ضحكت : هههه هيه أشوفها يوم تسولف محد يعبرها حليلها .. بس جد احب سوالفهاا .. وبعد مشتاقة لاختج حصه ،

غالية : خلاص باجر نمر صوبهم ..

علاوي : مريوووووووووووموووه والله العظيييييم بتحصلين كف شوي شوي على الجهازز مب كل يوم بشتري .

مريومه : شوووو .. معرف لازززم جيه

علاوي : عساس الدلووعة .. بس اشوف دفاشه فييج !

مريومه : بتسكت ولا مابلعب ..

" ضحكت انا وغاليه "

علاوي : أنا ليش رجعت البيت لو الحين العب مع ربيعي ..

مريومه فرت الجهاز : مااابلللللعب ..

علاوي : ايييه !!!

قلت : يالله بدأت الحررب ..

علاوي ويطالعني : والله لو مرت اخوي مب هنيه جان عرفت كيف اتفاهم ..

ضحكت : ههههههه انا ادري ..

غالية : خلاص لاتتهاوشون ..

دخلت العنود ويلست بيني وبين غاليه : بنااات .. اجاازة لاشغله ولا مشغله شرايكم نروح العين بيت عمناا .؟؟

انا : هييييه فكره حلوه كيف ماخطرت على بالي ..

علاوي على طول : هيه تبي تشوف الدكتور ..

العنود : انت ليششش جيييه !!

علاوي : قولي الصصصج أدري بج ..

العنود وتتأفف : أوووووف ميرووه شوفييه ..

قلت : علاوي خلاص .. ليش تظلمهاا ،

علاوي ويطالعها بنظره : أنا ما أظلم .. بس فاهم حركاتهاا ..

العنود : برررررد حجججرتتتتي أححححسسن ،

تحركت تبي تروح بس دخل راش وزقرها : عنووود ..

عنود : شووو لاترمسنييي ..

راشد ويضحك : هههه هاي بعدها زعلانه !! .. أقولج ياي باخذج نحاوط روحي تجهزي بعد ساعه طالعيين .

استانست عنود : اوووووووووككك .. "وركض راحت حجرتها ..

راشد : هههه شفتو كيف .. اذا السالفة فيها حواطه على طول ينقبل مزاجهاا هههه ..

علاوي : هاهاهاا .. " وعقب تحرك راح حجرته " أما راشد يلس ..

عقب قال : يوعان ماسويتو شي ؟

رديت : لا للحين ..

راشد : عيل مب مشكله بظهر بتعشى برع .. خبريني شو صار مع ربيعتج..

أنا انصدمت كيف جيه يتكلم ويالس عن ربيعتي جدام غاليه : شو !

راشد : أونج ماسمعتي عهد شو صار معاهاا .. السموحه عصبت جدامكم ..

انصدمت زيادة من متى راشد يعتذر لي أو يعتذر لحد !!!!!!!!!!!!!!

كمل كلامة : شفيج ساكته أسألج ..

رديت : شو صار ما صار شي ..

عقب وقف : المهم بروح أبدل .. وبظهر مع العنود عن اتم زعلانه ..

وتحرك راح حجرته ..

كانت مريومه منصدمه مثلي : ليش شو صاااير !

ماحبيت أتكلم عن الموضوع : ماصاير شي ..

مريومه ومعصبه : انتووو لي متى جيه هذا نحن في بيت واحد وكل واحد عنده اسرار ومايقول .. شو فييكم !!

غاليه : هههه لاتكبرين السالفة .

مريومه بكل جرأه : لا ما اكبر السالفة حتى انتي وخالد .. مدري شو فيكم !!

غاليه انصدمت منها وتمت ساكته .. أنا حبيت اغير السالفه : بسوووي شي نشررربههه ..

وعطول رحت المطبخ عسب لا اعطي مريومه فرصه تتكلم ..

***

بعد مالبست .. شليت فوني ونزلت كم صوره في الانستقرام انصمت يوم شفت اسم جولي !!

ومعلقة على صوري .. كيف جيييه هذي بعدهااا ، منو عطااها حسابي .. !!!!!!!!!!!!!!

خطر على بالي اكيييييييييييييد .. اتصلللت على طول ..

قلت : الووووووو

رد : هلالا والله ..

رديت بعصبيه : بدوووون مقدماااات ليش عاطي جولي حسااابي في الانستقراام ؟؟؟

ضحك : هههههههههههههههه شت انكشفت ..

رديت : حمووود لاتستهبل ..

حمود : شوو اسوي هيه سالتني وانا ما احب اجذب ..

قلت : ماشااء الله من متى ماتجذب ..

حمود : هههههههههه من ذاك اليوم

تافف : أقول اجلب ويهكك انا الغلطاان .

حمود : اقولك لاتكبر السالفه شو يعني مافيها شي ،

قلت : يالله باااييي . "وسكرت"

انا ليش ابتلي في نااس جيه .. عدلت غترتي وتعطرت ، عقب ظهرت خطفت صوب حجرة عنود ..

دقييت الباب : يالله اناااا تحت ..

العنوود : اوووووك دقايق ونازله ..

ضحكت : هههه دقايق يعني اقل شي نص ساعه ..

كملت ابي انزل من الدري حسيت بحد يمشي وراي .. سمعت صوت : ليش هالاهتمام بعهود ؟؟؟

كات ..