وَ أنآآ بـھا ... خَآلدٍ

البارت " 7 "

" الصلاه الصلاه الصلاه .. اللهم بلغت اللهم فـ اشهد .. "

.
.
.
.
.
.
اليوم : الاربعاء ..
المكان : بيت بو ناصر ..
الساعه : 3 عصرا ..
.
( شيخه ) ..

بسس بسسس دخييلك يا قلبي .. وقققفف دققق .. والله احسه بيطيح من مكانه من كثر ما يدقق ..
لدرجه اني خففت انه عيسى يسممع صوت الدق ..
خالد سلم علــــــي ؟؟؟ ..
لا لا ماصدددق ..
قبضت تلفوني و اتصللت عليها .. هي الوحيده اللي تحس فيني .. وتعرف شكثر احب خالد ..
بعد رنين ما طول .. ردت علي ..
عزه : هلا هلااا ..
شيخه : عزووووه ..
عزه : لبييه ..
شيخه : تخيلي شو صار ؟؟ ..
عزه : لحظه لحظه شوي ..
ترييتها شوي .. وعقب ردتلي ..
عزه : قوليلي بالتفصيل الممل ..
شيخه : وين سرتي ؟؟ ..
عزه : فضييتلج و دخلت غرفتيه عشان اسمع ع راحتي ..
شيخه : ههه .. انزين سمعي ..
عزه : كلي اذان صاغيه ..
شيخه : خالد ..
سمعت تنهيدت عزه ..
عزه : شوفيه ؟؟ ..
قلت بصوت عالي .. و بحماس و انا اناقز ع السرير ..
شيخه : خااالللد سلللم علللي ..
سكتت عزه شوي .. واستغربت من سكوتها المفاجء ..
عزه : شويخ برد ادقلج بعد شوي ..
شيخه : شوفيج عزه ؟؟ ..
عزه : بررد ادقللج اقوولج ..
شيخه : اوكيه ..
سكرت منها .. وزاد استغراابي من عزه اللي سكتت فجاءه و قالتلي بسكر ..
شوفيها ؟؟ ..
ارتعبت يوم شفت نوره اختي داخله وهي تناقز ..
شيخه : شوفييج دااشه جييه علييه ؟؟ ..
تقربت مني و باستني ع خدي .. وطولت ف البوسه .. لدرجه اني انا اللي دزيتها ..
نوره : شوييخ احببج .. احببج .. امووت فييج .. اعششقج .. اهوااج ..
حطييت ايدي ع يبهتها ..
شيخه : بسم الله عليج اختي .. مافيج حراره .. شو صايرلج ؟؟ ..
يلست عدالي .. وهي شاقه الحلج ..
نوره : ماشي بس من زمان ما يلست ويااج .. وقلت لج باللي احس فيه ..
رفعت حواجبي باستنكار .. ومب مصدقه ..
شيخه : انزين .. وشو اللي تحسين فيه ؟؟ ..
نوره : احس بقلبي .. قلللببي ..
ومسكت قلبها وهي تمثثل .. ومغمضه عيونها ..
نوره : في شي ف دااخل قللبي ..
شيخه : لا لا .. انا متأكده يبالج مستشفى الامل .. يعالجونج علاج طبيعي ..
نوره : مستشفى الامل اللي يشلج ..
وطالعتني بنظره و هي ماده بوزها ..
نوره : شووو هااه تراني يايه اشكييلج ..
مسكت تلفوني بملل و انا اجلب و اشوف شو من بيسياات مطرشيلي ..
شيخه : حد قالج اني دكتوره نفسيه تشكيلي ..
انسحدت ع السرير و هي تلعب ف شعرها المنتف ..
نوره : همم شيخه ..
شيخه : هاااه ..
نوره : الرياييل شو يحبون يشوفون ف البنيه ؟ ..
طالعتها بصدمه من سوالها الجريئ شويتين .. بالنسبه لعمرها ..
شيخه : شو ها السوال ..
حاست بوزها و عدلت قعدتها ..
نوره : لا تفهميني غلط يا بقره .. اقصد يعني عشان الريال يحب البنت شو يحب يشوف تسويه .. الاطباع اللي يحبونها ف البنت .. جذيه يعني ..
حطيت ايدي ع ذقني بتفكيير .. سواالها ما توقعته .. سوال يباله تفكير ..
الريال شو يحب ؟؟ ..
بعد تفكير دام دقيقتين طالعتتها ..
شيخه : شوفي نووره .. الريال ما يحب البنت اللي لسانها اطوول منها .. يعني ما يحب الجريئه وما تستحي ع ويهها .. واللي بقلبها ع لسانها .. بس ف نفس الوقت ما يحب البنت اللي تستحي واايد .. وويهها يحمر بسرعه .. وكلمتين و تنطم .. يعني بين الاثنين .. اما شو يحب يشوفها تسويه ما عندي اي فكره ف هذا الشي .. بس الاغلبيه يحبون يشوفنها محتشمه و ما تحط من المنكر وايد ..
نوره : هممم توني ادري عن ها الاشياء .. يا دكتوره شيخه ..
قالتها باستهزاء .. واللي خلاني اشل المخده و اضربها ع راسها ..
شيخه : حمدي ربج قاعده اقولج اشياء مب لسننج القانوني ..
نوره : جب جب بدش ثالث ثانوي وانتي بعدج تقوليلي مب لسنج القانوني ..
شيخه : هههههه لانه مب لسنج القانوني .. بعدج صغيره ومب لها السوالف ..
نوره : احسلي اطلع من حجرتج اللي تييب المرض .. وتخلي الواحد بريله يروح مستشفى الامل ..
بطنازه ..
شيخه : مستشفى الامل يستقبلوون نفسيات من نوعج .. يلا بس يلا شلي قشج وطيري لمستشفى الامل ..
طلعت من الغرفه بعد ما رقعت الباب ..
فتحت لابتوبي .. وانا اكمل قرايه الروايه .. اللي طايحه فيها ها الاسبوع ..
رن تلفوني .. وكانت عزه فديتها ..
رديت عليها ع طول ..
شيخه : عزوووه .. شوفييج ؟؟ ..
عزه : شوييخ ما بتتوقعين شو صار ..
قلبي دق من نبرتها الجديه .ز
شيخه : شو صارلج ؟؟ ..
عزه : تعرفين ليش سكرت عنج ؟؟ ..
شيخه : عزووه لا تزيغيني .. وقوليلي شو مستوي ..
قالت بترردد ..
عزه : خاالد ..
انقبض قلبي .. وانربط لساني ماعرفت شو اقوللها ..
عزه : شييخه ..
قلت بهدووء تااام ..
شيخه : شوفيه ؟؟ ..
قالت بسرعه و تصحح اللي فكرت فيه .. وهو انه خالد صايرله شي ..
عزه : لا لا مافييه شي ..
غمضت عيوني و تنهدت بارتياح .. ومسكت قلبي .. اللي ارتااااح جزئيا من اللي سمعته ..
شيخه : خس الله بليسج انقبض قلبي .. شو مستويي عزوه ؟؟ ..
عزه : خالد سمعج شو قلتيلي ..
عقدت حواجبي وانا احاول اتذكر شو قلت ..
شيخه : شو سمعني اقول بالضبط ..
عزه : اووف شوييخ .. يوم قلتتي خالد سلم علي ..
شوفييها الغرفه مافيها اوكسجيين ؟؟ .. ولا شو السالفه .. ليش مارووم اتنففس ..
احس نفسيييه انقطع من الصدمه .. مب مستوعبه اللي قالته عزه ..
اذا سمعني اقول بانبره هذيج و الحمااس اللي كان فيني .. طحتي وطي يا شويخ ..
وعررف اللي يصير ..
عزه : شيييييييخه ..
رديت عليها وانا فيني صيحه ..
شيخه : شو صار بالضبط عزووه ؟؟ ..
عزه : كنت حاطه سبيكر لاني كنت احط ماسك حق ويههي .. ونسيت اني مخليه الباب شوي ممفتوح .. وما دش الا يوم قلتي خالد سلم علي ..
نقززت ف السرير ..
شيخه : صدقيينيي ما بطلع من بيتنا .. ما بواجهه .. بحبس عمري ف البييت ..
عزه : انتتي مينونه ولا مينونه ؟؟ شو بالضبط ؟؟ ..
شيخه : اثنينهم ..
عزه : ما كملتج شو صار ..
عدلت يلستيه .. وجنه عزه جدامي و تكلمني ..
شيخه : شو مستوي بعد ؟؟ ..
عزه : هههههههه ما بتصدقين ..
قهرتني يوم ضحكت .. وجنه الدنياا حلووه عندها .. رديت قذلتيه ورا اذني ..
شيخه : انا ما صدقت من البدايه تبيني اصدق الحين يعني ؟؟ ..
قالت بوناسه ..
عزه : شوييخ خالد اخيرا حس فييج ..
قلت بشماته .. لانه ادري انه مستحيل ..
شيخه : هييه شو استوا ؟؟ كيف عرفتي انه حس فيني ..
عزه : يوم سمعج قلتي خالد سلم علي .. و عقب ما سكرت عنج .. قال اذا لهدرجه مستانسه و فرحانه لاني سلمت عليها .. عليج رفجه كل يوم ادقين عليها و توصليين سلامي لها ..
شهههقققت .. مب شهققه وحده .. اكثثر من شهقه .. وانا مب مصدققه من اللي قالته ..
شيخه : جذاااااابببه !!!! ..
عزه : ههههه وراااسج ..
شيخه : استغفرالله ..
عزه : ههههههه شسويلج اذا ما تصدقين انتي .. صدقي ابويه صدقي ..
وقفت بحماااس وانا مب ثابته مكاني .. كل شوي اروح يمين و يسار ..
شيخه : عزووووه احببج احبببج ..
وبسست التلفون .. وطلعت صووت . وعقب رديت و حطيته ع اذني ..
شيخه : انتي متأكده انه جيييه قاااال ؟؟ ..
عزه : لا ..
فجيت عيوني ع وسعها و منصدمه .. وانا اقول اصلا مستحيييل اللي قالته ..
عزه : متأكده مليووووووووون مره .. مب مره وحده ..
تنهدت بارتيااح ..
شيخه : خس الله بلييسج روعتيني ..
عزه : اقوولج يلا يلا بااي بشرتج الحيين .. بسكر عنج ..
شيخه : وين وين ؟؟ ..
عزه : بسير ويا امايه السوق نتشرا شويه غريضات ..
شيخه : منو بيوديكم ؟؟ ..
عزه : ههههههه مب خالد لا تحاتين .. راشد وموزه بتسير ويانا ..
شيخه : ماقول الا ياحظ موزه لانها تشوف خالد كل يوم ..
عزه : اقووول جب جب .. يلا مع السلامه ..
شيخه : فمان الرحمن ..
سكرت عن عزه .. و ع طول نقزت ع السرير و انسدحت وانا العب بخصل شعري ..
وشاقه الحلج مترين ..
احاول اصدق اللي قالته عزه ..
صدق ولا ؟!!!!!!! ..
.
.
.
اليوم : الاربعاء ..
المكان : بيت بو راشد ..
الساعه : 6 المغرب ..
.
( خالد ) ..

توني راد من المسيد .. وفرحاااان نوعا ما ..
اخيرا ببيع سيارتي .. اللي عرضتها اكثر من ثلاث اسابيع للبيع ..
و قبل الصلاه ياني اتصال من واحد يبغي يشتري السياره .. و بالمبلغ الفلاني ..
قلتله خلااص موافق .. قال خلاص اليمعه هاتها راس الخيمه .. و بنخلص المعاملات هناك ..
وافقت .. و دام خلاص تواعدنا ع اليمعه .. يبالي اسحب ويايه حد عشان ارد وياه بوظبي ..
ماشي غيره عواااس ..
دخلت البيت و توجهت للصاله ..
خالد : هااه الوالد ماشالله سبقتني للبيت ..
بو راشد : هييه قالولك خالد .. يسلم ع عيال الحاره كلهم ..
خالد : ههههههه هيه يابويه هذيلا ربعي ..
يلست عداله و صبيتلي قهوه ..
خالد : ابويه يوم اليمعه دربي للراس الخيمه ..
بو راشد : شعنه بعد ؟؟ ..
خالد : ببيع سيارتي ..
بو راشد : وانته ما تيووز كل سنتين بتبييع سياره ..
خالد : هههه لزوم الكشخه طويل العمر ..
بو راشد : هههه هيه زين ..
خالد : الا وين امايه و عزوه ومهره ؟؟ ..
بو راشد : راشد وداهم السوق ..
بلعت ريجي و سألته ..
خالد : موزه سارت وياهم ؟؟ ..
بو راشد : هيه ..
قام من مكانه وهو يأمرني ..
بو راشد : قوووم وع اخووك بسه رقاد خله يصلي ..
تنهدت ..
خالد : ان شالله ..
طلعت من الصاله متوجهه لغرفه حمد .. اول ما دخلتها توقعت اني اتجمد و الغرفه تكون ظلاام ..
بس طلع العكس .. وحمد واقف جدام التواليت يعدل سفرته ..
قلتله بجموود ..
خالد : صليـــت ؟؟؟ ..
ما التفت لي .. ولا عطاني نظره .. موجهه نظره للمنظره..
حمد : هيـــه ..
تساندت ع الباب و انا مكتف ايدي ..
خالد : آآآآهــا شي طيب والله .. عيل على وين يا الحبيب ؟؟؟ ..
فتح الدرج و طلع ساعته .. و لبسها ..
حمد : طالع ..
خالد : ادري انك طالع .. بس ع وييين ؟؟ ..
حمد : ما يخصــــك ..
و شل تلفوناته و بوكه و حطهن ف مخبااه .. وتوجهه صوبي عشان يطللع .. بس انا كنت ساد طريجه ..
حمد : خووز ..
خالد : يوم اسأأألللك سؤاال .. خل عنندك احتراام شويه و جاوبنني علليييه ..
طالعني بعصبيه ..
حمد : يـــاهل انا اجاوب عليكم وين طالع و من وين يااي ؟؟ .. فكوووني ارحموووونني شووي .. ترا اناا رياال و شوري بايييديي ..
خالد : رياال وشورك بايدك صح .. بس يووم الغلط راكبك من راسك لين ساسسك .. هنييه السموحه منك بس شورك بيكون عند اللي اكبر منك ..
قال بنبرره تحمل كل معاني الطناازه ..
حمد : اخااف باجر يوم اتزووج .. تشوفوني اسوي غلط تمنعوني من كل شي بعد .. ساعتها لا تلوموني لو طلقت عشر مرااات ..
رفعت حواجبي ..
خالد : لييش بطلق بعد ؟؟ ..
حمد : لانه الحرمه يوم تشووف شوري بايدكم .. بتقوول هااه مب ريااال يا فااهم ..
خالد : والله تعلم الصح من الخطأ واسمع كلام الكبااار ما بيستوي فيك جيه ..
حمد : لا احلف ؟؟ .. محلاني وانا اسمع كلاامك ع قولتك كلام الكبار .. قوووووم زيييين ..
ودزني ع وراا .. عشان يفتح الطريج .. بس انا كنت معاند وتميت ساد طريجه ..
حمد : ما بتقوووووووم !!! ..
دزني مره ثانيه ..
حمد : قوووووووم ولا والله لا اسدحك هنيه واخليك تندم ع الساعه اللي وقفت فيها ع طريجي ..
خالد : انا اخوك اكبر منك .. خل عندك ولو ذره احترااام .. وها التهديدااات مب عللليي .. انا اخر عمري انضرب ومن منوو بعد منك ؟؟ ..
تنهد بعصبيه ..
حمد : الحين انته شو تبا مننني ؟؟؟ ..
خالد : اباك تحس على دممك ولو شووي .. اباا اعلللمك كيف تحترم ابووك .. و ترا اللي صار امس انا مشيته بكيفيي ( وحطيت صبعي ع راسي ) .. ابويه هدددا بعد ما قلتله انك ما بترفع صوتك عليه مره ثانيه .. لا تخليني اندم اني عطيتك ثقققه انك بتتغيير .. خلني اكون قد كلمتييه .. و احترم الكبير ..
حمد : انته الحين واقف بنص طريجي .. ومخلني اتأخر ع ربعي عشاان تقوول ها الكلمتيين ..
طالعته بنص عين .. و بنبره صارمه ..
خالد : حمــــــد !!! ..
خذ نفس عمييق و سكت شوي عقب قال ..
حمد : ان شالله ما يصير خاطرك الا طيب .. بس يابووويه بتأخر ع الربع الحيين ..
خالد : توعدني انه اللي صار امس ما ينعااد ؟؟ ..
حمد : اوعددددك اوعدددك .. خلني الحين اروح ..
رفعت حواجبي ..
خالد : وناصر !!! ..
ساند ايده ع اليدار وهو يطالعني بملل ..
حمد : شفييه بعد !! ..
خالد : ابااك تتسامح منه .. ما ندري شو صار امبينكم .. بس الاكيد انه ها الخلااف ما بيوقف عاائق ف طريج صداقتكم ..
ارتحت جزئيا وانا اشوفه يبتسم لي ..
حمد : لا ما عليك .. امس بس عصبت عليه شوي ومادري كيف صار اللي صار .. بس ان شالله بتسامح منه ..
ابتسمت براااحه .. و حطيت كف ايدي ع جتف حمد ..
خالد : ناصر ربيعك و اخوك و وولد عمك .. لا تخلي مثل ها الخلافات تدمر صداقتكم اللي ينضرب عليه المثل ..
حمد : لا وييين .. انته و عيسى صداقتكم اللي ينضرب عليها المثل ..
خذت نفس عميق وانا اخووز عن طريجه .. وأأشر بايدي على انه ( تفضل ) ..
خالد : خلل عنك .. والحيين فتحت لك الطرييج ..
قال بمرررح وهو يمشي ..
حمد : ما بغييينا يابووويه .. كل هااه مذله ..
ضربته ع جتفه ..
خالد : سير تسامح من ابووويه ..
حمد : ان شالله ..
شفت انه نزل .. وبعد ما اختفى عن عيني .. كنت متوجهه لغرفتيه .. بس شفت ثلاثتهن يرقن الدري و صوت الاجيااس حاشر الدنيا ما فيها ..
عزه : هااه انته هنيييه !!! ..
خالد : وين تشوفيني يعني !! ..
عقدت حواجبي باستغراب .. وانا اشوف عشر اكياااس ف ايد كل وحده ..
خالد : وبعدييين انتو شو شارييين !! .. خلصتو فلوسنا لا بركتن فييكن ...
ابتسمت مووزه .. وحسيت موجه مشاعر اجتاحتني ..
موزه : ترا تشريناحق عزيمه اليمعه ..
خذت نفس بهدوء وانا احس سحرتني بصوتها اللي معذبببننني .. كيييف تنسااهاا يا خالللد وهي تطلعلك ف كل مكااان ..
عزه : هيييه انته درييت صح !! ..
خالد : لا شوو !! ..
موزه : ها اليمعه عمتيه حصه عازمتنا ع الغداا ف بيتها ..
خالد : شو الطاري !! ..
رفعت عزه جتوفها ..
عزه : مادري والله .. بس تقول ها اليمعه الغدا عليه ..
هزيت راسي ..
خالد : زين والله ..
شفت مهروه ماسكه التلفون .. و شوي و بدخله ف عيونها .. تضايجت بصراحه .. ها التلفون ماخذ اغلب وقتها .. ونحن اهلنا ما مسوتلنا سالفه ..
قلت بضيجه ..
خالد : يا مهرووه خلي عنج ها الفوون ..
مهره : ..
لا حيااه لمن تناادي .. جني مارمسها .. اكبر طااف لي و للموجودين ..
طالعتها موزه بضييج وهي تقوللها ..
موزه : مهروه .. اخوج يرمسج ..
مهره : لحظه شوي انزين ..
حركت عزه ايدها بيأس .. وهي تمشي عنا سايره صوب غرفتها ..
عزه : ها البنت ما يفيد وياها الكلام .. يبالنا نحرمها من التلفون يوم تي المدارس عشان تهتم ف دراستها ..
ع طول مهره رفعت راسها و هي اطالع عزه بشراسه ..
مهره : خلي عنج و لا ادخلين ها الفكره ف راسهم ..
خالد : لا ماعلييج .. ها الفكره دااخله ف راسنا من زماان ..
غمضت عيونها ..
مهره : اللهم طولج ياروووح .. انا بدخل غرفتيه وايد اححسسسن بااااي ..
ودخلت غرفتها و رقعت الباب ورااها ..
عزه : والعثرره ..
وكملت دربها و دخلت غرفتها .. شفت بطرف عيني موزه تمشي بخطوات بطيئه متوجهه لجناحها ..
زقرتها قبل لا تختفي عن عيني .. هاي الفرصه ما تنعااد مرتين ..
خالد : مــــوزه ..
التفتت عليه وهي تعدل شيلتها و ادخل خصلات طالعه ..
موزه : امر خالد ..
خالد : ما يامر عليج عدو .. آآآآآ ..
حسيت الكلمااات اختفت .. من عيونها و نظراتها اللي تذبحنني مليوون مررره .. سكتت متأمل عيونها بقواااه عيين ..
لدرجه انها نزلت راسها بتوتر ..
موزه : خير خالد بغيت شي !!! ..
قلت بصوت اشبهه بالهمس ..
خالد : مارديتي علي بعد اخر مسج ..
رفعت راسها .. وحسيت من نظراتها تقولي شو ها السوال ؟؟ .. انته ما تستحي ع ويهك !! ..
موزه : مارديت عليك .. يعني ماريد ارد عليك ..
واختفت عن عيني ..
نزلت تحت ويلست ويا راشد .. وانا احاول اخفي غيضي من موزه .. و حسدي لراشد ..
.
.
.
بعد اسبوعين من الاحداث ..
.
.
اليوم : الاربعاء ..
المكان : في سياره حمد ..
الساعه : 9 مساءا ..
.
( حمـد ) ..


مسكت تلفوني اللي يرن .. وانا اشوفها متصلله .. حسييت بفرححه مب طبيعيه .. اتريااهاا تفضى عشاان تتصلي ..
حبيت اتغلى شوي .. فما ردييت عليها ..
خليها شوي تححسس بالطااف اللي مسوتلي اياه امس ..
وعدتني تتصل و ما اتصلت .. ومادري وين رااحت !! ..
رن تلفوني اكثر من ثلاث مراات ..
بسك تغلي يا حمد حراام عليييك .. البنت قاعده تتصل عليك .. وهي مب دوم تفضى ..
ضغطت ع الزر الاخضر .. بس ما تكلمت ..
سمعت صوووتها وخللى قلبي يفز من مكااانه ..
ساره : حمـــــــد ..
حمد :..
ساره : حممد شوفيك ما تتكلم ؟؟ ..
حمد : ..
ساره : دخييلك رد علي ..
حمد : ..
ساره : يعني زعلان مني !! ..
حمد : ايوا ..
ساره : والحلوو كيف نراضييه !! ..
غمضت عيوني و ساندت راسي ع السيت .. بما اني كنت موقف ف باركنات الكورنيش ..
حمد : ابغي اشوفج ..
شهقت بصوت عالي ..
ساره : حممد انت ينييت !! ..
حمد : شو ينييت ؟؟ .. انتي قلتي كيف نراضييه .. ورضايه شوفتج ..
ساره : مستحييييييييييل ..
حمد : ليش مستحييل ؟؟ .. مافي شي مستحييل ..
حسيتها توترت ..
حمد : ساره فيج شي ؟؟ قلت شي غلط انا ؟؟ ..
ساره : حمد انا ما خبرتك بشي ..
حمد : شو بعد ؟؟ ..
ساره : انته بتخطبني ؟؟
سكت ما عرفت شو اقوللها .. انا ما اقص عليها وربي .. بس ف نفس الوقت ماعرف كيف بتزوجها .. وانا متعرف عليها من سنه وشوي تقريبا .. ماعررف عنها وايد اشياء .. ماعرف كيف اخلاقها .. كيف تصرفاتها .. واهم شي كيف شكلها ..
سنه و شوي .. هاي مده قصيره عشان اتعرف عليها اكثر ..
ساره : يعني ما بتخطبني ؟؟ ..
رديت بسرعه ..
حمد : لااااااء .. منو قال ها الشي ..
ساره : ليش احس قلبي يقول العكس ؟؟ ..
حمد : كلام قلبج مب صح .. انتي اهم شي وثقي فيني .. وانا بكون قد الثقه ان شالله ..
قالت بهمس ..
ساره : يعني تحبني !!! ..
تنهدت وانا امسك قلبي ..
حمد : احبببج بسس .. الاا اعششقج ..
ضحكت بخفه ..
ساره : هههههه ..
رفعت حواجبي ..
حمد : بــــس !!!! ..
ساره : شو بس ؟؟ ..
حمد : هذا اللي قدرج عليه .. تضحكين ؟؟ ..
ساره : شووو اقول عيل ؟؟ ..
همست ..
حمد : احبــك ..
قالت بدللع خلااني اذوووب ..
ساره : حمـــــــد ..
حمد : ياحلوو اسمي ع لسانج .. ويا حلو منطووقج ..
ساره : بــس عااد ..
حمد : ههههههه تستحيين ولا شو سالفتج ؟؟ ..
ساره : جب جب هههههه .. انته وين ؟؟ ..
حمد : ماشي هنيه الا ع الكورنيش ..
ساره : شو تسوي ؟؟ ..
حمد : اشوف الغراشييب ..
ساره : نعــــــــم ؟؟ ..
حمد : ههههههههههههههههه شو ؟؟ ..
ساره : بــــاي ..
حمد : هههههههه اسولف ويااج تعالي تعالي ..
ساره : هممم ههههههههه ادري انزين ..
رفعت حواجبي ..
حمد : شدراج ؟؟ ..
ساره : لانه حممد ما يشوف غير ساره و ما يفكر غير بساره .. وما يتمنى غير ساره .. صح ولا ؟؟ ..
حمد : ههههه اموت ع الثقه ..
ساره : انزين ما قلتلي شو تسوي هناك ؟؟ ..
حمد : قلتلج تراني اشوف الغراشيب ..
ساره : حمـــــد ..
حمد : ههههههه وين الثقه اللي توج تتكلمين عنها ..
ساره : موجوده بس انته تخليني افكر بأشياء ثانيه ..
حمد : ههههههه فدييت خشمج والله .. خسي بنت تاخذني منج .. وخسي ريال ياخذج مني ..
ساره : اكيييد !! ..
حمد : اكيدين وحياتج ..
ساره : هههه انزين حبيبي .. انا الحين بسكر تامرني على شي ؟؟ ..
حمد : وين وين ؟؟ ..
ساره : اختي يايه بسير اسلم عليها ..
حست بوزي بقهر ..
حمد : انزيين ..
ساره : هههه برمسك ع البي بي ام ..
حمد : اوكيه .. ديري بالج ع عمرج ..
ساره : ان شالله مع السلامه ..
حمد : فمان الله ..
سكرت عنها .. وتنهدت بارتياح ..
الحمدالله .. الحمدالله .. رمستها و تطمنت عليها ولو اني شوي زعلت منها .. لانها ما رمستني البارحه .. مادري شعذرها .. بس الاكيد انها كانت مشغوله ..
ساره ..
وآآآآآه من ساره ..
علقتني فيها بطرييقه مب طبيعيه .. احس بدونها ماعييش ..
انا رااضي فيها بكل عيوووبها ..
وبرمس امايه عشان تخطبببها لي .. ماقدر اعيش بلياها .. بس امايه بتقولي من وين تعرفها ؟؟ شو اقوللها ؟؟ ..
بقوللها و اللي فيها فيها .. ادريبها امايه ما بترفضلي طلب ..
اما ابويه .. فامايه تعرف شغلها ..
ما بفرط بساره .. واخليها تروح لريال ثاني ..
قطع علي اتصال من خالد .. رديت عليه ..
حمد : هلا خالد ..
سمعت شهقاته اللي يحاول يخفيها ..
حمد : خاااااااااالد .. بلااااك ؟؟ ..
صدمني اكثر صوت امايه وهي تقول بصوت عالي ..
ام راشد : ياااااااارببببي بننننتتتي شو صاارلللها .. ياارربي ساامحني اناا السبب ..
زادت انفاسي العاليه .. شو صاااير ؟ .. منوو بضببط .. مهره وولا عزه ؟؟ .. صرررخت ..
حمد : خاااااالد .. شو مستوي ؟؟؟ ..
خالد : حمد انته وين ..
حمد : خااالد بتقولي شو صااير ولاا ؟؟ ..
خالد : عزززه ....
وما قدر يكمل لاني قاطعته .. بصوت اعلى ..
حمد : شوفييييييها ؟؟ ..
خالد : حمد عززه ف المستشفى ..
حمد : شوو مستويي ؟؟ .. شوفيها ؟؟ .. لييش ؟؟ .. لااااا تزيغنني خااالد ..
خالد : تعاال انته مستشفى الـ .... وبتعرف ..
ما قدرت اطالبه بأنه يكمل .. لانه سكر فويههي .. وما تريا ردي او استفساري باللي يصير ..
شغلت سيارتي ع طوول وحركتها .. واناا طاااااااااير للمستشففى .. ماعرف شو صايرلها ..
بس داام خالد منهاار جييه و صريخ اماايه االعاالي .. يعني اكيد صاير شي جااايد ..
اول ما وصلت المستشفى .. اتصلت لخالد و طلبت منه انه يدليني وينهم .. و دلاني بمكانهم..
::
::
حسيت برجفه مب طبيعيه .. وانا اسمع راشد اخويه يشرح شو استوا لعزه ..
راشد : امايه طلبت منها تسير تقلي همبرقر .. لانه جيرانا كانو موجودين فولدهم طلب همبرجر .. حطت الزيت ع التاوه و كل شي .. راحت و يابت الهمبرجر بس وهي راجعه للغاز كان في ماي منجب ع الارض الظاهر البشكاره مب ماسحه الارضيه .. و تزحلقت .. و طاح على جسمها الزيت الحار ..
حسيت ريول مب شالتني من كلامه .. يلست ع الكرسي بسرعه و خشيت راسي بين ايديني ..
راشد: عزه ان شالله بتكوون فأحسن حاال يا حمد .. صح انه جسمها كله انحررق .. بس الطب اطور وفيه عمليات تجمييل ..
رفعت راسي و طالعته ..
حمد : راشد .. راشد خطيبها خبرتووه ؟؟ ..
نزل راسه وقال بلوم ..
راشد : اخافه ينهار علينا .. نحن مب ناقصين ..
حمد : كيف يعني ما خبرتووووه ؟؟؟؟ ..
راشد : مادري ابويه ما بغانا نخبره .. لين ما تتحسن حالت عزه ..
وقفت بسرعه و مسكت تلفوني ..
حمد : انا بدق عليه ..
راشد : كيفك عاد انا ما يخصني شو بيستويله ..
تخطاني و سار صوب امايه .. وخالد و ابويه .. ومهره ..
دقيت ع راشد و ترييته لين ما يرد عليه .. بس للاسف مارد عليه .. تميت ادق و ادق عليه بس ما رد عليه ..
شكله مشغول .. رديت فوني ف مخبايه .. و سرت وين هم قاعدين ..
شفت امايه هدت شويه و حاطه راسها ع جتف مهره ..
حمد : امايه ليش ما تدخلون داخل عند عزه ؟؟ ..
نزلت دمعه من عين امايه .. قامت من جتف مهره و مسحتها ع طول ..
ام راشد : مالي ويهه اشوفها يا ولدي ..
خالد : امااااااااايه شو ها الكلام ؟؟ .. انتي مالج ذنب باللي صارلها ..
رفعت عيونها و ركزت نظرها لخالد اللي كان متساند ع اليدار ..
ام راشد : كيف مالي ذنب وانا اللي قلتلها تقلي .. وياليتني انا انحرقت ولا هي ..
مسكت ايدها و رصيت عليها ..
حمد : لا تلومين عمرج .. اللي صارلها مكتوووب يصيير .. غصبن عني و عنج بيصيير .. هذا قدرها و لازم نرضى فيه ..
خشت راسها بين ايدينها .. و تمت تصيح ..
هزيت راسي بأسى و وجهت نظري لخالد ..
حمد : وين ابويه و راشد ؟ ..
خالد : حدرو عندها ..
حمد : نشت ؟؟ ..
هز راسه بمعنى ( هيــه ) .. همست بـ ( الحمدالله ) .. و قعدت اكررها مرات و مرات ..
خليت امايه و مهره و خالد .. و دخلت الغرفه .. شفت ابويه منزل راسه بأسى ..
وراشد يمسح شعر عزه .. اللي صاده عنهم و تصيح ..
حمد : عـــــزه ..
انهارت اكثر و اكثر .. وبدت تشاهق بصوت عالي .. يلس راشد ع السريرر و قرب راسها لصدره ..
عزه : راششـ .... كــيف جييه استوا .. ( صرخت ) كيــــــــــف ..
قام ابويه و مسك ايدها .. يهديها ..
ابو راشد : يا بنتي ما يستوي جيه تسوين بعمرج .. والله مب زين عليييج ..
عزه : ابوويه منو بيرضا بها الجسم المشوههه .. منوووو قووولييي ..
فجيت عيني ع كلامها ..
معقوله راشد بيفصخ الخطبه بسبت جسمها المشوهه ؟؟ .. اكييد لااا
راشد اكبر من جييه .. مستحيل يوقف ع ها النقطه ..
راشد : عزززه .. اهدي فديتج اههدي خلااص ..
قالت بحرقه و حسررره ..
عزه : ادمررت حيااتي يا راشد .. محد بيرضا فيني .. راشد بيفصخ الخطبه ..
ابو راشد : عزززه شو ها الكلام ؟؟ ..
عزه : مافي ريال يرضا بجسسم جييه يا ابويه ..
رفعت اكمام قميصها .. و قالت بألم ..
عزه : منوو بيرضا بها التشوهات ؟؟ .. منو بيرضا بجسم محرووق ..
غمضت عيني .. وانا اشوف ايدها المحروووقه .. بلعت ريجي ..
مالوم امايه يوم تصيح براا .. بس المفرووض تدخل عندها و تواسيها ..
اي تواسيها ..
امايه بروحها تبا حد يواسيها ..
آآآآآآآآه الله كريم بس ..
خليتهم و ظهرت براا .. وشفت امايه و مهره مثل ما خليتهم .. بس خالد مب موجود ..
ام راشد : سمعتها تصرخ شوفيها ؟ ..
يلست الكرسي اللي مجابلنها .. وانا اطالعها .. وهي تمسح دموعها ..
حمد : امايه مب زين اللي تسوينه .. مب زين تلومين نفسج ع غلط ما كان قصدج .. محد يدري شو كان مكتووب يصير ..
بدت امايه تحرك جسمها جدام و ورا .. و منزله عيونها ع الارض ..
ام راشد : عزه مستحيل تسامحني ..
قبضت مهره ايدها و رصت عليها ..
مهره : عزه طيبه .. و ما بتزعل منج .. لانج انتي امها .. ياما و ياما حرمتي نفسج من اشياء و تعذبتي من اشياء بسبتها .. ما تروم تسامحج ع غلطه بسيطه ..
ارمقت مهره بنظرااات عشان تسكت ..
حمد : يا ترمسين بشي زين .. يا تنطميين ..
طالعتني بنرفزه ..
مهره : شو قلت انا الحين ؟؟ .. هذا الصح .. هذي امها ومب من حقها تزعل عليها ..
سمعت تلفوني يرن .. و هذا الشي انقذ مهههره ..
حمد : حمدي ربج تلفوني رن ..
ظهرته من مخبايه .. و سرت عنهم بعيد شويه .. ورديت ع راشد ( خطيب عزه ) ..
راشد : هلا هلا .. وين ها القطاعه يا بو شهاب ..
تنهدت ..
حمد : اهلين ..
سكت راشد شوي .. وعقب قال بخوف ..
راشد : شوفيه صوتك جييه متغير ؟؟ ..
تنهدت تنهيده ثانيه ..
حمد : والله مادري شو اقولك يا راشد ..
راشد : والله انه قلبي ناغزني اليوم .. وحاس شي صاير .. شو مستوي ؟؟ ..
حاس يا راشد شو مستوي ؟؟ .. لهدرجه ..
حمد : راشد ابغيك ف موضوع ..
راشد : تفضل ..
حمد : ضروووري ..
قلتله ضروري عشان يفهم انه ابغي اشوفه .. مب ع التلفون ..
راشد : خلاص تم .. قولي المكان .. وبشوفك هناك ..
حمد : تعال باجر المستشفى ال..........
قال باستغراااب ..
راشد : مستشفففى ؟؟؟ .. شو مستتتوي يا حمد تراك زيغتتني ..
تنهدت ..
حمد : كل خير ان شالله .. كل خير .. تعال انته و بقولك شو مستوي ..
قال سؤال بتقطع ..
راشد : عــ .. زه .. مستـ .. ويلها شي ؟؟ ..
حمد : راشد تعال و بخبرك ..
سكرت ف ويهه .. ماريد اخبره و اصدمه ع التلفون .. ولا سمح الله يسوي حادث ..
يلست ع الكرسي وانا افكر كيف ببدا و بفاتح راشد الموضوع ..

.
.
.