أفففففف يلّا بسرعـه حمستني ..!!
تـوقعاتي فـ البارت الياي :
عمووور ما دعم بس يمكن بنّدت المكينه عليه ..
نـزّل البـارت بسرعـه والله انه القصـه طرطريشن ^^

تسلمين حبوبهـۃ على التوقعـآت . .

يعطيج آلعآفهـۃ . .

تسلم آخويهـۃ على المرور

يعطيك آلعـآفيهـۃ

منور الموضوع بكبرهـۃ ، ، [ لوول ] . .~

البآرت 12


قسم الطوارئ غرفه 12

الدكتور :
حالته خطيرهـ الله يكون بعونهـ
ونسبة نجاته ضئيله .. هو على حسب استجابة جسمه للعلاج
وان شا الله يقوم بالسلآمهـ .. صابته كسور .. وجروح عميقه .. وطاح في
غيبوبه
وفقد كثير من دمهـ .. بس ان شا الله خير ..

نآصر(مصدوم) : نقدر نسفره خارج الدولهـ .. يمكن يلقى علاج افضل؟! ..

الدكتور : هو الحين حالته خطيره اذا تحسنت حالته ممكن انكم تاخذونه
لبرع البلاد بس بطياره مجهزه بدكاتره..
ناصر : اوكيه مشكور دكتور ..

ام ناصر ( تصيح ) : حسبي الله ع بليسك من ولد .. لوو رحت عني الحين ..
شو بتستفيد .. ليش ياا عمر .. لييش .. << ماسكه راسها ..

بو ناصر : ام ناصر اذكري ربج .. ان شا الله يقوم بالسلامهـ
ويرد احسن عن قبل ..

ام ناصر ( تصيح ورفعت ايدها تدعي ربها ) : ياارب احفظه لي وطول بعمره وخفف عليه وهبه الصحه والعافيه .. و..آآ.. << ماقدرت تكمل وردت تصيح ..

.................................
......................
.........

شمامي اتصلت لام حمدان ( ام مياري ) : هلا
ام حمدان : اهليين شحالج شمامي ؟
شمامي : بخير ربي يعافيج.. امم .. خالو وين مياري ؟
ام حمدان : هنييه مياري ويت شوي ..

( ام حمدان سارت تودي الفون عند مياري اللي كانت يالسه تطالع
الـ T.V ويا اليهال ..

ام حمدان : مياري خذي الفون ..
مياري : منو ؟..
ام حمدان : شمامي .. )

ميااري : هلاااا والله وغلاااااا قسسم بالله متولها عليج خخ
شمامي : اهلييين والله .. مي 2 .. وينج انتي ويا هالراس !! في ناس
مخبليبنا هنيه ف البيت .. وينها مياري .. ووينها متوله عليها ..
مياري ( استاانست ) : هههههه فدييتهم هالنااس ..
شمامي : طاال عمرج هالناس يبونج فـ سالفة ضروريه ويبونج ادقيلهم
تقدرين ؟
مياري(ياربييه متولها عليه فديته ) : هييه بشووف الحين .. بسير افتح فوني
عمي محد فـ البيت .. اظن ظهر ويا ابووييه !!
شمامي : اهاا اوكيه .. سوري طولنا عليج
مياري : لا فديتج عادي ..
شمامي : يلا عيل سيري دقيلهـ عن يتخبل علينا هههه
مياري : هههه اوكيه يلاا جاو جااو
شمامي : باااي

وسارت مياري ركييض ع غرفتها .. وافتحت فونها .. وشافت مليوون الف مسج من ميود .. ( واا فدييته والله .. محد يسوااه هالولد خخ )
اوييه خلني اقوم واسكر باب الغرفه عن ايي عميه .. ما فينا ..
وقامت وقفلت باب الغرفه وردت طاحت ع السرير .. ودقت لميود
من اول رنه شل الفوون ..

ميود : هلاااااااا والله ومرحبااااا السااااااع بالقلب قسسم بالله متوله عليج فديتج ..
مياري : هههه اهليين والله ومرحبتيين الساااااع والله مي 2 حبيبي ..
ميود : لاا انا اكثر صدقيني ..
مياري : لاا انا اكثر ..
ميود : اقوولج انا اكثر يعني انا اكثر ..
مياري : خلاص عيل انا اكثر وانته اكثر هع...
ميود : هيه جيه اوكيه خخ
مياري : هاا شو مستوي .. شو السالفه الضروريه اللي تباني فيها ..؟
ميود ( نقع من الضحك ) : ههههههههههههههههه
مياري : اييه شوو يضحكـ ؟
ميود : حبيبي ماشي سالفهـ .. بس متوله عليج وكنت ابا اسمع حسج ..
مياري : ويا ويهكـ .. عيل الحين شسوي .. اذا شموه سألتني عن السالفهـ
شقولها ؟
ميود : ههه ماادري
مياري : ميووود عااد .. شو مادري .. يلا ظهرلي سالفه خخ
ميود : اممم قوليلها عن سالفه فطووم العبيطهـ
مياري : كيف يعني اقولها ؟
ميود : قوليلها يوم سألتني اني احبج والا ..
مياري : اها اوكييه .... انزيييين وين كناا ههه
ميود : اسمييج لووتيه ويا خشمج ..ههه
مياري : ظااهره عليك شسوي ..
ميود : حبيبي والله متوله علييج . احبببببج والله احبببج واموووت فييج
..اهوااااااج اناا اعشقج .. اتنفس هوآآآج .. شوفي شو مسويه فيني انتي
.. بلااااوي خخ
مياري : ههه وانا بعد احبببكـ والله امووت فييكـ حبيبي .. حتى انته
والله 24 سآعهـ افكر فيكـ .. حتى رقاد ما ارقد شرات الناس .. كله افكر فيكـ ..خخ
ميود : ههه يعلني ماا خلاا منج عنووني
مياري : ولا منـكـ ميودي .. << يابتها بدلع ..
ميود : فديت هالدلع اناا .. بتعذبيني انتي .. والله متوله علييج .. احس اني
ما رمستج من زمااااااان .. جني ما رمستج من سنييييين ...
مياري ( مستحيه) : فديتكـ والله ..
ميود : ميلووووتي ( ميرووتي ) اباا اعرررس ههههه
مياري : هههه تبا تعرس هااه ... بخطبلك بنت عمكـ حصوه .. شو رايك؟
ميود : تولي لاا هااي .. شو اباااهاا .. ماا يسوونج حبيبي .. انتي عن كل البناات اللي كنت ارمسهم .. ههه
مياري : جب جب الحين شو ياب سالفة هالبناات ..
ميود : ههه تعرفين انا من زماان ما كان عندي لا شغله ولا مشغله
كان عندي ايميل كله بناات .. واقردنهم ع المسن وبعدين ارمسهم ع الفون
بس الحمدالله هاا كله اوول .. الحين انتي مكفتني وموفتني بعد ..
مياري ( ساكته وتسمع )
ميود : انا ماارضى انج تقارنين نفسج بهاللووث .. انتي مستوااج فووق ..
محشوومه عنهم .. هذييل تعرفيين شوو ؟
مياري : شوو ؟
ميود : هذييل حتى نعاالج ما يسوون .. هذييل لووووث .. زبآآلهـ ..
مياري : انزين بسكـ بسكـ ما خليت شي فيهم خخخ
ميود : فديتج شسوي .. احببج .. اممم خاطري ابوسج ههه
مياري ( استحت وقالت بدلع ) : اييييه جاآآآب .. لا تقول جيه خخ
ميود : تستحين فديتج ؟
مياري : شو تستهبل انته والا شوو ؟
ميود : هههه لا بس استخف دمي ..
مياري : ها ها ها لا لا ماارووم آآآوووج بطني يعوورني من الضحكـ
لا هب مصدقه ميود ينكت ..
ميود : لا احااول فديت رووحج ههه
مياري : ههههه
ميود : فديت هالضحكهـ اناا ..
مياري : احمـ .. بطني يعورني ؟
ميود : من شوو حبيبي ؟
مياري : حااامل ههههههههه
ميود(يسوي عمره معصب ) : لاااااااااا والله من منوو ان شا الله ؟
مياري : هههه اييه جب شو من منووو .. اسوولف اناا
ميود : من الحين تخونيني انتي .. جب مااحبج .. مااكلمج
مياري : اييييييييه عاااااد .. اسوولف
ميود : جب مااحبج لا تكلميني ..
مياري : اوكيه كيفكـ ..
وتمت سااكته وهو سااكت ..
ميود : بلاج سكتي مره وحده ؟..حبيبي اسووولف ههه
مياري : تب مااحبكـ اناا ..
ميود : لييث انذيين .؟؟..
مياري(بكل براءة ودلع) : بث جييه .. انته كله تذعلني ..آول ثي قول آنا آثف..!!
ميود ( يقلد اليهال ) : آنا آثف فديتث ..
مياري : هيه جيه رضييت ههه
ميود : ويا رااسج .. اصلا ادريبج ما تزعلين .. بس حركاات خخ
مياري : هييه انزيين .. يعيبني يوم تقول ( آنا آثف ) احس انكـ يااهل وبريييئ ومالك خص فالدنيا ههه
ميود : لاااااا والله .. يعني انا هب برييئ خخخ
مياري : ههه لوووتي انته خخ
ميود : الله يثآآمحج ..

<< هاا استانستوو .. اكيد استانستوو .. عرفتو شو صار من بين مياري وميود .. شو تبون بعد ههه ..

انزيين خلونا نخليهم برووحهمـ .. ونسير نشووف شو استوى ويا فطوم
وهي شو سالفتها ؟..

..................................
.......................

فطوم ( تصيح ) : اهئ لييش جييه يستوي فيني .. ليييش ..
سيف : فطوم فديتج هدي .. ان شا الله اميه ما فيها شي ..
ولوا عليها يهديها ..
وعزوز مايدري وين يعق بعمره .. مضاااااايج من السالفهـ : اقول سيف ؟
سيف صد صوب عزوز : هلا ؟
عزوز : انا بسير البيت شوي .. وبردلكم العصر .. شي تبون اييبلكم من البيت ؟
سيف : لا سلامتكـ ..
عزوز : فطوم تبين اييبلج شي ؟
فطوم ( تصيح ) : آآ..لا مابا شي ..
عزوز ( فطوم كاسره خاطره ) : اوكيه اخليكم انا ..
وسار عنهم ..
عزوز أول ما دخل البيت .. ساار سييدهـ صوب الفون اللي كان يرمس
فيه ابوه .. وشاف آخر رقم .. واتصل عليه ..

عزوز : الو
خاله ( متلوم انه قال لابوه ) : الو هلا عزوز
عزوز : هاا خااليه شحالك ؟
خالهم اسمه عبدالله ..
عبدالله : بخير الحمدالله .. خير عزوز في شي ؟
عزوز ( متردد ) : اممم خالي انته كنت ترمس ابويه قبل ما يطيح علينا
انته شو قلتله ؟ شو اللي خلاه يطيح ؟
عبدالله ( متردد .. اقوله والا ماااقوله !! ) : اممم عزوز ؟
عزوز : هاا خالييه .. خالييه دخيلك ابا اعرف شو السبب اللي خلاه يطيح..
ابا اعرف منو السبب ... ؟
عبدالله : بصرآحهـ السالفه وما فيها انهـ اختكـ ...........................وقاله السالفه ..
عزوز ( منصدم ) : شووووووو ؟؟ خالييه انته متأكد من اللي قلته ؟
عبدالله : هيه عزوز متأكد .. حتى انا اكثر عن مرهـ جاكنها ويااه ..
وكل مرهـ اقولها بخبر اهلج وتقول ما بعيدها .. وتغمضني وما اخبركم
لكنها مصختها .. فقلت لازم اقول لابوها ..
عزوز ( عصب من الخااطر ) : انزين خاليه انا اخليك الحين
عبدالله : عزوز لا تتهور وتسير تسويبها شي .. امكـ وابوكـ اللي فيهم كافنهم .. وانا تراني ما قصرت وياها ..
عزوز : خالي انا اعرف شو اسوي.. يلا باي ..
ما سواله سالفه وسكر فويهه ..

عزوز عصب من خااطره ( زين زين والله وظهرتي هب هينه يا فطييم
صدق لي قالو تحت السواهي دواهي .. والله جاان ماارااوييتج العذااب باصووله ماا اكوون عبدالعزيز بن صقر الـ ......... ,, عيل انتي
اللي تسوين جيه في ابويه .. انتي السبب في شلل ابويه .. ماعليه الاياام يايه) وسار يرقد .. عسبت يرتاح وبعدين يسير المستشفى ..

.................................
....................
.........


ام حمدان : لطوووف ( ام كايد ) ويينج ؟
ام كايد : هاا يا فطيم انا فـ المطبخ ..
ام حمدان سارت جدا المطبخ وشافت ام كايد مسويه كيكه وصابه
فوقها ككااو ذاايب ازقرررت .. ميااري تموت فهالكيكه ..

ام حمدان : الله يا محلى هالكيكه .. وينها مياري .. جانها من متى مخلصتنها ههه
ام كايد : هههه هيه حليلها .. بعدها حاره بنخليها تبرد وبعدين بنوديها
الصاله صوب طاوله الطعام ..
ام حمدان : اوكيه .. عيل ما شفتي مساعه جيود ولدج يضارب ويا عليوه بنتيه .. والا شو يقولها .. اونه جب اسكتي والا ما بخذج يوم بتكبرين ههه
ام كايد : ههههههه اسمع هاا انته .. من الحين ..
ام حمدان : ههه ..
وجان يحدر حمدان المطبخ وهو يصيح ..
حمدان : ماماااااااااااا
ام حمدان : ها حبيبي شو فيك .. ليش تصيح ؟
حمدان : مامااا هاي روضه ضربتني .. هاي كله تغايض انا ماحبها
ابا اثيير دبي .. مابا اتم هنيه ..
ام حمدان ( تمسح دموعه ) : انزين حبيبي اليوم بنروح دبي بس نتريا ابوك ايي انزين ..
حمدان : انزين ..

.............................
.................
.......

ام مايد : شمااااااااامي
شمامي وهي تنزل من الدري : هاا امييه الحين يايه ..
ام مايد : تعالي اميه اباج شوي ..
شمامي سارت ويلست حذا امها .. : خير اميه شو صاير ؟
ام مايد : امييه انتي موافقه على عبدالعزيز ؟
شمامي نزلت راسها : هيه
ام مايد استاانست من الخااطر وباست شمامي ع راسها ولوت عليها :
فديتج شمامي .. وبتستويين عرووس .. ببشر ابوج ..
شمامي : امييه عااد استحي ..
ام مايد : ههه فديتج شمامي ..
ميود كان توه داخل البيت وشاف امه لاويه ع شمامي : ويه ويه عييب ..
وحط ايده على عينه اونه ما يبا يشووف ..
ام مايد وشمامي : ههههههههههه
شمامي : ههه اونه عيب .. امييه هاي عادي خخ
ميود : ههه ادري انزين بس استهبل ويا هالويه ..
ام مايد : ما شا الله من وين ياي ..
وتشوف ساعتها كانت الساعه 11 فـ الليل
ميود ( توهق ) : هاا .. انا كنت ويا.. اربيعي .. هيه كنت ويا ربيعي نحوط شوي ..
ام مايد : بلاك انزين .. متخربط ..
شمامي : ويا ربيعك والا ؟ هههه
ميود : جب جب انتي .. انا مااخوون ميرووتي .. والله ظااهر ويا ربيعي ..
ام مايد : انزين لا تحلف مصدقينكـ ..
ميود فخاطره ( اشوه ) خخخ
وسار غرفته ولحقته شمامي ..
وتوه بيسكر الباب .. جان ادز الباب وتيلس ع السرير
ميود يطالعها :لااااااا والله احلفي انتي بس
شمامي : جب جب سكر الباب ..
ميود : ليش ان شا الله .. يلا برع لو سمحتي ..
وكان يأشر ع الباب ..
شمامي طااحت ع السرير ويلست تلعب بالمخدهـ ..: مااباا
ميود : اوكيه انتي تمي هنيه وانا بظهر يلا باي
شمامي : هههه ايييه تعاال ويا هالويه اسوولف انا .. بس ابا اطفربك خخ
ميود : وحليلي كله تحبون اطفروبي .. اهئ ..
ويسوي عمره يصيح ..
شمامي ميته من الضحكـ : ههه اييبلك كلينكس ..
ميود : اهئ لا تمووه ماباا ثيري برع ..
تمووه = شمووه
شمامي : ميوود والله جنك يااهل .. شكلك كيووووت
ميود : اححمم << اونه اصطلب خخ
يلاا بررع .. انا تعباان ابا ارقد ..
شمامي : مااباا ..
ميود : اوهوووو .. سيري عند شيخووه انا هب متفيج ..
شمامي بوزت : اوكيه تلب انته ماحبكـ ..
وقامت يوم وصلت عند الباب .. جان يمسكها من ايدها ..
ميود ( بصوت خفيف ) : شمووتي عااد .. ذعلانه ؟
شمامي امبوزه : هيه ذعلانه ..
ميود تقرب منها وعطاها بوسه على خدها..:ها بعدج زعلانه ؟
شمامي : ههه لاا هب زعلانه .. والله يوم تسوي هالحركات
تحسسني جني ربيعتك هب اختك خخ
ميود : ههه انتي ربيعتي واختي وامي وعمري وحياتي انتي كل شي
والله شموه احببج .. انتي اقرب وحده من خوااتي لي .. ربي لا يحرمني منج ..
شمامي ( استحت ) : ميووود عاااد .. والله استحي .. احس انك هب اخوي يوم تسوي جيه ههه
ميود : هههه مدلعنج انا .. محد يحوط كثرج .. شوفي شيخوه هب مسولها سالفه كله انتي ..

شمامي عطته بوسه : ربي لا يحرمني منك ميووود
ميود : ههه اييه استحي اناا .. ماحب حد يعطيني بوسه بس انا اعطي خخ
شمامي : ههه الحين انته تستحي .. لا مااصدق .. جان ميود يستحي ..!!
ميود : ليش هب بني آآدم ؟.. يلا انزين اجلبي ويهج .. انا برقد ..
شمامي : اجلبه على اي صفحه ؟
ميود : اللي مكتوب فيها تم بحمد الله ..
شمامي : ههه يلا انزين سويت دريمز ..
ميود : يوو 2 ..

وغير ثيابه وسار طاح عـ السرير .. تم يفكر ..
( ياا ربييه خااطري اسمع حسهاا .. جاان زين هي وياي الحين ..
والله جناااااان .. ميرووتي ويينج .. والله متوله عليج .. والله احس اني
مضااااايج .. واايد مشااكل تستويلي .. اناا محتااجنج يا ميرووه ..
ابا اشكي لحد .. ابا اظهر اللي في خاطري .)
وتم يتجلب ع السرير لين الساعه 1 ومايااه رقااد ويحس بضيجهـ
هب طبيعيه .. وماا قدر يتحمل .. جان يتصل لشموه ..
شمامي شافت رقم ميود والحين الساعه 1 .. شو السالفه ؟
جان ترد عليه ..

شمامي : الوو
ميود : شمووه انا تعباان ومضاايج هب عارف شسوي ؟
شمامي قامت ويلست زااغت على اخوها : ميود الحين بييك الغرفه افتح الباب ؟
ميود : لا لا بنظهر من البيت .. البسي عباتج وشيلتج .. وتعالي تحت اترياج فالسياره ..
شمامي : شو نظهر الحين .. شوف الساعه كم ؟
ميود : عاادي .. قوومي تلبسي وانزلي تحت اتريااج ..
شمامي : اوكيه ..

سار ميود وشغل السيارهـ وشوي ونزلت شمامي وركبت ..

شمامي : ميوود بلااك ؟
ميود : اسكتي عني هب متفيج ..
شمامي : شوو فيك ؟
ميود بانفعال : اقوولج اسكتي مضاايج اسكتي عني ..
وسار ووقف صوب البحر ..
جان ينزل الكرسي وتم طاايح وماسكـ راسهـ ..
شمامي ( بهدوء ) : ميود بلاكـ .. شو فيك ؟
ميود : شموه والله تعباان .. مضاايج .. كله تستويلي مشاكل ..
وكل شي يطيح على راسي .. ربعي يسوون المشاكل ..
وتطيح المشاكل ع راسي .. تعبان انا ..
لاعت جبدي من هالدنياا .. كرهت هالحيااهـ ..
ليش جيه يستويلي ..
شمامي : شو مستوي ؟.. شو اللي خلاك جيه ؟..
ميود (وتذكر كلام مياري يوم تقول ( تره هب شرط اذا انا افهمك كل الناس يفهمونك تحمل !!!) : : ماشي ماشي ..
شمامي : ميود قوول .. ما بخبر حد .. فضفض .. يمكن اقدر اساعدك ..
ميود : مااشي مااشي مافيني شي ..
شمامي : انزين شو فيك مضايج ؟
ميود قام ولوا على شمامي ..
وشمامي مستغربه ماتعرف شو السالفهـ .. وتم لاوي عليها ..
شمامي : حبيبي ميود قول شو فيك ..
وتمت تمسح على راسهـ ..
(تعرفون الصوت اللي تظهرونه يوم تصيحون جنكم تنوحون ؟ خخ المهم انا ماعرف اشرح بس.. هو يالس يسوي جيه ) ..
شمامي زاغت على اخوها ..
شمامي : ميود بلاكـ .. لا تسوي جيه ..
وتم لاوي عليها .. وباسته ع راسهـ ..
ميود وصوته مبحوح : شمووه والله تعبااااان ..










St0o0o0o0o0o0o0o0o0o0o0o0o0oP







تتوقعون عزوز شو بيسوي في فطوم ؟
وعمور شو بيصير فيه .. بينش من الغيبوبه والا؟
وميود شو بلاهـ ؟..

وتوقعااتكمـ بشكل عآآآآآم .. اي شي تتوقعونه يصير
فالبارت الياي .. اسدحووه في هالصفحه خخخ
واتوقع البارت كاان طووييل ..


وبث بس لا تقصرون في توقعاتكمـ لانها تهمني ..