|
البارت الحادي عشر رجعت للبيت سمعت حد يصرررررررررخ عليها : مثااااااااااااااااااااااايل صدت بخوف " حسبت أبوها دراا عن انها تسير بيت يدها" بس طلع محمد أخوها محمد: منو ردج مثايل: ذياب عم غلا محمد: اها عيل وينها غلا عندج أنا قلت ما بترجعين البيت وإذا بترجعين بتكون وياج مثايل: هههه هيه مواصله وبتسير ترقد ورانا 3أسابيع بنعوضها محمد: هيه زين مثايل: أبوي اهنيه محمد: لا مثايل: وامي محمد:/ إهنيه مثايل: غريبه محمد: ههههه سيري انتي مسطله من الخاطر مثايل:"ابتسمت له وسارت" هيه مب مسطله ولا شي هيه قاصده مستغربه امها قاعده بالبيت مب من عوايدها حدرت غرفتها بدلت لبس المدرسة وتغسلت ولبست برمودا أبيض فيه نجوم زرق وياه قميص حفر ازرق وطلعت لها جاكيت أو شرا الجاكيت يعني قميص طويل أحتياط لو تبا تطلع برع قفلت الباب و بطلت لابها أول شي حدرت المنتدى إلا وحشها حيييل من زمان ما حدرته لانها بفتره دراسة جيكت ع اليديد وبطلت المسن شافته فااااضي . . . دشت الغرفه بتعب فسخت شيلتها وعباتها وعقتهم بدفاشه ع السرير سلطان: مهرووووووووووووه مهره: "تحط جسمها بتعب ع السرير" هلا سلطان: يوم انج تعبانة شحقه سايرة انا قلتلج وقفي وقفي مهره: ترا بس عندي ساعتين اليوم حضرتهن وييت سلطان: جوفي ويهج كيف تعبان مهره: هههه سلطان: مهروووووووووووووه مهره: سلطااااااااااااااااان سلطان: أبوووووووووووويه أنا .. آمري فديتج مهره: ممممم فرضاً ابوك ياا دبي و قال بيحدر عندك الشقه عاساس عندك شقه تقعد فيها يوم الجامعه شو بتسوي سلطان: هاااه مهره: لازم تفكر جي لازم تروح تأجر شقه بأسمك ولا شي أحتياط سلطان: انا ما فكرت جي مهره: سلطووون لا تصير سخيف ابوك عادي جي يسوي فعشان ما يشك بأي شي لازم جي تسوي ما لازم تبين له انك ترقد عندنا سلطان: خلاص عيووني انا بتصرف مهره: خالي ذياب ياا من السفر سلطان: صدق مهره: هيه سلطان: هو خالج اخو امج مهره:هيه سلطان: امج متوفيه مهره: هيه من وانا صغيره تربيت دونها بحضن ابووي سلطان: الله يرحمها وذياب دووم هوياكم مهره: لاا بس من كم سنه بس سلطان: اها زين يلا الغلا تعالي ارتااحي مهره: مابي سلطان: تبين يلا تعالي رقدي اهنيه" يأشر ع حضنه" بعد شوي بروح عنج مهره:"ابتسمت له وراحت" . . . فيصل:"يلا نزلي داخل هيا: بترد الدوام فيصل: هيه هيا: ما بتي ع الغدا فيصل: اكيد بيي هيا: بتريااك بسوي لك سوويت حلو فيصل: بيي بشرط هيا: شنوو؟؟؟ فيصل: اول شي انج انتي اللي تسوينه هيا: اكييد انا بسويه وثاني شي!! فيصل: يكون لي بروحي هيا: ههههههه فيصل لازم خليفه واميه ياكلوون فيصل: خلاص بعطيهم لقمه لقمه والباجي حقي هيااا: ههههههههههههه فيصل: مالي خص مالي خص هيا: ههههههه زين زين . . هذا اخوها فيصل عمره 22 حبووب و سوالفه تضحك هيا عندها اخو ثاني أسمه خليفه وعمره 25 ومثل ما قلت قبل ابوها متوفي . . تحدر البيت و تتجوف فارس قاعد ع التي في فطامي: فرووووووووووس قوووووووووم فارس: مااااااااابااااااااااااااا انا ما صدقت اخلص امتحانات فطامي: حرام بجوف المسلسل الكوري كفايه ضاع علي جزء بالامتحانات فارس: روحي جوفي ع اللاب اتي في صوبها في: فطامي لاااااااب اتشلها: عشان فيوونه بنروح عنك ولا ما عشان ويهك يضحك عليها يحب ينرفزها وخاصه ع التي في . . قبل لا اتسير غرفتها مرت ع المطبخ وجافت امها سلمت عليها فطامي: عيل فجوور راحت أم فهد: هيه مساعه فطامي: حياااتي شلت عيالها أم فهد: هيه فطامي: اليوم الخميس بنطلع مكان أم فهد: مادري فطامي: زين انا ببدل وبقعد ع اللاب عقب بنيج فيوونه ويااي أم فهد: جوفيها عدل ولو طلعت طلعي وياها فطامي: زين . . تدخل البيت تروووش الكتب ع الغنفه اللي بالصاله أحمد يحدر وراها أحمد: ويييييييييعه ان شاالله ولد ولد مب بنت شقى جذه دفشه علايه: أحمدوووه يووز عني كفايه طول الدرب قاعد ع جبدي أحمد: اللي وصلتج للسيارة مثايل اللي اتي بيت يدي علايه: هيه ونت شو تباها أحمد: ماباها بس اسال علايه: ايووااا أحمد:شكلها غير بالشيله علايه: ههههههههههههه أحمد:" يقوم" انا بسير خبري امي اني ما بيي ع الغداا علايه: فكه أحمد:" يروش عليها المخده" علاييييه: اوووف طلع وهيه سارت غرفتها بس قبل لا تدخل دخلت غرفه علي اخوها شافته يلعب بلي ستيشن علايه:انت ما تشبع من اللعب علي: سكتي عني انا ما قصدت اني اخلص امتحانات عشان العب علايه: اللي يقول انك تذاكر ما كأنك يوم ترد من الامتحان تلعب وانا اتستر عليك بس ما عليه المرة اليايه ما بتستر عليك علي: سيري خبري انزين ليش ساكته علايه: يمكن اكون ابا منك شي واستغلك علي:" يبطل اللعبه من يده" قومي طلعي برع يلاا علايه: بطلع بطلع من حلات حجرتك الحينه . . سارت غرفتها المشتركه مع خواتها بطلت الباب لقتها برااااااااااااااااااااد علايه: حلااات البراااااااااااااد "بدلت ثيابها وعقت عمرها ع السرير ترقد" تقوم خلود وتسكر المكيف علايه: ويعه زين بلااج خلود: من امس وهو يشتغل خل يرتاااح علايه: مالي خص برقد خلود: ماشي رقاد الحينه الساعه 12 اتريي الاذان وصلي عقب بنتغدى علايه: أفففف زين العصر برقد ياويلج لو سويتيلي سالفه خلود: بسوي علايه: يعني كفايه قاهرتني وراده من الجامعه وماخذه اجازة وانا اكرف بالمدرسة خلود: العصر بنسير السيتي بنتمشى علايه: منووه بيسير خلود: مادري انا وامي مادريبج علايه: خولووه ما بتي خلود: لااا عندها امتحان يوم السبت وبترد عقبه وبتكون اجازه علايه: عيل بغصص فيها خلود: ما بترد عليج اصلا علايه: هيه ادري كريهه زين باجر عندنا شي خلود: باجر يدي يبانا بسالفه ماعرف شو عنده بس قال لازم كلنا نكون موجودين علايه: افف ياخي لو انا نقصت ما بيصير شي ما بيلاحظ خلود: كيفج بيفوتج اول مرة يسوي اجتمااع ونكون كلنا بالعاده بس حق الرياييل علايه: هيه صح زين ممممم يلا برقد عقب الغدا بس وعيني يوم بتروحو السيتي خلود: زين . . بعد ساعه سلطان بدل ثيابه وابتسم لما جاف مهره راقده بعمق باسها ع خدها وطلع متوجه للفجيرة بالتحديد بيت اهله . . هيا: مثاااااايل يلا نقليني الخطوات مثايل:هههه زين شو تبين كاكاو ولا العاديه هيا: شوا لعاديه مثايل: فانيليا هيا: امممممم العاديه احتياط مثايل: زين الحينه انتي بالمطبخ هيا: لا بالغرفه مثايل: بطرش لج الطريقه ع الايميل جوفيها وسوي شراتها بالضبط وخذي المقادير شراتها هيا: أوكي بترياج . . ع الغدا بو حمدان: باجر اباكم بموضوع مثايل: خير ابويه أم حمدان: لازم تتدخلين يعني محمد: اميه مثايل ما قالت شي الله يهديج بو حمدان: باجر بتعرفون مثايل: انزين ابويه بسير السيتي ويا ربيعاتي عادي بو حمدان: عاادي أم حمدان: شفيك مدلعنها فلاح: بنته وكيفه أم حمدان: أنته جــــــب بوحمداان: فاااااااااااااااطمه بس عاااد محمد: اميه استهدي بالله بلاج "يدخل سلطان" سلطان: سلام عليكم أم حمدان: حياك الغالي حياك تعال اتغدى مسوين لك المجبوس اللي تحبه مثايل:بخاطرها" شمعنى سلطان وتوهه مسفله فيني انا وفلاح ><" "قامت " الحمدلله سلطان: أفا ع وين مثايل: شبعت سلطان: اكيد مثايل: هيه الغالي"قالت بالعمده"اصلا الغدا مسوااي حقك مب حقنا حياك كل بو حمدان: مثاايل قبل لا تطلعين ويا ربيعاتج تعالي بعطيج فلوس مثايل: ان شا الله سلطان: انا بودييج انزين مثايل:انزين فهمت انه يباها بسالفه ويبا يخبرها . . . علايه: امااااااااه يلا حطي الغدا شو تتريين كلنا اهناا ليكون بتتريين خالد عز الله تغدينا أم خالد: احمد اخوج بعده علايه: اوييييييه نسيييييت احمدووه قال انه ما بيي ع الغدا لان بيزي بو خالد: وتوج تقولين علايه: أبويه نسيت بو خالد: روحي يامم خالد حطي الغدا أم خالد: إن شاالله خلود: بيي وياج اميه راحت وياها علايه: ابويه خبروكبنروح السيتي بو خالد: هيه علايه: ابا فلوووس بوخالد: ما عندي علايه: ابوويه بو خالد: اسميج الا عيوووز علايه:"شهقت" عيووووز بو خالد: عيوز لاعيه بعد مب لسان عليج علايه: اوكي اوكي ابوي انا من اليوم ورايح بسكت ما بقول شي ما عليه بو خالد: علياا زعلتي علايه:هيه بو خالد: فدييتج ما يهون علي زعلج علايه: خلاص هنت عليك ابوي"تقوم" بساعد خلود وامي . . . . |
سلام عليكم .. أخباركم .. !! إن شا الله طيبين وما تشكون أي باس . . ههه نظراً لاني عندي أمتحان باجر ههه قلت بعوضكم بهالبارت الحينه و اليوم بذاكر للامتحان وو إن شا الله بالويك اند بكتب لكم وبنزله بأول الاسبوع لاني ما أقدر أحدر بالويك أند لان ظروف الزيارات والجمعاات مع الاهل جي تجبرني . . =) دمتم بود وغلا |
تسلمين ع البارت..وماقصصرتي.. كل شخخص فالروايه له شي محدد بداخله..وكل شخص له هم بداخله.. وكل شخص له حكاية ومشاعر بداخله.. واتوقع..اليد يباهم بموضوع تشتت العايله.. وفانتظارج .. |
كان ودي أنزل لكم بارت الحينه بس قصير واايد بحاول أزيد وبنزل لكم |
البارت الثاني عشر تجوف أخوها فيصل يوقف يبا يروح غرفته هيا:فييييييييصل ويييييييين فيصل: هيوونه برقد والله تعبان هيا: وكيكتي أم خليفه: ماعليه خليها بلييل انتي مو قلتي بتروحين مع رفيجاتج السيتي هيا: هيه صح خليفه: منو رفيجاتج هيا: شله غلووي ومثايل خليفه: هيه زين روحي وياهم أم خليفه: ليش انت تعرفهم خليفه: يمى غلا ومثايل بنات الوكيله الي بمدرستهم ماشالله عليها سمعتها طيبه وخليها وياهم ونا بوديهم وإذا تبين سيري وياها أم خليفه: لا انا مالي خلق دوارة ورا سوالف البنات هيا: هههههه أم خليفه: روحي انتي واستانسي خليفه: بسير وياج هيا: خلاص يوم وقته بخبرك . . . بو خالد: ياربي مارووم اقعد وعلايه الغاليه زعلانه علايه: ماني زعلانه بو خالد: زعلانه أحمد: ونا اقووول بلاها هذي هاديه أثاريها زعلانه ابويه دخيلك كل يوم زعلها علايه: خلاص ما بكلمكم"قامت وهيه كاتمه شهقاتها" خلود: حرام عليكم بلاكم ع علايه عاد يوم جفتوها خلصت امتحانات وتبا تستانس نكدتو عليها " يحدر خالد" خالد: سلام عليكم الكل: عليكم السلام خالد: عيل وين امايه بو خالد: سارت ترقد تعرف وقت رقادها خالد: ونت ابويه بلاك ما سرت وياها بو خالد: يالس اتسامح ويا اختك وأحمد زاد عليها وقامت خالد: عليوووه بلاها بو خالد: انا زعلتها خلود: بالعاده أحمد وتبلعها تقول اخوي العود وتسكت اليوم زودتوها "تقوم" خالد: هاي بعد زعلت شوو أحمد: ماعليك منهن دلاعاات بو خالد: انا بسير أقيل شويه أحمد: وهذيل منو بيوديهم السيتي بو خالد: إنتااا"يقووم" أحمد: ابوووووووووويه انا وين وهذيل وين بيقعدون لي سنه ولا بيطلعون خالد: بسير وياك بونسك أحمد: اففففف . . ميره: غلوووووووووووووووووي قومي غلا: ويعه إن شاالله بلاج ميرة: ملانة غلا: إفففف يوم كنت معاج مطلعه رووحي والحينه ونا بروحي بعد مطلعه روحي شو اسويلج ياخي حسي أبا ارقد أرقد ميرة: ما بسيرين بيت مثايل غلا: لاااااااا ابا ارقد وبعدين مب كل يوم طاقه شيايلي وسايرة لهم عيييييييييب يلا بليز طلعي وطفي الليت بنااام ميرة:"تقووم" إفففففف . . قاعده ع السرير مجابلة فونها مطرشة له مسج من ساعه وما رد عليها تترياه يطمنها هو وصل ولا بعده عقت الفون وطلعت من الغرفه . . فلاح: سليطيييييييييين قووووووم من الرقاااد منو بيودي مثايل سلطان: إففف يعني انا بوديها انتا ليش جذه معصب اللي يقول انتا اللي بتوديها وانتا اللي بتنهزب فلاح: قووم الله يخليك قووم مالي خلق ابا اطلع وياكم ابا اتنفس هواا نقي بدال اللي بالبيت سلطان"حس ان فلاح فيه شي": شوفيك فلاح:"يقوم بضيج" ماشي محد حاس فيني غير مثايل قووم الله يخليك خل نطلع سلطان: يلاا خبر مثايل تتجهز وبدل أنت بعد فلاح: زين طلع فلاح يخبر مثايل وهو مسك فونه جاف مسج من القلب إبتسم رد عليها وقاام يبدل . . السيتي الساعه 6 كانت لابسة تنورة توصل للركبه لونها أزرق فاااتح تحتها سكيني وردي ولابسه معها قميص حفر لونه وردي وفوقه قميص رسمي لونه أزرق فااتح مع نعال(عزكم الله) لونها وردي محطيه جحل أزرق لابسه عدسات شفافه شعرها كانت رافعته بقباظات ورديه وزرقا ومخلتنه من جدام طلق طالع شكلها كيووت ويخبل خخخ تمشي بين أخوانها فلاح وسلطان اللي كانو لابسين كندورة إعربيه مع عصامه حمراا يايه متاخره هههه تتصل لفطامي تجوفهم وين فطامي: وينج هااه شوفيج متاخره مثايل: ههههه السموحه عمتيه بس أخواني اخروني أنتو وين فطامي: بردهة المطاعم يلا تعالي مثاايل: زين"تسكر" يلا انا بسير عند ربيعاتي سلطان: بني وياج مثايل: عند البناات فلاح: يالهبلة بنوصلج وبنتاكد انج صرتي عندهم مثايل: هههه زين يلا . . . |
| الساعة الآن 07:12 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir