|
السموحة منكم ولظروف خاصة بينزل في الاسبوع الواحد بارتين فقط المعذرة مرة ثانية ما ودي ألعب بأعصابكم |
مرحبا عليا يعني متى بتنلين البارت الياي؟؟؟؟؟؟ انشالله اليوم :78650: انتي لما اتنزلين بارت قولي متى بتنزلين الي بعده عشان ما نتضارب :00: هع هع |
مسمووح ــــــــهـ فديتج .. ^^ ج ـــــــــآن زييين واللــــــــهـ ف الاسبوع بآآرتين .. ^^ بس فديييتج خ ـبرينآ يوم بتنزلين اي بآآرت خبريناآ باليوم الي بتنزلين فيه البآرت الثآني ع ـسب مآ نتحرطم كل مرهـ .. ^^ :) ج ـــــــآري انتظآر البآرت .. .. |
مسموحة يالغالية بس متى بينزل والله ما عاد فيني أعصاب أبا اعرف شو صار لهموده وفطوم وعواس .................. الخ. انتظر البارت. ...............لا إله إلا الله......... سيدنا محمد رسول الله........... |
يــــااا ألبيـــ القصهـــ كتيــــــــــر كتيـــــــــر روووعهـــ <<هــأأأ نطــ العرجــ لووولــ p= ... ابداع مشالله قصة طررر لاهنتيـــ ونبـــى التكملهــ ^^ |
علااايا بطيتي عليناا بس ماابتحرطم اكييد عندج ظروووف وانا مقدره اتمنى البااقي يقدرووونج |
مرحبا عليا وينج طولتي الغيبة نبا التكملة بلييييييييييييز |
علااااااااااايه وين البارت ..؟.؟ ما يصير نحن من اسبوع نتريا ..! |
مرحباااااااااااااااا وينج عليا ما عاد فيني صبر والله حرااااااااااام |
ويييييييييييين البــــــــــــــــــــــارت |
[align=center]علاآآآآآآآآآآآآآآآيآآآآآآآآآآآآ وييييينجـ.. عآآآآآآآآآآد وآآيد بطيتيـ.. علينآآآآآآآآ والله أنـ.. البنآآآآآآتـ.. حشرووونيـ.. :([/align] |
عليا وينج مستويلج قرن ما نزلتي شي دخيييييييييييييييلج كمليها او عالاقل قؤلي متى بتنزلين التكملة |
عليا ويييييييييينج ترى مليت من كثر ماعيدها يله عاد نزلي البارت صار اسبوع ما نزلتي شي ما أقدر انتظر أكثر بلييييييييييييييييز نزلييييييييييه |
(الجزء 79) (اما عند الحريمات ) نشبة كانت موّيمة مب على بعضها : اتعرفون يا بنيات؟ ميثاء : خير؟ نشبة : اتذكرون سيرتي عند زرب الهوش يوم طمحت؟ صدقوني جنه ربي يحذرنا .. شما : من شو يحذرنا؟ نشبة : من كل شي .. يعني الياثوم اللي ياني كان شرا التحذير وكان في محله قلت لكم قلبي منقبض وما صدقتوني .. واتوفت غريبة .. بنّيتي .. (وتصيح نشبة متغصصة ) هاي انا اللي مربتنها هالبنية على ايدي .. ميثاء عيونها يغرغرن من الدموع : لا تزيدين يا نشيبة .. انا قلبي ما يستحمل .. نشبة : حتى رشود حسّه اختفى ما قام يضحك شرات اول طاعيه ميثاء بعصبية : شو تبينا انسوي؟ نطلع امه من التراب ونراويه ؟ ترا نحن اللي بنربيه منو غيرنا !! نشبة بجدية : بطلي عينج عدل !! وينه هو؟ ميثاء : ويا ميود .. نشبة : لا تتحريني مدحوبة ولا ما افتهم !! يوم ابا بفهم .. طاعي عيال غروب كيف غدوا !! كل واحد أوغد عن الثاني .. قلنا عواس الشيخ رد لنا والله حفظه من كل شر طاعيه رد بشحمه ولحمه وقلبه غادي شرات الحصا .. وهذاكي ميود مسوي عمره ريال وبيربي أخوه .. طاعيه جان حد دق رشود شو بيسوي !! ياهل بيكمل سنتين ينترك ويا صبي؟ مايد كان واقف وراها : ماحيدني صبي .. أحيدني قد المسؤولية .. نشبة صدت منصدمة صوبه : ميود؟ من متى انته هنه؟(وكان شال رشود .. اللي كان يلعب بشعره ) مايد : يوم طلّعتي اللي فخاطرج (ويبتسم ) الله يسامحج يا امايا .. انا مب قصدي هذا .. كل واحد له حياته وهمومه تكفيه وانا ماعندي هموم .. خليني أكون مسؤول عن اخواني .. دامنه الابو ضميره مات من زمان خلوني انا اللي بربي رشود أحسن تربية.. صدقوني انا مب ميود اللي يلعوزكم من زمان .. بكون قدها .. ابا الناس تطرينا بكل خير .. (وتحمر عيونه ) مع هذا انا ورشود وعواس كلنا اخوان .. (وحباها ع راسها ) سامحيني يالغالية .. (وفمستشفى الامل ) عواس : موتك على ايدي !! (ومسكه من رقبته بإيد وحدة ) هزاع : دخيلك .. الرحمة .. طالبنك بالرحمة !! عواس : تستاهلها؟ ما اظن!! (وكان هزاع محمر ويهه ما يروم يتنفس ) أي رحمة !! رحمتني انته؟ خلني اتذكر همممم ما اظن .. (وكانت شمايل طالعه من حجرتها .. ولقت هزاع لاصق عاليدار وريال ماسكنه من رقبته ) شمايل : هزااع !! (صد عيسى يطالعها وودره .. بس هزاع طاح عالارض مب حاس بعمره ) عواس؟ انته حي؟ (وتتقرب منهم ) هزاااع؟ هزاااع !! قم !! دخيلك قم .. عواس مسكها من ثيابها عشان ما يستاثم : شمايل ان دقيتيه بجتلج !! شمايل تصيح : شو سويت به ؟ ذبحته؟ عوس: حي مامات !! قطو !! لكن حقي وباخذه من كل واحد آذاني !! طوفي جدامي .. (وكان هزاع مرمي عالارض لا حول له ولا قوة .. ومشت شمايل وياه منكسرة الخاطر .. ولا حد من المستشفى قدر يوقفه عند حده وخصوصا لأنه من المكافحة .. ويوم ركبوا الموتر ..) شمايل : ليش ييت خذتني؟ عواس : انا ياي أخلصج .. بنت العرب ما يوّدونها هالمستشفى .. البنت المريضة يوّدونها عيادة نفسية .. وأهلها حولها مب فارينها بعيد عنهم ... شو من العلاج هذا؟ هذا الخبال بعينه !! شمايل: عواس .. مادري ليش .. بس حسيت انك طحت من عيني عواس: ما عشتي المعاناه اللي عشتها بس الله يسامحج .. يمكن يوم من الايام تفهمين .. شمايل .. شمايل : نعم؟ عواس : جهزي عمرج باجر .. شمايل : وين؟ عواس: ما يخصج .. جهزي عمرج بس .. شمايل ؟ (وكانت سرحانة ) شمايل ؟ شمايل : هاااه عواس : اتولهتي على ميود ؟ شمايل عيونها تدمع وتطالعه : ولا ذرة !! عواس : شكله حبّج نقص شمايل : تقدر تقول جذه .. (وهي مترددة ) وهو؟ عواس : من فقد الغالية وهو معتفس .. شمايل احمر ويهها : منو هاي؟ عواس: غريبة امايا .. (وكان يقول اسمها ويحس قلبه يعوره ..) آآخ يا غريبة .. (وكان يسوي عمره قوي .. بس نقطة ضعفه هي امه ) شمايل: بلاها خالوه؟ عواس: اول شي بسألج في بنات وياج في المستشفى؟ شمايل: لا مافي أي بنات غير الممرضات عواس: كيف جذيه؟ شمايل: انا الوحيدة هناك عواس يضرب ايده عالسّكان وشمايل قفزت وفخاطره: الجلب طلع يلعب علية والله لأراويه وانا قلبي ما بيرتاح لين احصلج يا هنود وأفكج من المصايب هذي!! شمايل: عوس بلاها خالوه؟ عواس: اتوفت .. شمايل: شوووووه؟؟ (اما عند مانع ... ) مانع: هلا .. منو؟ المستشفى؟ خير؟ هزاع؟ بلاه؟ بس انا حرمتي توها مربية .. انزين انزين بييي ... خلاص اوكي .. ان شاء الله ان شاء الله .. (وكان حزتها عواس يطرش مسجات لسعيد .. عشان اذا يعرف حد في المستشفى ..يستفسر عن هالشي لأنه ما قدر يتكلم جدام شمايل عن تنتكس عليه ..وعند فطيم ..) فطيم : انا لازم ما اخليه والله .. انا احبه ولازم يرد عواس الجديم الحبوب .. (وبعد 3 ساعات من الصياح والغبنة وصلوا ليوا وكانت شمايل تتنفس بصعوبة .. واتطالع انها قريبة من بيتهم وقلبها يدق ..) شمايل تمسح دموعها : اخاف امييه عواس: خليني انا بتصرف شمايل: اميييه عصبية وايد عواس : وانا اخس عنها .. شمايل: واذا حاولت اتردني لهاكي المكان ؟ عواس: مستحيل اتعرفين شو معنات مستحيل.. يدي يقولج لو ودتج انا بردج لكن بتردين وبتسكنين عندنا شمايل: يدي يدري؟ عواس: طبعا يدري .. عيل ليش جذيه بيقول؟ شمايل: ودني بيتكم عواس: زين.. (ويوم وصلوا كان عيسى يدخل الموتر داخل وكان ميود يترياه .. ) مايد: برمسه عن امايا نشبة .. (وكان متوّجه صوب شمايل ..طبعا مخفي ما يدري .. انه آدمية داخل ويا عواس ..) شمايل: اويييه ياي ياي ميود ياي !!! عواس: صبري لا تزيغين .. (وبطل الباب ..) مايد : اعنبوا دارك شو هالتأخير؟ (وبطل عينه عالآخر ) شمايل؟ عواس يضحك: شو رايك؟ مفاجأة حلوة؟ (شمايل احمر وييهها منحرجة .. ) |
تسلمين علايه ع البارت بس حرام ليش قصير وشوي انتي غبتي فتره جان يبتيلنا بارت طويل وحلوووووووووو مثلج حبوبه يالله نتريا الياي من صوبج |
تسلمين الغالية عالبارت وننتظر التكملة |
تسلمين عليا عالتكملة روووووووووووووعة نتريا الياي |
تسلميين علياا يلاا نستناا باااارت طويل |
بااااااااارت واللهـ تسلميين فديتج بس لاتبطيين عليينا |
تسلمييييييييين ع البااااااااارت الطوييييييييل هع هع و نتريا البارت الياااااااااااااي لا تتأخرييين علينا |
يسلموووو الغلا ع البارت |
.كششششششششششششخه نترياااا الباارت اليااي |
يسلمووو عالباارت ^^ |
[align=center]وآآآآآآآآآآآآآآآيد وآآآآآآآآآآآيد وآآآآآآآآآآآآيد عليجـ.. تدرينـ.. هالشيـ..علاآآآآآآآآآآيآآآآآآآآآ بجتلجـ.. شهالبآآآآآآآآآآآآآآرتـ.. القصير :( بسـ.. أحداثهـ.. حلوهـ.. شووووووووووووويــ.. :) بليييييييييييييييييييييز مرهـ.. ثآآنيهـ.ز حآوليـ.. تطولينـ.. أوكيـــــــــــــــــكــ.. [/align] |
تسلمين فديتج القصه متى بتخلص باطيه بعدها؟؟ |
مشكووورة على القصة الحلوة و نتريا البارت و لا تبطين علينا |
وينج عليا بلييييييييز ردي علينا ونزلييييييييييييلنا البارت والله حراااااااااام |
يسلموووو ع القصه الغراااام وننتظر البارت الياي |
{ .. مرح ــبآآآ آلسَ ـآآع .. آنـآآ آول مرهـ آرد عليج هع عيبتني قصتج .. ونرقب آلبـآآرت .. وآلسموح ـهـ . } |
مشكوووووووووووره علياااا على القصه |
يا علياا متى بنزلين الباارت مليناا |
هلا عليا متى البارت الياي يوم الاحد انشالله نترياج |
عليـآآ نرقب آلبـآآرت .. ~ |
(الجزء 80) مايد : شمايل؟ اح اح كح كح كح (ويكّح شرقان ) عواس : شرق شرق .. دحيه !! شمايل: لا يابويه أستاثم !! (وعيون ميود محمرات من الشرقة .. وصد الجهة الثانية ..) مايد: يالله يالله يالله .. (ويحج عيونه يبا يتأكد انه ما يحلم ) ليش ييتي حضرتج؟ شمايل : كيفي !! انته شعليك؟ (ونزلت من الموتر ) ولي أمري ؟؟ مايد : هيه ولي أمرج !! مب عايبنج؟ شمايل : لا والله ولي امري؟ راوني جوازك ياااااااا ولي امري .. (وفيها ضحكة بس ماسكة عمرها ) مايد يسوي عمره مب مهتم : ما اهتم لكلام يهال .. سيري سيري داخل يالله .. شمايل: ياهل فعينك .. قليل الادب .. (وعواس راكب عالموتر يطالعهم .. وصورهم مستانس ..) مايد : انا قلت سارت دبي وبتحلو البنية زيادة .. أشوفج الا رديتي خسفة وقصرتي بس لسانج طول اخافه يطيح .. اشوف بطلي حلجج .. بطلي !! شمايل اتطل لسانها تعايب عليه : آآآآآآآآآه مايد : وابويييه إلحق عواس طاح لسانها عالارض .. (شمايل ومايد يطالعون بعض ) شمايل ومايد : ههههههههههههه (وهو يطالعها باعجاب ) عواس : إإييييه الجني والعطبة ... (وكانت فطيم توايج اتطالع منو ياي وتنصدم وتبطل الباب وتربع برع) فطيم تزاعج : واااااااااع عيوني تخونني شماي ........ شمايل .. (ويتها الصيحة .. هم زاغوا من زعجة فطيم ) شمايل حطت ايدها على قلبها : اميييه بسم الله !! (مايد وعواس يطالعونها ) فطيم : وااااع شمايل حبيبتي .. (وتربع صوبها ) عواس يكلم عمره : واع بعد ليش؟ أكيد بتزيغ البنية .. (وحاط ايده على ثمه يضحك بشويش عشان ما تشوفه فطيم ) مايد يطالعها منصدم : يابوج روعتينا !! ليش هالواع بعد؟ فطيم اتطالعه بتكبر: تكملة برستيج بلاك انته؟ (وتزاعج ) طلعوا !! طلعوا !! أمييييه طاعوا منو ياينا !! طاعوا !! (وكان عواس لأول مرة يشوف العفوية من فطيم .. وخلا شمايل وياهم وشمسة طبعا ما تدري .. وسار الميلس عند يده ..) عواس :السلام عليكم بوغريبة .. حمد:عليك السلام والرحمة .. ها بشّر؟ عسى الامانة وصلت؟ عواس: الامانة ويبتها لك .. حمد: والامانة الثانية؟ عواس: باجر بنتوسع وبندوّر عليها .. لأنه هب محصلينها .. حمد عصب: اعنبوا جيه درّية هب محصلينها ؟ ويد وداها فضول؟ عواس: انا مستهم وهذا مب ابو .. باجر برمس ريلها .. حمد: رقمه ظنتيه عند ميود .. شر هاته دهديه .. عواس: ان شاء الله (ويدق باب الصالة ) احم ..هود هود .. نشبة تمسح دموعها : حدا حدا .. (الهاء ما تروم تنطقها من الصيحة ..) عواس يبطل الباب : ويييه بلاكن؟ لا إله الا الله .. تعال بابا تعال فديتك .. (ويشل رشود ) شحالك رشود؟ عساك الا بخير؟ حد ضربك خبرني انته بس وانا اكسر له راسه .. فديت شبيهي .. نشبة : دلووع .. ومنو اصلا بييسر يدقه .. عواس: فديت العيون الدامعة .. ليش هالصياح كله؟ يوما لبنية ويبناها لكم .. أميه ميساء ؟ (وكلهم يتضحكون ) ميثاء: اعتدل فرمستك ملعون الصير .. منو هاي ميسا؟ عواس: انتي فديتج أدلعج .. شمايل: تعالي فطيم بنسير فوق .. فطيم: هيه والله احسن.. عواس: أحسن وفرتن .. ههههه انزين يا امايا نشيبة .. علومج؟ وعلوم الدار وياج؟ نشبة : الدار الا بتنهد ع راسي .. عواس: افا افا افا .. شعنه يا امايا؟ واحد مهاروم قص علية الله يسامحه .. قاللي سوي هوية وبنعطيج بيت ومن هاكي اليوم ما اتصل .. عواس: هههههاااااااي حسبي الله على منكركن من عيايز .. ههه (ونشبة تمطه من أذنيه ) نشبة : أشوف طبرك كبر وغدا شرات ميود !! عواس يتحسس راسه : لا والله؟ محد عملني !! حتى رشود بعد شو فيه .. رشود؟ انا منو؟ قول بابا .. قول عواس .. بابا عواس .. ميثاء بجدية : لا تيلس اتعلمه على كلمة بابا انته اخوه هب ابوه .. عواس: شعنه؟ دامنه ابوه اللي هو ابوه مب موجود هايت ميثاء: بس هذا اخوك .. بيتحرونه ولدك مب زين يابويه .. عواس: خلهم يتحرون انا شعلية؟ هذا اخويه وتاج راسي بعد .. ومستحيل افره او اخليه محتاي لشي .. (اما عند مي ) مي: ليش ظهرتيه؟ هاااه؟ زينة : هذا ابوج .. ومنهو راح يطلعه غيري؟ مي: يعله يخيس في السجن انتي شكو؟ زينة : هذا ابوج واتحجين عنه جذيه ؟ مي: لا ابويه ولا شي .. هذا عدو .. وين التعن؟ زينة : نزلني وراح .. مي: هزرج وين ودا هنود؟ زينة : هو وعدني انه راح ايجيبها .. وكل شي بحساب .. مي: كيف يعني؟ زينة : يعني طلعته من السجن ودفع الفلوس مقابل يجيب هنود (اما في مستشفى الامل .. فاضل ما دخل بس تام في الموتر ) فاضل : ألو؟ ها جينا .. وين انتي؟ انزين تعالي برع دهديه .. هااه؟ شو تقولين؟ برع .. برع .. آوت .. آوت .. آوت .. (وبعد 10 دقايق ظهرت الممرضة ويطلع ايده من الجامة ) هنه !! هنه !! تعالي .. جينا تركب الموتر : وات دو يو وانت؟ فاضل : اباج تاخذين هنود .. وتوّدينها أي مكان بس تخشينها عندج .. جينا : بس في لازم دفع فلوس .. فاضل يعطيعا الظرف : هاي 5000 درهم يسدن حلجج جينا تبتسم : ثانكس هاني .. (وتطلع من الموتر وتخش البيزات ..) فاضل: الحمدلله نقلة وطاحت .. أحينه بيخوز عنا النحس .. (وكانت هنود قايمة ) هنود : أوووففففف .. بلاه ينبي أحس ريلي نايمة .. (قامت شوي شوي ) آآخ يا ريولي .. (وتشوف التيلفون حذالها ) خلني اتصل برشود .. ابا اعرف شو سالفته .. قبل ما تي النسرة .. (وتضرب رقم رشود ..) راشد بدون ما يشوف الرقم : ألو؟ هنود: جيه ودرتني وسرت عني؟ما تدانيني صح؟ راشد : هند .. خبريني شو يسوي كتاب مريم عندج؟ هنود انصدمت : هاه؟ (وصدت صوب الطاولة .. كيف درا ..) انا خذته .. راشد : وليش؟ هنود : هاه؟ ان ان ان انته بالاصل لازم تعلمني بكل شي وما تخش عني شي .. (وما رامت اتقوله الصدق تخاف الجود اخته تتمشكل وياه ) راشد : ولو قلت لج انها حياتي وانا لو ابا غيرج جان سرت عند غيرج .. هنود : يعني افهم من كلامك .؟ راشد: بتمين في المستشفى وانا بنفسي بتابعج .. هنود: يعني انا مينونة احينه استويت ؟ راشد : لا فديتج منو قال .. هنود انفجرت عليه : تاخذني على قد عقلي؟ حرام عليك .. خاف الله .. انا اللي حبيتك وقدرتك جذيه اتسوي بي؟ مابا شي منك وعلى فكرة فكر بالطلاق لأني ماباك ومابا شي يربطني بك و حبي لك بنساه وبدوسه بس عشان انساك !! (وتبند التيلفون فويهه .. وعند البنات . كانن فطيم وشمايل يوايجن على ميود اللي كان يسوي تمارين البوشآب) شمايل تصاصر فطيم : طاعي محلاته .. طاعيه فديته .. أشوف عضلة ظاهرتله .. فطيم : هي والله صدقج .. والله وكبر ميود وسواله عضلات هههههههه ما تحسين شمايل انه كأنه شي مر جدامنا .. أحس شعر ينبي قف .. عواس: زين والله يوم ميود كبر وربى له عضلات !! (شمايل وفطيم انقبض قلبهن من الزيغة واتقبضن بالباب وطاحن داخل حجرة ميود ) شمايل وفطيم :وييييييييييييييييييييييييه!! (كانت طيحتهن عجيبة هذي على هذي ..وميود وقف يطالعهن ) شمايل: قومي عني متنتي يا فطموه !! فطيم : انتي قومي عن ريلي .. أعوذ بالله .. عواس: هههههه دواكن .. مايد: كان ودي اتكون فايدي كيمرة جان صورت حالكن المسكين ..ههههههه قومن قومن الله يستر عليكن وعلى صراويلكن المخورة ههههههه عواس:افا عليك .. (وكان يسوي عمره يصوّر ) فطيم : إيييه عواس !! شو هالمذهب الخايس؟ شمايل: عيب والله عيب !! عواس يا ويلك !! والله هات التيلفون .. (ويبون يحاولون ياخذون التيلفون من عنده بس ماشي فايدة .. ) عواس: هههههههه وااااع في الاحلام .. بعلم عليكن اميه ميسا .. (ونسى عواس سالفة رقم راشد .. وعلى الساعة 12 .. وعلى فكرة كانوا الاخوان الثلاثة يرقدون ع شبرية وحدة مرتصين .. عاليمين عواس .. وعاليسار ميود .. وفي النص رشود .. عشان ما يحاول رشود ينجلب ويطيح عالارض مب مخلين له فرصة.. كان ميود يرقّد رشود .. وعواس يطالع التلفزيون ..) عواس: هممم ميود؟ مايد : هااه؟ (ويحط رشود حذاله ..ويلحفه ) عواس: شو رايك ناخذ شبرية ومنز حق فصعوننا ؟ مايد : لا يابويه استريح امايا جربت قبلك .. اصلا كان يرقد وياها في الشبرية .. عواس: بس اخاف ياخي مرة تنجلب عليه خطر .. مايد يضحك ويطالعه بمكر : هههههه لا والله انا اللي انجلب ولا بعض الناس اللي يلعبون دوري في الشبرية .. عواس: بسم الله علية !! انا من متى؟ حشا علية !! انا حمل وديع !! مايد : اراويك؟ أراويك؟ (ويراويه بطنه ) شوف هااه !! عواس: شو؟ ما شوف شي .. مايد : هني كنت ترفسني فبطني .. أعوذ بالله من رقادك حشا دب ما تحس !! (وعواس يضربه ع راسه ) عواس: بوطبر !! جاب يالله عنلات طبعك !! حشّم !! مايد يضحك : دامنك ضربتني ها معناته اني صادق .. الله يعين حرمتك بس !! انا فية شوية قوة .. لو يتك وحدة حطبة .. رفسة وحدة بتوصل الحمام .. وثاني يوم طالبة الخلع .. عواس: ههههههههه جاب يالله جاب .. اصلا انا رفستي علاج يدورونها الخلق .. شدراك انته !! مايد : هااااااه.؟ الله يهديك .. أعوذ بالله منها جنها سم فيران .. عواس: هب هبيت .. ههههههه ارقد .. انطبن !! مايد : ماروم واصل حدي من الفرحة .. (وطاح على ظهره .. ويطلع من سدته صورة ) عواس: شو هاي؟ مايد: شوف منو هاي؟ عواس: منو هالياهل؟ مايد يبتسم : هاي شمايل يوم كنا يهال .. عواس: الناس اتم عندهم صورهم وهم كبار وانته حبك أزلي وطفولي؟ مايد: حلاته .. اتعرف انه هالصورة ما فارقتني.؟ في الموتر ويايه وكل كندورة أغيّرها ويايه .. مادري سبحان الله مع اني اموت ع ترابها .. بس أحب ألعوزها .. وأعاندها وأشوفها يوم اتبرطم ...حتى اليوم يوم اقولها طلعي لسانج بشوف طوله .. أسميني من وصلت الحجرة نقعت من الضحك .. شكلها الفرحة ردت لنا يا عواس بردتك .. عواس : زين انك عقلت يا ميود .. مايد : اتعرف شو كنت احلم؟ عواس: بشو؟ مايد: كنت أدعي فصلاتي بس انه يردك لي .. عواس: شمعنى؟ مايد: لأنه ولأول مرة كنت حاس انك حي ما مت .. وخصوصا انه يوم سواو العزا وجثتك ما كانت موجودة .. عواس: احساسك صويب .. مايد : بس بانت أقداره !! عواس: بس عادة .. خلنا نرقد يتني الصيحة .. مايد : هههههههه حريموه ولا اميه نشيبة؟ عواس: فديتها .. مايد : ما خبرتك .. يوم ودوا شمايل اتبعت وياها أسلوب الحيلة ويا اميه نشيبة .. عواس: ههههههه ملعون الصير شو سويت؟ مايد : سرت أراضيها وقلت فخاطرية اميه نشبة دوم تجلب الرمسة وقلت بجلب شراتها الأريّل .. بشوف شو بحصل من الجواب .. عواس مبجج عيونه : أسكنت من ثعلب .. مايد : هع هع هع .. وانا اقوللها يا اميه نشبة غلطت فحق هنوه وبراضيها عواس: لعييييييييييين هههههههههه مايد :وطلعت روحها الرمسة .. (وعلى الساعة 3 كان عواس راقد على بطنه .. وصاد جهة ميود ويحس شرا الماي ع ويهه ينجب .. ويحس شرا الشبرية تهتز .. ) عواس: ياربي ميود !! اوووفففف (ويحس ظهره يعوره ) آآآخ .. (ويدق مكان رشود .. بس ما كان رشود موجود .. زاغ وبطل عينه ويحصل حد يطالعه .. ) أميييه بسم الله !! روعتني يابوك !! مايد كان يطالعه ومتقبض بالتيلفون يصورهم فيديو : هههههه شوي بس دخيلك .. (ويضربه عواس ع راسه ) آآخ .. عواس: وين رشود؟ (ميود يأشر على ظهر عواس وهو صاد ) وابويييه شو يسوي ع ظهرية؟ مايد : شقلوب يتجلب مادري من وين يايب هالطبع !! اصلا ما حسيت بشلالات نياجارا؟ قصدي روانه؟ مسبحنك .. ههههههههههههه عواس يمسح الروان عن ويهه : اعععييييييييييج !! ياخي شله عن ظهريه .. اععععععععع (مايد يشل رشود شوي شوي ..) راشد: اووووووووووووووووووووووه !! ميوووووط !! (عواس يطالع ميود منصدم وهاكي يطالع عواس ..) مايد : سمعته ؟ عواس: ههههههه عاش ميووط خلاص بنسميك ميوطي !! مايد : عيب !! شو هالكلام!! عواس: انا ما قلت شي أخوك اللي قال !! ياااااا ميووط .. ( اما عند مانع ) مانع : دكتور؟ بلاه هزاع؟ ليش ما يقوم؟ الدكتور : نحن عاطينه مسكن مشان ينام .. مانع: بس طال نومه .. ومن غير منو متهجم عليه؟ الدكتور : ما يندرى .. من يقوم .. بيتوضح كل شي .. مانع: الا اعرف منو سوا بأخويه جذيه .. الدكتور: بكرة ان شاء الله خله يرتاح الحينه .. مانع: انا بسير .. لأنه حرمتي مربية .. وباجر برد .. (ويتصل ) هلا فديتج .. الحمدلله عالسلامة .. بسم الله بلاج تفاتنين؟ ماشي كانت عندي شغلة .. وأحينه ياينج .. شوه؟ شو ماله داعي ؟ انا بيي ما علية منج (وبند التيلفون فويهها .. وهو ساير موتره ..) افففف منها ومن كلامها السم بييني الضغط بسبتها .. (وهو يسوق مسرع .. ويوم وصل المستشفى .. شل كيس صغير أنيق فإيده .. ويدق الباب ويدخل .. استغرب انه وداد مالبست شيلتها .. شو يعني كانت حاسة انه هو؟ ) السلام عليكم وداد: أقولك اطلع برع مابا أشوفك .. مانع مستحمل ويبتسم : الحمدلله على سلامتج .. شوفي شو يايبلج .. وداد مبججة عيونها : حقي؟ مانع: لا حقي .. وداد : هههههه عن المصخرة .. تعال تعال .. مانع: وين النونو؟ وداد : هاكوه .. (واتأشر مب مهتمة ..) عطني الكيس !! مانع يعطيها الكيس ويسير صوب النونو : اللهم صلي على محمد .. وااايه مصغروونه .. ولد صح؟ وداد : طبعا انا ما أييب غير ولد .. لو بنت جان عجيتها !! مانع: يدقق : بس كاتبين في البطاقة بنية .. وداد : هااه؟ (احمرت لأنه كشفها .. كانت بتجذب عليه ) مانع: سمعيني عدل .. عن المشاكل .. لأنه مشاكلي اتكفي .. تسمعين؟ وداد : انزين .. انزين .. انا غلطت وكان فخاطري ولد يخلفك .. مانع عصب : يخلفني ؟ جيه ان شاء الله ناوية تذبحيني؟ هااه؟ والله انج أميّة !! (وتم مانع بايت عندها .. من كثر وغادتها محد زارها غير أهلها وأهله بس .. لأنه الناس ما تطيقها .. اما اليوما لثاني الساعة 9 الصبح ..) عواس: وين ساير من صباح الله؟ مايد : بدوّر لي شغل .. عواس: ما تبا تشتغل في المكافحة؟ مايد : خلاص التوووووبة .. انا روحي بدوّر .. عواس: قبل ما تسير ابا رقم ريل اختك .. مايد : هنيد؟ عواس: هيه.. مايد : هاك ............... (ونزل يتريق ) أميه ؟ يديه .. بقولكم شي .. حمد: بلاك؟ مايد : لو اشتغلت فمكان انا رايدنه .. واللقمة حلال.. حمد: والله هالشي زين .. ونعمة بعد .. ميثاء : شعنه اتخبر ؟ مايد : انا بشتغل فكارفور .. ميثاء: وشو؟ قصورك بعد !! مايد : اميه .. انا ما اسوي شي حرام ولا عيب .. انا آخذ شوركم لأنه مقابل الشغل اليوم.. ميثاء : خلق الله بتنقد عليك .. حمد : شوف ميود .. انته راضي؟ مايد : دامنه يرضي ربي وأهلي واللقمة حلال .. بكمل طريجي .. حمد : غريبة ما طريت العرس يوم شفت شملوه !! مايد : البنية اذا تباني بتريا لين أكوّن عمري .. ميثاء: أسكنت يابوطبر .. عيل بتسلمنا رشود؟ مايد : ههههههه لا .. رشود بيكون ويا عواس .. ميثاء : انتوا شوه !! مب واثقين فأهلكم؟ اعنبوا داركم نحن مربينكم ومبدلين عنكم البامبرز !! مايد احمر ويهه : ماعليه امايا نحن بنتحمل مسؤوليته .. |
تسلمييييييييييين عليا عالبارت الطررررررررررررررر نتريا التكملة |
إن تأخرتي يا عليووووووه بزوالج ..! خخخخخخخخخ نحن في انتظار البارت اليديد شيختيه |
سلمتي آلغ ـنآآهـ ع آلبـآرت آلغ ـآآوي .. ونرقب آليديد بسرعهــِـِـ هب عقب سنهـ .. ^_^ |
تسلمين عليا عالبارت ^^ |
تسلمين الغالية ع البارت وننتظر التكملة |
مشكووورة على البااارت و لا تبطين علينا :d |
| الساعة الآن 02:52 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir