منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.

البارت الـ 200 .

.

.

.

قضو سيف ومهره يوميين فالفندق ما طلعو . . كانت حراره سيف ترتفع وتنزل ف حلفت مهره ما تخليه يسير مكان لين يتحسن ويصير احسسن . . سهرو على التلفزيون وعلى الافلام وعلى الضحك والسوالف

على صباح اليوم الي بعده . .

مهره تحط ايدها ع راسه . .

سيف : انا زين والله زين . .

مهره : اطمن عليك انزين . .

سيف يبتسم : انا بخير حبيبي . .

مهره تطالعه :صباح الخير

سيف : صباح النوور . .

مهره : صباح 5 يوم في لندن . .

سيف مبتسم : يا ليت لو نعيش اهني على طول . . بعيد عن جو الناس والحشره . . مجابلتني انتي 24 ساعه . . تسيرين وتردين لكن مصيرج اهني . . بين ايدي . .

مهره تبتسم . .

سيف : يالله قومي خلينا نستغل اليوم . . بوديج الملاهي وعقب بوديج اماكن حلوه . . باقيلنا يومين اهني خلينا نستغلهم . .

مهره : يالله . .

تلبسو هم الاثنين وتكشخو . . ونزل تريقو ف الفندق عقب خذولها تاكسي وراحو الملاهي . . عقب الملاهي وعقب لعبتين بسيطات تعبت مهره وحست بلوعه ف ماكملو وسارو

Covent garden

كان في ريال يستعرض ويلعب بالسجاجيين ومهره ميته روعه . . وتمو يشوفون استعراضات الي يعزفون والي يرقصون وتمت مهره تصور . . عقبها راحو ركبو يخت . .

مهره : شفتك . .

سيف : بسم الله شو شفتي

مهره : شفتك تطالع الحرمه الي اهناك

سيف يبتسم : حشى والله ما طالعتها

مهره : انا شفتك بعيني صاد اهناك

سيف يسحب راسها ويراويها وين كان يطالع : كنت اشوف هاك الياهل الي يصيح . .

مهره : هيييه

سيف : يالله تاسفيلي لانج شكيتي فيني

مهره : مابي

سيف : يالله ..

مهره : اسسسفه

سيف : بوسيني بعد

مهره : جب جب

سيف : يالله اقولج

مهره : بس لا تفشلنا . .

سيف : بتبوسيني ولا اعق عمري فالبحر

مهره : هههههههههه

سيف يبتسم : يالله بوسيني . .

مهره تقربت منه وباسته ع خده . .

سيف : خلاص سامحتج . .

مهره تغمض عينها وتستمتع بالجو

وففففجاه . .

مهره : آآآي . . "تحط ايدها ع بطنها"

سيف : شفيييج . .

مهره تبتسم : يالسه ادق بطني ماتوقف . .

سيف يبتسم : فدييييييتها . .

يحط ايده ع بطنها . .

مهره : اويه وقفت . . وخر ايدك شوي

سيف وخر ايده . .

مهره : اآآآآه . . هههههه . .

سيف فاج عينه : تدق

مهره تهز راسها ب هيه

سيف حطا ايده : والحين

مهره : لا . .

سيف تم حاط ايده : انا اهني باباتي . . انا اهني لا تخافين . .

مهره : سبحان الله

سيف : فديتها تحس بالامان ..

مهره تبتسم . .

سيف : فديت بنتي . . وفديت امها

مهره : وفديت ابوها . .

سيف وخر ايده . .

مهره : بس ماااماه . . " تمسك بطنها " بلاها استخفت . .

سيف : ههههههه . .

ينزل سيف ويبوس بطنها . .

مهره : ايييييييه . . فششله الناس تطالع

سيف تم حاظن بطنها : حبيبي بابا . . انا اهني شوفيني . .

مهره تبتسم : خلاص بس قووم . .

قام سيف وحطا ايده فوق ايدها الي ع بطنها : يوم بتربين وبتيبين هدايه .. بيييبها اهني . .

مهره : ان شاء الله .. ااذا الله احيانى . .

سيف : بنخليج فالبيت وانا وهي بنتم نحاوط . .

مهره : ما استبعد عنكم اي شي . .

سيف يطالعها : بذمتج ؟ ما تستبعدين . .

مهره : هيه

سيف : تعرفيني ماقدر بدونج . . " يبتسم " انتي راس المال . .

ابتسمت . .

وتمو على هالسوالف لين وقف اليخت ونزلو . .

سيف : بوديج كينق مول الحين . . وعقب بوديج اكسفورد وعقب بنروح للمحطه القريبه منها وبنركب باص وبنرجع . . حلوو ؟

مهره تبتسم : حلوو . .

نفذو الي قاله سيف بالضبط . . تسوقت مهره لين شبعت وشرت هدايا للكل مول ما نست حد . . حتى حست انها ما تحتاج تروح مره ثانية السوق لانها تشرت بما فيه الكفايه لكن بعد تناذلت على سيف وقالتله يوديها مول ثاني . . رجعو البيت تقريبا على الساعه 12 فليل . . وكانو شارين عشا وياهم . . وصلو وتعشو وعلى طول سبحو ونامو على التعب الي تعبوه . .

على صباح سادس يوم ف لندن ..

سيف : سويلي وياج . .

مهره : شو تبغي . . كابتشينو ولا نسكافيه

سيف : الي بتسوينه حبيبي بشربه . .

سوتله مهره نسكافيه وتفننت فيه ورسمت قلوب وحرفها عليه ومدتله اياه

سيف : ياويل حالي . .

وقعدو ع البلكونه وتمو يشربون والمطر يطيح . . كان منظر روعه . . عقبها دخلو داخل وشلو ورقة وقلم وتمو يلعبون اسم حيوان جماد . . وكل مره سيف يفوز عليها لين طفرت

مهره : مااااااااا بلعب

سيف : ههههههههههههههههههههههههه لانج كل ساعه تخسرين

مهره : جب جب . . انت سريع تكتب حرف من الكلمه . .

سيف : المهم اني افهمها

مهره : ما يستوي لازم تكتب الكلمه كلها

سيف : اكتبها كلها بخطي . . انتي تتفنين بالحررف

مهره : خلاص ما بلعب مول

سيف : هههههههههههههه . . " يبتسم " تعالي تعالي خليني احظنج

مهره تبتسم وتروح صوبه وتحط راسها ع ريله . . وهو تم يلعب بشعرها ويهمز راسها

سيف : باجر بنرجع البلاد

مهره مبوزه : ماودي . . وايد استانست اهني والله . . مابغي ارجع

سيف : بنرجع اهني مره ثانية ان شاء الله

مهره : ليتنا نقدر نتم اكثر واكثر

سيف : هاي الدنيا حبيبي لازم نرد لمكانا . . ما اشتقتي حق اهلج ؟ ولا انا نسيتج الكل

مهره تبتسم : نسيتني الكل . . لكن ولهت عليهم بعد . .

سيف يبتسم . .

مهره : بتوديني السوق اليوم ؟

سيف : تبين اوديج بوديج . .

مهره : ابا ادور فستان حق عرس عذور . .

سيف : زين بنروح . . يالله نشي زهبي خلينا نروح

مهره : خل نتغدا اهني قبل عقب نطلع . .

سيف يبوس يبهتها : عيبتج الطيحه اهني اشوف . .

مهره تغمض عينها : عيبني المسساج

سيف : يالله قومي خلينا ننتزهب . . ما بنتغدا اهني . . بوديج مكان يسمونه الشارع العربي كله اكلات عربيه . . تولهت على اكلاتنا . . .

ابتسمت مهره : حتى انا والله تولهت . .

قامت عنه . . وراحو تزهبو ولبسو . .

اكتفى سيف ببنطلون اسود مع قميص ازرق غامج وفوقه جاكيت . .

واكتفت مهره ببنطلون اسود مع قميص احمر طويل ولبست بوت وجاكيت اسود . . وعقبها نزلو وراحو المكان الي قاله سيف وكلو اكلات لبنانية . . وعقبها تمشو فالهايد بارك شويه وعقبها تمشو وخذولهم ايسكريم بالوافل . . مع ان الجو كان برد موت لكن ما قاومو شكله . . وبالاخيير وداها سيف صوب المحطه ووركبو الباص وسارو عقبها

Knights Bridge

طبعا هذي ارقى منطقة تسوق ب لندن . . فيها محلات فرنسية وايطالية عالمية وفيها اشهر الماركات الكبيرة الراقية . . دخلته مهره وما خلت شي ما شرته من ماركه هاروز و ارماني وديور . . وحصلتلها فستان وايد راقي وخفيف . . وطبعا ساتر . . سيف اختارلها اياه لانه مستور . . يعني كمه طويل ومغطي الظهر لكنه وايد حلو . . لونه على لونه الجلد . . وكله قصات شيفون . . وقضو اخر يوم ف لندن ب تسوق لين ما سيف قالها . .

سيف : فلستيني حبيبي . .

مهره تبتسم : خلاص خلصصت ..

سيف : غصبن عليج خلصتي لان ما خليتي لي شي . .

مهره تبتسم : انزين اشتريت لك انته بعد

سيف : اشتريتي لي كم ؟ 4 ؟ ولا 5 ؟ وانتي كم ؟ 40 ؟ 60 ؟

مهره تبتسم : حررام عليك

سيف يبتسم : فداج . . اشتري كل الي تبينه . .

مهره : خلاص اوردي اشتريت . .

سيف ابتسم ويتثاوب . . : يالله خلينا نتعشا ونرجع . . انهد حيلي من اغراضج وانا اشلها من مكان لمكان . .

انتبهت مهره لكوشك صغير يسوي خواتم كبلز . . طلبت خاتمين دبله . . . حفرت اسم سيف ف خاتمها وحفرت اسمها ف خاتمه ولبسوه هم الاثنين . . كان وايد كلاسك وحلو . .

سيف : ما بشله من ايدي مول . .

مهره : هيه قصورك تشله . .

سيف مسك ايديها وباسها وتحركو متوجهين للمحطه عشان يتريون الباص . .

مهره : عطني خل اشل وياك الاكياس

سيف عاقد حياته : امشي امشي

مهره : عطني بشل انزيين كيس واحد

سيف : جب . . مرتاح اني جي

مهره : يالله عاد

سيف : يالله خلاص وصلنا . .

اول ما وصلو يا الباص وركبو . . كانو منهديين بالقو . . طلعت مهره من شنطتها جوكلت وتمو يتقاسمونه وياكلونه اثنينهم . .

سيف : مهور شوفي اهناك بسرعه بسرعه . . اول الباص

مهره شهقت : حسبي الله ع ابليسسسسسهم . . ماخذين راحتهم . .

سيف : شعبالج ها التطور . . هاي حيات لندن

مهره : ايه عيب لا تطااااااااالع

سيف يبتسم : ما اطالع . .

مهره تحط ايدينها ع عينه : يا حمار لاتطالع اقولك . .

سيف : ههههههه والله ما اطالع . .

على هالسوالف البسيطه نزلو صوب مكان الفندق . . مشو شوي لين وصلو واول ما وصلو صوب جناحهم انسدحو بتعب . .

رن تلفون سيف . .

سيف : شليه ماقدر . .

قامت مهره وشلت التلفون : الوو . .

منصور : مرحبا الساع

مهره : مرحبا مليون

منصور : شحالج اختيه

مهره : بخير الحمدلله انته شحالك

منصور : بخير ربي يعافيج . . شو الاخبار

مهره : الحمدلله فديتك كل شي طيب . .

منصور : الحمدلله . . بغيت اتخبر متى بتوصلون باجر . . عشان نعرف متى نروح المطار

مهره : منصور يسال متى بنرد

سيف : عطيني اياه . . " تعطيه مهره الفون " هلا النسيب

منصور : هلااااا ب اهل لندن

سيف :ههه هلا فيك شحالك

منصور : يسرك الحال . .

سيف : مدييم ان شاء الله فديتك :. . .

منصور : ها متى الوصول ان شاء الله

سيف : لا تتريونا فالمطار لان بنوصل على الليل ولا المغرب تقريبا وبنروح بيتنا ف دبي . . بنريح اهناك وبنودر اغراضنا وباليوم الثاني بنيكم ان شاء الله . .

منصور : ما يستوي يا ريال بتكون دوام

سيف : بيكون الجمعه ياريال بلاك مخرف ..

منصور : هيه صح صح . . خلاص عيل تمام انا ببلغهم

سيف : تمام النسيب

منصور : يالله هالله هالله باختي

سيف : لا توصي . .

منصور : فمان الله

سيف : فمان الكريم . .

سيف : وحليله منصور . . " صد صوب مهره شافها رقدت "

سيف : حبيبي قوومي بدلي وعقب نامي

لكنها ما نشت وتمت راقده بتعب . .

لحفها وراح عنها سبح وبدل وعقبها حطا راسه حذاله ورقد . .

على صباح اليوم الاخير في لندن . .

نشت مهره قبل سيف .. طلبت الريوق وسوت النسكافيه ويوم راحت بتواعيه شافته قايم ويسبح . .

تمت ترتب الاغراض وتحطهم فالشنط لين خلص سيف . .

سيف مبتسم : صباح الخييير . .

مهره تطالعه : صباح الورد

سيف يتقرب منها يبوس راسها : كيف اصبحتي حبيبي . .

مهره : الحمدلله . . " تبتسم " رقدت عنك امس ما حسيت . .

سيف : ادريبج . . عاذرنج لاني اسويها فيج وايد

مهره تبتسم : يالله انا كنت اترياك عشان نتريق واكلم ترتيب . .

سيف : يالله . .

وسارو الصاله وتريقو وعقب الريوق تمت مهره تكمل ترتيب الاغراض وسيف سار يخلص اجراءات الفندق . . على الساعه 11 الصبح طلعو من الفندق . . لازم يروحون المطار لان الطياره راح تطير 3 الظهر . . وعلى الزحمه لازم يطلعون الحين . .

توكلو مهره وسيف للمطار . . وعقبها للطياره . .

سيف يطالعها : استانستي ؟

مهره : وايد وايد وايد . .

سيف : والله ؟

مهره : والله العظيم . . نفسيتي كانت محتاجه للتغيير ولهالجو ولهالبراد والحمدلله كل شي كان حلو

سيف : الحمدلله " يبتسم " ان شاء الله ايامنا كلها تكون حلوه

مهره تبتسم : باذن الله . .

سيف : احبج يا اغلى ميم في حياتي . .

مهره تبتسم : وانا احبك يا اغلى سين في حياتي . .

8 ساعات وووو وصلو مطار دبي هالثنائي بحمد الله . .

لندن مابين دبي ي الغالي وواشنطن
وحيد كنك علي تحن وترآعي
وحيد كنك غنآتي دايمن تبطن
ف الحب قلبك علي وتعرف اطبآعي
يلي غرآمك ب دنيا الروح متوطن
الشوق تقدر تشوفه داخل اضلاعي
وايامنا كثر ماتاخذ ولا يعطن
متى تجيني بديت اححس باوجآعي

.

.