|
. . . لي عوده مع 5 بارتات . . بحجز الردود . . يا ليت محد يرد بعدي |
. . البارت الـ 196 . . . الساعه تشير للـ 1 الظهر في لندن . . سيف : مهووور . . " يزاعق ف اذنها " مهوووووووووووووووووووووووووور مهره حاطه ايدها ع قلبها : شوووووووو سيف يتنهد : اسميييج . . مهره تطالعه : شفيك سيف : شو هالرقاد الثجيل شو ياينج ؟ مهره تطالعه بنص عين . . سيف يبتسم : صباااح الظهرررر . . مهره عاقده حياتها : ليش تواعيني جي . . " مسكت بطنها " نقزتني . . سيف : مول ماكنتي تسمعيني حبيبي شسوي فيج . . مهره : خلاص انزين قمت سيف : يالله يالله قوومي من ع السرير ورانا مشاوير . . مهره : انزين بقوم . . تمت تشوفه من فوق لين تحت . . مهره : انته متى قايم . . متى مداك تجهز سيف : قبل ساعه . . يالله قومي يوعااااااااااااان بنروح ناكل . . خلصي بسرعه مهره : انزين انزين . . راح عنها سيف وقعد فالصاله . . قامت مهره وتغسلت ولبست لها جينز مع قميص بني غامج طويل لين تحت الركب وكمه طويل . . اكتفت بسكارف قوتشي مع ساعه وخاتم . . تجحلت وتعطرت وحطت قلوس خفيف وشلت هاند باقها والكاميرا وطلعت له . . سيف يبتسم : اوب اووب . . ماقدر انا جيه مهره مبتسمه بحيا . . سيف : الله يخليلي هالدلال كله قولي امين مهره : اميييين . . سيف : يالله جاهزه ؟ مهره : هيه سيف : سيري لبسي لج جاكيت الجو وايد بارد . . راحت مهره شلت لها جاكيت بني فاتح ولبسته . . وشلت حق سيف جاكيته الاسود ومدت له اياه . . سيف : انا ما ابرد مهره : البس البس . . مابيك تمرض علي ابتسملها وشل الجاكيت ولبسه . . مسكها سيف من ايدها ونزلو تحت ف مطعم الفندق وتغدو . . كانو ياكلون بشهية . . جد كانو يواعه . . مهره : الحمممدلله سيف : هيه والله الحمدلله . . مهره تبتسم : وين بنروح الحين . . سيف يوقف وتوقف مهره ويمشون . . سيف : بنروح حديقة كينسينقتون . . مهره : شو فيها اهناك . . سيف : حديقه وايد حلوه مطله ع البحر . . وفيها بط وو وز . . اهلج يعني مهره تضربه ع جتفه : حممار .. سيف يبتسم : وبنروح نشتري بطاقة تلفون بعد . . وعقب بنمشششا . . ولا تبين تروحين مول ؟ مهره : لا ابا اخلي المولات حق اخر الايام . . سيف يمسك ايدها بقوة . . مهره تطالعه : انزين ليش بقوة تراني ما بطير " تبتسم " سيف يطالعها : ماتشوفين بناات وايد . . تبين حد يخطفني عنج مهره عاقده حياتها : عن هالرمسه سيف : المفروض انتي الي تمسكين ايدي وتحظنيني وتحرسيني من عيون الكل . . مهره تبتسم : ادري عينك ماتشوف غيري . . سيف : تسسسسسسسسسسسسسسسسلملي الثثثثثثثقه . . خذولهم تاكسي . . وحطت مهره راسها ع جتفه وغمضت عيونها وتمت مبتسمه . . سيف : يعل هالشفات دوم مبتسمه . . قولي امين مهره : معاك بس اميين . . سيف : معاي وبدوني . . مهره تقوم عنه وتطالعه : ردينا . . سيف مبتسم : احبج . . مهره تبتسم بحيا : وانا احبك . . سيف يحط ايده ع ويهها : الله لا يحرمني من هالشوفه . . تقرب منها وحب راسها . . عقب دقايق بسيطه وصلو الحديقه . . حاسبه سيف ونزلو . . مهره تحط ايدينها في جيب جاكيتها : بررررررررررررررررررد . . سيف حظنها من ورى وحطا ايديه ف جيب جاكيتها ومسك ايدينها . . : انا بدفيج . . مهره : اييييه بيطلعونا الناس سيف : خل يطالعون . . عبالج مفاجيع . . احنا ف لندن . . الناس شبعانه اهني ابتسمت : انزين حتى ولو . . شوف وايد خليجين اهني . . سيف : ويعني . . يشووفون . . حلالي محد بيقول شي . . طلع ايدينه وجابلها : عندج اعتراض ؟ هزت راسها ب لا . . سيف : اتحرا بعد . . قبض ايدينها وتمشو . . الجو كان خيااالي . . اطيح قطرات من المطر . .بس قطرات وايد خفيفه والجو مغيييم ومظلم . . جنه المغرب مش الظهر . . تمو يشوفون الوز من بعييد . . سيف يأشر : هاي الدبه عذاري . مهره : ههههههههه حرام عليك سيف : شوفي شوفي وهااك الي واقف ورى بروحه منصصور . . مهره تبتسم . . سيف قابض ضحكته : وهاي امج مهره تضربه ع جتفه : يا حقيير سيف : ههههههههههههه . . " يرن تلفونه " طلع سيف تلفونه واول ما طلعه عشان يشوف منو بند التلفون بكبره . . سيف : مافيه جرج . . بند الله ياخذه . . يايبه فونج ؟ مهره :لا . . سيف : فالحه .. الحين بيحاتون . . مهره : لا ان شاء الله ما بيحاتون . . سيف يشوف ان الصوب الثاني في كافيه .. سيف : قومي خل نشربلنا شي حار . . تمو يتمشون وشافو اثنين يحبون بعض جدام الناس . . مهره ادز ويهه : ياحمار شو تشوووف . . سيف : اف لو انتي ما تستحين جان خليتج شماته الكل يطالعج وانا ابوسج مهره : سيفوه والله بعضضك . . سيف ابتسم : حلو الحب . . " يطالعها " صح ؟ مهره تطالعه وتبتسم : اكيد بجاوبك صح . . سيف يبتسم وينزل راسه ويمشي : في حب يخلي حياتج ظلمه ومنفرده . . وفي حب " يطالعها " يخلي حياتج تزهر وتزهر وتزهر . . مهره تبتسم . . سيف تقرب من خدها وحبها بحنان : الله لا يحرمني من حبج . . مهره : ولا من حبك . . قعدو ع الكافيه . . وطلبو لهم كابتشينو . . تمو يشربون والجو بينهم وايد هادي . . يدفون بالكوفي وكل واحد بافكاره بعييييد . . . . . عذاري : ما يرد علي والله قلبي يحرقني . . معقوله هاينه عليه . . حصيص : انزين عذور خلاص . . مثل ما هو قوا قلبه انتي قوي قلبج بعد . . ياخي بسج مذله عذاري : لا تقولين مذله حصيص : والله انها مذله . . تتصلين فيه الف مره ومايرد عليج . . وفوقها يطرشلج مسج لا تتصلين فيني لين العرس ؟ وبعدج تدقيله مثل اللوح وتقولين لي مش مذله . . عذاري : ماصبر عنه حصيص : بس لازم تصبرين . . ما ينفع جي .. عذاري : ماقدر حصيص " تدمع " والله ماقدر . . حصيص تمسك ايدها : لازم تقدرين عذور . . والله حرام عليج نفسج . . انتي وايد تحبينه اكثر من ما هو يحبج . . ووايد تعطينه وتسامحينه وتتنازلين عن اشياء والسبه هالحب . . والله غلط الي تسوينه تراج عذاري : لو قلتي من اليوم لين باجر ماراح تغيرين شي فيني . . . سلطان لو يقولي عقي عمرج من فوق بعق عمري حصيص : استغغفر الله شو هالكلااااام . . عذاري : ماتتصورين حجم الضيق الي فيني . . حصيص : لانج حارقه روحج وتذلينها . . عذاري تطالعها : شتبيني اسوي حصيص : احقرررررررررررريه . . مثل ما يحقرج احقررررررريه . . لاتردين علييييه بعد عذاري تبتسم باستهزاء : اصلا هو ما كلف ع نفسه يتصل عشان ارد عليه حصيص : خلاص انتي بعد لا تتصلين . . اثقلي شويه ناصر يدخل : هيه صدقها اثقلي . . حصيص تقفطت . . ناصر يبتسم : مرحبا . . حصيص بفشله : مرحبتين . . ناصر : ولهت عليج عذاري تمسح دمعتها : مداك تتوله عليها ؟ توكم الصبح مالجين وشايفين بعض . . ناصر : جب لاتدخلين في شي ما يخصج . . عذاري تبتسم . . حصيص : نصور روح ترى امي قاعده تحت مافيني . . ناصر : احلفي ؟ بروح اسلم على الراس العوووووووود .. " ويروح عنهم " عذاري تتنهد : يالله خلينا ننزل حق امج تحت . . حصيص : ما بننزل لين تقولين لي انج ما بتتصلين عذاري تطالعها : بحاول . . حصيص : ماشي بحاول قلتلج قولي ما بتصل عذاري : ما بتتتصل . . حصيص : شطوره . . عذاري ابتسمت بدون نفس .. حصيص : باجر بنخلي ناصر يودينا دبي عذاري تطالعها حصيص : لاتطالعيني بتروحين معاي ولا امي ما بتخليه يودينا . . عذاري : مالي خلق . . حصيص : حرام عليج متى بخلص زهبتي انا . . عذاري : افف منج . . حصيص : بنروح نتشرا مكياج بعد عذاري : انزين انزين الي تشوفينه حصيص : متى تبين تروحين عذاري : عادي عندي اي وقت حصيص : بنروح الظهر عشان ما نطول عذاري : ان شاء الله . . . . . |
. . . . البارت الـ 197 روضة تبتسم . . فهد : طمنيني شو قالت الدكتوره اتكلللمي . . روضة : انا حااااااااامل " تحظن فهد " حامل فهد حاااااامل فهد مصدوم ما يتكلم . . روضة تطالعه : انا من نشيت من رقادي ورجعت وانا احس اني حااااااامل . . فهد يغمض عينه : الحمدلله يارب . . الحممممممممممدلله . . " يحظنها بقوه " الله يحقق مرادنا . . الحممدلله . . واخيييييررررررررررررررررررررررررررررررررا . . روضة تبتسم : واخييييييييرا . . فهد : احين بسير بذببببببببح ناقة روضة : ههههههههه ناقة عاد مره وحده فهد يبتسم : بذبحها بايدي بعد . . . . . حمد : مرحبا . . شوق : مرحبتين . . حمد : شحالج ؟ شوق : الحمدلله تمام . . حمد : اكيد مستغربه اني متصل بج شوق : اعرف ليش متصل ببي حمد : ليش ؟ شوق : تبي تعرف لو كلمت مهره او لا . . حمد سكت . . شوق تبتسم : خلاص اعرفك . . حمد يبتسم : تعرفين اني ميؤوس مني وتكرهيني اكثر صح شوق : لا حشى . . اعرف حبك لمهره صار مؤبد وما راح ترضى لحد يدخل قلبك حمد : هالكلام امي سمعته مني . . لو كانت امي عايشه كان ممكن شي امل بسيط اني افرحها واتزوج لكن مافي شي يجبرني اني اتزوج الحين . .الحمدلله راضي بحياتي . . شوق : الحمدلله . . حمد : ممم . . يعني كلمتيها ولا شوق : لا ما كلمتها . . تلفونها مغلق واتصلت حق سيف رن رنتين وبند تلفونه .. ما يلقط . . حمد : اكيد من تحصل فجه راح تكلمج شوق : اكيد . . حمد : خلاص لو كلمتج وعرفتي شي طمنيني عنها . . شوق : ان شاء الله حمد : محتايه شي شوق شوق تبتسم : سلامتك . . حمد : مع السلامه شوق : مع السلامه . . . . . في لندن . . على المغرب . . مهره وسيف يتمشون ممسكين الايادي . . يتاملون المناظر في لندن . . يوقفون عند المحلات الصغيره كل شويه ويشترون كم تحفة ذكرى . . سيف : بتركبين سيكل ؟ مهره تطالعه : لا شوف المطر بدا يزيد . . اخاف سيف : من شو تخافين ؟ مهره : اخاف يزلق التاير واطيح سيف : هههههههههههههه مهره تبتسم . . سيف : عيل خلينا ندخل هالمول مهره : قلتلك مابي مولات الحين . . اخر 3 ايام ابيها حق مولات سيف :بلللللل . . 3 ايام بعد مش يوم . . عز الله رديت البلاد وانا ع الحديد مهره : خلني اشتغل بصرف ع روحي سيف عاقد حياته : لا والله مهره : هيه . . سيف : انتي ما قلتي تبين تكملين دراسه . . ليش ما تكملين . . مهره : مممممم مادري سيف : دامج تقدرين كملي . . مهره : ماعرف سيف : خلينا نرد البلاد وسيري الكليه وقدمي اوراقج وكملي دراستج ابيج تلتهين شوي . . انا لازم اتم ف دبي واجابل الشغل وبناوب عن ربعي بعوض هالاجازات كلها . . مهره : هيييه هاي نغزه عشان تبي تروح وتخليني سيف : هيه ما بخليج تين دبي وانا طول الوقت فالدوام . . مهره تطالعه بنص عين . . سيف يقرص خدها : ليش تطالعيني جي .. يطيح مطر بكثره .. مهره تتقرب منه : خلنا نرجع . . بموت برد . . سيف وقف عند محل قريب منهم واشترا مظلة .. وتمو يمشون ويمشون ع امل يشوفون تاكسي وحصلو بعد عناء ومشي طويل . . وتوجهو للفندق . . اول ما وصلو على طول بدلو ملابسهم وتغسلو وصلو ووووو اثنينهم صوب الدفايه . . سيف : احنا ويه برد ؟ احنا مال حرررر شو يايبنا لندن . . مهره تبتسم . . سيف : والله البروده احسها داشه مخي . .. مهره ترجف : انا بعد . . سيف كان قاعد ع مخده ولاصق ف الدفايه ومتلحف ومهره كانت قاعده ع الكرسي الهزاز . . سيف : قومي شوي . . مهره : مااااااابا اقوم سيف : قومي بسرعه . . مهره : تبي تاخذ المكان عني . . سيف : قومي يلا . . قامت مهره ويلس سيف وعقب سحبها وخلاها تقعد عليه . . وحظنها بقوة ولحفها باللحاف الي كان عنده . . سيف : شو تحسين الحين مهره مبتسمه : وايد ادفى . . ابتسم سيف : ماتسوين بدوني انتي اصلا مهره : هههههههههه شكرا لانك وايد تتمنن علي . . سيف : ما اتمنن عليج هالصدق . . مهره تبتسم . . سيف يغمض عينه : شو احلى من هالدفوه . . مهره تمسك ايدينه بقوه وتغمض عينها بعد . . وتم الكرسي يتهزز فيهم بقرب الدفايه وخذتهم غفوه . . على الساعه 4 الفير . . مهره حست بعوق بظهرها وقامت عن سيف . . تمت ادق ع ويهه عشان يقوم ويرقدون على السرير بس ما قام . . خلته وراحت تشرب ماي وشلت تلفون سيف وحطته عالجراجه وانسدحت عالسرير ونامت . . على الساعه 8 الصبح نشت على رنه التلفون . . مهره تروح صوبه : الوو . . ام عبدالله : امايا مهره انتي وينج اميه مخلتني احااااااتييييكم .. مهره تثاوب : هلا امايا . . ام عبدالله : ويديه انتي راقده . . 12 الظهر الحينه شو مرقدنج مهره : بعدها امايا الساعه 8 الحين عندنا ام عبدالله : اسمحيلي امايا واعيتج نسيت . . لكن تميت مستهمه عليكم تلفوناتكم كلها مسكره مهره : احنا بخير امايا . . ام عبدالله : هذو نصور كللى فوادي يبا يكلمج . . اندوووك ناصر : مرحبا بالزيييييييييييين مهره تبتسم : هلا الغالي . . ناصر : شحالج اختيه مهره : بخير فديتك انته شحالك ناصر: بخير وسهاله . . هاا خربت عليكم امايا شهر العسل هاا . . مهره : ههههههه اي شهر العسل . . ناصر : خربت احظان سيف مهره : لا احظان ولا شي يالطفسس . . هو فالصاله وانا فالحجره ناصر : بل بل من بدايتها متفرقين جي . . مهره : رقدنا بدون لا نحس ناصر : عسى مستانسه مهره : الحمدلله وايد مستانسه ناصر : يعله مديم فديتج مهره : انتو شخباركم وشخبار عذور وروضة . . ناصر : كلهم بخير الحمدلله . . روضة حامل مهره : احلللللللللف ناصر :والله . . المهم مهور ما بطول عليج متصل برصيدي ترى مهره : ههههههههههههه يالبخيل ناصر : بروح بودي عذور وحصيص دبي مهره : اوب اوب منو قدك ناصر : مررره انا اسعد انسان مابا حد يكون قدي مهره : يعله مديم ياخويه ناصر : المهم ماوصيج على روحج . . ديري بالج . . مهره : ان شاء الله فديتك ناصر : ابويه يسلم عليج وايد . . اتصلبج قبل ساعه ماشبك التلفون والحين راح المسيد بيأذن قبل المطوع مهره : هههههههههه . . ما تيوز يا نصور . . ناصر : هههههههههه . . يالله فديتج تحملي مهره : ان شا ءالله حبيبي . . مع السلامه . . وبندت عنه . . قامت وغسلت ويهها وصلت وعقبها لبست لها برمود اسود مع قميص فضفاض اخضر . . فلت شعرها وتعطرت وراحت صوب سيف . . مهره : سيفو . . بسك رقاد قووم . . حطت ايدها ع ويهه وانصدمت من الحراره : سيف .. سييييف سيف يفتح عيونه بصعوبه : ها . . مهره : انته مسسسسخن . . سيف : لا . . مافيني شي مهره : كيف مافيك شي . . حرارتك وايد عاليه . . قوم قووم . . سيف يبلع ريجه : خليني . . مهره : قوم الغرفه ادفى . . حاولت تقومه وتمت تمشي معاه لين ودته الغرفه وسدحته ولحفته عدل . . سارت المطبخ وسوتله كمادات بارده . . حطته على راسه وهيه تحس بخوف . . اتصلت وطلبتلهم ريوق . . ماطول الريوق ووصل . . قصصت له البيض بطريقه صغيره وحطته ف سندويجه وتمت توكله شويه شويه سيف : خلاص مااابا . . يصد الصوب الثاني مهره : ما بخليك . . لازم تكمممملها . . سيف : قلتلج شبعت مهره : ماعليه اخر لقمه سيف يادوب يفتح عينه والحراره تطلع من نصخه حتى : ميثا خليييييييني انام . . انصعقت مهره مكانها . . اتيبست . . كل شي فيها تجمممد . . سيف يمسك ايدها : مهره . . اسف " رص ع شفاته بقوه " والله اسف مهره تبلع ريجها : عادي حبي . . عادي شلت الريوق . . واكلته الدوا ورقد عقبها سيف . . سكرت كل الدرايش عسبت ما تدخل البروده وشغلت الدفايه عشان يدفى المكان . .تمت تحط عليه كمادات بارده وتبدلها كل شوي لين حست بدوخه وحست انها بترجع وراحت الحمام . . تمت ترجع وترجع وتصييح . . >> ليش ميثا . .شو يابها على بالك . . ولا يمكن هي كانت تداريك وتهتم فيك يوم تمرض ؟ احس بحرقه بقلببببببببببببببي . . ادري ما تقصصصصصصد بس بعد قلبي يتقطع . . اول ماطلعت من الحمام شافته بويهها . . سيف عيونه كانت جممر . . وويهه مصفر . . حطا ايده ع ويهها ومسح دموعها : ليش تصيحين مهره : انت ليش قمت من ع السرير . . تسحبه عشان يروح السرير بس ايده كانت اقوى عنها : طالعيني قاعد اكلمج مهره تجابله وماتحط عينها بعينه . . سيف : كلميني . . ليش تصيحين . . مهره : ما صيح . . ليش قمت سيف : سمعتج ترجعين بقوة خفت عليج . . مهره تمسك ايده : تعال ريح الله يخليك . . سيف يمشي معاها ويقعد ع السرير وقعدت حذاله . . سيف : سامحيني يالغاليه . . زليت مهره تطالعه : شو يابها على لسانك سيف : مادري . . والله مادري . . ما افكر فيها ولا يت على بالي . . مهره : كانت تهتم فيك وتداريك يوم تمرض صح . . سيف يطالع مهره . . مهره امتزرت عينها دموع : ادري . . عشان جي ما حسيت بروحك . . سيف : خليها تولي .. لا تفكرين فيها ولا تحطينها في بالج مهره تطالعه : قلبي عورني سيف ابتسم بتعب : فديت قلبج . . " يمدلها ايده " قربي اهني تقربت منه وحظنته وتمت تصيح بهدوء . . ويحس بصياحها لان دموعها تنزل ع ايده . . سيف : بس ياروح سيف انتي . . لاتصيحين . . مهره تمسح دموعها : انت ارتااح . . سيف : انتييي راحتي . . خلج معاي وانا برتاح مهره : انا معاك . . بس ارررتاح ونام عشان تصير زين . . انسدح سيف ومسك ايدينها بحنان : خلج اهني لا تروحين مكان . . مهره تبتسم : ان شاء الله . . ابتسم سيف واتلاشت ابتسامته شوي شوي مع نوم عميق . . . . . |
. . . . البارت الـ 198 منصور : سليييطيييين سلطان : هاااااه منصور : وينك سلطان : توني طالع من الدوام بروح الششقه منصور : مر مرر علي سلطان : ماقدر يا ريال فيني رقاد منصور : ياخي ملااان قوم خلنا نظهر سلطان : انت مش مداوم اليوم شو منصور : مداوم وراد من ساعه ومتضييق ابا اظهر سلطان : انزين شو تبابي روح حووط منصور : امفف عليك . . الرفيق يقول لرفيقه جي سلطان يبتسم : يالله انزين شوي وبمر عليك . . منصور : لا انا بمر عليك . . لحظه سلطان عذاري ع الخط . . عذاري : الوو منصور : ها عذاري : اوفف اتصلت فيك بالغلط . . كنت بتصل حق حصيص ضيعتها يالله باي منصور : وينكم انتو . . عذاري : في دبي مول . . يالله فارج باي منصور : باي . . سلطان : الوو منصور : ها . . سلطان :عذاري ليش تتصل فيك . . شو هالبطره ما تروم تمر عليك يعني منصور : عذور ف دبي سلطان انصدم : ف دبي ؟ منصور : هيه سلطان : شو تسوي ف دبي منصور: تخلص الزهبه هي وحصيص سايرين سوا . . سلطان : منو مودنهم منصور : نصور . . سلطان بغيض : ليش ما خبرتني منصور : شعرفني فيكم . . سلطان : انا الحين بروح منصور : وين بتروووووووح سلطان : دبي مول . . باي وبند فويه منصور . . منصور : انزين يا حمار وانا . . . . . محمد : السلام عليكم سلامه + حمد : عليكم السلام محمد : ماشاء الله متيمعييين حمد : هيه الحين بنتغدا . . تغسل وتعال بعدنا ما بدينا محمد : عنود وين . . سلامه : تقول من سرت انته الدوام وحمد ناش مارقد وتغدت قبلنا ورقدت ويا حمد قبل شوي محمد : يالله ببدل وبييكم . . ودخل الغرفه بشويش وبدل ملابسه . . عنود بتعب : محمد ؟ محمد بصوت واطي : اسف واعيتج عنود : يييت محمد : لا رحت . . ماتشوفيني اهني كيف تساليني ييت بعد عنود : يالله روح كل لك شي محمد : أن شاء الله عنود : بتروح مكان ؟ محمد : لاتحاتين ما بروح مكان . " يبتسم " باكل وبي بوطي راسي حذالج .. عنود تبتسم : انزين راح محمد صوبها وباس راسها : لعوزج اليوم ما خلاج ترقدين ها عنود : كله منك . . قلتلك الصبح لا تبوسه خله راقد . . من بسته وهو نشش ومارضا يرقد مووول .. تعبني والله محمد : هو ولدج يحب وجودي عنود : انتتتت واعيته شو يخصه بعد محمد : شعرفج انتي . .انا اعرف مشاعره الجياشه . . فليل يهاذي باسمي . . عنود تبتسم غصب : حمود لا تطير الرقاد من عيني روح الله يخليك خلني ارقد . . محمد : هههه انزين . . وصدقيني حتى انتي الحين ما بترقدين لي انا اتغدا وارجع . . مصيركم متعلق فيني . . انا سرايه البيت حبيبتي . . وطلع عنها . . حمد : شو الدوااام محمد : والله زييين . . سلامه : انتو ما اداومون بنفس المكان محمد : بلى بس ما نتشاوف .. حمد : تعرفين اخوج رتبته فوووق محمد يفر عليه غرشه بلاستيك ماي فاضيه : روح روح يا خريج افغانستان حمد يبتسم . . محمد : سلامه ماعليج منه . . ع الاقل انا اشتغل احلل راتبي . . هو محطوط ف مكتب ريل على ريل . . حمد : بعد الناس الهاي هاي ما تشتغل . . بسنا من الكرف محمد : مابرد عليك . . سلامه تبتسم وتروح صوب تلفون البيت الي يرن . . سلامه : الوو .. ام عبدالله : هلا امي سلامه شحالج سلامه : الحمدلله بخير عموه ام عبدالله : سدكم الاكل . . سلامه : هيه سدنا وزياده والله ام عبدالله : قولي الصدق سلامه : والله ام عبدالله : زين الحمدلله . . العصر بطرش الدريول تعالي انتي وعنود عندي . . تولهت ع حمد الصغيرون سلامه : ما يحتاي عموه لا اطرشين . . دريولنا موجود . . والاولاد اهني . . بشوف عنود لو قدرت بنمر ام عبدالله : محمد اهني ؟ سلامه : هيه ام عبدالله : وحمد ؟ سلامه : هيه كلهم اهني ويالسين يتغدون . . منصور : اماييييييييا يوعان بتحطين الغدا ولا اروح اكل من برا سلامه حطت ايدها ع قلبها من سمعت صوته . . ام عبدالله : انزين امي سلامه عيل . . لو بغيتو شي دقولي سلامه : ان شاء الله . . ام عبدالله :فمان الله .. سلامه :فمان الكريم . . وبندت ام عبدالله لكنها ماسكرت السماعه عدل ف ما انقطع الخط منصور : كنتي ترمسين سلامه ؟ سلامه تامه ع الخط تسمع . . ام عبدالله : هيه . . منصور : شحالها ؟ شخبارها ام عبدالله : شو تبابها تتخبر عنها ؟ منصور : يعني ابا اعرف يمكن محتاجين شي ام عبدالله : لا الحمدلله مش محتاجين شي . . منصور : سالتيها ؟ تاكدتي ام عبدالله : منصصووووووور . !! خلاص بندت سلامه السماعه ومسحت دمعتها . . وراحت غرفتها ع طول حمد : سلامه وين رايحه تعالي . . سلامه : شبعت الحمدلله . . محمد عاقد حياتها : بلاها حمد : مادري بو خالد يدخل : السلام عليكم . . حمد ومحمد : عليكم السلام حمد : ابووووويه . . تو ما نور البيت والله . . محمد : ما بغيت عمي . . والله البيت اشتاقلك . . بو خالد : ما تقصرون . . خربت عليكم كنتو تاكلون هاه محمد : لا عمي خلصنا . . يييلسون كلهم . . بو خالد : وينها سلامه حمد : ف غرفتها . . بو خالد : انا بزوجها . . حمد ومحمد انصدمو . . حمد : حق منو . . بو خالد : حق ريال زين . . يبا وحده تراعي امه وتهتم فيها وتقوم بالبيت . . واختك خل تروح تفكني من شرها . . حمد : بس ابويه بو خالد : انا ما اشاورك . . ولابشاورها .. انا رديت عليهم بالموافقه . . ومتى ما يتصل بي بنسير المحكمه سلامه كانت تسمع وتشهق وماتقدر تنطق . . حمد : ابويه انا تام معاها فالبيت . . ماله حايه تزوجها . . بو خالد : انت مش دايم لها . .. حمد : ولا الريل دايم لها بوخالد : لا ادافع عنها . . اهناك بتجابل امه وبتهتم فيها ما بتغيب عن عينهم دقيقه . . حمد : ماقدر ارضى . . بو خالد بعصبيه : ومن قالك اني ابغي رضاك ؟ عقب الي سوته ما تفتح حلجها . . محمد ساكت مول ماحب يدخل . . بو خالد : خبروها . . عشان يوم تي الحزه ما تتفاجأ . . " يقوم " اانا بروح . . محمد : عمي ايلس لاتروح . . البيت خلا مره وحده بو خالد : انا برجع البيت يوم سلامه بتظهر منه . . من سمعت سلامه هالجمله تمت تنوح من الصياح بصوت عالي . . وسمعوها كلهم . . بو خالد يقوم : مادري على شو تصيح مسوده الويه . . ويظهر عنهم . . حمد يطالع محمد . . : ماراح اخليه محمد : ماتقدر تمنع ابوك . . ماتشوفه ماخذ شوره . . سلامه مسحت دموعها وطلعت : عادي حمد . . انا موافقه . . وردت دخلت حجرتها وسكرت الباب بقوة . . . . . حصيص : تعببببببببت ناصر يبتسم : سلامتج من التعب . . تعالي بنقعد ف الكاافيييه عذاري يرن تلفونها وانصدمت يوم شافت ان سلطان الي يدق . . عذاري تمت ترجف ماقدرت ترد عليه . . شوي ورن تلفون ناصر . . ناصر : ريلج يدقلي " يطالع عذاري " هلا النسيييب . . سلطان : هلا ناصر . . وينكم بالضبط ؟؟ ابا اشوف عذاري الحين ضروري ناصر استغرب وخبره مكانهم بالضبط وببند سلطان على طول عذاري : شفيه ؟ ناصر : متوله ومشتاق . . مفاجاه ما بخبرج . . عذاري ترجف اكثر : شو خبرننني حصيص : ناصر قولها لا تخليها تحااتي وتفكر ناصر : قالي وين مكانكم بالضبط وبند بس . .شكله اهني . . حصيص وعذاري يطالعون بعض . . تمو واقفين شوي وعقبها . . سلطان : السلام عليكم . .. الكل : عليكم السلام . . سلطان مسك ايد عذاري : باخذها عنكم شوي . . ناصر مستانس : خذها وايد . . سلطان : تغشي يالخخخخخخخخخخخخخخخخخخرا . . . عذاري منصدمه : سلطان تراك تعورني . . هد ايدي سلطان قابض ايده بقوة اكثر وتعمد انه يقوي قبضته عذاري : اااه . . هدددددددني سلطان يصد ويطالعها : بعددددددددددددددج ماتغشيتي " الشرار يطلع من عينه " عذاري بعصبيه : كيف اتغشا وانت قابض ايدي . . سلطان وقف وهد ايدها وتمت تطالعه باستغراب سلطان : شو تترييين تغشت عذاري ورد زخها سلطان وسحبها لين الباركنات وركبو السياره . . سلطان يصارخ : كيييييييييييف يايييييييه دبي وانا ماااااااعرف كييييييييييييييييف عذاري تطالعه باستغراب : ليش تصارخ علي . . سلطان : جاااااااااااااااااااااااااوبي عذاري : سلطان انت ماترمسسسسسني اصلا . .انت الي قلتلي لا ترمسيني لين العرس وحقرتني وماترد علي سلطان بكل غيض عطاها طراق : يا حيوانه مش معناااااااااته تين دبي وانا ماعرف . . انا طرطوووووووووووووووووووووووووووووور ؟؟؟؟؟؟؟؟؟؟ عذاري انصعقت . . تمت ماسكه مكان الكف وتطالعه بعيون دمرانه . . دموعها تنززززل وكل الحيره فيها . . سلطان حس ع روحه وصد الصوب الثاني . . : لو شو ما قلللللللتلج . . " يعلي صوته " المفروض اني اعرف انتي وين تروحين ووين تردين . . عذاري ماقدرت ترد عليه تمت بس تطالعه ودموعها تنزل وترجف . . غمضت عينها بقوة ويايه تنزل من السياره بس سلطان مسك ايدها سلطان : وييييين ؟ عذاري ودرت ايده بقوة . . سلطان : مااااااا بلمسسسسسسج " يصارخ " قعدي مكانج لا تنزلين وانا ماخلصت كلامي عذاري سكرت باب السياره وتمت صاده الصوب الثاني ما تطالعه ومخليه دموعها تعبر عن الي فيها . . . . . |
. البارت 199 سلطان يطالعها : كيف تطلعين وماتخبريني . . عذاري تطالعه بكررررره : انتتتتتتتتتتتتتتتتتتت ماترد علي . . انت حاقررررررني ليش تهمك تفاصيلي وانت بنفسك قلتلي لا ترمسيني لين العرس سلطان : حتى لووووووووووووووووووو . . انتي طالعه من البيت غصبن عليج تخليني اعرف حتى لو بمسج . . كيف تظهرين من باب بيتكم وانا ماعرف . . رمتي تسوينها الحين اكيد بتسوينها عقب . . ههه دامج رمستيني قبل لا نعرس اتوقع منج كل شي عذاري فجت عينها ع وسعهن : شو تقصد سلطان سلطان : افهمي الي تفهمينه عذاري : سلطان انت شو تقول . . سلطان : قلتلج افهمي الي تفهمينه . . عذاري تمسح دموعها وتبتسم : عفيه عليك . . عفيه ع الكلام الي تقوله " تصفق " عفييه عليك . . سلطان يطالعها . عذاري: سلطان طلقنيييي سلطان يطالعها : نعم ؟؟؟ عذاري تصارخ : طلللللللقني . . مابيك . . سلطان منصدم : تبيني اطلقج . . عذاري: هيييييييييييييييييييه . . طلللللللللللللقني سلطان : متاكده عذاري : والله متاكده . . طللللللقني . . انت واحد خسيس والله انك خسسسيس وحقير . . بطلت باب السياره ونزلت منها وعلى طول نزل وسار صوبها وجابلها . . عذاري :وخر عني . . سلطان : اهدي شوي عذاري : لاتخليني ألم الناس كلها عليك . . وخخخخخخخخخخر عني سلطان مسك جتفها : عذاري عذاري وخرت ايده : لاتتتتتتلمسني . سلطان : عذاري افهميني عذاري تطالعه : افهم شووو . . ؟ شو الي تبيني افهمه اكثثر سلطان يطالعها ومايعرف شو يقول . . عذاري : حتى انته ماعندك رمسسسه تقولها . . تمشي عنه ويمسك ايدها سلطان : ركبي السياره لا تفضحينا جدام الناس عذاري : هد ايدي سلطان : دخيلج ركبي السياره . . عذاري تطالعه : مابا اركب وياك مكان . . باجر بتقول لي ويا كم واحد راكبه . . سلطان يرفع ايده بيضربها لكن نزل ايده عذاري : اضررررب اضررب . . سلطان : لا تخليني اعصب عليج اكثر عن جي اركبي السياره . . راحت عذاري ومشت قبله وركبت السياره وقعدت ورى . .ولمت ايدينها ع نفسها وتمت تنوح وتصيح من قلب . . اما سلطان تم برع السياره فتره يجمع قواه عقب ركب وقعد ورا . . سلطان : عذور . . عذاري تطالعه : ما توقعت يطلع منك في يوم هالكلام . . صدمتني فيك سلطان : انا اسف . . عذاري : ماتوقعت منك . . سلطان : خلاص اهدي شوي . . عذاري : عقب الي قلته تتريا مني اهدى ؟ سلطان تقرب منها ومسك ويهها بايدينه الهنتين : انا انفعلت . . وماقصدت اي شي عذاري : حتى لو انفعلت هالكلام ما يطلع سلطان : اعذريني . . طلع مني وخلاص عذاري : دامه طلع الحين بيطلع وايد سلطان : عذاري دخيلج لا تصعبين الامور علي اكثر عذاري : انا الي اصعب عليك ؟ توخر ايده . . سلطان يتنهد : انا انفعلت يوم عرفت انج برا البيت وانا مقهور منج كنت برؤوحي وزاد الي فيني وطلع الي طلع . . عذاري : مافي اي عذر للكلام الي قلته سلطان : ماراح يتكرر صدقيني .. عذاري تطالعه : سلطان انت ضربتني " تتيمع دموعها " كيف هنت عليك تضربني سلطان : ماهنتي علي . . تقرب منها اكثر وسحب ايدها وحطاها ع قلبه : شوفي قلبي كيف يدق عذاري منزله راسها . . سلطان باس ايدها من جدام ومن ورى ورص عليها : غناتيه ؟ عذاري صدت الصوب الثاني . . سلطان يبتسم : شرايج امزر غرشه البيبسي . . اكيد بترضين عني عذاري تطالعه : مع الاسف . . انا مول ماعرف ازعل عليك . . حتى لو شوي سلطان : اعرف . . عشان جي احبج " يبتسم " واموت فيج عذاري تبلع ريجها . . سلطان : والله احبج . . واحبج وايد بعد . . عذاري تطالعه : لاتسوي فيني جي مره ثانية سلطان يبتسم وياشر ع عيونه . . عذاري : عورت قلبي وايد . . سلطان : وخري خليني ابوس قلبج . . عذاري منصدمه : خلاص رضى . . سلطان : ببوسه ! عذاري : خلاص قلتلك . . سلطان : متاكده عذاري : هيه هيه . . سلطان ابتسم : سامحتيني عذاري : قلتلك مازعل عليك . . سلطان : عيل ليش عينج ماتنحط ف عيني .؟ عذاري : بلى اطالعك عادي سلطان : تطالعيني نظره وتصدين . . ركزي بعيني . . عذاري مرتبكه . . سلطان يبتسم وتقرب منها اكثر وباس يبهتها . . وشل راسها وحطاه ع صدره وتم يمسح ع جتفها . . عذاري دمعت وابتسمت . . سلطان : لا تشيلين فخاطرج علي .. راس مالي انتي . . جابلها . . سلطان : بعد تصيحين . . مسح دموعها بظهر ايده : خلاص عاد . . عذاري : خلاص . . سلطان يبوس خشمها : وهذا خشمج نبوسه . . سامحيني . . عذاري بحيا : مسموح . . سلطان مبتسم : فديتها . . عذاري كانت متيننه على ريحه عطره بس ماقالت . . كل ما يقرب منها تحس بدوخ من روعه ريحته . . تمت تطالعه . . >> بيذبحني هالريال . . كل ما ياه يحلو اكثر واكثر . . شسوي فيه عشان اعمي عيون الناس عنه . . محد بيقاوم جماله . . ماقدر سلطان يبتسم : شو قلتي عذاري : ها سلطان : شو قلتي فخاطرج وانتي تطالعيني . . عذاري بلعت ريجها :ماشي سلطان مسك جتفها : قولي لا تجذبين عذاري : محلو . . سلطان مبتسم : اعرف .. عذاري تصد الصوب الثاني سلطان يبتسم ويمسك ذقنها : حتى انتي عذاري تبتسم سلطان : حتى انتي مخسفه عذاري فجت عينها : شو سلطان : هههههه عذاري : اصلا انا مخليه كل شي حق العرس سلطان : لاه ؟ عذاري: هيه سلطان يبتسم : بنشوف تطورات العرس . . عذاري تطالعه . . سلطان : عاد قلتلج طالعي عيني مش تبركنين عليها . . عذاري : عيل شو اطالع مثلا سلطان : تبيني اقولج شو اطالعين عذاري : يا سخيف سلطان : انزين ما قلت شي انا " يبتسم " عذاري : يالله خلنا ننزل . . سلطان : ليش تيبن تنزلين عذاري : بس خلاص ابا اخلص مشترى . . سلطان : تبيني اتم معاج . . عذاري تطالعه : تبي تتم معاي تم . . سلطان : انتي شو تبين .؟ عذاري : عادي عندي سلطان عاقد حياته : صدق عذاري تبتسم : صدق . . سلطان : يالله خلينا ننزل . . عذاري تبتسم : يالله . . سلطان : دامج قلتي عادي عندج بوصلج عند نصور وبروح . . برجع عذاري قاومت رغبتها وقالت : انزين . . عاادي سلطان يبتسم . . ونزلو وتغشت عذاري عشان تفتك من لسان سلطان . . تمو قابضين اياديهم وووصلها سلطان لين ناصر وراح عنها . . توقعت انه ما بيروح لكنه صدق راح . . . . . على الساعه 4 العصر ف لندن . . مهره فجت عينها وحطت ايدها على راس سيف وشافت ان حرارته خفت . . ارتاحت وايد . . اول ما بغت تقوم مسك ايدها . . سيف : وين رايحه . . مهره : بروح اطلب لك غدا . . عشان تتغدا وتاخذ الدوا بعد وما ترجع لك الحراره . . سيف يطالعها : مش يوعان مهره : حتى ولو لازم تاكل . . سيف : بنطلع ناكل برا مهره : لالالا . . ماشي طلعه لين تصير احسن سيف : والله صرت احسن . . مهره : ادري . . لكن بعد ما بتطلع لين بالمره تصير زين . . سيف يطالعها عين بعين : تحبيني . . مهره استغربت من سؤاله . . سيف يرفع قصتها ويخليها ع طرف :جااوبي . . تحبيني . . ؟ مهره تبتسم : هيه احبك . . سيف يبتسم بحنان : وايد ؟ مهره : هيه وايد . . سيف يسحبها لصدره : عيل خلج اهني شوي . . لاحقين ع الغدا . . وغمض عينه مره ثانية . . عقب ساعه تقريبا قامت عنه مهره . . التعب الي فيه والمرض مخلنه وايد ينام بدون لا يحس . . طلعت وطلبت له اكل وترييت لين يييبون الاكل وعقب واعته .. مهره : يالله عاد حبيبي قوم . . سيف : يعني يبتيلي الريوق اهني . . ليش ما تريقيني اهني مهره : لالا . . لازم تتحرك شوي . . يالله قوم خلنا ناكل فالصاله بيبرد الاكل . . سيف ينش : خليني بتغسل وبصلي وبيي . . مهره : يالله بترياك . . سيف يطالعها بحنان : لا تخليني . . مهره تطالعه : ليش اخليك . . انا معاك . . وبتم معاك طول العمر سيف يطالعها : بي اليوم الي تملين فيه مني ؟ مهره : لا طبعا سيف يبتسم : ليش واثقه ؟ مهره : مادري . . انت بتمل مني ؟ سيف فاج عينه : انا امل منج ؟ انااا ؟ انا لو اسوي منج عشرين مليون نسخه ما بمل منج . . " يبتسسسسم " “cut” . . . |
| الساعة الآن 03:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir