|
طبعا حارب وأحمد ونادر قرروا أنهم يلعبونها وياهم بس البنات كانن مطنشينهم عالآخر.. وقبل ما تبدي اللعبة.. حارب وأحمد ونادر كل واحد فيهم تلثم بشماغه عدل عسب اللعبة بتتجلب فيهم.. ..بدت اللعبة.. سارة وهي مغمضة عيونها: أشهد أن لا إله إلا الله وأشهد أن محمد رسول الله حصة: عليو يالدبة أنا منو قالي ألعبها..؟؟؟ ميسون: بلاكن فضحتونا الحين بتخلونهم يشمتون فينا شيما اللي كانت قاعدة جدام سارة كانت ميته من الزيغة وطول الوقت قاعدة تدعي من صوب الشباب نادر : أقول تراني زيغان؟ حارب: لا والله أنزل جان فيك خير وفعلا كان نادر بينزل بس ياحليله خلاص بدت اللعبة وهو تيبس من الزيغة أول ما انجلبت اللعبة كل البنات قعدوا يصارخون من الخاطر والشباب قاعدين يضحكون عليهن خلصت اللعبة نادر وهو ميود راسه: لا بركة فيكم.. حارب: هههههههههه أقول شرايك نلعبها مرة ثانية؟ نادر: أقول اجلب ويهك لا أهفك بكف الحينه أحمد: هههههههه بصراحة.. هاللعبة فضيعة من صوب البنات |
حصة: آاااي آخ يا راسي أحس راسي للحين قاعد يدور عليا: هههههههه والله إنج تحفة يا حصوه.. فضحتينا من زود ما تصارخين سارة: هههههههه لا بصراحة وايد استانست صح أنها تخوف شوي بس روعة والا شرايج يا شيما..؟؟ شيما: اسكتي الله يخليج شفت الموت بعينه الكل: ههههههههههه شوي ويطبون عليهم أحمد وحارب ونادر حارب: ها سارة؟ وين بتسيرون الحينه؟ سارة وهي ترمس البنات وطنشت حارب.. سارة: بنات شرايكن نلعب هذيج اللعبة؟ شكلها وايد حلوة حصة: أوكي يلا وساروا عنهم نادر وأحمد نقعوا من الضحك على حارب هههههههههههاااااااااااااااااييييييييي نادر: أقول.. أحمد: ههههههههه قـــــول نادر: مو جنه الأخ طنشوه؟ أحمد: شكله..ههههههههههههههههههااااااااي حارب فار دمه وانقهر.. ما علي يا سارة حسابج بعدين حصة: سارة يالدبة.. كيف اطنشين حارب.. والله قوية |
سارة: أحسن عسب يتأدبون ميسون: يا حليله بس صج قفط وهن قاعدات يمشين حصلوا ثاني وعلي وسهيل وسيف.. سارة وهي تزقرهم: ثاني.. علي.. على طول انتبهوا لهن.. ثاني: أنتي هني سارة تجرب منه وتهمس: وميسون بعد هني ثاني: قولي والله.. سارة: والله ثاني: ادري انزين..خخخخخخخخخ سارة: وأنا أقول ليش كل هالكشخة؟؟ ثاني وكل شوي يعدل عقاله: وينها هي؟ ما أشوفها شوي ويو قوم حصة وميسون وشيما وعليا أول ما انتبه ثاني لميسون نزلت راسها من زود المستحى ثاني وفي خاطره.. يا ويل حالي أنا.. سارة: أقول.. عيل وينهن شهد وشمة؟؟ |
ثاني: عند سيف قاعد يلعبهن حشرونا يا أخي أما سهيل فسار صوب شيما.. سهيل: ها شو استانستوا؟ شيما: الحمد الله سهيل مسك ايدها وساروا عنهم وقعدوا في احدى المطاعم الهادية والبعيدة عن الحشرة علي طالعهم وقال بصوت عالي: مشكلة الرومانسيين سهيل ما رد وقعد يضحك عليه سيف وتوه ياي من بعيد شكله شهد وشمه طلعن روحه: ساروه أنتي هني.. زين بعد يودي عني هذيلا خبلوا فيه حصة وهي تضحك على منظر سيف اللي شكله كان صج متبهدل عالآخر حصة:ههههه سواف بلاك؟ سيف وهو يأشر على ثاني : كله من هذا .. ساروا عني وابتلشت أنا فيهن.. من لعبة للعبة سارة: يلا ما عليه يزاك الله خير.. خذيت من وراهن أجر ثاني ولا في الدنيا وكل شوي يطالع ميسون اللي انحرجت عالآخر علي وهو يساسر ثاني: عدال يأبوك عدال.. كليتها وأنت قاعد تبصبص بها ثاني: جب جب ما يخصك علي: شو أقول.. مراهق ثاني: مراهق فعينك علي: لا تعال اضربني بعد.. ثاني: يأمرون الناس بالمعروف وينسون أنفسهم علي وهو عاقد حياته: شو قصدك؟ ثاني وهو يطالع عليا: يقولون اسمها عليا.. والله وايد مناسبين حق بعض.. حتى الحروف الأولى نفس الشي علي: هههههههه الله يخس ابليسك ثاني: بلاك بوي.. بلاها خدودك وردت؟ علي: ثنوي لم ثمك أحسن لك.. تراني والله هب فايج ثاني: أوه الحبيب يكابر بعد علي: ثنــــــــوي |
شوي واطب عليهم سارة: أنتوا بلاكم تصارخون؟ علي: هذا الخام اللي ما يستحي سارة: جيه بلاه ثاني؟ ثاني وهو ناقع ضحك: أقول سارة مشكلة اللي يكابرون سارة: يكابرون؟ علي: ثنوي.. لا تخليني أعصب الحينه.. وسار عنهم سارة : شو السالفة؟ جرب منها ثاني وهمس: شرايج بعليا؟ سارة: شو ؟ عليا؟ أنت ما تستحي.. بالأول ميسون والحينه عليا؟ ثاني: لاااا يا هبلة أقصد عليا وعلي سارة: عليا وعلي؟...ههههههههه حرام عليك ثاني: إنتي ما تشوفينه طول الوقت وعيونه عليها سارة: لا حرام عليك.. علوي ما يسوي شراتك ثاني: أفااااا يعني قصدج أنا لوتي سارة: وأبو اللواته بعد..هههههههههههههه .............................................. |
| الساعة الآن 12:04 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir