|
. . . صح بقولكم شي . . بآركولي خذت الليسن :191: |
. . . البارت الـ 193 عقب انهيار وتهور فظيع فالسواقه . . وصل محمد البحر . . نزل من السياره وهو بحاله يرثى لها . . قعد ع الصخر وجمع ايدينه ع ويهه وتم ينووح . . يحس بحرقه ف قلبه . . يحس بعذاب ما يقدر يوصفه . . >> حبيتج عنود . . والله العظيم حبيتج . .وبعد حبيتج يا تناهيد . . حبيتج مع انها فتره قصيره . . شو الغلط الي ارتكبته ؟؟ الحب ؟ انزين ما كان بايدي . . ماكان بايدي اختار احب او لا . . لو بايدي عمري ما اخترت غير حبج يا عنوود . . ليش جي صار فيني لييييييييششش . . صرخ باعلى صوت : لييييييييششششششششششششششششششششششش . . اتصلت فيه امه حزتها على طول . . استغرب من اتصالها ومسح دموعها ورد . . ام محمد : يمه حمود ؟ محمد : هلا الغاليه . . ام محمد : انت بخير حبيبي ؟ محمد : هيه اميه ليش ما اكون بخير . .بخير وحالي رقييييييص مررره . . ام محمد : قاعده اتكلم جد معاك . . محمد : وانا اكلمج جد وعم وخال . . ام محمد : شدعوه محمد ماتقدر تتكلم دقيقه بدون استهبال ؟ محمد : فديت امي .. يمه وينج في الكويت ولا في البلاد . .صرت ماعرف . . ام محمد : تستهبل . ؟؟ محمد : ابي اشوفج يمه . . ابي اشوفج الحين " تنزل دمعته " ام محمد : ايييييييه تعال الفندق شـ تنطرر . . يالله الحين تعال محمد : أبوي وين ؟ ام محمد : ابوك نايم !! تعال يالله محمد يبتسم : اول مره بكون محتاجلج وبحصلج يمي . . ام محمد قلبها عورها : . . محمد : بسج ترحال يمه . . دخيلج لا تسافرين . . يا كثر البيوت الي عند ابوي اهني . .اسكنو في اي واحد ام محمد : ان شاء الله حبيبي . . بس تعال الحين قاعده انطرك . . محمد : يالله ياي . . ام محمد : موو تسسرع محمد : مابسرع . . ام محمد : يالله ناطرتك . . محمد : انزين امايا اختاري واحد . . تنطريني ولا تترييني ؟ ام محمد : محممممد ! محمد يبتسم : اوكي فهمتها . . يالله مع السلامه . . عقب نص ساعه وصل عندها . . واتصلبها عشان تفتح له الباب . . ام محمد كانت طالبتله عصير فرش برتقال مع سندويشات خفيفه . . محمد : شكلج حاسه اني يوعان . . ام محمد تشوف ويهه : شفيك يمه . . محمد يبتسم : مافيني شي .. ادلل عليج حرام . . ولدج الوحيد دلعيني ! شيلي همي شوي ام محمد : تكلم معاي وقول لي الصج . . شصاير لك ؟ عنود مكدره قلبك ؟ محمد يطالع امه وتخنقه العبره : عنود . . !! ام محمد تيلس حذاله : شفيك تكلم . . محمد يجمع ايدينه ع ويهه : ماقدر اتكلم .. ام محمد : قاعد تبجي محمد . . محمد يبلع ريجه وصوته اختفى من الصياح . . ام محمد : شفييييييييك خرعتني شصاااااااااير معاك . . محمد : احبها يمه . . احببببببببها . . " يحط راسه ع صدر امه " احبببها يمه . . والله العظيم احبها . . ام محمد : تحببببببب منووو محمد : احب وحده مادري من وين طلعت لي يمه . . " يمسح دموعه " مادري من وين طلعتليي وعفست لي كياني . . ام محمد تطالعه . . شرحلها محمد وخبرها كل شي بالتفصيل . . ام محمد تحط ايديها ع راس محمد وتنزل دمعتها . . محمد : شذنبي اذا كنت وحيد يممه شذنبي . . شذنبي يوم ماكنت احصل حد وانا محتااج وتعبان . .تعبت من الكل . . الكل بيطالعني بنظرة اني انا الغلطان في حق عنود . . عنود 9 شهووور ماقربت صوبي لا تكلمني ولا تلمس ايدي حتى . . ولا تعرف عني اي شي . . 9 شهور وايييد .. حبي لها اكبر وقدرت اتحمل وايد لكني انسان بعد يمه والله اني تحملتها وايد . .اقل شي انتتتتتتتتي وابوي ماكنتو موجودين حتتتتى في حيااااااااتي . . لـ منو اشكي ؟ حمد ؟؟؟ ماقدر اشكيله واطلع عيوب اخته . . راح يتحسس حيل . . ماكان في غيرها تسمعني . . ام محمد تنزل دمعتها : الي صار صار يا محمد . . الي صار صار ياوليدي لا تحرق قلبك عليه . . انت بنفسك شفت الحين ان الي حبيتها ما تناسبك ابد . . حتى مشاعر ماتكن لك . . وانا اعرفك ماتذل روحك لحد . . محمد تخنقه العبره وتتجمع دموعه ويعض شفايفه بالقو : وهذا الي معذبني . . ام محمد سحبته لصدرها وخلته يصيح وتنزل دموعها على ولدها . . ام محمد : قلبك بعده يحب عنود يمه . . محمد : مادري . ." يمسح دموعه " ما احس بمشاعر يوم اكون قربها . . ام محمد : لان المشاعر لا ارادي انتقلت لتناهيد . . محمد : . . ام محمد : ارجع لعنود حبيبي . . محمد يخوز عن امه : وتناهيد ام محمد : تناهيد نزوه . . نزوه دخلت حياتك بالغلط ولازم تطلع مثل ما دخلت . . ارجع لـ مرتك وولدك وعايلتك . .ارجع لحياتك الصح ياولدي . . محمد : كيف ارجعلها وانا صرت واحد ثاني . . كيف ام محمد : عنود بتتفهمك . . والدليل انها عارفه انك تكلم غيرها وساكته . . لانها تحس اللوم منها لحد الحين .. راح تنطررك وراح تحاول اكيد بكل ماتقدر ترجعك لها . .. ابدا معاها من اول ويديد . . اقعد وتذكر كل شي حلو ببينك وبينها . . وشيل من بالك تناهيد للابد . . خل ذكرياتك لعنود هي الي في بالك بسس . . ومع الايام قلبك راح يرجع ينبضها . . " تبتسم " خاصه انها حبك الاول . . ما يتبخر الحب بسهوله محمد يطالع امه . . : يوعان ام محمد : هههههههههههه . . " تبتسم " محمد يبتسم : لا تحاتيني . . ام محمد : شلون ما احاتيك شلون . . انا صح قصرت معاك وايد . . لكن والله ياولدي اني ما نسيتك بدعائي وبقلبي . . ومثل ما تبي . . من اليوم ورايح ما راح اعيش اهناك . . راح ابقى معاك اهني . . راح ابقى مع ولدي . . " تبتسم " وايدي بإيدك راح نخلي قلبك يرجع لعنود . . محمد يبتسم : تشوفين هذا الصح يمه . . اني اتخلى عن تناهيد . .؟ ام محمد تهز راسها بـ هيه . . محمد : ما راح اندم يمه ؟ ام محمد تبتسم : ماراح تندم . . محمد يبتسم ويشل السندويشات ويتم ياكل بشهية . . يحس بعبء كبيييييييييييييييييييييير انزاح من قلبه . . عبء كبييير انزرع فيه امل يديد . . ام محمد : نام عندي الليله . . ماتطلع ف هالليل . . محمد : ان شاء الله ام محمد تبتسم : واول خطوه تسويها اطرش لـ مرتك مسج وتقولها انك معاي وراح تنام عندي وراح تروحلها الصبح . . محمد : ان شاء الله . مسك تلفونه وطرش مسج . . " عنودي . . اانا عند امي . . برقد عندها الليله ما خلتني اطلع . . بمر الصبح بشلج لا ترجعين مع حد " عنود : عند امك ؟ " تبتسم " تتوقعني بصدق حمود . . " غمضت عينها بحسره " اعرف انك مش عندها . . طرشت له . . " سلم عليها . . " محمد شاف المسج : طرشتلي سلم عليها . . ام محمد تاكل ويا محمد : شكلها ما صدقتك . . محمد : حسيتي يعني انتي . . ام محمد : ايه حسيت . . محمد : شسوي . . ام محمد : اتصل فيها . . محمد : ليش ام محمد : اتصصل . . محمد اتصلبها . . عنود : الوو . . محمد : الوو . . عنود : هلا حمود . . محمد يطالع امه . . امه شلت الفون : مرحبا عنود . . عنود بلعت ريجها : مرحبا عمووه . . ام محمد : شلونج حبيبتي ؟ عنود : بخير الله يعافيج . . ام محمد : شلون ولدنا . . عنود تبتسم : الحمدلله بخير . . ام محمد : ليش قاعده لين هالوقت ؟ عنود : كنت نايمه بس حمد تم يصيح وقبل شوي رجع نام . . ام محمد تبتسم : اكيد شايله علي يمه صح . . ماقمت بالواجب فيج واليوم خذت محمد عنج . . عنود : لالالا عموه عادي والله شو هالكلام . . ام محمد : كنت مشتاقه لمحمد وقلتله يمر علي . . وخذتنا السوالف والحين مابيه يرجع فهالوقت المتاخر . . ما يخالف يمه ؟ عنود : هيه اكيد عموه .. ام محمد تبتسم : ان شاء الله باقرب وقت راح نرتب لنا بيت انا وبو محمد . . وراح تسكنون معانا . . عنود تبتسم : ان شاء الله . . .ام محمد : اييه راح ننشب لكم انا وبو حمود . . اتحملونا . . عنود : ههههه لا عموه شو هالكلام افا عليج . . انتو البركه . . ام محمد : فديتج حبيبتي . . كاهو محمد . . محمد يشل التلفون : الوو . . ام محمد تهمس له : قولها انطريني شوي راح اطلع برع واكلمج . . وروح برع كلمها شوي وارجع يلا اشوف محمد يحرك شفايفه : باكل يوعان . ام محمد : ككككككككلمها وراح ترجع تاكل . . محمد : عنود لحظه شوي . . بطلع ام محمد تبتسم . . وطلع محمد من الفندق وتم يمشي بالممر . . : الو . . عنود تبتسم : الو . . محمد متوهق مايعرف شو يقولها : قلتي انج بتنامين ليش ما نمتي ؟ عنود : حمد قام ولعوزني . .قبل شويه رقد . . محمد : فديته شيطان طالع علي عنود تبتسم براحه . .بالذات يوم كلمت امه واطمنت انه جد معاها . . محمد : عنود ؟ عنود : معاك . . محمد يكح . . عنود : صحه فديتك . . محمد يبتسم : ع قللبج . . عنود : يالله روح ارجع لعموه . . محمد : تبين الصدق كنت اتعشا شرات الي فالمجاعه لاني ميت يوع عنود تبتسم : بالهنا عليك . . يالله روح كمل اكلك .. محمد : انزين . . عنود : . . محمد : آآ . . باجر لا تردين ويا حد سمعتي .. تمي اترييني انا بمر اخذج . . عنود : ان شاء الله . . محمد : حطي راسج الحين ونامي . . عنود : ان شاء الله . محمد : يالله عيل تصبحين على خير .. . عنود : وانته من اهله . . محمد : عنووود . . عنود : هلا . . محمد يرص ع روحه ويغمض عينه : احبج . . عنود : . ........................................ !!!!!!!!!!!!!!!!!!!!!!!! محمد : يالله فديتج . . نوم الهنا . . فمان الله . . عنود بلعت ريجها وبندت . . قعدت ع السرير وسحبت المخده وحظنتها وتمت تصيح . . تصييح بشوقها لمحمد الجديم . . بشوقها ولهفتها لكل شي من صوبه . . مشتاقه لكل لحظه كانت بينهم . . لكل كلامه ودلاله وحنانه . . كلمت احبج كسرت ضلوعها وحست فيها بالصميم ! . . . |
. . . البارت الـ 194 على صباح اليوم الثاني . . عذاري تثاوب : الوو . . سلطان : ما بتنشين يعني ؟ مش بسج رقاد ؟ عذاري : مدوخه . . سلطان : يالله نشي عشان نتغدا . . الكل واعي الا انتي شرات العيايز نايمه . . نششي يالله عذاري : انزيييين سلطان : 5 دقايق لو ما شفتج برجع البيت ولا بسلم عليج عذاري : خلاااص بقوم الحييييييين لاتحن . . يالله باي سلطان ابتسم : باي . . نشت وتغسلت وصلت الظهر وطلعتلهم الصاله . . شافت حشره وتمت ادوره بعيونها . . سلطان : انا اهني عذاري نقزت : بسم الله . . سلطان مبتسم : .. عذاري : بلاك هاليومين وايد تبتسم ؟ سلطان : تبيني امد لج بوز ؟ عذاري تبتسم : لا ان شاء الله دوم جيه . . سلطان مبتسم : عايبنج يعني عذاري : هيه . . سلطان : منال اتصلت فيني اليوم . . . عذاري تطالعه : انزين ؟ سلطان : بس مارديت عليها . . " يمدلها الفون " ابيج انتي ادقيلها الحين وتعرفين شفيها . . عذاري تاخذ فونه وتمشي وهو يمشي معاها . . عذاري : الوو ؟ منال : مرحبا . . عذور ؟ عذاري :هيييه . . اهلين وسهلين . . منال : شحالج ؟ عذاري : تمام وانتي منال : اوكي . . شخبار سلطان ؟ عذاري منقهره : زين الحمدلله منال : اكيد حقدتي علي لاني دقيت عذاري : امري بغيتي شي . . منال : مم لا سلامتج . . بس كنت بسلم عليكم . . عذاري : وصل السلام . . منال : زعلتج باتصالي ؟ عذاري : لا عادي فديتج . . بغيتي شي ؟ منال : . . سلطان عاقد حياته : ارمسي عدل . . عذاري تطالعه وتعطيه الفون : اندوك انته رمسها عدل عيل .. ومشت عنه بس مسك ايدها . . سلطان : هلا منال . . الو ؟ الووو ؟ " شاف الفون " عذاري تطالعه . . سلطان : بندت . . عذاري : نفاد . . سلطان : الحين انا عاطنج التلفون عسب ترمسينها وترمسينها بهالنفسيه ؟ عذاري : كيف تبيني ارمسها سسسسسلطان ؟؟؟؟؟ سلطان يطالعها : ماراح اكرر الحركه الي سويتها اليوم . . عذاري تبلع ريجها : يعني قصدك انته الي بترد عليها ؟ سلطان : يوم اني انا يبتلج الفون عشان اقطع تواصلي معاها وما اغلط . . لكن انتي ما يفيد وياج هالاسلوب عطاها ظهره ويا يمشي عذاري تجابله : لحظظظظظه . .انزين انقهرت انا من اسلوبها سلطان يطالعها بجمود : كنتي تقدرين تكلميني وتقوليلي انج مقهوره وماتبين ترمسينها الحين . .مول ما حبيت حركتج ولا توقعتها ابد . . ومشى عنها وهيه تلحقه . . عذاري : سلطان اتتتتتتريا انزين . . سلطان يطالعها : لا تلحقيني . . " بنظره صارمه " وما بكرر كلمتي . . لا تلحقيني . . وطلع من الفله . . اتنهدت عذاري بضيج . . منصور وراها : وين راح هالهرم ؟ عذاري تطالعه : مادريبه . . منصور : تضاربتو شو ؟ حد يضارب وما باقي ع العرس الا 3 اسابيع عذاري : افف . .انا قهرته . . منصور يبتسم : انزين انا بروح عيل . . عذاري : انزين خل نتغدى اصبرو منصور : مسكينه انتي . . احنا تغدينا وخلصنا عذاري : انا المسكينه ليش محد واعاني ؟ منصور : امايا عيزت وهي تواعيج ماتنشين عذاري : ماحسيت فيها كنت متعمقه فالنوم منصور : المهم بتردين وياي ولا . . ام عبدالله من وراه : منصور بتروح ؟ منصور : هيه . . ام عبدالله : يالله روحي ويا اخوج " ترمس عذاري " وشلو سلامه وياكم منصور بلع ريجه . . : وانا بي ويا ناصر منصور يشوف سلامه قاعده صوب التلفزيون وتسمعهم : خل ناصر يرد سلامه وياج احسن امايا ام عبدالله : لالا ما يكفي المكان . . سياره ناصر متروسه . . كل واحد فار اكياسه اهناك . . سلامه بصوت مسموع : عادي عموه برد ويا عنود . . عنود بيمرها محمد . . منصور وايد تلوم لانها سمعته . . : قومي يالله لبسي عباتج . . سلامه مستغبنه : برجع ويا عنود . . ام عبدالله : قومي امايا بتردين وياه مع عذاري . . سلامه : لا عموه برد ويا عنود . . عذاري طنشت وراحت غرفتها تلبس عباتها . . ام عبدالله يرن فونها وترد عليه : هاا امي روضة ؟ طمنيني عن جسوم . . روضة : تعبان بعده . . حرارته امايا مرتفعه . . الحين سايرين المستشفى . . ام عبدالله تسير بعيد ترمس : فديته والله . . انا بيييكم المستشفى . . روضة: لالا امايا ماله داعي . .انا بوديه بطالع شو بيقولون وباخذله دوا وبناخذ غدا وبنرد البيت امايا . . اانا بتصل بج بطمنج . . ام عبدالله :فديته ما يشوف شر . لا تخبرين عبدالله ماباه يستهم . . روضة : لا مابخبره امايا . . يالله اميه احين بننزل المستشفى بكلمج عقب . . ام عبدالله : يالله فديتج . . وسارت ام عبدالله صوب عنود . . منصور يطالع سلامه : يالله روحي لبسي عباتج . . سلامه مبتسمه ابتسامه مصنعه : عادي منصور بروح ويا اختي منصور : اسمعي الكلام . . يالله خليني بوصلج البيت انتي وعذور . . سلامه : منصور لا تشيل همي عادي . . منصور يطالعها " ليتني اقدر ماشيل همج . . " : على راحتج . . ابتسمت سلامه ونزلت راسها . . لاحظ منصور ابتسامتها وتنهد بضيج . . محمد يدخل : السلام عليكم . . عذاري : عليكم السلام . . يالله منصور انا جاهزه . . منصور : يالله . . محمد: يت الملائكه وذهبت الشياطين منصور : ههههههه العكس قصدك . . يالله بنروح نحن . . ويطلعون محمد يبتسم . . ويشوف سلامه : السلام عليكم . . سلامه : عليكم السلام . . محمد : عنود وين ؟ سلامه : ف الغرفه محمد راح صوب عنود ودق الباب . . ام عبدالله: محمد ؟ انت وين رحت امس محمد : عند امايتي . . ام عبدالله : هيييييه يحليلها والله . . محمد يبتسم ويشوف عنود : شحال الحلوه اليوم . . عنود : بخير الحمدلله محمد : وين البطل عيل ؟ عنود : حمد شلاه عني . . محمد : الهرم شو يبا في ولدي ام عبدالله : بيلعب ويا سميييّه . . " تبتسم " يالله زهبو اغراضكم عشان تروحون . ." يطالع محمد " هالله هالله فيها .. محمد : ان شاء الله لا توصين . . ام عبدالله تطلع : محمد ابويه لا تنسى شلو سلامه وياكم . . محمد : ان شاء الله عموه . . ام عبدالله تطلع عنهم . . محمد يطالعها مبتسم : شحالج ؟ عنود مبتسمه بحيا غريب : بخير . . محمد يشوف ويهها الشاحب ويتقرب منها : لين متى بيتم ويهج جي تعبان عنود تصد الصوب الثاني : ادري مستويه خسفه . . محمد يبتسم : صح . . عنود تطالعه : صح ؟ محمد : هيه بعد شو . . اقولج الصدق عنود : ياحمار لاني فالاربعين . . عقب ما اخلص الاربعين بتشوفني غير محمد : اونه . . بتستوين نانسي عجرم يعني عنود عاقده حياتها : حمود تعيبك نانسي ؟ محمد يبتسم : هيه . . غاويه الصراحه . . ماشاء الله رشيقه وحلوه واموره . . عنود تضربه ع جتفه : يالخايسس . . محمد يطالعها بجديه : تغارين ؟ عنود تطالعه . . محمد يطالعها : جاوبيني تغارين . . عنود : اكيد اغار .. محمد : عيل ليش ما منعتينيي يوم عرفتي اني كلمت غيرج . . ليش ما شفت غيرتج ؟ عنود تصد الصوب الثاني ويايه تقوم : مابا اتكلم في الموضوع محمد يمسك ايدها : لا تتحركين من مكانج . . عنود تطالعه محمد : ليش خليتيني على راحتي . . ليش ما سويتي مثل باقي الحريم ؟ عنود : لاني انا السبب . . فـ ما الومك . . محمد قلبه عوره ومسك ايدها : انتي مالج ذنب في شي . . عنود تطالعه : لي . . لا تقول مالج ذنب . . محمد يبتسم : والله مالج ذنب . . عنود تبلع ريجها . . محمد : سامحييني حياتي عنود انقرص قلبها بقووووووووووو من قالها حياتي . . محمد يبتسم : سامحيني . . الي صارلي نزوه . . وما راح تتكرر ابدا . . " يبتسم " حتى لو حملتي مره ثانيه ما بيتكرر عنود ادمع : ما بحمل مره ثانيه خلاص .. ما بخليك تبتعد عني محمد :لأا اسمحيلي . .انا ابا 11 ياهل . . عنود : شووووو 11 . . عنزه انا محمد : العنزه ما تيب 11 . . تيب 20 . . 30 .. عنود تضربه ع جتفه : حممار . . محمد يبتسم : خلينا نبدا صفحه يديده . . صفحه فيها عنود . . . محمد " يبتسم " وحمد . . عنود تبتسم : يصير احظنك ؟ محمد يطالعها وفاج ايده : اكيد يصير . . وقربها لصدره وحظنها بقووووووه . . كان الباب مفتوح شوي مش مسكر . . وحمد شاف ووايد استانس . .لانه كان ملاحظ ان بينهم توتر كبييير . . ف مول ما حب يخرب الجو وطلع وخلاهم . . حمد : سلامه ليش ما رحتي ؟ سلامه : كنت بروح مع عنود . . حمد : ابا اسالج . . احين الياهل لو شرب حليبه كم يباله عشان يرقد وما يحتاج لرضعه ثانية ؟ سلامه : ممم . . يعني 3 ساعات تقريبا . . حمد : حلوو . . ابا منج الحين انج تروحين وتشلين حمد وتعطينه حق عنود وتقولين لها ترضعه لانه يوعان وقوليله اني بتشلينه وبتردين وياي البيت . . واهناك بنداريه وبنحاول نرقده . . سلامه : ليش ؟ عشان محمد وعنود يتمون ويا بعض صح . . حمد : ليش لاحظتي الي بينهم .. سلامه : لاحظت وعرفت شو الي بينهم اصلا حمد : شو الي عرفتيه . . سلامه تبتسم : مابا اقول . . اهم شي يعدلون الوضع . . ومحمد طيب وعنود طيبه اكيد بيصلحون حالهم مع بعض حمد استانس على سلامه . . يحسها صدق تغيرت وهالكلام اثبت له هالشي ! وراحت دقت الباب وسوت الي قاله حمد . . . . . ام عبدالله فالدرب دقت حق ام حصيص واتفقو على كل شي . . الملجه بتكون فالمحكمه باجر . . و العرس بيكون مثل ما تفقو مع عذاري . . مسك تلفونه وطرشله امسج " باجر نتلاقى فالمحكمه " وشق الحلج طول الدرب . . . . . |
. . . البارت الـ 195 مهره : المفروض احنا راعييين العزيمه ما نطلع اول الناس .. فشلتنا . . سيف عاقد حياته : لا والله ؟ ومتى بتزهبين حق السفر . . مهره : بعد فششله سيف : يالله نرجع . . مهره : هههههههههه لا تستهبل سيف عاقد حياته : عشان ترمسين عدل بس . . مهره تبتسم . . : منو قدي بسسسسسسسافر اليوووووووم سيف مبتسم : محد قدج . . مهره يايه بتنزل : ما بتنزل شو ؟ سيف : بنزل هداياج حبيبتي . . ولا تبين تخلينهم فالسياره مهره : ماقدر اساعدك " تبتسم وتحط ايدها ع بطنها " سيف : عياااااااااره . . نزلي نزلي مهره تبتسم ونزلت . . تمت ادور فالغرفه ووايد تضايقت لان نص الاغراض اليديده ف دبي وماحصلت شي حلو اهني . . دخل سيف وهو شال اغراض وايده وحطهم ع الطاوله : بلاج مبوزه ؟ مهره : ماعندي شي حلو اهني سيف :كيف ماعندج شي حلو بعد . . مهره : الاشياء الي اباها كلها ف دبي . . سيف : نروح دبي حبيبي شو المشكله . . مهره تطالعه : قول والله سيف :ترى احنا بنروح اصلا حق المطار .. ف اذا تبين اغراض من اهناك بنروح بدري . . مهره : هيه احسسن . . سيف :خلاص تمام عيل . . يالله خلينا نروح الحين مهره : الحييين سيف : بعد شو تترييين . . ؟ اهلج وسلمتي عليهم . . وماعندنا شي اهني . ! عشان يمديج ترتبين بعد اهناك عراحتج . . مهره : وانت ما بتشل اغراض من اهني . . سيف : اهني ولا اهناك عندي وايد . . ف ماتفرق عندي . . يالله شوفي شو الي تبين تشلينه من اهني وخلينا نروح . . مهره : مابا شي من اهني . . سيف : ااه من هالبنت متعبتني متعبتني مهره تبتسم : حرام عليك . . سيف يبتسم : يالله امشي امشي . .صايره تدلع بزياده بعد من حملت مهره تطالعه وحاطه ايدها ع خصرها : مش من حقي شو . . ترى ميلادي بعده ما خلص سيف : اول واخر مره اسويلج بارتي سمعتي . . مهره : احلف سيف : هيه بعد شو . . تعرفين ان انهد حيلي ولا ماتعرفين مهره تبتسم . . سيف يبتسم : بس كله لاجل هالابتسامه يهون . . مهره : عيل لا تتحرطم وايد سيف يبتسم : ان شاء الله عمتيه . . يالله خانوم امشي .. . . . عذاري تتصل فيه مره ومرتين وثلاث ومايرد عليها بالمره . . طرشت له مسج " حرام عليك لا تحقققرني رد علي " بس مارد عليها . . حصيص تتصل ع البيت ورد عليها . . ناصر : ادري ليش متصله اهني . . تعرفين اني برد عليج حصيص : هههه . . ناصر مبتسم : شحالج ؟ حصيص : الحمدلله . . ناصر : رقدتي زين ؟ حصيص : هيه وانت ؟ ناصر : هيه الحمدلله . . حصيص : اقول نصوور ناصر : قولي يا عيون نصور . . حصيص : شرايك باجر عقب الملجه تودينا انا وعذور دبي . . ناصر : انا عادي عندي . . حصيص : ودوامك ؟ ناصر :باجر السبت يا هبله . . حصيص : اوه صح . . ناصر : امج بترضى ؟ حصيص : اخواني الاولاد مسافرين يعني محد بيعترض . . وانا قلتلها ماعندي وقت متى بخلص وبعدين عذاري بتكون معانا . . ناصر متششششششششقق بس ما يبا يبين . . اونه يبا يصير ثقيل . . حصيص : الوو ناصر : معاج معاج حصيص : يعني ما بتمل ؟ ولا بتتحرطم . .ترا بنخيسس فالمولات . . تاصر : ماعليه شـوه عندي غيرج . . حصيص ابتسمت : ان شاءء الله هالكلام ما يتغير عقب العرس ناصر : ماعليج كل شي بيتغير ف استغلي الي تبينه الحين حصيص : نصصصصصصور ناصر : ههههههههه . . حصيص : يالله خلاص عيل . . ناصر : يعني مثل ما حسيت داقه عشان ترمسيني انا بس حصيص قفطت . . ناصر بصوت واطي : انزين دقي ع مبايلي عادي يعني ما بيصير شي . . حصيص : عقب الملجه بدق . . ناصر يبتسم : اف ويا هالملجه . . يالله انزين حصيص تبتسم : بياي ناصر : باي . . منصور : منو ترمس انته وشوي بتاكل التلفون . . ناصر نقز : بسسسم الله . . شوه تبا انته . . مالك خص منصور : هههههههه مول ماعرفت تصدق . . ناصر : ها عذاري :ههههههههه مول ما يبين على ويهك منو كنت تكلم ناصر : جب ولا ما بوديج دبي باجر . . عذاري فاجه عينها : لحقت تخبرك . . ناصر يبتسم : هيه بعد شو . .ريلها لازم بتخبرني كل شي اول باول . . عذاري : مالت . . " تطالع منصور " يالله دقلللله شو تتريا منصور : ذبحتيييييني . . قلتلج ما بدقله . . بسير برقد ما شبعت رقاد . . وراح غرفته . . وراح ناصر غرفته بعد . . عذاري : افف منك ومن عنادك يا سلطان . . !!!!! . . . على العصر . . سيف : يالله خلصصصتي ولا بعددج. . انا 5 دقايق وخلصصصصصت مهره معصبه : يوم انته على راسي كل شويه تقولي خلصتي ولا ماخلصتي كيف بخلص . . سيف : بل .. كلتيني . . مهره : روح حجرتك يالله . . خلني اهني سيف : اييه انتي . . مهر ه تطالعه . . سيف : راحت ايام حجرتك وحجرتي . .احين كل هالحجر حجرنا انا وانتي سمعتني مهره ابتسمت غصب : انزين بس كانت حجرتك بروحك سيف عاقد حياته مهره : سيفو مش وقتك روووح خلني اخلص . . بدق حق شوق تي تعاوني . . سيف : عيل انا بغفل يوم بتخلصين واعيني ! مش تنسين تواعيني قبل ال 6 المغرب ! بتروح عليج الطياره ترى . . مهره : اوكي اوكي . . اتصلت لـ شوق وقالتلها تيها . . وراحت تفتحلها الباب . . سلمو على بعض ودشو الغرفه . . شوق : بل شو هالخراب كله . . مهره :شوقو مش وقتج . . ماشي وقت عاونيييييني . . شوق : انتي اختاري الي تبينه وعطيني بربع الاغراض . . مهره : شوفي ها كله خلصته بس حطيه فالشنطه . . وانا بيلس بشل المكياج الي اباه شوق : اوكي . . وعلى هالعباله والترتيب والتعب . . شوق : وووووووه ما بغينا نخلص . . مهره تشوف الوقت : اويه خل اواعي سيفو ما باقي الا ساعه ونص شوق : متى الطياره ؟ مهره : الساعه 7 . . شوق : يالله يادوب يمديكم تروحون . . مهره : وايد معذبتنج معايه انا وايد شوق : مهور شو هالكلام . . اضايق يوم تقوليلي جي . .يعني شو خانتي ربيعتج ؟ مهره : ربيعتي تساعديني طول الوقت وانا ماتحصلين مني الا عوار الراس والحشره شوق تبتسم : وهذا احلى شي فيج ع فكره . . معورتلي راسي وكارفتني وياج مهره : حماره هههههههه . . . شوق : مهوور بسالج سؤال . . مهره : اسالي . . شوق : انتي كنتي ربيعه عنود قبل وايد صح مهره : فوق ما تتصورين . . شوق : هل كان السبب حمد ؟ مهره تطالعها بجديه : طبعا لا . . شوق : عيل مهره : انا كنت اعرفها قبل لا احب حمد اصلا . . عقب معرفتي فيها تعلقت في حمد شوق : وسيف ؟ ماكنتي تشوفينه ؟ مهره تبتسم : تصدقين كنت مول ما ادانيه شوق تبتسم : اونه . . مهره : والله . . وايد كنت اكرهه . . احس انه لوعه جبد وبغيض وثجيل دم . . شوق : ليش هالكثر حرام مهره : لانه كان كله معصب وكله يتحرطم ويتحشر ومول ما شفته يبتسم ف كان يقهرني . .حتى كنت اقول لعنود ها مستحيل اخوج . . انتي وحمد نفس الشي كله بشوشين اما سيف مول غيير عنكم . . شوق مبتسمه : وسبحان الله . . مهره : هيه والله سبحان الله . . شوق : صار نصبيج هالبغيض ها مهره : ههههههههه فديته . . شوق تبتسم : يالله عن تاخذنا السوالف اكثر . . سيري واعيه . . وانا بروح عيل . . مهره : اوكي حبيبتي . . ووصلتها لين الباب . . سيف : احين انا بغيض مهره نقزت : اميه . . سيف : انا بغيض ياحيوانه . . خلاص ماشي سفر مهره : ههههههههههه . . انزين ها كان انطباعي الاول عنك شسوي سيف عاقد حياته : وقحه ع فكره مهره : بل بل بل . . انزين انا كنت اقول الصدق حبييي . . سيف يطالعها : خلصتي ؟ مهره : لا تغير السالفه سيف : بوسيني اهني واهني واهني . . وبرضى مهره تقربت منه وحبته سيف ابتسم : خلاص رضيت .. مهره تبتسم : يالله ماشي وقت بتاخرنا ! انا زاهبه سيف :يالمكاره . . كم كملتي ؟ اعنبوج اكثر عن 3 ساعات . . مهره : يلاااااااااا لا تاخرنا . . سيف يطالعها بنص عين وراح يلبس . . . . . محمد وعنود كانو بيطلعون لكن حمد مول ماكان يسكت ف خافت عنود ومارضت تودره . . سلامه تبدل فالقنوات . . حمد يطالعها : خطتنا فشلت . . سلامه تطالعه : مادري شوه ياه حمود ما يسكت حمد : يمكن يباهم يطلعونه معاهم سلامه سكتت عقب فكرت : صح . . اصلا عنود ماتقدر تطلع . . بعدها فالاربعين . . حمد : بس هي احسن الحين ! محمد : انتو بلاكم تتسساسرون من الصبح حمد يطالعه : شل حرمتك وروحو حوطو شويه . . سلامه : هيه روحو غيرو جو . . عنود : واخيرا رقد سلامه : الحمدلله . . وهذا حمد رقد . . طلعو شويه اتمشو . . عنود : وين اطلع وانا جلحه ملحه . . شوفي ويهي بس كيف ذبلان . . سلامه : ماعليه روحو الكورنيش ع الاقل . . حمد : ولاحتى فالسياره حوطو . . محمد : بلاكم تبون تشردونا من البيت عنود ابتسمت . . محمد : يالله عن خاطرهم عنود نشي . . عنود : ماقدر اخاف حمد ينش محمد : ساعه بس ما بنطول . . عنود متردده . . سلامه : روحي ولو قام قبل الساعه انا بدقلج والله . . حلفت عنود : انزيين . . وقامت عنود وراحت حجرتها ولحقها محمد . . . عقب ما لبست عباتها . . عنود : ما بتتفشل مني . . محمد عاقد حياته : ليش اتفشل منج . . عنود : شوف ويهي كيف ذبلان ويبين فيه التعب . . كيف تحوط فيني وانا جي . . محمد : مهم عندج الناس يشوفونج ولا انا ؟ عنود سكتت . . محمد : وبعدين انا ما بخليج تنزلين مكان اصلا . . بنحوط فالسياره بس . . بعدج لازم ترتاحين وماتمشين وايد .. ابتسمت عنود . . تقرب محمد منها وباس راسها . . : يالله خلينا نستغل الوقت قبل لا ينش هالفعصوص . . . . . روضة تمسح على راسه وتنزل دمعتها . . فهد يمسك ايدها ويهمس لها : خليه توه يادوب رقد ارتاح . . قومي روضة : مابا بتم معاه فهد يتنهد : يا روضة خليه راقد . . روضة : قلتلك ماقدر اودره . . وطنشت فهد وتمت تمسح ع راس جسوم وتقرا عليه قران . . فهد : وبعدين معاج . . روضة تضايقت وطلعت من الغرفه . . روضة : شوه فيك ليش ما تخليني اتم معاه ؟ فهد مسك ايدها وتم ينزلها تحت : . . روضة : فهد مول مش وقتك . . يعني تبيني بس اودره عشان اجابلك وتجابلني فهد اول مانزلو تحت قالها : لا فديتج . . ماباج تجابليني ولا اجابلج . . كنت اباج تاكلين لانج ماكلتي شي اليوم . . رحت يبتلج اكل من المطعم عشان تاكلينه . . كلي وعقب روحيله . . فهد : ريمو . .وفوي . .تعالو نسير نلعب كوره برع . . وركضو وراه وطلعو . . تلومت روضة وايد . . تمت تاكل لانها صدق يوعانه ومافيها طاقه لين سدت يوعها وشبعت . . وعقبها طلعت لهم . . روضة راحت صوبه وكان مطنشنها ع الاخر ويلعب مع البنات . . فر الكوره ع راسها متعمد . . روضة : آآآآي . . تمو يضحكون عليها . . فهد سار صوبها : تعورتي ؟ روضة تبتسم : لا . . فهد : ادري . . بعد كوره بلاستك ليش تعورج . . روضة : عيل ليش يييت تسألني تعورتي فهد : عشان اتمصخر عليج . . روضة : مششكور . . فهد مبتسم : تعشيتي عدل ؟ روضة : هيه الحمدلله . . فهد : الحمدلله . . روضة منزله راسها : سوري . . فهد مبتسم ويسير صوب خدها ويقرصه : ماعليه . . يالله ردي روحيله . . وانا بروح اسبح البنات وبلعب وياهم فالحوض . . روضة تبتسم : انزين فهد بخبث : ماتبين تشاركينا . . . . . |
. . البارت الـ 196 . . . عذاري طرشتله مسج " يعني مول ما بترد علي ؟ حرام عليك لين متى بطنشني " تمت متضايقه وتتصل فيه لين وصلها مسج . . " خلاص عذاري لا تتصلين . . انا مافيني شي ! ولا زعلان منج ولا شي . . مش انتي قلتي ما راح نكلم بعض لين العرس ؟ يالله خلينا نكمل الاتفاق وما نكلم بعض لين العرس " انصدمت من المسج الي طرشه ووايد تضايقت . . فرت الفون بعيد بكل غيض عندها . . . . . عنود ومحمد كانو ع البحر . . مشترين كرك وقاعدين يشربون .. عنود : حلو البحر . . محمد يطالعها : انتي الاحلى . . عنود : هيه ابدأ جاملني . . اصلا ما بصدقك . . محمد : انزين صدقي روحج شوي عنود : ماعليه بتتعذر عني عقب الاربعين . . محمد : ليش شو ناويه تسوين فروحج خبريني . . عنود : بقص شعري . . محمد : هيه عشان اقص روحج عنود : ليشش ان شاء الله محمد : يلا ماعندنا بنات يقصون شعورهم . . خلي شعرج يطول . . عنود : انزين احلى علي القصير . . محمد : لانج ما جربتي الطويل . . خلاص كنسلنا هالفكره الي بعدها . . عنود : بصبغ شعري احمر محمد : اعوذ بالله عنود : شفييييك . . احمر الغامض مش احمر مال السحره محمد : حلاته الشعر الاسود . . كنسلنا الفكره . . غييريه عنود : حمووووود شو تم ؟ هاالشيئين الي يسوونه الحريم عقب ما يربن . . محمد : عيل مش لازم تسوين شي . . عنود مبوزه . . : اففففففففففف محمد يسوي عمره طاح : طيرتيني . . عنود ضحكت غصب . . محمد يبتسم : بعدني خفيف دم صح . . عنود : وايد ظريف وايد . . . . محمد : ادري . . لو مش ظرافتي جان ماحبيتيني انتي اصلا . . عنود : صح انزين . . محمد يطالعها : يعني حبيتيني لاني خفيف دم عنود : هيه ها السبب من الاسباب . . وبعدين قصدك سخيف ودمك ثجيل . . غصب تبا تضحك خلق الله محمد : بل .. اصلا انا اي مكان اكون موجود فيه الكل يضحك ويكون مستانس . . ماتعرفين قيمتي انتي عنود : خف علي . . محمد يدور في راسها وفي جسمها . . عنود : بلااااااك . . شو اتدور . . محمد : ادور هالدواره الي يخفون فيها . . عنود تضربه ع جتفه : وااااااااي على سخافتك . . محمد : لقيت الفصص . . عنود تطالعه : وين . . محمد يبتسم ويتقرب منها . . CUT . . . فـ المطار . . مهره كانت فـ سوق الحره تتشرا اجباس وجوكليتات لان قالولهم موعد الطياره تاخر وبطير الساعه 10 . . وسمعو النداء لطيارتهم وراحو متشربكين الايادي . . مهره تمسك فونها : بتصل حق امايا . . ام عبدالله : الوو . . مهره :امايا حبيبتي . . انا الحين برؤوح ام عبدالله تدمع : تحملي من روحج امييه . . مهره : ان شاء الله امايا . . ديري بالج على روحج وعلى صحتج وعلى ابوي ام عبدالله : لاتحاتينا " تصيح " انتي اهتمي ف روحج مهره تدمع : امايا جي تصيحين سيف : انتي الي ليش تصيحين ويا راسج ؟ يشل الفون : بس عمووه . . ما بنسير حرب . .الا اسبوع ان شاء الله ورادين ام عبدالله : شوي شوي عليها سيف . .لا تحرق قلبها ولا تضايق فيها سيف : من عيوني عموه لا توصين . . ام عبدالله : استودعكم الله الذي لا تضيع ودائعه ابتسم سيف وبند عنها . . سيف : ها نهون ؟ نكنسل السفره ؟ مهره تطالعه : تستهبل .. سيف : عيل بلا صياح يلا . . مهره : انزيين " تمسح دمعتها " ابتسم سيف وسحب ايديها وتم يدندن على اغنية : طاير من الفرحه طاير . . قلبي على نار ناطر . . ثاير من الشوق ثايير . . وحشني شوف مهاري . . مهره تبتسم . . ركبو الطياره . . سيف : وين تبين تقعدين ؟ مهره : عند الجامه طبعا . . وانخشت صوب الدريشه . . قعد سيف حذالها : ظلام شو بتشوفين . . مهره : عادي . . سيف : انزين يا ام العادي . . خل اشوفج تنشغلين عني بسكرها ع صبعج . . ابتسمت .. " حان الان موعد اقلاع الطائرة . . يرجى من ركاب الطائره ربط احزمة الامان " مهره تمسك ايده : اخاف . . سيف : تخيلي الطياره تطيح ؟ مهره : فال الله ولا فااااااالك . . شو هالفال . . سيف : وتتكسر من النص . . انتي جي تروحين بصوب وانا بصوب مهره : سيفوووووووووووووووووووووووووووووووووووووووووو نص الي فالطياره صدو يطالعون مصدر الصوت سيف حطا ايده ع حلجها : حيوانه انتي . . لا تصاااااااااااااارخين . . مهره تعض صبعه . . سيف :اخخ . . مهره : ليش تقول هالكلام سيف : لاتصارخين لا تعلين صوتج . . بصمج ب بكس بطيرج ورى .. مهره : انزين انزين . . اميه موصتنك علي وانت شوف شو تسوي فيني سيف يبتسم : هيه بدينا بالدلع الحين والزعل على اي شي صح . . مهره صدت صوب الجامه وحاولت اطنش وجوده قد ما تقدر . . مع ان الخوف كان مسيطر عليها وتحس انها بتموت من الرؤؤؤؤؤؤؤؤؤؤعه . . وميمعه ايدينها مع بعض وترص عليهم . . مسك سيف ايدينها . . ورص عليها بقوة : لاتخافين حبيبي . . صدت صوبه : اصلا انا مش خايفه . . سيف : صدق ؟ عيل ليش ماسكتني بقوه . . " يهد ايده لكنها قابضتنه بقوه " مهره تبلع ريجها : تعرف تستغل ضعفي سيف بيتسم : تحتمين فيني ؟ مهره : اكيد احتمي فيك . . عيل احتمي ف منو .؟ سيف : ليش تحتمين فيني . . مهره : منو عندي غيرك يعني سيف يبتسم . . مهره تبتسم : احب احتمي فيك . . سيف يطالعها : صدق . . مهره : صدق . . يوم تكون معاي ما احس بخوف من اي شي سيف يحط صبعه ويدخل شعرها الي طالع من ع الاطراف داخل الشيله . . سيف : احس بهالشي . . مهره : كيف تحس . . سيف يبتسم : بعد ربج . . يبين عليج . . مهره فاجه عينها : يبين علي اني احب احتمي فيك سيف : هيه . . مهره تبتسم وتحط راسها ع جتفه : واحب احط راسي اهني بعد . . سيف يبتسم : اعرف مهره : محد قالك ! انت علمتني . . سيف يبوس راسها : ومش ندمان . . مهره : جتفك بيعورك سيف : ياالله فديت راسج . . صغيرون ما يعور جتفي مهره ترفع راسها وتتساند ع السيت . . وسيف بالمثل . . متساندين ومجابلين بعض يسولفون . . سيف يبتسم : اتمني امنية . . مهره : ليش . . سيف : يالله بسرعه تمني امنية . . مهره تفكر : مممم . . " وغمضت عينها " تمنيت . . سيف : يالله قولي اي عين ؟ مهره : مممم . . اليمين ؟ سيف يبتسم : صح . . يعني بتححقق امنيتج . . سيف شل الرمشه الي كانت ع عينها اليمين . . مهره : ان شاء الله تتحقق . . سيف : عادي تقولينها لي ؟ مهره : ناوي تنفذها ؟ سيف : لو اقدر . . بنفذها . . مهره : ممم سيف : قولي .. مهره : امنيتي انك تتصالح ويا سلامه اختك . . سيف تنهد وصد الصوب الثاني .. مهره : انا ما قلت شي !! انت سالتني شو امنيتج كانت وانا قلتلك اياها . . لا تعصب علي ولا شي سيف سكت وتم عاطي عينه على الناس السايرين والرادين مهره تحط ايدها ع بطنها : مادري شسويت انا . .تراك سألتني وانا جاوبت .. صدت هي بعد الصوب الثاني وتمت تشوف الدريشه . . عقب نص ساعه بالضبط . . صد صوبها وشافها مغمضه عينها ونايمه . . ابتسم بحنان وسحب راسها لجتفه وطلب لحاف . . ولحفها ونام معاها . . . . . بعد 8 ساعات فالطياره . . فزو الاثنين على الصوت " حان الان موعد هبوط الطائره . . . مهره تحط ايدها ع قلبها : . . سيف يفتح عينه بصعوبه : فيج شي ؟؟ مهره : لا بس خفت . . سيف يمسك ايدها : لاتخافين . . مهره : احس بلوعه . . ابا ارجع . . سيف : هاااا . .لا دخيلج يودي عمررررررررج . . اصبري خل تهبط الطياره مهره : ماااااااقدر . . " ماسكه حلجها " ابا ارجع . . سيف يبلع ريجه . . مهره : برررررررجع .. حصل سيف كيس فالمقعد وفتحلها اياه . . وعلى طول تمت ترجع . . كان يحاول يثبت الكيس لان الطياره كانت وايد مايله لين خلصت وهبطت الطياره . . وعلى طول سارت الحمام . . ولحقها سيف عقب عقب ماتغسلت نزلت قبله . . اتريته تحت . . سيف : انتي احسن . . مهره مفتشله كانت وايد . . :سوري . . سيف : على شو " عاقد حياته " على شو تتاسفين ؟ مهره : ماقدرت " تحط ايدها ع بطنها " . . سيف : ههههههه . . مستحيه مني ؟ مهره تبلع ريجها . . سيف : يا هبله انا ريلج من شو تستحين . . ياما كنت وياج وانتي ترجعين اشمعني الحين مهره : الموقف كان صعب وفوضع لا يرثى سيف يبتسم : عشان تعرفين قيمتي . . مهره تطالعه سيف : يلا عاد . . مافي شي . . " يمسك ايدها " الحمدلله ع السلامه . . كان الوقت الفير اول ما وصلو . . الجو ساحر . . مهره تشوف الوقت : الحين عندنا الساعه 6 الصبح تقريبا صح ؟ سيف : هيه . . مهره : بتصل حق امايا . . سيف : يمكن راقده . . مهره : لا اكيد تترياني . . " ودقت " ام عبدالله : امي مهره وصلتي ؟ مهره تطالع سيف : شفت . . هلا امايا . . هيه امايا توني واصله . . ام عبدالله تحط ايدها ع قلبها : الحمدلله ع السلامه حبيبتي . . امي ما وصيج .. ريلج على ريل ريلج . . لا تودرينه مول وتروحين بعيد سمعتي مهره : ان شاء الله امايا . . ام عبدالله : يالله اميه ودعتج الله . . مهره : الله وياج امايا . . وسكرت . . دخلو المطار . . و تمو ينتظرون بحوالي الساعه لين وصلت شنطهم . . و عقبها خلصو الاجراءات . . خذو تاكسي وقاله سيف مكان الفندق . . وكان بعيد عن المطار شوي ومهره وسيف طول الدرب ساكتين ويادوب يفجون عينهم . . الفندق كان اسمه Landmark London Hotel " شوفو صوره في قوقل " الفندق كان خيالي بمعنى الكلمه . . ماصدقو انهم وصلو وعلى طول دخلو الجناح الي حاجزلهم اياه ناصر . . كان عباره عن غرفتين كبار مع صاله ومطبخ و حمامين . . دخلو الغرفه الاكبر الي حبوها اكثر . . سيف : نصلي الفير الحين مهره تشوف الوقت : هيه . . قام سيف ودخل قبلها الحمام وتوضى وصلى . .وعلى طول انسدح . . سيف : يالله خلصي صلاه وتعالي حذالي . . ابتسم ومع ابتسامته رقد على طول . . جد كان تعبان . . مهره : سيفو ؟ " تقربت صوبه " رقدت ؟ ههههه ياويلي ع التعبان . . وراحت عنه . . بطلت شنطتها اختارت لها بجامه هيلو كيتي حمرا ثقيله شوي لان الجو وايد بارد . . وعقبها راحت تتغسل وصلت وبدلت وتعطرت ومسحت ويهها بكريمات . . وسار حذال سيف وتقربت من صدره وحظنته ونامت . . . . . فـ الامارات . . خصيصا فالمحكمه . . ناصر يبتسم ويطالع حصيص : مبرووك عليج انا . . حصيص تبتسم بحيا : مبروك عليك انا . . . . . |
| الساعة الآن 03:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir