|
البارتات راح تكون اليوم ان شاء الله انتظروني مع 4 بارتات |
. . . . البارت الـ 189 سيف : مستعده ؟ مهره تبتسم : مسستعده . . سيف ابتسم ومدالها ظرف . مهره تطالعه : شو هذا . . سيف : شو فيه . . مهره فجت الظرف وشافت تذكرتين . . عقدت حياتها سيف : بنسآفر لندن باجر مهره شهقت : شوووووه سيف مبتسم : هديه ناصر انه حجز لنا ف فندق اهناك لمده اسبوع . . مهره : قوووول والله سيف يبتسم : والله . . بنسير شهر العسل المتأخر وانتي حامل !! مهره تبتسم وتنزل دمعتها . . سيف يتقرب منها اكثر : ليش ليش مهره : عشان كل شي حلو اليوم . . سيف يبتسم : طول العمر ان شاء الله . مهره ترجف : انا وايد خايفه من هالاحساس الحلو . . سيف يبتسم ببرود . . مهره : انت بعد خايف صح . . سيف يصد الصوب الثاني: لا مهره : احس في شي غلط سيف : مافي شي غلط . .بس لان احنا تعودنا نعيش ب مشاكل . . وفجاه صارت حياتنا كلها حلوه وكل ما ياها تحلى اكثر واكثر وهالشي يخلينا نحس ان في شي غلط . . مهره تمسك ايده : بعد خايفه سيف ينزل راسه . . مهره تطالعه : كلمني . . سيف يطالعها : شقولج حبيبي " يبتسم " مهره تبلع ريجها . . سيف : انا خايف . . مهره : خايف من شو سيف يطالعها : اني اخليج في يوم . . " يبتسم " ماعرف ليش هالشعور فيني . . ههه يقولون الي بيموت يحس . . ويمكن انا حاس؟ مهره تطالعه بعيون مليانه دموع : شو هالكلام . . سيف يطالعها : احس بعدني ابا اعوضج اكثر . . انا وايد اذيتج مهره تنزل دموعها وتنزل راسها . . سيف يحظنها بقوة : يالله عاد لا تصيحين . . مهره : ليش تقول انك بتخليني " بنبره خانقه " انا ماقدر على بعدك . . سيف يطالعها ويجابلها : بقولج شي واحد .. واعتبريه وصيه وبصك الموضوع للابد . . مهره تطالعه . . سيف : لو في يوم صارلي شي . . " يطالعها بنظرة جديه " تزوجي حمد . . مهره فجت عينها ع وسعهن . . سيف : بقدر ارتاح وبحس انج بأيادي امينه .. محد بيأذيج ولا حد بيلعوزج . . مهره : انا ماااااااااااابا لا حمد ولا غييييييره سيف : اششششششش . . انا عارف انج ماتبين لا حمد ولا حد ثاني انا قاعد اقولج وصيتي . . انا اعرف ومتاكد بأن حمد لا يمكن يتزوج . . هالشي عرفته عدل . . واعرف انه مستحيل يشيلج من قلبه تعرفين ليش ؟ لانه يحبج وهو مقتنع . . وعمره ما بيغير هاالاقتناع الي في باله . . وانا واثق في اخوي . .وهو احسن عني . . هو حتى على خواتي حنين وطيب ويراعيهم ويسامحهم وعمره ما مد ايده عليهم . . بكون مرتاح لو كنتي معاه وانا تحت الارض . . مهره قامت وابتعدت عنه بتطلع بس مسكها سيف : تعالي . . مهره : وخررر عني سيف ماسك ايدها : تعالي . . مهره : اقوووووووولك وخر عننني سيف يمسك ايدها الثانية : وين بتروحين . . مهره : مابي اشوفك . . " تنزل راسها وتصيح " سيف : افاا . . انا بو عيالج " يبتسم "انا حبيبج " ينزل راسه عشان يشوفها " انا ريلج . . مهره وخرت ايده وتمت تضرب صدره بقوة . . سيف :اخخخخ . .اضربي بعد لين ما تشبعين . . " يبتسم " مهره تطالعه : انت ما راح تخليني . . سيف يبتسم : بدعي الله كل يوم يخليني لج . . ولا يبعدني عنج مهره : انا مابيها الدنيا بدونك . . سيف : ولا انا اباها بدونج . . مهره تحط راسها ع صدره . . : راح تبقى معاي لين تصير شايب بعد سيف : هههه ان شاء الله . . مهره : ما راح تخليني ابد سيف :ان شاء الله حبيبي . . الله يسمع منج . . يجابلها . . سيف : يالله بدلي ملابسج وفصخي هالذهب كله ولبسي لج شي مريح لين اروح اييب العشا وارجع . . مهره : بي معاك سيف : لا ما بتين . . قعدي لين اروح وارجع مهره : قلتلك بي معاااك سيف : حبيبي خلاص . . مهره بوزت وقعدت ع السرير : انزين سيف يبتسم : ما بطول . . مهره : . . . سيف : يالله عاد لا تخليني اطلع وانتي زعلانه . . مهره تطالعه وتحس بخوف : ليش تقول هالكلام سيف يبتسم : اخوفج . . مهره : وبعدين معاك . . خلاص لا تروح مكاااااان سيف : ما بروح بالسياره ههههه . . اهني جريب بمشي بقولهم بس يييبونه . . مهره : انزين دقلهم . . سيف : لا لازم اسير واجيك ع كل شي بنفسي فضيحه الناس يواعه واخر شي اييبلهم اكل مش لين اهناك مهره تطالعه : انزين . . سيف يبتسم : يالله بدلي " وطلع عنها " تنهدت بضيج وبدلت ملابسها وبدلت كل هالذهب كله ولبست لها جلابيه خفيفه باكمام طويله . . صلت العشا وعقبها نزلت تحت عن الباقي وشافت سيف يشرب قهوه . . مهره تطالعه : انت للحين ما رحت ام عبدالله : ما يفوت قهوتي . . محمد : خيبه بالوعه .. ها الفنيان رقم 11 ام عبدالله :اذكر الله . . سير شل ولدك وهاته الغرفه الي تحت فاظيه . .عنود مش زين لها تصعد وتنزل الدري محمد يطالع عنود : انا بشلها عموه بوديها ام عبدالله : لالا . . سير يالله اييب ولدك تحت محد فوق يسمعه لو صاح . . وسيرو الغرفه الي اهناك . . محمد : ان شاء الله " وراح يييب ولده " حمد ينزل من الدري : محمد يالهررررم .. عنود ؟ كيف تخلون حمد روحه فوق يصيح عنود حاطه ايدها ع قلبها : فديته متى قام . . ما رقد وايد ام عبدالله : ما يستوي تخلين ياهل بروحه يا اميه بعيد عن نظر عينج !!!! عنود : كنت بروح امايا بس خذتنا السوالف . . محمد يسير صوب حمد بخوف : هاته هاته حمد : وخر عني حسبالك انا ماعرف اسكت يهال ؟ محمد : هات ولدي اقولك . . حمد : جب مالك خص هذا سمييّ . . اعرف اسكته .. " وتم يسكته بس ما يسكت " محمد : هااااااااااااته . . ام عبدالله تصارخ بعصبيه : هاتو الياهل عند امه تعرف تسكته . . بسكم لعب فيه محمد زاغ : سير وده . . حمد يعطي الياهل حق محمد : انت روح وحده . . محمد : سير عطه انزيين انته ما بيستويلك شي حمد : لا ماقدر بعيد روح انت . . ولدي ولا ولدك ؟ محمد : انا مالي خص . . سميي ولا سمييّك ؟ مهره تروح صوبهم : هاااااتوه لعوزتووووووه . . عطاها حمد على طول . . مهره : بس حبيبي بسس . .اشششش . . " سكت " محمد : شفت طلعت انت ما تعرف تسكت اليهال . . كان يبالك بس تقوله حبيبي وحياتي وبيسكت حمد : خل عنك . . ولدك مش ريال . .يحب الحريم محمد يرفع ايده بيعطيه بكس : لا تغلط على ولدي حمد : روووح طير رووح . . مهره : بسكم بسكم . . وين شوق ؟ حمد : راحت .. مهره : ليش راحت ؟؟؟ حمد : حاولت وياها بس ما رضت قالت بتروح مهره : فشله انا بعد خليتها وسرت . . حمد ابتسم . . . . . |
البارت الـ 190 . . . راحت عنود صوب مهره : هاتيه . . وشلت ولدها وسارت صوب الغرفه الي تحت . . عنود تطالع محمد : انا بروح ارقد تعبانه .. سيف : لا لا عنود خلج احين بييب العشا انا . . عنود : ما شتهي فيني نوم . . " ومشت سارت عنهم " ام عبدالله : ناصر ودا حرمته البيت وقبل ما تي انته اتصل بي وقالي انا بييب العشا انا اعرف وين وقالي اقولك . . انا نسيت عاده . . سيف : انا كنت بروووح ام عبدالله : برايه دامه يعرف خله يروح . . روضة تنزل من فوق هي وفهد . . روضة : يوعاااانه . . عذاري وسلطان يدشون بعد . . ام عبدالله : عذاري انتي وين كنتي عذاري : اهني امايا واقفه برا ويا سلطان . . سلطان : منصور وينه ؟ منصور : اهني صوب التلفزيون . . سلطان سار صوبه . . عذاري تطالع روضة : تعالي خلينا نتمشا برع . . روضة : يالله . . مهور تعالي ويانا .. سيف :لا مهره ما بتروح . . روضة تطالع سيف : ليش . . سيف يبتسم . . : بس خلوها اهني . . مهره تطالعه . . سيف : تعالي يلسي اهني . . " ياشرلها حذاله " عذاري بصوت واطي : سخيف ريلج ع فكره . . ليش ما يخليج تطلعين ويانا يعني . . مادري وين بنروح ! اهني بس عند الباب . . سيف كان يشوف حركه شفايف عذارري وفهم الي تقوله . . مهره تننهد : شسويله . .روحو برايكم . . عذاري تطالع سيف : خلها تي ويانا سيف :لا . . ما بتروح مكان . . ام عبدالله : خلاص الريال ما يبا حرمته تطلع . . روضة عاقده حياتها : بلاااه ؟ مهره تهز جتوفها بـ مادري . . : سيرو برايكم .. محمد : حمود حمد : هاااه . . محمد : تعال نغصص في عبدالله راقد فوق . . حمد يبتسم : يالله وسارو فوق . . ام عبدالله : انا بسير الحجره . . ازقروني يوم بيييبون العشا . . " راحت " سيف :ان شاء الله . . راحت مهره صوبه وقعدت من غير ماترمس . . حطا راسه ع ريلها . . سيف : همزي راسي . . وايد يعورني . . تمت تهمز راسه . . سيف : زعلانه ؟ مهره : ليش ازعل سيف : عشان مارحتي وياهم ؟ مهره : لا عادي . . سيف يفتح عيونه يطالعها : اطلعي وياي بس . . مش لازم تطلعين وياحد . . مهره : هاييل خواتي مش حد . . سيف : انا لي حق عليج واقولج لاتطلعين ويا اي حد غيري . . بتسمعين الرمسه ؟ مهره بضيج : هيه . . سيف يبتسم : فديته انا . . ابتسمت مهره ببرود . . سيف : اعرف انج كارهتني . . مهره : ليش اكرهك ؟ بل . .مش لهالدرجه .. سيف : تبين تروحين معاهم ؟ مهره : مابي اروح مكان . . سيف يطالعها : بلاج حبيبي . . مهره من دون نفس :مافيني شي ! فجاه سمعو صراخ سلامه صوب المطبخ . . ركض منصور بدون ما يحس صوب المطبخ بسرعه . . مهره يايه تقوم بس سيف مسك ايدها : خليها تولي . . مهره : سييييف حرام عليييييييك قوم سير شوووووووووووفها . سيف : .. مهره : اسسستغفر الله . . يايه تقوم بس سيف مسك ايدها بعنف سيف : ماتروحين مكااااااان قلتلج . . مهره : سيف ماتسمعها تصاارخ سيف بعصبيه : تسمعيني شو اقول ولا لا ؟ مهره سكتت . . منصور اول ما دش كان ميت روعه شاف الشيله الي هي لابستنها عليها ضوو . . سار صوبها بسرعه وفصخ الشيله بطريقه حذره وفرها صوب المغسله وشغل الماي لين انطفى . . منصور يطالعها : انتي بخير ؟؟ سلامه ترجف . . منصور سار صوبها : احترقتي في مكان بعد . . " يمسك ويهها " اتكلمي خبريني . . سلامه ترجف وميته روعه . . منصور : خلاص اهدي . . اهدي . . بس طاح الششر مافي شي . . سلامه تنزل دموعها وتخوز ايد منصور عنها . . منصور يطالعها : تكلمي .. قوليلي انه مافي شي يعورج . . دخيلج اتكلمي . . سلامه يادوب يطلع لها صوت . . وبصوت متقطع : اييب لي شي يسترني . . منصور يطالعها وهو يبلع ريجه . . سلامه : مااا . . ماافي . . ماففينيي شي . . منصور : اكيد . . مايعورج شي ؟ سلامه : لا . . منصور : دقيقه . . راح منصور الصاله . . مهره تشوف منصور: شسالفه شصاير ؟ منصور : الضو لبق عليها واحترقت شيلتها . . مهره توخر راس سيف وتقوم تركض صوب سلامه . . مهره : سلااااااااااامه . . سلامه كانت واقفه ومستحيه ومتلومه . . مهره تروح صوبها وتشوفها ترجف : شي استوالج . . سلامه : لاا . . مهره : كيف شب الضوووو فجاه سلامه تمت تصيح . . تقربت مهره منها وتمت تحظنها . . مهره :بس فديتج . . سلامه : ليش انتي طيبه وايد . . ." تصيح " ليش تعامليني جنه ولا شي صار . . مهره : لان ولا شي صار . . محد فينا ما عاش باغلاط . . " تحظنها " اهدي .. سلامه : وانا اسوي الشاي شيلتي كانت ع طرف الفرن . . مهره : خلاص ماعليه . . ماعليج شر الحين . . منصور : ادخل ؟ مهره : لا منصور .. منصور : مهور بدخخخخل !!!!!!!! مهره فصخت شيلتها وعطتها ل سلامه . . منصور يدش : انتي احسن ؟ سلامه تطالعه وتهز راسها ب هيه .. منصور : متاكده ماحترقتي في مكان سلامه : لا . . منصور بخوف : ليش ما تحاسبين ؟ انتي مينونه ؟؟ سلامه تطالعه كيف خايف عليها وقلبها عورها ع اهتمامه . . بعده يهتم . . بعده سلامه : انا بخير منصور . . منصور يغمض عينه بعذاب " روح منصور . . وطوايفه . . " سلامه تطالع مهره : انا بخير . . لاتحاتوني مهره تتنهد : حاسبي مره ثانية منصور : هيه حاسبي . .لا تهملين " يطالعها بنظره خوف " الله يخليج لاتهملين عمرج . . سلامه : ان شاء الله . . " تطالع مهره " تمي اهني بروح اييب لي شيله ثانيه وبرد اييج بييب لج شيلتج مهره تهز راسها ب اوكيه . . طلعت سلامه . . مهره تطالعه بنظرة حنونه : بعدك تحبها يا اخوي . . بعدك . . منصور يطالع مهره وتنزل دمعته ويحط ايده ع عطول ع عينه : خفت عليها والله العظيم . . مهره تنزل دموعها : ياعمري عليك يياخوي . . " تسير صوبه وتحظنه " ربت على ظهرها ومسح دموعه وطلع . . شوي ويا سيف . . سيف يطالع مهره : كيف تامه جي . .؟ وين شيلتج . . مهره : ترى سلامه شلتها سيف عاقد حياته : يا سلام ؟ وانتي كل الموجودين اهني محللين لج ؟ مهره تطالعه . . سيف بغيض : عشان هالحيوانه تفصخين شيلتج ؟ وبعدين انا ما قلتلج لاتروحين ؟؟؟ ليش رحتي ؟؟؟؟ ليش ودرتيني ورحتي عند هالحقييييييييييره . . سلامه تدخل : اسفه . ."تمد لمهره شيلتها " سيف ما يطالع سلامه وياي يطلع بس مهره مسكت ايده . . مهره : لين متى . . بسس خلاص كلمها . . سيف ميود اعصابه : هدي ايدي . . مهره ماسكه ايده بايدينها الهنتين : يالله عاد . . صف قلبك . . سيف يروح لمهره ويرفع ايده بتهديد : وخري عني عشان ما تحصلين لج كف مهره استغربت . . ليش يكلمها جي . . ؟؟ ما سوت شي غير انها ودرته وراحت لـ سلامه ! ماقدرت تتحمل يوم وصفلها منصور انها احترقت ! خاافت . !!! هدت ايده وطلع وهو معصب . . سلامه : لا تعبين عمرج . . ماراح يرضى . . مهره انقهرت ولحقته . . طلع سيف من المنتجع وجابله ناصر : تعال وين رايح ؟ العشا وصل بنتعشا سيف : اتعشو . . انا بروح وبرجع مهره : سييييييف سيف يصد يطالعها : دشي داخل .. ناصر شاف الموقف واستغرب وخلاهم روحهم . . مهره : كلمننننننني . . سيف بغيض : اقولج دشي داخل . . لو لحقتيني لا تلومين الا نفسج . . . وطلع . . طلعت وراه على طول . . وتمت تمشي معاه وهو يبتعد . . سيف يصد ويشوفها تلحقه . . رجع بغيض وجابلها وبكل عصبيه زززغدها . . سيف يصارخ : انتي ماتفهميييييييييين ولا شو ؟؟ قلتلج لا تلحقييييييييني . . مهره منصدمه سيف وخر ايده بسرعه : قلتلج لا تلحقيني . . رووووووووووووحي دشي داااااااااخل . . مهره فجت عينها ع وسعهن . . سيف يصارخ : روووووووووووحي داااااااااااخل ليش تعانديني ليش ما تسمعيييييين الكلام . . ؟؟؟؟؟؟ مهره بلعت ريجها ونزلت دمعتها ومسكت بطنها . . ثواني ومشت عنه . . سيف اتنهد ولحقها بسرعه : تعالي . . مهره : خلااااااص بروووووح داخل . سبقها سيف بالمشيه ومسك ايدها : خلاص . . تعالي . . مهره وقفت . : هد ايدي بروح . . " تطاير دموعها مع الهوى " سيف يجابلها : انا اسف .. انا اسسسف . . " يبوس يبهتها " اسف . ماكان المفروض انفعل عليج مهره تطالعه : ليش . . ليش منفعل .. سيف يتنهد : اسف . . سامحيني ماقصد. . " يحط ايده ع ويهها ويمسح دموعها " انا حقير ما استحي ع ويههي . . مهره : كلمني انزين ليش . . ليش هالانفعال كله . . سيف : ماطيقها . .ولا اطيقج تروحييييييييييين عندها . . هاي مش اختي ولا اعترف فيها وانا قلتلج لا تروحين عندها لاتررررررروحين . . استفزييييتيني وماسمعتي كلامي ورححححححتي مهره : يا سيف لين متى حرام عليك . . البنت تااااااااابت . . سيف : هي السسسسبب في مووووووووووووت امي . . ها الي اشوفه انا بس ما شوف شي ثاني غيره مهره : يا حبي ها قضاء الله وقدره . . لا تم تقول هالكلام . . سيف : هي السبب يا مهره . . هي السبب محد غيرها . . مهره : الله كاتب هالشي يا حبي . . غلط تقول هالكلام غلللللللط . . سيف يصارخ : غلط ؟ غلط انها حرمتني من جنتتتتي ؟؟ غلط انها حرمتني من شوفت الغاااااليه ومن ريحتها . . غلط انها شتت العايله كلها . . كل واحد فينا مفروووووووووور ف صوب ؟ غللللللللللط انها شوهت سمعتنننننا وشوهت كل شي حلو كان موجود ؟ غللللللللط انها كسرت قلب اخووج وحرمته السعاده وقصت عليه وذوقته الويل ومايذكر منها الا كل شي شين ؟ غللللللللللللط اني لين الحين ماقدر اطالع اخوانج وارمسهم براحه ع الي سوته فيييج و ف امج وف منصور اخوج ؟ غلللللللللللط !! بعد تقولين غللللللللللط . . خلتني اشششششششك فيج . . زرعت فيني الششششششششك . . خلتني اضرررربج . . اطللللللقج . . خلتني للحين ما اقدر احط عيني ف عييييييين اخوووووووووج . . فششششششلتني الله يفششلها . . عمره الشي الي شالنه عليها ما بيتبخر عمممممممممممممممره . . حسبي الله ونعم الوكيييييل . . . . |
البارت الـ 191 حمد : وين رايح محمد : بروح عندي شغله وبرجع حمد : بترقد اهني الليله ولا ؟ لو بتم تراني تام ولو بتخون برد اليبت محمد : لا برجع ما بخلي عنود روحها حمد : اوكي .. فارج محمد يسويله مالت ويسير صوب عنود , . شافها طايحه ومتلحفه . . محمد : رقدتي عنود ؟ عنود تطالعه : لا طايحه . . محمد : تبين شي . . عنود : وين رايح . . " سكتت شوي " اه اسفه . . محمد يطالعها : ليش تتاسفين " يقعد عالسرير " من حقج تسأليني . . عنود تبتسم . . محمد يتنهد : ما بطول اوكي . . عنود : تبيني اترياك ؟ محمد يطالعها عين بعين . .و عقب هدوء . . محمد : لا تتريني . . نامي ارتاحي . . عنود هزت راسها بـ اوكي . . محمد يبتسم ويتقرب منها يبوس راسها ويطلع وهو يحس بكتمه قد الدنيا . . عقب ما طلع مسك فونه ودقلها . . تناهيد : ها محمد : وين ماتكونين الحين بشوفج يعني بشوفج . . تناهيد : ياربي منككككككك . . ايييه شوف الوقت ! الساعه الحين بتي 11 . . ماقدر اطلع محمد : بشوفج . . تناهيد : حموووود محمد : قللتلج بشوفج تناهيد : وانا قلتلك بااااااجر محمد : الحين . . تناهيد تتنهد : افف . . محمد : بنتلاقى صوب باركنات المول تناهيد : بااااااي محمد : بترياج لا تبطين تناهيد سكرت فويهه . . محمد يتنهد : لازم اعرف كل شي اليوم . . لازم . . . . . على الساعه 12 فليل . . سلطان يطرشلها مسج " بسج وانتي تثاوبين ليش معذبه روحج روحي نامي " عذاري تبتسم واطرش له " واخليك ؟ قلبي ما يطاوعني " سلطان يطالعها ويبتسم ويطرشلها " وين الي قالت ما بتشوفني لين العرس |" عذاري تمشي وتروح صوبه . . كان قاعد ويامنصور . . منصور يطالعها : نعم ؟ ماشي يلسه وياه اخر الليل عذاري : انزين عادي انته ويانا . . منصور : حتى ولو . . سلطان يبتسم لها ويمدلها ايده : ماعليج منه تعالي . . راحت صوبه وقعدت وهيه مستحيه . . سلطان يمسك ايدها : الحلو فيه نوم . . عذاري تطالعه وهيه مفتشله من منصور وتهمس : ايه لا تسولف وياي جدامه استحي . . منصور : مالت عليكم . . " قام " انا بروح سلطان ارقد دوخت . . " شاف الباب , سلامه كانت بتطلع " سلطان يطالعه : منصصصووور . . منصور يطالعه : هاه . . سلطان : روح ارقد . . منصور : بشوف اذا تبا شي وعقب بروح . . سلطان عاقد حياته : ما تبا شي . . روح ارقد . . وبعدين لا تنسى انها مش حرمتك خلاص مالك خص فيها منصور يطالعه : حط نفسك مكانها . .الكل ضدها وتحس انها منبوذه من الكل . . عذاري : عقب كل الي سوته بعد لك ويه تقول هالكلام منصور يتذكر ويغمض عينه بعذاب وتمر في باله لقطات ! > < يدز الباب ويدخل . . يتفاجىء من إلي يشوفه . . ليتات خافته . . وتلفزيون عؤؤؤؤؤؤؤؤؤؤؤؤد اصغر من تلفزيون السينما بشوي ويعرض اشياء خليييييييييييييييعه . . شباب بجنسيات مختلفه طايحين سكرانين يشوفون . . على اليسار شششباب مع بنات في وضعيات محرمه . . تم يمشي بذهووول . . يمشي وعينه مبطله . . دشو وراه سيف وحمد وماتو . . حمد بصوت خافت : كيف اختي في هالمكان سيف . . كيف سيف ساكت ما يتكلم . . منصور يطالع ناصر بذهول : تخيل . . انا اشوف هالرياييل الكلاب مع هالصايعات . . ويالس ادور حرمتي بينهم . . تخيل نصور . . ناصر مش قادر يتحمل ودموعه تنزل بدون حاسيه . . منصور يمشي يدورها بين كل فردين . . لين ماوصل للغرفه الرئيسية . . وبطل الباب بهدوء . . اول ما دخل صد معاه ناصر يشوفون لو سلامه موجوده . . وناصر يدعي في قلبه ان سلامه ما تكون هي الي فالغرفه لكن يت عينه عليها مع الاسف وصد عينه على طول ونزل راسه . . منصور من شاف حركه ناصر عرف انها داخل وسكر عينه . . : ماقدر . . شلي تشوفه ناصر ؟ شوه ؟ خبرني انها مش داخل الله يخليك . . ناصر جمع ايده ع عينه يمسح دموعه ماقدر يتحمل . . اما منصور دخل الغرفه وشاف كاميرا تصوير يصورها واحد . . وعلى السرير حرمته . . حبيبته مع واحد ثاني في وضع مخلْ . . الي يصور صرخ في ويه منصور : سسسسسسستوووووووووووب . . انت يا حمار اطلع برع . . سلامه : للمره الألف إلي تسوي فيها سسسسسستوووووووووووب " تطالع إلي يصور بعصبيه وشافت عينه موجهة لشخص وشافت الشخص منو " سلامه اتشللت . . ماقدرت تنطق . . منصور تنزل دموعه امطاررر . . تنزل دموعه بدون لا توقف . . مصدوم مش مستوعب شي . . عبيد : شفييييييييييج يلا نكمل . . منصور يتقرب اكثر واكثر لين وصل عندهم السرير . . عبيد : اطلع برا عندنا جلسه تصووووووووير انت ما تفهم ؟؟ منصور: خوز عنها . . دخل سيف وحمد وماقدرو يتحركون اكثر . . سيف : مستحيل .. حمد عض ع شفايفه بالقو وطلع برا الغرفه . . عبيد : شو هالمينون . . اطلع خلصني قبل لا اجتلك الحين . . منصور : خوز عنننها . . عبيد يمسك جتف سلامه : ماعليج منه تعالي انتي منصور سار صوبه وعطاه بكس : لا تلممممممممممممممسها يا حيوان . . عبيد خاف ويطالع سلامه الي دموعها تنزل بغرزان . . عرف انه حد من اهلها .. وعلى طول شل بعمره وابتعد وتم يلبس ملابسه . . اما سلامه غطت روحها باللحاف وهيه مفتشله . . منصور بهدوء : انا ؟ انا تتغطين عني ؟ انا سلامه . . انا تتغطين عني وتتسترين عني وجدامه عاريه ؟ سلامه بس تنزل دموعها ما تتكلم . . منصور تنزل دموعه : ليش . . ليش سويتي جيه . . ليش خنتي ثقتي فيج ليش ؟ في شو قصرت عليج سلامه . . " تنزل دموعه بغزره " قسم بالله ما قصرت عليج في شي . . . " يصارخ "بعت اهلي ياوااااااااااااااااااااااااااااطيه عشششششششششششششانج . . " يعطيها طراق بالقو " ليشششششششششششششششششششش يا خخخخخخخرا ليشششششششش . . ؟. يا سيف وتقرب منها وتم يعطيها طراقات وهيه تصارخ . . كف عللللللللللى كف على كففففففففف . . كل الي موجودين فالغرفه شردو وطلعو براا . . مسكها من شعرها سيف وهيه منهاره تصيح ولاويه على روحها اللحاف . . سيف يسحب اللحاف : تستحين منااا اححححححححححححححنا ؟؟: تستحييييييييييييييييييييييييين !! كيف تستحيييييييييييين . . انتي فيج حيييييييييييا اصلااااااااااا ؟؟؟؟؟؟؟؟؟؟ " يعطيها كفف يعقها ع الارض وهيه عاريه " موووووووتي وانتي جي . . موتي وجابلي ربج وانتي جيه . . ادخلي إلقي حسابج من ربج بسوء هالخاتمه . . " ينزل لها عالارض ويدق راسها ع الارض " مووووووووووووووتي . . يا حمد على طول ومسك سيف من ايده : خلااااااااص . . سيف معصب وما يشوف جدامه : هاي لازم تمؤؤؤؤؤؤؤؤؤؤؤؤؤؤؤؤؤؤؤؤؤت ما تم عايشه . . حمد ضرب سيف بكس عشان يودر سلامه . . ومسك حمد سلامه ووداها شوي جدام وفر عليها ملابسها عشان تلبس . . ومنصور كل هالاحداث تستوي جدامه . . دقايق ودش ناصر وسار صوب منصور من غير ما يشوف سلامه منصور يطالع ناصر : عطني تلفونك . . ناصر عطاه التلفون على طول . . منصور : ألو . . الشرطه . . انا عندي بلاغ . . اناا زخيت حرمتي " يبتسم ودموعه تنزل بغزاره " في بيت دعاره . . المكان ********************* . . تعالو شلوها وشلو اللوث الي اهني . . عقب ما لبست سلامه ملابسها وشيلتها وعباها سارلها سيف وفرها ع السرير وتم يضربها ضضضضضضضضرب . . ضرب عمره ما ضربه حد . . ضرررررب عنيييييييييف قطعها فيه . . الدم كان ينزل من كل مكان فيها . . يبهتها . . خشمها ! حلجها . . منصور سار صوبه وصرخ : وخرررررررر . . مسك ايدها وسحبها وتم يمشي ويسحب ايدها لين ما وصل عند عبيد الي كان فالصاله يسوي روحه مش خايف وكان يالس يجمع الفلوس الي فـ سدته ! ناوي يشرد ويلم كل شي منصور يأشرلها : ها في شو احسن عني " يصارخ" شو الي لقيتيه فيه ما لقيتيه فيني ؟ رمسيني شوه ؟؟؟؟؟؟؟؟؟؟؟؟؟؟؟؟؟؟؟؟ سحبها باقوى ماعنده وركبها السياره . . وناصر مش عارف يتصرف بس يلحقه . منصور يسوق بسرعه جنونية لين وصل بيتهم . . نزل ونزل سلامه معاه . . منصور عاقد حياته : ليش لابسه شيله ؟ ليش ؟ يشل الشيله عن راسها ويفرها ع الشارع . . ينزل ويسحبها من شعرها لين البيت . . دش الصاله والكل يطالعه . . ام عبدالله : منصور .. سلامه كانت بكبرها دم . . ام عبدالله ماعرفت شسالفه بس تامه بذهول . . مهره وعنود لحقو ع الموقف وتمو واقفين . . منصور ماسك شعرها بقوة : بوسي ريل امي . . سلامه ما تنزل وتصيح . . منصور يعقها بالقو ع الارض : بووووووووووسي رييييييييييييل اميييييييييييي . . سلامه تقربت من ريل امه بتبوسها لكن ام عبدالله قامت : استغفر الللللللللله . . منصور يصيح : خليها امايا خلييييييييها . . خليها الحيوانه . . " تم يشوتها بقوه ع بطنها " الواطيه الساااااااااااااااااااااااااافله . . ام عبدالله قلبها منقرص . . منصور يسير صوب امه ويبوس ريلها بسرعه قبل لا تسحبها . . ويبوس ايدها ويبوس جسمها ويبوس راسها ويبوس خشمها ويصيح : سامحيني يمه سامحيني . . ام عبدالله مدمعه عينها وتصيح على حال ولدها وعلى حال سلامه ! واتذكرت كلاااااااااااام عمرها ما بتنسسسسسسساه قالته مررره . . ومر في بالها جنه هاللحظة . . للحين تذكر وهيه تقول لناصر بيندم منصور . .بيندم منصور عقب فوات الفوت . . ام عبدالله : الله يستر ع بنت الناس . . ودها بيت اهلها . . مهره تطالع سلامه وسلامه تطالع مهره . . مهره : انا ؟ انا إلي سترت عليج . . أنأ الي عطيتج فرصه تعدلين فيها اغلاطج تسوين فيني جذي . . " تنزل دموعها " ريلي طلقني وانتي السبب . . منصور رص ع عينه بالقو وام عبدالله وعذاري شهقو . . مهره : ارتحتي بلي سويتيه؟ خاطري اعرف السبب . .شلي خلاج تسوين الي سويتيه . . كرهتي منصور فينا وطفشتيه من البيت . . خربتي علاقه عنود بمحمد . . شوهتي سمعتي عند منصور وعند سيف . . شو استفدتي من وصاختج . . " تصارخ " تعرفين الطامه إلاكبر إلي سويتيها شووووووووووه ؟؟؟؟؟؟؟ سلامه تطالعها وتصييييييييح . . مهره : امج مااااااااااااااااااااااااااااااااااااااتت . . ماااااااااتت امج بجلططططططططططه وانتي السبببببببببببببببببب . . سلامه تقوم شوي شوي ويا دوب يطلع لها صوت : شوو . . منصور يطالع مهره : عموه ماتت ؟ مهره تطالع سلامه : ماتت . . سلامه تصارخ : لااااااااااااااااااااااااااااااااااااااااااااااااا ااااااا . . مسسسسسستحيل . . وقومت روحها شوي شوي . . وتمت تقوم وتطيح . . لين قدرت تقوم عدل وتطلع من البيت . . لحقها منصور بقلب شفقان . . ما هانت عليه . . مول ما هانت . . تم يلحقها ويشوف عذابها لين سارت صوب سيارته . . سلامه تصيح : بس وصلني عندها الله يخليك . . بسسسسسس ابا اشوف امي . . تم يصيح معاها ماقدر يقبض روحه . . كان وده يحظنها ويقولها لا تصيحين ماتهونين علي ولا تهون علي دموعج . . بس ماقدر . . جرحته موت . .جرحت كبريائه . . ما خلت فيه قلب . . ركب السياره وركبت على طول ورى . . وتمت تنوح وهو ينووح معاها لين وصلو المستشفى . . عنود كانت يالسه ع الكرسي وتصييييييييييييح . . اول ما شافت سلامه مشت صوبها وهلت فيها تصفييييييييع ع قوتها الي تقدر عليها . . سلامه بصوت يا دوب ينسمع ., . : امي وين عنود :امي مااتتتتتتتتتتتتتتتتتتتتتتتتتت . . سلامه تصيح : لاااااااااااااااااااااااااااا . . ما مااااااااااتتتتتتتتتتتتت . . عنود تصفعها كف : جببببب لا ترمسسسسسسسسسين سلامه تمسك ايد عنود : الله يخليج قولي انها ما ماااتتتتتتتتت عنود : ما بتعيشششششششششششششش . . الدكاتره قالو بتموت بأي لحظظظظظظظظظظظظظظظظظه . . هي تقريبا ميته سرررررررررريريا بس عايشه ع الجهاز . . مستحيل تحيييييييا . . سلامه بأمل : يعني في أمل تعيش . .بلىىىىىىى في امل تعيش . . وسارت عند الغرفه وترجتهم يدخلونها ودخلوها . . سارت مسكت ايده امها وتمت تصيح: امايا نششششي . . امايا انا سلاااااااامه . . امايا لاتروحين عننننننني . . دخيلج لو رحتي بيذبحوووووووووني . . محد بيحميييينيي محد . . لا تروحييييين عني دخيللج . . انا ضيعععععععععت عمري عشان فلوسسس . . مادري ليش كان هممممممي امزر حسااابي بالملاييييييييييييييين . . انا ضضضضضضضضعت امايا بس والله العظيم بعتدددددددل . . دخيلج لا تروحين عننننننننني . .دخيلج اممممممممممممممممممممايا لا تروحيييييييييييييين . . طلع الجهاز صوت قوي . . صوت شرات الي نسمعه فالافلام يوم القلب بالمره يوقف . . اتجمعو الدكاتره وحاولو يطلعونها وماطاعت تطلع لين سمعت الدكتور يقول : إن لله وإنا إليه راجعون وصرخت سلامه بأقوى صوت عندها : اماااااااااااااااااااااااااااايا لاااااااااااااااااااااااااا > < . حمد رفع ايده بيعطيها كف لكنه باخر لحظه ضرب اليدار . . : حقيييييييييييييره . . بنت حراممممممم . . انتي مش بنت امممممممي . . ما ربتتتتتتتتتج امي . . انتي مش من عرررررجنا ولا نعررررررفج . . اختفففففففففوووووووووووووووووو . . اما منصور كان قريب منها ويسمع الحوار وبس مسكر عينه . . >> اعذريني . . انا اكتفيت من جروحي منج . . ماقدر اوقف معاج ولا اقدر اساعدج ولا اقدر احميج . . ماقدر امنعهم من الي يسووونه " يحط ايده ع قلبه " مع انه قلبي يعورني . . ماتحمل اشوف دموعج .. مع انه قللللللبي يعورني ماحب حد يجرحج ويزعلج . . لكن مصدوم . . مجروح . . جرحتيني وجرحتي كبريائي . .فضحتيني وفشلتيني جدام الناس . . صغرتي ويهي وخليتيني ما اسوى يا سلامه . . لهاللحظه وانا مش ريال لاني واقف قبالج . . . منصور يطالع سلامه : سلامه . . سلامه تصد تطالعه وحمد بعد . . منصور يطالعها عين بعين : انا زرعت فيج الامل بوايد امور . .. انا خليتج تفكرين بالحياه من اول ويديد ، اناااا . . رضيت اخذج وانتي ما تمشين ، انا لاني بغيتج حلالي حاولت قد ما اقدر امحي امور سودا انتي متعوده عليها لكن للاسف انتي ما بغيتي تمشين صح . . انا زرعت فيج الامل عشان تثقين بالله ومن ثم فيني وتمشين . . اهلج " ياشر ع حمد " ما حاولو فيج كثر ما انا حاولت . . اهلج !!! ما اتعنو يودونج المستشفيات كل يووووووووم تراجعين الدكتور وتسوين جلسات عشان تمشين . . انا كنت مودر اهلي ومودر دوامي عشان بس اتم معاج واشجعج تمشين .. وكنت اتعنى اوديج كل يييييييووووووووم واتم بالسسسسسسساعات بس اراقبج من بعيد عشان لو احتجتيني تحصليني موجود . . " ينزل راسه ويبتسم " لين مشيتي . . انا ما اتمنن لكن من عقب الله الفضل لي . . وانا فخور بهالشي . . فخور اني قدرت اخلي عاجز تمششي . . وزرعت فيها الاراده والحماس . . لكن مع الاسف . . لو خليتج عاجز جان ما صار الي صار . . جان ما يتج الجراه تركبين فوق راسي وتطلعين تروحين عند ريايييل . . " يهز راسه يمين يسار " حسافه . . . انا الي كنت اوديج . . " يطالعها " حاولت اعدل فيج لكن . . حمد يطالعها بنظرات فظيعه . . منصور : سامحيني لو قصرت . . اوووو لـو ماكنت الريال الي انتي تبينه . . اصلا انا مادري انتي شو تبين ؟ ولا ادري ليش سويتي جي .؟ ماحيدني قصرت عليج بفلوس او بشي . . كل شي تحت ريلج يوصلج . . لكن ماعليه . . بعد سامحيني . . " يطالعها بنظرة جديه " انتي طالق بالثلاث . . والله يرحم امج ويغمد روحها الجنه . . " يطالع حمد " وانا بي العزا ان شاء الله وبقوم بالواجب . . " يبتسم " مع السلامه . . . وطلع من المستشفى . . . > < عذاري تمسك ايده : منننننننننصصصصصصصصصصور . . منصور يفتح عينه يطالعها . . سلطان وعذاري كانو واقفين مجابلينه يدقونه . . سلطان : يا ريال بس عاد بسسس عذاري تمسح دموعه : ياحبييبي يا اخوي . . منصور ينزل ايده ويطلع برى صوب سلامه . . عذاري بتلحقه لكن سلطان مسك ايدها : خليه . . اكيد ف باله كلام يبي يقوله .. بيرتاح لو قاله خليه . . عذاري تنزل دموعها : بسه من العذاب سلطان يتنهد : الله يخفف عنه وينسيه كل المرر . . عذاري : اميين . . . منصور يطالعها : شو تسوين ف هالليل بروحج . . سلامه نقزت وانتبه منصور انه في ريال واقف مجابلنها بس بعيد شوي ويطالعها . . منصور عاقد حياته : منو هذا ؟ سلامه : ماعرف منصور بعصبيه : ماتعرفييييييييين ؟؟؟؟؟ انتي بعدج على حركااااااااتج شوووو ؟ سلامه فاجه عينها ع وسعهن : حشى واللللللللله . . ماعررررفه والله ماعررفه . . وانا اصلا ما شفته منصور : كيف ما شفتييييييييييه ولد الحرام هذااااااا وهو مجابلنج ويطالعج ومبتسسسسسم سلامه : والله اني سسرحاااااااااانه ماشفته والله العظيييييم " تمتزر عينها دموع " والله صدقني ماعرفه منصور شاف الريال ابتسم اكثر . . وشاف بنيه ياهل تربع صوبه كانت تمشي ورى سلامه وعقب ربعت صوب الريال وحظنها وشلها وراح . . منصور عرف ان الريال كان يطالع البنت الياهل من بعيد وهي تمشي لين توصل له . . واستحى من نفسه وايد . . منصور : اسمحيلي .. سلامه ساكته وماتطالعه . . تمو ع هالهدوء دقايق عقبها سلامه مشت عنه . . تم يلحقها ويمشي بشويش . . لين حس اعصابه تلفت وجابلها منصور يصارخ : ليش سويتي فيني جي ليششششششش ؟ في شو قصرت عليييج انا في شو ؟ سلامه تمتزر عينها دموع : بس . . ارحممممممممني . . ارحموني كلكم ارحموني منصور : انتي ما رحمتيييييييينا بلي سويييييتيه ما رحمتييينا سلامه تطالعه : ما رحمتكم ادري . ." تصيح بضمير " انا كفايا احساسي اني الي ذبحت اميييي . . " تطالعه بعيون حمرا متروسه دموع " بخبرك شي ما قلتتتتته لاي حد . . انت تعرف ان قلب امي كان ينبض يوم دخلت عليها ؟ تعرررف اني انا دخلت على امي وقلتلها امايا سامحييييييييييييني انا غلطت . . سامحيني وقفي معاي لا تخليني محد بيحميييييييييييييييني . . امايا من سمعت صوتي ماااااااااااااتت .. مااااتت . . تنزل ع الارض ماتروم توقف من الصياح . . منصور ممتزره عينه دموع ويطالعها ما يتكلم . . سلامه : عذذذذذذذذذبتكم كلكمممم . . جرررحتكم كلككككككم . . انا غييييير . . انا غير عن اخواني . . كلهم زييينين . . انا مش زينه . . من داااخلي مش زينه . . من صغيييره وانا احس اني الخايسه فيهممممم . . مول ما كنت نفس طباعهم . . ضيعننننننننننننننني اخوي . . ضيعتني مرت اخوي . . ضيعووووووووني وعلقوني بالحررررررام كان صعب اودررررره . . حسيت شي ناقصني من ودرررررررررته . . اخوي وحرمته ضيعوووووووووني ضيعووووووني . . ضيعتني يا خالد الله يررررحمك . . ضيعتني . .زرعو فين حب هالغللللللللللللط والله هم زرعوه فيني . . منصور : بس انا خليتج تودرييييييييييينه . . وقفت معاااااااااااج عشان تتركين الخرابيط هذي ليشششششششششششششش رجعتي لها لييييييييييش سلامه : صح " تصيح " اهني الغلط مني بعد . . بس هم الاساس دخلوني هالطريج منصور : وانتي ما بغيتي تطلعين من هالطريج سلامه تصيح : لين ما الله حرمني من كل غالي ف حياتي . . منصور تنزل دموعه : عشان تتعلمين درس وتتوبين سلامه تنوح : تعللللللللللللللمت . . وكل ما اشوف عيون اهلي اكثر اتعلم ووااااااااتعلم . . منصور يعض ع شفايفه بحرقه : قومي من ع االارض . . سلامه تصيح اكثر وتصارخ : لاتهتم فيني خلاصصص . . منصور : ماقدرر . . " تنزل دموعه" انا احب بس ما اكره . . عمري ماكرهتج على كل الي سويتيه . . سلامه تطالعه بصدمه عقب هالجمله وتمت تطالعه وتغرقت دمووع . . منصور يمسح دموعه : قومي من اهني يالله عشان تدخلين داخل . . سلامه تمسح دموعها : انا ما استاهلك .. منصور يبتسم بحرقه : وانا ماراح ارجعلج . . لكنج ماتهونين علي .. سلامه قامت ومشت عنه وتم يمشي وراها بقلب مجروح ودموع ما توقف . . . . . سلطان يطالعها: ببسج صياااح ما تعبتي .!!! عذاري تقوم : بروح ارقد . . سلطان :مش انتي الي قلتي قلبج ما يطاوعج تخليني ؟ مداج تغيرين كلامج ؟ عذاري : احس بتعب . . فيني نوم سلطان يبتسم : قولي هالجمله عقب العرس عذاري : ليش ! سلطان : عشان اسحبج واخليج ترقدين اهني " ياشر ع صدره " وترتاحين من كل تعب . . عذاري تبتسم بحيا . . سلطان يحط ايده ع خدها يتلمس ويهها . : اترقب العرس وايد . . عذاري بتموت حيا وبس مبتسمه سلطان : اهم شي تمتزر الغرشه عذاري تبتسم :يالسه تطفح بعد سلطان : عيل يالله بسج قومي نامي . . عذاري فاجه عينها : سلطاااااااااان سلطان يطالعها ومبتسم : عيونه . . عذاري قفطت وما قالت شي . . روضة نقزتهم من ورى : اييييييه عذاري نقزت : اميييييه سلطان :ههههههههههههههه " تم يضحك ع شكلها " عذاري تضربه : سخيييييييف . . سلطان مبتسم : زين سويتي فيها " يطالع روضة " روضة : سوري حبيبتي ماقصد ههههههههه . . امي رقدت ؟ عذاري : هيه . . روضة : انا برد عيل . . عذاري : لييش افا ؟ بيزعل سيف روضة : جسوم فديته شكله خذا برد من اللعب برع ويرجع وخيس ملابسه وانا ماعندي زياده شو بلبسه . . عذاري : روحو خذوله لبس وردو حرام تفوتين هاللمه . . روضة : ودي والله . . بس ماقدر لازم ارجع عشان اعطيه دوا حق بطنه بعد . . وخيس اللحاف ف الغرفه . . يعني عبااااله .. مع اني قنعت فهود نتم لكن ما يصير الحين . . عذاري : خلاص حبيبتي توكلو على الله وشوي شوي وانتو رادين روضة : لا تنسين تخبرينها تعرفين امي بتستهم وبتم توسوس . . عذاري : ان شاء الله سلطان : لا تحاتين انا بذكرها بعد روضة تبتسم : وانتو بسكم يلا . . مصختوها وايد صايرين تجابلون بعض عذاري : الله اكبر عليج . روضة تبتسم وتروح عنهم . . : يالله مع السلامه . . عذاري تبتسم : الله وياج سلطان : مع السلامه . . عذاري تطالعه : وانا بعد مع السلامه بروح ارقد . . سلطان مبتسم : اوكي غناتيه . . عذاري تبتسم وتقوم : تصبح ع خير سلطان فاج عينه : بذمتج ؟ عذاري :هههههههههههههه ترد تقعد وتتقرب منه وتبوس خده . . وسلطان بالمثل تقرب منها وباسها بين اذنها وخدها وهمس لها : احلمي فيني . . عذاري تطالعه : انزين . ." تبتسم " وانت بعد سلطان :بفكر عذاري عاقده حياتها . . سلطان وقف ومسك ايدها : يالله تعالي . . عذاري :ويييين سلطان : بنسير سوى .. سمعت انج بترقدين روحج . . عذاري وخرت ايده : شوو سلطان : ههههه غبيه . . امشي امشي . . بروح ارقد انا بعد . . عذاري تطالعه . . سلطان : بلاااج .. " يمشي " هاا بروح عنج . .ما بروح غرفتج لا تخافين . . تمت تشوفه وتمشي وراه لين دخل الغرفه الي بيتشاركها ويا منصور وناصر . . . . |
. . البارت الـ192 . . . مهره حاطه راسها ع ايده ومتقربه منه : متى بنسافر باجر ؟ سيف : المغرب حبيبي . . مهره : هيه الحمدلله يعني يمديني اروح ارتب اغراضي . . سيف : يمديج . . مهره تبتسم : مشكور ع اليوم الحلو . . وايد استانست . . سيف : مع اني هزبتج وخربتها بالاخير . . مهره ترفع راسها وتطالعه : لاني ما سمعت الكلام . . سيف : بعد ماكان لازم اهزبج . . مهره تبتسم : عادي . . حتى هزابك احبه . . سيف يبتسم : مكاره . . مهره فاجه عينها : والله . . سيف يبتسم : يعني خلاص وصلتي المرحله الجنونية في حبي ؟ مهره :وصلت . سيف يبتسم . . مهره ترد اطيح ع ايده وتحط ايدينها ع بطنها . . سيف بالمثل . . حظنها ومسك بطنها بحنان . . : نوم الهنا باباتي . . مهره : لاتحط ايدك بتواعيها . . سيف : خل تقوم تونسنا شوي .. مهره تطالعه وهو مغفي . . يحاول يقاوم عشانها . . لكنه مول منتهي . .وايد تعب لين رتب كل هذا . . تمت تطالعه بحنان وهي مبتسمه وفي بالها وايد اشياء . . >> كيف كرهتك في يوم وكيف عشقتك في يوم . . كيف كنت استحقرك وكيف الحين احب كل شي منك . . كيف كنت اشوفك اسوء انسان فالدنيا وكيف الحين اشوفك شيخ الريااييل محد شراتك . . كيف كل شي تغير حبيبي كيف . . سبحان الله . . حبيت اخوك حب كبير . . وحبيتك حب نسيت فيه اخوك حتى . . شكثر احبك . . شكثر ماقدر على بعدك . . شكثر اعشق حنانك وكل شي فيك . . سيف يفتح عينه بتعب : بسج وانتي تطالعيني ونامي . . " غمض عينه وفثواني رقد بعمق " مهره : هههه فديت التعبان " بصوت واطي " نوم العوافي . . "تقربت منه باست خده وحطت راسها ع صدره وتلحفت عدل ونامت " . . . حصيص تبتسم : لا الحمدلله ما قالتلي شي . . ناصر : انتي خوافه قلتلج ما بتقولج شي . . تحبني امج اصلا حصيص : هيه وايد صراحه ههههههه ناصر : تطنزين . . حصيص تثاوب : لا . . ناصر : تلمحين لي يعني تبين ترقدين حصيص : هيه طبعا . . ناصر : انزين . . باجر بخلي امي ترمس امج وتخبرها عن اتفاقنا فالعرس حصيص : عادي انا بخبرها . . ناصر : بعد بنمر عليكم باجر . ." يبتسم " عشان نحدد موعد الملجه والعرس واسلمج مهرج حصيص : متى بتخلي الملجه ناصر : متى ما تبين انتي . . حصيص : عادي عندي ناصر : لو بايدي اخليه باجر . . حصيص : هههههههههههه ناصر مبتسم : بشوف الكبار شو بيقولون . . حصيص : خلاص اوكي ناصر : تغطي عدل . . ولا تشغلين مكيف الجو بارد حصيص : اوكي . . انت وينك الحين ؟ ناصر : ف الغرفه . . زين ان سلطان رقاده ثجيل سلطان : فعيييييييييينك . .اترياك تحشم وتبند عشان تخليني ارقد حصيص + ناصر : هههههههههههههههههههههههههههه حصيص : يالفشله ناصر : عنلاته الهرم سمع كل سوالفنا حصيص تبتسم: زين ما قلت شي غريب انته ناصر : تبيني اقول بقول سلطان : لا تقوووووووول لاني بصمك بكس بطيرك صوب بيتهم حزتها ناصر : يا ليت الصراحه سلطان : نصور عن المصخره ياخي بند خلنا نرقد ناصر : اوكي اوكي . . يالله حياتي عيل . . تصبحين على خير حصيص مبتسمه : وانته من اهله . . ناصر بصوت واطي : احبج سلطان : حبتك القراده ناصر يفره بمخده : ياخي سو عمرك ما سمعت . . سلطان ابتسم . . ومسك فونه ناصر : يالله فديتج . . حصيص : فمان الله وبند . . ناصر :ذبحتنا تبا ترقد وماسك فونك ؟؟؟ سلطان عقب ما طرش المسج : ودرته برقد الحين . " ويتلحف عدل " دخل منصور بملامح معدومه . . شافه ناصر وانتبه له سلطان بس مول ما رمسو . . لان شكله كان باين عليه مول ما يبا يرمس . . طاح ع السرير وتلحف وصد الصوب الثاني . . . . . عذاري تشوف المسج وابتسامتها شاقه الحلج وطرشتله " وانا بعد احبك " . . . محمد شاف سيارتها تبركن حذال سيارته . . شاف الوقت . . دقتله . . محمد : ساعه ونصصصصصص اترياج فيها . . تناهيد : محد قالك . . محمد : تعالي ركبي عندي . . تناهيد : انت انزل اركب عندي محمد : يلا خلصيني تعالي تناهيد : مش ع كيفك !!! اركب انت . . محمد بند السياره وسار صوب سيارتها وقعد جدام . . تناهيد تطالعه : نعم حمود شووه ؟ محمد يطالعها عين بعين ويحس قلبه يدق . . على طول حطا ايده ع قلبه . . تناهيد شافت الحركه . . محمد : ليش . . تناهيد عاقده حياتها محمد : يوم اشوفج قلبي يدق . . تناهيد تغيرت ملامحها وبلعت ريجها وصدت الصوب الثاني . . محمد : توقعت اني اتوهم . .توقعت لاخر لحظه انج مجرد عابر سبيل دشيتي حياتي بالغلط وبتطلعين تناهيد تطالعه : وهذا الصدق . . محمد : بس قلبي يدق يوم اششوفج . . قلبي صار ما يدق لحرمتي تناهيد بعصبيه : لانك خايس ومافيك احساس . . مسكينه عنود شو ذنبها محمد : وقلبي شو ذنبه . . انا ماجبرته ينبض لج اصلا .. تناهيد تطالع سيده : انزل من السياره محمد بصوت عالي : طالعييييييييييييييييني . . تناهيد تروعت واطالعته . . محمد يمد لها ايده : شوفي ايدي كيف ترجفففففففف . . تناهيد بس تطالعه ما تتكلم . . محمد : مش بالمده الكبيره الي عرفتج فيها عشان يصير جي .. تناهيد تتنهد : انزل من السياره الله يخليك . . رد حق حرمتك الفقيره . . والله مسكينه ما تستاهل محمد يطالعها عين بعين بدون ما يتكلم . . تناهيد : ليش تبحلق فيني " عاقده حياتها " محمد : وين كنتي ؟ ليش كاشخه هالكثر تناهيد : كنت عند ربيعتي !! محمد يشوف الوقت : لين هالحزه ؟ تناهيد : هيه . . محمد : اهلج ما يقولون لج شي تناهيد تبتسم : انا ماعندي ام وابو . . محمد : شوو " عاقد حياته " شو تقولين . . تناهيد تبتسم : اقولك كلام بيخليك تودرني على طول ؟ اقولك كلام بيخليك تصدني وتفتك وترجع لعنود وانت تزحف ؟ محمد يطالعها . . تناهيد : انا بنت حرام . . محمد ما يتكلم بس يطالعها . . تناهيد : انا لقيطه . . محمد عاقد حياته : شووو . . تناهيد : انا لقيطه ! محمد يشوفها باستغراب . . تناهيد تبتسم : كنت مفروره عند بيت الحرمه الي انا عايشه عندها الحين . . اسميها امي . . لانها هي الي شلتني ورضعتني واهتمت فيني .. يعني هاي امي بالرضاعه الي انا عايشه عندها . . واتقبلتني مع اني بنت حرام . . والي فروني عندها يعرفون انها طيبه محمد مش مستوعب ومايتكلم . . تناهيد : الي ربتني كانت توها مربيه ويايبه ولد . . وعلى حظي يييت في وقت مناسب حق الرضاعه . .ف مادري بيعتبر اخوي بالرضاعه ؟ ولا ماعرف شو موقفي بينهم للحين . . محمد : وزوجها وين . . . تناهيد : توفى وهي حامل ب الشهر ال6 محمد : منو يصرف عليج . . " يطالعها بنظرات عذاب " كيف عايشه تناهيد : الحمدلله ريل امي ترك خيير عيشنا مستورين طول هالفتره . . واخوي اذا يتسمى اخوي " تبتسم " بعد مش مقصر . . محد حسسني اني بنت حرام محمد بلع ريجه وتساند ع السيت . . تناهيد : مش هالكلام كافي عشان ترجع لحرمتك ؟ " تبتسم " حتى لو قصدك شريف وتبي تتزوجني او شو ماكان هدفك . . فكر انك مستحيل تتزوج ب لقيطه . . ماتعرف اصلها ولافصلها . . اعرف هالشعور محمد بعذاب مسك ايدها . . تناهيد من مسك ايدها نزلت دموعها ووخرت ايده وصدت الصوب الثاني : يا زفت لا تلمسني . . محمد يرد يمسك ايدها : صيحي طلعي إلي بقلبج . . تناهيد تطالعه وتنزل دموعها : مابا اصيح .. الصياح ما بيغير الي انا فيه . . غلطه ما ارتكبتها !! ارتكبوها طايشين اثنين وانا الضحيه !! انا الضحيه اتحمل هالشي طول ما انا عايشه . . لا اقدر اتزوج " تبتسم " ولا اقدر اييب عيال ويتشرفون فيني . . ولا اقدر اصادق حد . .ولو صادقت حد لازم انكر شخصيتي . . ياما خسسسسرت يا محمد يامااا . . لا تخلي حرمتك تفقدك . . ارجعلها انت ما بتستفيد شي مني محمد : بس انا . , " يطالعها " احبج . . تناهيد صدت وتمت مذهوله من الكلمه . . تحس قلبها بينفجر من مكانه لما قال جي . . بلعت ريجها وارتبكت وصدت الصوب الثاني . . محمد : قوليلي . . قوليلي لو تكنين لي مشاعر حتى لو بسيطه . . قوليلي تناهيد تغمض عينها : ارجع حق حرمتك يا محمد ارجع . . محمد يمسك ايدها : صدي وطالعيني دخيلج . . خبريني الي تحسين فيه تجاهي . . تناهيد تطالعه : ولو قلت . . هذا شو بيغير من الموضوع محمد شووو محمد : محتاج اعرف تناهيد : بسسسس ّ!!! محتاج تعرف ؟ وانا شو موقفي . . شو الفايده اعبر عن مشاعري شو الفايده . . اتركنننننني خلاص وارجع لبيتك و ولدك . . مش محتاج وحده مثلي في حياتك . . انا غلطت . . انا غلطت اصلا يوم رضيت اطولها معاك . . ماكان لازم اكمل وياك وانا اعرف انك متزوج . . انا الي علقتك فيني محمد : انتي مالج دخل . . انا الي كنت ادقلج واكلمج . . انا كنت الي احتاجلج .. عمرج ما احتجتي لي ولا لجئتي لي في شي اصلا . . كنتي لي العون والسند الي انا محتاجنه . . خليتيني اصبر على حرمتي . . واسيتيني بدالها وانا ماكان عندي حد كنت بموت تناهيد : دامني خليتك تصبر على حرمتك . .ارجعلها الله يخليك . . لاتكسر قلبها . . محمد : وانا ماقدر احس بشي تجاها . . والله ماحس بشي افهميني . . ابغي اعرف مشاعرج تجاهي دخيلج انطقي تناهيد تطالعه . . محمد : قولي . . قووولي دخيلج تناهيد : ما اكن لك اي شي . . محمد : جذاااابه . . طالعيني عين بعين وقوليلي اني ما اعنيلج شي . . تناهيد تطالعه عين بعين : انت ما تعنيلي ولاشي . .مجرد نزوه . . وانا ندمت اني كلمتك اصلا . .لاني ماستفدت شي منك . . كنت مثل الهم الكبير علي . . كله تتشكى محمد ساكت . . تناهيد : عمري ماحطيتك في بالي وشفتك بنظرة انك ريال ممكن انجذب لك . . كنت بالنسبه لي شخص ما يهمني ان كان ذكر ولا انثى بس اكلمه وخلاص محمد يصد الصوب الثاني . . تناهيد : على فكره . . انت مش الوحيد الي اكلمه . . انا وايد اكلم غيرك محمد مصدوم يطالعها . . تناهيد : يعني معقوله واثق بوحده مثلي ؟ بوحده يايتنك بهالوقت الله يهديك ومركبتنك السياره ؟ انا وايد سويتها . . وهالشي ما راح يرضيك . . ف انا واضحه معاك من البدايه محمد اطالعها عين بعين وعطته نظرة عين بعين . . تناهيد : تبي تسمع اكثر ؟ تبي تسمع اني مش عذرا اصلا . . محمد انصعق . . تناهيد تبتسم . . بطل محمد باب السياره ونزل بسرعه وركب سيارته وحررررك وراح بعييييييييييييييد . . بهمه بضيقه بافكاره بكل شي صار معاها . . اول ماراح . . وتاكدت انه راح . . جمعت راسها صوب السكان وتمت تصيح بعذاب . . تناهيد : انا صح بنت حرام . . وصح اني لقيطه . . لكن والله العظيم انت اول ريال دخل حياتي . . انا مش وصخه ولا لوث . . انا بعدني بنتتتتتت . .انت الريال الوحييييد الي كلمته . . عمري ما كلمت ريال يا حمود والله ما كلمت ريال الا انت . . . انت اول شخص شاركني مشاكله ووهمومه وو وثق فيني اني امينه ومافشي السر . . اول شخصص حسسني اني مهمه ووممكن يعتمد علي . . اول شخص "تنزل دموعها بغزره " دخلني حياته بتفاصيلها . . " تبلع ريجها بعذاب " وانا بعد احبك . . والله حبيتك . . من شاركتني همك وانا متعلقه فيك . . لكن . . مالنا مستقبل مع بعض يا محمد . . سامحني ع الجذب الي جذبته . . بس كان لازم تسمع كلام قوي عشان ترجع لحرمتك . . حرمتك مالها ذنب تنحرم منك " ابتسمت بعذاب " مع السلامه حمود . . مع السلامه للابد يا اول واخر شخص ادخله في حياتي . . انا طول عمري المفروض اتم وحيده . . محد يبتلش فيني . . . . . |
| الساعة الآن 04:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir