|
البارت الـ 185 ناصر يبتسم ويرد ع الفون : لحظه شوي . . مهره عاقده حياتها : منو ناصر : رياال ! انزلي يلا مهره : نصور ناصر : انزلييي يلاااا . . مهره نزلت : مالت انزين . . ناصر يبتسم ويحرك السياره : دقيتي يعني ها . . حصيص مبتسمه : شو هالحركه الي سويتها ناصر مبتسم : خيير اي حركه مافهمت حصيص : يا عننززززززززززززززززززززززز " تبتسم " فرحتتتتت ناصر : صدق حصيص : والله وايد فرررحت ماتوقعت ناصر : يعني تبيني حصيص : لو ما اباك جان ما وافقت ناصر يبتسم : شفتي انج داقه وانتي راضيه روحج حصيص : اكيد هالخبر بيخليني ارضا وما ازعل اصلا ناصر : واخيييرا الحلم بيتحقق حصيص تبتسم : . . ناصر : خبريني متى تبين العرس حصيص : هاه ناصر : شو هاه خبريني عشان اخبرهم . . اكيد اميه بترمسني فالموضوع الحين وانا راد حصيص : عادي كيفك ناصر : يعني عادي عندي حصيص : هيه ناصر : عقب اسبوع ؟ حصيص : لااااا والله ناصر يبتسم : قولي عيل متى حصيص : ناصر مابا عرس ناصر : ليش ؟ حصيص : انا مطلقه مش حلوه بحقي اسوي عرس ثاني ناصر : شعليج من الناس انتي ؟ حصيص : مابي وبس ناصر : لا بنسوي عرس اسمحيلي . " عقب تذكر ان ام سيف متوفية وبما انها ربيعه امه مستحيل امه ترضى يسوون عرس " ناصر : اف صح نسيت . . امي ما بترضى بعد عشان ام سيف حصيص : هيه صح . . . ناصر عاقد حياته : عذاري بس بتسوي عرسها ف صاله . . كيف حصيص : عذاري بتسويه فالصاله ؟ ناصر : ليش ما قالتلج ؟ حصيص : ما اتناقشنا لان اخر مره امك قالت ماشي عرس ب صاله . . وعقبها عذور اشتطت ف مادري الحين بتسويه ولا ناصر : انا بروحي مادري الي اعرفه انها بتسويه ف صاله حصيص : ما اظن امك بترضى ! ناصر : شو امك وامك . . خلاص قولي عمووه . . حصيص قفطت : سوري . . ناصر يبتسم : اسولف حصيص : لا صح عيب لازم ما اقول جي ناصر : هههههههههههه عادي حبيبي خذي راحتج حصيص استحت اكثر . . ناصر : اسف اسف لازم اتهور عقب العرس هاه حصيص : خلاص بند بتصل ل عذور . . ناصر : ليش حصيص : عشان نخلي العرس مشترك لو بتسويه ف صاله . . ناصر يبتسم : حلوو . . حصيص : يالله بيباي ناصر : لحظه ؟ حصيص : ما بقولك لا احبك ولا شي . . يالله باي وبندت ناصر ابتسم : افا . .بندت والله . . كنت بقول بس تعالي اليوم !! . . . مهره دشت البييت وواول ما دخلت غرفتها دقلها سيف . . سيف : وينج مهره : توني داخله البيت سيف : عقب اذان المغرب جهزي حالج وبمر اشلج . . اباااج ملكه اليوم " يبتسم " ابا الكل يحسدني . . مهره : اعوذ بالله من الحسد . . " متلوعه " سيف : بلاج . . مهره : لحظه . . . احسس .. .برجع حطت التلفون ع الطاوله وسارت الحمام وتمت ترجع . . عقبها ب دقايق طلعت وتحس بتعب . . سارت صوب الفون وشلته . . مهره : الو . . سيف : خووووووووووووووووفتيني والله العظيم كنت ياي الحين البيت مهره تحط ايدها ع راسها وتطيح ع السرير . . سيف : شوو تحسين طمننيني مهره : تعب . . سيف : تمي مغمضه ارتاحي شويه مهره تحط ايدها ع بطنها : تعبتني هالبنيه سيف : فديتها . . ماعليه تحمليها شويه " يبتسم " حبيبتي هذي مهره : لا والله . ؟ وانا ؟ من الحين بتبدا جي سيف : ياويلي . . بتغارين من بنتج حبيبي مهره باندفاع : لا طبعا . . سيف : انتي الغاليه . . وهي بنت الغاليه مهره تبتسم : لازم تربطها فيني . .كل ما بتوصف غلاها قول جي . . لا تخليني منفرده عني سيف : هههههههههه ليش ؟ مهره : بس كيفي سيف : ما تبين تسمعيني اقولها حبيبي وحياتي وعمري . . مهره : . . سيف : يعني تبيني اقول مهره حبيبتي وهي بنت حبيبتي . . مهره حياتي وهيه بنت حياتي . . مهره : هيه جي حلو . . سيف يبتسم : ان شاء الله من عيوني مهره تبتسم : صدق بتم تقول جيه ؟ سيف : بتم اقول جيه . . ها الي تبينه ؟ مهره تبتسم :هيه . . سيف : خلاص تم . . مهره : وينك الحين ؟ سيف : ما بقولج . . بس بعد صلاه المغرب اباج تكونين زاهبه فاهمه . . مهره : ان شاء الله سيف : ما بترياج ولا دقيقه . . لا تقوليلي 5 دقايق مهره : انزين سيف : عفيّه .. مهره : يالله عيل خلني اسير اترتب . . سيف : زين حياتي . . " يبتسم " بيكون يوم حلو مهره : متحمسسسه سيف : يالله ما باقي شي . . . مهره تبتسم : خلاص فديتك . . سيف : يالله حياتي . . فمان الله مهره : فمان الكريم . . وبندت عنه . . . |
البارت الـ 186 مثل ما خططت مهره قبل . . راح تلبس لبس بنفسج . . البنفسجي كان لبس استرج مرتب ع الجسم بدون اكمام . . مع كريستال فصوص بسيطه ع الاطراف . . لبسته ولبست معاه طقم ذهب ابيض خفيف مع الشغاب والسويره والخواتم و لبستلها ساعه اقـنر . . رسمت عيونها بالجحال الاسود وحطت خط بسيط فيه لمعه بيضا فوق العين مع مسكره بنفسجية . . حطت قلوووس خفيف ياي ع الوردي . . لمت شعرها كله ع فوق وخذت لها كعب قصير اغمج من لون اللبس . . بعد صلاه المغرب . . . سيف يدق الباب : جااااهزه ؟ يدخل . . مهره تبتسم : جاهزه . . سيف يطالعها من فوق لين تحت وهو يصفر . . مهره تبتسم : حبيتني ؟ سيف يتقرب منها ويبوس ايدها بحنان : الله يحفظج . . مهره : وين بتوديني . . سيف يطالعها ما يتكلم . . مهره ادق صدره : ارمسك . . سيف : يعني ماتخلين الواحد يشوفج ع راحته ؟ مهره : منو الي قال لي كوني جاهزه ومابااج تتاخرين . . انت الي اتاخرنا الحين . . سيف يتقرب ويبوس يبهتها بحنان : الله لا يحرمني منج ومن هالدلال كله . . مهره ابتسمت . . سيف ابتسم : يالله لبسي عباتج خلينا نروح . . اووه صح تذكرت . . مهره تطالعه . . سيف طلع شنطه صغييره وحطا فيه كم لبس وكم غرض بسيط حقه . . مهره عاقده حياتها سيف : يالله شو تترين حطيلج شي زياده حق ليله وحده . . مهره :ما قلتلي قبل سيف : لاني اعرفج ما بتخلين شي ما بتحطينه فالشنطه . . حطي شي بسيط . . حق ليله بس . . " يبتسم " شي ترقدين فيه يعني .. وشي تردين فيه باجر . . مهره بطلت الكبت وتمت تختارلها كم شي وحطته فالشنطه . . شوي بدت تزيد عطور . . شوي بدت تزيد كريمات . . شوي بدت تزيد اكسسوارت سيف : بسسس . . سار صوب الشنطه وسكرها . . : ما بتخلصين انتي ادريبج . . يالله امشي . . مهره : انزين اتريا سيف : ماااااااشي يالله البسي عباتج خل نروح . . مهره : ياربي منك . . لبست عباتها وشيلتها وطلعت معاه . . بطل الباب الوراني وحطا الشنطه وعقبها . . بطل لها باب السياره : تفضلي سينيوريتا .. مهره : ههههههههه ياويل حالي . . جان زين كل يوم تبطل لي الباب سيف عاقد حياته : ليش كنتي تبين اني ابطل لج الباب يعني مهره تبتسم : هيه يعني حلو الشعور وجيه سيف : ههههههههه وليش ما قلتي مهره تعض شفايفها بحيا : استحي بعد شو سيف يتقرب منها : تستحييين . . مهره : روح روح اركب . . ويايه تركب بس مسك ايدها . سيف : تشوفين عيوني . . مهره تطالعه بتمعن . . ياشر ع عيونه الهنتين . . مهره تبتسم : الله يحرسهم لي . . . سيف : يالله اركبي . . مهره تطالعه . . سيف : شفيج . . مهره تمسك ايده وتحطه ع قلبها . . سيف : فديييت هالنبض . .ليش حبيبي ليش تنبضين بهالسرعه مهره : خايفه . . سيف :من شو خايفه .. مهره : من ها كله . . سيف : . . مهره : اخاف يكون حلم . . او صفعه او ماعرف .. سيف يبتسم ويحط ايده ع ويهها : مش حلم . . انا قاعد اعوضج ب قد ما اقدر بس . . مهره : الفرح الي انا فيه وهالاحساس اخاف يذبحني . . ااخاف اموت منه سيف : بعيييييييييييد الشششر عنننننننج .. . مابا اسمع هالرمسه مهره : احسه حلم . . احس خايفه اقوم منه وو . . سيف : اشششش . . هذا واقع . . " يبتسم " هذا واقع . . وكاني انا ماسك ايديج . . واحط ايدي ع ويهج . . " يتقرب منها وايد " وتسمعين انفاسي . . . صح ولا لاء ؟ مهره تطالعه : صح . . . يايه تنزل دمعه منها بس ع طول حطا سيف ايده ع عيونها : لا حبيبي . .لاتخربين هالجمال كله بدمعه . . تراج تخوفين يوم تصيحين . . مهره : هههههه |" بوزت " سيف : ههه فوديته انا " يبوس يبهتها " يالله اركبي . . ابتسمت وركبت السياره . . وسكر الباب وعقبها راح يركب السياره . . مجرد ما ركب حطت راسها ع جتفه ومسكت ايديه بالقو . . ابتسم سيف وحرك السياره . . . . . حصيص : هلا عذور وينج ؟ عذاري : عند باب بيتكم تعالي يلا حصيص : نعم ؟ عذاري : يالله عندج دقيقتين بس تجهزين فيهم . . انا رمست امج وخذت موافقتها بسرعه خلصيني حصيص : وين بنرووووح عذاري : باجي دقيقه و40 ثانية حصيص : باي باي يلا . . وبندت . . عقبها ب 5 دقايق يت . . انصدمت يوم شافت سياره ناصر . . ركبت ورى على طول وويوم فجت الباب شافت عذاري يالسه ورى . . عذاري : روحي روحي جدام خلصيني . . ركبت حصيص ورى وسكرت الباب : ماباا . . ناصر يبتسم : برايه خليها تستحي . . وحرك السياره . . عذاري : مالت عليج انا لو مكانج استغل الفرصه صدق غبيه ناصر : قلتيها تراج غبيه . . حصيص تطالعه : مشكور . . عذاري تبتسم : شحالج حصيص : بخير . . وين بتودوني ؟ ناصر : خاطفينج حصيص : جد عن الاستهبال وين بتودوووووني ناصر : بتعرفين يوم بنوصل . . يالله عذور ناقشيها . . عذاري : شوفي انا اخر مره ناقشت امي فالموضوع كان ردها . . > < ام عبدالله : قولي حق ريلج يأجله لمده سنه ولا عرسو بدون دق وحفله عذاري بصدمه : شوووه . . امايا شو تقولين . . ؟؟؟؟؟ روضة : امايا ام عبدالله بعصبيه : شوه ؟؟ تبين تسوين حفله وعرسس والحرمه توها متوفيه عذاري : بس امايا ام عبدالله : لابسسسسسسسسسسس ولا شششششي . . يا تاجلون سنه يا عرسي بدون حفله بدون عزايم . .يييج ريلج ويشلج . . عذاري : بس امايا انا ابا البس فستان ابيضضضضض عذاري : هكي اختج مهره لا لبست فستان ابيض ولا شي .. حفله بسيطه فالبيت وسارت . . وروضة عشان خالد رحمه الله عليه نفس الشي . . يلا انتي قدري حرمه توها متوفيه ربيعت امج من عممممر مهره تطالع عذاري وعذاري نشت بحزن وصعدت فوق . . > < عذاري : هاتي اذنج بكمل لج السالففه ناصر : وليش ماتقولين بصوت عالي عذاري : سوالف بنات ياخي !!!! ناصر سكت عذاري : شغل الراااايو عشان اضمن انك بالمره ما تسمعنا شغله ناصر وطول عناد . . عذاري : هي جي اوكي . . عذاري بصوت يادوب تسمعه حصيص : الله يسلمج عقب ما اتضايقت اتصلت في سلطان وو < < > عذاري دقتله وتمت تصيح . . سلطان : بلاج اتكلمي طيحتي قلبي عذاري : امايا تقولي عرسي بدون حفله ولا دق ولا شي سلطان : ليييييييش ؟ عذاري : عشان ام سيف سلطان : ونعم الشور . . عذاري : شووووووو سلطان : هيه . . بلا مصاريف احسن . . عذاري : سسسسسسسسسسلطان سلطان مبتسم :عيون سلطان عذاري صخت ومسحت دموعها . . سلطان : بلاج غناتيه . . انتي تبين العرس ولا تبيني انا ؟ طلعت نواياج اعترفي عذاري : اباك طبعا وابا العرس بعد . . خاطري ألبسسسسس الفستان الابيض سلطان : بتلبسينه عندي . . عذاري : شو الفايده الناس ما تشوفه سلطان : انا اشوفه . انا اغني عن الناس صح ولا لاء > < عذاري تبتسم : يعني سوي شراتي والبسي فستان ابيض وخلي اخوي يتمتع فيه واهاليتنا . . حصيص : حق شو هالقصه كلها انا اصلا عادي عندي عذاري : نعم ؟ يعني انتي ما كنتي مشتطه ع الصاله حصيص : لا انا عادي عندي عذاري : واااااااي تعبت روحي ع الفاضي . . اوني اقنعج حصيص : هههههههههههه عذاري : ترى ماشي وقت . . باقيلج 3 اسابيع ونص لو تبين تزهبين حصيص : 3 اساااااابيع عذاري تبتسم : ونص حصيص : ما يمدي عذاري : عيل اجلي حصيص : لالالا اباه يكون معاج . . بجتل عمري هالفتره بستعيل شو بسوي بعد عذاري : وانا بتصل بحجز لج معاي عند نفس الي بتعدلني . . بقنعها . . حصيص : حلوو . . عذاري : وبالنسبه حق العرس . . بيكون في بيتنا . . لان حوينا اكبر عن حوييكم . .ف بنسويه ف بيتنا . . وبرتب كوشه صغيره مع اضائات وجي . .وبخلي بينا حاجز عشان ترومين تاخذين راحتج ويا ناصر يوم بي . . انتي اطلعي الاولى للناس وانا عقبج حصيص تقاطعها : عذوور . . ترا امج ما تبا تسوي حفله عوده بلاها ها كله . . يعني خلينا رسميين شوي دام ان بس اهلي واهلج وبس الاقارب الي من قريب مش من بعيد يعني ماله داعي عذاري : تقولين يعني " تبوز " ابا عرس شوي حقيقي . . ابا سلطان يبوسني ع راسي ويبطل الطرحه حصيص تبتسم : انزين انتي قوليله بينج وبنيه خ يسويها .. عذاري : مش حلو جي حصيص تبتسم : خذي برايي . . امج ما بطيع نسوي كل ها لانها بعد بتكون حفله عوده . . عذاري : عيل شو . . حصيص : خليها حفله بسيطه . . وعشا للاهل . . وانا وانتي كل وحده بغرفه نتصور ويا رياييلنا . . عذاري : مع اني ما حبيت الفكره وايد لكن اعرف ان امي بتقتنع بفكرتج . . ما بتخليني اسوي الي براسي . . حصيص : فديت افكاري . . عذاري : جب . . " تعلي صوتها " خلاص بنده خلصنا السالفه ناصر طنشها . . عذاري : ههههههههههه اونه معصب حصيص مبتسمه : خليه وقوليلي وين رايحين نحن ؟ . . |
؟ . . . البارت الـ 187 محمد : اقولج ابا اشوفج الحين . . تناهيد : انت لا تصارخ لا اصمك كففف . . قلتلك ما اقدر اطلع مالي خلق محمد : لا تستهبلييييييييييين اقولج ابا اشوفج الحين عندي رمسه لج . . تناهيد : شوو قول . . محمد : يوم بشوفج بقولج تناهيد : افف . . محمد : الحين . . تناهيد : انا في بيت ربيعتي محمد ماقدر الحين . . محمد : ماعليه اطلعي عنها شوي وعقب رديلها . ! عطيني العنوان انا الحين ياي . . تناهيد : اسمع !! باجر الحين وايد صعبه . . باجر بشوفك وخلاص محمد : استغفر الله تناهيد : والله بشوفك باجر خلاصصص محمد : . . تناهيد : حلفففففت ! محمد : بنشوف . . يالله خلج ويا الهبله الي وياج تناهيد : هبله اتعرف منو . . امك اوكي ؟ وبندت . . محمد ابتسم . . : والله محد اهبل غيرج . . تنهد وسار صوب الباقي ! . . . مهره : وين يايبني ؟ سيف يبتسم ويبركن السياره : مستعده ؟ مهره تحط ايدها ع قلبها : امييه زايغه . . سيف يبتسم : مافي شي يزيغ . . راح صوبها وبطل لها الباب . . سيف : يالله . . تنهدت ودشت معاه المنتجع . . كان سيف حاجز فله كبيره ! دشت الفله . . مهره : ليش مسكر الليتات ؟ سيف ماسك ايدها بقوه . . مهره تمسكه اكثر : سيف ؟ سيف يوخر ايده عنها وهي تمسكه اكثر : شفيك . . ناوي تذبحني ؟ سيف هدا ايديها وهي متروعه موت من هالظلام . . مهره :سيف لا تستهبل انا حاااامل . . سيف وين رااااايح . . حست انها اختفى عنها ماصار قريب !!! مهره : انا حامل لا تخرعني اكثر عن جي بموت . . خاف يوم قالت جي . . وجابلها على طول وبصوت واطي : انا اهني لا تخافين من شي . . مهره ترجف : انا ماحب المفاجات الي جي . . اخاف خلاص شغل الليت . . الكل يصارخ وينقعون البوكسات الي فيها اوراق ملونه منثورة . . اضاءه شموع تتقرب منها وناس ما تشوف ملامحهم عدل يغنون بصوت عالي الكل : هابي بيرررررررث دي تووو يوووو . . هابي بيررررررث دي توووو يووو . . يتقربون منها وبدت تشوف ملاممحهم وهي تبتسم وترص على ايد سيف بقوة وتطالعه وانصدمت يوم شافت الي ماسكه ايده بقوه هو حمد . . حمد يبتسم : كل عام وانتي بخير .. مهره فجت ايدها عنه بسرعه . . سيف يبتسم وهو شال الكيكه : يالله طفي الشموووع . . مهره ترتجف بعدها : شو هالحركات الله يهديك سيف : يالله طفييييييييها عذاري : يالله لا تتفلسفين قاعدين نتتتتتريا منصور : يالله مهووووووووووور ناصر : جب خلوها تاخذ نفسسس مهره طفت الشموع والكل قام يصفق وشغلو الليتات وهي عينها بس ع سيف . . عينها تبرق بفرح . .ب كلام وايد ما ينوصف ولا يطلع . . منصور : بما انه سيف تعنى وسوا بارتي قلنا لازم نيب لج هديه . . مهره تبتسم : ما كان له داعي . . منصور يبتسم ويبوس راسها : كل عام وانتي بخير . . مهره : وانت بخير فديتك . . ومدالها بكس صغير فتحته وكان خاتم يبررق . . مهره : ماكان لازم اتعب روحك . . منصور يبتسم : ولو . . عذاري تمد لها باقة ورد : بما انه ماكان عندي وقت . . ف سامحيني ع الهديه البسيطه . . هاي مني انا وحصيص . . مهره تبتسم وتبوسها : حياتي والله حصيص تباركلها : كل عام وانتي بخير مهره تبتسم : وانتي طيبه فديتج . . " تطالع سيف . . تبي تروح له " حمد يجابلها : مهره |. . مهره تطالعه وتبلع ريجها : حمد حمد يبتسم : سوري . . بس خفت عليج علشان جي تقربت ومسكت ايدج خفت يصييرلج شي . . مهره تبتسم : مش مشكله . . حمد : احترت ماعرفت شـ شو اخذ لج . . لكن قلت في هديه وايد بتحبينها وبتستانسين عليها واكيد انج بتتمنينها تكون موجوده . . مهره عاقده حياتها : شو الهديه . . حمد يتحرك .. كانت شوق وراه . . مهره تصارخ : شووووووووق . . يتحاظنون . . شوق : كيف افوت هالبارتي كيف مهره : حياتي والله . . عمري " تحظنها بحنان " فديتج والله فرحت . . تطالع حمد : مشكووور . . والله وايد فرحتني . . حمد يبتسم ويروح عنها . . ناصر : اوووختي مهره : هههه اخي . . ناصر يبتسم : هديتي لج مشتركه مع سيف . . مهره تبتسم : هالمنتجع يعني ناصر : لا . . شي ثاني مهره : شوو قول لي . . ناصر : بيخبرج سيف . . " يبوس خدها " العمر كله اختي . . مهره تتبتسم : تسلم حبيبي . . سارت مهره صوب امها كانت قاعده ع الغنفه . . ام عبدالله : سامحيني يا اميه ركبي تعورني ما رمت اقوم وياهم مهره : محشومه امايا انا اوصلج مش انتي . . تبوس راس امها . . : انتي اروع شي في حياتي يا امايا .. ام عبدالله : هديتي لج اني يييت . . انا بالقو رضيت ايي اهني مهره : ههههههههههه منصور يضحك : احمدي ربج رضت سلامه : مهره ؟ منصور بلع ريجه وصد وشافها . . سلامه اطالعت منصور نظرة . . منصور اتحرك بسرعه وسار صوب الباقي . . سلامه تبتسم : كل عام وانتي بخير . . مهره تبتسم : وانتي بخير سلامه : بما اني ما طلعت ولا يعني حد وداني اخذلج شي ف بعطيج هذا . . " تمدلها بوكس " فتحت مهره البوكس وشافت فيه قرآن . . مهره تبتسم : يزاج الله خير . . ماقصرتي . . وانا دوم بقرا منه عشان تكسبين اجر . . سلامه تبتسم . . محمد يدش : السلام عليكم حمد : توا الناس محمد : سوري ع التاخير سوري . . عنود : يييت في وقتك .. محمد يركض صوب مهره ويمدلها هديه مغلفه : كل عام وانتي بخير عزيزتنا صاحبه الحفل الكريم . . مهره : هههههه وانت بخير حمود . . عنود تبتسم : مهور ترا كل شي من اختتياري وذوقي . . هو بس دفع محمد : يعني الهديه مني مهره : هههههههه تعبت وانا اضحك وشاقه الحلج ارحموني . . جسوم يركض : عموووه مهره تنزل له : عيون عمووه جسوم : وفوووي تعالي يلااااا وفوي طلعت من الحجره ووراها فهد ووروضة .. يت وفوي وشاله الهديه : انا ييييييييت مهره : حبيبتي انا شو هذا وفوي : كااااكاااااو . . فهد : هيه جوكليت لكن طلب خصيص من برع . . يعني جوكليت بتدمنين عليه . . روضة : فيه انواع وايده وايد حلوه . . اسمحيلي ع الهديه بس احترت ماعرفت شو اييب لج مهره : والله تعبتو نفسكم . . مول ما كان له داعي . . سلطان وعبدالله يدخلون . . عبدالله : اكيد فاتنا وايد . . ناصر : اووب فوتو كل شي . . منصور يطالع سلطان : وين كنت . .. سلطان : انا كنت واصل بدري بس انا الوحيد الي طلعت ضحيه بايد اخوك عبدالله يبتسم : شسوي ربيعي شل سيارتي احتايها ضروري . . وهو الوحيد كان ما واصل قلتله يمر علي . . سلطان يطالع مهره : كل عام وانتي بخير . . مهره : وانت بخيير سلطان " تبتسم " سلطان : اسمحيلي ماعرفت شو اخذ هديه . . لكن بخلي عذاري تساعدني وبتوصلج ان شاء الله مهره : لا سلطان والله مالي داعي . . لا تكلفت ع روحك . . سلطان : مافيها كلافه ولو . . عذاري شهقت : بسم الله انت كيف يييت . . سلطان مبتسم : بسيارتي . . مهره تطالع عذاري : يالله استلميه . . مشتاقتله ومشتاقتله . . بردي شوقج هههه تروح صوب عبدالله وتسلم عليه . . عبدالله : كبرتي ع الحفلات . . انا كنت معارض صراحه الفكره بس ريلج راسه يابس . . مهره تطالع سيف : ادريبه . . عبدالله : وبما اني ما اؤيد هالخرابيط ترا ما يبتلج شي ولا بيب لج شي مهره : هههههههههه مشكور مابا شي . .تسدني شوفتكم كلكم والله . . تبتسم مهره وتروح صوبه . . . . |
. . . البارت الـ 188 مهره مبتسمه : شو هذا كله . . . سيف مبتسم ويبوس راسها : هذا ولا شي حبيبي . . مهره فاجه عينها : كل هذا ولا شي ؟ كل هذا ولا شي ؟ هذا كل شي والله العظييم . . سيف : مستانسه .؟ مهره :وايييد . . مستانسه موت والله العظيم . . سيف : حياتي انا فديتها الي مستانسه وايد . . " يبوس يبهتها " مهره تحط ايده ع بطنها . . سيف يبتسم . . مهره : حتى هي تشكرك لانك فرحتني . . سيف : كل اايامج بتكون افراح ب افراح حبيبي . . مهره تبتسم : احبك وايد انا والله . . وتقربت منه وحظنته بقووووه . . الكل صد ولاحظ . . لدرجه ان سيف كان مجابلنهم ويطالعونه وهي بس منخشه ف صدره محد يشوفها ف كان وايد قافط و وايد مفتششل لاول مره جدام الاهل كلهم . . تمو الشباب يلعوزون ويصفرون والبنات يضحكون . . سيف : بس حبيبي استحيت . . مهره : ماباا مابا . . ابا اوصفلك كيف انا مستانسه سيف يبلع ريجه : لو تشوفين الي اشوفه جان وقف قلبج حبيبي . . مهره استوعبت ان ليش الكل يصفر ويصارخ . . ف وخرت عنه شوي وخذت نظرة وشافت الكل عينه عليهم . . مهره ردت حطت صدرها ف حظنه : أوييييييه . . سيف : هههههههههههه .. حظنها قو . . سيف : الكل ينشغل ف حلاله وخلوني مشغول ب حلالي رجاء يعني حمد نزل راسه وشوق على طول اطالعته وهو يبتسم . . سلطان يبتسم ويطالع عذاري ويأشرلها عشان تتقرب منه .. ومنصور اتلاشت ابتسامته وصد صوب سلامه . . ناصر وحصيص قاعدين حذال بعض ويطالعون بعض من قال سيف جي . . فهد مسك ايد روضه وغمزلها . . محمد صد يطالع ابتسامه عنود المزيفه . . وشل عنها الياهل . . ام عبدالله : وينك يا بو عبدالله تشلني من هالمهزله . . ضحكو كلهم . . ام عبدالله : انا ما ببات اهني من الحين اقولكم . . ناصر : امايا لا تخافين ابويه الحين ياي فالطريج ام عبدالله تبتسم : عيل انا ببات اهني . . ضحكو عليها . . سيف : شسويتي فاهلنا . . خبلتي فيهم مهره تبتسم وتطالعه : لاني احبك . . وصلتهم المشاعر الدافيه . . سيف يبتسم : تحبيني . . مهره : وايد احبك . . سيف : عيل لو عطيتج الهديه الاخيره شو بتقولين مهره : اي هديه ؟ سيف : الي مشتركه ويا ناصر . . مهره : شو الهديه . . ؟ سيف : قبل لا اعطيج اياها . . خلينا نقص الكيكه لانهم يتريون . . مهره تبتسم : يالله . . راحت صوب الكيكه ومعاها سيف قابض ايدينها . . قصتها وحطتها ف صحوون لهم . . يايه تشل الصحون توزعها . . سيف : خلج خلج . . " يعلي صوته " الكيك زاهب يا جماعه يالله " بدو يتجمعون ويشلون الصحون . . حمد يبتسم : سيف اهم خطوه ما سويتها ؟ سيف عاقد حياته : شو هي ؟ حمد : افا سيف ماتعرفها . . " يغمزله " سيف : هيييه . . حمد ياخذ شوي من كريمة الكيك ويحطها ع ويه مهره . . : الحين اقدر اقولج كل عام وانتي بخير مهره : حمووووووووووود يالسخيييييييف . . سيف : هههههههههه . . حرام عليك ليش خربت كشختها مهره : حرام عليك حمود . . شلت شوي من الكريما يايه بتحطه ف ويهها بس سبقها وشرد . . وتمت تلحقه . . مهره : يالجبااااااااان . . حمد يمشي بسرعه وهيه تمشي بسرعه . . مهره : اوقف انزييييين حرام حمود انا حامل لا اتعبني حمد : مااابا اوقف . . وتم يمشي ويمشي لين طلع برع الفله . . صدت مهره صوب سيف وكان يطالعها مهره : بلحقه بحط الكريما ف ويهه وبرجع سيف ابتسم : يالله . . راويه ان حرمتي قوية . . ابتسمت وطلعت . . اول ما طلعت شافت حمد فويهها ونقزت . . مهره : خوفتني . . يايه تحط الكريما ف ويهه بس زخ ايدها وحطا الكريما الي في ايدها ع خشمها . . مهره تعطس : حمووووووود يالسبال والله انك سبال حمد يضحك من قلب : هههههههههههههههههههههههههههههههههههههه مهره مبوزه : سخيف ع فكره وايد . . حمد عقب ماشبع ضحك مدالها كلينكس . . مهره فرت الكلينكس ويايه ادش داخل بس زخ ايدها . . صدت صوبه . . شل الكريما الي موجوده ع خدها وحطاها ع ويهه . . حمد ابتسم : خلاص انتصرتي علي لا تبوزين ابتسمت مهره . . حمد ابتسم .. مهره : يالله ندخل حمد : لحظه مهره تطالعه : . . حمد : مشكورة مهره : على شو حمد ابتسم : من توفت امي انا ماضحكت من قلبي . . مهره عورها قلبها وابتسمت : بتضحك دوم ان شاء الله حمد مبتسم : مترقب وايد مهره : مترقب شو حمد : اشوف الي في بطنج مهره : مترقب صدق ؟ حمد مبتسم : اكيد . . بصير عم . . كيف ماتبيني اتررقب .. ؟ " يبتسم " بموت فيه هالياهل مهره تبتسم : عيل زين دوم بفرها عندك وبروح حمد : بفرها ؟ مهره : اتمنى يعني انها تكون بنيه حمد يبتسم : ان شاء الله بنية . . اصلا انا احس انها بنيه مهره : ليش يعني حمد : لان ويهج بعده طفولي وفيه حنان ودفا . . ابتسمت مهره . حمد : يالله يا حرمت اخويه . . " يبتسم" خلينا ندش . . مهره تبتسم : يالله ودشو . . سيف شافها وشاف حمد وسار صوبهم . . سيف : تعجبني حرمتي دوم تنتصر . . مهره تبتسم . . سيف يمسك ايدها : يالله اترخصك اخويه ابا اوريها الهديه الاخيره . . حمد : مرخووص . . " ابتسم . " شوق يت صوبه . . حمد : تبين تقولين شي . . شوق : عيونك تفضحك . . حمد انصدم . . شوق : كل شي باين في عيونك . . احس سيف لاحظ وعرف . . حمد : بس انا ما شفتها اليوم غير شي واحد . . شوق تطالعه . . حمد : حرمت اخوي .. ولا عاملتها الا ع هالاساس . . شوق : شو معنى كلامك . . حمد : كلامي معناه اني بعدني احبها . . لكني قاعد اتعامل معاها واشوفها بهالنظرة . . انها حرمه اخويه . . شوق : من متى هالكلام . . حمد : من اليوم " ابتسم " شوق . . شوفي حياتج . . انتي وايد طيبه وتستاهلين واحد وايد زين . . شوق :اذا كنت انت ما حصلت الا تحبها في يوم . . وبتم وفي لحبها طول عمرك . . ترى انا اكتشفت اني نفس هالطبع . . بتم وفيه للي احبه حتى لو ما حصلته في يوم " تبتسم " انا ارمس بشكل عام ما قصدك ترى ويايه تطلع حمد : وين رايحه ؟ شوق : برجع دبي حمد يشوف الوقت : الحين ؟ ف هالوقت ؟ شوق : محد بيلاحظ غيابي " يبتسم " يمكن مهره تلاحظه متأخر .. انا بطرشلها مسج قبل لا تلاحظ .. خلها مشغوله ب سيف الحين احسن مابا اخليها تنجبر تقعد معاي . . حمد : . . شوق : مع السلامه . . حمد : الله يحفظج . . وراحت عنه . . سار حمد صوب الغرفه المشتركه الي بتكون له ول عبدالله . . اول مادخل شاف عبدالله متلحف وراقد . . ابتسم وانسدح على السرير الثاني وتم يشوف السقف . . . . . سلطان : شخبارج . . عذاري مبتسمه : تمام . . سسلطان : على اساس ما بنتشاوف لين العرس عذاري : الظروف تحكم علينا الشوفه سلطان : يعني ما كنتي تبين تشوفيني عذاري : لا .. منصور يي صوبهم : جذاابه . . مادري منو امس " يعيب ع صوتها " الله يخليك دق حق سلطان الله يخليك ابا اسمع صوته الله يخليك حطه سبيكر سلطان انصدم : احلف . . منصور : واللللللللله . . عذاري مصدومه وفاتحه عينها . . منصور يبتسم : هاردلك سيس . . وراح منصور صوب امه . . وحطا راسه ع ريله وتمت تلعب بشعره وهو يشوف تلفزيون . . شافت سلامه الموقف من بعيد وتمت تطالعه من بعيد لبعيد . . سلطان : ارمسي اشوفج ساكته ؟ عذاري : ها سلطان : يعني كنتي تغشين من ورايه عذاري : مره وحده انزييين شسوي كنت مشتاقتلك سلطان : حتى وووووووووولو . . انا كنت مشتاقلج وتحملت لكن انتي خونتي من وراي . . عذاري : خيبه خونت مره وحده سلطان : هيه هاي تتسمى خيانه ّ ! من الحين قمتي تسوين هالحركات ؟ هه الله يستر شو بتسوين عقب عذاري : سلطان حشم كلامك . . شقاعد تخربط . . سلطان : انا اعرف شقاعد اقول عدددددددددل . . عذاري : ماله داعي هالاسلوب سلطان : مش انتي تعلميني بأي اسلوب اتكلم عذاري : انا مش خدامه عندك ليش كله تحسسني هالاحساس . . ليش تعاملني وتكلمني بهالطريقه سلطان : لانج ترفعين الضغط .. عذاري : وارفع اضغط تجرحني ؟؟ سلطان : .. عذاري : تراني انجرح والله العظيم بس ما اتكلم . . سلطان يطالع عيونها الي بدت تمتزر فيها دموع . . سلطان مسك ايدها : بلا صياح عذاري وخرت ايدها بالقو . . وطلعت برع الفله ولحقها سلطان وهو مغيض . . سلطان يجابلها : الف مره قايل لج يوم اكلمج لا تروحين . . انفعل اموت " يرفع كمه بغيض ويرد ينزل ايده " عذاري تنزل دموعها : بعد ؟ فوق انك جارحني تعصب علي ؟ وفوق انك تعصب علي تبي تمد ايدك ؟ سلطان يبلع ريجه بغيض : انا بروح البيت . . ويمشي بيروح عذاري تلحقه : لا تروح . . سلطان يمشي . . وعذاري بعدها تلحقه : دخيييلك لا تروح . . " تصيح بصوت عالي " لا تروووح اقولك . . سلطان وقف . . عذاري تقربت منه وحظنته من ورى : والله احبك . . حتى قسساك احبه . . مابيدي غير اني احبه لاانك ما بتودر هالقسوه الي فيك . . سلطان مثل الي صب ماي بارد عليه من حظنته وقالت هالكلام . . عذاري : انت وايد قاسي سلطان . . تغلط وتكابر وبعد تبي تروح . . " تحظنه بقوه اكثر " لكن بعد احبك . . سلطان بهدوء : خليني ارؤوح عذاري : شفت قسساك كيف سلطان جابلها ووووو باسها !!!!!! “cut” . . . ناصر : شو قالتلج عذور ؟ حصيص مبتسمه : قالتلي ان العرس ما باقي عليه شي وهالكلام . . ولازم اتزهب يعني بسرعه ناصر : تبيني امر عليج كل يوم اوديج تتزهبين حصيص : هيه عشان امايا تقولي ماشي عرس ع واحد طايش مثل هذا . ناصر مبتسم : بعدها تزقرني الطايش حصيص : هههه مرات . . ناصر : قوليلها شسوي يحبني هالطايش . . وحبه طييش ب طيش . . حصيص تطالعه : هيه تبيني انا اقولها جي ناصر : خوافه حصيص : مش خوافه بس استحي . . نعم يعني وين ابا رايحه اقول لامي هالكلام ؟ ناصر : انزين قوليها لي انا حصيص : شقول . . ناصر : الي قلتلج عليه حصيص تبتسم : شسوي يحبني هالطايش وحبه طيش ب طيش ؟ ناصر : هي قوليها حصيص : قلتها ترى ناصر : لا كنتي يايبتنها بنبره سؤال . . قوليها عدل حصيص : نصووور ناصر يبتسم : عيونه . . حصيص تقفطت . . ناصر: ليش تقفطين بسرعه حصيص ساكته ناصر يقرص خدها : عسسسل . . حصيص تبتسم : انت بتردني البيت صح . . ناصر : هيه . . متى تبين تردين ؟ حصيص تشوف الوقت : الحين . .لان امايا يبالها بعد ربع ساعه وبتتصل بتلعني . . وابا اروح قبل لا تنفجر . . ناصر : يالله عيل قومي خليني اوصلج . . كله ولا تنفجر عموه مافينا . . اخاف تيها العره عقب تقول ماشي عرس . . حصيص : هههههههه هيه مافينا . . ناصر يبتسم . . ومشو ويا بعض وطلعو . . ناصر شاف سلطان واقف ويا عذاري . . ناصر : الحبايب كلهم ويا بعض اليوم . . حصيص : حلوه فكرة سيف . . ناصر يطالع حصيص :وايد حلوه دامها خلتني اشوفج هالكثر . . ناصر وصل صوب قوم عذاري . . ناصر : ترا ما تروح ! بترقد وياي انا ومنصور فالغرفه . . حاسبين حسابك . . سلطان : لا بروح ما بتم . . عذاري تطالع سلطان . . سلطان يطالع ناصر : مادري بشوف . . ناصر يطالع عذاري : بنظره خليتيه يتشكك ؟ حصيص : هههههه انا بسويلك جي عقب ناصر عطاها نظرة : امشي جدامي. . حصيص : انزييييين . . وراحت . . عذاري : لحظه نصور ناصر يصد : ها . . عذاري : ماتبيني اي وياكم ؟ يمكن لو عرفت امها انك يايبنها روحكم تسوي سالفه ناصر : ليش تتحريني اخاف ؟ بقولها حرمتي ما بخليها ترد ويالدريول ف اخر الليالي والكل مشغول . . وانا ماخاف ما سويت شي غلط عشان اخاف منه . . يالله امشي حصيص اشوف عذاري :بل كلني . . سلطان يطالعها : دواج محد قالج تفرضين رايج . . عذاري تطالعه : ليش بستني ؟ سلطان : عشان تسكتين . . لاني لو ما بستج ما بتسكتين . . عذاري فاجه عينها : معقوله . . سلطان : هيه . .ودوم بسويلج جذه لو تميتي تقرقرين ع راسي وايد وتتحرطمين . . عذاري : صرت انا االي اتحرطم وايد سلطان الحين ؟ سلطان يطالعها : هيه .. عذاري تبتسم : مشكور . . سلطان : العفو . . عقب هدوء بسيط . . مسك سلطان ايدها وتمو يتمشون . . عذاري : وين بتوديني بعيد . . انا ما لابسه عباتي .. كانت لابسه جينز وقميص وايد فضفاض وطويل . . مع شيله صلاه . . سلطان : ظلام . . وانا معاج اهني . . وكل شي فيج ستير . . عذاري : انزين خلنا نمشي ف هالسيد . . ظلام . . هالطريج فيه نور بعد استحي حد يطالعنا سلطان عاقد حياته : ما بسير صوب الظلمه لاني اخاف اتتتتهور فيج عذاري تطالعه : ما بتكلم عشان تتهور فيني سلطان : وانتي صدقتي هالكلام . . عذاري : . . سلطان يجابلها : غبيه انتي .؟. عذاري : مش غبيييه سلطاااااان " تعلي صوتها " اباك تنطق بس تعبت من كبرياااائك سلطان تعبت . . سلطان : احححححححححبج . . عذاري تطالعه بحب . . سلطان : احبببببببج . . احبج احبج احبج . " يمسك جتفها " تسمعيني ؟ احبج يا بنت . . احبج احببببببببج . . لدرجه انج لو ماركضتي عني بااااااكلج . . عذاري ابتسمت من قلب . . سلطان يتنهد : مش صاحيه . . عذاري تبتسم : ليتك دوم تقولها جيه . سلطان : بتملين منها عذاري : عمره الكلام الحلو ما ينمل منه . . انت حلالي .. لو انت ما دلعتني وقلتلي الكلام الحلو منو بيقولي سلطان : محد غيري راح يقولج هالكلام . . لكن ماراح اخليج تملين منه عذاري : منو قالك بمل منه . . بالعكس هالشي يعلقني فيك اكثر سلطان : انت متعلقه فيني وايد والحمدلله واحس متعلقه فيني بشكل يرضييني ما بطمع . . عذاري تتنهد : اااه منك يا سلطان .. . . . فهد : يالله ما بخليج اتباتين اسمحيلي . . روضة : بس في غرفه لنا . . ليش ما نتتتتم فهد : لالا . . ما يسدني غرفه مع اليهال . .ماتعودت . . روضة : يالله عاد فهودي فهد : اول مره تقولين لي فهودي روضة تلومت فهد ابتسم : عشان فهودي بس برضا . .لكن بشرط . . روضة : الي هو؟ فهد : خلي اليهال عند امج شوي ووديني الغرفه " يبتسم " . . . عنود تطالعه : رقد . . محمد : هيه رقد على اييدي فديته . . بوديه الغرفه عشان ما يسمع حشره وينش عنود تقوم : بروح معاك . . محمد : خلج عنود تبتسم : لهالدرجه ماتبيني حتى اي معاك ؟ محمد : عنود بعدج فالاربعين وماباج تصعدين الدري الي شكبره . . لاتفهميني غلط ولا تحطين افكار براسج . . بودي حمد السرير وبي انا بشلج فوق . . لكن ما بخليج تصعدينه عنود تطالعه : تخاف علي . محمد يطالعها : اكيد اخاف عليج عنود : بعدك تخاف علي محمد : شفيج عنود . . عنود تبتسم بفرح : توقعت يعني خلاص . . انك ماتكن لي مشاعر ف ماراح تخاف علي بعد محمد بلع ريجه .: اطمني . . انا اخاف عليج . . وطول عمري بخاف عليج . . " يبتسم " بروح اوديه فوق قبل لا ينش وعقب بييج . . . . . |
. . . وج’إآإن آإخلصصصّ :191: اتمنى البآرتآإت عجبتكم . . الصرآحه متعوبه عليهم حييل . . . لا تحرموني من آرآإئكم الطيبه . . للعلم فقط " الاداره تحذف كل رد مكتوب فيه ( رد محجوز ) " فـ لو تكرمتو محد يحجز رد . . ّ والاداره تحذف بعد الردود مثل " وينج و من يشاهد الموضوع الان " قبل كنت اتغاضى وايد . . لكني الحين مع تواصل مستمر مع الاداره ويحذفون الردود اول بأول . .فـ بليز بلآهآإ . . حبيت ابلغكم فقط بهالنقطه . . ؤؤؤؤ بسسّ . . م’آعندي شي زيآإده بعد :a040: . . . ترقبوني السسبت اليآإي بإذن الله .! ولآ تنسسون الحاظر يعلم الغآيب . . مع اني اكتب اهني بس مادري ليش وآيد آعضآء بعدهم يسألون :unsure: . . عسآإكم ع القوة . . وتصصبحون على آخبآإر طيبه بإذن الله . . . ترقبوؤني مع تكمله آلمفآجئئئه . . . ضحيهـ |
| الساعة الآن 08:44 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir