منتدى استراحات زايد - عّششَقتڪ بمَسسَتوَى عآلـي ., وَ حبيْتڪ عڪس حبهَم ..~

منتدى استراحات زايد (http://vb.ma7room.com/index.php)

- قصص و روايات (http://vb.ma7room.com/forumdisplay.php?f=26)

نورة " يلست ع الشبريه " : هآ رويض حجزتي ..

روضة " يلست عدالها .. وبتملل " : شو أحجز بعآآد ..

نورة : يبوج أنتي مآ منج فآيده .. بسوي كل شئ بروحي .. " خذت فونها واتصلت لـ ممكيجه "

نورة : هلا والله بـ سآمية ..

سآمية : أهليييين .. ولك وينك من زمآن لآ شفنآكي ولآ شيئ ..؟

نورة " ترمس شرآت لهجتها " : شو بدي سآوي .. هيك الحياة ..

سآمية : إيييه والله ..

نورة : اممم .. نحن عدنا يوم الجمعه ملجة ترومين تين بيت عمي اللي حذآلنا .. ولا مش فآضيه ..

سآمية : ويت لـ شوف الجدول ..

نورة : خذي وقتج .. " تحط إيدها ع الفون وترمس روضه .. "

نورة : رويض حمدوه حجزت ظنج ولا لا ..؟

روضة : مآ أدريبها .. بتصللها ..

نورة : اوك " وترد ترمس سآمية "

سآمية : يوم الجمعه .. مآ عندي حدآ ولـ عيونك رآح كون فآضيه .. آمري أي وأت بدك يآني أجي ..

نورة : تسلمين حبيبتي .. يوم الجمعه الساعه 6 المغرب .. ادلين البيت ولا ادليج ..؟

سآمية : لآ بعرفوه ..

نورة : زيين .. اممم عندج كوآفيره ولا لا ..؟

سآمية : أمبلآ أكيد عندي .. آي هآف وآن فآضية يوم الجمعه ..

نورة " بصوت خفيف " : روضوه ألحقي هآف اونه ..

روضة " بعد ما سكرت عن حمده " : ههههههه يغربل تفكيرج ..

سآمية : إلتي شئ حبيبتي ..؟

نورة : لآ سلآمتج .. أعيل مدام ويآج الكوآفيرة يكون الساعه 5 تيين أحسسن ..

سآمية : اوك ..

نورة : يلـآ أعيل مع السلآمه ..

سآمية : مع السلامه ..

نورة : ها شو قآلت حمدوه ..

روضة : حجزت امس وخلصت ..

نورة : زين أعيل .. حجزنا وخلصنا .. وفستان وأشترى .. بآآقي " تشهق " هيييأ كيف نسينا ها ..؟

روضة : شو بعععد ..؟

نورة : بآجر بنرد من الجامعه من وقت و ع الظهر بنسير الصآلون .. وبنسوي تشقير وبنتحنا ..

روضة : افففف .. اسميييييييييييها سآلفه .. ع فكره أنا من عقب هـ الأسبوع مآ بدآوم فـ الجامعه ..

نورة : ليششش ..؟ .. إنتي إلا بتملجين ما بتعرسين ..

روضة : أصلا بمجرد اني بس بملج حيآتي بتصير بلآ معنى ليش أدرس بعد ..

نورة : عن هالسسسسخافه ..

روضة : انا حطييت فـ بآلي هالشئ وخلآص .. بسحب أورآقي بآجر يعني بسحبهن ..

نورة : الله يهديج .. قلتي حق خآلي ..؟

روضة : قلت حق عمي زايد بسس ..

نورة : كييفج .. يلآ تعالي ننزل تحت ..

روضة " بتعب " : مآ اروم ..

نورة : مب كيفج .. " ويودتها من إيدها ونزلتها ..

روضة ~ نزلنا الصالة ولقيناهم كلهم موجودين وطبعاً يرمسون عن المجلة والذهب والتعديلآت .. وبعدين اتعشينا .. و قوم عمتيه روحوا بيتهم .. وكل حد سآر حجرته .. يآني عمي زآيد ويلس يسولف ويآيه أعرفه يبا يخفف عني وينسيني .. بعدين روح عني يرقد ورقدت .. ثآني يوم الصبح سرت الجامعه وسحبت أوراقي وسسلمت ع ربعي ودعيتهم للملجة وسوينا مناحه بس هذا اختيآري ولازم اتحمل النتآيج .. رديت البيت شفت امايه وطبعا سألتني ليش رديت وقلتلها اني سحبت أورآقي وانصدمت وتمت تهآزب وحشرت الدنيآ .. ووضحت لها موقفيه .. واني خلاص ما ابا ادرس وبجآبل بيتي وعيآلي أبرك .. هذا إذا بيكون في عيآل .. ع الساعه 10 طلع رآشد من دوآمه ويا شل أمايه وسآروا يشترون الذهب والشبكه وأشياء وايد حق المجله وأغراض للبيت لأنه الملجه بتكون فالبيت ولأنه أغلب أهلنا هننييييه فـ قوم حمدوه بيون اهنا .. ع الظهر ردت نوروه من الجامعه ويآبتلي سلآمات شكثرهن من البناآت .. والساعه 1 ونص سرنا الصآلون نسوي تشقير ونتحنا وغيره من سوالف البنات .. ما كان لي خآطر بس كله بالدز من نوروه يحليلها .. خلصنا وطلعنا ع الساعه 4 .. وصلت البيت وخذيت ام أبوها رقده لين عقب المغرب عشآن انسى كل شئ او اتناسى .. يوم وعيت غيرت ثيابي وصليت المغرب .. خطفت ع حجرة عمي زآيد ما لقيته اشتقت له اليوم مول ما شفته .. نزلت تحت بعد ما لقيت حد .. طلعت برع شفتهم كلهم يآلسين حتى بيت قوم عمتيه .. يلست ويآهم وبعدين دخلت سيارة محمد أخويه يايب مهرة وفطيم من بوظبي سآيرآت يتشرن فسآتين وخطفن ع الصالون فالعين وشقرن واتحنن وغيره .. واشترت مهرة فستان حق لطوف وحنتها والأخت فرحانه وسلطانوه مبوز ليش ما شلوه ولا أشتروله شئ يديد .. وطبعا سعيد ما يرضى ع ولده اونه شله ووداه الحلاق يعدله شعره وخطفه ع الدكان وطيب خآطره ويآبه .. وطول اليلسه سوآلف وبآجر شو بيسون والأخ رآشد ما شفته من صالون رجآلي لـ ما اعرف وين يتعدل ويزقرت ويشتري هدية حق حمدوه .. ويعيش آخر لحظات العزوبية ويا ربعه .. استوت الساعه 10 وما حسينا بالوقت اتعشينا وكل حد اتوجه لـ حجرته .. حسسيت مثل غصصه فـ قلبي تمييت اصيح واطلع كل اللي بـ خآطريه لكن ما فاد .. قمت واتوضيت وصليت ركعتين وقريت قرآن وهديت شويه عقب يآني عمي زآيد يلس يسولف وجي .. ما طلع اليوم لأنه تعبان من الدوام ع قولته ركضوه .. وع الساعه 12 طلع من الحجره .. وفطيم ختيه حاشرتني بالتلفونات تسأل وتعطي نصآيح عشآن اونه بشرتيه ع قولتها تكون نظره حق بآجر .. رقدت بعد موت لأنه الرقاد مب طايع اييني من التفكيير .. وع الضحى الساعه 11 .. ~

دق دق دق وحشرة ع الباب ..

روضة " فجت الباب " : افففففففف شو ها ما تخلون حد يرقد ..

فطيم : شو بعد ما تخلون حد يرقد .. يلآ وراج مكيآج و تعديل أغراض وتزهيب ..

روضة " ردت طاحت ع الشبريه ويت حذالها فطيم " : اللي يسمعج يقول عقب شوي بنزل .. تراني قايتلج بتيني مال المكياج الساعه 5 بلاج مشتطه ..

فطيم : يآهي سآلفه .. قومي صلي واتغدي عشان بشرتج اتغدي نظرة ..

روضة : يآ هي بشرة اللي ذليتينا فيها .. لو مب الصلاة جآن انخمدت لين الساعه 4 بعد ..

فطيم : ما منج فآيده .. قومي أشوف ..

روضة " تقوم وتصآرخ " : يآآ ربيييييييييييييييييييييييييييييييييه .. ما تسوى علينا الملجه .. اففففف قآيمه قآيمة .. " وتقوم اتسير الحمام .. وطلعت فطيم عنها ونزلت تحت تكمل الترتيبات .. "

يوم الجمعه ..

بيت بو ناصر ..

نفس الوقت ..

" دخل الصاله وهو شال فستانها من بعد ما يابه من الكوآي والغسيل .. ولقاها متكوره ع عمرها فـ نص الصاله .. "

حامد : هههههههه بلآج جي .. جنج شاله هموم الدنيا ع راسج .. " ويلس حذالها وعطاها فستانها "

حمده " بهدوء " : إيييه بروحي خآيفه .. لا تيلس اتقولي جي ..

حامد : فديت الخايفة انا .. ملجه بس ملجه .. مب عرس .. بيسلم عليج وبييلس وياج وانتهت السالفه ..

حمده : بعد خآيفة ..

" وتي ام ناصر "

ام ناصر : وي يـ عيآلي بتملجون اليوم ..

حامد : لا تحسبيني وياهم ههه ..

ام ناصر : فآضي انته .. متى بتسيرين الصالون ..؟

حمده : بسير الساعه 3 عشان اخلص وما اتاخر وبعد لين نوصل هناك ..

حامد : انا بوديج تراني ..

حمده : اوكيه ..

ناصر " ينزل من ع الدري " : صباح الخير ..

الكل : صباح النور ..

ام ناصر : هالمعرس ..

ناصر : ههه بعدني بعدني ..

حامد : اليوم تراه بعد شو ..

ام ناصر : متى بتيييب الـأغراض اللي وديناهن يغلفونهن ..؟

ناصر : بعدين بسير ..

ام ناصر : زين بس استعيل ..

ناصر : إن شاء الله ..

فـ العين ..

بيت بو محمد ..

روضة ~ يآ ربييه أحسني بصيح .. افففف احس بضيجه .. وعيت الصبح بعد ما وعتني فطيم .. صليت الصبح ونزلت تحت اشوف الترتيبات وايلس ويا يدي وطبعا نصايح وتوصيات وقصص وغيره .. بعدين كلهم ظهروا يصلون صلاة اليمعه .. دخلت حجرتيه صليت الظهر ويلست اقرا قرءان سورة الكهف .. ع الظهر وقت الغدا .. ما كان لي خاطر أبدا اتغدا بس ما ابا احسس هليه بشئ .. خلصنا غدا وردوا انشغلوا ف الترتيبات .. سرت حجرتيه وطلعت فستاني وكعبيه وطقم الماس .. وبعدين طحت ع الشبرية وما حسيت بـ عمري إلا أني رآقده .. ع الساعه 4 ونص ما حسيت إلا بنورة واقفه معاليه ومعصصبه .. قمت واتسبحت وغسلت شعريه والأخت تترياني .. ويوم طلعت تمت اتنازع .. صليت العصر ونشفت شعريه و جيكت نوير ع الأغراض .. ع الساعه 5 دقت الممكيجه ع نوير أنها برع .. وسارتلها نورة ودخلتها .. يابت وياها كوافرتين .. وشوي شوي بدو يسون شعريه وشعر نوروه .. ع الساعه 6 إلا ربع خلصت نوره وانا بعدني هاي البارده اسوي بشعريه احس راسي رآح فيها .. وبعدين بدت سآمية اتمكيج نوروه .. ويوم خلصت بدت فيه طبعاً .. خلصنا ع الساعه 7 إلا ربع .. وشفت فطيم ومهرة وريم وعليا ومهروه وفطآمي يدشن واسمع اصوات الحريم والحشرة .. حسيت صدق اني بـ واقع .. يلسن يمدحن فـ مكيآجي وجي .. قمت ولبست فستآني وكعبيه وعقدي .. كان مكيآجي بنفسجي واسود وغير اللمسات الثانيه .. و التسريحه رآفعتنها كلها ع فوق ويايبتنها ع طرف ومنزله بالرولات كم شعره ومسويه فتحه محطيه 3 ورود بنفسجيه .. ع تعليقات البنات قاللي ملاك .. نوروه مسويه مكياج ع لون الفستان بعد .. والبنات كلهن غير اشكالهن لازم الله يخلي المكياج .. بعد ربع ساعه دخلت حمدوه وكانت لابسه عباه ومتغشية ودخلت بسرعه عشان محد يلاحظها .. فرت العباه والغشوة وانبهرنا بالمكياج كان روعه حتى التسريحه .. سارت لـ غرفة الملابس وغيرت فستانها .. والبنات اللي ادش واللي تظهر .. وانا نوروه يالسه تهديني وبنت خال حمدوه تهديها ووياها وجي .. " بعدين بعرفكم عليهم .. " وعند الرياييل كان الجو ربشة ع قولة نوروه لانها موقفه عند الدريشة واصور واطالع .. يوله وحربية و ناس واايد ,, اتعششن الحرييم .. وطلبوا مني أنزل .. لكني انا طلبت من حمده تنزل قبلي لاني صدق كنت عادي انفجرمن الصياح فـ أي وقت .. خلت الحجره وتميت بروحي لانهن كلهن سآرن يسون الأغنيه وما اعرف كيف ويقولن حق المصورة عسسب حمدوه .. نزلت حمدوه ع لحن هادي .. ويوم يلست ع الكوشه البسيطه الموجوده فالبيت ع قولتها ارتاحت .. وكل العيون كانت عليها .. تمن الحريم يسلمن .. ورآشد متحرقص برع وحآشر الدنيآ .. اخليكم اتابعون احسن ..~

رآشد : فطيم يلا عاد قولي حق الحريم بدخل ترآني ..

فطيم : بلاك حشرة ما بتطير حمده ..

رآشد : ابوي ما علي منج الحين بدخل .. " وسكر الفون عنها .. "

راشد : اوووه حمود تعال تعال .. " وايي حامد صوبه " : يلا بدخل ترآني ..

حامد : تريا بزقر عمي ..

راشد : بسرعه ..

" حامد زقر عمه بو محمد .. ووقفوا عند باب الصاله يستأذنون .. حمده وقفت ونبضات قلبها تدق بسرعه .. والبنات لبسن عبيهن .. دخل رآشد وهو شآق الحلج .. حب حمده ع راسها .. وسلم عليها بو محمد واخوها وبآركولها وطلعوا .. اما راشد يابوله الشبكة و تم يلبس حمده .. وهو مستانس وشاق الويه والمصور تصور ويسوي حركات .. وحمده متوتره .. وبعدين دخلوا غرفة من الغرف اييلسون فيها .. عند بطلتنا فوق .. دخلت عليها نورة تقوللها انها بتنزل .. "

نورة : يلا روضة ..

روضة " وهي خايفه " : انزل ..؟

نورة : هي .. حبيتي خلج ريلاكس وعادي جنج تنزلين من أي دري ..

روضه : نورة انا وايد خايفه ..

نورة : ما عليه بتيلسين ع الكوشه وبترتاحين ..

روضة : افف والله بصيح ..

نورة : لا تقولين جي ويلا بننزل .. " و زخت ايد روضه ووقفتها عند بداية الدري .. وسوت اشارة للبنات انه يشغلون القصيدة وكانت القصيدة بمقطع صغير ولحن خفيف وهادي والمصور تصور .. بدت روضة تنزل شوي شوي .. "

قالوا ان أحلى بنات العين روضه ,,, قلت أنا اشهد بانها عالغيد روضه
قالوااحلف قلت من عيني اباحلف ,,, ان مابه في حلات رووضــــــــــه
هذي لو تشر علىالبــــدر بيديها ,,, ينزل وغصب عن عــيونه يجيـــــها
وان بغت تقعــد مكانه وشعليهـا ,,, ماهو كفو يقول لا لـ روووضــــه

" استغربت روضة من القصيدة وطلعت إهداء من نورة و فطيم اختها .. كانت رووعه .. والكل يسمي عليها .. نزلت بشوي شوي .. وبـ ابتسامه وراها الف حزن وحزن .. وصل ويلست ع الكوشه .. وبدن ربعها والحريم واهلها يسلمن عليها .. وفجأه يتها نوره وقالتلها أنه ناصر ومحمد وابوها بيدخلون .. تمت ترجف ووقفت ع طول .. ولبسن البنات عبيهن .. اتحاشت اشوف حد .. دخل ناصر وابوها وبو محمد .. "

ناصر " حبها ع راسها " : مبروك .. " ووقف حذآلها .. ويا بو محمد وحبها ع راسها وباركلها .. وسلم عليها محمد وباركلها .. تمو يسلمون الاهل ويباركون .. ويتهم نورة .. "

نورة " تبتسم " : يلا بتدخلون داخل بتيلسون ويا بعض ..

ناصر " التفت صوب روضة "

روضة " تطالع نورة بنظرات ترجي .. "

ناصر " وقف ويود ايدها .. "

روضة " وقفت وحاولت اتخوز إيدها بس طبعاً قبضته أقوى .. واستسلمت ومشت وراه .. وساروا الحجرة .. "

عند راشد وحمده ..

" حمده مستحيه ومنزله راسها والاخ من كثر مب مصدق يالس يقول اشعار وكلام حلو ويحرجها .. وميلسنها حذاله و ميود ايدها ويرمس .. ودخل عليهم حامد لانه في باب لهالحجره من ورا وقطع عليهم وطلع راشد بالزور وتم معصب .. يحليله "

عند ناصر وروضه ..

" هو يالس ع غنفه وهي يالسه ع غنفة .. وقام ويلس حذالها .. "

روضة " قامت لكنه زخ إيدها ويرها وطاحت حذاله .. "

روضة : انا ما ابا قربك أفهم يا آخي أنته شتبا ..؟

ناصر " يبتسم " : انا مب اخوج انا ريلج .. و 2 شئ طالعه حلوه اليوم ..

روضه " تصد عنه " : غصبن عنك بتقول جي ..

نهـآية آلبـآرت ..

رآيكـــم .. توقعاتكـــم ..

ناصر وروضه ..

حمدة وراشد ..

منصور منو البنت اللي يحبها ..

ومنو اللي شاف فطامي وهي نازله ويا هذاك الشخص ..

آلــــبـــــآرت آلــعـــــــــ{ 10 }ــــــــآشــر ..,’

{ صَبحْ وَ مَسسَسآء وَ آلليْل ونَيْـــت
أبـكَــــــيْ خيَآلـك كيْـــــــف بَنسَــــآك }
..
عند ناصر وروضه ..
" هو يالس ع غنفه وهي يالسه ع غنفة .. وقام ويلس حذالها .. "
روضة " قامت لكنه زخ إيدها ويرها وطاحت حذاله .. "
روضة : انا ما ابا قربك أفهم يا آخي أنته شتبا ..؟
ناصر " يبتسم " : انا مب اخوج انا ريلج .. و 2 شئ طالعه حلوه اليوم ..
روضه " تصد عنه " : غصبن عنك بتقول جي ..
ناصر " مسك ذقنها وخلا ويهها مجابل ويها " : قوليها وانتي أطالعيني ..
روضة : أنا مآ أعيد كلآمي ..
نآصر " بجديه " : سمعي انا برمسج برمسه وحده وحطيها فـ بآلج طول ما نحن متزوجين ..
روضة : ......
نآصر : خليج طيبه ويآيه عشآن أكون طيب ويآج .. وخليج من البدآيه تسمعين آلرمسه .. عشآن بعدين مآ يصير شئ مآ يعيبج ..
روضة : كيف يعني شئ مآ يعيبني .. بـ طلقني .. عآدي بـ كوون أسعد إنسآنه بهالدنيا ..
نآصر : ههههههه .. قآلت أطلقها قآلت .. انا لو تموتين مآ أطلقج ..
روضة " صدت عنه وفخآطرها تقول : أكرهك وبظل أكرهك .. "
نآصر " يوقف " : قبل لآ أظهر من هنيه .. بقولج كلمتين وحطيهن فـ بآلج زين .. بيي ذآك اليوم اللي بتقوليلي أعشقك ..
روضة " بإستهزآء " : هــه على شو ..؟
نآصر " بثقة " : صدقيني بيي حتى لو عققب سنوآت .. مع آلسلامه " عشان يقهرها " زوجتي العزيزة .. " وطلع .. "
روضة " تقلده " : زوجتي العزيزة .. مصصدق عمره الاخ .. ولا اونه بـ عشقه أسميني خبلة أذا بعشقه .. " وطلعت من الغرفه اللي كانوا يالسين فيها متوجهه لـ الصاله .. "
.
.
روضة ~ قـهرربي .. إذا فـ يوم الملجه جي آلله يعين بعدين .. طلعت من الغرفه وسرت الصالة .. محد تم غير الأهل يآلسين فـ الصاله .. أتعشينا نحن البنات فـ الصآله .. والرياييل فـ الميلس .. روحوا قوم حمدوه وأهل امها .. وروحوا قوم خآلتيه ام منصور .. وقوم خالتيه ام هزاع بيباتون عندنا بفكره من ابويه لأنه تعب وطريج وحآله .. سرت حجرتيه ورتبت مكان لـ عليوه عشآنها بترقد ويآيه .. وما نشوف إلا بنوروه داخله علينا ..~
..
نوره : رووووووووووووووووضوه ..
روضه : و ويعاه حد ايي الحينه الفليل ..
نورة : يعني ما تبوني خلآص زعلت ..
عليا : ههه تستهبل ويآج تعآلي تعآلي ..
نورة " تنط ع الشبريه "
روضة : خييييييبه كسرتيلي الشبريه ..
نورة : جب يلا .. من متني ولا من متني ..؟!
عليا : الساعه كم ..؟
نورة : امممم اظن الساعه 11 ونص ..
روضة : تلتفت لها لانها يالسه اتعدل شعرها وتشهق " : هييييأ .. يآ سآحرة الليل .. ويالسه تتحوطين بعد عادي عندج ..
نورة " وهي طايحه ع شبرية روضة وتتلحف .. وببرود " : عآدي الباب بالبآب ..
روضة : هاللي فآلحه فييه .. وعموه تدري انج بتنخمدين عندي ..
نورة : هييييييييي ..
عليا : انا يوعانه ..
روضة : ليش ما تعشيتي ..؟!
عليا : لا استحيت صراحه ..
نورة : يالله تستحي اونه .. هي والله تعالي انا بعد يوعانه ..
عليا : ههههه .. والله انج حآلآت ..
نورة : يلا يلا يلا نتعشى ..
روضة : تريي بتسبح وبنسير ..
عليا : وانا بعد ..
روضة : يايبه ثياب ولا ..؟
عليا : لا والله نسيت ..
روضة " تبتسم " : عادي فديتج الكبت كله لج ..
عليا " ترد لها الابتسامه "
نورة : اييييها .. جد اتعشينا اليوم اعيل ..
روضة " دخلت الحمام وما سوت سالفه .. "
نورة : افف يوعانه انا .. بسير ادور لي شئ يصبرني لين تظهر عاشقة الحمام من الحمام ..
عليا : ههههه ..
نورة " تقوم بتطلع " : يلـآ جآآو ..
عليا : جآواآت ..
..
" نزلت نوروه تحت ادور شئ تآكله .. كانت ف الصاله إضاءة خفيفة .. اتوجهت للمطبخ ادور تصبيرة لين يخلصن روضه وعليا ويسولهن شي ياكلنه .. دخلت المطبخ وشآفت شخص خآش رآسه فـ الثلاجه يدور له شئ يآكله .. "
نورة " اجربت منه وضربته ع ظهره بقو " : هـآ آلمعرس .. " تقصد رآشد لانها وياه عادي مثل اخوان "
**** " التفت صوبها وانصدم "
نورة " فجت عينها "
هزاع " يبتسم " : أنتي في كل مكان ورآيه ..
نورة " عصبت وقلدته " : انتي في كل مكان ورآيه .. " ترد ع صوتها " صدق أنك ما تستحي ع ويهك .. ع بالك ميته عليك ..
هزاع " بخقة " : منو يشوفني و ما يموت عليه ..
نورة : امحق .. اذا كلهن بيموتن عليك .. انا ما بموت ..
هزاع : انتي ليش مسويه سآلفه وانتي اللي يايه تضربيني اصلاً ..
نورة " ببراءة " : آسفه .. بس كنت يوعانه ..
هزاع " وهو فيه ضحكه ع شكلها " : اوه القلوب عند بعضها اعيل ..
نورة " ردت وعصبت " : صدق انك ما تستحي ع ويهك ومطيح الميانه .. " وروحت عنه .. "
هزاع : آآخ وأخيراً شفتج .. هذآ هدفي بس .. والياي آكثر ..
..
" ردت الحجره عند قوم روضة .. وشآفت روضة مخلصه وطآلعه .. و عليا دخلت الحمآم .. "
روضة : خيبه بلاج منتفخه ..
نورة " تيلس ع الشبرية " : أسكتي انتي وهالسخيف فوقج ..
روضة : خييبه .. ومنو ها بعد ..
نورة : حد غيره ولد خآلتج ..
روضة " وهي اتنشف شعرها " : منو ولد خآلتيه ..؟
نورة : شدرآني فيه أنا هذآ ..
روضة : مآيد ولـآ هزأع ..؟
نورة : هالخقاق ..
روضة : ههه مدامه خقاق أعيل هزاع .. " بخبث " هآ اشوف كل يوم والثآني مستوي موقف من بينكم .. أعترفي ..
نورة " اطالعها بنص عينها " : والله افلعج بهالغرشة ترا ..
روضة : ههههه ..
.
.
بيت بو نآًصر ..
نفس الوقت ..
حجرة حمده ..
" دخل حامد ويايب بوكس كبير .. وحطه ع الشبريه حذآل حمده وهي طآيحه .. "
حآمد : مآ تسوا علينا الملجه .. جان راشد يايب لج صندوق هالكبر .. جبدي طآحت ..
حمده " تقوم يآلسه وتبتسم "
حامد : أذا استوالي شئ يآ ويلج انتي وريلج ..
حمده : ههه لا تفاول ع عمرك ..
حامد : ان شاء الله عمتيه .. يلا تصبحين ع خير ..
حمده : وانته من اهله ..
حمدة ~ طلع عني حآمد .. وتميت اناظر الصندوق كان كبير وحسيت في وآيد أشيآء .. يآني فضول أفتحه .. فتحته شفت فيه عطور وسيع " ساعات " و شنط مآركاآت وأغراض وآيد .. ومن بينهن التلفون كان شآرلي بلاك بيري تآتش اليديد ويا بطآقة وبين وسوآلف البلآك بيري .. ومن بين كل ها كان كاتب لي رسآله بخط إيده .. خطه مب لذاك الزود حلو بس احسسه بريء .. دمعت عيني وانا احمد ربي انه رزقني بـ وآحد مثل راشد .. طيب وحنون .. وحسيته مآ بيقصر ويآيه .. اول مآ ركبت البطآقة و شغلت الفون .. يآني مسج منه ومكتوب فيه :
ما يتوب القلب عنك لو يذوب.. يا عجيب الحسن عشقي لك عجيب.. لو نهو روحي عنك ما تتوب.. انت غيرك مابها الدنيا حبيب.. كل عمري من شروقه للغروب.. فدوه لك من شبابه للمشيب.. كان حبك عيب مرحبا بالعيوب.. ليت نفسي من عيوبك ما تطيب.. ,,
أحسه بيعوضني عن ابويه .. ما بيكون لي بس الزوج بيكون الأبو و الام والاخ والصديق .. ربيه لآ يحرمني منه .. ويخليه لي .. ,, بعدها بشوي دق عليه اول شئ استحيت أرد عليه .. بعدين رديت ~
..
حمدة : .......
رآشد " يبتسم " : ألو ..
حمدة " بحيا وبصوت خفيف " : ألو ..
رآشد : هلـآ ..
حمدة : اهلين ..
رآشد : مرحبا ..
حمدة : مرحبتين ..
رآشد " يغايضبها زيآده " : السلام عليج ..
حمدة : وعليك السلام ..
رآشد : هلـآ ..
حمدة " تبتسم تدري يغايضها " : ......
رآشد : خلاص برد ع روحي .. اهلين رآشد شحالك شخبارك .. الحمدالله انا تمام ..
حمدة " نقعت من الضحك .. " : ههههههههههههههه ..
رآشد : و آآآه يعلني مآ أخلا من هالضحكه ..
حمدة " استحت وسكتت "
رآشد : شو الهدية ..؟
حمدة : حلوه .. مشكور ..
رآشد : أفا .. مآ بينا شكراً ..
حمدة " تبتسم "
رآشد : مآ بتقوليلي كلمة قبل لـآ أرقد ..
حمدة : شو أقول يعني ..
رآشد : كلمة منيه مناك ..
حمده : ههه .. ما فهمت عليك ..
رآشد : كلمة من اربع حروف اول حرف أ وآخر حرف ك ..
حمده "ببراءة " : يعني مثل اونك ..؟!
رآشد : ههههههههههههههههه .. لـآ يآ حيآتي .. ثآنيه ثآنيه ..
حمده : مثل شو ..؟
رآشد : عشان فيني رقآد بس بقولج الكلمة .. ولو بعدني نشيط بسهر ويآج بس عسب اتقولينها ..
حمده : انزين شو هيي ..؟
رآشد " بعذوبه " : أحـ حـ حـبج ..
حمده " ابتسمت ومآتت حيا "
رآشد : عندي فكره ..
حمده : ........ " عآد يوم تستحي دوروا الحرف تدوير عندها "
رآشد : خليني ع الخط لين ما ارقد ..
حمده : اووكي ..
رآشد : ......
حمدة : ......
رآشد : ........
حمده " بهمس " : حبيبي رقدت ..؟!
رآشد " بانفعال " : هآآ ..؟!
حمده " انشوا ويهها وبندت التلفون ورقدت وهي حآظنتنه .. "
.
.
فـ العين ..
بيت بو محمد ..
فـ حجرة روضة ..
" تطلع من الحمام "
نورة : مآ بغيتي الشيخه .. جآن رقدتي دآخل بعد ..
عليا " وهي اتنشف شعرها " : هههههه ..
روضة : قومن يلا بطني عورني من اليوع ..
نورة : خلآص أنا ما أبا ..
روضة " اطالعها بنظرات خبث " : هي ما تبين اعيل انتي .. قومي قومي ..
{ طلعن و شآفن زآيد و هزاع ومآيد .. يآلسين فـ الصاله اللي فوق عند حجرهم .. }
البنآت : السلام عليكم ..
الشباب : وعليكن السلام ..
روضة : سآيرين انسويلنا عشا محد يبا ..
زآيد : لا والله شبعانين ..
هزاع : ع كيفك هو انا يوعان .. " لا تستغربون انه يترمس وياه جي عادي لانه الفرق بينهم سنة "
زآيد : الحقهن اعيل ..
هزاع : عادي أي وياكن ..؟! " ويطالع نورة "
" نورة كانت بترد داخل بس يودتها روضة .. "
{ نزلوا تحت البنات ع قولتهن بيسون بآستا .. ويالسات ايسون ويحطن وغيره .. وهزاع يالس ع الطآولة ويتأمر ..}
هزاع : عليوه هاتيلي عصير من الثلاجه .. مساعه نآس ما خلوني اشرب ..
نورة " طآلعته بنظرة وقالت " : مآ تشرب بعدين بتخلص عصير قوم خآلي ..
هزاع : غياض لج بشرب ..
نورة "طنش تعش "
هزاع " فخآطره : اليوم إلا أطفر بج .. ’ وبعد مآ شرب العصير .. سآر يقصصبها .. نورة كان عليها اسوي الصلصه .. هي يالسه اتسوي وهو اييب الملح ويجبه داخل .. واييب الفلفل ويحطه .. مآ خله شئ .. ’
نورة " تصآرخ " : أنتتتتتتتتتتتتتتتتتتتتتتتتتتتتتتتتتتتته .. لوعت بـ جبدي ترآك خلني أخلص ..
هزاع " طاف يآلس يسوي خلطه سحريه .. "
روضة وعليا " يعرفون فيهم .. و شوي وبينقعن من الضحك عليهم .. "
نورة " ع صوتها " : يآآآآآآآآآآآآآآآآآ جححححححححححححححححححححش ..
هزاع " يبا يخوفها " : نعم ..؟
نورة " بخوف " : شـ شـ شـو ..؟
هزاع " بيموت من الضحك بس ميود عمره " : شو قلتي ..؟
نورة : مآ قلت شئ ..
هزآع " ما قدر يستحمل أكثر ونقع من الضحك " : هههههههههههه هههههههههههه هههههههههههههه .. آخ بطني ..
نورة " وفيها صيحه " : أكررررررررهك .. " وتركض فوق .. "
الكل : هههههههههههه ..
عليا : حرآم عليييك .. بتكرهك بعدييين ..
هزاع " وهو يالس يخلط " : اللي يقول تحبني ..
روضة : تلآحق عمرك وسير رآضها .. إذا فتنت ما بتروم لها ..
هزاع " يطالع روضة " : هزززرج ..؟!
عليا : صدقها روضة .. ألحقها ألحقها ...
هزاع " يخلي كل شئ فـ إيده ويركض ورا نورة .. وروضة وعليا اطالعن بعض ونقعن من الضحك عليهم .. "
.
.
اليوم الثآني ..
يوم السبت ..
بو محمد ..
.,
روضة ~ ع الصبح الساعه 9 ردوا قوم خآلتيه دبي .. بعد ليل حشرة وسوالف وتنغيزآت .. وخآصه هزاع ونورة تحححفه .. عقب مآ روحوا .. يلست فـ الصالة ويا يدي وامايه .. وابويه سآير ابوظبي عنده شغل .. يدي عرف أني الحين مآ بسير الجآمعه .. بدال لا يهازب قآلي زين بتفتكيين .. وسرح بي العزبة كان بيوعي عمي زآيد عسب يشلنا بس انا قتله وراه دوام وجي وسرنا ويا الدريول .. ما شاء الله عليه مآ يخلي هندي ما يهآزبه .. وبعد ما يلسنا فـ العزبة حوآلي سآعه " العزبة هآذي عزبة البوش والهوش وغيره اما هاذيج لليلسة وفيها كم نوع من الحيوانات .. " ومن عقب العزبة سرنا المزرعه وهناك نفس الشغله إلا مهآزب .. مححد بيشردهم غير يدي .. وع الساعه 11 ردينا البيت .. بجذب عليكم إذا ما قلت اني نسيت همي ولو لفترة قصيرة .. غيرت جوو شوي ورديت .. يوم دخلتي غرفتيه شفت بوكس احمر بشريطه حمرا كبيرة ع السرير .. ما ياني فضول افتحه .. دخلت الحمام واتسبحت .. ويوم طلعت سرت افتحه .. شفت فيه عطورآت وآيد وكله ماركات وهي كانت الأرضية وفوقها كله ورق مجفف أحمر بعد .. وشنطتين مآركه وكذا شئ .. لقيت ورقة حمرا شليتها وكان مكتوب فيها : مبروك .. و أتمنى لج الأيام السعيدة معآي .. ’ لما قريت كلمة معاي عرفت انها من نآصر .. مآ همتني الهدية وآيد رديت كل شئ مكانه وحطيتها فـ الكبت .. ~
.
.
أبوظبي ..
الساعه 2:30 ..
بيت بو منصور ..
..
بعد الغدا الكل يآلس فـ الصالة .. بو وام منصور .. منصور وذيآب ومهرة .. وتنزل فطآمي من فوق ..
,’
فطآمي : يلـآ أنا بسير ..
منصور : ع وين ..
فطآمي : أنا قآيله حق مآمآتي وبآبآتي أنته شـ لك ..؟!
منصور " يوقف وهو معصب " : بترمسيني بـ أحترام ولا لا ..؟! وشو هاللي محطتنه فـ ويهج لـآ مرة ولـآ مرتين نبهتج ..
فطآمي : افف أنا بسير الجآمعه عندي أمتحان .. ادعولي ماماتي & بآبآتي .. "ومشت بتظهر "
منصور " زخها من ذراعها وخلاها اتجآبله " : مآ عندنا بنات يظهرن جذي .. جي وين أنتي ..؟!
فطآمي : كم مرة بفهمك انه مآ يخصك فيه ..؟!
منصور " عطاها طرآق بكل قوته "
بو منصور " معصب ويصآرخ ع منصور " : كم مرة قتلك مآ يخصك فيها .. والحين تضربها ..؟! " ويعطيه طرآق بدون مآ يحس ..
منصور " حآط إيده مكان الصفعه وعيونه امتزرت دموع " : تضربني .. تضرب ولدك البجر .. " يعلي صوته " عسب وحده مثل هآي ..!! .. خ تنفعك بنتك الحينه .. وشوفني جآن يلست فـ البيت دقيقة وحده ..
{ سآر غرفت وامه تلحقه وهي اصيح عشان ما يطلع .. وهو سآكت وطلع شنطة كبيرة حط ملابسه واغراضه فيها .. وطلع من البيت وامه تصيح ومهرة تهديها .. وابوه يالس ع الغنفه وحآط إيده الثنتين ع رآسه .. وفطآمي طلعت سآيرة آلجآمعه ولـآ سوت سآلفه حق حد وهي مستانسة أنه محد بيتحكم فيها لانه منصور طلع لككن الله فووق .. وذيآب لحقه لكن منصور من كثر القهر والضيجه اللي فيه ما كان يشوف ذيآب وهو يلحقه بـآلسيآرة .. }
..
كورنيش أبوظبي ..
يلس ع آلصخر وفر غترته و حط إيده ع رآسه وصبوعه مغروزة في أنحاء شعره .. نزل ذيآب وتقرب منه وحط إيده ع جتفه ..
ذيآب : الله يآ منصور جآن إلا فطيم بسوي فيك جي ..
منصور : .......
ذيآب : رد البيت يأ خويه .. أمايه تبآك وخوآتك يبنك .. ابويه بآجر بيسآفر .. وانا بسير الكليه وبرد يوم الخميس ..
منصور " معصب " : بزوالكم كلكم .. مآ تهموني سوو اللي تبونه .. " ويقوم وآقف ويزخ ذيآب من ذراعها ويوديه لين سيارته ويركبه ويشغله السيارة " .. " يصآرخ " يلـآ أشوف روح .. و وصل خبر للي هناك .. ينسون أنه عندهم واحد اسمه منصور ..
ذيآب : منصور أستهدي بالله ..
منصور " يصآرخ " : انته تسمع الرمسه ولا لا ..؟ روح أشوف روح ..
ذيآب : كيفك .. " وروح عن منصور .. اللي ركب سيآرته وكآن يسسرع لدرجه فظيعه .. وصل لـأجرب فندق وحجز فيه .. اول ما وصل الحجره فر أغراضه وطآح ع الشبريه .. وخآطره يكسر كل شئ يشوفه ..
..,’
أليس من الصعب ان يفقد لك أحد كرآمتك او عزة نفسك أمام أُناس يعتبرونك قدوة .. أليس من الصعب أن تنجبر على فرآق أشخاص والسبب شخص وآحد .. ولـآ تريد أن ترجع إلى ذلك المكآن إلا عندما ترجع لك كرآمتك .. حقاً من الصعوبة القصوى أن تهآن من أجل شخص لـآ يستحق التقدير .. تتألم , تتعذب من أجلهم .. تغآر عليهم .. تحب أن يكونوا حآفظين لـ حدودهم .. لكنهم يهينونك لأنك قلت الصحيح .. دائماً الصحيح هو الذي يفسد في نصف الطريق و الخآطئ هو الذي يكمل الطريق .. يقولون أنها حرية شخصية لكـن إلى متى ..؟!
..,’
.
.
الساعه 3 الظهر ..
بيت بو نآصر ..
حجرة نآصر ..
نآصر : أقولك عندي فكره ..
رآشد : شو هيي ..؟!
نآصر : يوم الخميس بنسير القرية ..
رآشد : شور { ن } زين .. إلا شبآبية ولا عآئلية ..
نآصر : طبعاً عآئلية .. انته شل حرمتك وانا بشل حرمتيه .. وحامد وعبدالله و منصور و زآيد وهزاع وبآقي بنات العايلة ..
رآشد : اول مرة تفكر اتطلع البنات ..!!
ناصر : لآ بس يعني هالمرة .. لصآحبة السمو زوجتي .. فـ لآزم بآقي البنات ..
رآشد : هههههه .. اوك ..
ناصر : انزين أخافهن ما يطيعن ..
رآشد : انا بقولك فكره ..
نآصر : قول لـعلّ وعسى ..
رآشد : أهنتني ترآك ..
نآصر : ههههه قول قول ..
رآشد : بنخلي الشباب يسبقونه .. وانته هات حمده وتعال صوبي .. وانا بركب رويض ويآيه فـ الموتر .. بعدين بنتبآدل انته شل رويض بسيارتيه و انا بسوي العكس ..
نآصر : والله أنك خطيييييييييييير .. شهالمخ اللي عندك ..
رآشد : احم احم .. ماخذ امتياز فـ الثنويه انا ..
ناصر : ههه لا تخليني اطلع اسرارك .. يايب نسبة 58 ولا ادبي بعد ويقول " يقلده " امتياز ..
رآشد : هههههه ..
.
.
{ بعد مرور كذا يوم .. كانت الأوضآع كالتآلي .. :
حمده ورآشد : طبعاً نحن انرمس بعض بالفون وزآدت محبتنا والله لا يغير علينا ..
نآصر : قآعد احط خطط عشآن اييب رآس صآحبة السمو .. اشش بلـآ حشره ..
حآمد : أحاول انساها او بالاحرى اتناساها .. ما يهون عليه اخوي اني اخونه ..
روضة : مثل ما أنا على همي .. يدقلي وآحد كل يوم مآ أعرفه وحشرة .. بس الصوت مب غريب عليه .. ودوم أنازعه ..
نورة : عآدي عآيشه حيآتي .. جآمعه وكرآف وحاله .. ودوم عند روضوه .. واستويت اتواصل ويا عليوه ومهرة بنت عمتيه وآيد ..
عبدالله : يعني ما اتعرفوني ..؟! مغازل وبنات .. وشردة من الدوام .. وكل يوم هزبة ..
مهرة : مستهمة وآيد علـى أخويه .. أبويه كنسل السفرة ع اساس نحن بنتم بروحنا بدون ريال .. نعرف اخبار منصور من ربعه .. انه سآكن فـ فندق ويداوم يوم او يومين بس ..
فطآمي : شـ تبون اتعرفون عني .. لـآزم تدخلون فـ خصوصيآتي ..؟!
ذيآب : احاول بكل الطرق أوصل لـ منصور .. وأخبر أمايه أخبآره .. ادق لـ ربعه لكنهم ما يعرفون أشياء وآيد عنه .. لأنه منصور من النوع الكتوم ..
منصور : مستحيل أرد البيت إلا عقب ما يردولي كرآمتي .. أبا اعرف اخبارهم بس والله كرامتيه وعزة نفسي ما تسمحلي .. قطعت الاتصالات ويا كل حد بس حمدان وسعود شويه .. لاني اخاف حد يوصل لهم خبر مني ولا مناك .. عشآن مرة ثآنيه محد يمد إيده عليه والسبة وحده .. و دايما أفكر فـ هآذيج البنت .. ظنتيه إلا اخت هزاع أعرف عودها كيف .. وشفتها يوم نازله من سيارة هزاع يوم المجله ..
هزآع : هآي البنت ذآبحتني دومها فـ بآلي .. أبا اخطبها خطبه .. بس متردد .. أخافها ترفض لأنه المواقف اللي استوت فشلتها اسميني .. يالله يآ ربي تكون من نصيبي ..
عليا : عآيشه فـ الحياة .. جامعه وبرزينتيشنات وامتحانات .. خطبني وآحد يستوي ولد ربيع ابويه .. ما أعرف شو أرد .. متردده ..
مآيد : مقهور من ذآك اليوم .. كل اللي سويته يطلع ببـلآش .. اول مرة فكيتها وخلصتها وثآني مرة رآكبة ويآ واحد و بـ قوآت عين منزلنها عند البيت بعد .. اول مرة الله ستر .. لـكن ثآني مرة إذا محد خلصها بتروح فـ دوآهي ..
..,’ }
يوم الأربعاء ..
الفليل الساعه 10:30 ..
روضة ~ بآجر بنسير القرية واخيرا من متى احن ع رآشد .. ع فكره .. بعد شهر او 3 اسابيع لانه نحن بداية الشهر .. عرس رآشد .. وبعده بـ أسبوعين عرسي يعني تقريباً شهر و اسبوع وسلموني مهريه اللي كان 200000 .. عرسي يآ نآس .. ما يفيد الصياح لو صحت الحينه .. الله يعين ويستر بس .. طبعاً إذا عرفت نوروه كل يوم والثاني بتوديني مكان .. آفف يآربي .. ~
ترررن ترن تررن ..
روضة : اخييج دق هالسخيف ..
أول مرة ما ردت عليه وبعد 2 مرة وبعد 3 مرة .. و 4 مرة طفح الكيل وردت عليه ..
روضة : نععم تراك اذيتني بغيت شئ .؟!
**** : اممممم .. ابا بوسة ..
روضة : والله انك ما تستحي ع ويهك ..
**** : عادي ترآج حليلتي ..
روضة " مستغربه " : كيف يعني حليلتك .. لا لا تقول انك ناصر ..
نآصر : ههههههههههههههه .. هي نآصر ..
روضة " سكرت فـ ويهه .. وقالت فخآطرها شهالانسان اللي ما يستحي ع ويهه .. دخل عليها عمها وحسته حزين شوي .. غيرت من نفسيته وسولفت وياه لين الساعه 2 .. وبعدين سآر يرقد وانا رقدت .. ~
.
.
اليوم الثاني ..
الظهر الساعه 3:30 ..
رآشد يدخل على روضة فـالحجرة ..
رآشد : بعدج انتي .. يلـآ خلصيني عقب شوي بنظهر ولين نوصل ..
روضة : يالله شو يبا بعد إلا عباه وشنطه هيي ..
رآشد : عباه وشنطه اعيل كلكن جي و اخر شئ اتظهرن ستين الف شئ ..
روضة : هههه .. شكلها إلا حمده عآطتنك محآضرة عن هـ الأشياء ..
رآشد " يبتسم " : يلـآ يلـآ .. " وطلع من الحجره .. "
..
روضة ~ اتلبست من حشرة رآشد يلا ويلا .. وطلعت لقيت السيارة مشتغله والاخ بعده ما يا يمكن ربع ساعه اتريا بس ما حسيت بـ شئ لاني يالسه ارمس ربعي ع البي بي .. ركب وقتله : حمدالله ع السلامه ما بغيت الشيخ .. اتحركنا و وصلنا جريب الطلعه من العين كامله .. استغربت رشود مستحيل يسكت إذا ركب سيآرة .. ألتفت له لفته سريعه ورديت أطالع البي بي .. وشوي وإلا اتذكر الملامح واتلفت ببطء واتمنى انه مب هو .. ويوم التفت وثبت رآسي صدق طلع هو .. وعشان اتأكد اكثر التفت لي وطالعني .. وصآرخت صرخه شلت البلاد كلها : اييييييييييييييييييييييييييييييييييييييييييييه ..
نأصر " وقف ع طرف الشارع " : خييبه بلاج ..
روضة : شو مركبنك ويايه ..؟!
نآصر " يبتسم " : انا مخطط ويآ رآشد ..
روضة " تمت تضربه ع ذراعه اليي صوبها " : انزل .. انزل أقولك ..
" وتمت تضربه لين بدت اتصيح ما اتحملت الموقف وهو وقف ع طرف الشارع " وقاللها : بلاج تصيحين حيـآتي ..؟
روضة " وهي اتصيح " : اكرهك اكرهك .. انا مب حيآتك ولـا شئ .. لا ترمس ..
" وتمت اتصصيح لين سكتت وهدت .. "
شآف مطعم ع طرف الشارع .. هرن للهندي وطلب 2 كرك ..
روضة : اشتبا انته .. اشتبا .. انا ما اباك ما اباك ..
ناصر " طنش تعش .."
روضة : رده الكرك ما ابا ما اباه ..
ناصر : زين بتوفرين عليه رياليين ..
عطا الهندي الكرك لـ ناصر .. وهو يسسرع لأنه اتاخر على البآقين والسبه اللي حذآله .. فـ كانت في الشارع نزله يعني انه الشارع شوي خربان وفيه مثل حفره .. وهو مب منتبه عليها ونقزت السيارة بهم وناصر كان توه بيشرب الكرك وانجب كله على صدره ..
ناصر : آآآآآآآآآآ حححححححححح ..
روضة " تلتفت له و تشهق " : هييييييأ شو ها ...؟!!
ناصر : يحرق .. طلعي طلعي ماي من الثلاجه بسرعه ..
روضة " طلعت ماي من ثلاجة السيارة " : يود ..
ناصر : ما تشوفيني اسوق .. شو يود ..؟ جب الماي ف كلينكس ومشي صدري ..
روضة : وين الكلينكس انزين ..
ناصر : ورا ورا ..
روضة " التفتت لـ ورا وشآفت ان الكلينكس بعيد شوي .. لازم تكون شبه واقفه ع الكرسي .. ويوم سوت هالحركه حطت ايدها ع صدره عشان تتيود .. "
نآصر : آآآآآآآ .. لا تحطين ايدج ع صدري ايعور ..
روضة " مفتشلة " : آآسفه آآسفه .. " وتبطل عقم الكندورة .. وانزلقت ايدها ع صدره .. يتها قشعريره وهو بعد .. بس الوقت مب مناسب لـ احاسيسهم .. جبت ماي ع الكلينكس وحطته ع صدره .. لين خف شويه .. وبعدين قامت عنه واستوعبت السالفه اللي استوت .. وصارخت مرة 2 ..
روضة : اييييييييييييييييييييييييييييييييييييييييييييييييي ييييييييييه ..
نآصر " وقف ع طرف الشارع " : بلاج بعد ..
روضة " وهي معصبه " : انته كيف تخليني اسوي مثل جييه ..؟!!!!
ناصر " يرد يسوق " : عبآلي عندج شئ ..
روضة : اسكت عني .. ما ارمسسك ..
ناصر : زين بعد بتفكيني من الصدعه .. وما بيستوي شل مثل مساعه ..
روضة " تمت اطالع برع ولا سوت سآلفه .. وهو انتبه ع طريجه .. وصلوا ع جريب الساعه 6 .. نزلوا وقطعوا تذارك ودخلوا ..
ناصر : اتغشي ..
روضة " طاف "
ناصر : اقولج اتغشي ..
روضة : افففف انزيين ..
ناصر : يوم تلقين رياييل خطفي بعيد عنهم ..
روضة " بملل " : إن شاء الله ..
ناصر : لا تسوين شئ يلفت الانتباه ..
روضة " بصوت شوي عالي " : افف حشرة تراك ..
ناصر " يوقف " : اقولج لا تعلين صوتتج ..
روضة : افف انزين انزين ..
روضة ~ وصلنا وين الكل يتريانا وسلمت ع البنات .. وكنت شوي وبصفع رشود ع الحركه .. وهو ولا هامنه مشغول ويا حبيبة القلب وفرحان ماخذ ساعتين وشئ تقريبا كله سوالف .. صرآحه حسيت ناصر غييوووور لدرجه فظيعه .. وكل ما اعق الغشوة ابا اتنفس يسويلي حركه عشان اردها وحليلي ع نياتي اسوي اللي يطلبه لكني ما بعوده ع جذييه ..كل واحد شل اخته وسآر او حتى حرمته .. اسميني خليت ناصر يسوي رياضه من قريه لـ قريه ومن مطعم لـ مطعم هلك .. وبعدين رأفت بحاله شويه .. وردينا .. طلعنا ع الساعه 11 إلا ربع .. ردوا قوم حمدوه ابوظبي ورديت ويا راشد وطول الطريج اهزبه .. وهو عادي عنده .. وصلنا ع الساعه 1 تقريبا ما صدقت اوصل البيت فريت اغراض و اتسبحت و سيدا انخمدت .. لأنه بآجر الجمعه والغدا على قوم عمتيه .. والكل طبعاً بيي ..~
.
.
أنتهـــى آلبـآرت ,’
سوري إذا قصير .. بس راعوا ظروفي ..
نآصر ..
روضة ..
ولـ أول توقع منكم لـه : زآيد ..
منصور ..
فطآمي ..
هزاع ..
نورة ..
وغيرهم ..
مع تحيآتي ..

آلــبــآرت آلـحـــ{ 11 } ــآدي عشـــــر ..,’’

{ ،، يـآ تـًـًرى شِفْتـوو جَسَدْ [،مَيِّــت،] وِرِفَضْ يِسْتَقْبلـهْــ،، قَبْــ}ـرهْ ،،‘؟!

،، أَنـًآ هــآآــذي مُعآنآتـًـًي ،‘ وأظِنْ إِلّي مِضـًـٍـٍـًى يكْفـــيني ،،‘!! }

.
.

آلعيــن ..
يـوم الجمعه ..
آلسـآعه 11 الضحى ..
بيت بو محمــد ..

روضة ~ امس كآن يوم متعب .. من غير الموآقف السخيفة اللي استوت امس .. ومن غير اني اكتشفت اللي يحشرني بالفونآت .. طلع صآحب آلسمو نويصر .. اففف وآلله وأبتليتي يآ روضه .. مآ أقول غير آلله يعييييني .. واليمعه هـ المره بيت عمتيه واكيد بيكون موجود .. يآ ربي والله اني عفت شوفه .. والمشكلة يعرف اني ما ادانيه وبعد يسوي كل ها .. المهم قمت الساعه 7 وصليت الصبح .. مرات من كثر ما اتحس انك تعبان توعى من وقت .. ما قمت الفير أصليها لأني ما حسيت بـ عمري .. ظهرت من الحجرة وسرت آلصآله ما لقيت حد وسرت المطبخ وبعد مآ لقيت حد .. طلعت برع شفت عمي زآيد ويدي عند الزرآعه .. سرت ويلست ويآهم .. ~

روضة : السلـآم عليكم ..
الكل : وعليج آلسلـآم ..
اليد : قومي قومي بنسير المزرعه والعزبة ..
روضة : يدي آلله يهديك وين عزبة ومزرعه صلاة صلاة الحيين ..
زآيد : متفيييج ترآه ..
اليد : قوم قوم انته مني .. قوم ..
زآيد : هي لقيت لك حد أهنا .. ويوم محد عندك تنشني من الرقاد ..
روضة : هههه محد عنده غييرك ..
زآيد : بعرس انا وبروح ..
اليد " يلتفت له " : بذمتك ..؟!
زآيد : إييييييييييها .. انته محد يطريلك العرس .. شرآيك تعرس انته ..؟!
اليد " يفكر ويزاعج على روضه " : روييض ..
روضة " كانت مندمجه فالبي بي وفزت " : بسم الله يدي بلاك ..؟
اليد " يبتسم " : دوريلي عروس وحده من ربيعاتج ..
زآيد : دخييلك بتبلي بنات الناس وياك ..
روضة : لـآ عآد يدي كل حد يبآه ..
زآيد : زيين تمي عند يدج .. وانا " يتثاوب " بسير أرقد ..
اليد " عصب " : صلاه ورآك إذا رقدت حرآم لـ خلي هاي العجوية ترفرف ع ظهرك لين تصلب لك عودك ..
زآيد " يوقف " : خيييييبه .. مآ يسوى عليه .. مب رآقد مب رآقد بسير دآخل ..
روضة " تسويله حركه عشآن يسير وهي بتم عند يدها "
..
روضة ~ تمييت عند يدي لين قبل الصلآة بشوي ودخلت ويآه دآخل .. شفنا زآيد رآقد ع الغنفة يحليله امس رآد متأخر ومن غير التعب ويدي الله يهديه مآ خلـآه يرقد .. وعن حلـآف يدي سآر وضربه ضربه وفز عمي .. ادري به يدي ما يهون عليه زآيد يضربه .. قآم وسآر يتسبح عسب صلآة الجمعه .. دخلت ويآ يدي حجرته وسآر يتسبح وانا طلعت له كندورته وغترته .. طلع من آلحمـآم واتلبس .. دخنته و عطرته وسآر ويا ابويه ورآشد وزآيد المسيد .. وانا سرت حجرتيه واتسبحت لبستلي مخورة ع البني البسكوتي اموت ع هاللون وفيها نقش ورود بالأسود .. خلصت وقريت قرءان و صليت .. حطيتلي جححآل شوييه واتعطرت .. ولبست شيلتيه .. نزلت تحت وشفتهم ألحين بيظهرون وبيسيرون بيت عمتيه .. وصلنا أصلا مب من بعد البيت اليدار باليدار .. أول ما دخلنا شفنا قوم نآصر توهم نآزلين من آلسيآرة .. سلمت على خالوه وحمدوه وسلم عليه نآصر بالكلـآم رديت آلسلـآم عليه عشآن مآ أحرجه جدامهم .. دخلنا نحن الحريم دآخل و الرياييل دخلوا الميلس .. سلمنا ويلست ويا نوير وحمدوه ..~

حمده : انزيين أنا بسير شويه ..
نورة " بدفآشه " : ندري ندري انه رويشد .. سيري سيري ..
حمده : هههههه .. محد يعرفني كثرج .. " وروحت "
روضة : نوروه تدرين انه اللي دوم يحششرني بالتلفونات .. طلع نآصر ..!!
نورة : بذمتج ..!!
روضة : والله انه هو ..
نورة " مستآنسه " : يآ ويل حآلي ع ولد خآلي الرومنسي ..
روضة " اطالعها بنص عين واتقلدها " : يآ ويل حآلي ع ولد خآلي الرومنسي .. عيدي هالرمسه اشوفج .. انتي اكثر وحده اتعرفين اللي بينا ..
نورة : انزيين عنبوه عن تآكليني .. محد يسولف يعني ..
روضة : جآنها إلا سوالفج جيي خليها حققج ..
نورة : خييييييبه .. بلآج طنقرتي ..
روضة : ليش طنجره ..؟!
نورة " اتسوي عمرها تضحك " : هأهأهأهأ .. عبآلي طآسه حرآره ..
روضة : طآسه ولآ صحن ..
نورة : صحن فضآئي ولا صحن أرضي ..
روضة : أرضي ولأ سمآئي ..
نورة : سمآ ولا غيوم ..
روضة : عبآلي مطر ..
نورة : لـآ وانتي آلصآجه نفآف ..
روضة : بلـآه اعتوى لسآنج ..؟!
نورة : مصيحين عليه ويلـآت ..
روضة : ههههه ما تضحكين ..
نورة : اعيل ليش تضحكين ..
روضة : لوعتي بـ جبدي ترآج ..
نورة : اقولج ..
روضة : قوولي ..
نورة : انا سمعت .. سمعت ترآني هآ ..
روضة : انتي كل شئ تسمعينه .. قولي ..
نورة : بس سمعت ترآني ..
روضة : ايييييييييييييها ..
نورة : انه .. احم ككح .. عرسج بعد شهر تقريباً ..
روضة " تلتفت اطالعها "
نورة " باندفاع " : ها تراني بس سمعت ما يخصني ..
روضة " بحزن " : هي صح ..
نورة : أنزين ليش جي حزينه .. ؟؟
روضة " دموعها بعيونها " : مآ أعرف كيف بعيش بعدين .. كيف بنتفاهم .. أصلاً هذا كله أحسسه حلم و بوعى منه .. عشآن جي مب عآطتنه اهتمام ..
نورة : روضة .. حآولي تتقبلين .. هذآ نصيبج وقدر مكتوب لج .. أنتي مـآ تقدرين أتسوين شئ .. الله كاتب لج هالشئ .. مآ تدرين يمكن يسعدج وغيره ما يقدرون ..
روضة " دموعها تنزل " : نورة لا تتكلمين ع أساس أنج مآ تعرفين شئ .. أنتي اتعرفين كل صغيره وكبيرة بيني وبينه .. ولو حمدوه مب اخته بتكون ثآلثتنا .. " وتقوم عنها تسير للـ مطبخ .. اتهدي من نفسها شوي .. ونورة خلتها بروحها .. "

.
.

نفس الوقت ..
بيت بو سعيد ..
ميلس الرياييل ..

حآمد ~ حشرة وربشة وسوآلف وحآله .. خذت عهد ع نفسي أني مآ بفكر بـ حليلة اخويه إلا كأخت .. ونآسة هليه اهم من ونآسيته .. قلت ليش ما استوي شرآت عبدالله من بنت لين بنت ولـآ همه شئ وحتى الدوام ما يسير إلا مرة أو مرتين فـ الأسبوع .. وزين أنه سعيد مآ وصل تقرير عنه لأنه ريل عمتيه قآله بيصطلب ولـآ رآح عبدالله فيهآ .. آلمهم اتصل ليه ربيعي وقمت طلعت برع عن حشرتهم .. وخذتنا السوآلف وآلضحك .. ومآ حسيت بـ عمري إلـا أني دخلت المطبخ وشفت بنت يآلسه ع الكرسي اللي حذآل الطاولة ومحطيه إيدها ع عيونها .. بندت عن ربيعي بدون أي كلمه .. وأجربت منها .. شكلها كانت تصيح والحين اسمع شهقآتها .. مستحيل تكون غريبه اكيد وحده من آلعآيلة .. ~
..
روضة ~ صحت وصحت وصحت بما فيه الكفايه .. حبيت اهدي من نفسي شوي .. لككككن بقت معآي بقآيآ الصيآح اللي هي آلشهقآت .. حسسيت انه في شخص حذآلي .. خوزت أيدي شوي وشفنت كندورة بيضة .. ويوم خوزتها كآمله ورفعت رآسي أنصدمت بوجود حآمد قمت بسرعه .. وعدلت شيلتيه .. واتوجهت لـ مغسلة المطبخ غسلت ويهي ومسحت الجحآل اللي كآن نآزل .. وكنت بروح بس وقفني صوتته يوم قآلي ..~

حامد : روضة فيج شئ ..
روضة " وهي بعدها عآطتنه ظهرها " : لـآ .. مآ .. فيه شـ شـئ ..
حآمد : روضة أذا عندج مشكلة او شئ بسآعدج .. !
روضة " التفت له وقآلت بدون ما اتحس وهي اتصيح " : أنتوا كل مشكلتيه .. انتوا اكبر همومي .. انتوا خرآب حيآتي .. خرآب حيآتي .. " واتصيح بقوة وطلعت من المطبخ واتسآندت ع اليدآر .. أما هو يلس مكانها و تم يفكر بـ كلآمها .. "

حآمد ~ شقصدها أنَّ نحن كل مشكلتها واكبر همومها وخرآب حيآتها ..؟! وليش بالذآت قآلتلي أنا ..؟! وآلله مآ فهمت شئ ..!! بس مآ كنت متوقع بشوف حبيبة روحي يوم بهالحالة وما اروم اسوي شئ ..!! أيه حامد شقاعد تخربط حبيبة ما حبيبة " يضرب رآسه " اسستغفر الله .. بس لـآزم أكتشف آلسر بيوم من الأيآم .. ~

روضة ~ كييف أقوله هالكلـآم كييف ..!! .. أففف يآ ربي إذآ خبر حد وفهموا سآلفتيه .. بتستوي مشآكل لـآ لها اول ولـآ تـآلي .. يآ ربي اكيد بيسأل روحه عن سبب صيآحي .. يآ ربي شو أسوي شوو ..؟! .. ~

{ هدت شوي .. وقآمت وردت مكآنهـآ عند آلبنآت سوت عمرهآ عآديه .. بس مآ تطووف على نورة .. أتغدوا آلكل وأتيمعوا الحريم والريآييل فـ آلصآلة .. }

اليد : اييها يا زمان اول .. لا مكيفآت ولا تلفزونات ولا هـ اللي اتظربونه بـ إيدكم " كمبيوتر " .. غير غير ..
زآيد : عآد آلشيبة أحين فتح لـ عمره موضوع مآ بيسكت إذا بدا فييه ..
بو محمد : خله يرمس .. كل كلـآمه صدق ..
زآيد : لـآ تكبر له رآسه ..
اليد : أنتوا شو عندكم تتصآصرون ..؟! .. " يبتسم " لـآ يكون بتخطبوليه وأنا مآ ادري ..
ام سعيد : آمر منو تبآ انته ..؟!
آليد : والله ما أبا غير عشبة الله يرحمها ..
عبدالله : يدي لـآقلك وحده غرشوب لكنها عيوز .. يآ ويلي ويلـآه أسميها أتعق الطير من السما ..
اليد " يتقرب حذآل عبدالله " : جآنه إلـآ من صدقك حرآم يحبك ع رآسك ..
عبدالله " وفيه ضحكه " :ترآك توك اتقول ما بتاخذ ع يدتيه وحده ..
اليد : أنا ..؟! متى قلت ...؟!
الكل : ههههه
عبدالله : يدي تراها محجوزة حقي ..
اليد : لا لا أنته يبالك وحده اصغر عنك ولا ع كبرك أداريك .. شتبآهآ آلعيوز بتخيسك إلا من ريحة الفقسآت ..
عبدالله " وهو بينطر من الضحك " : هزرك يدي ...؟!
اليد : هي نعم .. العيوز خلها للشيبه .. والشآبة للشباب ..
حامد : يدي ترآه يقص عليك ..
اليد " يلتفت صوب عبدالله " : اذا طلعت اتقص عليه .. صدقني يهالعجوية لتنكسر ع ظهرك ..
عبدالله " يبتعد شوي شوي عن يده " : هآ يدي .. حشم حشم " يوقف " الصراحه يعني والواقع وليس الخيآل أني يآلس أجذب عليك .. " ويسير بعيد شوي وينفجر من الضحك واليد يحليله اتضآيج .."
نآصر " بهمس لـ رآشد " : إيه انته كلت ختيه بـ عوينآتك ..
رآشد : عادي كيفي حرمتيه ..
نآصر : لـآ مب كيفك ..
رآشد : إذا انته غيرآن هكييه رويض طالعها لين تشبع ..
ناصر : والله اخبر يدي عليك وخل يستوي ويهك أسود جآن ترووم بعععد ..
رآشد : عآدي ..
نآصر " يصآرخ " : يدي ..
اليد : آمر ..
نآصر : ترآ رآشد مآ يستحي طآلعه من الصبح يآلس يطآلع ختيه ..
الكل " يلتفت صوب رآشد اللي مآ يدري بالدنيا ويالس يطآلع حمده ويبتسملها .. "
اليد " يفر رآشد بكوب خآلي " : ما عليه يالهرم لآ تستحي ولآ تخيل يالس اطالع البنية جيي .. قوم اشوف اظهر برع ..
رآشد " معصب " : مآ عليه يا نويصر والله اردها لك .. " يلتفت صوب يده " يدي انا ما اطالعها انا اطالع اليدار اللي وراها وايد عايبني ..
اليد : هييي زين .. انا اقول بعد تربية ولديه ..
>.. البنات والشباب نقعوا ضحك عليه وعلى انقاذه السريع للموقف .. <
زآيد : والله خآطري اسير مول من المولات اللي اهنييه ..
عبدالله : فوووقه ..
سعيد : فآلح فـ هالشئ ولـآ الدوآم مآ تبآه ..
عبدالله : بداوم بداوم ..
سعيد : اسمعني يا اداوم شرآت الناس والعالم يا اتسير ادور لك وظيفه غير هاي الوظيفه ..
بو سعيد : اصبر عليه يا ولديه ..
سعيد : كم بصبر ثنوية وما كملها وشغلناه فـ الشرطه .. لا مدرسة فآلح ولـآ وظيفه فآلح .. كل حد قام يرمس فـ الدوام ويقول عسب أني اخوك .. مخلنك عآدي ..
عبدالله : بداوم بداوم .. قوموا يلـآ شباب بنسير ..
نورة : نحن بعد بنسير ..
عبدالله : ع وين ان شاء الله .. امره فزت فزه ..
نورة : الله يخليكم ..
عبدالله : ماشئ سيره ..
نورة : اسكت اننته .. راشد آند نآصر حريمكم يبن يشترن اغراض بسيطه للملجه أقصد العرس فـ لازم اتشلونا ..
>.. حمدة وروضة التفتن ع بعض منصدمآت لأنها نوروه مب أول مرة تسويها ورآشد استانس .. <
بو محمد : هآذيلاك شورهن عند ريآييلهن وانتي ..؟
بو سعيد " يبا يغصص بها " : انتي يوم بتعرسين سيري ويا ريلج ..
نورة : ابووووووووووويه الله يخليك .. والله والله ابا اسير ابوووووووووويه .. هئ هئ هئ والله اصيح ترا ..
الكل: هههههههههههههههههههههههههههههههههههههههه ..
نورة : يعني موافق ..
بو سعيد : هي سيري سيري ..
نورة " تصآرخ " : هيييييييييييييييييييييييييييييييييي .. " وتركض حجرتها .. "
ام سعيد : طولها طول وتناقز شرات اليهال ..
بو محمد : خليها بآجر بييها الريل وبيحكرها ..
بو سعيد : هيي والله ..
عبدالله : يلآ اعيل بنسير قومن ..
روضة : انا بسير اييب عبآتي وشنطتيه من بيتنا وبيي ..
نآصر : اوك ..
روضة " وهي تمشي اطالعته بنظره يعني شـ دخلك .؟! "
..
روضة ~ طلعت وسرت البس عبآتي وشنطتيه .. طلعت ولقيت السيارة عند باب البيت ركبت جدام والتفتت للي يسوق عشآن ما يستويلي ذآك الموقف ومرتين ورد واستوى .. وطلع ناصر اللي يسوق ولآبس نظآرة شمسية الاخ عباله بيذوبني ويبتسم بعد .. وبحركه سريعه نزلت وركبت ورا ..~

نآصر : تعالي جدام ..
روضة : .......
نآصر : اذا ما ييتي صدقيني مب متحرك من هنيييه ..
روضة : ..................
{ تم واقف وهم مصمم إلا انها تركب جدام .. خطف بو محمد حذال السيارة لانه بيسير بيته بيرقد ودق الدريشة ع نآصر .. }

نآصر : هلـآ عمي ..
بو محمد : يالله جييه ما سرت ..؟!
نآصر : عمي بنتك تتدلع مب طايعه تركب ويايه جدام ..
بو محمد : اني رآعيها .. جي مب طايعه بععد " ويسير لها وين يالسه ورا ويزخها من ايدها ويركبها جدام "
بو محمد " يضرب الموتر " : يلا اتوكلوا .. " وروحوا "
..
فـ السيآرة ..
روضة " محرجه وتلف صوبه " : تدري اني اكرهك ..؟! .. تدري اني مغصوبه عليك ..؟! .. تدري لو أن الود ودي اذبحك ..؟! .. تدري اني كرهت حيآتي والسبب أنته ..؟! .. تدري أ... " قآطعها يوم حط إيده ع حجلها .. اقشعر جسمها .. بس هو كآن يحآول يسكتها بأي طريقة .. تموا ع هالحالة لين وصلوا المول .. والتفت صوبها .. وهم بعدهم فالسيارة "

ناصر : كل اللي قلتيه أعرفه .. وشعورج شرآت شعوري .. بس مآ بيغير شئ انتي حليلتيه وعقب كم اسبوع بتستوين حرمتيه .. ويلـآ انزلي يتريونا وحطي وقآيج ع ويهج ..
روضة : مآ بحطها ..
نآصر : إذا ما حطيتها قسم يـييج كف يدور لج رآسج تدويير ..
روضة : لآ تيلس اتكلمني هالأسلوب ..
نآصر : اعيل أي اسلوب تبيني اكلمج فيه الشيخه روضة ..؟!
روضة : .......
نآصر : يوم أرمسج ردي عليه ..
روضة : انا عندي تقلبآت فـ مزآجي ..
نآصر : عشتوا واستووا يعرفون المزآج بععد ..
روضة : مآ برد ع حثآلة ..
نآصر " عصب و صآرخ " : نعععععععععععععم ..؟! عيدي الرمسه أشوف ..
روضة " خآيفة لأنه الكلمة طلعت بالغلط وسكتت .. "
نآصر : انا حثآله .. مآ عليه برآوييج كيف الحثآلة يتصرفون ..
{ وطلع من البآركنات وهو يسسسرع طآرنه طرر .. ويجآوز بجنون وهرنآت وحآله .. ويتنفس بسرعه من كثر مب محرج .. دق له رآشد وكان جوآبه وهو يصآرخ : محد يدق تفهمون وخلوا المول حقكم وانا مب يآينكم .. عشان اتعرفون الحثآله كييف عدل .. وسكر الفون فـ ويهه .. }

روضة " متلومه " : نآصر آسفه .. دخيلك لـآ تسسرع ..
نـاصر " يصارخ " : جب ولـآ كلمة عشآن بس اتعرفين حدودج انا مب اصغر عيآلج اتقولين لي هالكلمة .. والله لو غيري ليفرج فرة جلآب فـ الشارع ..
روضة " مب قآدرة تقول شي من كثر الموقف "

{ وصل البيت بعد ما كان طآير .. نزلها .. وروح بوظبي .. وامه واخته بيشلهن حامد .. دخلت حجرتها وقفلت عليها الباب .. وتمت تصيح خآفت لو رآشد فهم السالفه لانه ناصر قال كلمة حثاله وهو يرمسه ومن غير كان معصصب .. تمت تدعي انه يعدي اليوم ع خييير .. صلت العصصر ورقدت من التعب .. بعد مكالمة ناصر لـ رآشد .. احترق رآشد يبا يعرف شسالفه .. بس مشى الامور وقاللهم انهم كنسلوا ما بيون اتحوطوا وع الساعه 8 ردوا .. روحوا هل بوظبي .. سآر رآشد حجرة روضة عسب يكلمها .. لكن شآفها مقفوله .. اسبح و تلبس ودقله عبدالله عسب بيتيمعون فـ ميلس واحد من ربعهم وسار وياهم زآيد .. نآصر بعده كان ع حرجته ومعصب من آلخآطر .. هاي الكلمة مب شويه وبالنسبة له كبييييييييييرة .. والله يسستر من اللي يآي .. }

.
.

بعععده ما أنتهى آلبآرت ..