|
اقتباس:
ان شاء الله حبوبة يسلموو على المرووور الناااايصصص |
اقتباس:
ههههههههههههههه الله يعينها ام علي لو كانت حقيقية مب خيالية .. اسميها بتنذبح ههههههههه ان شاء الله اليوم بليل اذا خلصت البااارت بنزله |
اقتباس:
اللله يعافييج ان شاء اللله بيكون طويل الباااارت اليااااي هههههههههههههههههههههه يسلموو على الرد الجمييل اوي اوي |
. . . . . البارت الخامس . . . . صراحة تضايجت من حركاات مــيرة .. كله تسويلي طااااف .. واللي زادني اكثر امبعد ما راحوا البنات فوق يدي فتح سالفة العرس يدي : هااا علي خلاص انت خلصت دراسة وتشتغل فشركات ابوك مب ناقصنك غير الحرمة امي : علي ما بيخاذ الا بنت خالته شهد يدتي : علي ما بيخاذ شهد .. منو قال انه بيخاذها امي : ليش يعني عموه .. شو فيها البنية انا : البنت صايعة والكل يدري عنها الا انتي وخالتي منعميين .. وصراحة انا ما ببلش عمري بوحدة مثلها امي حرجت : شو هاي بعد منعميين ما منعميين .. البنت ما عليها كلام ولاتيلس تقول شي مب فالنية يدتي : والله الولد صادق الكل يعرف عنها .. واذا ما كانت صايعة وعلي ما يباها مابياخذها .. احييد الحرمة تنغصب على الريااال مب الرياال اللي ينغصب عن الحرمة .. اذا يباها بياخذها واذا ما يباها مابياخذها .. هو ريال وعقله فراسه اللي يباها بياخذها امي : واذا طلعت البنت اللي هو يباها صايعة شو بنسوي ذيج السااعة يدتي : هو اللي بيتحمل .. هو اللي اختارها وهو بيتحمل مالي داعي تعطينه اوامر وهو شي ما يباه .. هو ريااال حتى لو غلط برايه .. ارووحه بيتعلم .. كيف تبينه يتعلم وهو ما غلط فشي .. لاتحسسينه انه صغير امي : خل يسوي اللي يبيه بس شهد غصبن عنه ياخذها انا : والله انا مب مجبور اخذ وحدة صايعة .. لما شافوا محد خطبها قالوا بيفرونها علي .. انا فبالي وحدة وباخذها يعني باخذها امي حرجت زيادة : والله اللي فبالك ما تصلح لك انا : وليش يعني هي ما تصلح لي وشهد تصلح لي امي : اولا شوف اللي انته تباها وين كانت عايشة وامها وكيف تربيتها .. اما شهد امها اختي ومعروفة تربيتها و عايشة عند اهلها وتعرف السنع انا هني ما قدرت استحمل : اميه شهد من صغيرة الخدم اللي يربونها وامها لاهيه عنها فالشركات هي وابوها كيف ماتبينها تصييع .. اما اللي فبالي مربااية وما اسمح لج تشكين فتربيتها يدتي جنها الا فهمت منو اللي فبالي : منو اللي فبالك انا عسب ما اسوي المشاكل : عقب بقولج يدووه يدتي : قول الحين وبسرررعة انا : مـــيرة بــنت عــمي ذيــاب الكل انصدم واكثرهم عمي ذياب وحرمته لان امي يالسة تشكك فتربيتهم لمــيرة . . . . . ابوية فوول تعرفونه هو من الاساس عصبي : فاخرة شو هالكلام اللي تقولينه امية خايفة بس ما تبا تبيين انها خايفة : والله هذا الكلام الصح .. امها كورية و عايشيين فكويا بلد نادر ما يكون منهم مسلميين كلهم كفار كيف بتكوون البنية يعني .. اكييد صايعة والله اعلم شو كانت مسوية هناك ابوية ما استحمل سار وصفعهاا كف وكان يبا يضربها بس عمي ذياب مسكه وهو يقول : بس هدي يا بوعلي ما صار الا الخير.. وانتي يا ام علي مشكوورة على الكلام الحلو واي منج اكثر .. ام علي و هي معصبة : تضربني يا بوعلي تضربني عسب وحدة ما تسوى ابوية : بضربج وبضرب عشرة من امثالج .. و مــيرة تسوااج وتسوى عشرة من امثالج يالهرمة .. طبعا مابشكيين بتربية اختج وبتشكيين فتربية اخووي .. بنت اخوي اللي مرباية و الكل يذكرها بالخير تقولين عنها صايعة .. وبنت اختج الصايعة واللي الكل يعرف عنها انها صايعة تقولين عنها سنعة .. وعلي بيااخذ ميرة غصبن عنج رضيتي ولا انرضيتي .. من متى نحن ناخذ بشور الحريم عمي ذياب وهو يحاول يهدي ابوية : اصبر يا شهاب يمكن حرمتك شايفة على بنتي شي من جي قالت عنها صايعة امية بجراءة : لا مب شايفة عليها شي .. بس بصراااحة ما اباا ولدي ياخذ مــيرة اباه ياخذ شهد واذا مايبا ياخذ شهد خل ياخذ وحدة دارسة وعايشة فالامارات مب من صغرها عايشة فكووريا .. صح اني حبيت ميرة لكن هي عايشة فبلد كله كفار وصراحة اخاف على ولدي ياخذ وحدة عايشة فبلد كلهم كفار وتطبع من طبعهم ومب عارفة السنع ابوية : انتي شو تفكيرج .. هالتفكيير غلط .. واايد بنات وحريم عاشوا طول حياتهم برا..وعقب ردوا وطنهم وهم مسنعيين .. وفي بناتدارسين فالامارات وعايشين فالامارات وصايعيين .. لكن ميرة معرووفة تربيتها ومعاملتها مع الناس .. وتنحب بسرعة .. وحركاتها معرووفة .. مب حركات مياعة وصياعة .. مدام هذا تفكيرج ما اباج تلوثين تفكيير عيالي .. روحي بيت اهلج الحين بسرررعة .. خل يسنعونج ويعدلون تفكيرج اول عقب تعالي ربي عيالي .. يلا برا طلعت امية وهي معصبة وراحت بيت يدي فرااك عند يدتي لان يدي مسافررر وبعد يوميين بيرجع .. كان الجو متكهرب .. ابوي استسمح من عمي .. وعمي قبل اعتذاره بصدر رحب . . . . كنا فوق انا و سلامة وحمدة واسما لكن سمعنا كل اللي استوى .. لان صوتهم كان عالي .. صح اني تضايجت ان حرمت عمي اهانتني بس اللي ضايجني اكثر ان استوت مشاكل بين عمي وحرمته بسببي .. كنت متضايجة حدي وابا اصييح .. نزلت تحت وكلهم يلسوا يطالعوني انا : ابوية ابا ارد البيت ابوية ما عارض حتى هم ما عارضوا لانهم حسوا اني سمعت والحين متضايجة .. رحت ركبت السيارة ابوي وامي ركبوا جدام وانا ورى .. مرت نص ساعة وانا كاتمة الصيحة .. لكن ما قدرت اتغشيت بالشيلة ويلست اصيح بدون صوت .. اعرف ان امي وابوي لاحظوا اني اصيح .. لكن انا ذيج الوقت ماهتميت لاني كنت ابا افرغ كل القهر والضيج بالصياااح .. اول ما وصلنا دبي و اول ما وصلنا بيتنا رحت غرفتي ونسيت اقفل الباب فريت عمرها على الشبرية ويلست اصييح .. تميت نص ساعة وانا بهالحالة .. عقب امي دخلت علي ويلست تهديني شوي .. قالت لي اروح اصلي ركعتين واقرا قرآن عشان ارتاح شوي عقب اوطي راسي وارقد .. سويت اللي قالت لي اماية اسويه وعقب وطيت راسي على المخدة وررقدت . . . . بعد 3 ايام كنت قاعد انا وحمدووه قاعديين نهدي فصول .. ونقنعه انه يتغدى .. مب راضي ياكل .. يالس يصييح ويقول ابا ماماه وابا ماماه .. مب عارفين شو نسويله .. دقايق واي ابوي مع يدي ( ابو امي ) سلمنا على يدي وقعدنا كلنا نتغدى ويدي قنع فصول وقاله اتغدى عقب بوديك عند امك .. بعد الغدى ابوي فهم يدي السالفة كلها .. وبان على ملامح يدي انه حرج .. استسمح من ابوي وشل فصول معاه ووداه عند امي .. المغرب امي رجعت البيت ومعاها فصول .. راحت امي داخل الحجرة تتفاهم ويا ابوية .. وبعد ساعة ظهرت هي وياه .. وما كانت فاصخة العباه والشيلة .. ظهروا هم الثنينه برع البيت .. قلت اكيد راحوا بيت عمي ذياااب . . . . كنت قاعدة ساعتها عند امي فالصالة اللي تحت لما دق الجرس ودخل عمي وحرمته .. شفت ان حرمت عمي متلومة .. استسمحت مني انا وامي وعينها فالارض .. صرااحة انا مش زعلانة منها .. لانها قالت وجهة نظرها .. من حقها تخااف على ولدها .. يلسوا معانا شوي عقب روحوا .. حمدت ربي انها خلصت المشكلة بدون مشاكل . . . . بعد اسبوع .. كان عمي وابوية مسوين لنا حفلة بنات بمناسبة نجاحنا .. وبنت خالت حمدة ( شهد ) معزومة مع ربع حمدوه انا تعرفت عليهم ربع حمدوه وسلامة الروح بالروح اللي فالمدرسة وياهم: موزة و عايشة و مريم و روضة وباجي بنات الصف .. اما انا عزمت بنات خالاتي : عليا ( من العين ) .. فاطمة ( من الكويت) .. ميثا ( من رااك ) .. شوق ( من الفجيرة ) .. كنا كلنا نسولف مع بعض وشهد كل ما قلنا شي تحاول تجذب الانتباه .. لكن محد مسويلها سالفة حمدة : ميراري تعرفين علوه اخوي امبارحة صدع راس ابوية وهو يقوله ابا اعرس وابا اعرس .. وابوية يقوله اصبر توك مخلص دراسة وتشتغل .. لكن هو كل ساعة يقوله ابا اعرس ابا اعرس لين ما قاله ابوية باجر بيخطب له مريم : ومنو بياخذ شهد بغرور : في حد غيري .. سحرته بجمالي ماتبينه يحن على ريل خالتي ويقوله يبي يعرس هني انا وسلامة وحمدة نقعنا من الضحك سلامة : اييه انتي واايد مصدقه عمرج .. علي اصلا تضارب ويا حرمت عمي بأنه ما يباج .. يقول انج وحدة صايعة ماتصلحين له حرجت شهد : شوووو .. لا والله انا الحيين الصااايعة هاااا حمدة : هيه واستوت سالفة عودة واصلا حتى يدوه قالت علي ما بياخذ شهد وابوية قال نفس الكلام .. واصلا علي فباله وحدة وابوية قال بيخطبها له باجر شهد : ومنو هاذي الخسفة والخايسة سراقة الرياييل اللي سرقت علي سلامة : ما اسمح لج اتسبينها هي لاسرقت علي ولا شي .. اصلا علي من قبل قايل ما يباج .. قبل لا يشوف هالبنية .. فحطي السانج فحلجج وسكتي شهد بثقة : اصلا خالوه مابتخليه ياخذ وحدة غيري حمدة : اصلا ابوية قال لها مايخصها وعلي بياخذ البنت اللي يباها .. لان سمعتج وااايد وااايد حلوة بين الناااس شهد عصبت : انتي ايه تتمصخريين علي شو .. ماعليه اذا ماخبرت عليج خالوه تهزبج وترد لي كرامتي .. ما اكون شهد بنت امي وابوي انا بسخرية : لييش انتي نونو ماتعرفين تردين عليها تخلين امج ولا خالتج يردوون عليها .. ولا ماعندج السااان شهد : جب انتي ما يخصج انا : يخصني ونص مدام ان حمدة بنت عمي شهد : حسستيني انا : زين ان طلع عندج احساس وكرامه .. تركضيين ورى علي عشان ياخذج .. المفروض تكون عندج كرامه واحساس تقولين ان اللي ما يبيني ما اباه .. مو تركضين ورى اللي ما يباج شهد : انتي جب ما يخصج لاتتدخلين فخصوصياتي .. اركض وراه ما اركض وراه لاتتدخلين انا : والله انا انصج نصيحة .. رأفت فحالج محد عندج ينصج ويعلمج الصح من الغلط .. لكنج ما تستاهلين النصيحة (وانا اقوم بدلع) يلا بنات انا بروح اسلم على عمي من اسبوع مب شايفتنه .. حمدووه عمي وين موجود حمدة : فميلس الرياييل هو و علي انا : يلا بنات انا رايحة شهد : روحة بلا ردة انا : مشكله اليهال الغيوريين ( ورحت عنها وانا اضحك على شكلها المتغصص و المحرج ) رحت الميلس دقيت الباب ودخلت حصلت عمي و علي وفصول .. قبل لا اقول لكم شو استوى بقول لكم شو كنت لابسة .. كنت لابسة بنطلون جينز مع قميص احمرر نعال احمر وباقي سيرها طويل لونها احمر وعباه مفتوحة عليها خطوط بالاحمر عند اليدين وصوب وين العابة مفتوحة وشيلة على اطرافها خطوط حمرا .. وكنت محطية فويهي بودرة ومتكحلة بكحال احمر ومحطية مسكرة وآي شدو وروج وردي مع قلوز شفاف .. اول ما دخلت شفت علي يطالعني بنظرة اعجاب .. انا صراحة استحيت من نطراته .. رحت سلمت على عمي وفصول ولما وصلت لعلي : شحالك علي علي وهومبتسم : من شفتج صرت اشقح انا احمرت اخدودي اما عمي احرجني زيادة وقال : شوي شوي على حرمتك .. بعدها تستحي منك علي : شوي شوي وبتتعود انا هني دوروني وما بتحصلوني خلاص بموت من المستحى قلت لهم برتباك: انـــا بـــروح عــنـــد البـــنــات ( وظهرت من الميلس ) ماحسيت الا بإيد تسحبني وتوديني ورى البيت .. ولما دققت اكثر فالشخص .. تبيين لي انه علي . . . . . اول ما وقف هو وخوز ايده قلت له بعصبية : شو فيك ؟ علي وهو مبتسم : ما فيني شي بس حبيت اكلمج بشي وما ابا حد يسمعنا انا بعصبية : شو تبا تقول خلصني علي يطالعني باستغراب : شوفيج انا بدون نفس : مافيني شي علي : عيل ليش تكلمييني بهالطريقة انا بجدية : لان حركتك مول ما عيبتني .. تخيل لو حد من خواني شافنا جي .. قول لي تعالي ورى البيت بكلمج .. مب تسحبني جي لورى البيت علي : اوكي خلاص انا آسف ( ومشى بيروح ) انا : لحــظة علي وين بتروح ؟! وقف علي بدون ما يطالعني وعاطني ظهره : برووح لانج مب طايقتني حتىتكلميني بدون نفس .. كيف تبيني اكلمج وانتي جي انا بوزت لاني عرفت انه زعل : انزين خلاص سووري قول شو تبا اطالعني علي بنظرة حادة وقال : انــسي الســـالفة ( ورااح عني ) انا اهني ياتني صيحة .. مشيت بروح الصالة وين ما البنات هناك .. بس لازم امر على ميلس الرياييل ولما مريت سمعت علي يقول لابوه : ابوية ابا أجل وقت الخطبة عمي : لييش انت البارحة كنت مشتط ليش ماتبا باجر نروح علي : راجعت حساباتي وقلت انتظر شوي وافكراذا بخطب ميرة ولا لا واشوف عمري اذا مستعد و عقب ان شاء الله بعرس عمي : برايك انا هني خلاص انهرت سرت داخل الصالة عند البنات وشليت باقي بدون كلام واتصلت لدريول ويا خذني للبيت .. اول ما وصلت رحت حجرتي ويلست اصييح .. لاني حسيته زعل والحين هو مايباني .. مايبا ياخذني .. تميت اصيح واصيح من القهر .. المفرووض انا ازعل مب هو .. والحين هو عافني ماعرف ليش .. مرت الايام وانا على هالحالة .. كله اصيح وماآكل .. حمدة وسلامة الوحيديين اللي يعرفون اللي استوالي مع علي .. كنت ما آكل نفسي مسدودة .. وكل ما اتذكر اللي صار اصييح زيادة .. لين ما كنت قاعدة فحجرتي اصيح وياتني دوخة وطحت على الارض وعقبها وما حسيت بشي . . . . . |
اقتباس:
أنا إلي تنرفزني ما عندي واحد إثنين عآدي أجتلها:137:<<خخخخ>>..~ لو جان زين هيه حقيقية عشان أجتلها و أبرد بجبدي <<خخخخ>>..~ |
| الساعة الآن 11:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir