|
مرحبتين البارت طررررر ونتريا اليديد |
مرحباااا ملاايين.. اشحاالكم ؟؟ شخبااركم ؟؟ ابصرااحهــ القصهــ رووعهــ .. تسلم يمنااج حبووبهــ ع الباارت .. ف انتظاار الباارت اليااي .. السمووحهــ .. |
سوري يعني سويت ازعااج بس وين البارت :@ ابغى اعرف شوو بيستوي |
تسلمووووون يا احلى اعضااء على الردوود الغاوي ويعطييكم العافية نورتوووا الرواية |
مرحبا السااع شحالكم .. شعلووومكم هذا البارت الثامن في العين في بيت بو احمد العايلة كانت كلها متغدية عنده ماعدا ام راشد وامها وبنتها سارة الي في بوظبي ،، عقب الغدا والكل يالس في الحديقة احمد : ابوي تراني ما بسافر معاكم هالسنة بواحمد : شعنه ابويه احمد : انتوا بتسيرون بريطانيا وسويسرا وانا في خاطري اسير النمسا ، فأنا ومرتي وعيالي وما بنسير معاكم بوحمدان : شرايك تسير النمسا وعقب تيينا بريطانيا ترى السفرة بدونك ما تسوى يا بوسالم احمد : تم ما طلبت خشمك حمود (وتخاشموا) (بوحمدان وايد يحب يتغشمر ومحبوب مع الكل وما يحط كلافة بينه وبين عيال اخوته وعياله مثل اخوه بوسعيد وهم عكس اخوانهم بو احمد وبو سيف) اليده : احمدوا يا مسود الويه حد يرمس عمه جي دخلوا سلامة وامون ومايد مايد : بل يدووه منو الي تزفينه اليده : صه صه يا مسود الويه الناس لما يدخلون يسلمون وانته لاسلام ولا شياته الكل : ههههههههه مايد : يدوه بسالج انتي منو عندج مو مسود الويه اليده : زين والله عرفتوا روحكم ،، والله شعنه ما تصيرون شرات سيف يعلني افدى روحه امنه حست روحها بطير من الفرح من يابوا طاري سيف و سلامة لاحظت ان كل ما يذكرون اسم سيف ملامح امنه تتغير نسير لدبي دار الحي سعيد وسيف ساروا ايبون سيارة سيف من الوكالة ،وهزاع محتشر على البنات يباهم المون قشارهم . راشد : بلاك يا ريال محشتر احين بيون هزاع : مو انت ما تعرف ابوي . وقطع كلام هزاع صوت رنة تلفونه والي من سمعها فز وسارعن راشد هزاع كان يتمشى في الحديقة ومكيف علـى الآخر هزاع : فديتج والله ....... : تفدتك العافية يا بعد اهلي كلهم هزاع : محلا هالمنطوق يعلني افداه هزاع ما كان منتبه ان حد وراه (وكانت الريم) الريم وهي معصبة :هزاع ترانا زاهبين ونترياك (وعطته نظرة من فوقه لتحته ومشت عنه) هزاع انصدم يوم جافها واستحى من نفسه ومن الريم وتمنى الارض تنشق وتبلعه ،، بند هزاع التلفون وسار البيت راشد : ياحمار وينك انت امساعة محتشر على البنات ويوم البنات زهبوا سرت ولا كل هالتأخير على ولا شي هزاع : ما برد عليك ادريبك محتر راشد : محتر من شوو هزاع: من جمالي ولان كل البنات يتريون اشارة مني بس وايوون يركضون لكن انت تموت وتحيا ويالله تحصل لك حد راشد : مشكلة الي مصدقين رواحهم موزة : خلكم جي سولفوا عسب لما نرد البيت اقول لابوي ان انتو الي اخرتونا ( ادريبكم مستغربين ان هزاع توه مستحى وحالته حاله واحين ولا كانه فيه شي بس هزاع من النوع الي لو تأثر من شي يتم في داخله وما يحب يطلعه للناس ) طلعوا الشباب من دبي متوجهين للعين اما عند سعيد وسيف فخذوا السيارة والحين هم فيها سعيد : ما شاء الله السيارة وايد حلوة عليك بالعافية سيف : الله يعافيك با بو عسكور (سيف في داخله طبعا مو اختيار امون ،، فديتها تحب الرنج) سعيد : الله يعافيك بدون عشا ما تنصرف سيف : وانتو كل شي اتدخلون فيه بطنكم سعيد : لاتغير السالفة بتعشينا يعني بتعشينا سيف : فالك طيب فليل الساعة 11 في بيت بوحمدان بوحمدان وام حمدان وحمدان وميثا في الصالة والشباب ما عدا سيف في الميلس والبنات فوق في غرفة امون عند البنات الريم : والله اني مقهورة سلامة : من شووو ؟ الريم : الشباب كل شي يسوونه عادي موزة : هيه والله الريم : يطلعون أي وقت وكل شي يسوونه عادي وحتى لو رمسوا بنات ما يقولون لهم شي موزة : انا دايما افكر ليش عمامي ما يرمسونهم عسب يودرون البنات سلامة : لان عمامي يدورن ان من يتزوجون يودرون البنات فما له داعي يسوون مشاكل مع الشباب الريم : بس احنا جي نتعذب موزة : نتعذب بس قولي نار تشب في قلوبنا سلامة : وابويه شعنه تتعذبون ونار تشب في قلوبكم امنه : يعني تسوين روحج ما تدرين ان موزة تحب راشد والريم تموت على التراب الي يمشي عليه هزاع الريم وموزة خذوا المخدات ويحذفونهم على امنه وسلامة بتموت من الضحك الريم : وانتي ياحمارة من ساعة ساكتة سرحانة في منووو ها ؟ موزة وسلامة : ههههههههههههه سلامة : في منو بعد غير فارس احلامها امنه توها بتتكلم والا ينطق باب الغرفة سارت امنه وفتحت الباب ولقت مايد مايد : امون فديتج نبا جبس وعصير وكافي اذا ما عليج امر طلبي لنا من السوبر ماركت نطت موزة : لاابويه عليها امر وبعدين لازم تعتمدون على نفسكم شوي كله تتأمرون وبس مايد : وانتي شو هاللقافة الي فيج ،، من وين يايبتها موزة : من ولد عمي المصون مايد : بسكت عنج لاني موفايج لج ،، المهم بسرعة امون ترانا يواعه نبا ناكل موزة : كلكم الدود وعقارب السود سلامة : بسم الله عليه مايد : وااااايه فديت هالصوت محلاه مو انتي جنج عدوه مو بنت عم سلامة احمرت خدودها ونزلت راسها الكل : هههههههههههههههه سار مايد بس امنه زقرته : مايد سيف معاكم التفت لها مايد وعطاها نظرة خلتها تلعن روحها مئة مرة على زلة لسانها مايد : لا مو معانا بس ليش السؤال استحت امنه وارتبكت : لا بس البنات يبون يشوفون سيارته الريم : ماعليك منها جذابه ضحك مايد وسار امنه : ياحمارة يالخامة يا قاطعتها الريم : بس بس تستاهلين اكثر سلامة : هههه حرام عليج حرجتيها جدام اخوها موزة والريم مع بعض : تستاااااااااااااااااااهل في بيت بوسيف ، في غرفة سيف كان يسبح وطلع من الحمام وهو يفكر بالبنت الي سحرت عقله وقلبه بس قطع عليه حبل افكاره يوم رن تلفونه مايد : مرحبا الساع بابو عيون سود ووساع سيف : الله يرحب بك على فضله مايد : متى بتيي ترى قاعدين نلعب بليستيشن لا يفوتك سيف : وانتوا ماتخلون حد يستريح او يفكر ولو دقيقة مايد كان مخلي التلفون سبيكر هزاع : تفكر في منوو ها ؟؟ اعترف راشد : اجوف من ورانا سعيد: ثرك موسهل ياسيفووو ،، صج مثل ما قالوا ياما تحت السواهي دواهي سيف : الله يخسكم كلتوني ماتسوى علي هالكلمة مايد :انزين متى بتيي سيف : احين بلبس وبييكم مايد : اوك باي سيف : باي سكر سيف التلفون وسار يلبس ثيابه عند البنات امنه : انا بسير آخذ فلوس من باباتيه وبطلب للوحوش ولنا فيه احد يبي شي معين او اطلب على كيفي البنات : لا توكلي على الله سارت امون الصالة امون : مرحبا الكل : مرحبتين سارت امون وقعدت يم ابوها امون : باباتيه بوحمدان : نعم يا عيون باباتج امون : ابا فلوس عسب اطلب لنا من السوبر ماركت بوحمدان : ماطلبتي ياالشيخة امنه ام حمدان : امون امون : ياعيون امون ام حمدان : تسلم عيونج ،، بنتي خاطري في عصير برتقال من ايدينج امون : ماطلبتي يا بنت الكعبي ام حمدان : تسملين حبيبتي بو حمدان : فديت قوم الكعبي انا حمدان : هاابويه اجووف التفدي صار بشكل غير مباشر الكل : ههههههههههههههههههههههههه سارت امون المطبخ وكانت يالسة تقطع البرتقال وتشل شلة رفقة عليك لحمد العامري وكان سيف بسير الميلس بس لفت نظرة هالصوت الحلوو امنه : رفقه عليك تقوللي تم ... وتقول حاضر يا غناتي عود تراني حيل مغرم مشتاق لشوفك يا شفاتي تخبل سيف على صوتها سيف : لن الغلا لك زمني زم واثر على طابع حياتي شرواك بين الخود يعدم وصفك عديم في البناتي عودك لدين وخصرن هضم كان يأشر على خصرها سيف : وعيون سود وناعسات يا زاكيه اليدين والعم لتكون سبه في وفاتي يامركب هوانا قد تحطم يوم المراكب راسيات نزلت آمنة راسها وابتسمت سيف : فديت روحك لي تبسم وعيد الليالي الماضيات بعدك حبيبي زادني هم وزيد ونيني وعبراتي ومادمت تبي اللي صار تعلم هل كيف تتعمد شقاتي سيف توه بيتكلم الا بدخلة مايد مايد : انت هني واحنا نترياك صار لنا ساعة (التفت مايد لأمون) وانتي هني شو تسوين ارتبكت آمنة بس سيف حاول يعدل الموضوع سيف : انا توني ياي وكنت ابا اشرب ماي وامون مثل ما تشوف تسوي عصير برتقال مايد : انزين شربت ماي والا لا سيف : لا احين بشرب وبيي مايد : امون طلبتي لنا امون : اوووووووه نسيت ماعليه احين بخلص الي في ايدي وبطلب مايد : زين فديتج بس لاتنسينا امون : انسى عمري ولا انساك سيف : الله لنا الكل : هههههههههههه سار مايد ووراه سيف وظلت آمنة غرقانة في بحر احلامها ،، ثواني ونزلت سلامة من فوق ومعاها جيس انيق ودخلت المطبخ سلامة : امون امون امووووووووووون وصمخ امون : وويعة خرعتيني سلامة : الي ماخذ عقلج يتهنابه امون : بايخة ، شوو هالي في ايدج سلامة : هذي هدية عطاني اياها مايد امون : صج متى عطاج اياها وليش ما قلتيلي وشنو ذي سلامة : شوي شوي علي ،، عطاني اياها يوم كنتي يالسة على البحر وماصار وقت مناسب عسب اقولج ،، وانا يايه لج عسب اقولج وين افتحها لان مابا البنات يشوفونها واخاف اروح غرفتي ويون وراي وين اروح امون : اممممممممممممم روحي غرفة مايد سلامة : واااااااابويه شو تبينهم يقوولون عني امون : امي وابوي وحمدان ومرته تحت ومستحيل يركبون فوق احين ومايد مع الشباب في الميلس والبنات مستحيل سيرون غرفة مايد فهذي فرصتج سلامة : قولج جي يعني امون : هيه سارت سلامة فوق وهي خايفة حد يشوفها ودخلت غرفة مايد وسكرت الباب ويدها تتراجف ،، حطت سلامة شيلة الصلاة على الكرسي و يلست سلامة على السرير وبطلت شعرها القصير وعدلته وفتحت الجيس لقت دبدوب معاه عطر وبطاقة صغيرة مكتوب فيها أغليك من قلبي ومن روحي أغليك... وأفراح قلبي تكتمل في ملاقاك... كلك حلى سبحان منهو مسويك... يامجملك في عين قلبي ومحلاك... زود على حسنك طبوع تحليك... تفرقك عن هذا وهذا وهذااااااك... آسف حبيبتي استانست سلامة وحظنت الدبدوب ويلست تبوس فيها وتتفدى مايد وفي هاللحظة مايد دخل ولقى سلامة بهالحالة (هي كانت ماتشوفه لان معطته ظهرها ) تقرب منها شوي شوي وهمس في اذونها مايد : امووت في خبالج استحت سلامة وركضت برى الغرفة وتركت وراها الهدية وشيلتها ومايد الي في حالة مو طبيعية ،، سارت سلامة غرفتها وخذت لها شيلة ثانية وبعدين نزلت تحت لامون بس مالقتها فسارت مرة ثانية فوق للبنات في الحوش وبالتحديد في الكراج امون واقفة اطالع سيارة سيف وسرحانة وكان في يدها كوب فيه عصير برتقال وشعرها الطويل الناعم مفتوح ويتطاير كل ما هب النسيم ،، اما مايد فسار الميلس هزاع : وين السي دي مايد : ها ،، اووووه نسيته ( مايد في داخله فديت روحها شوفتها نستني شو ابا ) هزاع : الحمد لله والشكر سيف : انا بسير السيارة لاني نسيت تلفوني هناك راشد : مو منك من الي ماخة عقلك الكل : هههههههههههههههه سيف : رجاءً بدون اشاعات الكل : ههههههههههههههههههه سار سيف الكراج بس وقت مبهت مكانه من القمر الي واقف مكانه ،، ثواني والتفت امون لسيف فركضت ولبست شيلتها الي حاطتها على الكرسي سيف : السموحة بس على فكرة انا توني ياي امون : لا بالحل انا الي المفروض ما افصخ الشيلة سيف : حلوة السيارة امون : هيه عليك بالعافية سيف : الله يعافيج ،، قالولي ان تحبين اللون الاسود للسيارات امون : هيه سيف : وخذت اللون الاسود عشانج امون : ثانكس سيف : ولكمووو سيف : امممممممممممممممم ابي عصير امون : احين بييب لك سيف : لا انا ابي العصير الي في ايدج استحت امون ونزلت راسها سيف : تغلينه علي امون : لا مد سيف يده فعطته الكوب وسارت المطبخ وخذت العصير وودت حق امها وابوها في الصالة وعقب سارت الميلس وقبل ما تطق الباب يا سيف سيف : يبيه عنج انا بدخله امون : اوك عطته الصينية وبالغلط حط سيف ايده على ايدها فارتجفت ايدها وطاحت الصينية وتكسروا الكوب فانجرحت ريول سيف ،، امون على طول صاحت ويابت كلينكس ولزقة ومشت ريله وحطت الزقة وسيف مسكين مبهت فيها ( مو مصدق الريال خخخخخخخخخ ) سيف : امون خلاص ماصار الا الخير وبعدين انا السبب امون : لا انا (وهي تصيح) سيف : لهدرجة تخافين علي استحت امون ونزلت راسها طلع مايد من الميلس عسب يشوف سيف لانه تأخر مايد : واااابويه شو سويتوا ،، وانتي بلاج تصيحين سيف : انجرحت ريلي من الزجاج وقامت تصيح لوى مايد على اخته : فديت الحنون انا ،، سيري ابويه للبنات وانا بزقر البشكارة تنظف واذا على صبع سيف ببادله بصبعي امون : ههههه سارت امون للبنات وودت معاها العصير الريم : فديتج امون شعنه تصيحين نزلت دمعت اموون ولوت على الريم وصاحت سلامة : اموون بلاج ؟؟ امون : ي ي ي وم ك كنت بوديت الصينة الميلس ج جفت سيف وعطيته الصينة وب بالغلط طاحت الصينية وتكسروا الكوب وانجرحت صبعه سيف موزة : احين هالصياح كله عسب صبع سيف سلامة : يا ويل حالي على الحب مسحت الريم دموع امون الريم : حدكم عاد على بنت خالتي ،، فديتها والله حساسة امون : فديت قلبج محد يفهمني الا انتي ،، اووه نسيت اطلب اوردر سارت امون وطلبت الاوردر عقب ثواني وصل وودته للشباب في الميلس وحطته للبنات في الصالة فوق موزة : امممممممممم شو رايكم نجوف فلم امنه : هيه والله فكرة حلوة سلامة : من وين بتييبون الفلم ؟؟ امون : اممممممممممم بنسير حق هزاع وبنقوله يعطينا فلم من الافلام الي يابوهن ذيج المرة لان احانا جفنا بس فلم واحد سلامة : بس منوو بسير يا الحلوة امون : موزو بتسير لان اخوها موزة : اوك سارت موزة تحت عسب تطلب من عند هزاع الفلم شو بصير مع موزة ؟؟ ومن بتشوف تحت ؟؟ وشنو آخر هالمواقف الي مع سيف ؟؟ هل الي في قلب امون حب والا شي ثاني ؟؟ وشقايل بتاخذ سلامة الهدية من غرفة مايد ؟؟ |
| الساعة الآن 06:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir