|
ثاانكسَ ع آلبـآررت خيتؤو نتريـآ آلبآرتَ . . ,*! |
جبار حبك ولكنك علي غالي وقلبي على حبك الجبار وصيته يا اول غلا في خفوقي واخر أمالي من قلبك الحب والاخلاص حسيته ♥ ♥ ♥ العـــرس بعد ماحدرن البنات القاعه استأذنت اليازيه وقالت انها اتسير صوب عفرا وهي حادره اللفت قبل لا يبند باب اللفت شافت ايد تمنع الباب يبند وعطول تغشت اليازيه ودخل واحد منزل راسه ....... : السموحه بس مستعيل اليـازيه : ............................. بعد ماوصل اللفت الي ويا اليازيه عطاها مجال انها تظهر .. ظهرت اليازيه وهو مانتبه ع فستانها وداس آخره بالغلط وقبل لا تطيح اليازيه قبضها ويرها فحضنه اليـازيه " بصدمه " : ............ ......................: آآسف ومشت اليازيه بخطوات سريعه صوب حجرة عفرا وهو وراها بعد مادخلت اليازيه عفرا " بصدمه " : الياازيه بلاج !! اليازيه " وعيونها تدمع " وخبرتها السالفه عفرا " تعطيها ماي عشان تهدى " : خلاص حياتي ماستوى شي شوي وحد دق الباب عفرا : منو ! اليازيه : مادري شوي ورن فون عفاري كان ثاني اخوها عفرا : الو ثاني " بستهبال " : عفور حد عندج عفرا " وهي تشوف اليازيه " : هي ثاني : انزين ابا ادخل عفرا : ويت شوي .. اليازيه احدري شوي داخل الله يخليج اخوي ثنوي يبا يدخل واحدرت اليازيه ودخل ثاني ثاني : احم مبروك يالعروس عفرا " بمستحى " : الله يبارك فيك وعقبالك ثاني " عفور حبيبي منو من شوي دخل عندج جي وحده غرشوبه آآه عفرا : ليكون انته اللي بغيت تعقها صوب اللفت ثاني : عفور والله مب قاصد بالغلط دست على فستانها عفرا : الله يغربل بليسك البنيه متروعه وتصيح ! ثاني : منو هاي عفرا : اخت هادف !! ثاني " بصدمه " : ها !!! عفرا : والله ثاني : مم انزين يوم بظهر قوليلها اخويه ثاني وركزي على {ثاني} قوليلها يقولج انه هو آسف و ماكان يقصد وانه لا تشل في خاطرها انا مابغيتها تطيح وتتعور ومم وشي ثاني بعد عفرا " عقدت حياتها " : شو ثاني : قوليلها اخويه يقولج حياج تعالي كل يوم وشرد لانه يعرف عمره بينفلع ظهرت اليازيه وقالت لها عفرا رمسة اخوها وظهرت اليازيه وهي تفكر ب ثاني وثاني نفس الشي الساعه 9 دخلت العروس على هالزفه مبروك ماهلت من المـزن الامطـار مبروك يا هادف ولـج يا عفرا فينا من رسوم الفرحشي ما صـار لان هـذا اليـوم مـو يـوم عـادي جينا نهنيكـم بـه صغـاروكبـار وندعي لكـم بالخيـر رب العبـادي اسما التهاني لنسل وافيـنالاشبـار نسل الشيـوخ مروضيـن الشـدادي واجمل ورود الحب و حروف الاشعار واطيب عطور الشوق عنبر وكـادي نزفها للـي بهـا الوصـف يحتـار اللي بها منالزين خافـي و بـادي كانت شرات الملاك من دخلت الكل كان يسمي بجالمها هادي بعد ماوصلت العروس عالكوشه سارن البنات يسلمن عليها ويتصورن وياها وتعرفن خوات هادف على خوات عفرا اللي هن مهره 20 سلامه هند توم 17 مرة شهور بغيابك وانته فبالي اشتاق شوفك وبعدك ماتمنيته غيبتك ياروح روحي عذبة حالي عانيت جرح الغلا والشوق قاسيته ♥ ♥ ♥ صوب الشباب صوب بطي اللي كان يالس فالزاويه وسرحان بطي " ياربيـه هالموزه من دخلت حياتي وعفستني مم مادري اذا احبها ولا لا بس من اشوفها احس بشي صوبها وتذكر وصية يدته وتنهد ياربي شو اسوي واسمـا كل ما احاول انساها تظهرلي وموزه بعد ايام جريبه بتكون لي آآآه ياربي ساعدني خلاص والله تعبت ودمعت عيونه زايد " ربيع حارب الروح بالروح " شاف بطي وسار صوبه زايد : بطي بطي : لبيـه زايد " مسكه من جتوفه ووقفه " : شو بلاك ياخويه متضايج ترا والله الدنيا ماستوى بطي " دمعت عيونه " وتنهد زايد " حضنه " : هونها وتهون وانا اخوك بطي " مسح دمعته وابتسم لـ زايد " زايد : يلا نسير الشباب يسـالون عنك بطي : يلا عالساعه 12 حدر هادف مع ابوه وابو عفرا واخوانها " حمدان و حارب " هادف باسها عراسها وتم يتأمل ملاكه هادف : مبروك علينا حياتي عفرا " بصوت واطي " : الله يبارك فيك بعد ماسلمو وخلصو وودعوهم شل هادف حرمته وسارو فوق وياها صوب البنات اليازيه : ايه وين موااز نصور : مادري مانتبهت عليها !! اليازيه : اميه وين اختفت بطي : اييه يلا انتي وياها والله بسير عنكن اليازيه " شوي وبتصيح " : بطي مواز محد بطي : كيف يعني محد وين سارت نصره : يمكن سارت ويا قوم اميه اليازيه : ويت بتصل ف اميه اليازيه : الو ام راشد : هلا اليازيه اليازيه : اميه موزه وياكم ام راشد : لا !! جي مب وياكم اليازيه : ها أآ لا لا ويـ ـانأ أآأ بخليج الحينه باي وبندت عطول اليازيه : مب وياهم بطي : انزين انتن اركبن السياره وانا بشوفها داخل وبيكم وسار القاعه شاف ليتاتها مبنده بس كانت شي اضاءه خفيفه وتم يزقرها بطي " وهو متروع عليها " :مــــوزه وسار صوب الحمامات وشاف عامل نظافه يحاول يبطل الباب اللي داخل على حد بطي : ايـــــــه شو تسوي اهنا .. مـــــوزه مــــــــــــزوخ انتي اهنى موزه : بطـ ـ ــ ــي انا هني بطي " عصب : وقبض الهندي وتم يضربه ضرب لين ماظهر الدم منه بطي : موزه افتحي موزه " بصوت مبوح وخايفه " : لا اخااف بطي : حبيبي موزه افتحي انا اهنا فتحت موزه الباب وربعت صوب بطي وحضنها وتمت تصيـح بطي : خلاص ماستوى شي وانتي شو يايبنج اهنا بروحج موزه " وهي فحضن بطي " : ............... بطي : سوابج شي قالج شي موزه " هزت راسها بلا بطي : مم موزه ابتعدت عن بطي ومنزله راسها بعد دقايق .. بطي : مم يلا نسير موزه : وهذا بتخليه جي بطي : مم مايستوي اخليه لازم ابلغ الشرطه ولا بيسون لنا سالفه وشوي والهندي نش من ورا بطي وبغى يضربه على جفته موزه : بطــــــــي ويرته صوبها واستلمه بطي وتم يضربه لين ما اغمى عليه بطي " بعصبيه عنلاتك .. واتصل بطي بالشرطه وباخوه راشد الي بسرعه يا بطي : راشد انته تم اهنا بودي مواز السياره موزه" متغشيه ومنزله راسها " سارت ويا بطي السياره ورد بطي صوبهم واول ماوصلت السياره استلمنها البنات اسئله جان تصيح موزه وتمو يصيحون وياها .. واحد من اللي كانو فالشرطه ..... : اخويه لازم تي ويانا المركز بطي : ايي وياكم ليــش اقولك حاول يعتدي على البنيه .......: ماعليه بس هاي اجراءات بطي : لا حول ولا قوة الا بالله انزين انا ويايه الاهل بوصلهم وبي .......: ماعليه خل اخوك يوصلهم سار بطي مع الشرطه اما راشد سار يوصل خواته ورد صوب بطي فالمركز راشد : هادف يدري بطي : لا راشد : احسن بعد المهم انته خلصت بطي : هي اصبر بس بشل اغراضي وشل اغراضه بطي وظهر راشد : بطي شو استوا بطي " ساند راسه " : الحيوان الحقير ماتخيل يسويبها شي والله لذبحه راشد " شاف اخوه وابتسم " لين ماوصلو البيت استوت الساعه 4 راشد : صلي وعقب ارقد بسير اشوف خواتك اذا رقدن طول الدرب وهن متروعات ويصيحن بطي : خلهم انا بسير اشوفهم سار بطي تسبح عقب صلى وظهر صوب حجرة خواته شاف الليتات مفتوح بطي : طق طق اليـازيه : منـو بطي : انا بطي اليازيه عطول سارت تفتح الباب وحضنة اخوها وتمت تصيح بطي " لوى عليها " : حبيبي ليـِش كل ها ماستوى شي نصره " ودموعها تطيح " : انته مافيك شي بطي" ابتسم ":لا مافيني شي اليازيه : عيـ ـل ليــش سـ ـ ـرت ويا الـشـرطـ ـه بطي " يلس وخبرهم السالفه " : بس وعد السالفه من بيني وبينكن نصره : اوكي بطي : مم موزه رقدت اليازيه " بحزن " : من ردت وهي تصيح متروعه بطي : مم بسير لها نصره : لا شو تسيرلها عن ابويه ينش ويشوفك بطي " وهو ظاهر " : عادي حرمتي اليازيه ونصره يشوفون بعض -_- وسار بطي صوب موزه بطي : طق طق موزه سارت تفتح الباب وشافت بطي بطي حدر وقفل الباب وراه موزه " !!!!! " : ............ بطي : شو حالج الحينه موزه " بابتسامه هادي " : الحمد الله وتمو ساآكـتين مال 5 دقايق بطي : موزه انا باجر بخطبج من ابويه رسمي عشان يحددون الملجه موزه " بصدمه " : ليـش مستعيل و انته من الاساس مغصوب عليه بطي : بس كيفي ترومين تقولين لا موزه " نزلن دموعه وهزت راسها ب لا سار بطي يلس حذالها ورفع ذقنها بابهامه بطي " وهو يمسح دموعها " : دخيلج لا تصيحين وربي هالدموع تعذبني موزه : ............ بطي :بخليج انا الحينه حطي راسج وارقدي وسمي بالرحمن واقري المعوذات موزه : ......... وظهر عنها بطي وسار حجرته وهو فكره عند موزه " على هونك على هونك اخاف تعذب عيونك حرام تصيح يالغالي وتجرح قلب مضنونك " الجمعه الصبح الساعه 9 هادف وصل هو وحرمته البيت بو راشد : ها هادف متى طيارتكم هادف " وهو يشوف ساعته " : الساعه 12 ام راشد : انزين الغالي حد بيوصلكم هادف : هي خوان عفرا بعد بنمر هناك صوبهم عشان عفرا تسلم عليهم شوي ويت ميثا ميثا : هووودف وحضنته هادف : عيون هادف ميثا : وين بتثير هادف : بسافر ميثا " شوي وبتصيح " : ليـــــث هادف : بس كيفي ما احبج بسير ويا حرمتي ميثا : ........... بطي : هادف حرام عليك .. ميثا تعالي عندي انا بوديج كل مكان خليه هذا ميثا : هي ثح ماحبك يلا ثيــر هادف : بسير اييب بيبي يديد ماباج انتي ميثا تمت تصيح بو راشد : تعالي ميثانه تعالي عندي وسارت عند اببوها وشوي وين البنات وودعن اخوهم وحرمته بعد ماسار هادف كلهم تيمعو فالصاله .. بطي : شمـا وين عيل ريلج شما : ظهر قال عندي شغله فالشركه وبيرد بطي : وين سعود وسلامه شما : برع عند اختك ميثا بطي : بسير اشوفهم .. صوب بطي : ميثا سلامه سعيد اللي بي اول واحد عنديه بوديه الالعاب وتمو يربعون ووصل سعيد سعيد " تم ينقز " : يس يس يس ميثا " شوي وبتصيح " : انا ابا اثيـر بطي : لا بس بودي سعيد ميثا : عودي بخلي بابا يوديني انا وثلامه وسارت ميثا داخل عند ابوها تصيح شما : خلاص انا بوديج انتي وسلوم ميثا " سارت باست شما " : مواااح ميثا : بابا عودي اثـير مع خالو ثمـا بتودي ثلامه الالعاب بو راشد : شما خليهم بيتعبونج شمـا : لا عادي وسارن ميثا وسلامه وسعيد وياهم صوب بطي وابوه بطي : مم ابويه بوراشد : لبيـه بطي : انا فكرت في كلامك ومم رمست موزه وقلتلها اني برمس ابويه عشان اخطبج رسمي ونحدد الملجه بو راشد "ابتسم" : بارك الله في يا ولدي وانشاء الله عمك الحينه بي وبنفتح الموضوع عشان نحدد الملجه بطي : يلا ابويه عيل بخليك الحينه وظهر سار صوب خواته بطي : شو تسون نصره : على شوفة عينك اليازيه : ابا باسكن نصره : هي انا بعد بطي : يلا قومو نسير نصره : احلف بطي : والله نصره : حبك عبدالله اليازيه : تحت المضله بطي : بسم الله الرحمن الرحيم بلاكن نصره : بلانا بعد ماشي بطي : عيل خلي ريلج يوديج نصره : لا لا لا توبه بطي : يلا بسرعه 5 دقايق ونشن اليازيه ونصره يربعن بطي تم يشوف موزه موزه صدت بويهها الصوب الثاني بطي : مابتسيرين موزه : لا بطي : ليـش موزه : بس ماريد اروح بطي " ابتسم " : خلاص مابودي حد موزه : ليـش انزين بطي لا تستهبل حرام الحين راحو يلبسون بطي " استانس بدت ترمس وياها " : انزين يلا نشي موزه : ياربي قلت لك ماريد اروح مش غصب بطي : كيـفج شوي وين اليازيه ونصره اليازيه : يلا بطي : ما بنسير خلاص نصره : افف ليـش بطي : موزه مب طايعه تسير نصره : لا تستهبلين يلا نسير . . . لين ما وافقت موزه وسارت وياهم بعد ماوصلو عمومة موزه يلسو وحددو الملجه عقب اسبوعين موزه : وايد بسرعه !! ماريد انا جي اليازيه : عن الدلع موزو موزه : شو عن الدلع وسكتت نصره : مم موزه : انا بروح غرفتي ونشت وظهرت نصره : بلاها اليازيه : اخوج وايد مستعيل نصره : ليش متى حددو الملجه اليازيه : عقب اسبوعين نصره : انزين اوكي يعني مناسب اليازيه " تنهدت " . . . بعد مرور 13 يوم من تحديد موعد الملجه ين المزينات البيت وبدن البنات يتحنن نصره : وين خولو مابتتحنى خوله : انا ييت نصره : تريي عاد وحده تفضى لانه 3 عند موااز ووحده عندي وحده عند يزوي ووحده عند اميه وامج خوله : اوكي بسير تحت وبيكم بشوف شو مسوين وسارت خوله تحت خوله :مبروك بطي بطي : الله يبارك فيك عقبالج خوله : انا نصيبي وياك .. كيف هنت عليك تودرني انا حب طفولتك المفروض اليوم تملج عليه انا مب ... وسكتت بطي " تنهد " : انشاء الله بتلقين اللي احس عني خوله " بعصبيه " : ومنو قال اني ابا اللي احسن عنك وسارت فوق صوب موزه وهي معصبه خوله " وهي تأشر على موزه " : انتي يالحقـ*** نصره واليازيه : !!!!!!!!!! خوله : انتي ماتخيلين ولا تستحين لفيتي عليهم كلهم وسميتي عمرج البنت اليتيمه وبنت العم الوحيدi خذتي حبيبي الله ينتقم منج اليازيه :" وهي تقاطعها " : خوله اسكتي جب ولا كلمه خوله : اسكتي عني خليني اظهر اللي في خاطري " وردت صوب موزه " : مسميه عمرج مايخصج فالدنيا انتي عقربه طالعه على امج المغربـ** شما : خوله ويرت اختها داخل خوله : آآه الحقيره بعدني مابردت حرتي فيها شما " صفعتها " خوله : !!!!!!!! والله لادمر حيااتهم صوب البنات موزه " تصيح " اليازيه :مواز حبيبتي ماعليج منها خلها تولي نصره : موزو بس عاد والله لراويها موزه : ابا اشل ها " وتأشر على الحنه اليازيه : لاا موزه " بعصبيه " : قلت لكم ابا اشل ها ماهمني قول عذالك وعذالي ولا الزمن لا نوى الفرقى تحديته والعمر دونك حبيبي كيف يحلى لي غيرك من الناس كم ياني وصديته ♥ ♥ ♥ يتبع |
انا وقلبي قعدنا نحسب احبابه مابين اهله وناسه واقرب اصحابه ومن بعدها يادليل القلب ادركنا ان انتي اللي من الدنيا طلعنا به ♥ ♥ ♥ اليازيه : حبيبتي عشان خاطري ليش تضايجين عمرج عسبتها السخيفه تنجلع ماعليج منها موزه :............ نصره : افففففف شوي ويت ميثا ميثا " شهقت " : مووووذه ليــث تثيـحين والله بلوح اخبل بطي وربعت ميثا صوب بطي ميثا : بطي تعال بقولك شي فاذنك بطي : شو ميثا : موذه تثيح وايد بطي : ليـث ميثا : مودري بطي : مم منو فوق ميثا : كلهم موب لابثين طويل ضحك بطي على رمستها بطي : حناج وايد حلو ميثا : عيل موذه مثويه لين هني وتأشر لين جتوفها بطي " ابتسم " : انزين يلا سيري عند موزه لا تخلينها وعطيها بوسه وقليلها من بطي ميثا : اوكي سارت ميثا صوب موزه وباستها وجان تقولها فأذنها ميثا : هاي البوثه من بطي الساعه 9 خلصن البنات وعطول موزه دخلت حجرتها وقفلت على عمرها ويلست تصيح صوب الشباب يلس راشد بطي يشوفون الخيم اللي برع .. راشد : هي صح هادف اتصلبي يبا يبارك لك اتصلبه خلاف بطي : ماعليه وسار بطي صوب خواته وخبرنه السالفه اليازيه : اخخ الحقيره كيف قهرتبي نصره : مره لا قابضتلها ادب ولا مذهب علني بلاها بطي : ياربيه شو اسوي اليازيه " وهي عاقده حياتها " : ماتروم تسكتها بطي : افف والله طفرت تراني انا شلي بالعرس وعواار الراس ميثا : نثور يلا تعولي ابا ارقد نصره : انزين سيري وانا بيج ميثا : موبا تعالي وياي الحين . . نسير شويه صوب بو احمد سعيد قافل على عمره من عرف بخطبة موزه سعيد " وعيونه تدمع " : ليـش موزه مب لي آأه ياربي . . احمد : اخوك بعد قافل على عمره مانع " تنهد " : هي احمد : بنخليه جي ؟! مانع : قوم نسير نرمسه احمد : يلا احمد : طق طق سار سعيد فتح الباب احمد : مم سعيد سعيد :............ مانع : سعيد لين متى بتم جي انشاء الله بتلقى اللي احسن عنها سعيد : بس انا ابـاها احمد : ماعليه ياخوي دام تبا سعادتها ادعي ربي يوفجها ويهنيها مانع : يلا نش خلنا نظهر سعيد : وين نظهر الحينه مانع : انته نش خلنا نغير جو سعيد : مالي خلق شي احمد : يلا عاد سعود سعيد " ابتسم " : انشاء الله وظهرو عنه احمد : والله كاسر خاطري مانع : الله يعينه شوي وظهرو رباعه . . صوب ام شما " عليا " اللي هي اخت بو راشد و بو احمد خوله : اميه اقولج قاهرتبي ام شما : ماعليج منها خلها تولي خوله : الحقير الحينه بدال مايكون لي بطي بيكون لها ام شما : ماعليه خليه يتزوجها وخلاف عقب كمن شهر بخليه يطلقها وياخذج خوله : صدق اميه ام شما : هي صدق وتمت هالفكره راسخه ف راس خوله الجمعه " ملجة بطي " الساعه 3 الكل مرتبش فالبيت الشباب كلهم سارو الحلاق وموزه ونصره وميثا وخوله وشما فالصالون غير موزه اللي بتيها المزينه فالبيت تعدلها والشباب بطي وراشد احمد سعيد مانع بو راشد وبو احمد راحو الحلاق -_- فالبيت صوب موزه اللي ترمس ربيعتها مديه موزه : مدووي والله بذبحج مديه : ههه مواز احيد البنيه فمل[تها تكون رقيقه هاديه وانتي تظهرين دفاشتج موزه : يعني مابتين مديه : لا بي بس مادل ويلست موزه تدليها لين ما وصلت اول ماوصلت مديه موزه : مدوووووووووووي "وتحاضن وكل وحده تمت تصيح " مديه : يالسباله ماشفتج من اسبوع موزه : تولهت عليج مديه : والله انا اكثر .. اوبس مواز ضعفانه موزه : والله مديه : يب مش عايبتني موزه " تنهدت " : شو اسوي مديه : المهم انا ترا يايه قلت بسلم عليج وبروح موزه : جب مابتروحين مديه : ههه اوف بس مليت منج موزه " بثقه " : انا المخلوق الوحيد اللي ماتملين منى اعرفج مديه : ههه ياربي شو هالثقه ويلست موزه تسولف لها لين ماوصلت المزيننه ويلست تعدلهن بهنتيناتهن الساعه 7 ونص البيت كان مزدحم بشكل فضيع وغير الحربيه اللي برع اللي شالين البيت شل دخلت اليازيه وبنات خالتها اللي اول مره تشوفهم موزه عليها اليازيه : يااااي تجننين يا حظ اخويه فيج والله اليازيه : موااز هايل بنات خالتي "ظبيه " هاي سملى 19 وهاي الريم 17 وهايل بنات خالتي خلود شيخه وروضه ولطيفه واخيرا بنات خالاتي هاي موزه بنت عمي حمد وكلهم يلسون يرحبون بها وتصورن البنات وياها موزه : مليت مديه " بصوت واطي " : جب اليوم ملجتج وتقولين مليت موزه : وشو الفايده اذا بيكون ريلي ومغصوب عليه مديه : خلاص حياتي اليوم لازم تفرحين ماريد شي يضايقج موزه : ............ بعد نص ساعه يا راشد وامه وعطى موزه القلم عشان توقع ام راشد : موزه حبيبتي يلا موزه : وقعت وهي مغمضه عيونها بسرعه وفرت القلم الكل : كللــــــــــــــــــــــــــــــــــــــوش مديه : الف مبروك حبيبتي وحضنتها ونفس الشي باجي البنات سارن يباركنلها يا اقرب الناس فالدنيا الى قلبي واروع هديا في عمري جابها ربي الله لايحرم عيوني شوفتك قربي يامن دخلتي خفوقي من اوسع ابوابه ♥ ♥ ♥ صوب الشباب تحت حالهم رقيص ونفس الشي تمو يباركون لبطيي .. صوب البنات اظهرو كلهم الا اليازيه ومديه وام راشد وعمتها عليا عندها ام راشد : يلا مواز حبيبتي لازم تنزلين الحينه موزه " تنفس نفس عميق وقبضت ايد مديه ونزلت موزه : مديه لا تودريني بليز مديه : ان شاء الله ودخلت موزه اللي ابهرت الجميع بجمالها .. والكل كان يسمي بالرحمن عليها الريم : ماشاء الله عليها تجنن سلمى : هي الله يحفظها بعد مايلست موزه تيمعن البنات حولها ويلسن وياها وكان حالهن رقيص شما : الف مبروك حبيبتي موزه : الله يبارك فيج ياربي لين مابدو المعازيم يخفون عقب احتج بطي وقال يبا يشوفها بطي : ياخي ظلم جي بو راشد " وهو يستهبل " : انا قلت ماتشوفها لين العرس بطي : ابويه بو راشد : ههه اسولف وياك بس بخليها تدخل الميلس وخلاف احدر عليها بطي : انزين دخليك ابويه بسرعه بسرعه راشد : هههه ويلست موزه فالميلس منزله راسها وتلعب فايدينها شوي وتبطل الباب ودخل بطي وانصدم ماصدق انه موزه اللي يدامه بطي : آآه ياربي كم بعيش موزه :................ بطي : موزه موزه " بصوت واطي " : لبيـه بطي : مبروك موزه : الله يبارك فيك بطي : انزين ارفعي راسج موزه :............. بطي سار ولصق فيها بطي : مم بتمين ساكته موزه شافته وقالت له : مم شو تباني اقول بطي " تخبل " : مم مب مستانسه موزه " وتسمي عمرها مب مهتمه " : عادي بطي "فخاطره ادريبج تتغلين " مم شوي ومسك ايدها بطي : مم عادي اخطفج موزه " ابتسمت على عفويته " : تخطفني بطي : هي موزه : وين بطي : عقب بتعرفين يلا سيري بدلي بسرعه وانزلي من الباب اللي ورا بدون محد يشوفج موزه : عمي بيعصب بطي : شو عمي ما عمي خلاص حرمتي انتي الحينه موزه " ابتسمت " : مم بطي " استانس " : اترياج . . . بعد 10 دقايق نزلت موزه من ورا وركبت ويا بطي بطي " وهو ماسك ايدها " : اعطي هالفون 5 دقايق اذا مارن لاتسميني بطي موزه " ابتسمت " شوي ورن الفون بو راشد : بطـــــــــــــــــي بطي : لبيه الغالي بو راشد : انته وين بطي : والله انا طالع ويا حرمتي بو راشد : ماعليك يا مسود الويه عطني موزه بطي : ابويه يباج بو راشد : موزه موزه : هلا عمي بو راشد : كيف ظهرتي موزه : عمي انا والله مايخـصني هو قالي بخطفج بو راشد " ضحك " : عطيني اياه بطي : ابويه بلاك معصب خلاص حرمتي الحينه ماتروم تقولي شي موزه " تشوفه " بطي : انزين ماعليه مابنتأخر فمان الله وويه بطي صوب " Atlantis " تعشو وخلاف ويهو صوب البحر نزلت موزه وبطي قابض ايدها بطي : ايلسي موزه " يلست شوي بعيد عنه " بطي سار ولصق فيها ومسك ايدها وتم يلعب فصبوعها وكل واحد يتريا الثاني يرمس موزه " سرحانه وتتأمل البحر" بطي : مواز موزه :........... بطي " جرب منها وباسها على خدها " موزه " تيبست فمكانها !!!!" بطي " ميت من الضحك " : كيفي حلالي موزه : يالماصخ بطي : شو يالماصخ عادي حرمتي موزه : ......... بطي : موزه موزه :.........؟! " تترياه يرمسه " بطي : موزه والله اني احبج موزه : اوكي بطي : ادري انج مابتصدقيني بس مواز والله انا من شفتج دخلتي قلبي انا بقولج انا يوم كنت فالمانيا تعرف على وحده كويتيه كانت تدرس وياي وحبيتها تقريبا كملت وياها 3 سنين ويوم رمست ابويه عنها قالي لا وعصب مابغاها لي وانا ماقلتلها انه ابويه رفض عقب ظهرتي انتي فحياتي وحبيتج صح اول شي ماكنت اباج بس بعد وصيت يدتي الله يرحمها حسيت انه لازم هالشي يستوي ويتنفذ بس والله قطعت علاقتي وياها واسالي راشد بعد اذا ماتصدقين خلاص الحينه انتي حرمتي لا بتنفعني اسما ولا غيرها والله موزه " كانت تدمع عيونها وارتاحت شوي من رمسه بطي " : .................. بطي : والله يا موزه اني احبج والله موزه ضمت عمرها ونزلت راسها وحضنها بطي وتمت تصيح . . . فبيت بو راشد اليازيه : الله يهنيها ياربي نصره : اقولج اخوج ماسوا وحد اثنين خطفها اليازيه : ههه ادريبه مسود الويه نصره : وحليلها كسرت خاطري يوم ابويه حضنها تمت تدمع احسها تذكرت ابوها اليازيه : يالغبيه اكيد بتذكر ابوها نصره : الله يرحمه اليازيه : ويرحم يدو نصره : آآمين الساعه 1:30 دخل بطي ويا موزه سار بطي حجرته وسارت موزه حجرتها تسبحت موزه وبدلت وانسدحت عالشبريه وتمت تتعبث بالفون شوي وتبطل الباب ودخل عليها بطي موزه : .......... بطي : عادي ارقد عندج موزه : نعـــــم !! بطي : برقد عندج موزه : لا ممنوع بطي " دخل وقفل وراه الباب وسار صوب الشبريه وانسدح حذالها موزه " نشت ووقفت " بطي " انصدم " : شو هذا موزه : شو >< بطي" اعتدل فيلسته " : هذا " ويأشر على لبسها " موزه " توها تنتبه وسارت تحت اللحاف " بطي " تنهد " : ياآويل حـــــــالي موزه " احمرت " :........... بطي خلاص روح بطي : افا تطردين ريلج موزه : عيب عليك بطي : عادي ممم فيج رقاد موزه : هزت راسها بلا بطي : حتى انا موزه : مم بطي : بسير اييب فلم وبيي موزه : اوكي سار بطي وياب فلم وياه بطي : ........ موزه : يلا هشش بدا موزه كانت تشوف الفلم وبطي يشوفها موزه " شهقت " : هذا رعب بطي : ها هي موزه : اخااف بطي : عادي تعالي فحضني مابتخافين موزه " سمت عمرها معصبه " بطي : يضحك عليها وموزه من كثر ماكنت مندمجه كانت تعض شفايفها وبطي يشوفها بطي : بس ارحميهن موزه " استحت " . . . . لين ماخلص الفلم بطي " باسها على راسها " : تصبحين على خير موزه : وانته من اهله لحفها بطي وباسها على خدها وظهر اليوم اللي بعده الكل واعي الا موزه اليازيه : وينها مواز نصره : وحليلها راقده اليازيه : بسير اوعيها بطي : ايي خليها انا بسير لها اليازيه : لا عيب عليك بطي : جب جب ميثا : ايه لا تثير عيب عليك بطي : طاع هاي انتو وسار بطي صوب موزه وفتح الباب شوي شوي سار يلس عالشبريه وتم يتأملها وحط صبعه على شفايفها موزه : تؤ تؤ بطي " بصوت هادي " كيـفي موزه " فتحت عيونها " بطي : صباح الخير موزه : صباح النور بطي : ليش جي تاخرتي فرقادج موزه : ليـش الساعه كم الحينه بطي : 10 ونص موزه : ..... يلا الحينه بنش .. مم ممكن تظهر بطي : لا موزه : يلا عاد بطي : لا بغمض عيوني يلا سيري موزه نشت وراحت صوب الحمام سبحت وبطي انسدح مكانها وتلحف ورقد .. بعد ماخلصت موزه وظهرت شافت بطي راقد مكانها موزه : بطي بطي : ...... موزه : بطي بطي : همم موزه : فيك رقاد بطي : هي حبيبي برقد شوي يوم بيأذن وعيني موزه : انشاء الله ولحفته وظهرت . . . بعد مانزلت موزه حضنها عمها وباسها على راسها اليازيه : هلا بالعروس موزه " احمرت " : اي عروس اليازيه : وين ريلج موزه : رقد نصره : ههه سار يوعيها ورقد الهرم ميثا : موووووووذه موزه : هلا حبيبي ميثا " وهي تحضنها " : احبـج موزه : انا اموت فيج من كبر حبك عجزت اشرح لك اسبابي وتنافس القلب باسبابك مع اهدابي بالمختصر انتي أول وآخر احبابي وانتي الغلا اللي من الدنيا طلعنا به ♥ ♥ ♥ . . . كـــــــــــــــت وتوقعاتكم لو سمحتو روؤح البداآوه ..ٍ |
روعه البارت اختي يلا لا طوليين علينا نزلي البارت بسرعه نترايااااه=) |
تسلمين أختيه على البارت وعاد ما اوصيج لا تتاخرين علينا |
| الساعة الآن 04:00 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir