المشاركة الأصلية كتبت بواسطة رشفة وفا (المشاركة 1044417655)

دامنا مراهقات ياختي فحرص الاهل واجب نقدره وخاصة بهالسن
ولا ترددين كلمة شك ترا هذا ماهو بشك كثر ماهو حرص وخوف دافعه الحب اللي بقلب اهلنا لنا
الحين لو الابو سالنا شو تسوون يعني تفكيره اسود بالعكس ليش ما تفكرين بان سؤاله بدايه لتقربه منج ويبا يخاويج هع

خليني بعطيج مثال صار لي ياختي :

مرة كنت اكلم وحده من ربعي وكان الوقت ع فكرة هب متأخر كانت الساعة 8 المسا شي جي فيتني اختي فلانة انتي منو ترمسين وقلت له عقب ما سكرت الفون

فاحس ما فيها شي بالعكس الموقف فرحني وحسسني انه في ناس تهتم فيني وحريصة علي

وابونا وامنا احترامهم واجب علينا وتقديمهم ع ربعنا حق لهم واكيييييد دامهم حيين فهدفهم سعادتنا وسلامتنا وهدفنا نحن رضااااااااهم

كلمة بقولها ياختي واتمنى ما تزعلين منها :
انتي قلتي وصل عمري 20 ولاحد مقتنع
بس بقولج انتي اقنعيهم بافعالج واحترامج واسلوبج وكلامج وقناعاتج

المشاركة الأصلية كتبت بواسطة يا صغر الفرح في قلبي (المشاركة 1044417096)

عيل اذا شاافك ابوك بيقووول منووو ترمس صح ؟؟

شووو يعني انخش في غرفتي يوم اكلم عسب يزيد الشك ..


تراا اقووولك مره ثانية الغلط في اي وقت ..


محترمه كل قراارات ابووي بس الكبار اذا مسوين غلط لازم الصغار يغلطوون ..


:10: ما وصيك

المشاركة الأصلية كتبت بواسطة الأمـ الوطني ـن (المشاركة 1044418243)

ما أنخش في غرفتي ... اسمها غرفتي .. يعني أنا ما بظهر الساعه 4 الفير من غرفتي عسب إني اتصل في ربيعي وأكلمه
وأخلي أبوي يشوفني إني قاعد أكلم ربيعي الساعه 4 الفير ..!!

بدال أنا مب سهران لين 4 الفير عسب أكلم ربيعي الأفضل أقرأ قرآن آخر الليل ..

وأنا لاحظت من كل ردودج إنج تبين الحرية و

تبين ترمسين في أي وقت.
وإنج مراهقة وتبين أهلج يخلونج على راحتج
وتبين محد يفتش في أغراضج إذا هم شاكيين فيج

على هواج ... بس !!!

إذا صارت لج مشكلة أنا أقولج لا تلجإين لأمج ولا لأبوج ولا لإخوانج
اتصلي في ربيعتج وكلميها .. لأنها أدرى بمصلحتج

وإذا انتي بالفعل مراهقة .. فالمراهقة هي شعور وإحساس بتحمل المسؤولية دون التقليل من شأن الوالدين
لأنه المراهق دايما يحط كلام والدينه مثل الحلق في أذنه .. هذا هو المراهق << من ناحية نفسية

وأنا بخبرج شو المراهق يحتاج ..

المرحلة العمرية بطبيعتها توجد بها مشاكل. هذي المشاكل راجعة للتغيرات الفيسيولوجية التي تتبع هذي المرحلة.
فالطفل الرضيع لماذا ينام كثيرا ؟؟ لأنه فترة النمو هي فترة نموه .
والمراهق عندما يصل إلى مرحلة متأخرة من المراهقة لماذا ينام كثيرا ؟؟ لأنه هذي هي فترة نموه.
الجهد والتعب في العادة يبدو على شكل عرق ولهيث ... أما في مرحلة النمو فيبدو على شكل نوم وعصبية .. >>> فهذا لا يعتبر مرضا ... ولا حالة نفسية ابدا. لكن يمكن لنا أن ننصح ونعرفه ونرشده.


كيف تتعامل مع المراهق؟

لا نعين الشيطان على المراهق ... المراهق طبيعته عصبي طريقته في التفكير توها تنمو .. لا تعين عليه الشيطان ..
بــ أنه عندما يقل ادبه لا تضربه وإنما تأخذه وتتبنااه وتنصحه ويجب علينا أن نتعلم مهارة كيف يمكن أن نمسك بيده إلى الصواب.

شفتي ... أبوج ما سوى كل هذا .. فقط طالعج بنظرة ,انتي ما كلفتي نفسج تستفسرين عن هاي النظرة


والسموووحة بترك المجال للآخرين للنقاش .. :d-uae0(1):

المشاركة الأصلية كتبت بواسطة ღ الــــجـــــــــود ღ (المشاركة 1044420312)

السلام عليكم ورحمة الله وبركاته
مسـآء آلآنوآر .,
موضوع يدور حول آلشك , ولكنه ! فآلحقيقه هآلآمثآل تعتبر حرص وليس شك !
بآلآخص آذآ كآن في مرحله مرآهقه وهآلمرحله تعتبر آخطر مرحله عن آلطفوله وآلشبآب
لآن في هآلمرحله تطلع سلوكيآت غريبه وتثور آلعوآطف وغيره
في هآلمرحله معرضه للآنحرآف وبشكل كبير آن كآن من آلبنت آو آلولد .,
نحن مرينآ بهآلموآقف يمكن آثرت فينآ يوم يومين وبعدين نسينآهآ , وهآلموآقف خلتنآ
نحن كمرآهقين آن نحآول كثر مآنقدر آن نبين لآهلنآ آن نحن كبآر وفآهمين وقد آلمسؤوليه
ونبتعد كثر مآنقدر عن آلطيش وآلحركآت آلغريبه ونكون جديين حتى لو كآن على حسآب
آنفسنآ , وبآلمحآوله قدرنآ نوصل للي نبيه ونحققه .,
آمآ آلمكآلمه آلسآعه 4 تحسينهآ شوي غريبه مع آنهآ تصير معآي بس معروف ويآ آلكل
آن هآلوقت وقت رقآد وآي حد يصير ويآه بيخآف بيقول شي صآير !!
وطبيعي لو حد طآلعج بطريقه غريبه لآن مثل مآقلت وقت رقآد .,
ولآتنسين آلآهل يغآرون على بنآتهم وآحيآن آلغيره تولد آلشك فطبيعي هآلشي وآنتي لآزم
تتوقعين هآلشي لآنج صغيره ومب فآهمه آلآمور صح ., ولآزم تحترمين آبوج وآهلج
وتحترمين رآيهم ونظرآتهم وتحآولين تغيرينهآ بطريقه حلوه وتقنعينهم آنج فآهمه وكبيره
وقد آلمسؤوليه :)
آتمنى آن آلفكره وصلت .’ يعطيـــج آلعآفيه
وموفقه آن شآء الله .~