|
اوك من عيوني بكمل وبارتيين بعد |
عنود كانت سهرانه للفير ويا اختها وتخبرها شو صار بالبارت عننود : ااااخ زيود يخبببل اليوم كان كاشخ خلود: عن تحبينها بس عنود: عن الهبل زيود مستحيل احببه بس جي احس خاطري استوي كلوز وياه ونستوي ربع خلود: شكله مايعطييج وييه هههههههه بعد سالفه الاستكر ماروم اعلق عنود: سخيفه والله محد يخبرج شي وبعدين ماقلتلج اليوم كان يرمسني اسلوب حلو واتفقنا ع شي خلود: شو هو عنود: قال بيعطيني رقمه يعني في امل نكون ربع هيهيهيهي خلود: مو معقوله ههههه عنود: بس قالي ع شرط خلود: بعد يشرط خقاق وايد عنود: والله من حققه انتي شوفيه بس والله بتتخبلييين وتتمنيين بس يوقف حذالج ويرمسج وتبين الكل يطالعج وانتي وياه خلود: تخبلتي انتي هههههه جنج ترمسين عن ملاك مو بشر عنود: اااخ بس تصدقيين كل يوم اسرح ف ويهه ف الكلاس هههه خلود: اقولج اذيتينا بسير وياج مره 2 البارتي وبشوفه يمكن احببه ههههه عنود : جب جب مابيفيسج اببببببببببد خلود: ومن قال انا بفيسه اصلا عنود: انزيين خلود انا فيني فظول ابي اعرف شو شرطه خلود: انا برقد بقت ساعه وبنش اسير السكول عنود : يلا انا بعد برقد الســـــــــــــاعه 7 الصبح البشكاره كانت توعي زيود .. زيود ماكان يبي يسير السكول بس تذكر الريم وكان خاطره يشوفها .. ع الريوق زيود: صباح الخير أبو زيود: صباح النور .. غريببه اشوفج هالايام كل يوم تسيرين السكول شو السالفه .. قبل يوم واسبوعيين ماتسيرين زيود: والله في تحفيز يشجعني اني اسير السكول أبو زيود: مثل شو زيود: يلا انا بسير اللحين بالعافييه ماشتهي شي انا أبو زيود ( معصب): شو قله الادب هاي ارمسج انا وانتي ظاهرره ومعطتني ظهرج زيود: ابويه مو متفيجه انا ... بعديين انت ماتبيني اسير السكول كل يوم خلاص هاللي تبيه صار حق شو تسأل وفظول ظارب عندك وتسأل مثل شو .. شو اقول بس .. طلع زيود معصب مايعرف كيف يرظي امه وابوه ساعات مايحس ان هاذيل امه وابوه .. ومايعرف كيف يتعامل وياهم لأنه من النوع العصبي وابوه وايد عصبي واممه اببد ماتسأل عنه ولاهييه ف حياتها .. في بيت منصور الريم نشت تسبحت وتلبست وحطت قلوس وردي وظهرت شافت امها ف الصاله باستها ع راسها وسارت تتريا الباص برع وقف زيود سيارته جدام الريم زيود: اركبي الريم : مابي زيود: ماباكلج بوصلج مابيج تركبين الباص الريم : ليش مافيها شي زيود: بس مابيج تركبين الباص رمستي واظحه الريم : مابي اسير وياك منصور ظهر وشافهم منصور: اوه زيود بعدك ع وعدك توصلنا ههههه تحريت نسيت زيود: لا افا عليك كم منصور عندي منصور : 1 وتموت فيه زيود: هيه واحد بس اموت ف ناس ثانيه مو انت خخخ منصور ركب السياره ويا زيود منصور: يلا الريم بلاج تعالي الريم : مابي بتريا الباص منصور: ع فكره الباص شفته رايح هاك الصوب شكله راح علينا ههههه ولاتنسين عندج امتحاااان ومابينعاد الريم (زاغت) : طيب خلاص بسير وياكم بس هالمره زيود ( كان خاطره يظحك لأن يعرف منصور يجذب عليها ) : اوك بس هالمره الريم كانت تراجع الامتحان وزايغه تخاف تتأخر لان الامتحان الكلاس الاول وصلووو السكول زيود: خذ شنطه الريم ومشى وياها الريم : هات الشنطه ماحب جي زيود: والله ماتشيلينها الريم(معصبه ) : ليش تحلف زيود: اقولج حلي عدل ف الامتحان منصور: احس برقد ف الكلاس الاول زيود: هييه ارقد خذ راحتك وانا برد ع الاستكرات اللي توصل لك ولي منصور: هههههههه يالخقاق يعني واثق بتوصلك ستكرات زيود: اكييد الريم : هات الشنطه منصور: هاي معلقه بنفس الجمله ههههههههه زيود: هههههههه حسيت الريم: وبعديين معاكم منصور: خلاص هذا كلاسج ذلفي زيود: خذي حبيبي الشنطه وحلي عدل الريم: يفضل ماتقولي مره ثانيه حبيبي فاهم <<< مالاحظتو الريم بدت ترمسه جنه واحد بدت تتعود ع هالشي طبعا زيود لاحظ واستانس ع هالشي لانه كان وايد يعصب لو احد رمسه ع اساس انه بنييه منصور : يلا ذلفي هههه رقدي ف الامتحان زيود: تيك كير عيوني دخلت الريم الكلاس وسكرت ع وييههم الباب سار زيود ومنصور الكلاس زيود: اخ منصور احبببها منصور: خلصو البنات تحب هاي الطمه زيود: جب لاتقول طمه منصور: كيفي اختي وبسبها زيود: كف بيطيرك فاهم منصور: اقولك زيود شو رايك نشرد من الكلاس الاول زيود: برايك شو بخاطرك بسويه منصور: لالا نشرد وويين نسير من زينها السكول نحاوط فيها احس شي اسير احط راسي وارقد زيود: مو تجلب رقادك لسبات شرات الكلاس القبلي فظحتنا يلست المس عند راسك وتزاعق وانت خبر خير هههههههه ممنصور: هييه خرعتني والله نشيت رفعت راسي لقيييتها ف ويهي دخل زيود ومنصور الكلاس عنود: نور نووووووووور الكلاس زيود: بوجودج منصور: طع يرد انزين يمكن قصدها نور بوجودي ههههه عنود : هههههههه لالا عسب زيود زيود: شفت عاد كله تحب تقفط روحك منصور: جب جب وينها عذور عني زيود: تلقاها راقده عند المنظره هههه عنود: زيود شو الشرط زيود: هييييييييه انتي بعدج تحيدين ههههه وحليلج عنود : خلص لاتذلنا زيود: عقب بقولج ف البريك عنود( مصدومه): يعني بتمشى وياك زيود: لا طبعا ههههههههههه عنود ( تقفطت ) : سخيف اصلا منو قال فاظييه لك زيود: فاظييه وغصبن عنج لو فكرت بس اني اسير وياج عنود: عن الخقه الزايده منصور: اقولكم انا برقد زيود: ارقد انت الثاني منصور: بلاك معصب عليي هههههههه زيود: احاتي الريم اخاف ماتحل عدل منصور: دخيلك لاتحاتييها امس دخلت عليها ف غرفتها شوي وبتاكل الكتاب زيود: هههههههه فديتها عنود: منو الريم زيود: هاي الريم ملاك اخ فديتها والله منصور: وين الملاك ووين هاي السباله ههههههه زيود: والللللله العظيييم يا منصور ان فكرت مره ثانييه تسبها ياويلك منصور: شو بتسوي يعني زيود: فكر تسب وبتشوف منصور: هدي هدي انزين هههههه بلاك جي دخلت مس الرياضيات المس : انتو تعرفون بقا لنا اسبوع بس ونخلص المنهج لازم تركزون وياي لان هالدروس راح امشييها بسرعه منصور: نحن مافهمنا الدروس الاولى عسب نفهم هاي اللي بتمشينها بسرعه ههههه عنود: انت يوم تشرب رد بول تصطل من الخاطر ههههههههه زيود: حسيتي منصور: مس مس بقولج شي شو رايج اشرح وياج واساعدج ههههههههههههه المس : استريحي مابي مساعدتج انتي بالذات زيود: افاااااا جي تحطمينه المس: بس ممكن ابدأ الدرس زيود: تفظلي ابدأي منصور: انا برقد يوم تلف خبرني ههههههه هاي كله تشرح للصبوره وماتشوف البنات ههههههههه زيود: اسكت دخيلك صدق مصطل منصور: زيود احبك خخخخ زيود: بدا الخنث هههههههههههههههه منصور: تعال عندي زيود: خخخخخ الاخ يالس يتخيل حبيبته ولا شو السالفه هههه عنود: شو بلاكم انتو زيود: مالج خص منصور: حرام عليك ترمس البنيه جي .. لاتجرح مشاعرها عقب بتشتكي علينا وبيعطونا انذار الرابع ههههههههههه زيود: ههههههه اهبل انت اسكت بس عنود: منصور ارقد دخيلك منصور: حاظر مس ايمو عنود( ابتسمت) زيود: احب البنوتات بستايل الايمو بس مو الاوفر عنود: شراتي يعني زيود: لا طبعا ههههههههه عنود: انزين ويا راسك انا مو اوفر زيود: استهبل وياج عنود: مابتقولي شو الشرط المس(تزاعق) : انتوووووووو مممكن تسكتووووون ولا اطلعكم برع وانتي اللي راقده وين يالسين نحن رقدي في بيتكم منصور(رفع راسه): اللهم سكنهم مساكنهم من وين طلعت هاي المس ( بعصبيه) : شو قلة الادب هاي .. اطلعي برع منصور: الله كشخه طردتني ههههههههه بسير اكمل رقادي عند الباب خخخ زيود: مس ممكن اطلع وياه لأن الاخ مو بوعييهه واخاف يستوي له شي وبصراحه وجودي والعدم واحد مافهمت شي من اللي قلتييه ههه المس : اطلعي وياه مامنكم فايده ظهر زيود ومنصور من الكلاس زيود: ياخي خاطري اسير كلاس الريم منصور: وبعديين معاك طفرتني ترا شو رايك تعيش ويانا هههههه صدقني بتطفر منها بسرعه خخخ زيود: جب جب يالمسطول امشي وراي لاترقد سار زيود كلاس الريم وكان يشوفها من عند الباب وكانت شاده حيلها وتحل الامتحان عقب يلسو جدام الكلاس منصور: زيود انا خاطري انجح هالسنه طفرت ابي اسير الجامعه والله ابرك من السكول اكشنات هناك وبنوتات اخ علييهم تعذييب وبويات وبنتعرف عليييهم احس بيكون غيييييير في الجامعه زيود: اقولك لازم نشد حييلنا انا بصراحه اعرف الريم اكيد بتنجح وبتسير الجامعه وانا مابي ارسب واتم بالسكول ابي اكون وياها .. انا بسوي اللي عليي وبدرس عدل ..اقولك شو رايك ندرس ويا بعض منصور: هييه زيود والله ابي افرح اماييه كل ارسب ارسب لاعت جبدي من السكول زيود: خلاص بييب لنا مدرس وبخليه يدرسنا منصور: اوك زين تسوي دق الجرس ظهرت المس من كلاس الريم المس : خلصت الاماكن يالسين هني زيود: هييه خلصت المس : عيب ترمسييين اللي اكبر عنج بهالاسلوب زيود: واللي اعرفه المفروض اللي اكبر عني يرمس بأسلوب عسب مايستاهل مثل هالرد المس مشت عنها الريم ظهرت من الكلاس شافتهم زيود: الريم كيف امتحانج الريم : اوووك زيود: هييه زيين منصور: اختي العزييزه فلذة قلبي الريم: شوفيج بسم الله زيود: ماعلييج منه شارب رد بول منصور: شارب بس ماطلعت لي جوانج ههههههههه زيود: حمد الله والشكر الريم: زيود زيود: عيونه الريم: حظرت الكلاس ولا لأ زيود: حظرنا عقب المس طردت اخوج لان راقد وعقب طلعت وياه الريم: زيود ابيك تيلس ع راس اخوي عسب يدرس خاطري ينجح ويفرح امايه وانت بعد ابيك تنجح زيود: من عيوني حبيبي بخبركم شوي عن منصور.. منصور طيب وحبوب ومتواظع وكان وايد يفهم زيود ويعرف كل شي الا شي واحد بس بيعرفه مع الايام .. منصور ماكان يحب عذاري من الخاطر بس يتحرا هذا هو الحب وانه وصل لذروه الحب .. كان يسهر وياها ويرمسها دوم ويهتم فيها بس ماكان يحس باحساس الحب تجاها كان احساس عادي شرات اللي حبهم قبل .. زيود: عنود عنود: لبيه زيود: سمعي بخبرج الشرط .. ابيج تتعرفيين ع الريم وبطلب عقب منج اشياااء تسوينها لي عنود: تامر امر زيود: تبين الرقم ها عنود: هييه اكيد زيود طلع زيود فونه زيود: كم رقمج بسوي لج مس كول الإخصائييه انتبهت لزيود زاخ فونه الاخصائيه : هاتي الفون زيود: خير .. خاطرج بالفون الاخصائييه: تعالي الاداره بتفاهم وياج زيود: عندج رمسه قوليها هني غير جي مو فاظي تراني الاخصائيه : هاتي الفون زيود: خذييه جان بخاطرج ومب رايمه تاخذيين شراته الاخصائيه : ماشي تربيه الاخصائية خذت الفون وسارت عنود: خييييبه اللحين كيف انت جي ترمس مع هاي الاخصائيه اللي تزيغ السكول بكبرها زيود: ليش تزيغكم ... عنود: اقول زيود انا بسوي لك سبرايز اليوم |
تسلميين غلـآيه .." آدري وآاااايد نتشرط >>~ نبي الباآرت اليآاي آليووم ^^" |
مشكووووره ع البـآرتييين " اهئ كملي كملي نبا انعرف شو صـآآر ويا الاخصائيه و زيووود !" صرت احلمهم من كثر ما اندمجت بالقصه @.@ |
في كلاس عنود كتبت ستكر لزيود كاتبه فيه (( زيود دخيلك خبرني شو الشرط ميته فظول)) زيود رد على ستكرها (( موتي اول ههههه)) عنود ردت علييه (( خلصنا ياخي لاتأذينا )) زيود(( بخبرج قلت ف البريك )) عنود((اوك خلاص )) عنود ف خاطرها (( اكيد بيمشي وياي البريك )) زيود ( كان شاد حيله ومركز ويا المس وكل شوي يفلع منصور عسب ينش ويركز بالكلاس منصور: بلاك انت كل شوي تفلعني بشي زيود: وين اللي يقولي ابي انجح هاا منصور: ابي انجح وابي ارقد زيود: انت ليش ماترقد بالليل منصور: تعرف انت يوم الواحد يكون تيكن لازم ف الليل انحرافات ونسهر ههههه زيود: اخس شي يوم تكون تيكن منصور: بالعكس زيود: خلاص سكر حلجك ابي اركز منصور: هههههههههههههههههههههههه اخ بطني شكلك يظحك وانت شاد حيلك بالدراسه ههههههه زيود: عن المصخره يالجلب منصور: خلاص بنجب هههه المس: انتو اللي هناك زيود: ماعندنا اسامي مثلا المس : عيدوا شو قلت زيود: قلتي ان المانيا وايطاليا اليابان خسرو ف الحرب العالميه الثانيه المس: طيب ركزو وياي ولاترمسون منصور: حاظر انسه منشن هههه المس (بنص عين) : اترياج بس ترمسين مره 2 بتطلعيين برع منصور: طيب كان زيود ومنصور مركزيين ف الكلاس دق الجرس المس : الواجب تحلون اسئلة التقوييم كاملة زيود: اوووف ماداني الواجبات منصور: يعني انا اللي احببها المس : اللي ماتحل الواجب تنقص 10 درجات منصور: هو في درجات عسب تنقص ههههههه منصووور : واخيييييرا بريييك بسير عند عذورتي زيود: وانا بسير ويا عنود ابيها بسالفه منصور: اوك يلا عيل لننطلق هههه ززيود: سي يو الكلاس ال2 منصور: سي يا زيود: عنود يلا ولا مو ناويه تسيرين وياي مو فاظييه هههه عنود: ياييه ثواني بس اتعدل زيود: تتعدليين لمنو .. عنود: اونه تتعدليين لمنو .. اتعدل لنفسي زيود: لنفسج بحاول اصدق ههههه عنود: جب وخلصنا شو الشرط ماستوا رقم زيود: شوفي طويله العمر تعرفيين وحده اسمها الريم ف ثالث علمي عنود: امممم هيييه بس مو واييد زيود: شوفي ابيج تتعرفيين عليها اكثر وتستوين وايد كلوز وياها وعقب لو قلتلج ع اي شي تسوينه عنود: اممم بفكر زيود: عيل جلبي ويهج ولاتفكريين ترمسيني عنود: هههههه استهبل وياك ليش معصب زيود: ماحب الاستهبال عنود: خلاص انزيين مابستهبل الريم شافتهم من بعييد وكانت زاخه كتابها وكانت وياها ربيعتها منول منول: طع زيود يمشي ويا منو هاي الايمو .. ماتوقعت يحب هالاستايل الريم: برايه ها شكله مابيتغير منول : هههههههه هييه صح شو صار ع توبته ههههههه الريم: عن المصخرره لاتظلميينه يمكن في خاطره بس يحاول وبعديين طبعا بيكون عليه صعب لأن البيئه اللي حوله ماتشجعه منول: وانتي بتشجعيينه يعني ههههه الريم : خل اول اهدي منصور عقب يستوي خير هههههههه لان منصور وايد كلوز وياه ووايد يأثر علييه زيود انتبه للريم من بعيد ويا منول وخاف انها تفكر شرات البنات وان عنود اللي تمشي وياه حبيبته وخاف تتظاييج خصوصا انها شوي استوت اوكي وياه... زيود: اقولج بنسير صوب الريم عنود: اوك يلا سارو صوبهم زيود : السلام عليكم الريم : وعليكم السلام والرحمه زيود: اشحالهم الريم: تمام وانت زيود: ترتوب زيود: بعرفكم ع ربيعتي عنود << كان يبي يرقع السالفه عسب ماتتحرا الريم انع نود حبيبته عنود (استانست يوم قال ربيعتي )وسلمت على منول والريم الريم: هلا عنود شحالج عنود : تمام وانتي الريم: تمام منول : زيوووود تصدق تحريت عنود حبيبتك زيود: لالا وين تبين ربيعتي هاي منول : هييه علينا ههههه زيود( بنص عيين) : اقص عليج مثلا عنود: والله ربع نحن زيود(معصب): لالا يبي القرآن انتي بعد وحلفي لها عنود: هههههههه اسفه منول : خييبه عصب والله يخوف يوم يعصب الله يعيين حبيبتك المستقبليه هههههه زيود(طالع ف الريم): لو الموووت ماعصب عليها الريم(شوي استحت) : اقووووول انت يابو الشباب ممكن تسير اللحين لاني ابي ادرس زيود: حاظر يالشيخه .. يلا اخليج اللحين مواااح سي يا الريم(معصبه): عيييب مايعطون بوسات زيود طالعها نظره وابتسم وسار عنها ويا عنود |
| الساعة الآن 09:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir