|
البااارت 20 .. تحـــت فالصـاله بو حمـدان : شو سويتبـها !! حمـدان : ابويه يعني الحين اذا صرخت يعني انا سويتلها جي !! اسال عمرك شو قايلها بو حمـدان : انا احيد البنات يوم يقولولهم بنسـافر يستانسـون ليش هاي لا !! ( يوم كان بو حمـدان يقول جي محمد نـزل ) محمد : منو بيسـافر ؟ سـاره : فطوم و ابويه محمد مصدوم :لييييييش ! بو حمـدان : حق ايد فطـيم ,, حرام عليكم والله يعني الحين اذا تميتو تطلعون هناكي بتم هيه عاد كل يوم ماتعرفون فطـوم موتها و حيـاتها تسوي ع قولتها SHOPPING مريوم و عليـا : ههههههههه عليـا : عميه البـركه فينـا و ضحك ويا ضروسها خخخ بو حمـدان : هههههههه شطـار ,, انزين عيل ,, انا الحين بخلي حد ياخذلنا حجــز ,, شيـخه فديتج سيري ييبي جوازي و جـواز فطـيم بخليهم فـ السيـاره ,, ام حمـدان : فطيـم عندها جوازها ,, خلاص ماعليه انا بيبله لك وعقب ام حمـدان سرت غرفتهم و طلعت جواز بو حمـدان ,, و دقت ع حجرة فطيـم كمن مره و عقب فـجت فطـوم و الحسـره و القهر فـ عيونها و فويها .. ام حمـدان : وي وي وي بسم الله ع هالبـوز شوفيج فديتج تعالي خبرينيه ,, دخلت و سكت البـاب يلسها ع الشبريه ام حمـدان بحـنان : شوفيج فديتج ؟ فطـوم : فينيه غصــه ,, احس هناكي بتخبــل و محد بيكون ويايه !! ام حمـدان : انا بقولج شي عن محمد ,, مسولفجي لدرجه فضيعه طالع ع حمـدان ,, والله بتكونين فرحـانه و بتنسين الايام و بتمر شرا المـاي ,, واي شي تبينه بيسويلج ياه ,, وعقب الSHOPPING ذوقه طـر والله ,, ماعليج هوه يقول هب سايرين حق لعب بتشوفينه يوديج الالعـاب و الحـدايق ماعليج فديتج انا بقوله ,, بس اهم شي تردين لنـا بالسـلامه و بنظهرج و اي مكان تبغين تسيرينه بنـوديج ,, واذا بعد كنتــي تبغين تظهرين ويا حد "معيـن" >> ركزت ع هالكلمـه .. بنخليج تظهريـن وياه فطـوم من طرف عينها : خـالووووه شو قصدج بـ حد معيـن ,, والله انج حركـات ,, ام حمـدان : فطـامي حمـدان يحبج والله شوي شوي عليه اتصلي علينا كل يوم فطـوم بحسـره : يا لبيـــه ,, بمـوت لو ما شفته ,, هيه خالوه براويج شي هع ام حمـدان : شو ؟؟ فطـوم سارت و يـابت صورت الشـاجي وراوتها : شو رايج ؟ ام حمـدان : منو ها الشـاجي !! فطـوم : هيه امس عطاني هالصوره ,, حلو صح ام حمـدان : هههههههه مسكيــن حالج بسير اخبر حمـدان فطـوم : لا امس روحيه راضيته لاتخربين بليز ام حمـدان : هاا كيف راضيتيه ؟ فطـوم : عيب عيب مانقـول حق المعرسيـن عن يستخفـون و يسون شراتنا خلاص انتو كبـرتو >> اللي يقول عاد جنه سوو شي خخخ .. ام حمـدان : يلا انزين بسرعه بسرعه ييبيلي جـوازج فطـوم وهيه اموزه : انزين وعقب سـارت فطيـم تيب جوازها و عطته ام حمـدان ,, وعقب نزلت وخلت فطـوم بروحـها ,, سـارت ام حمـدان عطت بو حمـدان الجواز ,, بس قبل لا تعطيـه حمـدان قـام و سحبه بو حمـدان : يا الهــرم شو عندك ؟؟ حمـدان شاف تاريخ ميلاد فطـوم كـان : 5/7 .. قال فخاطره زين بعد وهم كـانو فـ تاريخ 18_6 ,, وعقب عطاه الجواز وعقب روح ,, اما فالصـاله حمـدان رد يـلس و شاف البنـات الـ3 مريوم : شوفيك تشوفنا .. فينا شي غلـط !! حمـدان : شو رايكم نسوي حق فطـوم حفله عليـا : حق شو ؟؟ حمـدان : عيد ميلاد فطـوم 5/7 .. خلال الأيـام يوم بتكـون مسـافره ,, بنسويلهـا بـارتي كبيــره سـاره : الله بتتخبـل محمد : شكلها تحـب البـارتي وايد مريوم : ههههه الا تعـشق حمـدان : عيـل بنسوي اجتـمااع هع سـاره : هههههه حشى بنسوي جريمة قتل نحنا حمـدان : لا صدق بنسوي ,, و كل واحد يحطـ كل الافكـار اللي فـ راسه البنـات + محمد : خلاص اوكيه سـاره : بنخـبر امايه عندهـا افكرا جهنميه حمـدان : فديت امايه والله .. بس والله ان درت فطـوم لا اجتلكم كلكم البنـات : خيبه تخيب العـدو !! مريوم : ايه خلونا نسير عندها (فطوم قصدها) شكلها تتحرطم ,, المهم وعقب سـارو فوق شافوها اطلع الشنطه وجي مريوم : خيبه وايد مشتطـه هيه تبغين الفكــه فطـوم : الله يغربلكم انجبـوا سـاره : البيت بيكون هب حلـو ,, انا برمس عميه علي بقوله مريوم و عليـا مايسيـرون من عندنا شهـر ,, هب انتو بتمون شهـر مريوم : جيه تخبلتي ,, لا لا فشلـه ,, اللي فالبيت مابيـاخذون راحتهم سـاره : بالعكـس بيستـانستون فطـوم : يلا قولوليه شو آخد من اللبس هنـاكي عليـا : هيه ترا هنـاكي حر موت وخاصـه فالصيـف فطـوم : عيل باخذليه اشيـاء خفيفه ,, بس مابلبس عبـاااه البنـات : ههههههههههههههههههه وعقـب ,, البنـات ساعـدو فطـوم عشـان تحط ثيـابها والاشيـاء اللي تباها و يلزمونها حق السفـر ,, و حطت البنـاطلين و القمصـان اليـداد اللي ماخذتنهم يوم سـارو المـووول ,, و العطـور و المكيـاج لووول لازم ,, اما عند بو حمـدان ,, رمس ربيعه عشـان ياخذلهم حجــز بـأقرب وكت قاله ماشي حجـز كله فول بس فيه فـالدرجه الاول فـ وافق بو حمـدان قال انزين حقيه و حق بنت اخويه ,, انا بيبلك الحين الجوازات وانته اتصـرف ,, المهم خـذا حجـز تاريخ 20/6 ,, قريب الموعد يومين بس ,, و مر الوكــت بسـرعه ,, وقرب مـوعد الغـدا و يا بو حمـدان و وياه التذاكر و كـانو ع طاولة الطعـام يتريونه عشان يتغدون و يوم يلس ... فطـوم : ماشالله شغل بسرعه بسرعه هاا الشيـخ محمد شو ها اللي فـ ايدك ,, وهيه تشوف فالجوازات شي جي ورقه طويله جان تمط الورقه و يوم عرفت شو السـالفه .. فطـوم : يخـــرب بيت الواســطه !! ناس يتريـون من شهـور وانته تي ع الجـاهز وتاخذ حجـز بسرعه بو حمـدان يعدل كـلر كندورته : احـم احـم وعقب تشـافت متى السفـر : قفــعه ( و تيود راسها ) قفــعه قفــعه الخميـس !!!! الكـل ماعادا بو حمـدان و ام حمـدان : شوووو !!! فطـوم بحسـره : آآآخ يا قلبيه كيف مقهـور .. هالخمـيس السـفر ولاخليتنيه اتهنـى وياربيعـاتيه حرام عليك .. وبعـد الرده 4/7 بو حمـدان : فديت قلبج انا ,, ماعليج بونسج صدقينيه محمد : يخـرب بيـت الواسطه والله !!! الكـل : خخخخخخخخخخ فطـوم شويه و بتصـيح ,, وترمس بو حمـدان شرات اليهـال : خلاص ماحبـــك تخلنيه اسـافر وياك بروحنا ابا حد يونسـنيه بو حمـدان : عنتلاتج جيه وانا وين ,, بهدج بروحج هنـاكي فطـوم اموزه و يلست تـاكل حمـدان : حرام عليك ابويه بتحرمـنا منها بو حمـدان :لا اله الا الله مريوم : محمد رسـول الله >> فخاطرها تضحك خخخخ بو حمـدان : عنبـو انا ساير وياها اجتلها هنـاكي ,, خيبه مايسوا عليه والله ,, لاتمـون تحـون وعقب يستويلنا شي ام حمـدان : الله لا يقـول غانتيه ,, ان شاء الله تسيرون و تردون بالسـلامه مريوم ترمس سـاره و تصاصرها : الله ع الحب سـاره : خخخخ عادي كل يوم هم جيه بو حمـدان يبا يقهربها : الشيخه فـاطمه فطـوم : خيـــر بو حمـدان : زهبي ثيـابج ترا ماباجي شي فطـوم : اصلا بدون ما تقـول زهبت و طلعت الشنطه و حطيت ثيـابييييييه و تصارخ الكـل : هههههههههههههههههه ام حمـدان : واعليه عليج ,, و ع هـ الحـااال ,, تم بو حمـدان يقهر بـ فطـوم عن السـفر ,, و العصـر بو مريم و ام مريم يو عندهم لين فليل ,, وطبعا محد له نـفس يطلـع و خاصه البنـات ,, و حـااان وقـت الليل لوول ,, و روحو ام مريم و بو مريم ,, و استوت سـاعه 10 فليل محمد فـ غرفة حمـدان ,, اما البنـات مجتمعيـن فـ غرفة فطـوم ,, خلوني اسيـر عند الشبـاب كـانت الغرفه ظـلااام بس نـور الابجـوره منـوره نص الغرفه ,, فـ نص الغرفه محطين كمن لحـاف و طايحين يبدلون بـ T.V وحـمدان كل دقيقه يسـرح و محمد حس فـ هالشي محمد : حمـدان حمـدان : ..... محمد : حمـدانوه حمـدان : هاااا محمد : شوفيك سـاكت فـ شو تفكـر حمـدان : ماشي محمد : لا قول شوفيك صدق والله حمـدان : احاتي السيـره و كيف بيكون البيت محمد : هيه والله .. بـدون فطـوم البيت بيكـون زفت حمـدان : هيه اللي تربش البنـات والله محمد : خلاص ماعليه فديتـك ,, تراه بنسويلهـا حفله كبيـره و بنخليـها تستـانس موت حمـدان : مابخلي شي ماباخذلها ,, لو انا الحين مالج عليها ,, آآآآآآآآآآآه يا قلبيه جان خليتها تقول : حمـدان مابا هاليـوم يخلص محمد : هههههه الله ع الحــب ,, خلاص ماعليه يوم بتمـلج عليها السنه اليايه سولها حفـله كبيـره فعيد ميلادها حمـدان : عاد انا شو يصبرنـييييه محمد جان يطيح عـداله : كلنـا تعذبيـن ,, مشكلـه خقاقات ,, قول فطـوم تقولك شي اما هاي بـارده حمـدان : ههههه حرام عليك سـاروه تستحي محمد : انا بخليها ماتستحـي وبتشوف حمـدان : خيبه شوي شوي ع اختيـه ,, وافديت فطـيم والله عنديه افـدا المكـان اللي تمشي عليه محمد : ماعليـه الايـام بتمـر بسرعه و بتردلنا بالسـلامه حمـدان : آآمين صـوب البنـااات الجـو كـان شويه خربان لوول فطـوم اللي مخربتنه ,, نفس الشي ليـت الابجـوره منـوره نص الغرفه و مسوين يلسه وكمن لحـاف تحت ,, فطـوم كانت فحظن مريوم ,, تلعب فشعرها ,, عليوه و سـاره نفس الشي ,, لوول شايفنه طويل قالو بيلعبـون فيه فطـوم :اييييه مابا اسـافر بروحيـه بخشـكم فـ الشنطـه مريوم : ههههههههه لو يسوي جان زيـن فطـوم : غربلات العـدو مشكله الشيـبه يبـا ياخذ راحته هنـاكي سـاره : هههههههههههه خليه يغـازل عشان يخليج تغـازلين عليـا : بخبـر حمـدان فطـوم : وافديت هالطـاري ,, وتحط ايدها ع ويها .. : كيف بعيـش بدون ما اشـوفه بصيـح قسم بالله بصيـح سـاره : دبـوووه ,, ماعليج حمـدان بعطيـج صورته و شوفيه كل يوم فطـوم : فديته والله خايفه عليه مريوم و عليـا : من شوووه ؟ فطـوم : يحـب غيريه سـاره دزتها بالقو ع جتفهـا : سيري لاااه ,, والله لو درا انج قايله جي بيحط فـ خاطره فطـوم : جب جب لاتقووليله ,, جان تعدل عمرها يلست و كانو ال3 عدال بعض و هيه جدامهم : طلبـــتكم الكـل : تــــم فطـوم : دخيلكم تحملـو عليه و شوفو عيـونه ويين تسيـر و منو يرمس بليـز سـاره : فديتج لو حمـدان مايحبـج جان ماسوالج سـالفه ,, فديـتج حمـدان فعيـونا و لاتحـاتين مريوم : فطـامي ,, حمـدان مستحيـل يخـونج عقب اللي استوا فـ ( امارات مول ) عليـا : وخـاصه انه اعترفتي انج تحبيـنه فطـوم : فديـته والله ,, ربيه يحفظه و يخليـه لي البنـات : آآآمين وعقـب تمـو يسـولفون و يحطـون اغراض فطـوم ,, وبعديـن رقدو .. و مـر اليوم الثـاني اللي هوه يوم الاربعـاء شرا المـاي و سـارو الجمعيـه عشـان ياخـذون الاشيـاء اللي يبغونها حق السفـر ,, و فطـوم حطت الشـيل اللي تباهم و خلت عبـاه وحـده و زهـبت الثـيـاب حق المطـار ,, و جـان ايي الليـل و العشـاق يحـاتون بعض كيف بيكـون حال الثـاني ,, وخـاصه العـاشق كـان يحـاتي كيف بتـكون حيـاته بـدون فطـوم !! و ع السـاعه 11ونص فليل ,, مريوم و عليـا كانو فـ غرفتهم و سـاره بعد فـ غرفتها ,, البنـات الـ3 كانو يحـاتون كيف بيكون البيت بدون فطـوم ,, روح و اسـافر بس توعدني تجيني وانته سـالم للـي ينطـر مرجعك اما عني روح ولـي رب(ن) يعيني الله يعـلم كيـف حـالك مودعـك اما عند فطـااامي ,, كانت تفكـر و تفكـر و دموع ع خدهـا الوردي و مشغله الابجـوره ومخففه ع الضـو و لا مره وحده يرن موبايلها و شـافت مكـتوب "قلــبج" .. ردت عليه فطـوم : ......... حمـدان : الووه فطـوم : هممم حمـدان : راقـده فطـوم : لا حمـدان : شوفيج ؟ فطـوم جان اتصيـح : ماشي حمـدان خاف : فطيـم شوفيج ؟؟ فطـوم وهيه اتصيـح : حمـدان ما اتخيـل انيه ما بشـوفك كل هالمــده حمـدان : فديـتج والله ,, حتى انا هب مصـدق انه بـاجر بتسـافريـن ,, فطـوم وهيه اتصيـح : خاطريه ما اسـافر ,, بمـوت لو ما شفتك فـ يوم حمـدان دخيلك لاتخلينيه حمـدان قلـبه يتقـطع ع حال فطـوم : فديتج مستحيـل اخليـج ,, وانا بكـون اول واحد يتريـاج صدقيني ,, وصدقيني محد بيدش قلبيه غيـرج انتي ,, حبيبي انتي اول وحـده دشت قلبيـه و مستحيــل تدخل وحـده غيـرج مهمـا استوا فطـوم : وعـد حمـدان حمـدان : وعـد فديـج مستحيـل اتخلـى عنج مهمـا استوا فطـوم وهيه منهـاره من الصيـاح : حمـدااااااااااان تعبانه احس انيه مخنـوقه خلاص ما..ما.. ما..ما.. مااروم حمـدان : فديـتج عشـان خاطريه لاتصيحين الايـام بتمر بسـرعه ماعليج فطـوم : احبـــك حمـدان ,, احبـــك موت احبك اموـوت فيك حمـدان ارتـااح قلبه من الخـاطر : فديـت حسـج انا ,, وانا اموت فيج حيـاتيه ,, دخيلج عشـان خاطريه ارقدي و ارتـاحي فطـوم وهيه اتهدي عمرها : ان شاء الله حمـدان : تصبحيـن ع خيـر فطـوم : وانته من اهله فديـتك حمـدان : فداعة الله ,, ظــل العـاشق يفـكر فـ حبيبته ليـن ما رقـد ,, اما فطـامي ,, اول ما سكـرت منه رقـدت وهيـه اتصيـح .. الصبـــح .. الخمـيس ,, سـاعـة : 8:00 بـ التحديــد غرفة " محمد " نــش الصبـح ,, دش الحمـام خذا شاور ع السريـع ,, و لبـس كندوره مال النـوم ,, و نزل تحت و شـاف بو حمـدان و ام حمـدان يالسيـن يتريقـون ,, محمد : السلام عليكم بو حمـدان + ام حمـدان : وعليكم السلام والرحمه محمد : شحـاااالكم ؟ بو حمـدان + ام حمـدان : يسرك الحـال ,, ومن صوبك ؟ محمد : تمـام بو حمـدان : عيل وين حمـدان و البـنات !! محمد : هههه الله يسـامحك عميه رقـود اكيـد بو حمـدان : هييه ,, وانته شو موعنك ؟ محمد : والله مايانيه رقـاد عبدالرحمن : حمووووووود محمد : حمود فـ عينك ,, قول عميه محمد عبدالرحمن : هيهيهيهي عميه حمودووه محمد : صدق انك ماتستحي حمـار عبدالرحمن : انته حمـاااار و و و كلــب و و و عنــزه محمد : خالوه يودي ولدج لا افلع بـ شي ام حمـدان : حمـاني حبيبي عيـب .. سوسي سوسي تعـالي خذي عبدالرحمن راويه توم & جيري .. سوسي : Okay mam بو حمـدان : هييه تعـال سير قوم اختك ,, محمد : ليــش بو حمـدان : بـس ,, عشـان تزهب و تشوف اذا شي ناقصنهـا عشان تلبس بسرعه و نسيـر لاتنسـى مطـار دبي محمد : انزين يوم بخلص ريوق بسير.. بس متى الطيـاره ؟ بو حمـدان : ساعه 11 فليل ام حمـدان : حرام عليك محمد (ترمس ريها) توعيها من الحيــن بو حمـدان : انا اباها نـاشه وعقب ثواني البنـات نشـو ( مريوم و عليـا و سـاره ) و نزلو تحــت و سلمو ع اللي موجود و يلسو يتريقـون ولا حد فـج حلجه من عقب ما سلمـوا محمد : شوفيكم جنه حد صامنكم بـ كف !! سـاره من دون نفس : محمد دخيلـك هب ع الصبـح ام حمـدان و بو حمـدان حسـو انه عن السفـر .. وعقب دقـايق نش حمـدان و هوه ماله خلق يسوي شي ,, نزل تحت و سلم عليهم و شـرب بس حليـب وهوه ســـاكت ... الكـل حس فيه ,, و يلاحظون عليه كل دقيقه يسـرح ,, و يوم خلص سـار صوب الصـاله يشوف التيلفزيـون ,, محمد سـار صوب فطـوم يوعيها ,, دق دق دق دق ,, لا من مجيــب << دق دق دق دق محمد : فطـوووم فطـوم : ............. << كانت تسمع بس طاف محمد صرخ صرخه : فطـوووم قومي نشي فطـوم صـاحت لووول جان تفـج البـاب : انتو ماتخلـون الواحد يرتـاااااااااااااااااااااح كفـايه انيه بسـافر اليوم محمد من شافها بغـا ينقع من الضحك .. كان شكلها يضحك شعرها ع ويهها و مكشكش و فصم البجامه صوب الصدر مفتوحات و القميص ياي ع ينب ..محمد لوا عليها و هوه يضحك : فديتج بس خلاص فطـوم تصيـح صيـاح يهـال و كل ما ياه يعلـى : انتو ماتحبـونيه خلونيه ارقـد قسم بالله تعبانه محمد : فديـتج كلنا نموت فيـــج ,, فديتج والله جان يمسك ويها : انا احبـج وامووت فيج فطـوم تمسح دموعها و تخلي شعرها ورا : ........... محمد : يلا سيري الحمـام و انزلي تحت وعقب فطـوم دشت الغرفه و محمد نزل تحت وهوه يضحك ,, الكل استغرب منه .. بو حمـدان : شوفيك ؟؟ محمد قالهم السـالفه الكـل ماعادا حمـدان : هههههههههههههههههههههه ام حمـدان : حرام عليك ,, ليش تهزبها محمد : ليش ماتفج البـاب بسرعه مريوم : حرام عليك وجـان يتصـل بو مريم حق بم حمـدان يسـأله متـى بيظهـرون ,, قاله سـاعه 7 ,, فـ بو مريم و ام مريم بيـون سـاعه 5 ونص العصـر عشـان يسلمون عليهم ,, وعقب 5 دقـايق نـزلت فطـوم والكـل استغرب و بو حمـدان كان يبـا يلطف الجو شويه بو حمـدان : هلا والله بـالطش فطـامي من ورا خاطرها : هلا عميه ,, وحبته ,, و حبت ام حمـدان بو حمـدان : شحـالج فديتـج ؟ فطـامي : زيـنه ,, و عقب شافت الصوب الثـاني وعينها يت ع عيـن حمـدان وتمو يشوفون بعض دقايق و ام حمـدان خربت عليهم .. ام حمـدان : فطـامي قومي تريقـي فطـامي : هب فـايجه بو حمـدان : فديتج خلصتي شنـطج فطـامي وهيه متغصصه : هيه عميه بو حمـدان : شو باجيلج الحيـن فطـامي و حـزن : البس ثيـابيه و اسيـر المطـار البنـات الـ3 من سمعو فطـوم تقول جيه بغـو يصيـحون ,, بس مسكـو عمارهم بو حمـدان لوا عليها و حباها ع راسها : فديـتج والله ,, حبيبتي ترا الطيـاره اتطيـر ساعه 11,, فطـامي : خيـر ان شاء الله مــر الوكـت بسـرعه و اسوت السـاعه 12 و تغـدو و عقب ردو كمـلو يلستهـم و يوم استوت سـاعه 4 قامو الشباب يصلـون و عقب ردو يكملـون سوالفهم ,, فـ الصــاله .. ام حمـدان : فطـامي ماراويتينه شو بتلبسيـن .. قومي قومي راوينيه و صـدت صوب البنـات ,, و تعالو ويانا يلا فطـامي : خـالوه ما اروووم ام حمـدان : فطيم يلا عااد لاتستوين دلـوعه فطـامي تشوف حمـدان ,, وجان يسيرون فـوق .. و ام حمـدان قالت حق فطـوم تي غرفتها ,, و البنـات سارو ويا ام حمـدان ,, فطـوم سـارت تيب لبسـها و شنطتـها ,, و عقـب سـارت غرف ام حمـداان .. فطـامي : ها شو رايج ؟ ام حمـدان : واااااااااااااو ,, والله ذويقه من الخـاطر وايد حلو فطـامي : بس انا طبعـا يوم بسير المطــار مابلبس عبـاه و اشوف حد يقوليه شي ام حمـدام : هههه محد بيقولج شي .. كـان لبس فطـوم .. بنطلون جـنز ازرق ياي ضيـج من فوق وتحت ياي وسيـع ,, قميـص و تنوره ويا بعض وردي هـادي .. عليه رسمت بنيه بالاسـود صوب الصـدر و التنـوره كلها فيها كسـرات بس هب وايد طويله التنـوره طشـونه بس ,, و الجـاكيت جنـز ازرق شرات البنطلون طبـعاً بيكـون قصيـر لين الصـدر ,, فطـوم تحب هالموديلات من الجاكيتـات ,, ام حمـدان : انا اعطيـج تصريح انج تتكشخيـن فطـوم : صدق ام حمـدان : هيه والله ,, وانا اللي بعدلج ^_^ مريوم : الله كشخه ,, سـاره : ونحنا بنشـوفج كيف بتحطيلنا عشان نتدرب ام حمـدان : ههههههه فطـوم : انزين بسير اتسبـح ع السريـع وبييكم عليـا : يلا نتريـااااج .. سـارت فطـوم تسبـح بسرعه اما عند ام حمدان و البنـات كانوا يطلعون المكيـاج و هالسـوالف ,, و عقب 10 دقايق يت فطـوم وهيه لابسه روب مال الحمـم ,, وجـان تيلس ع الكرسي عشـان تمكيـجها ام حمـدان ,, مريوم و عليـا كانو يعرفون يسشورون الشعـر عدل ,, فـ سشورو شعـر فطيـم و ام حمـدان تبا تنسيـها شويه السـالفه فتمت تسولف وياها هيه و سـاره ,, و يوم خلصو تسشويـر ام حمـدان بدت تمكيـج فطـوم و طلعتلها الكريـم الاسـاس وحطتلهـا طشـونه لدرجه انه ماينعرف اذا هيه حاطه ولا لا ,, لانها هيه ماشالله عليها امبـونها بيضـا ,, ام حمـدان رسمـت عنوون فطـوم بطريقه حلـوه و حطلتهـا شـدو اسود خفيف ع الينب من فوق ,, و عقب حطتلها وردي الهـااادي خفيف مريوم : فديت هالعنون انا محلاهن عليـا : بيصفـعج حمـداااان سـاره : هههه الله يعيـنه اخويه ام حمـدان : حمـدان واثق فـ فطـامي ,, ولا شو رايج فطيـم ؟ فطـوم : ......... وبعديـن ام حمـدان حطت حق فطـوم البـودر اللي فيه لمعه ع رقبتها و ايدها و عطتا الشـدو الوردي و الاسـود عشـان اذا اختـرب ترد تحـط هيه بروحها .. وعقب يـابت بـوكس متـوسط الحـجم ,, في قلوزات صغـاار (( اللي يكبـر الشفايف )) وكـل الالوان فيه فطـوم + البنـات : وااااااااو فطـوم : الله يخليييييج عطينيه البـوكس باخذه ويايه ام حمـدان : يفداج يا روحي ,, هالوردي حلو ؟؟ مريوم : لا خـالوه ها احـلى ام حمـدان : و انا ادوره ههههه ,, وعقب حطت قلـوز ع شفايف فطـوم سـاره : فطـوم ,, شفـايفج حـلواااااات مريوم + عليـا : هيه والله يغربلج فطـوم : الله و اكبــر عليكم خـالوه نسيتي تحطيليه مســكره ام حمـدان : اووه سوري فديتج وجـااان حد يدق البـاب ... سـارت سـاره فـجت البـاب و حصلـت ام مريوم يـايه سـاره : هلا والله بـ خالووه نـواااري ام مريم : هلا والله فديـتج شحالج الغـلا ؟ و تسلم عليها سـاره : يسرج الحـال ومن صوبج ؟ ام مريم : بخيـر الله يعـافيج وعقب سـارت صوب بناتها مريوم و عليـا : وايه ماماتي ولهنا عليج وايد ام مريم : ههههه فديتكم و الله شحالكم ؟ مريوم و عليـا : يسرج الحـال جان تشـوف ام حمـدان سلمت عليـها و سلمت ع فطـوم ,, يوم شافتها كاشخه ام مريم : فطـوم شو هالكشـخه كلهـا ,, الطيـاره بذوب يوم بدشين فيها فطـوم: هههههههه ,, خالـووه معدلتنيــه ام حمـدان : والله كيفي ههههه ,, خلونا نطلـع و نسيـر تحت السـاعه الحيـن 5 ونص ,, انـدوج فطـوم هالقلوزات و الشـدو ,, و عقب طلعـت و ودت الاغراض غرفتهـا و لبست مخـوره و شيله و يوم طلعت شافتهم يتريـونها ,, ام حمـدان : ربيه يحفـظج من كــل عيـن الكـل : آآآمين فطـوم عاد احمرت ام مريم : ان شاء الله يارب نشـوفج ع الكـووشه و لابسه هاك الفسـتان الابيض الغـاوي مريوم : ويـا حمـدان فطـوم : ايه هب جنه وايد مصـختوها بعدنيه نونوه يلا طوفو الكـل : هههههههههههه يوم نـزلو فطـوم كـانت آخر وحـده سلـمو البنـات ع ابوهم و سـاره بعد وعقب بو مريوم شـاف فطـوم بو مريم : يـاويـل حـالنـا انـا ,, صـوبنا يا الغـزال حمـدان كان مايدري انه فطـوم موجوده و جـان يلف ويشـوفها كاشخه و فـخـاطره يسوي وايد اشيـا بس مايروووم حمـدان فخـاطره : آآخ يا قلبيه حلااااج والله فطـوم : ههههه يينـا ,, و سلمت عليه محمد : حق شو هالكشـخه ؟ ام حمـدان : حق المطـار محمد + حمـدان : خيبـه شووووو فطـوم : امييه بسم الله كلتـونيه بلاكم ؟ محمد : ماشي تغسليـن ويهج فطـوم : ماما شوووفييه ,, اصلا ماما شواخي سوتليه محمد : ما ايي الخـراب الا من الخـاله !! ام حمـدان : عنتلاتك ,, والله مايبيين ,, لو حطيتلهـا وايد شو بتقـول يعني حمـدان : كل ها و مايبين بو حمـدان : هيه مايبين فطـوم وهيه تصفـق : عاش عاش عميه ,, ابـا بـاتشي فخاطريه سـاره : فـ الميلس فيه سيري خذي ,, فطـوم : اوكييك فطـوم قامت و سـارت صوب الميلس و جان حمـدان يقـوم و بدون ماحد يحـس لحقـها و سـار الميلـس و دش وسكر البـاب فطـوم تفاجأت فطـوم : بسم الله ,, حمـدانوه شو يايبنك هنيه حمـدان : ابـا ارمسج فطـوم يلتس و تمت تـاكل حلاوه : خيـر .. كلت الحلاوه و خلت شويه و يود البـاجي عشـان يوم تخلص تاكل البـاجي حمـدان قرب ويهه صوب ايدها و كل البـاجي فطـوم : حمـاااااااااار حلاوتيـــــــه ,, ماتلـوع جبـدك تـاكل من مكـان حد حمـدان وهوه يضحك : بس انتي هب اي حد ههههههه فطـوم : لا والله حمـدان : عسـل والله ,, وانتي حرمتيـه !! فطـوم قفطت : انزين شوفيك !! حمـدان : انزين ليـش جيه ترمسينيه = ( ؟ فطـوم : آسفـه حمـدااني ,, آآمر حمـدان : ماعرف كيف ابـدا ,, جان يرفع ويهه و يشـوف فطـوم : ديري بـالج ع عمـرج غنـاتيه ,, وعنونج ياويلها اذا سـارت يمين او يسـار ,, فطـامي والله احبـج و لو الود ودي جـان سـرت ويـاج بس هـا عشـان محـد يشـوفج او يسويلج شي و يوم بتتعدلين لاتتعدلين وايد ,, ترانيه اغـار موت عليج فطـامي ,, يود ايدها الثنين و بـاسهم ,, تسيـرين و ترجعيـن بـ السلامه غنـاتيه ,, وربيـه يحفظج من كل شـر و بس حبيـت اقولج شي فطـوم : هممممم شوه ؟ حمـدان تقرب من اذنهـا : احبـج فطـوم تستهـبل : هممم شوه ؟؟ حمـدان تقرب زيـاده : امـوت فيـج فـطوم شافته كمن دقيقه و تتامل فـ ويهه العـذاب و تطالع كل شي فيه و فخاطرها : فديت هالويه انا متى برد و بشـوفك ما اتحمــل فرااااااااقك ,, احبكـ حمـدان امـوت فيكـ وعقب خذت السلـه و طلعت بـدون ما تقول شي و سـارت صـوب اللي فالصـاله و عقب دقايق يا حمـدان و تمـو يسـولفون و لين ما اذن و سـارو يصلـون و قامو البنـات و الحريـم ,, و ام حمـدان و ام مريم ,, يدعـون فـ صلاتهم انه الله يحفـظ بو حمـدان و فطـوم ,, و يردهم بالسلامه وداع الله يالـي راحليـن ..عسـاكم في امان و في هنايه رحلتوا بالفواد و بالضنين .. و معلوق الحشا بين الحنايا فـ غرفة فطـوم ,, كـانت تغيـر ملابسهـا و تلبس الملابس حق السيـره ,, و يوم خلصت ,, يابت الاكسسوار و لبستهم المريه كبيـره شويه ( اللي بسرعه تنشل ) جنه كره صغيره ورديه و فيها لماعي كل المريه ,, و لبست الكواشي و حطت الاكسسوار حق الجنـز ,, ع بنطلونها هالسلاسل و تعطرو لبست بست بوتها الاسـود ( كعب ) و عدلت شعرها و لفته و حطلته توكه ورده سودا و بدو الخـدم ينزلـون الشنـط و بو حمـدان و البـاجين يتريون فطـوم تنزل ,, وهيه كانت ترتب شنطتها ( مال الايد ) و تحط كيمرة سـاره و وعقب دخنت عمرها و دخنت شيلتهـا و تعطـر و حطت هـ الدهنـ عـود اللي يدوخ الواحد و طلعت من الغرفه و نزلـت تحت ,, جنه مــلااك نـازل .. و تنـزل والكـل يشـوفهـا .. وهيه مبتسـمه بـ ابتسـامه اذوب الكـل ,, و يوم وصلت صوبهم محمد : يخــرب بيت العـدو ,, فطـوووم شو هــااا فطـوم بدلع : بس عـااد حمـودي ,, انا قلت مابلبس عبـااااه حمـدان مصـدوم و سـاااكت و بس يشـوف و فطـوم لاحظت عليه هالشـي .. بو حمـدان يتقرب من بو مريم : يلا علـي ,, تامرني بشي بو مريم : سلامتــك الغـالي ,, وتحمـل ع عمــرك ,, بو حمـدان : السـموحه فديـتك بو مريم : مسمـوح الغـالي تقـرب من محمد و سلـم عليه و سلم ع ام حمـدان و سـاره سـاره الدمـوع فعينها و لاويه عليه : باباتي تحـمل بعـمرك عدل و تحمل ع فطـوووم >> و تصيـح لوول فلم هندي بو حمـدان : غناتيه امسحي دموعج ,, مابا اشـوفهم و فطـووم فعيونيه والله .. و عقب سـار و سلم ع البنـات ( مريوم و عليا ) و سلم ع ام مريم من بعيـد .. فطـوم تتقرب من محمد وترمسه بدلع : حمـووودي والله بتوله عليك مـووت محمد : فديتج والله وانا زوووود فذمتيه تحملي بعـمرج فطـوم و عن الشطـانه هنـاكي عن يخطفـونج ,, وطمنيني عليج كل يوم فطـوم : ان شاء الله فديتك ,, و عقب سلمت ع بو مريم ... و ام حمـدان و ام مريم الدموع فعيونهم ,, و حمـدان طـول الوكت يشـوف فطـوم و عقب فطـوم شـافت البنـات و عاد هم سيده هم الثلاث لوو عليها و صاحو سـاره وهيه اتصيـح : بنتوله عليج والله فطـوم ماسكه عمرها عشـان ما اتصيح : فديتكم والله حتى انا زوود والله مريوم : فطوم دخيلج اذا تحبينا طمنينا عليج كل يوم ,, و فجي المسن دوم فطـوم : انا احبـكم و امـوت فيـكم عليـا : تحملي بعـمرج فطـوم : انشاء الله وانتـو بعد ,, ماوصيكم كل شي بتاخذونه يوم بتسيرون مكـان خذوليه انا بعد الكـل : ههههههههه مريوم : ههههه من عيونا والله فطـوم : و امسـحو هالدمـوع و مابا اشـوفهم غاليـات عليه والله ,, بزعل منكم البنـات وهم يمشـون دموهم : خلاص ,, جان فطـوم تشـوف حمـدان و ام حمـدان حست فـ السـالفه جان تقـولهم ام حمـداان : تعـااالو نسيـر برع الجـو حلـووو وخلاف طلـعون الكـل و تمـو حمـدان و فطـوم فـ الصـاله العـاديه هب الريئسيه ,, كانت بعيـده و حمـدان تقرب منها حمـدان : عيــل قلبيـه بيسـافر ,, و رفع راسه و يشوف عيـون فطـوم .. |
البـااارت الـ 21 جان فطـوم تشـوف حمـدان و ام حمـدان حست فـ السـالفه جان تقـولهم ام حمـداان : تعـااالو نسيـر برع الجـو حلـووو وخلاف طلـعون الكـل و تمـو حمـدان و فطـوم فـ الصـاله العـاديه هب الريئسيه ,, كانت بعيـده و حمـدان تقرب منها حمـدان : عيــل قلبيـه بيسـافر ,, و رفع راسه و يشوف عيـون فطـوم فطـوم مارامت تستحمـل و الدمـوع فعينها وهيه قابضـه ايدها بالقو و تبا تمسك عمرها عشان ما اتصيح زياده فطـوم : ماوديـه >> وصـاحت حمـدان : ليش اتصيـحين ؟ فطـوم : لانيه احبـك و امـوت فيك و ما اتخيـل فـ يوم انيه ما اشـوفك !!! حمـدان : الله لايحرمنـيه منـج ,, والله يردلج ليه بالسـلامه .. شاف ايدها و مسـكهم هم الثنين وتقرب منها زيدها و رفهم صوب صدره : فطـامي فطـوم : لبيــه يـا الغـالي حمـدان : لبيتي حـايه فطـوم : آمر عنيه افــداك حمـدان : مايامر عليج عـدو غناتيه ,, لاتنسينيه عـاااد فطـوم اهنيه صدق صاحت من الخـاطر : حرام عليك والله قـام حمـدان و لوا عليها و هيه حاطه ايدها ع صدره حمـدان : بس غناتيه ,, مابا اشـوف دموعج = (جي زين خربتي كشختج !! فطـوم : غصبن عنيه فديتك حمـدان احبك والله احبـك حمـدان : فديت قلبج والله وانا امـوت فيج .. يلا فديـتج تحملي بعمـرج و طمنيني عليج اول ما تركبين الطيـاره و يوم بتوصلين فطـوم : ان شاء الله ,, وهيه تهدي عمرها حمـدان مسح دمـوع فطـوووم و مسك ايدها و باسهم : احبـج حمـدان : الرب الحـافط فطـوم ابتسمتله حمـدان : هيه صح فطـوم : هممم شو ؟ حمـدان طلع سلسله مكـتوب عليهـا ( غنـاتي بالخط الديواني ) ولبسها حمـدان : اذا كنتي تحبينيه صدق ,, لاتشلين هالسلسله الا يوم بتسبحيـن فطـوم ابتسمت : من عيـونيه الغـالي ,, حمـدان حمـدان : عيـونه فطـوم من خاطرها بصوتها العذب : آآه من قلب غدا حبه جنـوني حمـدان من خـااطره : وآآآه من خلن على بـااااالي طرا فطـوم : حمـداني ابا اصورك بليـز وطلعت الكيمره و صورت حمـدان .. و طلعت الصـوره عـذااب من الخـاطر فطـوم : الله لايحرمنيـه من هالويـه حمـدان مسك ايدها جان يوصلها لين البـاب وهد ايدها و طلـعو برع ,, ام حمـدان زخت فطـوم انها صاحت ام حمـدان : حسبي يالله ع العـدووو فطـوم خربتي مكيـاجج سـاره : هههه لازم كانت تودع الحـب فطـوم من كل قلبهـا : فديت الحـب انا عنيه افداهم بو مريم : ههههه ماروم ام حمـدان : تعـالي وياي الحمـام بعدلج المكيـاج بو حمـدان ركب السيـاره : يلا لا اتطولون وعقب سـارو الحمـام و عدلت ع السريع ام حمـدان و مسحت فطـوم القلوز و ردت حطت و جان يطلـعون و ودعتهم ع السريع و بـااست اليهـاال و ركبت السيـاره ورا ويا بو حمـدان ,, ونزلت الدريشـه ,, و الكـل قام يسويلهم بباي حتى اليـهال و جان فطـوم تشـوف حمـدان و تسويله (Flying Kiss) الكـل قام يضحك عليهم ,, و تحركت السيـاره حمـدان بصـوت عـالي : احبــــــــج موت فطـوووم ام مريم : الله يديم المحـبه اللي بينكم الكـل : آآمين جـان يدشـون داخل فالصـاله ولا حد رمس ,, و دقيقتين حمـدان : احم ابا اقولكم شي الكـل : آآمر حمـدان : تراا عيد ميلاد فطـامي 5/7 و انا و الشـله قلنا بنسويلها حفـله ,, عشـان هم بيردون 7/4 ان شاء الله بو مريم : ياويل حاليه حمـدان : ههههه لازم عميــه " الحـب " انزين بنبدا عند مريوم ,, بس ويت سـارووه ييبي ورقه و قلم ام حمـدان : ها اندوكم سـاره خذت الورقه و القلم و يلست حمـدان : اكتبي انزين عليـا : الله متحمسـه الكـل : ههههه محمد : يلا مريوم شو عندج من الافـكاار .. عاد افكار النبـات دلع الكـل : هههههههه مريوم : هههههه انزين بمـا انه فـي حوض برع ,, بننفخ بلونـات و بنحـطهم ع الماي بيكونون فوق ام مريم : حلـوه الفكـره عليـا : وووو احيـد فطـوم يوم سرنـا المرينا دشينا محل مال الفسـاتين و عيبها فسـتان خبـال و لبسـته و طلع ع جسـمها خبـااال ,, وايد حلـو بس هيه قالت انا ماعندي شي عشـان البسه ,, بو مريم : عيل انا بـاخذه حقهـا مريوم : هيه و عشـان يوم بترد فطـوم نحنا البنـات نسير نتحنـا ,, واليوم الثـاني اللي هوه يوم عيد ميلادها ,, وبنحجز فالصـالون انه تينا حرمتيـن للمكيـاج و حق الشعـر و بنقول حق فطوم انه عندنا عرس حد خخ ام حمـدان : سالفة الصـالون خلوها عليه انا محمد : ياويل حاليه اموت ع الحنـا حمـدان : انا بعـد ,, ياويلي ام حمـدان : انزين شو لون الفستـان ؟ سـاره : هممم عنـابي و عليـه حركـات خبـااال والله خبـال امايه مريوم : و كل واحد يفكـر شو بيـاخذلها ,, و بنبدا من اليـووم اييه انتو و تشوف الاولاد ,, هب اتمـون سنه لين ما تفكرون شو تاخذون عليـا : هيه ,, لانه ماباجي شي ,, و صدق الايـام بتمر بســرعه ام حمـدان : يتنيه فكـره حلـوه ,, بتعيـب فطيـم وااايد سـاره : شو هيه ؟ ام حمـدن : انا و ام مريم و بو مريم بنسيـر عند واحد اعرفه يصمم غرف ,, بنغيـر غرفة فطـوم مريوم : خالـوووه مابيلحــق يخلص !!! ام حمـدان : افا عليج فديتج يسمع الرمسه ههههه اذا قلتله خلصلي كل شي بهالتاريخ يخلص محمد : ها شو مسوتبه !! ام حمـدان : هههه عنتلاتك ,, شو بسويبه يعني عميلنـا ,, بس شو رايكم ؟؟ سـاره : امايه الصبــغ خليه حلـو ,, جان بتغيـرين غيري الاثـاث و الليتـات و ستـاير ,, و الشبريه و لحـااف يدييد و يوم بتخلص الغرفـه .. بنترسـها بلونـات ورديه و هالبلونات اللي يكونون فـوق صوب الصقف مريوم : الله بتكـون الجـو رومانسيه واااايد حمـدان : حلاته و يغمزلهم الكـل : ههههههههه سـاره : ههه انزين و بنبند الليتـات و بنخلي ليت الابجـوره بس مفتـوح ,, و بنخلي الهدايا ع صوب عليـا : ياربيييييييييييييييه متحمسه من الخـاااطر سـاره : امايه شو رايج نسوي شرات ,, يوم يبتي حمانوه خليتي المدخل الغرفـه جي ياي ع قوس و كله بلالين و ورد مريوم : هيييه هالحركـه شفتها بو مريم : لا حرام خلو بلالين احسن ,, لانه الورد بيمـوت ام حمـدان : خلاص بخليهم يسـونه ها آخر شي حمـدان : آآآخ يا ألبي ,, بتمنـى هاليـوم يكـون بكـرا محمد : اييه عن المنـكر !! الكـل : ههههههههههه حمـدان : لو انا الحين ماخذنا جان زين بس اقول مالت ع حظي ام حمـدان : هههه لاتستعيل بو مريم : شلك بويع الراس حمـدان : الا فطـووووم ,, عمييه شيختهم قسـم بالله .. اخلاق و طيـبة قلب ,, و حنوونه و دلـوعه ,, خجـوله ,, صح ساعات تستخف ,, بس والله محــد يسواها مــلااك نازل من السمــا محمد : بسك وايد خذت راحتك ترا حمـدان : أأأأ احم انزين نعـود لمحـور حديـثنـا هيه اقولكم من الحين انا ابا اخذلهـا صندوق كبيـر و بحط فيه الاغراض اشوف حد يقلدنيه بـ الصندوق الكـل : ههههههههههههههههههه محمد : انا ويا سـاره عادي فديتج ؟ سـاره بصوت خفيف : غربلاتك هب جداهم ,, افا عليك تامر آمر انته محمد : فديت هالخشـم انا مريوم : عليوه انا وياج ام حمـدان : عيل نحـنا الثـلاث ويا بعض مريوم : الله كشخه ونـااسه بو مريم : عيل شو رايكم نبدا من الحيـن الكـل : الحيـــــن !! ام حمـدان : هيه وايد زين البنـات : يلا ركيــض >> و سـارو فوق و هم يتراكضـون الكـل : هههههه بو مريم : يلا عيل شباب سيري البسـو عشـان انتو تسيرون المـول ونحنا بنسيـر صوب الاثاث ,, فاتح الحين ؟ ام حمـدان : هييييه بو مريم :عيل يلا سيري تلبـسو وعـقب الكـل سـار يتلبس حتى اليهـال ,, و يوم البنـات تكشخن بنص سـاعه سـارو غرفة ام حمـدان دق دق دق ام حمـدان : حيـاكم مريم : خالوه بتخبـرج والكيكه ام حمـدان : فديتها والله بدش ال19 ؟ عليـا : هيه ام حمـدان : عيل شو رايكم بنحط صورتها و صورت حمـداااان سـاره : ها رزه حق شو مريوم : حرام عليج ام حمـدان : حرام عليج فديت قلبه عليـا : فطـوم قبل متصـوره صوره فنيه خبـاااال عنديه ياها ام حمـدان : سيري هاتيها وعقب سـارت عليـا غرفتها و يابت الصوره و دخلت الغرفه ,, عليـا : ها خالوه شو رايج ؟ ام مريم : دلع ام حمـدان : ههه من الخـاطر ,, انزين شو رايكم بنخلي حمـدان يصـور الحين بعد ,, عشـان نسير نودي الصـور و نخليهم يسوون الكيكه مريوم : بس خالوه الصـوره بتكـون عندهم و اخافهم يخلونها جـدام الكـل ام حمـدان : ماعليج يسمعـون الرمسه و اذا صور بنـات ,, حريم يسـوون الكيكه ام مريم : زين عيل ,, خلصـتو ,, عشـان نسير ام حمـدان : هيه يلا عيـل نسيـر وعقب ظهرو من الغرفه و سـارو تحت و شـافو الشبـاب و عقـب طلعـو برع و وطلـعو وياهم AL Body Guard الشبـاب و البنـات فـ سيـاره حمـدان و بو مريم و الحريـم واليهـال و البشـاكير فسيـاره جان يتوكلـون هم و ال AL Body Guards والشبـاب و البنـات سايرين بوظبي مول ابا الباجين سايرين صوب المحـل اللي تقول عنه ام حمـدااان مابيـن طريـج .. بوظبـي و دبـي .. فطـوم طول الوكـت كانت فـحظن بو حمـدان و تسولف وياه فطـوم : هههههه عميه والله تونيه ادري انك مسولفجي بو حمـدان : افا عليج فطـوم وهيه تفـكر : عميـه ,, حمـدان بينسـانيه ؟ بو حمـدان : فديتج ينسـا عمره ولاينسـاج والله يتمنـى انه ماخذتج اليوم او بـاجر فطـوم : عنيه افدا خشمه انا مستحيـل انسااه ,, تعرف ليش بو حمـدان : why ؟ فطـوم : ههههه ,, لانك تشبهه وايد و لانه هوه روحي ,, حد ينسـى روحه !! بو حمـدان : فديتج والله ,, لو خطبـج بتوافقين فطـوم : الله يسـامحك ,, لو ما وافقت بيذبحني بو حمـدان : فديتج والله ,, اوووووه نسيت اتصـل حق ابويه فطـوم شهقت : حمـااااااااار !!! بو حمـدان : ههههههههههههههههههه ريلج ,, وعقب اتصل ع بيـت بو حمـد ,, رن رنتيـن و عقب شلـوه بو حمـدان : السـلام عليكم خالـد : اووه محمد ,, هلا والله وعليكم السلام و الرحمه ,, شحالك الغـااالي ؟ بو حمـدان : والله يسـرك الحـال ,, واشحـالكم انتـو ,, ان شاء الله بخيـر ؟ خالـد : والله كلهم بخيـر ,, طمنـا ع الاولاد و البنـات ,, ان شاء الله بخيـر بو حمـدان : كـلهم بخيـر ,, خـالد ترا انا مسـافر ويا فطـامي اليـوم خالـد بصدمه : شووووووووو !! بو حمـد من بعيـد : شوفيك تصرخ !! خالـد : ولدك بيسـااافر !! بو حمـد : مستخـف عطنيه يـااه ,, وجان يرمسه : حمود عنتلاتك شحقه ماخذتنيه وياك اصيع وياك بو حمـدان : ههههههه الله يهديــك ابويه ,, انا سـاير حق عـلاج ويا فطيـم هب عشـان اصيـح بو حمـد : شوفيــها فطيــم !!!! شو استوابها ! بو حمـدان : مافيها الا العـافيه الغـالي ,, بس قبل طاحت وانكسـرت ايدها ,, فـ بتسوي عمليـه فـ تايلنـد بو حمـد : و متـى بتسيـرون ؟ بو حمـدان : نحنا فـ الطريـج للمطـار بو حمـد : ماتستحي ولاتخبرنـا بو حمـدان : اسمحـلي ابويه والله مشغـول بو حمـد : عطنيـه فطيـم ابا ارمسهـا بو حمـدان : انـدوج يبـاااج فطـوم خذت التيلفـون ,, و جـان تشـل شرات مايشـل عيضه بـ الضبط ,, لول يابتها نفس الشي : يـااا مرحبـاا يا نـاعم الصـوت و العـود ,, هلا بالمهلي الي مايولي ف ذمتيه .. بو حمـد : فطـوووووم ,, يا مرحبـاا السااااع ,, فديتج والله ولهت عليج ,, شعنه ماتتصلين ولاتتخبرين ,, زعلان عليج انا فطـوم : ان زعلت برضيــك و كل عمـري فـداك وان زعـلت مـا زعل يـا الغـالي عليـك لـو تامـر بـروحـي بتنقـاد ـلرضـاك و لو تطـلب عيـوني فـي لـحظه تجيـك بو حمـد : فديت هالصوت والله ,, شحالج اميه شخبـارج شو مسويه ؟ فطـوم : والله يسـرك الحـال يديه ,, فديت خشمك ولهت ع سوالفك الحلـوه بو حمـد : فذمتيه اني انا بعـد فطـوم : فديـتك والله ,, شخبـار يداتيــه بو حمـد : كلهم بخيـر فطـوم : وينهم ؟؟ بو حمـد : اصبري بزقرهم ,, ياهنـــد ,, آآآمنه ,, حصــه تعـااالو بسـرعه فطيــم ع التيلفوون و عاد من صوب هايل يتراضكن لوول عيايز آخر زمن ,, منو يشل التيلفون اول ام حمد : لا انا خوزي يا حرمه ام خالـد : اقولج انا بعدين انتي بو حمـد : عنتلاتكم احشـمونيه ع الاقل ,, هنود اندوج السـماعه ام خالـد تسوي عمرها اتصيح : هييه يا راشد بديت حرمـتك و خليت اختك بو حمـد : انتي اووص حصـه + خالـد : ههههههههه ام حمـد : فطيــم ,, هلا اميه شحالج شخبـارج ؟ فطـيم تضحك عليهم : هههههه يسرج الحـال ,, ومن صوبج فديتج ؟ ام حمـد : والله بخيـر بصحه و عافيه ,, فطـبم : يدتيه ترانيه مسـافـر اليوم ام حمـد تضرب ع صدرها : ودييييه وين بتسيـرين و شحقه ومنو وياج ؟ ام خالـد : كلتي البنيه شوي شوي عليها فطيـم : بسيـر بسوي عمليه ام حمـد : عمليـــه !!!! ليييييش شو مستوبج فطـيم : يدتيه ترا ايديه مكسـوره من قبل فـ بسير اسوي عمليه ام حمـد و الدموع فعينها : واعليه عليج فطـوم ,, الله يسهـل عليج فطيـم : فديتج ليش اتصيحين ام حمـد : خايفه عليج يا بنتيه ام خالـد تمط السمـاعه عنها : عطينيه ,, فطيـم شوفيج فديتج ليش بتسوين عمليه ؟ فطيـم : هلا والله بدتيه شحالج ؟ ام خالـد : هب بخيـر من دريت انج بتسوين عمليه فطيـم : ماعليج فديتج عمليه بسيـطه وعقب بو حمـدان رمس ام حمد و ام خـالد و حصه وو دق وياهم سوالف شويه و فطـوم سولفت ويا عمتها شويه و عقب من درو عبود و سلطـان انه فطـوم ع الخـط تخبلـو سلطـان : فطـوم ع اليتلفـون عطوونيه برمسها عبـود : جب انته عطنيه انا بو حمـدان : اكم يضـاربون عليج ,, فطـوم : منوه ؟ بوحمـدان : اتـوأم ,, منو تبغين ترمسين فطـوم : هههههه اخسـاس فيهم قولهم ماتبا ترمسكم بو حمـدان : خالد قولهم ماتبا ترمس حد خالد : اكيه زعلت ماتبا ترمسكم سلطـان + عبـود : شعنـــه سلطـان : عنتلاتها خـالد : ايه عيب عاد هاكي الوكت فطـوم كانت ماسكه التيلفـون فطـوم شهقت : عيل يقوليه عنتلاتها ماعليه عطنيه عبـود مابا ارمسه ها النذل خالد يعطي التيلفـون عبـود فطـوم بدلع : مرحبـا عبـود : يا لبيـه ,, فديت المرحبـا انا ,, مرحبتين يا بنت العـم ,, شحاااالج وينج ماتسـألين فطـوم : شو نسوي بعد بزنس عبـود : بزنس هاا ,, ويا هالراس شحالج ؟ فطـوم : يسرك الحـال ,, من صوب ثاني سلطـان يزعج سلطـان : فطــوووم والله اسولف فطـوم : قوله يلا منـاك عبـود : تقولك يلا منـااك سلطـان : فطـوووم بحولج 200 رصيـد فطـوم : احلف عبـود : تقولك احلف سلطـان : والله العظيـم ومن صوب ثاني اللي موجودين يضحكون عليهم فطـوم : اووه صح ماريد لانه بيظهـر رقميه عبـود : من زينه فطـوم : شيـوخي و يقطع رقمك والله عبـود : مشكله بعد ,, انزين شخبـارج بعد فطـوم: يسرك الحـال ,, وعقب سلطـان مط التيلفون عن عبـود سلطـان : يا الهـرم بسك هاات ,, هلا والله فطـوم : هههههههه ,, اهلين سلطـان شحالك ؟ سلطـان : يسرج الحـال ومن صوبج ؟ فطـوم : بخير .. سلطـان : صدق بتسوين عمليه فطـوم : هيه ,, بسيطه ماعليك ,, المهم سلطـان انا الحين بسـكر اوكيه وسلم ع الكـل و عميه يسلم بعد ع الكـل و السموحه منكم سلطـان : مسمـوح الغـلا ,, و يوصل فطـوم : فداعة الله سلطـان : فداعة الله فـ بيـت بو حمـد سلطـان : حرام بتسـافر خسـاره ماعطتنيه رقمها بو حمـد : عنتلاتك ماتستحي عبـود : آآخ يا قلبيه ,, امايه اخطبيلي ياها !! حصـه : تخبلت شو !! بو حمـد : تخسـي ,, عبود فطـوم خوزها من بـالك عنبـو ماتعرف انه حمـدان و فطـوم يحبـون بعض عبـود : اعرف بس يمكن لاسمح الله استوا شي حصـه : لالا ان شاء الله مابيستوي شي فـ دااار بو خليفـه الله يرحمه كـان حمـدان مستـانس من الخـاطر لانه ياخذ اغراض حق الـ "الحـب" .. ماخلا شي ماخذاااااه ,, تبغـوني اعلمكم ؟ همممم لااا =@ دام فطـوم ماتعرف لازم انتو ماتعرفـون .. يلا مناااااك .. يوم هيه بتشـوف بقولكم لوول ,, بس باختصـار كل شي خذالها و بعـد الباجيـن خدولها وايد اشيـاء ,, بس طبعاً مابيخلصـون فـ يوم واحد ,, و البنـات خلوه يتصور صوره شخصيه و قالولهم انه بـاجر بتخلص,, اما عند ام حمـدان و بو مريم و ام مريم ,, تنقـو الحريـم الاثـاث حق غرفة فطـوم و ليتـات و الستـاير و هالسوالف .. و قالهم اللبنـاني هالسبـوع بيكـون كل شي اوكيه ,, وعقب سـارو بوظبي مول ,, صوب البـاجي ,, و بو مريم خـذا الفـستـان حق فطـامي ,, بعدين تعـشو وياهم وخلاف ردو البيـت اما عند بو حمـدان و فطـوم ,, كانت السـاعه 9:30 ,, توهم واصلين مطـار دبي من نزلت فطـيم كل حد يشـوفها حتى البنـات عـاد هيه خايفه ,, فطـوم : اميه عميه فينيه شي غلط ؟ بو حمـدان : ملااااك فطـوم : عيل شو فيهم يشوفونيه ؟ بو حمـدان : معجبين فيج فطـوم : اوه احم احم ,, وااايه فديت دبـي انا ولهت عليها بو حمـدان ابتسملها ,, وعقب خلـلا حد يدز الشنـط و فطـوم متمسكه فـ بو حمـدان بو حمـدان : فطـووم شو مسويه فـ شفايفج ؟ فطـوم : ههههههه ليش ؟ بو حمـدان : مستوين كبـار ! فطـوم : هههه لهدرجه يبين ,, حاطه اللي يكبـر الشفايف بو حمـدان : ههههه انتي ناقصه ,, ماشالله امبـونهم حلـوات و يغمزلها فطـوم : اووص حمـود جب جب بو حمـدان : جب فخشـمج يا حمـاره فطـوم : كييييفيه و كفخته و جان ادش ,, بو حمـدان : فديت شطانتها والله ,, و لحقهاعاد هيه من دش فجت عيونها لانها اول مره تي المطـار ولا مره وحده ايي بو حمـدان و يمسك خصرها و يقرقطها ع السريع جدام الناس ,, فطـووم وهيه متيبسه من الضحك ونطت ع جدام : ههههههه ايه حمـوود هب جدام النـاس بعديـن بو حمـدان : حمـود فعينج فطـوم: احبــك حمودي بو حمـدان : بس آآه شكلج انتي اللي بتكـونين بدال شواخي فديتها والله فطـوم : هااا شو تسويلك هيه بو حمـدان : سوالف كبـار فطـوم بصوت عالي : احبـــك كانو داخلين مكان البزنس و الدرجه الأولى ,, وكانو ولدين صوب مال الوزن و سمعو فطـوم يوم قالت حق عمها جيه و تمو يضحكون عليها بو حمـدان : ايه عن الخبـال فطـوم بصوت ينسمع : ان ما طلعت عنونك يا حمـود ما اكون انا بنت اخوووك بو حمـدان : فطـوم عن الخبــاال !! بهدج و بسير فطـوم : ههههه هالسـاعه المبـاركه ,, هب انته اللي تخليني اسافر وياك وماتيب حد ويايه يونسنيه بصوت عالي : ملل ماحب جيه اما عند الولدين يشوفون فطوم و يضحكون عليها (___) 1 : شكلهـا مسـافره غصـب (___) 2 : مدري يمـكن (___) 1 : بس شوفها سـايرنا ويانا بـانكوك ولا (___) 2 : يمـكن عند بو حمـدان و فطـوم .. فطـوم كانت تشـوف وزن شنطتهـا ,, وهيه ماتعرف شو السـالفه بو حمـدان : خيبه شو محطيـه فـ الشنـطه ؟ فطـوم : هههههههه حمـداااااان بو حمـدان : هههههههه خيبه عزالله ما انشلت الشنطه فطـوم : شو محطيه يعني ,, سوالف البنـات بو حمـدان : انزيين ههههه سـارت فطـوم الصوب الثاني ,, عـدال الولدين بس عند بوحمـدان كانت وجان تصد صوبهم تشوفهم يشوفونهم وهم فاجين عيونهم و الحرمه كانت ترمسهم و هم طـااااف فطـوم : ايييه عيـونكم عن اطيــح ,, الحرمه ترمسكم عاد هم قفطـو و فطـوم تضحك عليهم ,, بوحمـدان معصب : ليش ترمسينهم !! فطـوم خافت : هاا لا ما شي كانو يشوفوني جان اقولهم الحرمه تباكم بو حمـدان : مالج خص فحد يلا طوفي فطـوم اموزه : ........ المهم و عقب خذو شنطهم و سـارو عند اللي يخـتم الجوازات بو حمـدان طاف و فطـوم قالت بتيود جوازه وهوه يسيـر ,, و يوم كانت تبا تعطي جوازها الريـال بالغلـط عطته مال عمهـا الريـال : الشيخه هالجـواز العـم فطـوم قفطت : hoo Ops sory الريـال : لا عادي و يوم خذا الجواز و شاف الصوره : هاي انتي ؟ فطـوم : هيه عيل منوه ؟ الريـال : لا غيـر فطـوم: لا انا انا ماتعرف انته الريـال : ههههه تفضلي فطـوم: مشكور ويوم سـارت عند مال التفتيـش فطـوم حطت شنطتها و اللاب و بو حمـدان طاف عنها و يوم يت بتمر طلع صوت فطـوم: وابويه شو استوا .. الشرطي عاد بغا يخوفها : ماشي سـفره اليـوم ,, ادخلي داخل فطـوم شويه و بتصيـح : جيه ع كيفك وانا مادري ,, عميـــه شووفه بو حمـدان : ها شو صاير ؟ الشرطـي : هههه هاي بنتـك ؟ بو حمـدان : بنت اخويه ,, ليش شوفيه ؟ الشـرطي : لا ماشي يمكن السلاسل اللي حاطتنهم طلعـو صوت ,, تفضلي ويا ريـم داخل فطـوم : ماعنديه شي ,, الشرطيـه : ههههه اتفضلي المهم فتشـو فطـوم وماكان عندها شي ,, و مسكت عمها و سـارو .. وجـان يوصلون سوق الحـره بو حمـدان : اي شي تبغينه فالج طيب .. فطـوم : وايه ,, فالك مايخيب ,, ابا اجرب ذوقك ,, اريييد عـطر ع ذوقك بو حمـدان : ماطلبتي الغـلا وعقب سـارو يتحـوطون و بو حمـدان خدا حق فطيـم عطـر و عيبهـا وايد ,, حتى هيه خذته عطـر و عيبه ,, وهم يتحـوطون سـارو السوبـر ماركت ,, تاخذ حلاوه و هالسوالف حق الطيـاره ,, و يوم طلعـو كان بو حمـدان ماسك فطـوم من خصـرها لوول يقولون حبـايب ,, و الولدين كانو يمشـون و خطـفو من عدال فطـوم و بو حمـدان ,, ومره وحده فطـوم : دبدووووووووب الله كيـوووووت بو حمـدان : هههههه تريي فديتج هنيه و لاتتحركين فطـوم : انزيين سـار بو حمـدان و خذالها الدبدوب وهيه كانت تتلفت يمين و يسـار و عقب شافت بو حمـدان يايبلها الدبدوب جان تتقرب من بو حمـدان و لوت عليه و باسته فطـوم : فدييتك عميه ,, مشـكووور بو حمـدان : اهم شي انج تستانسين ويايه ,, و تقولين ياليت كل يوم اسافر وياك فطـوم بنظـرات حنونه : الله لايرحمنيه منك فديتك و استوت السـاعه 10:30 بو حمـدان : فديتج والله ,, خلينا نسيـر فوق فطـوم : اوكيه و عقب سـارو صوب وين انتظـار الطيـاره و فتشـوهم الريـال : ادخلي داخل فطـوم : ياعميه والله ماعنديه شي ,, فتشوونيه ترا قبل الريـال : هههه لا مايصير لازم بعد مره ثانيه فطـوم بصوت خفيف : ويا هالويه الريـال : سمعتج ههه فطـوم : ههههه ماما خفت ,, ترانيه اسولف وياك بو حمـدان : فطيـم اسمعي الرمسه و فطـوم دخلوها مكـان و فتشوها و عقب تمـو يالسين يتريـون الطيـاره .. طلعت فطـوم موبايلها شافت 3 مسجـات من " الحـب " ,, كان موبايلها ع الصـامت أول مسـج : ليت الوجع بعروق قلبي ولا فيك وليت التعب غلطان ساهي ولا جاك لو الشفا بضلع صدري لداويك واطحن جميع ضلوع صدري فداياك الله من شر المقادير يحميك والله يحفظك يا عيوني ويرعاك ثـاني مسـج : يامن بحبك تملك القلب وينك تعال قلبي مشتكي هم وجراح لمه وضمه واحضنه بيدينك تعال خل الروح للروح تنساح ثـالـث مسـج : أبيك تدري صوتك العذب لا غاب أحس نفسي تنكسر من غيابه كذا غيابك للحـزن يفتـح ابــواب غصب علي البس شقاه وثيابه ادمنت صوتك وان تثيقلت كذاب من يعشقك لا غبت يفقد صوابه فطـوم : وايه فديـتك حمـدااان بو حمـدان : بلا القلب ؟ فطـوم : مطرشلي 3 مسجـات عنيه افداه بو حمـدان : حليييله ولديه انزين طرشيله فطـوم : هيه الحين يالسه ادور وعقب ثواني جان تحـصل و طرشتله ,, و سـارت غيـرت اسمه و خلته " قلبـج " وعندها صـوره بعد مكـتوب عليها "قلبج" اما فـ دار الظبـي ,, بالتحديـد غرفة حمـدان ,, كان مسكـر الليـات و ليت الابـجوره بس مفتـوح ,, ويفكـر فـ القلب شو اتسوي الحين ,, تفـكر فيه ولا ,, مرتـاحه ولا مضـايجه ,, و و و وايد اساله خطـرت ع بـاله ولا دقايق فز من مكـانه ع صـوت مسج الموبايل و سيده قبض الموبايل و قرا المسـج : لـك غـلا مـو مثـل بـاقـي النــاس تسوى غلا بـ وظبي و كثر عـدد شجرها ترا غلاك بـ دبـي مـا لقيت لـه قيـاس أكبر من الـشـارجة و أطيب من ثمـرها و لا لقيت لك بعجمان لا حس و لا احساس يا سيدي فديتك بغلا العـيـن و عمـرها حمـدان : فديـتج و فديـت ويهج انا .. ما اروم ما اروم استحمـل اكثر من جيه ,, وقال بيتصلبها .. اما فـ المطـار كانت فطـوم تشـوف صور حمـدان يوم صورته آخر مره و تراوي عمهـا ,, وجـان تشـوف موبايلها و تقرا " قلبـج " يتصـل بك .. قـامت فطـوم و سـارت شويه بعيـد عن عمـها و الولديـن اللي كانو وياهم يشوفونها ,, وجان ترد ,, فطـوم : ألـوو حمـدان بـ وله : هلا فديـتج فطـوم ابتسمت : اهلين حمـدان |
بارتات روعة ننتظر التكملة على احر من الجمر |
أشكر أختيـآإرج حيـآإتي ., أإنـآإ قـآإرتنـآإ من قبل مرتين ., هع وـآإيد حلوه هل روـآإيه ., و بتوفيج ., $.$ |
البااارتاات روووع ــــــــــه .. الله يعيطج العاافية .. نترياااج فديتج .. |
| الساعة الآن 02:16 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir