|
السلام عليكم يشرفني اني اشارك في موضوعج المميز و الراقي و مضمون الموضوع رساله طيبه و تدل على سماتج الطيبه كثير من الناس و الاشخاص لهم فضل علينا و لا كن نحن مقصرين بكلمة الشكر لهم بالنسبالي انا اشكر ربي الي و هبني الصحه و العافيه و كل ما انا عليه الف حمد و شكر لك يارب احب اشكر ابويه و امي و انا داري انه هاي الكلمه ما توفي احب اشكرج على الموضوع الحلووو لووول و الي من خلاله اتحتي الفرصه لنا احب اشكر ربعي و اولهم محروم و اقوله مشكور على القطاعه ^____^ احب اشكر لكل من له علاقه خاصه فيه و اقوله ربي يوفجك ممممم كثير من يستحق الشكر منا و اتمنى رسلتي توصل لكل من يهمني امره و يهمه امري :66: |
.::. كلمات الشكر كثيرهـ مثل المويه اذا سكبنهااا في وعااء ما تخلص الشكر اول شي لله سبحانه وتعالى انعم علي بنعم نحمده ونشكرهـ عليهاا اشكر الوالدهـ حببتي وروحي يا جعلني مابكيهاا اعتبرها اختي وصديقتي وكل نااسي في الهـ الدنيا بعد الله سبحانه مهما كتبت من كلمات شكرا ماتوفيها حقهااا ... الوالد ربي يطول بعمرهـ ماقصر علينا ولا ننحرم من ضحكته ولا سواليفه اللي ماتنمل ياااربــ الله يحفظك يالغالي .::. اختي الكبيرهـ توامي اشكرها من قلبي ياحلات نصيحهاا بس يا جعلني فدوه عيونك خيتي ^.* .::. شخص اشكره اعتبره رمز عطاء في استراحه زاايد ربي يسعده ويوفقه ماقصر معااي ومع الكل ان شااء الله ازعجته بهذرتي لكن يشهد الله كم دعيتله لأنه يستاهل كل خير .::. صاحب الموقع كلمه شكر لا توفيك حقك نعلم بأنك بنيت ملجأ او بالاصح بيتاً ووفرت لنا ما نحتاجه والاحلى من ذالك فتحت لنا باابً للتعارف والتقارب صدقاتي في استراحه زايد استطعنا التعرف اكثر واكثر فـ شكراً من القلب وشكرا لـ صاحب المنتدى اللذي جمعناا بعد الله سبحانه .::. أحس اني في منصه واقوول خطااب وش طوله <أخلصي ورااك نااس ^^ .::. اللي نسيته يسامحنااا وشكرا لكم جميعاً ^.* >نسيتي شي ولالا همس ^^ ايه نسيت الغاليه وزيرهـ الحب الله يعافيك ع الموضوع الكشيخ يالغلا مقدمه رائعه ومساحه مليئه بالحناان والود شكراً من القلب خيتي ماننحرمش متل هيك مواضيع خويتك : همـ الليالي ــس |
في البدايه اسمحي لي ان اشكرك ... حقاً شكرا من القلب ... على كل حرف سطرته في هذه الصفحه .. شكرا... لمواضيعك المتميزة دوماً ونفعها مدسوس بين سطورها لمن يستطيع قرائتها... شكرا... لدفع الاستراحه بشكل خاص والمنتدى بشكل عام نحو التمييز والتألق في مواضيعه ومشاركاته الرائعه والمتميزه والداله على رقي التفكير ورجاحة العقل..........وأود أن اشكر كل عضو من اسرة منتدى استراحة زايد .. واقول لهم شكرا لجعل منتدانا سباقٌ في كل شيء ... شكرا ... لدعمه والعمل على تطويره ... شكرا لجعله مرجع لكل ما هو مفيد ونافع وممتع ومسلي ... شكــــــــــــــــــــــــــــــــــــــــرا شكــــــــــــــــــــــــــــــــــــــرا شكـــــــــــــــــــــــــــرا |
السلآم عليكم جيف الحآل , عسـآآكم بخير ان شاءالله دوم يـــآآربيه . . ^^ الموضوع وآيد حلو و شدني العنوان و الموضوع , , الأشخـآآص اللي أوجه شكري لهم و تقديري كثر . . 1 أولآ ~ أشكرج اختي ع طرح هالموضوع الرآآيع و اللي يمكن دفع البعض الى بوح اللي فالخواطر تجاه اللي لهم فضل في حياتهم . . أشكرج على الطرح (= 2 ثانيـآآ :: شكري الدآآآئم , و المتواصل للـ [ الوالدين ] و بالأخص الوالده , لأنهم ماعمرهم خلوني أحتاج شي و لا قصرو و مهما فعلت و سويت مآآبووفيهم قدرهم !! 3 ثآآلثا ‘ ‘ أشكر كل ربعي و خصوصا واحد منهم . . لأنه كان دايما معآآيه . من أيام المدرسـه و ليــن الكليه , وان شاءالله طول العمر (= مآآ أنسى مواقفه معآآي 4 رآآبعا :: أشكر كل اللي فالمنتدى من مدير , الى مراقب , مشرف عام , مشرف عضـو فعاال , عضو و كل حد موجوود فهالمنتدى الرآآيع و اللي أعتبره بيتي الثاني هع :ast7eee: و السموحه جآآني طولت عليكم (= |
ما باتبع ترتيب البقيه اللي بدوا من الاب او الام ومروا عالاخوان والهل وخلاف الاصدقاء ترتيبي مش لانهم هلي بس لانه فعلا احس اني ابا اشكرهم : : اول ضمه واول بوسه باطبعها ع ايد امايه الغاليه يماه حبيبتي يا روح قلبي يمه احبج وايد انتي كل شي لي في هالدنيا قبل اي شي دعائي يتجدم قبل اي شكر يالله عسى عيني ما تبجيج يالله طول بعمرها وعطيها الصحه والعافيه يالله لا تحرمني منها في الدنيا وارزقني رفقتها في الاخره يالله فرح قلبها باللي تباه وتتمناه يالله فرح قلبها لانها تستاهل يالله زيح الهم والحزن عن قلبها يالله لا تجعلني سبب شقاها وعذابها في يوم يالله اجعلها دربي للجنه وارزقني برها وقربها دنيا واخره عل يومي قبل يومها يا ربي امين يماه انتي انا .. محد يحبني غيرج ومحد يرحمني غيرج ومحد يمسح دمعتي ويناظرني برحمه غيرج يا يمه الله لا يحرمني منج يا ام حنانو واعترف لج .. كل ما اشوفج اتمنى اضمج .. صح مب مقصره فيج كله اعفصج وابوسج بس مرات اشوفج واقول فديتها واتمنى اتم في حضنج دوم يا يمه فديت قلب ام حنانو يا ربيه =) ثانيا اخويه يكفي انك قلت لي انك تحبني وما جد سمعتها من حد من هليه غيرك يقولون حب الاهل ما يبين الا في الضيقه وبالفعايل لكن الوضع وياك غير رغم هدوئك وسكوتك لكن يبان الحب في عيونك يا اخويه الغالي لو البشر عندها شرا قبك الطيب جان الدنيا بخير الله يبارك لك في حياتك وهلك عيالك ومالك وصحتك والله يزيدك من نعيمه ويعطيك لين يرضيك والله يرفعك ويعزك بعزته امين الله يولف بين قلوبنا دوم يالغالي نمبر 3 نسيبي العود بو محمد الله يرفعك بين خلقه ويعطيك على قد نيتك ويبعد عنك كل حاسد وحاقد وربي يفتح عليك من كل صوب وتلاقي في الدنيا والاخره كل خير وسلامه وعافيه ما اعتبرك اخويه العود كثر ما اشوفك قايم بمكان الابو اللي يخاف عليه ويحبني ويعدني شرات بنته مب اخته بس الله يجازيك على كل عمل خير تسويه والله يرزقك على قد نياتك يا ولد الاصول يا بو محمد =) واخيرا كل حضن لمني في لحظة ضعف او وحده او حزن او خوف او حتى دلع ربيعاتي اللي من عيوني يحسون باللي فيه الله لا يغير علينا والله يعينكم عليه وعلى دلعي وخبالي هههههه هل المنتدى الطيبين اللي قراب من قلبي في حد منهم ما قصروا معايه ووقفوا معايه وقفة الاخوان ما اقول الا الله يوفقكم في حياتكم ويجعلنا اصحاب في الدنيا ودار الاخره امين اخيرا وليس اخرا ابويه الله يرحمك ويجعل مثواك الجنه امين الله ما عطاني فرصه اكبر اني اوفيك حقك اللي لو عشت الدهر كله ما وفيته كنت صغيره في حياتك وما وحالي افهم بالفعل كم تعبت وعانيت عشانا سامحني على كل قصور .. يالله كم اشتاق لك يا بويه وكم اتمنى اسمع حسك في البيت واشوفك قبالي واكحل عيني بشوفك ودي اطيح في حضنك واصيح واتروحك الله يرحمك ويغفر لك دوم ادعيلك بالرحمه انته وابويه زايد الله يجعل مثواكم الجنه امين وعساك تكون راضي عليه ومرتاح في مكانك يالغالي احبك باباه :84: وعلى هامش الاحزان ما انساك رغم قسوتك وقوة قلبك الجاسي ورغم ايام الجفى والبعد رغم عينك الخايفة اللي ودي احرقها بنظرات العتاب واللوم والغضب والحزن والحيره رغم كل هذا ودي اشكرك على كل نبض حسيته غير في شرايني بسبتك وفي ايام حبك اشتاق للدفا الأولي ولأيام الصفا والفرح وراحة البال لكن قلبي لازال غضبان ويتريا ولو في الحلم بس اشوفك عشان تحس بحرقة قليبي =( |
| الساعة الآن 05:31 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir