|
مشكوور اخووي ع القصه الرووعه بس المشكله اني قاريتها في منتدى"الم الامارات" :) \\ |
الجــزء الســابــع.. ••.•°¯`•.••..ســ ح ـــرني..••.•°¯`•.•• أنا شفتـــــك أنا شفتك..حقيقه وابتدا عمري.. وحسيت بندم لأني قبل شوفك عديم الشوف... انا شفتك وعاتبت الليالي وانتهى صبري.. وقلت الله ياحظي رجعلك فرحي المخطوف.. الجمــال اللي طاحــت عليه عيون عواش ..خلاها اتم اتطاالع.. سيف:السمووحــه الشيخه.. عواش"مبهته":آآآآ..مسموح..الغلط مني انا اللي ما ...... سيف"طفران":ماا استــوى شي.."وابتسم ابتسامه غصب بس ذوبت عواش".. ســار سيف..وعواش لا زالت اتطالعــه..سحرها..من نظرة ملك قلبها..ذوووب قلبها كالشمع لي ذاااب..اااااااه يا ميييييييييحد.. صدت عواش صوب سلامي.. سلامي:بلااج لي ساعه ازاقر وانتي أكبر طاف.. عواش:اا..انتن وين يااخي ..يلا يلا مريوم وسهيله يترينكن.. سلامي:يينا..حووووووووه الروووض تعالن هاي الشخه عواش يت.. عواش:سلامي..منو هالريـــال؟؟ سلامي:وينه أي واحد..؟؟ عواش:هاه راعي الرنــج.. سلامي:هيه هاذا سيف ولد عموتي نورة..اللي في سويحـــان.. عواش:ااهاا..هاذا أخو خلودي وفطامي..يشاابه فطامي وااايد.. سلامي:هيه..تدرين ان هاذا احلى واحد فالعايله..كلهم ايقولون جيه..بس خليفه أحلـــى عنه بمية ألف مرة.. عواش:اسميييييييييه شل قلبي.. سلامي:اووووووه..لهالدرجه.. عواش:سلامي بغيت امووت من شفته..والله انه شل قلبي.. سلامي:لاا عاادي..بس رحامته تلعب دوور.. عواش:اممممم..مدري شو سالفة هالشعور اللي احسبه..بس والله انه............... سلامي:بلااج كملي..؟؟ عواش:ماادري..بس ..بس..احسه احسه..اقوول انسي السالفه.. سلامي:بلاااج عواش فديتج ..كملي.. عواش:لالا..مليييت من السالفه.. سلامي:اممم كيفج.. صخت عواش..ماتدري شو استوابها..معقوله هالجمال اللي فيه خلاها اتفكر انها حبهاو "شل قلبها".......!!!!!بس اسلوبه تقرييباً شبه سخيف..امممم..قالت "احسن انسى".. ظهرن روضه وسلامه وعايشه وشموس وموزة..ووياهن مريوم وسهيله..وكالعاده يتحوطن فالشعبيه.. . . . . . . . . ارقصي مع نبض قلبي والقصيد..وداعبي بحر الشعر قبل الـــرقاد.. بالأنامل طوعـــي الحرف العنيد..وارسمي بلوحة حروف الــــوداد.. بيت بو سيف.. الساعه 10ونص.. حيرة خلودي.. وقفت خلودي جدام أختهــــا..وهي لابسه الفستان اللي بتلبسه في ليلة ملجتهــــا..كان لونه زيتونــي..وعليه ورود لونها برتقالي ودامجينه ويا االلون الودي..كاان شكلــــه خبــــــال..وصار أحلى..على جسم خلودي المليــان.. فطامي:وااااااااااااااااااو..روووووووعــــــــــة.. يوم شفته اول مرة ما تخيلته جيه روووعـــه.. خلودي:صج والله ؟؟حلفي حلفي..فطامي لا تنسين سلطوني بيدخل.. فطامي:والله انه يخبل..اللي شفناه عند المصمم كان أحمــر..بس الزيتوني مسسسكت.. خلوودي:اممم..يعني شكله ويا الميكب والتسريحة الشعر..كيف بيكون.. فطامي:بتغدين طر..بتغرمييين بالريال.. خلودي:ههههه..لا عاااد.. فطامي:صج والله ما جذب.. خلودي:انزين نشي لبسي بنشوف مالج؟؟كيف غادي شكله.. فطامي:ماافيني أنــش.. خلودي:يلا انا بفصخــه بسير برقــــد... فطامي:شو ديايه؟؟ خلودي:فطووم مب فايجه لج..والله ضاربني حفووز من اللحينه... فطامي:من اللحينـــه..؟؟والله انج ... خلودي:فطوووم لا تزيديني.. فطوم:خلاص خلاص بسير بسير عن تاكلني بقشوري اللحينه.. خلودي:اتسوين خيــ .. ـــر فيني..ظهري يلا.. فطامي:وووعييي على أسلووبـــج..باجر شو بتسوين؟؟كيف بترمسين ويا ريلج..جيه بترمسين بهالأسلوب الماصخ..اسمييه بيعاف رمستج وبيعاف شيفتـــج.. خلودي:عاااااشووووا..قوم اول ثنوي ويرمسون ع الأسلوووب ويا الريااييل والقردنه..شي الصراحه.. فطامي:نحن أبنااء هاذا الجيل..نعرف كل شي مب شرااتكم..ماااقووول الا الله يعينكم.. ظهرت فطوم بعد ما عقت رمســه"مالها معني"..دوومها جيه فطوم..تعق رمستها وما تتريــا حد يرمسها تظهــر على طوول..ســارت قفســم امها..وبكل برااعـــة سرقت الموبايل مال امها..>>>"هالبنيه نمبر ون فالسرقــة".. يلست فالصاله التحتيـــة..ودقت لرواضي..بعد ما وصت البشكاره اتييب حقها اندوومي.. فطوم:سلاميييشن.. رواضي:هلا والله..شو تبين؟؟ليش دااقــه؟؟مالت عليييج.. فطامي:حووه الشيخه بـــلااااج..؟؟ رواضي:هب فاظيين حقج..انقلعي يلا.. فطامي:تدرين انا الغلطانه يالسه متعنيه واسويلج تيلفون وياا هالرااس.. رواضي:هههههههههه..فطااامي فدييييت قلبج والله..بس يالسه اغلس غلييج.. فطامي:يااشين الغلاسه علييج.. رواضي:مقبوووله.. فطامي:ههههه..شحالج؟؟ رواضي:ماا نشكي بااااااااس ومن صوووووووووبكم يا هل سويحـــان.. فطامي:يسرج حااااااالنا..وربكم الا بخير وما تشكككوووون بااااااااس.. رواضي:ابخير وسهاله ..وما نشششكي غيير فرقااااكم.. فطامي:ويين دااركم يالدماني..؟؟ رواضي:والله ناخلنا حووطه فالشعبيه...ويين داارج يالغزيل..؟؟ فطامي:امممممممممرة ياالسه فالبيت احرسه.. رواضي:شو الأخت جلبه..هههههههههههههههه.. فطامي:ماااااااااا يضحك.. وتيلس فطامي اترمس البشكارة.. فطامي:شااابااش علييج..<<<شاباش كلمة هنديه..بمعنى مااشالله علييج..اقوول لا تاخذون فكرة انيه فيني عرق هندي..لا فديتني ..بس استويت اعرف هندي من الأفلام.. فطامي:وين الخاشوقه..ييبها ييبها.. رواضي:هل سويحان ما يعرفون الخاشوقه وهالسوالف..كلي بيدج ربي لا هانج.. فطامي:صدقتي والله وانا اشهد يا بنت رااشد..ياا حلات العيشه بالخمس"تقصد اليد"..واليلسه ع الأرض.. رواضي:هيه فديتج..بدوو ع الفاظي..المهم وشو اخبااركم وشعلووومكم.. فطامي:سكتي يا ختيه..العنز مالتــج اللي يبتيها عنديه..اممرة رااحت.. رواضي:وييييديه..عنزي وين لقفتيبها..؟؟>>يعني وين وديتيها.. فطامي:اممرة يااني الخبر امسات من يارتنا..اتقول الذيب طااح في حلالهم واحلالنا..<<<<يتمصخرن ويا اشكالهن..يقلدن سوالف العياييز اول.. رواضي:اسمييج ما يبتي الخير..من اتيين بيتنا ياا غير بروووغج رووووووغ..يالعنز.. فطامي:افاااا..والله يالعلم اللي يانا.. رواضي:هههههه..عشنا الدور.. فطامي:شفتي كيف؟؟ رواضي:انزين وشوحوالكم..وشحال عربانكم وتواليكم.. فطامي:الكل افخير ونعمه ربي يديمها.. رواضي:وينهم هل البيت..مااسمع حس عندج.. فطامي: والله الوالده وخلودي رقوود..والشيخ سيف للحينه ما عطن من دااركم"تقصد الرماح"....تراه سار ويا الأخ سهيل.. رواضي:اااااااااااااااااه حي ذا الطاري والله.. فطامي:هاه الدماني يينا ع العووق..؟؟ روضه:لا تتخبرين يا بنت المر..ابووو العوووق بعد.. فطامي:ههههههه..اسميييييييج سوااالف يا روااضي.. روضه:اقووول عواااش وطي حس هالأغاني..اممرة ما لقيتي اتشغلين اغانيج الا فهالبقعه..عسب لا حد خطف بيقول هاييل مغازلجيات.. فطامي:اوووه الشله كلهن عندج.. روضه:هيه سايرين صوب الأخت نعووم افديتها تعبانه.. فطامي:افا ياالعلم اللي يانا..شو استوابها؟؟ روضه:ممادي وشاللي حل عليها..يااخوفي عووق المحبه.. فطامي:شو ع بالج الماس كلها شرواتج.. روضه:مقيوله طولي بعمرج..كلن يرى الناس بعيين طبعه.. فطامي:اسميييييييج متخشعه تخشييييع بمحبة سهيل.. روضه:ااااااااااااااه فدييييييت سهيل وابو سهيل وام سهيل.. فطامي:تفدي العايله كامله طلبتج يااخي.. روضه:والله عسب سهيل..اتفدى العالك كله.. فطامي:يااا هالمحبه..عيل بخلييج بكمل عيشتيه وبسير بوطي رااسي.. روضه:شو باجر بتغيبين؟؟ فطامي:هيه ما يباله ..وانتن؟؟ روضه:الكل يقوول بيغيب..ياغير الأخت موزاني..بداوم..اونه عسب الدروس ما تفوتههــا.. فطامي:هههههه..ماشالله غبوش نقلت مرضها للأخت موزاني.. روضه:شكلها جييه السالفه.. روضه:يلا عيل بخلييج ..كلي ووطي راســج..نباج ترتاحين عسب انشد حيلنا فالملجــه..نباها ملجه بمعنى ملجه.. فطامي:داامــج بتغيبين فديتج تعالي عندنا من الصبــح..وييبي اغراضج ويــاج..وما تردين الرماح الا يوم السبت.. روضه:اممممممم..تدرين فكرة..وبشوف سلامي ولا شموس بيين ويايه.. فطامي:هيه والله.. روضه:يلا تامرين بشي..؟؟ فطامي:سلامــتج الغلا..فمان الله.. روضه:الله يحفظج.. بندت فطامي عن رواضي..ومن ردت وطيحت عينها على عيشتها..الا وانفج باب الصــاله..وحدر سيف.. سيف:السلام عليكم.. فطامي:وعلييكم السلام.. ونشت فطامي ووايهت اخوها..ويلسوا ارباااعه..وأكثر شي وياا سيف فالبيت هي فطامي..عاادي عندها اتخبره كللللل شششششششششي..بدون استثناء..ونفس الشي ويا سيف..الغموووض اللي فيه مادري وين يسير..ويرمس بكل شي عند أخته.. سيف:شحالج؟؟ فطامي:يسرك الحال..ومن صوبك؟؟ سيف:مانشكي بااس..ياغير الأخت مها مطلعتلي الضغط والسكر.. فطامي:سيف؟؟اللحينه انته اتحبها؟؟ سيف:اااااااه..اتحبها ؟؟والله اشوي.. فطامي:عيل تعشقها.. سيف:شي زوود عن هالكلمه..؟؟ فطامي:امممممم..مادري والله.. سيف:......امووت امووووت اموووت فيها.. فطامي:كيف اتحبها وتموت فيها وتعشقها وانته ما قد مرة شفت شكلها..ابغي افهههههم كيييييييييف؟؟ سيف:مايهمني شكلها موووول..انا احب شخصيتها.. فطامي:يمكن اتكون خسفه.. سيف:ماظني..تراها من بنات جبيلتنا.. فطامي:شووووووو؟؟اونه؟؟ سيف:ماجذب هي قايلتلي.. فطامي:انزين اوكي يمكن من بنات جبيلتنا بس مب حلووووة.. سيف:امممم..ما اظني..انا بنات الحبيله كلللللهن اعرفهن..يعني هااي اكيد قد شفتها..بس هي مب طايعه اتخبرني.. فطامي:شو بتسوي؟؟ سيف:بخطبها... فطامي:حووه السيافي بلا استهبااال..دخيييل الله ودخييلك<<<يابتها ع السووري.. سيف:ماااريد اخذ غيرها.. فطامي:اممم..يمكن حد اييها ويخطبها وتودرك..شو بتسوي؟؟ سيف:هههههههه..مهووي ما بتسويها.. فطامي:انزين اتخيل سوتها.. السيافي:هههههههههههههه..اقولج ما بتسويها.. فطامي:اقوووووووولك اتخيل يااااخي.. السيافي:داااامها بدت الحرب..وانا بخليها ما تنتهي..وتدرين ان اخوج السيف محد يلعب وياااااه.. فطامي:عااااااااش بن المر..عااااش..<<< دووومهم يقولون له بن المر..ولا راعي العراقيب..وانتوا اكثر شي اتقولون له.."السيافي".. السيافي:اممم..شو كنتي اتسوين؟؟ فطامي:من قبل ما تدخل..كنت ارمس رواضي فديتها.. سيف:شحالها؟؟ فطامي"باستغراب":يسرك حالها؟؟فريبه تنشد عنها؟؟ سيف:رحمتن فيها.. فطامي:لييش انشالله البنيه فقيرة.؟؟؟ سيف:لأ..بس اشفق لقلبها.. فطامي:فهمني شوو السالفه؟؟ سيف:امممم..بكل اختصار..سهييل ولد عمها..ماااااااااا يحبهااااا...ويلعب عليها.. فطامي:شووووو؟سيف انته اتجذب..؟؟ سيف:صدقيني..وتدرين بي..انا ما ادل طرييج الجذب..واكره الجذابين.. فطامي:سيف..هالرمسه اللي انته اتقولها مستتحييييل..مستحييل سهيل ما يحب روضه..وقاعد يلعب عليها..؟؟؟!!!!!!!!!!!!!!!!!!!!!!!!!!!!! السيف:توه اليوم مخبرني..تدرين قاال انا مستحييل احب رووضه.. فطامي:والله انه نذل وحيوان وحقير..انزين ليش يقص عليها..؟؟ سيف:ماادري..اونه يمكن ايحبها بعد ما يعرسوون.. فطامي"منصدمه واشوي بتصيـــح":والله حرااام..في ذمتيه انه اكبر حراام.."بصوت مخنوق"..يااخي.."ما تعرف شو تقول..منصدمه"توه البنيه مستاانسه..وتقول اسهيل وسهيل وسهيل وسهيل.."وبحيرة"سيف محد يعرف شو كثر محبة روضه لسهيل ..كل شي في روضه ينبض بمحبة سهيل..البنيه تعششقه حييل..بمعنى تعشقه..سيف..سيف ..لو درت روضه صدقني بتين..هاذاااا سهيل..سهيييل.. سيف:شو انسوي يعني..حياتهم ومالنا خص فيييهم..وما ظني عندج الشجاعه والقوة الكافيه اللي بتخلييج اتقولين هالرمسه جدام ربعتج وتوأم رووحــج.. فطامي:للأسف ما عندي الشجـــاعه عسب اشوف دمعه من دموعها الغاليه..فدييتج والله يا رواضي..سيف..هاي مب انســانــه..هي ملااااك يا سيف..وحرااام اللي يصير فيها... بكل """ألم"""..نشت فطامي..وهي متضـــايجه..تاركه عيشتها بدون ما تكملهـــا..مالها خاطر..من بعد اللي سمعته.. اللي سمعته حطم قلب فطامي..اذا رواضي سمعته..!!...بيحطمها كلها ع بعضها..رقدت فطوم من بعد معاناه..وهي حالتها لله..اتفكر افرواضي اللي بتيها باجر..كيف بتجابلها؟؟؟؟!!!!!!!! . . . . . . . . . . مثل الطفل انتظر طيفك ونظراتي تجول.. حيث انك احضان الدفا وسط الليالي البارده.. قبلك أبد ما قد خفق قلبي ولا صابه ذهول.. ولا صادق ايامي السهر والعين باتت ساهده.. بيت بو خليفـــة.. حيرة موزة.. الســاعه 2ونص.. صدت موزة صوب سلامه وهي متضـــايجـــه.. موزة:حووه بلاااااج سلامي..ليش اتزاعحيين ..؟؟ سلامي:طفرتيييبي..بلااااج لي ساعه ازاقر ولا حياة لمن تنادي.. كانت موزة طايحه ع شبريتها وفاجه شعرها وتلعب بقصتهـــا..وع بطنهـــا..حاطه المخده الصغيروونه..فنشت من مكانها..ولمت شعــرها ابسسرعه..ويلست بين روضه وشموس..ومدت يدها وخذت لها حبة بيتزا.. موزة:امنو يابها؟؟ شموس:يابها حمد من اشويــة.. موزة:اها.. روضه:تانسين شي غلاي..؟؟ موزة:اممم..ما فيني شي بس فيني رقــاد..وباجر انا وحده بداوم.. سلامه:مب جنها تطردنا..؟؟ شموس:عادي خذيها برووح رياضيه.. روضه:ليش بداومون؟؟حراام عليكم..خلونا انسير سويحان الصبـح.. شموس:الصبح مرة وحده؟؟العرب رقود..!! روضه:عاادي ..شو فيها؟؟ سلامي:تركوها هاي ويهها لووح.. موزة:واكبر لوح.. روضه:اوكي الأنســه موزة..داومي ارووحــج..؟؟انزين؟؟ موزة:ما بدوام ارووحي..عواسسسسس.."تتمصخر"..بداوم عنديه..فديتها والله.. رواضي:هاي عواششش دوومها فالخدمه..برايج غلاي داومي عيل..وانتن الهنتين..بتسيرين ويــايه سويحان..جيه ع الساعه عشر ونص الصبــح.. سلامه:لا ما فيني برقد.. روضه:ما منج فايده..وانتي شمووس؟؟ شموس:برقد..بتغبشيبنا من الفير عند العرب.. روضه:دخيلكن عااده يلا..وحده ع الأقل اتيي.. شموس: رحمي حاليه رواضي انا تعبانه..بسير العصير ويا موزاني وغبوش.. روضه:سلامي بتي ويايه.. سلامي:حووه شارت الشور وبتسيره علينا... روضه:بتسير ولا بخبر عليج خلوف انج"امراه غير مطييعه".. سلامه:حي هالطاري والله.. روضه:واااايه بالستر.. موزة:اللحينه بتسيرن بيووتكن ولا ما عندكن..؟؟انا وحده ابا ارقد..بااجر بداوم..يلا يلا خااري.. نشت روضه من مكانها..وهي محرجه على اسلوب موزة.. روضه:اقوول انتي العنوز..من اتعدلين اسلووبــج تعالي رمسي ويا العرب.. شموس:رواضي موزاني ما قالت شي.. روضه:والله ان هالبنيه ما فيها معنى.. موزة"ببراءه":انزين ابا ارقد.. روضه:واتقولين ان ما عندنا بيوووت..سيري هناااك..غلطان اللي يطب حيرتج اصلاً.. ظهرت روضه من الحيره ..وما عطت أي مجال للرمســه..نشت شموس وراها فالوقت اللي سلامه وموزة يتبادلن النظرات..ومستغربات.. من نزلت روضه تحت لاقفت افدربها حمد...اللي وقفها .. حمد:بلاااج ...؟؟ روضه:مافيني شي؟؟ حمد:بل بل هاللحم كله والشحم وبعد ما فيج شي..هههههههههه.. شموس:ههههههههه.. روضه:اوووه متفيجين ..بوشهاب خووز عن دربي.. ظهرت روضه للحوي..وفاللحظه اللي بتلحقها شموس..وقفت ابسبة صوت حمد.. حمد:شموس.. شموس:لبيه.. حمد:لبيتي حايه..بلاها الروض؟؟ شموس:اممممم.. حمد:شو مستوي..متضاربه ويا حد..حميد اخويه ..قالها شي؟؟ شموس:لا اصلن حميد مب هنيه.. حمد:عيل؟؟ شموس:امم..<<<<<خخخخخخخخ..احب اضحك عليها.. حمد:رمسي بلاج.. ؟؟ شموس:مافيها..شي. حمد:هب علي..ّ شموس:................ حمد"باررد اعصاب":تضايجت من منو؟؟ شموس:.............. حمد:سلامي ولا موزة؟؟ شموس:............... حمد:رمسي<<<<< لو انا بداله جان صارخت من صباح الله.. شموس:ماشي بس سوء تفاهم امبينهن.. حمد:اها..مشكوورة ع الذله..<<<والله من الخاطر ذلته.. شموس:حمد...أي ذله ..واي.... حمد:خلاص شموس غــ........"غناتي"خلاص ما استوى شي..بس بعد اقوولج مشكورة.. حركككككككككككككاااااااات..يبغي ايسوي اكشششن هالحمد ويا رااسه.. شموس..حمد..انا...يعني ما بغيت اخبرك شو مستوي بينهن..يعني شي مب مهم.. حمد:انزين جان قلتيلي شي مب مهم..زيغتيني ع البنيه ..قلت يمكن حميد مضايجنها برمسته الماصخـــه.. شموس:اممم..انا اعترف انيه غلطانه..السموحه منك الشيخ حمد وهاي اخر مرة.. حمد:فدييتج والله.. سار حمد وهو شاق الحلج..ظنتيه ما حس بعمره يوم قال "فدييتج والله"..وعق قنبله ع راس شموس وسار..هع هعهعهعهععههعهع..شمووس فجت اعيوناتها ع وسعهن..وفاجه ثمها..نياههاهاهاههاهاهاهاهاهاهاههااهاهااها<<<هاي ضحكتيه..ضحكة نذاااااااااله..نياهاهاهاهاها.. طنشت شموس السالفه وظهرت وهي تربع..وشافت روضه..توها بتظهر من الباب العود مال الشارع..الظاهر انها اتريت شموس بس شموس اتحيرت فقررت اتسير ارووحها.. سارت شموس صوب روضه.. شموس:بلاااج الرووض ليش حرجتي؟؟ روضه:قهرتني برمستها..احن بنات عمها وعيب عليها اتقول هالرمسه.. شموس:بس البنيه تبى ترقد.. روضه:خلاص طبينا من هالسالفه.. شموس:كيفج.. ما وحالهن يظهرن من بيت عمهن..الا وقفت بورش حميد..جدام بيتهم..ظهر حميد من سيارته..وخط عليهن ومسويلهن اكبر طاااف..فالوقت اللي ارتاااحت روضه..لأنه ما صار ايسوي حركاته السخييفه.....!!!! . . . . . . . اموت من فرقاك واموت بلقاك واموت في جورك واموت بحنانك كل قضاة يموت مرة ويفــــداك وانا اموت الفيــــن مـرة عشـــانــك بيت بو محمد.. حيرة روضه.. الساعه3ونص.. طااحت روضه ع شبريتهـــا..وهي اتفكر في حميد اللي اتغير..ابتسمت وقالت "الحمدالله"..ما استوى ضاايحني شرات قبــل..وصللها مسج فجته وقرته.. "السمووحه منـــج" كــان من عند موزة..ماتدي شاللي خلاها اتحرج على موزاني من اشوي..وطرشتلها مسج.. "مسموحه فدييتج..وبالحل".. من بعد طرشت هالمســج نشت وشغلت اللاب مالها..بس انصدمت انه ما اشتغل..وتمت اتحاول فيه..بس ما اشتغــل..يعني ماشي الا لاب شجوون..نشت من مكانها وظهرت صوب حيرة شجون.. دقت الباب..وكانت متوقعه ان شجون اكييـــد راقده..وفجت الباب بشوي شوي..حدرت شافت شجون طايحه ع الشبريه..ورااقده.سرقت اللاب وظهرت من الحيرة "جنها حراميه".. راحت حيرتها ..وبندت الباب..وقعدت ع النت..وفجت المسن لقت ايميل شجون اوون..تمت اتطالع..الا وظهر حد يرمسها..والإيميل امبين انه ايميل ولــــد.. {}ليـــه بالمرة قطعتـــوووا؟؟{} مرحبــا شجووون.. ردت روضه وهي ميييته من الزيغـــه..ليكوون شجوون اترمس شبـــاب؟؟؟ يــا ويـــ .. ـــــل حالي..: مرحبتين..منو ويايه؟؟ {}ليـــه بالمرة قطعتـــوووا؟؟{} انا خلوودي حبيب قلبج..بس غيرت الإيميل.. وقف قلب رووضه افمكـــــــانه..هاللي موول ما توقعتـــه..!!ان شجون اترمس شباب..حست بلووم..وبندم..حست انها تبا اتصفــع عمرها..كللللله منهم..هم اللي ما حاولو ويااايها..كللله منهم ..شجون انســـانه..وممكن اتسوي أي غلط..بس كييف رااح عن بااال رووضه..ان شجون ممكن اتسوي هالحركـــه..كيييييف؟؟قررت انه اتسايره..يمكن اترووم تعرف اشياااء غير عن هااي.. يا ويـــــــ .. ـــــل حالـــي: افا وليش ما خبرتني..؟؟؟ {}ليـــه بالمرة قطعتـــوووا؟؟{} اللحينه اخبرج..تدرين شجون انج تقهريني.. يا ويـــــــ .. ــــــــــل حالي: ليش؟ {}ليـــه بالمرة قطعتـــوووا؟؟{} هاك اليوم..حتى ما خليتيني أي واسلم عليــج..عند بوابة المدرسه..على طوول ظهــرتي ..وسرتي صوب سيارتكم.. اهنيه ماااااتت رووضه..معقوووله..معقووله شجون اتضيع سمعــة هلها ويا هاللي ما يستحـــــي اللي اسمــه خــالد..واتقابله عند بوابة المدرسه؟؟وكان ناوي ايسلم عليها بس هي صدته؟؟؟لييش اتسوي جيييه..؟؟؟شو اللي يحدها ع هالسواه.. يا ويـــــــــ .. ـــــــل حالي: كنت مستعيله.. {}ليـــه بالمرة قطعتـــوووا؟؟{} كنت بلحقج لين بيتكم فالرماح عسب اسلم عليج.. يا ويــــ .. ـــــــــــــل حالي: ليش انته تعرف ان بيتنا فالرماح؟؟ {}ليـــه بالمرة قطعتـــوووا؟؟{} شجون لأول مرة بخبرج هالشي..انا اععععرف كل شي عنج..لا تقولين من عند مهره؟؟ مهره؟؟؟وقف عقل روضه عن التفكير..هي ما تعرف وحده اسمها مهره..تعرف وحده من ربايع شجون اسمها اسووم..بس مهره؟؟اول مرة تسمعبها..وهالمهره تعرف هالخالد..يعني هي الوسيط السياسي ما بين شجون وخــالد.. يا ويـــــــــــــــ .. ــــــــــــل حالي: اذا مب عند مهره من عند منو؟؟ {}ليـــه بالمرة قطعتـــوووا؟؟{} اممممممم..انا اعرف اخوانج كلهم..وخااصتن اخووج حمدان.. وقفت عيون روضه افمكااانها..ما رامت اتسوي شي ..حمدااان..حمدااان..خاالد..خااالد..اللحينه ربطت السالفه اللي استوت ويا حمدان بواحد اسمه خالد..السالفه كانت في بوظبي..حمدان اتضارب ويا وااحد اسمه خالد..على شوو؟؟ماتعرف؟بس اللي تعرفه ان حمدان ما قصر في هالخالد..ولعن خيييره..وشوه ويهه..يعني كانت ضراابة شباب مــن الخاطر..لدرجة ان حمدان كان بيدخل السجن..بس فالأخير اتبين ان حمدان ماله ذنب..كان يدافع عن عمره..وطبعن كان هاذا بشهادة الشباب اللي كان ويااهم.. يا ويــــــــ .. ـــــــــــــل حالي: خالد عطني اسمك الكامل..يمكن اعرفك انا من قبل.. {}ليـــه بالمرة قطعتـــوووا؟؟{} خالد علي محمد الـــــــ ........... ــــــي.. وقفت روضه من مكانها..هو نفسه..هو نفسه..روضه ماتعرف لاا اسم هالريال اللي تضارب ويا حمدان ولا اسم يده..اللي اتعرفه هي الجبيله..واللي مكتوب اللحينه يتطابق مع اللي تعرف اللحينه..واتحول الشك الي يقين.. كل شي اتوضح جدام اعيوون روضه..السالفه انفهمت ..خــالد..هو نفسه الريال اللي لعن خيره حمدان..وشوه ويهه..واللحينه..رد خــالد ينتقــم..بس بطريقه بششعه..ينتقم والضحيه شجوون..ينتقم وعلى أي اساس..؟؟؟على اساس انه يلحق الفظيحه بقووم حمدان..ويركبهم العععااار.. بس لا..مب قوم رووضه اللي ينركب عليهم العاار..ومب بنات قوم روضه اللي ايبيعن نفسهن للشبااب.."اظني ما تعرف عن اللي اسمــها شيخه".. هالأفكاار اللي تمت اتدوور افراااس روضه..كانت اللحينه بتكتب ..اننقققلع ولا اعرفك ولا تعرفني..وبتسبه وبتخليه يقطع علاقته بشجون للأبـــد..بس لا..اذا شجون هي فجت له الباااب..شجون نفسها الا بتبند الباااب افوييهه وبتصده..بس كييف..؟؟؟؟؟؟كيف ؟؟؟؟ ؟؟!!...ماشي الا حل واااحد...!!؟؟ ظهرت روضه اووف من ايميل اختها شجون..وحدرت ايميل موزاني..وطرشت رساله للشجون..ع اساس انها وحده من بنـــات مدرسة شجـــووون..وكتبت رمسه واايده..يمكن اتحرك قلب شجون واتخلييها تترك هاللي هي فيه.. ظهرت من ايميل موزاني..وفجت المحادثات..اللي كانت مسيفة..وشجون ما اتسويلها"ديليت"..كانت تقرى كل كلمه ودقق فيهـــا..كاانت تقرى كل كلمه حلوة يوجهها لشجون..وشجون اترد الكلام بأحلــى وأحلـــى..كانت كل ما تقرى..كل ما ايزييييد اصرارها..انها اتخلص اختها من اللي فيه..ترى محد خسران فهالسالفه كلها..الا شجون نفسها..وهلها؟؟؟؟ بندت روضه اللاب من بعد ما لاعت جبدهـــا من اللي قرتــه..وبقت واايد محادثات..ما قرتها..لأن كافيها اللي انكتــــب..وكافيها اللي قرتــه...ردت الاب مكانه.."عند شجون"..وردت قعدت فالصــــاله..كانت تبى اتخبــر أي حد عسب يساعدها ويساعد اختها..بس اتخاف ان السالفه تتنتشر ..ومع انها فبدايتها.. كانت روضه اتعاتب نفسهـــا..ترى الغلط من روضه..ومن ابوها..ومن اخوانها..ومن خواتها..وامها..ومن العايله كلها..والأهم شي..الغلط من شجوون..هي اللي صااكه على عمرها..وعايشه عالمها الخااص..واتصد روضه اذا يتها..ومب اوكي ويا الباااقي..يعني الكل غلطططططاااااان..الكل غلطان.. . . . . . . . . |
:::همسه اشوي كبيرة::: راحت نظريـــة.."الأنسان كتلــة من المشاعر"..وما صارت تتطبق الا على فئة قليله من النااس..انا سمعت هالمقوله مادري وين..بس ما اشوفها الا "نادرن" وانا وضحت هالشي افقصتيه.. *واحد يلعب على مشااعر ابنيه..وما يهمه..ولو كانت بنت عمه..يمكن يتبع سياسة"الحياة فريي"..نااسي انه بنت عمه..هي ذاايبه افهوااه...؟؟؟؟؟والمشكله حيرها ويبغي يتزوجهــا..انزين ليش؟؟؟الجواب عنادن في ولد عمه اللي بياخذ هالبنيه..شي غريب.. *وحده اتكلم واحد من شباب عايلتهم..انزين ليش؟؟؟لأنه "صيته ذائع"..!!.ولأنه رحيم وشكله حلوو..والبنات ايموووتن عليه.."وبتفكيرها الصغير"..يمكن ايكون لها الشرف لو سمعوا البنات المغرمات بهالشاب..ان فلان بن فلان..ايموووت فيها..ذيييج الساعه يمكن اتكوون حاسه برااحه وبمعنى الحياة السعيده..ارد واقول والله انه شي غريب.. * ابنيه..عمرها 16 سنه..اتوفت امها..عاشت عند ابوها وعيال ابوها..حاولوا وياها اترد اوكي وياهم...بس للأسف ما اختارتهم..اختارت "النت"..صديق لها..وعالمها الخااص..حااكره عمرها افغرفتها..لا اترمس حد ولا حد يرمسها..واللحييــنه..يستخدمها واحد من الشباب"الوقحيين"..آله في تنفيذ انتقامه..!!انزين ينتقم من منو؟؟؟ينتقم من اخووو البنيه راعية الـ16 سنه..؟؟؟؟!!!!شي غريب..والشي الأغرب..انها بايعه شرف هلها..ولا عليها من شي..اترمس صاحب الإنتقام..والمشكله.."صار حبيبها"..شي غريب.. * ولاّ شااب..يرمس وحده..من بنات عايلته..ولا يعرفها..ولا يعرف حتـــى شكلها..وبأسلووبها..وبرمستها..وحلات منطوقها..خلاها ملكه على قلبــه..وصار محبوبته..نــاسي ان هالبنيه باايعه شرف اهلــها ..وما عليها يالسه اترمسه تيلفون..شي غريب صــح؟؟واللي اغرب..ناوي يخطبها؟؟شي اغرب من غريب صح.. وين راحت نظرية"الإنسان كتلة من المشاعر"..ولا نظرية"الإنسان كتله من الأحاسيس"..أي احاسيس واي مشااعر...؟؟؟!! واحن انعيش هالوااقع المرير..الواقع اللي يحطم ويدمر ويجرح..؟؟!! بالفعل تغيرت حيــاة الناس..من بعد البساطه والقرى..اتحولت الي مدن وطاقه وانتاج..ومع هاذا التغير..اتغيرت احاسيس الناس..اتغير تفكيرهم..ومعتقداتهم..البنات..اللي هم "شرف عايلتهم"..استوى عادي عند الوحده اتكون لها علاقات مع الشباب..وعلى أي اساس..؟؟على انه ربيعها"بوي فرند"..او ع اساس انه نظر عيونها..!!!!!!!!!! الشبااب..اللي هم "اصحاب الرجوله"..لعب باحاسيس الغير..واتقان دور العاشق الولهان..!!!!!!! هاذا هو واقعنا المرير..وما اظني حد بيخالفني..انتوا كلكم تعرفون هالأشيااء..سواءً من ناحية """البنات"""..او ناحية الشباب..كلكم اتعرفون انه هالأنواع اللي انذكرت فوق..موجود افكل بلد..موجود فكل مكان..وافكل بقعه على هالأرض.. وابقـــى واقووول ..ان فئة لا زالت قلوبها تنبع بالمحبه والخير والعطاء..انسميهم"اصحاب القلوب الوفيه"..واللي لا زالت نظرية"الإنسان كتله من المشاعر تنطبق عليهم..".....!!!! للحينـــه..في ناس مب مصدقين ان سهيل"بهالنذااله".. وان شجون"بهالوقاحه".. وان شيخه"بهالسخافه".. ارد واقوولهم..صدقوا حبايبي..انا من قبلكم ما صدقت...................... انتهى.. من بعد هالهمسه..اخليكم اتكملون بااقي احداث الباارت.. قراءة ممتــــــــــــــــــتتعه.. +++++++++++++++++ |
حكيت وما لقيت إلا الندم موال.. سكت ومت بالحسرة ولا ادري وشهو أحسن لي..؟؟ "مرات تندم اذا تكلمت..وتنقهر اذا سكت".. بيت بو محمد.. الســـاعه تســع ونص.. فهاللحظة..بدا المنبه يعلن ازعاجه..عسب روضه اتنــش وتصك خط سويحان ويا سلامــه..صدت صوب هالمنبـــه..اتحس بضييجه ونار افقلبها..وما بترووح هالضييجه..ولا بتبرد هالنار..الا اذا يودت المنبه وفرته ع اليـــدار..وتحول جدام اعيونها الا اشياء صفيرة مفتته.. "وبما ان الإنسان يبحث عن راحته اينما يذهب"..يودت روضه هالمنبه وفرته ع اليدار..وتكسر جدام اعيونها..وتحول الى اشيااء صغيرة.. روضه بصوت مسموع:يزااااته..ليش يوعيني..وانا كنت ناسيه هم ختيه..بس مب جنه انا اللي يبته لعمريه...؟؟!؟!؟؟! هيه صح..يابته حق عمرها وقامت اتفره ع اليدار ..المسكين شو ذنبه..خلاص خلاص ننســى ســالفة المنبه..ونسويلها طــاف..شوفو روضه..نشت العيووز اللحينه عسب اتسير الحمام الله يعزكم..وتتسبح وتخلص وتزهب اغراضها.. من خلصت الأنسة روضه..وقفت ع الشبريه عسب اتشوف الساعه كم..في موبايلها..لأن المنبه من اشوي اتكسر..من شلته دق الموبايل على طوول..وكانت سلامي.. روضه:صبــــــــاح الخير.. سلامه:صبــــــــاح النور..شحـــالج عسوله..؟؟ روضه:يسرج حالي..شحالج انتي؟؟ سلامه:انا بخير وعافيخ.. روضه:شكلج متفيجه.. سلامه:امحححق..تميت مواصله ..للحينه ما رقدت.. روضه:شو تسوين سلامه:منوعات..ع النت..ع التلفزيون..اممممم.وما خليت شي..هيه وسويت الريوق وياهم.. روضه:هممم..زين والله..انا توني نشيت وخذتلي شور.. سلامه:اوووه يعني بعدج.. روضه:مافي مشكله..اللجينه بتزهب وباخذ اغراض خواتي وياايه..وبشوف شجون اذا غــابت باخذها ويــانا.. سلامه:شجــــون؟؟ روضه:هيه شجون..فيها شي.. سلامه:روضه احن مالنا بارض حق لسانها... روضه:انا لي بارض..اوكيك من اخلص بخطف عليج.. سلامه:اوكيك انا فالإنتظار.. بندت روضه..وظهرت من حيرتها ابسسرعه..وسارت حيرة شجون..ودقت الباب..ومن حدرت لقت شجون يالسه ع الاب... روضه"بابتسامه":صبااااااااااااااااااااااااااااح الخير.. شجون:صبااح النور.. روضه:الحلوة ليش غايبه؟؟ شجون:امممممم..بس جيه.. روضه:شحالج؟؟ شجون:بخير..وانتي ليش غايبه؟؟ روضه:ااااممم..بس جيه.. شجون:لا تقلديني.. روضه:انزين أخر مرة..شجون بتسيرين ويايا سويحان؟؟ شجون:لييش؟؟ روضه:بنسير من اللحينه عسب نتزهــب.. شجون:روضه فجينا عاد انا مالي بارض.. روضه:انزين والله كشخه بنسولف ويــا فطامي وخلودي بنشوف شو حوالها..وبعدين شجون انتي ما تظهرين ويــانا ابد وين ما نسير..كله يالســه ويالسه ويالسه فهالحيرة..عنبوووه ماتملين من مجابلتها.. سكتت شجون..بالفعل هي ولا مرة سارت ويا روضه مكان..ولا تظهر ويا بنات عمها موول... روضه:دخييييييييلج.. شجون:..........خلاص بسير ويــاج.. روضه:ياااااااااااااااالله فدييتج والله.. شجون:بس روضه انا..انا... روضه:لا انا ولا انتي..يلا تزهبي..هيــه صــح شجون انا ماشفت لبســج مال الملكـــه.. شجون:شوو؟؟ليش اتشوفينه..ما يحتاي ما حتاي.. روضه:بنشوووف.. شجون:روضه تبين الصج لبسي موول مب حلوو.. روضه:افا..ومنو خذالج اياه.. شجون:اممم..انا خذتــه..بــس من رديت البيت ما دري ليش ما عيبني.. روضه:خلاص شجون اللحينه بنسير المول..وخلاف بنرد لسويحــان.. شجون:اووه مافيني اضرب خط لداخل العين.. روضه:شو انتي ما تبين تلبسين لبس كشــخــه.. شجون:أكيييد.. روضه:خلاص يلا..لبسي عبايتج وشيلتج..وييبي لج كندورتين..وشيلهن..وييبي لج بيجــامه.... شجون:ليش؟؟ روضه:عسب احن بنقعد في سويحــان ليين يوم السبـت..يلا شجوون لا تتحيرين عليه.. ظهرت روضه وما عطــت لشجون أي مجال للرمســه..وارتسمت الإبتسامه ع ويه روضه ..لأنها مستاانسه..قبل اشوي ما تواقعن لا روضه ولا شجون..كان حوارهم هادي جداً..!!هل هاذي هي الخطوه الأولي..في درب صلاح شجــوون..ولا شجون شي صابها وعدلت اسلوبها ويا روضه..!!! نزلــت روضــه تحت..وهي ميودة عبايتها في يدها..ولابسه شيلتها..وشنطتها افيدها الثانيه..كانت بس مسويه جحال قلوس..ووجود الإبتسامه زادها جمــال..من نزلت لقــت يدوتهــا..وأمهــا..ومالقت عليووه..ترى ريسووه عند هلها..واليوم حمدان بيرد من بوظبي... روضه:السلااام عليكم.. الكل:وعلييج السلام.. روضه:صبـــــحكم الله بالخير .. سارت روضه وباست يدوتهــا وامها ع راسهن..ويلست حذال امها العوده.. ام راشد:شحـــالج الدماني؟ روضه:يسرج حالي افديت قلبج ومن صوبج؟؟ ام راشد:وما نشكي باس.. روضه:هاه حصه بنت محمد شحــالج؟؟ أم محمد:شو لاعبه وياح فالشارع؟؟ روضه:هههههههههههه..فديتج والله والله اني أحبــــــــــج.. أم محمد:ادريبه هالشي من زمان..هاه الروض على وين العزم افديتج.. روضه:والله افخاطرنا انسير المول..بناخذ لشجون لبس..ومن بعدها بنرد لسويحان افديتج.. أم راشد:وشو عندكن في سويحان.. روضه:فديتج مناكي وحده عله اسمها فاطمه..مسويتلي تيلفون حاشرتني ..واتقولي الا تيين سويحان قبل الملجه.. أم راشد:وانتي امممرة ما اتصدقيين.. روضه:هيه والله.. أم محمد:عيل نشي زقري شجون عسب تتريــق..وسيرن المــول..بس لا نبطن اهناك.. روضه:أن شالله.. نشت روضه ..وهي مستعيله عسب تزقر شجون..ولاقفتها عند الدري. روضه:من تنزلين تحت بوسي امايه وامايه العوده ع راسهن..عن تفظحينا.. شجون"بظيجه":زين زين عن تحشريني انتي .. نزلت شجون وكانت لابسه عباتها وشيلتها..وباست حرمة ابوها وامها العوده ع راسهن..ويلست تتريق ويا روضة..اللي كانت شاله البقعه افهالصبح بالسوالف ويــا يدوتها.. من خلصن اريووق نشــن وحدرن السيارة..وخلن البشاكير ايحطن الأغراض..وخلاف خطفوا ع سلامه..اللي مول ما عارضتهن بسالفة السوق..الا استانست واايد.. وهن فالموول..طووول الوقــت ضحــك من الخاطر..حتى شجون كانت تضحك وياهن..فلسفة رواضي ويا راعي المحل..ومصخرتهاع الرايح والراد...وخاصتن الإنقليييز..وطييحات سلامي..واستهبالها واستيعابهــا البطــئ..وشكل شجون وهي محتـــارة شو تاخذ..و فالأخيــر خذت لبس واايد حلو..لونه أحمــر..شروات الشله كلهن..وخذن اكسسوارات ..ونعـــال..وخطفن ع المطاعم وخذلهن باسكن روبنز ووجبات خفيفه ياكلنها فالسيارة..وانطلقـــــوا لسويـــحــــان.. . . . . . . . . {أكبر عيوبي ما اتحمل غيابك.. لا غبت عني كل همي يزيدي.. عطني جواب الله يخلي شبابك.. قلي وش اللي فيك غصب جذبني. أنت سؤال الحب وانا جوابك.. انا كتبت..والغلا لك كتبته...} بيت بو سلطــان.. الســاعه اربع ونص العصر.. حيرة شيخــاني.. صدت شيخــاني صوب حصه اربيعتها النذله شراتها..وهي تقرى المسج ابكل فخــر..ترى اللي مكتوب بالأحمــر فوق بين قوسين هو المســج اللي من عنــــد سيف.. حصه:واااااااااااو..شخووووه اللحينه شو بتسوين يوم اتشوفينه.. شيخه:ههههه..شو بسوي وياه يعني بنرقص..؟؟بسلم عليه وبتخبره عن الحال وبسير.. حصه"هالبنيه سخييفه على كل شي تضحــك":هههههههه..والله انــج..اقول شيخــاني باجر بتكشخيـــــن.. شيخه:هيه عيل اروح بغباري..؟؟ حصه:ههههههههههههه..اقول شيخاني كيف شكل سيف.. شيخه:خبـــــــــــــــــــــــــــــــــــــال من الخااااااااااااااااطر.. حصه:ههههههههه..اقول شيخاني..اتحبينه؟؟ شيخه:لاااااااا..سيري اهناك..انا احب هاذا الخقاق اللي شايف عمره.. حصه:ههههههههههه..عيل شو اللي يحدج واترمسينه تيلفون.. شيخه:عسب البنات كلهن ايقوولن ان سيف بن المــر ايمووت في شيخه بنت خليفه.. حصه:ههههههه..بس كيف بيحب شيخه وهو يرمس المها وييحب مها.. شيخه:ترى شيخه هي مها.. حصه:هههههههههههههههه.. شيخه:بلاج كل ما نطقت بكلمه ضحكتي.. حصــه:بس جيييه..راويني لبســج.. شيخه:لونه اصفــر..عسب اجذب النـاس..واخلي اللي ما يشوف يشوف.. حصه:هعههعههعههعهعهعهعههعهعهعهعهعع..<<اقووولكم سخيييييييفه.. ومن شاافت حصه الفستان..عيبها واايـــــــد..وبالفعل كان لونه مميز..وحتى حركة موديله اتيينن..وهاذا كله عسب سيف ايشووف شيخاني....مالت علييها.. . . . . . . . . صبرت وماقدرت اصبر 00 وانا اتحمل بعد اكثر ودمعي تفجــر اتفجــر 00 وبلل دمعي رسومك بيت بو خليفه.. الســاعه خمس العصر.. حيرة موزاني.. بندت موزة الشنطه اللي فيها ملابســها واغرااضهـــا..ولبست شيلتها المصلى..اما عبايتها فكانت في الشنطه..لأنهن يوم يسيرن اسويحــان ما يلبسن عبي..ولا شيل سودى..ايتمن بالمصلـــى.. ماتدري شو اللي صارلها..ووصل فكرها لمنصــور..فييها فظوول.تبغي تعرف هو ليش يلحقها من مكان لمكان..ليش كان دووم برج المراقبه بالنسبه لها.. ملت من زود التفكير..بتغي تسأل سهيله..بس مالها باارض لنظراتها..فعشان جيه..تكتمت بالموضوع وسط خافي قلبها.. ظهرت برع الحــوي وشافت اخوانها كلهم يالسين.. موزة:يلا حبايبي..وااحد منكم اينش ويودينا اسويحان انا وغبوش وشموس.. خليفه:سلامي مب عندهن انا مب سااير.. حميد:مالي بارض لخط سويحاااان.. موزة:يلااا بوشهاب اعرض خدماتك عليينا.. حمد:اووووف خلاص بوديييكن..يلا.. ويا راااسه..اول ما سمع اسم شموس..كاان بيقول انا بوودييهن..بس ايسوي عمره ثجيل..صد صوب خليفه اخووه ..وقال افخاطره"ياا حظك والله ..تفضح مشاعرك ولا عليك من حد"..حمد قول ماشالله عن تحسد اخوك..عووذ بالله من الحسد واهل الحسد..المهــــــــــــــــــم.. خطفوا ع غبوش وشموس..ومن بعدها صكوا خط سويـحان..وطوول الدرب..وحمد نظراته ع شموس اللي قااعده ورااه..وهي تتجاهله وتحاول اتسوي عمرها مهتمه لسوالف غبوش و موزاني.. ويوم وصلوا لسويحان..لقوا روضه وسلامي وفطــامي فالإستقبــال..عكس شجون اللي ميلسه عند خلودي اتسولف ويــاها.. ومن بعد ما سيف وقف بسيارته عدال سيارة حمد..ورحبه وقعدوا فالميلس..وتقهووا وخلاف نشوا ايشوفون ترتيبات الملجه..اللي بتكون باااجر.. وقبل ما يسيرن البنــات فووق صوب خلودي.. موزة:روضه بعدج زعلانه مني.. روضه:لا خلاص بس هااي اخر مرة.. موزة:خلاص والله اخر مرة. روضه:فديييتج والله.. وخلاف نشن البنات كلهن صوب خلودي ..يتمصخرن عليييها..ويشوفن حنــاها.. . . . . . . . ياحــزن كم بيني وبينك من فروق ورغم الفروق أصبحت ياحزن مني ياحــزن نار الشوق خلت بي حروق جــروحــها باقي العــمــر عذبني بيت بو سيف.. الساعه اربع ونص العصر.. حيرة فطامي.. يـــــــــــــــــــــوم الملجـــــــــه.. تعتبر حيرة فطامي فهالوقت مقر سكني لجميع بنات العايله..بالفعل مقر سكني..موزة وشجون وفطــامي راقدات ع الشبريه..سلامي اتعدل اغراضها..غبوش تسحي شعرها..شموس ترتب شنطتها..وع الساعه خمس بيبدن يتعدلن وبيسون الميكب..أما شعورهن فبتعدلهـــا الحرمه اللي يت عسب خلوودي. نشت روضه من هالمقر السكني..وظهرت من عندهن..سارت لخلدي..ووعتها من الرقاد عسب تتسبح ..وتستعد ..لأن الحرمه"على وشك الوصول".. نزلــت تحت.اتشوف شو ترتيبات الملجــه..نزلت الصـــاله..وشافتها اتغيرت ..ولا كأنها الصاله اللي شافتها من قبل..كانوا معدلين كل شي..وتحتوي اللون الأحمر والذهبــــي.. وشات عياييز العايله كلهن اهناك..سارت سلمت عليهن..ويلست اتسولف فياهن..وخلاف نشت للمطبــخ..اتشوف البشاكير شو سون.. من حدرت المطبــخ لقــت البيتزا والفطاير والسويت..وهبتهن افصينيه عووده..وظهرت البيسبي من الــثلاجه..وحطته افينيه عووده ويا الأكواب..تمت ادورع البشاكير..ولا لقت ولا وحده..يعني لا بشاكيرهم ولا بشاكير قوم عمومتها وعموتها نورة...وبعدين عرفت انهن اكيد في خيمة الحرمــات يعدلن الفواله والحلويات والعصاير وصحون الهريس والسلطات اللي توهم يايبنها من المخابز والمطاعم..ومن سعد حظها لمحت ثنيتين من البشاكير..وسارت صوبهن وخلتهن يودن الصينيات فوق فالصاله..عسب ياكلن البنات ويرتاحن.. وسوت لسلامي تيلفون اتخبرها عن البشاكير والأكــل..من ظهــرت طــاحت عينهــا ع سيف اللي كان لابس كندورة بيظــا..وميود في يده كندورة ثــانيه لونها بيج.."ايحب هاللون تراه".. تفصيلها كويتي.. سيف من شافها..كأنه شااف الفرج.. سيف:رووضه رووضه.. روضه:نعم.. سيف:وين خواتي وما اشوف ولا وحده منهن؟؟ روضه:خواتك رقوود..بعد اشوي بنشن.. سيف:هااج كندورتيه كويــها.. روضه:شووو والبشاكير .؟؟ سيف:ما يعرفن ايكون يحرقن الكنادير .. روضه:وانته منو يكويلك..؟؟ سيف:انا اوديهن عند الدوبي..بس هااي مادري بلاها تكفست.. روضه:اطااالع..واايه السيف هاي مافيه أي شي.. سيف:لأ..طالعي هنيه تكسفت اشوي.. روضه:السيف هاه ما يبين.. سيف:لالالالا..انا ما روم البسهن ولو فيهن تكسيف اشوي.. روضه:خقااق.. سيف:ادري.. روضه:هاتها..بسوي خير فيك.. عطاها سيف الكندورة..وهو فكرها في ولد خاله..سهيل..كيف ايضيـــع هالجوهرة..ويلعب على احاسيسه..بس سرعان ما غير سيف تفكيره وتم يفكر في كندورته.. روضه:هاك بن المر .. سيف:لحظه خليني اشوف.."ويتمعن الشوف افكندورته"..لالالا..لا اتقصين عليه ..اهنه بعد فيه تكسفاات خفيف..كوي كوي.. روضه:طراار ويتشرط.. سيف:يلاااا.. روضه:مااالت .. سيف:علييج.. روضه:احمد ربك كويتلك.. سيف:غصبن عنج.. روضه:لاا والله.. سيف"يقردن":صدقيني الروض محد غيرج بيكويلي..خواتيه ما ينفعن.. نقعت الروض ضحك على اسلووب السيافي اللي يسوي عمره يااهــل..بس لازالت ما اداااانييييه..لأنه هااك اليوم تم ايذلها وراغها من سيارته.. خذ سيف كندورته وهو مستانس..يووم شافها بليا تكسيفات..ومن الصوب الثاني..روضه رااحـــت فووق..من بعد ما لمحت الحرمه اللي بتعدلهـــن .. .. .. .. .. .. .. علمتني الليالي..بعدك انته ياغالي.. أمشي بين البرايا واشعر اني لحالي.. نزلت دمع عيني..كرهتني سنيني.. بعد ما رحت عني وانكسر شي فيني.. ذاق قلبي الندامه طارلك من هيامه.. شفت وشلون حبك..خلى قلبي حمامه.. بس حمامه تحبك الا ماتت بحبك.. مثل صاحبها اللي ما يبي غير قربك.. لو غلط قلبي نومه ما يكررها توبه.. قلبي بعدك تعلم وشهو معنى الصعوبه.. قلبي ياللي بصدري صار يشهد ويدري.. أن درس ابتعادك اصعب دروس عمري.. على ألحـــان هالغنيه.. كان شعرها يغطــي على ملامح جسمهــا وهي ترقص ويا فطامي..وكانت قصتها الطويله تتمايل على اليمين..عسب ايبين ويهها الحلو..وكل ما صدت بعيونها الذبوحيــات ع اللي يالسين جدامها..قالن الحرمات"ماشالله".. بابتســامتها وصفو قلبها للكل..جذبت انظارهم.وخلتهم ايحبونها..كــانت هاذي روضه..اللي بياض قلبها وطيبته..انعكس في تصرفاتها وحلات منطوقهــا.. خلصــت الغنيــه..وسارت ويلست عدال شجون... وفطــامي يلست وياها..وخلاف نشن سلامي وموزاني يرقصن..ووياهن شموس وغبوش..كانن مدربات على هالغنيه من قبل..اييسون نفس الحركــات وفي نفس الوقــت..وكانن مسكتتات..خااصتن انهن لابسات كلهن نفس الشي.. روضه:هاه شجون شو رايــج فالملجه.. شجون:حلــوة.. روضه:فدييتج والله.. صدت روضه عن شجون..وتمت اتشجــع اللي يرقصــن..هي وفطــــامي..وفطامي كل سااعه ترفع صوت الأغاني..عسب اتزييد الربشه..شجون..تمن اعيونها معلقات في اختها..وحمدت ربها ان اتقوت علاقتها اشوي بختها..وبدون أي سابق انذار..يا في بالها خــالد..صج اتولهت عليييه..؛؛؛؛؛<<<<<ماالت عليج وعليه.. وقفت شيخــاني بثوبها الأصفــر..وكشختها المسكته..كااانت ايه فالجمــال..وكل ما خطفت الكل يطالع فيها..بالفعل جذبتهم ابلون ثوبهــا..وحلاتها..بس محد كان يرمسها..بسبة السانها الوصــخ..راحت ويلست عدال فطامي وروضه.اونهن اتشجع اللي يرقصن وتمت اتصفقلهن..ومن خلصن البنات الرقص..تمت متلصقه افسلامي وشموس..لأنهن الوحيدات اللي يعطنها ويه..خخخخ.. دقايق..واعلنوا دخول خلودي لخيمة الحرمــات..فطامي وموزة سارن فوق عسب ينزلن ويــا خلودي..وكانت ام شيخه وياهن..طبيعي ام المعرس..وام العروس ليكونو موجدات..وشيخاني بعد كانت وياهن.. أما سلامه وروضه وشجون وغبوش وشموس يلسن يترينهن ايين..وكالعاده روضه بكاميرتها الفيديوه والعاديه... دخلــت خلودي..اللي كــانت لابسه فستانها الزيتوني..وع بياضها..وع تسريحة شعرها..وع ميكبها..غااديه البنيه خباااااااااااااااااااااااااااااااااااال..دخلــت علــى كلاسيكيه وااايد رووعـــه.. ويلسن البنات يرقصن جدامها من قصعدت..وبالفعل كاانـــت الملجه واااايد حلـــوة.. ع الساعه 12ونص..ومن بعد ما تعشوا العرب..وبدوا يردون لبيوتهم..يلست خلودي ويا سلطون حبيب قلبها افميلس الحرمات االلي في الصاله..اما البنات كلهن سارن فووق..ما غير روضه اللي ما تعشت وتمت اتفكر افبطنها..وتمت اتظهر من الثلاجه ..واتحط في صينيتها.. لين ما دخــل سيف..وانصدم بوجود روضه اهنه..روضه ماتدري شاللي حــل عليها وماتت من الزيغــه..شكل سيف موول ما يطمن بخير.. روضه:السيييف..بلاها كندورتم متخيييسه دم..شووو مستوي؟؟ . . . . انتهىىى البااارت.. . . . ظنكم شو استوى افسيف؟؟ وليش كندورته متخييسه دم؟؟ ظنكم شو شعور شجون يوم اترد بيتهم ووتفج ايميلها واتشوف الرساله؟؟ وهل روضه بتواصل مسيرتها ويا شجون؟؟ ولا شجون بس هالفتره عطت روضه فيس؟؟ ظنكم هل فطامي بتخبر روضه عن سهيل وسواياه..؟؟ . . . انا فانتظار تعليقاتكم المميزة.. . . تحياتي.. . . هيمــاان |
مشكوور ع البااارت ونتريا الباارت الياااي بس لا تبطي علينا |
| الساعة الآن 08:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir