|
اقتباس:
ههههههههههههههههههههـ ابك ماادري شالسالفه كل مااعتمد الرد يفصل النت وينمسح كل شي :522: لكن بآلي طويل:121: |
اقتباس:
لا تحاتي الهموم اللي تبين وتغيب $$ ثم تصبح مثل ليلى ومجنونها يالله حيه شهالساعه المباركه ياخوي جيتني بجيش من الاسئله بس أبشر بسعدك لفندها لك واحد واحد على قولتهم واحد تلو الاخر اقتباس:
طموح وعنيد اقتباس:
الكذابين والمنافقين دم ضروسي اقتباس:
ان اللي حولي يكونون مستانسين واكثر افرح لو انا سبب وناستهم اقتباس:
الكويت السالمي (ابرق الحباري) الكويت (العبدلي) السعوديه (النعيريه) السعوديه (الصمان + الدهنه ) اقتباس:
من 15 الى 30 يوم اقتباس:
اموت قهر اخر يوم يكون لي موت بطيء لآن نطلع مع عمامي وخوالي معانا خوالي مطران وأن أجتمعنا غدة علوم والبر فيه زيادة بتواصل والترابط بصلاة الارحام عيشه على الفطره تواضع وترف هالدنيا تاركينه نقعد بينا وبين نفسنا بأجواء هالاهل ويعطينا فرح وسرور مايعلم فيه غير ربك اقتباس:
جيب نيسان سفاري وعند اخوانا الامارتيين فتك + وعندي كامري بعد اقتباس:
واجد هاهاهاهاه واخر مره من ست شهور وتكسرة رجولي الثنتين منه اقتباس:
ايه وحاولت اشل اربع مرات واعجبكم وربي الاربع مرات قلبت :) لان اشلها بس انغر يحوشني غرور اخر شي الصناعيه صلح ودفع :) اما التقحيص هذا مع حليب امي من صغر نرضعه بطفولتنا نبداها بالعابنا :) بعدين بقواري (دراجات هوائيه) بعدين بقيات (دراجات ناريه) بعدين نيوق سيارات اهلنا واخرها بكبرنا نحن لها من فتره لفتره :) اذا مانشم ريحة التواير تعطب وتحترق وتفجر وتشب نار مانرتاح اقتباس:
واجد مو خمسه ولو بذكر من الاعضاء واجد بس اخص منهم خمسه انت ماراح احسبك تعرف نفسك الاخ جراح اقوله مشاكس القسم الرجالي اقوله واحشتنا مداخلاتك واستمر على ما انت فيه موفق بنت العم قموره اقولها هالله هالله ترى ميري تنطرج بتقهويج وامي تسلم عليج الاخت الاركاويه ونعم الخوات ولها فضل علي من اكثر من سنه اقولها نكج اسود اخضر عنابي وردي بدون لون هو هو الاركاويه الطيبه واللي تساعد بدون كلل ولا ملل وربي انها مفخره لكل مكان تدخله ونعم البنات خيتو بخلي اثنين من الاعضاء والضوات ماراح اقولهم لسبب ! اذا حد زعل علي يعتبر نفسه هو الناقص وسقط سهوا اقتباس:
ماتبي نصيحه أنت ! كامل والكامل وجه ربك بس تقصر شوي مرات ولا اذا اشتهيت التواصل اتواصل وتوصل وتزيد بطيبك وكرم اخلاقك واقولك تعبتني بأسألتك :) اقتباس:
اقتباس:
بيض الله وجهك واشهد بالله رديت عليك مو كلمه كلمه بس الى حرف حرف كلهم صحيحه وربي بيحاسبني عليها + تعبتني الله يصلحك :) اقتباس:
حياك الله بس استنزفت رصيدك بالاسئله هاهاهاهه |
احم احم مرحبااني معني ماافهمت اللغه اللي رديت علي فيها خخخ ياليت ترجم لي االعربي لان في كلمات نو فهمتها .. ابيكـ تشل لنا اي شله من صوتك الشجي ؟ > اونه سمعته وابيكـ تصور لي حصاان بشرط لونه ابيض ؟ لووول وبيكـ تقولي العن موقف صار لكـ .؟ وابيكـ تعزم هل المنتداا ع العشاا خخ امزح طبعااا .؟ هع امممم شنو بعد يالجاادل خاطرج فيه اممممم ويت لو طلب منكـ ترجعااا شويه لوراا في حياتكـ شوو بتغير .؟ وبس تعبت . بس لي رجاااء وطلب اخير واهم من كل الطلبات كلهااا .........؟ انكـ تخلي شغله انت تسويهااا نشاء الله تكون فااهم قصدي اوكي دمت كماا تحب |
اقتباس:
مشاركتج رقم 21 رديا انا عليها بمشاركتي 22 قلت بما معناه تفضلي اختي أسئلي أي أسئله بخاطرج عشان اجاوبج عليها مصيبه اللي مايعرفون انقليزي اقتباس:
على العامه صعبه بس اوعدج ارسلج توقيع قيد الانشاء وانا واثق من تسمعينه راح تحطين ميوت :) بس يجهز ارسله لج وعد اقتباس:
مشاركتج اقتباس:
كل سنه اودي ابوي بروتسلافا (سلوفاكيا) علاج طبيعي السنه اللي طافت كنا على الطيران السلوفاكي والرحله 5 ساعات وانا ادخن شميت رائحة دخان من خلفي ناس تدخن وانا استحيت ادخن المهم ألتفت للي وراي قلته عادي ! قال لا هنيه مصيبه بس دخت بسرعه حنا شباب 9 نلعب على المضيف :) المهم دقائق ولا هالمضيف ينادي ويصيح منو مدخن بس بالسلوفاكي حاول شك بالشباب المهم دوخوه وراح أنا دخت قلت بدخن قمت ورحت بالطياره وراء قلت للمضيفه أنا مريض وتعبان ورايح علاج وأنا كل سنه عندكم <<<< يعني بكسر خاطرها قالت شتبي قلت بدخن عندج هنيه قالت ممنوع وهم الرشاوي ماشيه عندهم مديتلها 2000 كرونه قلت هذي لج بس بدخن قالت أعطيك مسكرات (خمور) بس ماتدخن قلت لاء رديت لقيت الشباب يدخنون توني بدخن معاهم الى المضيف جاي المهم ما تحملت قلت شباب شلون قال دش فيه حمام عزكم الله على اليسار معطل مال تبديل دخن فيه واهم شي الانذار عطه بكلينكس وانت تدخن لا تكون قريب عليه واقف اقعد على مايوصل الدخان للجهاز يكون بارد مايستشعره حريقه قلت بسيطه دشيت بللت الكلينكس ماء وحطيته على الانذار <<< هو حط ماء هم ماقالوله بلله والله توني ولعتها اول مزه جان اصب عيوني زغلله صارلي 4 ساعات مو مدخن لا جان اجر الثانيه أقسم بالله اللي لا اله غيره بالمزه الثالثه الى جرس الانذار يدق علي بالحمام صوت عالي انا قلت بس تو فيه تفجير طائرات العام بعد وتهديدات والله اقل من 20 ثانيه الى اسمع جك ججججيييييك صوت سحبت سلاح اهوووي بوليس دوبري اعرف هالكلمات سلفاميه ينادي واطلع وليه انا لا شعوريه جان اقرص لزقارق بيدي طفت من الخرعه بيدي جان يكسرون علي باب الحمام ولا 3 واحد شايب كان جنبنا عمرها جنه 60 سنه طويل وجنه محنط هذا كسر علي الباب طلع امن الطيران انا طولي 178 سم طويل اشوف نفسي جنبه قزم طلعني وكتفني على قوتي وعضلاتي ونشاطي ماقدرت اكسر بكل حيلي ايد وحده له طبعا المضيف ووياه مرأه طلعو امن الطيران سحبوني لاخر الطياره جو بيكلبجوني (كلبشات ) قلت نو وريته جوازي الكويتي والفيزا وريته جواز ابوي خاص مانفعني جواز ابوي هاهااه الجماعه ناويين جان يطلعون سبراي برشوني المضيف اخذ جواز ابوي وراح داخل للطيار الظاهر جوني الشباب الكويتيين وقالولي قول انك سكرا منتو قلتله اهوي ايم سكرا منتو دوبري وكانو يدورون الزقاره ماتو بس يدلون وينها انا من الخرعه مو طفيتها بيدي حاطها بدلاغي (الجوارب ) يعني انا سكران على الاخر اوكي امانه قبل رشة السبراي علي بيكلبشوني قامت المضيفت دقت على الطيار كون القوانين وكل شي بيده قاله الكويتي قاومنا ومعاه ناس قال هدو اللعب الظاهر قالت المضيفه للشرطه المكلفين بحماية الطائره لا ترشون وخلوه خلوني طبعا كانو مفتشيني والشيبه رافعني معلقني البنت مشت على كل جسمي تفتيش اي حديده فوق ولاعه شالتهم مني ووصل اللي اخذ الجواز المضيف كلم رفيجته المضيفه وبعدين قال للشركه لا ترشون خلوه ردولي اغراضي ومشيت انا هنيه قمت اخز الشيبه اللي زخني ورفعني من فوق لتحت منبهر من نشاطه وقوته رحت قعدت على الكرسي وصرت مثل المسمار متحنط من الخرعه الشباب قالو ابوك جوازه خاص بس مو دبلماسي واكيد بالمطار بيسحبونك والله جتني المضيفه قالت ابوك المريض مو انت قلت ايه :) قالت ابوك جواز خاص وانت تجذب قلت لها انا مادري عن التدخين ممنوع ايم سكرا منتو ضحكت قالت يوم قلتلك اشربك قلت ماشرب خمر خل الجذب عنك طبعا قالت عطني 5 الاف كرونا وافكك من غرامه 2 الفين دولار مايعادل 9 الاف درهم قلت مو مشكله قالت لا تنزل مع أبوك أنزل بروحك وطلع قبل أبوك ولا تروح من الباب الامامي الشرطه هناك ينطرونك فيها سجن + غرامه 2 الفين دولار روح من الباب الخافي وطلع على طول فعلا نزلت خليت اخوي عند ابوي وبدلت جاكيتي مع واحد من الشباب واول ماطبت الطياره نزلت كان معاي خط سلوفاكي وكلمت المترجم هناك مصري قال كمل سيده اطلع انا عند الجمارك بس تطوف الجوازات قضيتك تسقط بس ان مسكوك يطبقون عليك الحكم لان يبون دليل قالي مسكو الزقاره عندهم ؟ قلت لا لان طفيتها بيدي ومن الخرعه قطيتها بجوتيي عزكم الله قال أنزل ونزلت نفس ماقالت المضيفه من ورى وعلى طول للصاله القادمون وسيده ختمت قال عندك جناط قلت لاء ختملي وطلعت :) مسكني المترجم وقالي خلك بره وهنيه افتكيت من سجنهم :) لو على الغرامه مو مشكله بس سجن الله لا يقوله هاهاهاهاه هالموقف ما انساه بحياتي اقتباس:
حاضر فتحي البوك مالج وعطيني الفلوس اللي فيه :) امممم شنو بعد يالجاادل خاطرج فيه اممممم ويت اقتباس:
اغير المرحله الثانويه اللي فشلت فيها من شطانتي واهمالي وربع السوء مازلت اعظ اديني ندم من هالمرحله خربت جان اعدل وياها شغلات واجد اقتباس:
اهلي عودوني اتشكر لو مائة مره وامدح من استحق :) غيرها ماراح اسوي محد قالكم تصيرون طيبين دمت كماا تحب وياج وكل مسلم ان شاء الله |
السلام عليكم تدري والله حالتي النفسية في هاللحظة هاي مول مب شي :14: قريت شوي وكنت باظهر بس رديت لانه ما قدرت.. قلت في خاطري مش حلوة في حق حد ساعدني وفزعني البارحة وما قصر معايه ما بكثر اسئلة : عمرك مريت بإحساس اسمه "هزيمة المشاعر"؟ إذا هيه أو لاء.. تقدر تتخيل شو يعني أو تعرفه؟؟ كيف تغلب لحظات ضعفك أمام ناس حبيتهم وعزيتهم وهم أرخصوا بك جدام العربان كلها؟؟ هل تسامحهم وأو تكرههم أو تحاول تمحيهم من حياتك؟؟ : السموحة وتقبل مرور السريع |
| الساعة الآن 06:14 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir