|
الجزء 19 بحضر زفافكـ ياحياتي .. بحضر زفاف الي هويته وبرزف عشانك لاتحاتي.. وبعطيك كل الي بغيته بهديك دمعي وعبراتي .. والهم اللي فيني رميته بحضر ولو بعرسك مماتي.. شايل معي قلب نسيته واجمل قديم الذكريات.. والظيم اللي منك خذيته وبذكر ليالي الماضيات.. كنت الوليف اللي اهتويته كنت الذي لجله اباتي.. ساهر ونومي ما هتنيته بهديك في ليله وفاتي.. حلم الليالي لي طويته واعطيك من قلبي امنياتي.. تلقى الهنا بدرب مشيته وتعيش في راحه وسباتي.. ويا الذي عقبي لقيته بحضر زفافك يا حياتي. بحضر زفاف اللي هويته حارب: حبيتي شيلي شيلتج ابا اشووفج ريم :...... حارب : ريم ريم : نعم حارب: اتصيحين ؟؟؟؟ ريم : لاء حارب غوز الشيله من ع ويهي حارب: ليش اتصيحين ياربي شو اقوووله ... اقووله اني شفت مايد وهو اصلا ما يداني مايد ولا يواطنه بعيشه الله ليش محد (ن) يدري حارب: ريييييم ريم : ليش امك جي تحرجني جدااااام الكل حارب : اللحين انتي اتصيحين عشان هذا ريم : هييييه حارب : خلاص حبيبتي ماله دااااااااااااااااااااااعي ريم : كيف ماله داعي انا مب ياهل عندها حارب : خلاص عاد انا برمسها اليوم وطااافت الاسبووعين ويت ليله قبل الملجه وكنت نايمه ع السرير وكنت افكر حياتي كيف بتمشي ويات خالتي وحارب وهند والمشاكل وكل يوم المصايب شفت مبايلي يرن كانت روضة (روضه ربيعيتي وعندها اخت اسمها عنود ةعمرها 15 سنه واخوها اسمه ذياب 24 سنه وناصر 23 سنه ) روضه بنت طيوووبه وااايد كتكووته بس تتنزفز بسرعه هي ضعيفه وااايد بس جسمها حلو و عيونها ناعستين اشوي بس حلو عليها واااايد كتكووته ربيعت وفا رووح برووح دووم اتسير بيتهم اتبات هناك حق اسابيع وفا (بعد ربيعيتينا عندها اخت اسمها دانه ربيعت عنود اخت رووضه واخوها غيث 23 سنه ربيع اخو روضه ذياب واخوها علي 20 سنه ربيع ناصر ) ريم : هلا ولله روضه : اهلين .. اشحالج ريم : والله تمام وانتي اشحالج روضه : الحمدالله ها شو بارج عرسج كل شي متجهز ريم : يس يس يلا اباج ترقصيلي هندي روضه: ان شاء الله من عيووني ريم : تسلميلي عيونج حبيبتي روضه: اقول انتي منو عازمه ؟ ريم : انا عازمه الله يسلمج انتي واختج وفا واختها مشاعل آيه وداد واختها ود شيما واختها عاليا مريم واختها حصه لانها ربيعت شيوم روح برووح روضه : اها يعني بس بنات ريم : هيه وامي بتعزم ربيعاتها وسولف روضه : يعني بيكون زحمه من الخاطر ريم : هيه عشان هذا وااايد خااايفه روضه : لا تخافين خلج قويه ريم : ان شاء الله يوم بتكونين مكاني بتعرفين روضه : وااااي يا ريم لا تقولين جي ريم : والله انج طايحه في هواااه طيحه وياليت بس هو يدري عنج روضه : هيه والله بس هذا عذاااااااااااب احبه احبه احبه ريم : يا سلااااام عليج ليش ما تقولين حق اختها وانتي دووم تتطلعين وياها روضه : حرام عليج يا ريموووو ما ارووم جدامه اكون مزيونه بس قلبي يرتجف يوم اجوووف والمشكله هو ما يعبرني ريم : والله يا روضي قولي حق وفي انج اتحبين اخوها علي روضه : ما روووم ... كم مره حاولت اقلها بس قلبي يرتجف واحس انه بغمى علي ريم : ياروووضه ها زواااج فكري عدل متأكده انج اتحبين علي روضه : هيه احبه ... ولا تقولين صاع وما دري شو خلاص قلبي اختاره انا احبه وانتهى الموضوع ريم : بلااج انا ما قلت شي انا بعد باخذ واحد كان عنده سوالف بس انتي غيريه انتي غريه بمحبتج له فلا تخافين ولا تحاتين ولو تبين انا بقلها روضه : لاااااااااء شو تقوليلها اخاف بعدين اتقول اني ارابعها عشان اخوها ولا تاخذ فكره مب حلوه في حقي ريم : بس يا رووضه انتوا اقرب من خوات كيف جي تفكرين وكيف هي بتفكر جي ها بس توهمات انا بعد اسبوووع بسألها و بجس نبضها روضه : ريم دخيلج لا توهقيني ريم : خلي يعرف انج اتحبينه روضه : والله ماعرف خليني افكر دخيلج ريم : بنطر اسبوووع وشووف روضه : اوكي تم تعالي انا اخرتج يلا ارقدي ريم : هههههه لا عادي بس انتي ديري بالج عدل من عمرج روضه : ان شاء الله حبيبتي وانتي بعد ريم : تامرين امر روضه : يلا فديتج تيك كير مع السلامه ريم : مع السلامه ربي يحفظج وبندت رووضه وتميت افكر فيها هي تحب واااحد مووت وهذا ما يدري عنها ولا يدري بهواها.... قطع حبل افكاري مسج يوم فتحه نزلت دمعتي بدون مااحس (( ودي اقلج الف مبروك لكن ما اقدر اقووولها لانج لي وحدي ومب لغيري سعيت في رضاااج وااايد لكسبته ومستحيل يجي شخص وياخذ الي بنيته طووووول السنين )) آآآآآآآآآآآآآآآآآآآآآآآآآآآه يا ماااااايد لا تجرح قلبي حرااام عليييييييك طرش مسج ثاني (( على فكره باجر فليل بنسافر في نفس الطياره ونفس البلاد فلا تخافين مستحيل تبتعدين عني دامني حي وقلبي ينبض )) مستحيل هو بيسافر امريكا شو يسوي معقوله بيكمل دراسته آآآآآآآآآآآآآآآآآآآآآه والله اح.... لا يا ريم كيف اتخونين ريلج ... بس احبه حب ما حبيت حد مثله ودي اسمع صوووته قبل ما اكوون على ذمه حد ثاااني وما مر دقايق الا وهو يتصل ارد ؟؟؟ ولا لاء مستحيل اكيف ارد عليه ؟؟؟ شو بيقول عني ؟؟؟ لا عيب ! بس انا احبه وودي اسمع صووته قبل لا اروووح ؟؟ مايد : الو ريم : .... مايد : ريم ريم بدت اتصيح : ...... مايد : والله محد يستاهل ها الدموووع ريم : ....... مايد : ريم حبيبتي لا تصيحين دامني حي ما با اشوووفج اتصيحين ريم في خاطرها كيف يقلي حبيبتي معقوله يحبني اللحين مايد : يلا عاد ريم سمعيني صووتج يلا ابا اسمعه وابا اسمع صوت ضحكتج يلا سمعيني ريم : ..... مايد : ريم لو م تبين اترمسيني خلاص بسكر ريم : بصوووت خاااافت : لا لاتسكر مايد : هههههه اصلا ما كنت بسكر التلفوون قبل ما اسمع صوتج يلا حبيبتي لا تحاتين ولا تزعلين اقول دريتي اني بكون وياج في المطار والطياره ولا في نفس الفندق الي حارب بيسكنه ريم : ليش انا وين بعيش مب ويا مايد : لاء انتي بتعيشين وياي انا بس حتى لو كتبتي كتابج بس بتظلين وياي يا حبيبتي ريم : ...... مايد : يلا سيري ارقدي بتتعبين باجر بس ماسمعت صوت ضحكتج ريم : باي مايد : باي ؟؟؟ ها شو بعد ريم : شو تباني اقلك مايد : الله وياك يا قلبي ولا خلاص حد غير سكن في قلبج وتركتيني ريم بدت اتصييح : حرااام عليك ليش جي اتسوي فيني مايد : هههههه فديتج بس حبيت اسمع صوتج بوضوح فقررت اني اصيحج عشان اتصرخين ههه يلا حبيبتي تصبحين ع خير يا رب ريم : وانت من اهله مايد : انزين ابا اشلج قبل ما اتسكرين شو رايج ريم : اوكي عادي مايد : حان موعد سفرهم .. ويل حالي بلاهم.. يعل ربي يحفظهم.. لي في قلبي غلاهم.. كيف ابسلى عقبهم.. كيف بنسى هواهم.. كيف البي لزقرهم.. دون مسمع نداهم.. لا خلاوه محلهم.. لي بهيلس وياهم.. وين دوسة جدمهم.. وقت ولحظة لقاهم.. وين بلقى مثلهم.. لي شرى الماي صفاهم.. والله اني احبهم.. مااتحمل جفاهم.. والسواااااالم صوووته كان يجنن كان يذوبني ريم : صح السانك ودمعت عيني مع السلامه مايد : هههههه لا تخافين قلتلج دتمني حي لا تخافين مع السلامه وسكر التلفوون شفت الساعهكانت الساعه 5 قلت بنطر اشوي بيأذن الصبح بصلي وبنام اذن الصبح صليت ورقدت الساعه 7ونص شفت وحده عند راسي يوم بطلت عيوني ...: يلا قومي بس رقاد بتتعبين بعدين ريم اتبطل عيونها بكسل : خالتي امل كنت حاطه مبايلي ع طرف الشبريه كانت تبا تاخذه بس خذيت قبل ما تاخذه فطالعتني بنظرات احتقااار بس ما اهتميت لها سرت سرت الحمام وخذيت مبايلي وتميت امسح كل المسجات ومكالمات وغيرت اسم مايد من حبي الي مايد وسرت غيرت ملابسي وشفتها بعدها يالسه خالتي امل : دريتي انه مايد بيسافر وياكم يكمل دراسته ريم فدييييييييييته والله عسى الله يعنيه يارب : لاء خالتي امل : هيه سار يكمل دراسته ولا بيسكن في نفس الفندق ريم : هيه زين يكمل دراسته برع خالتي امل : اوووووووووف يلا انا بسير تحت ريم : برااايج خالتي قبل ما تظهر ريم : خالتي انا اليوم فليل بسافر خالتي امل: هيه ادري ريم : انتي اعرفيني شو اقصد صح خالتي امل: هيه الشيكات ريم : هيه الشيكات بس دخيلج كلهم خالتي امل: من عيوني داخل شنطتني اول ما توقعين بحطهم في ايدج ريم في خاطرها عيونج ما بيها ابي الشيكات : تسلملي عيونج خالتي امل : تبين شي ثاني يا مرت ولدي ريم : لا ثاانكس زلت تحت خالتي تيلس ويا امي بعدين ربيعاتي وشيوم ومريوم كلهم يو فووووق في حجرتي وانا اخوي ما كان يدري ان ربيعاتي فووووق دق الباب هو جي دووم يتمضخر ويا وينزل القفل عاد ع حضه مشاعل كانت يالسه مقابل الباب بدوون شيله وكل البنات مشغوله بشي شهاب : ري......... ووقف جنه مصطن ريم شافته بس سوت عمرها ما انتبهت مشاعل : اتطاااالعه ومره وحده نزلت عيووونها وشهاب انتبه وطلع برع وسكر الباب ومره وحده كلنا ضحكنا ع شكل مشاعل مشاعل : واااااي يا فضيحتي شو ها لا مستحيل شيوم : مبروووك كمنج العيال ومنه المال وداد : واخيرا بتاخذينه ولا اتشوفون بعض بعد وانتي لا شيله ولا شيات بخبر عليج امايه (وداد تستوي بنت خالت مشاعل ) مشاعل : وانا شوز سووووويت ان شاء الله هو دخل وداد : لاء لاء انتي دووم تطرينه ههه مشاعل : ودااااااااااااد (اونها معصبه ) ريم : لااااا مشكووره وداد ع الخدمه الجليلله مشاعل : عن السخااافه والله حرام انا شو يخصني ريم : والله كبرنا اون كل وحده تحب واحد و تطالع روضه وشيوووم شيوم: موتي حسره احبه وفديت التراب الي يمشي عليه ريم : وي وي وي وي وي وينه بس يسمع شو تقولين شيوم : فديت روووحه شفته برع شكلهم بعد مره بيطقمون الا ريلج مشاعل : اللحين ما استوى ريلها روضه : ليكون حاطه عينج عليه وفا : لا خلاص عندها شهاب حق شو عوار الراس ريم : صح السانج وفي كلنا كنا انسولف عادي وتمينا نضحك ويت مالت الصالون ويوم مالت الصالون كانت اتمكيج ربيعاتي كنت افكر امس موووول حارب ما اتصل ولا سأل اخر مره كلمته كان يوم حفله سيف ليش يجفيني والله اني احسه يلعب علي بس لو يلعب علي والله اني برووح فيها ويت الحرمه الي بتسوي شعري وميك آبي وكلهن ظهرن برع يت هندو هندو : هلا ريم : اهلين هندو : طالعه حلوه اليوم ريم : مشكووره عيونج الاحلى هندو : جاهزه ريم : هيه ويت شيوم ومشاعل وباقي الشله بس مريوم كانت ما سكتني يوم دخلت على الحريم وكلهن يطالعوني كنت احس ان بيطيييح قلبي ومادري كيف وصلت ع الكوشه الي كانوا مسويلي بقلكم شو كنت لابسه كنت لابسه فستان احمر مب ابيض ومن فوق كله كرستال لين تحت بس من فوق وااااايد بعدين كل ما ينزل يخف والكرستال كان ذهبي بس ثيابي كان وااايد فخم يعني ما كنت اقدر البسه مكان ثاااني الا لو تكووون مناااااااسبه عوووووده من الخاطر المهم بعد 5 دقايق سو درب حق اخوي شهاب عشان ايب ورقه عشان اوقع عليها ويوم شفت الورقه كنت ماسكه القلم تمييييييييييت ارتجف وماكنت اقدر اوقع يوم رفعت راسي شفت خالتي ميره ودموع في عيونها بس ماقالت شي وشفت خالتي امل وربيعاتي كلهن ينطروني اني اوقع كنت ادور ع امي يت امي وشفت فطووم الدمووع في عيونها لانها كانت تدري اني احب مايد يت عند ايدي ورصت عليه فطوم : ريم وقعي بس خلاص دخيلج لا تفضحينا ريم : ..... حاولت اوقع بس ماكنت اقدر بس ع اخر شي وقعت وانا دمووع في عيني بعد ما وقعت يو كلهن يسلمن علي ويم خالتي ميره يت تم تحضني وتصيح وصراحه كن ابادلها نفس الشعووور وتميت اصيح واصيح شيوم : بتخربين ميك آبج يا غبيه ريم : ما روووم شيوم : يلا دوري ويو وسلموا علي ويت خالت امل ويالتها مايت يت حطت ورقه في ايدي ريم : شو ها خالوا خالتي امل : ها الشيك ريم : بس انتي كنتي اتقولين شيكات خالتي امل : بنتفاهم بعدين ريم : والله اني عرفت انج بتقصين علي خالتي امل : خلاص اللحين عن الفضايح الله يخليج ريم : اللحين الله يخليني وينج يوم تستفزيني صج انج خالتي امل : دخيلج ياريم وطي صوتج ريم : طبعا يايه عندي يوم الناس ساروا ياكلون خالتي امل : خلاص ياريم وسارت عني آآآآآآآآآآه ياعالم والله حرام الي يستويلي ليش طول الوقت اتقلي شيكات وشيكات ومب يايبتلي غير شيك و32 الف ياااااااااه يا ماايد تعال شوووف شو صابني والله حراااام وبعد اشوي قالوا المعرس بيدخل دخل حارب ويه عشان يلبسني الطقم والدبله ودخل ولبسني وبعدين ابوي وشهاب سلموا علي واااااي فديتك يا شهاب شهاب : الف مبروووك فديتج ريم : الله يبارك فيك ويلا عروووستك يالسه عندي امي بعد شو تبا شهاب : قولي والله ريم : والله سير اونك تبا اتسلم ع امي شو فها شهاب : عن المنكر هع هع هع ريم : والله ضحكتك ضحكت خبث شهاب : انا؟؟؟؟ حرام عليج ورفع حواجبه ريم : من رفعت حواجبك اتبين شهاب : هههههه بعدين ابوي يه وسلم علي واااااا فديته ابوي ابوي : الف الف الف مبروووك فديتج تستاهل كل خير حبيبتي ريم : الله يبارك فيك وبعديت تمينا ساكتين وكنت يالسه افكر معقوله من دخل ما نطق ولا كلمه وحتى مبرووك ما قالي بلاه هذا شو الي غيره علي وبعد اشوي حارب : الف الف الف مبروووك غناتي ريم : الله يبارك فيك حارب : اسمحيلي ما قلتلج اول شي لاني كنت مستحي من ابوج الصراحه ريم : لا عاادي كلهن يو سلموا علي بعدين وانا يالسه اشوف كلهن وشفت منصور كيف كان يطالع فطوم وفطوم نفس الشي صراحه يتني ضحكه بس مسكت عمري عاد تعالوا شوفوا كيف اخوي يلعوز مشاعل اخوي اونه يبا يسلم ع امي وهو يطالع مشاعل عما عيونه اطيح اللحين بس وخلاص تمينا يالسين لاحظت شي غريييييييب واااايد انه مريوم ربيعتنا كانت اطالع البنات بنظرات مب حلوه يعني مب نظرات انه بنت اطالع بنت مادري كيف يعني بس ما قلتلها شي سكت وبدوا المعازيم اشوي اشوي يخفووون عاد يوم خفوا المعازيم دخل سيف ومايد عاد شيوم اول ما شافت سيف شفتها فزت من مكانها سيف : انا اقول البقعه منوره اظاهر انتي هني شيوم : اووووب اووب اوووب شو سالفتك اليوم قول شو تبا سيف : ولا شي بس احبج في الله شيوم : لااااااا لعبتك مكشوووفه سيف: حرام عليج شو في البراااائه شيوم : سيفوووووووو بتقول ولا شو سيف : يمدحوونج في البحوثااااااااات شيوم : هيه سيف: عيل بحوثاتي عليج شيوم : تم بس مب ببلاش سيف : شو تبين يعني شيوم : هذا بنتفاهم عليه بعدين ههههههه سيف: هههههههه اوكي طبعا سيف كان لابس كندوره بس مايد لاء كتن لابس قميص وبنطلون حارب : انا بسير ايب شنطتي في البيت خالتي امل : انا بعد بي وياك هند : انا بعد طبعا من ساعه ما عطتني الشيك كلهن لاحظوا سكوووتها بس الناس ما شافوا الشيك طبعا حارب سار وانا سرت ابدل ملابسي فوق وانا يالسه اغير ملابسي سمعت صوت مايد يشل أبد .. ما جيت ابارك ولكن جيـت باوصّيـك على الله ناوي ٍ تدخل بهـا الليلـه .. مُعذّبْتـي ترى لولا الظروف اللي عطتْك وحدّت محاكيك قسم بالله ما تدخل عليهـا لـو علـى رْقبْتـي ولكنّ النصيب اقوى ولا ادري ويش اسوّي فيك نعم .. صارت معزّبتك .. ولا صارت معزّبْتي كذا شاءت بنا الأقدار تحرمني لجـل تعطيـك كذا لازم عشان تفوز إنت .. أخسر بتجربْتـي تراها غاليه جـداً .. وتكفـى .. والله يخليـك تـدللها .. تدلعهـا .. تنسّيـهـا مصاحبْـتـي أنا من كثر ما اغليها أحس اني بديـت اغليـك ولا تسـأل بأيّـة حـق ولا ّ وش مناسبْـتـي لإنك لو بتسألني بتسمع شـيء مـا يرضيـك لذا ياخـوي لا تسـأل ولا تسمـع لأجوبْتـي أبيك تحطها في داخل عيونـك وبيـن ايديـك وهي دلوعه اعتـادت علـى كثـرة مداعبْتـي فداعبها شوي شـوي حتـى تشتهـي طاريـك وشاغبها إلين تقـول لـك: بطّـل مشاغبْتـي واذا هي مالها خلقك..ولا تضحك ولا تسلّيـك تحمّلها وإسألهـا: يـا عمـري ليـه عصّبْتـي وبالك اسمع انّك يوم تضربها وهـي تشكيـك ما يحتاج اورّي لك بفـن الضـرب موهبْتـي صحيح انك بتملكها ومعـك الصـك بالتمليـك وانا عارف حدود الله ومـن حقـك معاقبْتـي ولكن قلّها المجنـون وصّانـي وهـو يعنيـك يقول انّـه بينتظـرك ولـو شيّـب وشيّبْتـي وانا مجنونها نساها وانت مـا يمديـك تغطّي ذكرياتي في هواها.. وربْـع تجربْتـي أحس اني تماديت بكلامي.. والغضب حاديـك ولو انّك في مكاني ما تفكّـر فـي محاسبْتـي كفاك اني تركت الليله اشغالي عشـان اجيـك دخلت البيت برجلي ولا ادري ويش عاقبْتـي وانا ما جيت اخرّب عرسك الليلـه ولا أذّيـك أنا جيتك عشان اخاطبـك واسمـع مخاطبْتـي توصّى..وانتبه..واحرص عليهـا والله يهنّيـك ترى كل الكلام اللي طلَع من ضيقـيَ وكبْتـي ولكن ما قدرت انّي أقوله وانـت مـا يخفيـك أخاف انّـي إذا قلتـه تقـوم وتقطـع رْقبْتـي ريم في خاطرها هذا يالس يشل حق منو والله لسمعوا لا نرووح فيها هذا تخبل ولا شو ريم : بسير غرفه شهاب ايب الكريم وااايد احسنلي ريم وهي سايره طبعا نست تلبس الشيله ريم في خاطرها بوايهه تحت اشوووفه ويا منو يالس وياه ريم شافت محد تحت وحتى امها في غرفتها ريم : اعوذ بالله من الشيطان الرجيم ليكون يتراوالي صوته خلني ايب الكريم وااايد ابركلي ويوم دشيت غرفه شهاب ما شفت حد دخلت داخل انتوا اتخيلوا شكلي ميك آب وشعري كله روولات وحاله .... : احم احم ريم : صدت صوب الصوت وشافت مااايد يالس ع شبريه شهاب وشهاب هو يالس يتسبح ريم : على طول طلعت برع بس من طول الوقت مايد ما شل عينه منها يعني هي كانت اشوي وبتمووت مستحيل كل ها الي يصيرلها معقوله مايد يشوفها وهي بكل جمالها يعني لابسه ومتكشخه مستحيل مايد يشوفني جي ..... سرت غيرت ملابسي بس ما مسحت ميك آبي خففته اشوي ولبست جنيز ومن صوووب كله سلاسل ذهبي شغل مرتب ولبست بودي ذهبي صوب ايد دنتيل ولبست عباتي بعد كان عليه كله شغل ذهبي..... وطلعت ومن الحجره عشان اسلم ع امي وابوي سرت صوب حجرتهم وشفتهم يالسين وسرت سلمت ع امي واتعرفون نصايح الامهات وسلمت ع ابوي وعطيته الشيك ابوي :انتي من وين يايه ها الشيك ريم : ها الشيك من زمان خالتي عطتني عشان اعطيك وانا انسى عاد اليوم قلت اعطيك ابوي: متاكده من الكلام الي تقولينه ريم : ابوووي شو يعني بجذب عليك ها حارب يتصل يلا باي وانا نازله قلت بسير اسلم ع شهاب وانا سايره صوب غرفه شهاب شفت مايد طالع من الغرفه ويا شهاب ريم : يلا شهاب مع السلامه شهاب : مع السلامه فديتج ....اول مره اشوف شهاب يحضنني بالقوه شهاب : ما اوصيج ديري بالج عدل ع عمرج ما وصيج واول ما وصلتي اتصلي ريم : ان شاء الله وانا نازله نزل وياي مايد وسرنا مطار انا ويا حارب وشهاب وصلنا وهو في سياره سيف وصلنا مطار و دخلنا في الطياره انا كنت يالسه وحارب عندي وهو كان يالس وااايد جدام يعني ما كنت اقدر اشوفه وانا يالسه عند حارب وطبعا هو طوول الوقت كان يقلي اتغشي واتغشي ونحن يالسين حطيت راسي ع جتفه فطالعني وابتسم فمسك ايدي بالقو ورض عليه بعد ما وصلنا امريكا وسرنا واشنطن وكان الجو خباااااااااااااال وصلنا الفندق ويعني على حظنا مايد في نفس الطااابق بعد نحن سرنا الغرفه يوم وصلنا كان فليل حارب : حبيبتي ريم : نعم حارب : يبتسم ابتسامه خبث ريم : حاااارب اتخرع تراك (دلع ) حارب : بسير اتسبح سنعود بعد قليل ريم : انزين يلا سير حارب دخل يتسبح و انا سرت اطلع ثيابي من الشنطه حجارب اول ما طلع من الحمام يه صوبي ومسكني من خصري حارب : احبج موووت ريم احمرت واايد ونزلت راسها حارب : فديت الي تستحي انا والله ريم : بدلع حاااارب حارب : عيون حارب قلبه ورووحه امري انتي بس ريم : ممكن اسير ابدل ملابسي حارب : بس من دوون تاخير ريم : ان شاء الله حارب :يلا حبي انطرج ريم : انزين انت ارقد ههه حارب : ههههههه ضحكتيني يلا ترى والله .... ريم : انزين انزين |
الجزء 20 ذقت جور السنين وذقت ظلم الزمـاني = قاسيه دنيتي والله وبالحيل مـــرّه وأحسب ماعد يجيـني كثر ماكان جاني = وأثر ماجاء قليل وخلفه أكثر يجـره ظلم دنياي مرّ ، وجور دهري حـداني = لكن ظلم الحبيب يفوق مليون مـره آآآه يا دنيتي وشلون مالك أمـــاني = بحر حزن وكأبه عقب قطرة مسـره!! هو صحيح إن دهري في صميمي كواني = لكن أرجـع وأقول الدهـر لله دره لجل يومه ظلمني ماحرمني الأمــاني = بل بقي لي مخاويني بخيره وشـره وأما خلّي فيوم إنه ظلمني رمـــاني = أغرقني خوف بحره وأبتعد أمن بـره آآآه ياليت يوم إنه بهجـــره نـواني = كان قفّى وراح بدون ظلم ومضــره دشيت الحمام وسرت اتسبحت وغسلت شعري لان كان عليه اسبري وطلعت برع كنت لابسه قميص قصير شفاف ع احمر كت و عليه مثل قميص طويل وسيع ياااي عليه وتنوووره قصيره تحت القميص الطويل >>> صرااحه واايد شرحولي بس ما فمهت شي فكتبت المهم يعني جسمها يبين واايد طلعت من الحمام شفت سكوووووت اول ماطلعت برع شفته راقد سرت وايهته حارب : خخخ ريم : مب راقد حارب : شو مينون انا ارقد ههه ريم ابسرعه ابتعدت عنه وعلى حظها كان يدار وراااها حارب : انتي ما تخافين ربج اقربي ريم : حراام عليك قرييبه حارب : اقربي اكثر ريم خاايفه: ها قربت حارب : لحظه انا حراااااااااان وفصخ قميصه ريم : ابتسمت حارب : ليش خااايفه ما باكلج انا ريلج اللحين ريم :...... حارب قرب ويه من ويه ريم اكثر وباسها ع خدها وشلها وطيحها على الشبريه حارب : يلا عقي ها القميص الطويل ريم : ريم بس اتطالعه فحارب سكر الليت وبعد 5 دقااايق حارب : لا وانا اتحراااج شريفه مكه وشو يقولووون عني راعي البنات ريم : جب انزين وعن الغلط حارب صفعها بالقو اقوى ما عنده ريم : تم التصيييييح حارب : ياخااايسه يا ...... صج اهلج ما عرفوا يربووونج كنت تطلعين ويا منو ريم : جبببببببببببب عمري ما طلعت ويا حد ياخسييس حارب : هه انا خسيييس عيل انتي شو .؟ ريم : انا اشرف عنك حارب : انا براااويج من اشرف ومسك شعرها وكان يبا يطلعها برع ريم : حرااام عليك حارب : والله ما يخصني انا ما اباااااااااج ريم : ياخااايس بلبس شي حارب سار وياب قميص الشفاف الطويل وفر عليها وهي ما تعرف شو تسوي وهي يعني ملابسه مب مستوووره ابد وبلاد غريب فأغمى عليها يوم قامت شافت في واااحد عندها وماسك ايدها بالقو يوم طالعته شافت مــــــــــايـــد ريم : بلعت ريجها : مايد مايد : يعلني فداااااااااج ريم بدت اتصيييييح مايد : ليش اتصيح خلي يولي ريم كانت وااايد مستحيه هي تتحرى انها لابسه الي كانت لابستنه يوم طاحت بس شاافت مايد املبسها جلابيتها ريم في خاطرها من وين ياب ها الجلابيه حاولت التقوم لان مايد سار ايبلها شي تاكله اول ما قامت شافت كل اغراااصها هيه مايد كان لابس تي شيرت اسووود ومكتوووب عليه بالفضي وبرمووده جيينز كان طالع خباااال مايد : ارقدي لا تيلسين ريم : لا عادي مايد : لا مب عادي ارقدي بتتعبين ريم بدت اتصيح مايد : شوفييييييج ليش اتصيحين ريم : شفت شو سوا فيييييييييني مايد يه وضمها لصدره : حبيبتي ما ابغي ادري ريم : كيف شفتني مايد : انا كنت متضااايج وقلت بطلع اشوي برع وانا طالع شفتج طايحه برع عند الباب فشليتج ودقيت على تلفووون حارب فسكت ريم : كمل شو قالك مايد : ولا شي يلا كلي انتي ريم : الله يخليك قول مايد : ولا شي قالي خذها حقك انا ماباها وفتح الباب وعطني اغراااضج والحقير قالي السالفه ريم : بددددددددددددت اتصيييييييييييح واتصييييح مايد : حبيتي لو اتي واثقه من عمرج ليش اتصيحين ريم : ليش جي يسوي فيني مايد الله يخليك ودني المستشفى مايد : هاااا ؟ ليش ريم : شو ليكون انتي بعد اتشك فيني مايد : اشك في الدنيا كلها ولا اشك في اغلى من سكن ذاتي ... يلا كلي اكلج انا بسير اتسبح وبوديج المستشفى وبعدين يصير خير ريم : مايد ابا اتصل في امي مايد : لاااء ماله داعي انا قلتلهم اني شفتكم الصبح طالعين ريم : ليش ؟؟ ابا اتصل الله يخليك مايد : بعدين بيحااتزونج زياجه وانتي اتعرفين ابووج ما يستحمل الضغظ ريم : ذكرتني حتى الشيك ما عطيته مايد : اي شيك وريم قالت السالفه من اولها لين اخره لمايد مايد : يوم اقلج ها حقيره ونذله ما صدقتيني ريم : وانا شو دراني مايد : المهم يلا انا بسير اتسبح ودخل مايد يتسبح وي مايد نسه ثيابه ع السرير وبعد ربع الساعه ريم : مايد تبا ثيابك ؟ مايد : هيه بس كان محطوط قميصه وبنطلون خذيته وعطيته بس بعد م طلع شكله كان عذااااااااااااااااااااااااب كان لابس تي شرت اشوي راص عليه وبنطلون جينز وانا سرت اتسبحت وبدلت ملابسي ع السريييييع ونحن طالعين شفنا حارب كان سكران طايح عند باب غرفته بس مايد ما علق وانا ما قلت شي يوم وصلنا المستشفى ودخلت عند الدكتوره والدكتوره طلعت لبنانيه وكانت وااايد حبوبه الدكتوره : شو فيكِ حبيبتي ريم : دكتوره انا متأكده اني عذراء بس ريلي يكون لاء الدكتوره : شوفي حبيبتي في كتير من انواع الغشاء البكره في مطاطي وفي غيره انا بشخص عليكِ وبألك ريم : ان شاء الله والدكتوره شخصت علي وطبعا مايد كان طول ها الوقت برع الدكتوره تتحرى مايد ريلي الدكتوره طلعت برع وانا برووحي في الحجره بعد ثواني يت الدكتوره وحسيت ويها محمر ريم : خير دكتوره الدكتوره : الي برع مش زوجك ريم : لاء ولد خالوتي الدكتوره : سوري بس فكرتوا زوجك ورحت وألتلووو كل شي بعدين ألي انوه مش زوجك ريم : لا عادي دكتوره بس خير شو طلع الدكتوره : انتي الغشاء بتااعك مطااطي وانتي عذراء وما فيكِ شي ولا تخافي ريم : مشكووره حبيبتي بس ممكن الورقه الي تثبت ها الشي الدكتوره : أي اكييييد ليش لاء وخذيت الورقه ويوم طلعت شفت مايد يبتسم مايد : قلتلج بس ما صدقتي ريم : انا كنت متأكده بس حبيت اثبتله ها الشي ردينا الفندق خذيت الورقه وكتبت عليه للصبر آخــــــــــــر للصبر آخر خلاص عافك الخاطر حاولت اسامح ولكن ما اني بقادر خلاص عافك الخاطر روح في طريق وانا بطريق خلني على جرحي العتيج خلاص عافك الخاطر تذكر يوم كنت انا حديث الناس ومن منا مثلك يا اعز الناس واليوم بقدم لك عذر وان كان لي عندك قدر محبتي اقطع من راجاها اليأس روح بطريق وانا بطريق خلني على جرحي العتيج خلاص عافك الخاطر هذا القرار الاخير واعتبرنا منتهين لا تنتظر لحظه حنين ما احبك بقناعه قلتها انتهى الحب انتى التها القلب التها هذا القرار الاخير روح بطريق وانا بطريق خاني على جريح العتيج خلاص عافك الخاطر أرجوا ورقه طلاقي توصلني اليوم وها الورقه تثبت شرفي وحطيته تحت الباب ريم : مايد الله يخليك ابا ارد البلاد مايد : اكيد عيل شو بتمين هني بس انا ما اقدر اوديج البلاد ريم : ليش ؟؟؟؟ مايد : شو ليش شو يتقولين ؟ ريم : بقلهم الي حصل مايد : برااايج بس شوفي انا بوصلجح وبرد نفس الطياره اوكي ريم : اممممممم ليش؟ مايد : لاء انا بعد يومين بتبدأ كليتي ولو هو طلقج بشريني ريم : كل هذا ؟ مايد : واكثر بوااااااااااااااااايد ما تعرفين شلكثر يلا قومي رتبي اغراضج عشان انسير المطار بعد ما بدلت ملابسي ورتبت اغراضي شفنا حد يالس يدق الباب ريم : ليكون حارب ؟؟ مايد دخيلك لا تفتح الباب مايد : دامني ويااااااااااج دلا تخافين من اي حد سار مايد بطل الباب حارب : وينها ؟ مايد : وعليكم السلام ورحمه الله وبركاته حارب : مايد الله يخليك وينها انا ظلمتها واااايد مايد : صراحه هي قالتلي انها ماتبي اتشووفك حارب : بس هي مرتي وانا الي الحق مايد : اللحين استوت مرتك وينك عنها يوم فؤريتها برع ما فكرت فيها ما قلت بيشوفها الي رايح والي ياي ولا يوم اتقلي خذها حقك حارب كان ساكت مايد : حارب تقدر تطلع برع ابا اصك الباب مايد صك الباب مادري ليش نزلت دموعي مايد : اتصيحين عليه ريم : لااا مايد : عيل ليش اتصيحين ريم : مادري مايد : عيل يلا وسرنا المطااار و وعلى حظنا كان في حجز حق نفس اليوم وكانت طيارتنا حق الساعه 11 يعني تقريبا بنوصل الساعه اربع الفير اليوم الثاني ونحن في الطياره هو كان يالس عندي اول اول شي ما كان يرمس ولا قال شي مايد : ريم ريم : نعم مايد : تتذكرين يوم كنا صغار ريم : هيه مايد : تتذكرين يوم طحتي من فوق السيكل ريم : قصدك طيحتني مايد : ههههه حرام عليج انتي برووحج طحتي والله ريم : هيه اتذكر مايد : بعدين شو استوى تتذكرين ريم : لاء نسيت مايد : نسيتي ولا تناسيتي ريم : امممممم نسيت مايد : ماعليه انا بذكرج بعدين شليتج ووديتج عند امج ريم : هههه خالتي امل هزبتك وقالت لك ليش تمسكها مايد : يعني من يوم وانا صغير اكرها ريم : هههههه مايد : فديت ها الضحكه والله ريم : ميوووود مايد : يا محلات اسمي يوم تنطقينه ريم استحت من الخااااطر واتقفطت اكثر مايد : هيه تعالي ريم : شو مايد : ولا شي كنت اجرب صوتي ريم : سخييف مايد : احبج ريم احمررررررررت : ميوود عيب عليك مايد : اوووهوووو كل شي عيب ولا تستوي بس خلاص عاد ريم : ههههههه بعدين سكتنا تقريبا ريم : اتعرف مايد : هيه اعرف الحمد الله ههه ريم : هههه مايد : شو ؟؟؟ ريم : اول شي يوم الناس درت انك بتي وياي قالوا عنك سخيف وتقهر ولزقه وما دري شو بس لو انت ما كنت هناك (وبدت اتصيح ) كنت بروووح فيها مايد يه وحضن بأيده ويها : فديتج ليش اتصيحين والله ماله داعي خلاص فديتج اللحين انتي راااده البلاد ولا تخافين من الشي ريم بعدها كانت اتصيح ..... مايد يه ومسك ايده فهي رصت عليه بالقوووووو مايد : يلا عاد بسج صياااح ريم بصوت وااطي : ماايد مايد : فديت ها الحس والله عيوووونه قلبه روووحه كل ما يملك امري ريم : ما يامر عليك عدو مايد : شو تبين ريم : ولا شي كنت اجرب صوتي مايد تم يضحك بصوووووووووت عااااالي ريم : اشيييييي فضيحه مايد : والله انج عسل اتعرفين شو يعني عسل ريم بس ابتسمت وبعدين هو رقد وانا صراحه ما حب ارقد في الطياره كان يالسه وحده ع الطرف كانت عيوز فتمت اتسولف وياي وقالتلي قصتها وصرااااحه تميت اصييح اسمعوا قصتها كانت ام لولد و ما كان عندها ريل وريلها مات في حاادث بسياره وراحت خطبت حق ولدها احس بنات وبعد الخطبه البنت كانت اتعامل الام ريلها احسن المعامله ويوم ما تزوجت ولدها انقلبت عليها 180 درجه وقالت حق ريلها انا امك ما بيها في البيت صراحه افتشل يوم ربيعاتي ايووووون امك عيوووز وودها دار المسنين وولدها بيطاوع مرته وهو بيطاوع مرته ووداها عند دار المسنين وبعدين ما دخلوها الدار لان تبا اراق تثبت وجودها يعني بس حد من اللي يشتغلون هناك تكفل فيها وخلاها في الدار لين 3 سنوات بعد 3 سنوات كتبت ها القيده حق ولدها وين انت يا حمدان امـك تناديـك .. وراك مـا تسمـع شكايـا وندايـا يا مسندي قلبي على الدوم يطريـك .. ما غبت عن عيني وطيفك سمايـا هذي ثلاث سنين والعيـن تبكيـك .. ما شفت زولك زايـر يـا ضنايـا تذكر حياتي يـوم اشيلـك واداريك . . والاعبـك دايـم وتمشـي ورايـا ترقد على صوتي وحضني يدفيـك .. ما غيرك احدٍ ساكن فـي حشايـا واليا مرضت اسهر بقربك واداريك .. ما ذوق طعم النوم صبـح ومسايـا ياما عطيتك من حنانـي وبعطيـك .. تكبـر وتكبـر بالأمـل يـا منايـا لكن خساره بعتني اليـوم وشفيـك .. واخلصت للزوجه وانا لي شقايـا انا ادري انها قاسيـه مـا تخليـك .. قالت عجـوزك مـا ابيهـا معايـا خليتني وسط المصحه وانا ارجيك .. هذا جزا المعروف وهـذا جزايـا يـا ليتنـي خدامـة بيـن اياديـك .. من شان اشوفك كل يوم برضايـا مشكور يا ولدي وتشكر مساعيـك .. وادعـي لـك الله دايـم بالهدايـا حمدان يا حمـدان امـك توصيـك ..اخاف من تلحق تشـوف الوصايـا اوصيت دكتور المصحه بيعطيـك .. رسالتـي واحروفهـا مـن بكايـا وان مت لا تبخل علـي بدعاويـك .. واطلب لي الغفران وهـذا رجايـا وامطر تراب القبر بدموع عينيـك .. ما عـاد ينفعـك النـدم والنعايـا وتميت اصيييييح وهي تكمل بعدين الي كان مدخلها في الدار بيبها عند في البيت بس هي بترفض ها شي وبس هو بيصر عليها وهي بترفض بس بلاخير بيقنعها انها تيلس وياهم في البيت طبعا بعد ما مرت الولد بتي وتقولها انها اتي البيت ومرت والولد كانت يالسه عندها ويا ريالها بس كانوا رقووود بس الصراااحه تمييييييت اصيح ع حال المرااا لين ما قام مايد مفزوووع مايد : حبيبتي شو فيج ليش اتصيحين ريم : ماااا....ااا...ااايد مايد : حبيبتي بلااااااج ريم قالتله السالفه وهو حضنها بالقوووووو في صدره مايد : فديت رووحج لا تصيحن شوفي الله عوضها بواحد احسن عن ولدها ريم كانت اتصيح في حصنه مايد : يه ووايجها حبيبي خلاص ريم : بدت اتهدي اشوي اشوي وطووول الوقت الحرمه كانت اتطالعني وتبتسم وانا ارد ابتسم لها كانت وااااااااايد طيبه وكتكوووته واللحين باقي 9 ساعات على انه نوووصل الدبي شوو تتوقعون بيستوي يوم اهل ريم بيدروون شو السالفه |
الجزء 21 نحن كنا فوق المانيا المظيفه : اسموحولنا لازم ننزل في المانيا بسبب بعض العطل وطبعا نزلت على الطوول وبدا الخووف يسيطر علي اكثر ونزلنا تحت في مطار فرانكفورت نزلنا مايد : يلا حبيبتي ريم كانت اشويه خايفه وكانت متوتره : انزين مايد : يشوفها بطرف عيونه ويقوم مايد : يالله حبيبتي كلهم نزلوا ريم : شلت شنطنتها وبغت تزل مايد : هاتي ايدج ريم : ها ؟؟؟ مايد : الي قال ها سمع هاتي ايدج ريم : لا ماله داعي مايد مايد : تسمعين شو اقول انا ريم : بلاك ليش جي ترمسني مايد : ما فيني شي بس لاترووحين عني بعيد ويم نزلنا قالولنا لازم انبات اليوم وباجر فليل بنرد البلاد مايد : تعالي ريم : وين ساير مايد : وين بودرج يعني حديقه اكيد الفندق يعني ريم : ليش ما ننطر لين باجر مايد : ريموو ساعه كم اللحين ريم : ساعه 10 مايد : هيه عليج نور باجر ساعه 12 فليل بتطير طيارتنا بتيلسين هني كل ها لوقت شو بتسوين ريم كانت وااايد خايفه مهما هي تحب مايد بس مستحيل اتسير وياه الفندق بس ماكان جدامها الى تسير وياه طلعنا من المطار وركبنا التكسي بس شنطنا هناك في المطار وسرنا فندق جريب المطار مايد كان يالس ورا وياي فكنت خايفه اكثر بديت احاول اني ما اظهر الخوف عشان ما يحس اني خايفه منه ولا شي فمن كثر التوتر قالت بعد الميك آب عشان ما يتحراني اني خايفه واني عاديه يوم طلعت الكلوس مايد : شو ها ريم : كلوس مايد : ادري انه كلوس لا تحطين ماله داعي ريم سكت وحطت الكلوس داخل وصلنا الفندق مايد دفع حق راعي التكسي مايد كان حجز غرفه وحده ريم فوق : .... مايد : بلاج ساكته شو فيج ريم صرخت عليه : شو تباني اقول يعني مايد : لا تعالي اضربيني بعد ريم : انت ليش جي تعاملني مايد : انا ؟؟؟؟؟ ولا انتي من اول ما قالوا بتنزل الطياره وانتي امبوزه جنه انا الي قاليلتلهم ينزلونه قرب صوبي : ريم فديتج ادري انج خايفه وتبين تتظاهرين انج مب خايفه بس ها الشي مب علي انا انا مايد الي حافظنج صم وادريب انج خايفه بس اعرفي اني انا مب من الي في بالج ريم : ......... مايد : يه وااااويها اكثر وخلها اتطالعه : فديت ها العيوون انا ريم احمرت مايد سار وعق عمره على السرير الي عند الجامه وانا سريري كان عند الباب تقريبا بعد 10 دقايق شفته رقد اللحين انا شو يرقدني وتميت يالسه اطالعه وهو راقد صدقوني ملاااااااااك ما شاء الله عليه صج قمر والله يبخت منو بتاخذ مايد بتعب : ريم ريم : نعم مايد : آآآآآآآآآه عطيني ماي ريم : شوفيك يوم حطيت ايدي على ويه شفته امصخن ريم : حطت ايدها على على ويه وبدت اتصيح مايد : يبتسم : ليش اتصيحين حبيبتي ماله داعي ريم : مايد قوم فديتك مايد : عشان خاطر عيونج ريم : حاس بشي مايد : حاس اني اموووت فيج ريم : مااايد مايد : هههههه ولا شي جي دووواخ بسيط ريم : لحظه بيبلك عصير برتقال سرت اتصلت تحت ويابلوله عصير برتقال ريم : قوم اشرب مايد : شربيني ريم بس ابتسمت في ويه مايد يوم بغا يشل العصير من ايدي تم ماسك ايدي فتره وبعدين هده مايد يشرب العصير : كحكحكحكحكح ريم : صحه مايد : على قلبج يا قلب ريم : مايد يووووز مايد : ريم طلبتج ريم : عيوني مايد : تسلملي عيونج ايلسي عندي ريم : يابت الكرسي ويلست عنده مايد : يعني من صغر الشبريه ريم : طاااااف ما عبرته مايد كان وااااايد تعبان ريم : مايد دخيلك ارتاح اشوي الله يخليك بتتعب باجر في الطياره مايد : تقريبا كم ساعه يبالنا لنوصل البلاد ريم : يعني تقريبا 9 ساعات مايد : واللحين ساعه كم ريم : ساعه 5 مايد : انزين يلا سيري ارقدي ريم : انزين انت ارقد اول مايد : اوكي ريم : قبل منا ترقد كل ها الادووول مايد كل الدوا وكان يبتسم مايد رقد وانا ما كان فيني رقاد سرت اتسبحت ورديت لبست ثيابي وسرت اجيك على حراره مايد يوم حطيت ايدي على يبهته شفته ابتسم بس حرارته كانت اوكي ريم : مايد بتقوم تتسبح احسه احسن وشي ماي بارد مايد : ما اروووم احس عمري تعباااان ريم : ماعليه قوووم مايد : ابا ارقد ريم :يلا قووم عشاني مايد : انزين ساعه كم ريم : ساعه 10 مايد : تو الناس الساعه 12 فليل الطياره ريم : ماعليه قوم عشان اتصحصح مايد : اوكي بس ما عندي ثياب ريم : عادي رد البس ثيابك عن الاعذااار مايد : ههههه انزين مايد قام سار يتسبح وانا كنت يالسه اطالع من على الدريشه يعني كنت يالسه ع شبريته وظهري حق الحمام وكنت اتطالع برع كان الجو رهيييييب وكنت افكر في امي والله انها مسكينه تتحرى اني صج يالسه ويا ريلي ما تدري اني متعذبه والله بس يكوون في عوني بوووووووووووووووم ريم : وووووووووووووووووي مايد : خوافه ريم : يا خااايس طيحت قلبي مايد : طاح وانا مسكته هع ريم : ........ مايد : يلا انسير المطار وهناك بنتريق وبنتغدا وبنتعشى هههه ريم : يلا انسير وطلعنا برع ومايد سار دفع وكل شي ونحن طالعين مايد مسك ايدي ريم : مايد صخ مايد : انزين وهد ايدي وصلنا امطار و سرنا اتغدينا وتمينا نتحاوط بس مب واايد خفت انه يتعب اكثر وبعدين اتعشينا و تمينا ننطر لين ما فجوا البوابه الطياره دخلنا الطياره وكان كرسي عند كرسيه الي صوووب الجاامه مايد : دخلي سيري صوب الجامه ريم : لا انت سير مايد : لا انتي شي واايد شباب بيسيرون وبيردون عليج يلا سيري داخل ريم : ابتسمت : انزين ويلست انا صوب الجامه وهو عندي صراحه كان فيني رقاد بشكل فظيع من يومين مب راقده يعني خلاص كنت منتهيه وجي رقدت وما قمت الا على لمسه ايده وتذكرت يوم كنت في المستشفى وكان يلس عندي لين الصبح كان باقي 6 ساعات لين ما نوصل مايد : حبيبي ريم : نعم مايد : عطيتيني اليوم صبح دوا شو ها ؟ ريم بخوف : ليش ادوول مايد : عطيني بعد ريم : ليش وعلى طوول حطت ايدها على خده شافت ما في حمه ريم : ما فيك حمه مايد : ههههههه امووت فيج بس جي كنت ابا اشووف ردت فعلج ريم : والله انك سخيييييييييف مايد : ههههههه فديت الي يحرجون ريم : وبعدين مايد : ولا شي وتمينا نشوووف فلم هندي كان وااايد رومنسي وجي كنا نشوووف نفس الفلم والفلم كانت قصه بنيه اتضحي عشان اخوها وتسير تشتغل على جبل عشان اتحصل بيزات وجي وبتحب واحد هناك وجي كااان وااايد حلو الفلم تمينا نطالع الفلم لين ما وصلنا ريم : ماايد مايد : قولي ريم : شو تتوقع يستوي اللحين مايد : والله مادري اسالي للحب معاني هي ادري ريم : للحب معاني شو بيستوي اللحين ريم قبل ما توصل ريم :مايد بتتركني اللحين مايد : لااء بشووف شو بيستوي قلبي مول مو مطمن ريم : انا بعد ما دري حااسه بيستوي شي عوود مايد : الله كريم ووصلنا مطار دبي مايد : ريم خفي كلوسج ولتغشي ريم : ليش ؟؟؟؟؟؟؟؟؟ مايد : بدون ليش ريم : حرام عليك ساعه ساعه 9 منو بيكون يعني مايد : المطار هو مطار دووومه زحمه يلا ريم : ان شاء الله مايد ابتسم جي حسيت ابتسامه انتصار ريم : سخييييف مايد : احترم شعوورج نحوي ههههه ريم : ماصخ مايد : حطي علي ملح ريم : تقهر مايد : ههههههههه مايد : يلا ننزل نزلنا وخذينا الشنط اول شي سرت بيتنا شفت خالتي امل وهند وحارب وابوي وشهاب كلهم في البيت اول ما دخلت البيت سلمت يتني صفعه قوووووووويه حيل من ابوي واغمى علي فتحت عيوني شفت عمري في غرفه باااااارده ما كنت اقدر احرك جسمي من التعب وغرفه مظلمه فمت بالغصب قمت شفت شي دريشه صغيره ماتنفتح انزين وين انا وليش جي وجي مره وحده دخل ابوي وكان عقاله في ايده كنت ابا احتمي منه اول مره اشووف ابوي جي ابوي : انتي شو مسويه يامسوده الويه ريم : والله ما سويت شي ليش جي انزين افهم مني شي ابوي مسك شعري : افهم منج شو افهم كيف شارده ويا مايد ولا شو ريم : والله ابوي انا مب شارده ابوي : جب ريلج يقوول جي شارده ويا وااحد نذل خسيس وهد شعري وطلع برع يالله وين مايد شو حالته فدييييييييييييييييييتك ياماااايد |
جزء 22 وينك يامايد انا وين ... يالله افرجها علي والله ما كنت اتوقع جي بيستويبي صح انا غلطت ورضيت اني اسافر وياه وما اتصلت بحد مني اهلي بس خفت عليك يابوي من الصدمه انا يابوي الي ضحيت عمري وحياتي وحبي من اجلكم حراام ابا حد يجيني تعالوا بعد دقايق حاولت اقووم بس ما كنت اقدر بس قمت احاول وكنت امووت عشان اسمع اي خبر مايد ما عاد يهمني عمري المهم مايد ابا اعرف حارب شو قايل عني ..ابوي يقلي اني انا شارده ويا مايد والله يا بوي لو كنت شايف حاليتي يوم فرني عليه جان عذرتني لو ما كان مايد اللحين انا وين كنت حتى ثياب ما كان عندي عشان استر عمري وينكم وتقولون عنه نذل وخسيس دخل ابوي كنت ابا احتمي منه بس ما كنت اقدر ابوي مسك شعري : يلا قومي ريم : ابوي والله اني ما سويت شي ابوي: جب ما بغي اسمع صوتج ابدا فهمتي ولا لاء ريم بس هزت راسها وبدت اتصيييييح وابوي حطني في السياره وانا مادري انا وين سايره بس كل فكري في ميووود عسى يكوون سالم وايوم بيبدأ دراسته ابوي خذني البيت ابوي : يلا زهبي اغراضج سايره بيت ريلج ريم : امي وين ؟؟؟؟؟؟؟؟ ابوي يه عسب يضربني ريم : اضرب يابوي ضرب منك ومن حارب ابوي : لا تجذبين حارب ما مد ايده عليج انتي الي مو متربيه ريم : ابوي الله يخليك ايلس وانا افهمك ليش جي ابوي يلس بعصبيه : يلا قولي اشووف ريم : دخيلك يبه ثواني اشرب ماي وايب شي بعدين بنتكلم ما كنت قادره اقوووم كنت احس عظاامي كله متكسر سرت شربت ماااي وسرت غرفتي ويبت الشيك وانا نازله سمعت صووت امي اتصييييييح دخلت الحجره يت على طووول حضنتني ريم : واااي فديتج يامي تعالي وياي تحت امي : ان شاء الله ريم : اخوي وين ؟؟؟ امي : في غرفته ما يطلع سرت غرفته بخطوااات ثجيله وكنت اسمع صوت ابوي يزقرني : يالله تعالي اشووف دقيت الباب شفت محد يرد علي فتحت باب شفت عاق عمره ع شبريه ريم : شهاااااب شهاب فز مره وحده : رييييييييم ريم : فديتك والله تعال تحت اشوي شهاب : ابوي تحت ؟؟ ريم : هيه هو يابني شهاب ابا اقلك شي بس بعد ما ننزل شهاب : ان شاء الله نزانا تحت يوم نزلنا شفت ابوي وامي يالسين ابوي : مجمعه العايله الكريييمه عشان تفتخرين بمصبيتج شهاب طالع امي وسكتوا ريم : شوف ابوي انا برمسك من بدااايه حياتي كلكم تعرفوون حارب كان مغازلجي وصايع ومحد يدري عنه وما خله بنيه والا ..... وبعدين استوت سافه الشيكات الي بدووون رصيييد ويا يبه انت طحت في المستشفى وما كنت تدري بحال الي يغلوونك امي لا ليلها ليل ولا نهارها نهار ونحن بعد في بيت كلنا مهمومين وبدت تنزل دمعاات امي وكل يوم خاليت كانت اتيب شيكاات يديده ويم انا كنت سايره مدرسه الصبح خالتي يت وقالتي انها عندها شيكان بملاين وانتوا اتشوفوا حالتنا ما تسمح بالملاين وقالتلي لو تزوجتي حارب بعطييج كل الشيكااات و انا ما كان جداامي الا اتزوجه وضحيت بعمري ويوم تزووته قالي ما بي عرس كان غصبن عني اطييعه خالتي تقولي كلام مثل السم بس غصبن عني ادووس نفسي ويوم الملجه يت وعطتني شيك واحد بس وقالتلي هذا هو الشيكات ويوم سالتها كانت تبا تقولي خدعتج بس ما قدرت بس خلاص رضيت بحكم القدر ويوم تزوجته هني سكتتتت وبدت اتصييييييييييييح وما قدرت اتكمل بس كانت مصره انها اتكمل السالفه وقالتلهم من اول شي لي اخره ريم : هو ما فكر فيني انا شو بيكون حالتي ويوم مايد ساير عنده يقله خذها حقك جي حلاوه انا وانا ادري انه غلط اني يت ويا مايد بس يا منو اي ويا حارب وهذا مايد الي تقولون عنه حقير هو الي انقذني ابوي : بس حارب قال انج من الفندق طلعتي وياه وخذيتي اغراضج ...وليش هو صل قبل قبلكم ريم : لان نحن اختربت علينا الطياره وشوفوا الجريده ولا اخبار بتهرفون لو انا صاجه ولا لاء ابوي يرمس امي : وين جريده امس امي : يمكن في المكتبه امي وسارت اتدور بس ماحصلت ابوي ما كان عنده جواب قام ودخل حجرته فأخوي اشر لي امي عشان اتسير وياه فامي قامت وسارت ويا ابوي وانا قمت ويلست قريبه من شهاب ريم : شهاب ممكن سؤال شهاب : آمري ريم : وين مايد شهاب اتغير ويه : ريم انتي اللحين على ذمت وااحد ثاني ريم بدت تترجاه : شهاب الله يخليك الله يخليك مايد فيه شي شهاب حرام عليك شهاب: ريم ابوي ضرب مايد يوم ضربج انتي بعد ريم اتصيح : هو شو ذنبه واااي فديته و وفديت قلبه شهاب كان يطالعني ومستغرب مني شهاب : ريم صخي عاد شهاب : اللحبن ؟؟؟؟ ريم : هيه الله يخليك شهاب : ريم ؟؟؟؟ ريم : الله يخليك دخيلك ؟ شهاب : انزين بس بسرعه ريم : انزين ريم سارت بدلت ملابسها وسارت تحت شهاب :يلا ريم : اوكي وطووول الدرب ريم دمعتها على خدهااااا يوم وصلنا المستشفى كان تقريبا الظهر |
الجزء 23 يوم وصلت المستشفى سألنا عن غرفه ماايد يوم حصلناااه انا وشهاب ريم : شهاب انت ادخل اول شهاب : ليش؟ ريم : مادري بس جي الله يخليك شهاب : برايج شهاب دخل اول وانا حقته شهاب : السلام عليكم خالتي ميره + مايد : وعليكم السلام ريم بعدين دخلت ريم : سلام عليكم مايد : وعليكم السلام خالتي ميره : والله لج ويه بعد اتيييين ريم : خالو انا شو سويت خالتي ميره : شو ناويه انج اتسووين زياده ولدني وانضرب بسبتج هذا جزاااه ريم : وليش انا الي ضربيته ؟ شو في خالتي حالتي ... بعد اننضربت بس شو اسوي خالتي ميره : طلعي برع شهاب (بعصبيه ) : خالتي ؟؟؟؟ ريم : ماعليه خالتي انا طلعه بس بييج يوم تتذكرين انج غلطتي في حقي وطلعت طبعا شهاب كان طالع قبلي من العصبيه يوم طلعت سألت الممرضه ريم : لو سمحتي ممرضه : نعم ريم : انتي تشرفين على ها الغرفه ممرضه : هيه ريم : انزين اتعرفين متى امه تتطلع من الغرفه ممرضه : الام تجي من الصبح اي الساعه 11 بليل ... وع 11 اتروح البيت ريم : وبعد 11 منو يتم ويااه ممرضه : نحن هووون ع طوول ما تخاافي عليه ريم : اوكي حبيبتي مشكووره سرت عند السياره شفت شهاب حده معصب شهاب : ساااعه لين ما تييين ريم : ليش معصب ؟ شهاب : ولا شي يعني عايبنج الي استوى ريم : لا مب عايبني بس مايد كان وااايد تعبان في السفر وابوي امكمل عليه فتعب اكثر عن الازووم ومهما كانت خالو امه اكييييييد بتخااف عليه ونحن في الدرب ريم : شهاب طلبتك طلبه دخيلك لا تردني شهاب : قولي اشووف ريم : اباك اتيبني اليوم عند مايد الساعه 11 وربع شهاب : نعم نعم شو ما سمعت ريم : الله يخليييك وانت بعد تعال ايلس الله يخليك شهاب : شو تبين في المشاكل ريمووو لا تنسين انج ع ذمت واااحد اللحين ريم : مالت عليييه .. هو لو عنده ذمه وضمييير جان مافرني برع شهاب : .................. ريم : شهاااب ما قلت بتودييني ولا شهاب : خير ان شاء الله وصلنا البيت كنت واااايد تعبااانه سرت بدلت ملابسي ورقدت اشوووي سنيثياا : ماما ريم ريم : هاااا سنيثيا : ماما شيما تلفوون استغربت ليش شيما متصله ع فوون البيت مب ع مبايل ريم : اوكي بندي انا برد اتصل فيها سنيثيا : ان شاء الله سرت خذيت مبايلي شفت 22 مس كووول يوم شفت كان ماايد 4 مرات فدييته والله وشيما 3 مرات ومشاعل 2 و روضه 1 ووفا 1 مريوووم 4 وووداد 3 وفطووم 4 ريم : ووووي مبايلي كان سايلنت ريم تتصل في شيووم شيوم : هلا وغلا بنااعم الصوت ريم : اهلين فديتج شيووم : اشحال الغالين اليوم ريم ( بدت اتصيح ) : تعبانين يا شيوووووووم تعباااااااااان شيووم : شو فيج حبيبتي خلاص الي راح راااح <<شيوم ما تعرف ان ريم اتحب مااايد >> ريم : ................ شيوم : رييييم ريم : نعم شيوم : يلا قومي نطلع اليوم ريم : مالي خلق اليوم خليها يوم ثاني شيوم : باااجر انزين ريم : اوكي بس ويا منو شيوم : مفااااااجأأه ريم : با ام المفاااجأت انتي شيوووم : افا عليج انتي بس ريم : انزين شيوووم اخليج انا اللحين شيوم : اوكي فديتج بس تيك كير حبيبتي ريم : انتي بعد شيووم : انتي اكثر ريم : ههههههههههههههه ان شاء الله يلا مع السلامه شيوم : مع السلامه وصكينا التلفوون ريم : اتصل في مايد ولا لاء اخاف امه اترد علي والله لا اتورط ريم : ما بتصل اخاااف ريم غيرت ملابسها ونزلت تحت ريم : وين ابوي شهاب : في الغرفه ريم : شوفيك ؟ شهاب : ولاشي ريم : الي ماخذه القلب يتهنابه شهاب : ..... (ابتسم ) ريم : وينج يامشاعل اين وتشوووفين حال اخوي كيف غدا هع شهاب : وبعدييين ريم : نسيت شو كنت اتسوي فيها في الملجه شهاب : شو سويت ريم : مادري منو كان واقف فوق راسها عساس ايسلم ع امي شهاب : شو يعني ما اسلم على امي ريم : شهااابووووو مب علي انزين شهاب : شهاااابووو في عيني اصغر عيالج انا ريم : اللحين لو مشاعل كانت قايله جاان طووفتها ..... هيه تعال شو رااايك فيها عاد انت شفتها لا شيله ول هم يحزنون شهاب : متى ريم : يوم بطلت الباب شهاب : حشى مانسيتي ريم : هههههههههههه لا مانيسسسيت شهاب : ههههههههههههههه ريم : باجر انا بطلع ويااحم احم شو راايك اتوصلني شهاب : ريمووووو صخي عني ريم : طع طع والله اتحبها شهاب : صج انج ما تستحين ريم : انت ليش تستحي مني شهاب : يوم اقلج انج غبيه ما تصدقني ريم : شهاب شو رايك امي اتسير تخطب لك والله تراها حلوه وخلصت المدرسه يعني باي باي لو انت ماتبا الف غيرك يبووونها شهاب : .............. ريم : انا قلتلك وهي ولد خالتها عوود ترى واسمه محمد واضني هو يحبها شهاب : وهي اتحبه ريم (تبا تضحك بس ماسكه عمرها ) : مادري والله ريم : ها شو قلت خلنا نفرح فيك دخيييلك شهاب : انزين اول كلميها شوفي رايها ريم : هههههههههههه اللحين طيران شهاب : ريمووو نعالي رمسيها هني عندي ريم : منقووود عن العرب هع هع هع شهاب : تعالي لا ريم : انزين رحت يبت مبايلي واتصلت فيها ريم : هااااااااااي مشاعل : هلا وغلا بغاليه ريم : اوب اوب اوب كل ها عشاني ولا عشان حبيب القلب مشاعل : منو بعد حبيب القلب ريم : عن الاستهبال شهاب شي غيره طبعا هني شهاب الابتسامه كانت شاقه حلجه مشاعل : عن المصااخه وقولييي اشحالج ريم : والله تمام وانتي اشحالج ؟ مشاعل : الحمد الله ريم : يقولون كنت تتصلين تتطمنين ع الامي يوم انا كنت امساافره مشاعل : عندج مانع ريم : منتي تتصلين تسمعين صوت امي ولا صوت شهاب ترى لازم تسمعين صوته قبل لا تنامين مشاعل : ريييييييمو والله بس عاد ريم : انزين ابا اقلج شي مشاعل : قولي ريم : بعض الناس بيخطوووب سمعتي مشاعل : لا منو ريم : شهاب مشاعل : منووووووووووووو ريم : مشاعل مشاعل : شو ريم : بلاج مشاعل : انتي زقرتيني ريم : ههههههههه لا غبيه انا اقول انه اخوي يبا يخطبج يوم قلت غبيه شهاب طالعني بنظرااات مشاعل :.................... ريم : يالله ما نرووم على الي يستحوووون مشاعل : ......... ريم : مشاعل شو تتذكرين يوم شافج بدوون شيله ولا يوم مسكتي ولا لا لا لا الله يعني مشاعل : ريمووو عاد ريم : انزين ابا اقلج شي ثاني مشاعل : قولي ريم : ترى يخص شهاب مشاعل : فدي هيه قولي ريم : ههههههههههه فديته مره وحده طبعا شهاب هني الارض مب شالتنه من الفرحه مشاعل : ماقلت فجديته انزين لا تألفين ريم : اوكي ماقلتي بس ترى شهاب كان يسمع كل شي مشاعل ( لا أراديا) : لاااااااااااااا ريم : والله تبين اترمسينه مشاعل ( بصووت واطي ) : لاااا شهاب تم يبتسم وطلع برع بس مسكته من كندووورته شهاب : ها ريم : مشاعل سمتي صوته شهاب : يانذله (بصوت واطي ) ريم : يالله اخلييييييج وفكري بالي قلتلج مشاعل : اوكي ريم : شهاب شهاب : (حده مستانس ) : امري ريم : اسير اتلبس شهاب : انتي من صجج ريم : الله يخليييييييك شهاب : انزين يلا ريم : ثوااني سرت ابسرعه فووق بدلت ثيابي و نزلت يوم نزلت شفته في السياره شهاب : قوم ابوي يدرووون ريم : لااا طبعا شهاب : حسبي الله عليج ريم :يلاا لااا يوم وصلنا المستشفى تقريبا كانت الساعه 11 ونص ونحن طبعا بدس دخلنا يوم دخلت شفت مايد كان لابس ثياب المستشفى بس ماكان راقد ريم : انا بدخل اول انت انطر برع شهاب : مالت عليييج ريم : دخلت اول طق طق طق مايد : اتفضل ريم دخلت مايد كان راقد ولابس قميص بدوون كووم شكله استحى فغطى عمره مايد : ريم فديتج ريم : اشرتله ان اخوها برع مايد : طالعها بنظرات انه ليش ؟ شهاب : السلام عليكم ريم + مايد : وعليكم السلام شهاب : ها سلامااات ياغالي مايد : الله يسلمك شهاب : السمووحه ادري مب وقت زياره بس بعض العلل عندنا ما يقروون مايد يطالعها ويبتسم : لا عادي افا عليكم وهم واقفين سمعوا صوت جق ع الباب منو تتوقعووون |
| الساعة الآن 08:30 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir