ها الجزء و السموحة .. المهم لحقت انزله في نفس اليوم ..
الجــــــــــــــــزء الخــــــــامــــس ..

طيبك مكفي يابعد قلب مغليك ....يكفي وجودك في حياتي مكفي ..ليت العمر يهدى والله لا اهديك ..لحظاتي الحلوه واسكر ملفي ..

نوره بصوت واطي : وياج ..
قلت لها : ادري اني فاجأتج .. بس علي طلب مني آخذ رايج قبل ... يعني لا سمح الله انرفض .. ماكان يبي يحرج امي وابوي ..
نوره : عوش انتي فاجأتيـني صج .. بس عطيـني وقت افكـر .. لانه هذا زوااج مو لعبه ..
رديت بسرعه : اي عمري خذي راحتج .. وحطي في بالج ..انه لا سمح الله رفضتي علي او لاا مابيأثر على علاقتنـــا ..
نوره : اكيــــــــد بدوون ماتقووليـــن ..
قلت لها وانا اشوف علي الي انقلب ويه : اوكي النوري .. الحين اخليج تفكرين زين حبي .. مع السلامه ..
نوره : مع السلامه ..
علي وقف وكان بيروح بس بسرعه لحقته وقلت : ماظن نوره ترفض ..
طالعني وابتسم وكمل طريجه لغرفته .. كنت بطلع من الغرفه بس موبايلي رن رحت اركض ورديت من غير ماشوف الرقم ..
....: ووويــــــــــعـــــــــه ... صـــــــــااااار لي قــــــــرن تحت انطــرج وينج يالعنــــــز ؟
ضحكت من قلبي وقلت : يااااااااااااااايــــــــــه ..
وسكرت التلفون في ويهها ونزلت اشووف هندووه
قعدنا نسوولف شوي ..وجاوا منور ومهره وامي ..وكملنا سوالفنا وبعدين جا بطي وابوي وفصول الي كان ويا ابوي في العزبه وحطيــنا الغدا وتغدينـا كلـــنا .. وامي وابوي وعلي وبطي راحوا قيلوون اما انا والبنــــات قعدنا في الصاله نسولف .. انا انسدحت ع الكرسي ابي ارقــــد .. خلاااص شنو ابي بعد ترست بطني بخمد ..
هندوه : بس مااااعندج شغله غير الرقاد والاكـــــل ..
قلت لها وانا مغمضه عيوني : ماااااالج شغـــــل ..
شوي وجااني فصول يركض وطب في حظني .. لويت عليه وقعدت ابووسه والعب ويااه .. ومنور وهندوه ومهره يشوفون مسرحيه لو لاكي ..
رن تلفووني وقلت : هندوه جيبي تلفوني قريب منج ..
هندوه منسدحه ع الارض : عيزززززززززانه ..
حذفت عليها المخده : قووووومي عاااااد عن الكســـــل ..
هندوه قامت : اوف منج ومن شكلج .. " مسكت الجوال وبعدين طالعتني بخبث"
هندوه : حبيب الروح ؟!
نقزت من الكرسي ومطيـــت الجوال منها وقلت : مايخصج ..
منور : من غير احمــــــــــــــــــــــــــــد ..
رحت عنهم بعيـد وقلت : عيــــــب عيــــب انتوا يهاااال .. خخخخ ..
سمعت هندوه تصاارخ مادري شنو تقول ومهره تضحك .. طنشتهم ورحت الحوش ورديت ..
احمد : سنـــــــــه ..؟!
ضحكت وقلت : شاسوي الموبايل كان بعيـد ..
احمد : دووم الضحكه ياربي .. اخبارج حبي ؟
ياي استـانست على هالكلمه وقلت : بخير ربي يسلمك .. انت اخبارك ؟
احمد : بخير دامني اسمع صووتج ..." سكت فتره وقال " عوش ..
قلت : آمـــر ..
احمد : مآيآمر عليج عدوو .. بس بغيت اقول لج اني ابي العرس بعد اسبوع ..
شهقت ومن قوه الشهقه قعدت اكح واكح ..
احمد وباين صوت الخوف : صحه عمري صحــــــه .. روحي شربي ماي شربـي ..
وصلت الثلااجه لان المطبخ قريب وشربت ماي ..وشوي ورديت عليه وقلت : احمــــــــد بســــــرعه ..
احمد : انتي شنو بتجهزين بالظبط ؟
قلت : لازم اشتري فستـان ..وملابس واغرااض ويعني هالشغلااات ماشريت وايد ..
احمد : شوفي انا سويــت لج مفاجأه .. يعني مابي اكذب مو انا الي مسووويها .. خواتي مريم وشوق مسوينها لج .. وصوا على فستــــان لج من باريس ..
انصـدمت .. شلون جي يووصوون .. ماايصيـــر ..
احمد : شوفي عوش اذا ماتبيـن الفستـان الي شروووه عادي مو لازم تلبسينه اشتري فستان على ذوووقج ..
رديت بسرعه : لاااااا لاا .. مو هذا قصدي بس انصدمت شووي .. بس من ناحيه الفستان ماعندي ماانع ...واكيد خواتك ذوقهم حلوو ..بس بعد بسرعه ..
احمد : ماااعليـــج .. انتي من اليـــــوم رووحي اشتري اغرااض ..وانا بحجز القاعه وبسوي الكوشه ..
مادري حسيـــــت بأحرااااااااج ..ووسكــــت ...
احمد : شنو ماعجبج ؟ .
رديت بصوت واطي وانا مستحيه : الي تشووفه ..
احمد : فديييييييييييييييييييييتج .. امووووووت عليــــج عووش امووت عليـج ..
عاد دووروني هالحظـــه ذبـــت ستحــيـت .. احمد يموت فيني ... احمد يحبـــني .. واااااااااااااااااي .. احبه احبـــــــــــــــــــــــــــــــــه ..
احمد : عوش تحبيــني ؟
في قلبي : اعشــــــــــــــــــقك ..اموت ع التراب الي تمشي عليه ..
احمد : الوو عووش ويااي ..
رديت بصوت وااااطي وانا ميته من المستحى : وياك ..
احمد : تحبيني ؟
هزيت راسي وانا مستحيه .. بعدين تذكرت اني اتكلم وياه في التلفون وقلت بهمس : ايه ..
احمد صرخ : ووووووووووووووووووووووووه .. عوش قولي والله وقوووووولي والله .. قوليهااااااا ارجووووووج قوليهاااااااااا
ضحكت وقلت بصوت : احبك ..
احمد : آآآآآآآآه ياقلبــــي ..متى يجي هالاسبووووووووووووووع ..
كتمت ضحكتي وقلت : زين احمد انا بقول حق امي وابوي ..
احمد : اوكي قلبي.. مع السلاااامه ..
قلت وانا طايره من الفرحه : مع السلااامه ..
سكرت من احمد ورحت الصاله وشفت امي قاعده رحت صوبها وقلت لها كل الي قاله لي احمد وقالت كيـفكم ..وقلت لها تقول حق ابوووي لاني استحي
وبعدين رحت ويا البنات فووق غرفه منور ..

ومــــــــر اسبــــــــووووع ..
وافقــــــــت نوره على علي .. وشاال الدنيـــــا شيــل .. وبيملج بعد مارجع من شهر العسـل ..
وامي خطبت حق بطي نجوود بنت عمي .. ووافقوا طبعا .. وبعد هو بيملج ويا علي بعد مارجع من شهر العسـل ..
واليــــــووم عرسي ..
قاعده في غرفتي واشرب نسكافيه وضامه ريوولي ..قلبت يدي يمين ويسار اشووف الحنـه المنقووشه على يدي ..
اليوووم برووح لـ احمد .. بروح بيـته .. بفارق بيتنـا .. شلووون ؟ والله ماصبـر ماقدر افاارق بيتنـا ماقدر افاارق امي .. من الي بيقول لي استووي سنـعه ؟ بكره يوم بيجيج الريل مابيحصل منج فايده ..
ابوي .. مابيـــــدلعــــــني ولا بيقوول ..كلشي ولااا الغاليه ..
علوي .. مابيضحك وياااااااي ..مابيتغشمــــــر وياااي .. مابيقووول لي اسراااااااره ..بطي ..خلاااص مابيهااوشني ومابيزفــــــــــــــني ..
منور .. بتنرفــــز من وبتهااااوش من ؟ مهره .. من بيتحكم فيها ويأمرهااااا مــــــــن ...فصول ..من بيعلمه العانه والشطانه ؟
وشـوي ودخلت علي منـور ومهره ..
شفتهم ابتسمت لهم .. وفجأه ماشووفهم الا ركيــــض عندي يصيحوون ..
ضحكت : شفيـــــكم ؟
منور : بنشتاااااااق لج يالدبـــــه بنشـــــتاق لج ..
قلت وانا اضحك : مادريت اني مهمه عندكم ..
مهره : والله انحبـــــج .. على كثر الي تسوويـنه فينـا بعد نحبج ..
ضميتهم اكثـر وانااصيح.. وقعدنا فتره على هالوضع ..مادري كم دقييقه صار لنــا .. وبعدين دخل علينـا علي ..
علي : اوووووه فلـــم هندي هنيــــه .. خخخخخخخخخ
ضحكنا واحنا نمسح دموعنـا ..
ومنور قالت : هااذوول ..مهروه وعوش يصيحوون ..
شهقت وقلت : الله واكبر مو جنج اول وحده صاايحه ..
منور : عن الجذب عن الجذب ..
علي : هههههههههههه .. اقوول يـلااا البســوا بوديكم الفندق ..
شهقت : بالهســـــــــرعه ..
علي قلدني : اييييييييييييييه.. وامي الي قايله لي .. يلاا يلاا خلصووني ..
راحوا منور ومهروه غرفهم علشان يلبسون وياخذون اغرضهم .. وخذت لي دش عراايـــــس وبعدين رحت ويا علي ومنور ومهروه الفندق ..وامي بعدين بتلحقنـا هنااك ..وصلنا الفندق ع الساعه 12 الظهر .. تغدينـا ..وقاموا يشتغلوون علينــااا .. وشوي شوي وجوا ثجوب وهندوه ونجود ومياسوه ..وتكشخوا ويانا ..
شهقت يوم شفت كشخه هندوه ..
هندوه : شفييييج ؟
قلت : ليش مالبستـــي فستــــــــااااان ؟ كفاايه ملجتي مالبستي ..
هندوه : اوووووه ..من صجج انتي انا البس فستـــــاان .. ياخي ماينااسب
قلت وانا محتره : حرااااام عليج هندووه .. " كانت لابسه بنطلون جينز وعليه شك من تحت و فستان صغير يوصل لين الركب مقطع بدرجات الازرق ..هو حلو بس هذاااا عــــــــــــرس !ّ!!!
ثجوب : خليها خليها البوووووووووووويـــــــه ..
هندوه فصخت نعالها بتفلعها على ثجوب .. بس ثجوب ركضت ونخشت وراي ..
صرخت منور : آآآآآآآآآآآيــــه .. اختـي عرووووووس وخري عنــــــها
قلت وانا اضحك : اي وخروووووووووا عنــــــي ..
ثجوب : هندوه بتفلعنــــــي ..
منور : عاادي ..
ثجوب : لاا والله واطلع لنااس بفلعه على جبهتي .؟
منور : ههههههههه اتخيل شكلج ..هههههههههههه
ثجوب تقلدها : ههههههه اتخيل شكلج ..مالت اقوول .. انجلعي خليها تسوي لي مكياج كلكم خلصتوا ألا انا ..
وع الساعه 6 البنـــات كلهم خلصــوا وكـــــااانوا يهبــــلوووووون ..
وانا كانت الحرمه تسوي اظـافري ..وفي هالحظه دخلت علي مريم ..
مريم : لا اله لا الله محمد رسوول الله .. عيني عليج باارده .. شنو هالقمـر ..
ابتسمت لها ابتسامه خجل وقلت : عيونج الحلووه ..
جاتني مريم وسلمت علي : مبرووك ياعروووس ..
قلت لها : الله يبارك فيج ..
مريم : مــــاالوم اخوي اليوم اذا استخف .. انا عن نفســـي انهبــــلت من جماالج ..
استحيــــت من كلااامهااا وقلت : ههههه ..مبااالــــــغه انتي ..
مريم : لاااا والله مااباالغ ...." وقعدت تتمقل فيني وبعدين صرخت مريم : ياااااااااااااااااااي تدريــــــن الووردي طالـــع عليج غـــرااااام .." تقصد مكياجي "
قلت لها : انتي بعد الاوورنج يهبـل عليج ..
شوي ودخلت علينا شوق ..
شوق شهقت : عوووووووووووووووش !! ..تهبليــــــــــــــــــن الله يخســج ..
فطست من الضحك عليهااا ..اما مريم ضربتها بالخفيف وقالت : عيـــــب عليج شووق ..
شوق جايه صووبي : الله عليــــــــــج ياعووش .. تخبليـــــن .. والله احسد حمود عليـــج ..
استحيت ..وانا في قلبي اقوول .. اوف هالعاايله كلهم لســانهم عسـل .. المغاازل يمشي في عرووقهم ..خخخخخ ..
وقعدنا شوي نسوولف .. وبعدين دخلت امي علي .. ومريم وشوق اطلعوا ..
قعدت امي تكلـمني وتوصيـني ..من وصاايا الامهاات .. وانا اهز راسي جني هنديه .. وبعدين لوت علي وقعدنا نصيـــــــــح .. واخترب مكيـــاااجي ..
امي : ويـه ويـه ويـه .. خربـــــــت مكياااجج ..
ضحكت وانا امسح دموعي : يمـه .. بشتااق لـــكم .. " ورجعت ضميتها مره ثانيه "
امي : يــــمه ياابنيـــتي ..هاذي سنه الحيـــااه .. ويلاا بلاا دلع زاايد وخلي الحرمه تعدل مكياجج .. عشلن تنزليـــــن
جاتني الحرمه وقعدت تعدل مكيااجي ..وبعدين الكوافيرا عدلت طرحـتي وعطــتني المسكه الي لوونها وردي على ابيـض واصفـر .. وناازله منها كرستالات ورديه وصفره ..
نزلـــــــت على غنيه الجسمـي الصلاه والسلام ..
كنت امشي بخــفه ووثووق والتفت يمين ويـسـار وابتسم .. كنت مرتااحه نفسيا .. بتزووج واحد احبــه ..
وصلـــت الكوشـه وساعدتني منور ..ويوم قعدت جووني البنات والحريم يسلموون علي وبعدين المصوره قامت تصوورني وتصـور البنــــات يوم يقعدون حذااي ..
شفتها جايه صرخت وقلت : نوووووووووورووووووووه !!
نوره جاتني وسلمت علي وقعدنـا نسوولف ..وشوي وجاتنا مريم ..
مريم : يلااا الحيـن المعرس بيدخل ..
تجمدت مكــــااني : شنو ؟
مريم : هههههه .. الحب بيدخل ..
استحيت ونزلت راسي .. اما نوره والحريم قاموا يلبسون عبيـهم ..
دخل احمد بس كنت اشووفه لاني كنت منزله رااسي ...يااربي خاايفه .. وين امي وين منووور ؟ ابيـــــــــــــه ..
ماحسيت ألا وشي ابيـض يوقف على راسي رفعت راسي وشفت احمد بس ماكان وااضح لاني كنت متغطيه لانه اخواانه معااه .. وقف احذااي وبارك له اخوه واخواني ..وبعدين اخوه طلع.. رفع عني الغطا وباسني على راسي
احمد يبتسم : مبرووك عواشتي ..
ابتسمت ونزلت راسي وبصوت واطي قلت : الله يبارك فيك ..
علي باسني على راسي : مبروووووك عووش ..
قلت له : الله يبارك فيك ..والفال لك
سلم علي بطي وابوي ..ودمعت عيـني يوم ابوي سلم علي .. وشوي وراحوا ..
قعدنـا انا واحمد ع الكرسي وقعدت المصـوره تصورنـا ..
وشوي وجونـا ام احمد وامي .. سلمو علينـا وبعدين راحوا ..
احمد يمسك يدي : مابتفكنـا هاذي ..
ضحكت بالخفيف وقلت : ليش ماتبي تصور ؟
احمد : لااااا .. ابي اطلع وبس
ابتسمت وطالعت المصـوره لانها كانت تصـوور ..
وبعدين جونـا مريم وشوق ونور خوات احمد ..وقاموا يصوروون ويـانا .. وشوق تعلق علي وعلى احمد ..وانا مفتشـــــلــــــه .. ..
قمــنا انا واحمد ع الساعه 12 ونـص بنطلـع ..
طلعنـا ورحنـا غرفه التصـوويـر وقعدت الحرمه تصــوورنـا ..وانا واحمد تمللنــااا ..وبعدين رحنـا السويت الي حاجزينه في الفندق
دخلـــت وقعدت ع الكـرسي ..
جا احمد وقعد احذاي ومسك يدي ..
احمد : واخيـــــرا تزوجنــاا ..
ضحكت وفي قلبي قلت يعني انت عرفتني قبل لاا نتزوج .. يالجذااب ..
احمد : عوش ادري انج ماتعرفين شي عن حياتي الي فاتت .. بس ابيج توعديـني ..
استغربت من سؤاله وبلعت ريجي وقلت : اوعدك بـ شنو ؟
احمد : وعديني ماتخونيـني ..
طالعته مستغربه .. اوعده اني ماخوونه ؟!!؟!
احمد قام عني ووقف وعطاني ظهره : طبعا تدرين اني كنت متزوج قبل ..
انصـــــــدمـــــت .. شنوووو ؟ كان متزووج قبل .. شلوون ؟
قلت له : لاا ماااااااادري ..
التفت علي بسرعه : مااااتدريـــــن ؟
قلت له : لااااا .. متى تزوجت ؟
احمد قرب صوبي : قبل سنـه .. كنت متزوج ..و ..و .." ووقف وراح بعيد .."
قلت له : و شنو ؟ شفيك ؟
احمد : خانتـني .. خانتـــني
قلت له وانا مستغربه : شلوون ؟
احمد : كنت مســافر .. ويوم رجعت حبيت اسوي لها مفاجأه .. شفتهااا .." حسيت ان القصه ذاابحته .. كمل بشجاعه " شفتها مع واحد في غرفه النــوم ..
شهقت وحطيت يدي على حلجي اكتم صرختي
احمد التفت علي وقال : بس طلقتها في نفس الحظه وطلعت عنهاا .. اصلاا جات منهاا ... انا ماكنت مرتااح ويااهاا كـــلش .. وحركـاتها تقهرني ..
قرب صوبي ومسك يدي وقال مره ثانيه : اوعديــني ماتخـونيـني عوش .. اوعديــــني .. انا احـس كل البنــــاات نفـ ..
قاطعته وحطيت يدي على حلجه وقلت : اوعدك يااحمد ..اوعدك .. ولاا تحط في بالك ان كل الحريــم نفس النووع .. تراانــا غيـــر .. كل وحده تختلف عن الثانيه .. واصابع يدك مايهي سوى ..
احمد : والله انا من طلقتها وعمتي تحن على راسي علشان اتزوج .. ماكنت راضي .. بس من شفتـج .. والله اني حبيــتج .. والله ..
استحيــت ونزلت رااسي ..
احمد : ههههه .. زين الحين انا برووح اتسبح وببدل وبعدين نتعشى اوكي ..
هزيت راسي وهو راح الحمـام عشان يتسبح ..
اما انا فتحت تسريحـتي ..وفصخت عقدي وحاولت افتح الفسـتان ماقدرت .. اووف يااربي انـا شنو الي خلااني ارضى ان هم الي يسون لي الفســتاان .. السحــــااب ورى مااقدر ماطاال ..
قعد دورت جواالي واتصلت على منور ..
ردت بسرعه
منور : هههههههههه شبلااااااااج تكاافختي ويااه ..
قلت : هيهيهي .. سخيييييفه .. اقول منور .. شلوون افتح سحاب الفســتان ..بعيـد علي ..
منور : مـادري عنـــج ..
قلت لها وانا شوي واصيح : والله مــــاااعرف ... بعيــد
منور : قولي حق احمد ..
قلت لها : لااااا وين استحــــــــي ..
منور : عيل يلاا انجلعني عن ويهي وخمدي بفستاانج .. يلاا باي .. ابي ارررقـص خخخخخخ ..
" وسكرت في ويهي "
طالعت الجوال منصدمه .. الحيـــــن انا شااسوي ..
شوي وانفتح باب الحمام وطلع احمد .. شافني ابتسم ..وابتسمت له ..
دخلت الحمام على طول وقعدت دااخل .. حااولت افتح السحــــااب ماقدرت ..مالقيت غير حل وااحد .. قعدت على طرف البانيوا وقعدت اصيــــــح ..
ظليت في الحماام حواالي الربع ساعه .. طق علي احمد باب الحماام تخرعت ..
احمد : عوووووووش .. شفيــج تأخرتي ؟
قمت وفتحت له البــاب .. حسيته انصـدم ..وكان شكله يضحك ..كنت بضحك بس مو وقـــته ..
احمد : ماابدلــــتي !!
نزلت راسي وقلت بصوت واطي وانا خاااايفه : ماعرف افـــتح سحـاب الفسـتان ..
ظل احمد ساكت مده .. ويوم رفعت راسي اشووفه ..طاحت عيني في عينه ..وانفجر احمد من الضحك .. افتشـــــلت وكنت بدخل الحمـــام بس احمد مسك يدي وقام يضحك ..
حاولت اسحب يدي من يده وقلت له : هد يدي هدهااااااااا ..
احمد : هههه ..زين تعالي .هههههه ..والله بفتحه لج ..ههههه تعاااالي ..
رحت له وعطيــته ظهري ..
احمد مسك السحاب ..وبسرعه التفت له وقلت : غمض عيوونك ..
احمد : هههههه يه ..شلون اشووف ..
قلت له : شتشووف ؟
احمد : يـــــه .. عووش
قلت له : غمــــض عيوووووووونك ..
احمد كمل الغنيه: حبيبي غمض عيونك ..باقول لك شي بس اسمعني بقلبك ..
ضربته على كتفه : آآآآيـــــه ..ماقاعده اغني وياااك ..
احمد : ههههه ..اوكي عمري .. بغمض عيوني ..
يوم شفته غمض عيونه عطيـته ظهـري .. فتح السحـاب ..وبحركه سريعه غطيت ظهري بيدي ورحت ركض الحمام وانا اسمع ضحك احمد ..
فسخت فستـاني وتسبحت ..ويوم طلعت كنت لابسه روب ولافه شعري بفوطه
احمد وهو يشوف التلفزيون : نعيما ..
رحت صوب التواليت : الله ينعم عليك ..
قعدت امشط شعري وشوي وجاني احمد ..
احمد يمسك شعري : قصيتيــــــه !
قلت له : اي من زماااان ..
احمد : اخبر ذااك اليوم في الميلس يوم ترقصيـن كان اطووووووووول ..
افتشلــــت وضربته باالخفيف وقلت : قصيـته يوم الملجه ..
احمد : ماااشفتــه ..
قلت له : لاني كنت رافعته ..
احمد : زين ليش قصيــــــتيه .. الطوويل احلـــــى ..
قلت له وانا امشط شعري : يووه .. يبهدل ..
احمد : حـــــرااااااام عليج الشعـــر الطوويــــل يهبــــــل ..
طالعته وقلت : تبي انت طوول شعرك ..
احمد : ههههههه .. شنو ؟ انا شعري بروووحه طوويل ..
توني منتبهه لشعره .. كان اطول عن ذيك المره الي شفته فيها في المطبخ ..كان واصل تقريبا لين تحت اذنه ..
قلت له : اي مشالله حلوو ..
احمد قرب مني وابتسم : عجبــــج ؟
قلت له : اي حلووو ..
احمد : زين يـلااا قومي رقدي ..

حسيت بشي على خدي .. ضربته بالخفيف وصديت الصوب الثاني .. وبعد حسيت بشي على خدي الثاني ..فتحت عيوني شفت احمد يحرك اصاابعه على خدي ..
ضربته على خده تلقائيــا وقلت : ابــــــي انــــــاااااااااام ..
وصديت الصوب الثاني وكملت نومتــي ..
ماوعيـــــت ألا وانا في الحمـــام .. ويوم صحصحت شفت روحي بين يد احمد ..
احمد : بســــــج نووووووووم ..
ويوم ستوعبت قعدت اضربه واقول : نزلــــــــــــــــــــني ..نزززززززلــــــــني ..
احمد : هههههههه .. بـــــل ماتتعامليـــــن دفشششششششه ..
قعدت اضربه بس هو مايحـس ..نزلني وهو يضحك وفتح ماي الحنفيه ورش علي وقال : يلااا صحصحـــــي بسج نووووووم ..
رشيـــت عليه اكثر ودزيته برع ..
غسلت ويهي ولبست لي جلابيـه حمرا كشـخه ..وحطيت لي ميك اب خفــيف ..وعدلــت شعري ..وبعدين رفعته بكليـب احمـر وطلعت ..
احمد : شنو شنو شنو ؟؟
طالعته مستغربه : شنو الي شنو ؟
احمد : جي بتروحين المطـــــااار ..
قلت له : الحيـــــــــــــــن !!
احمد : اي الحيـن ..
قلت له : زين بسلم على اهلي..
احمد : امس مسلمه عليهم ..
قلت له : بعد اليوم ..
احمد : ههههه لاا ولله
قعدت احذاه وقلت : اي والله .. ابي ارووح اسلم عليـــــهم ..
احمد : عيووني الحين الساعه 6 الصبـح .. من قاعد لج .. ؟
استسلمت للأمر ورحت بدلت ولبست لي بنطلـون جيـنز وبدي احمر لأني مابي امسح الميك اب ..عاجبني .. لبست عبايتي ودخلت الاغرااض في الشنطه ورتبتهم وطلعت ..
شفت احمد يتفطر ..
تطرقع بطني من اليووع .. رحت له اركض واعفد ويااه وآكـل ..
احمد : هههه بسم الله شبلاااج ..؟
قلت له : ليش ماقلت لي انك بتااكل .. جان نطرتني ولا ناديتني ..
احمد وهو ياكل التوست : مادري شفتج ترتبيـن ..
قلت له وانا اكل : حتى ولو ..انا يووووعااااانه
احمد : ههههههههه .." دز الصحن حذاي وقال " هاج هفـــــيه كله ..
ضحكت وقعدت اكل ..خلصت اكلي ورحت الحمام غسلت وشفت احمد لابس بنطلوون جينز اسـود ويا تي شيرت ابيـض واسود وكاب اسـوود وشعره متناثر على خده وطاالع غراااام ..
قلت له : غير غير لبسك ..
احمد وهو يشوف لبسه : ليش مو حلوو ..
قلت له بسرعه : وععععععععععع .. يلوع الجبد ..
احمد راح صوب المنظره : لااا ..شكلي اووكي ..
قلت له : لااااااا مب حلووووو ...
احمد : عناااااااد فيييييييج مب مغيــــــر ..
احتريـــــــت وكنت بصيــــح .. حطيت اغراضي على الارض وقعدت ع السرير وقلت : مب رايحه .. عناااااد فيك ..
احمد شكله استغرب من تصرفي وقعد احذااي ..
احمد : عوش شفيج ..؟
طالعته وانا في خاطري اصيح : غير ملااااااااابسك ..
احمد : لييييش زيـــــــن ؟؟
قلت له واانا مستحيه : طالع حلو ..والبنــــات بيقعدون يقزوونك ..
احمد قعد يطالعني ..وانا منزله راسي وبعدين فطس من الضحك ..
احمد باسني على خدي : فدييييييييييت الغيــــــره انااااااااا .. افاااا عليج داام هاذي السبب .. بغيـــــره ..
راح غير لبســه يحليله ولبس بنطلون جينز ازرق وتي شيرت اسود ..ونكش شعره ..
احمد : شكلي يلوع الجبد ؟
قلت له : اوووووف .. شيــــفه .. يلاا قووم ...خخخخخخ
احمد ضحك ومسك الشنــاط وهو في الطريج انا اعدل شعره بيدي ... صج اغاار عليه بس مو يطلع بكشته .. الي يشووفه يقول متهااوش ويا حرمته ..
ركبنا السياره ورحنـا المطـــاار ..وعلى طوول نادوا على رحلتنــــا ..
صرخت عليه وقلت : جـــزر المالديـــــــــف !!


هاا البارت و باجر ان شاء الله بنزل لكم جزئين للويكند >> طلبات الغالية (( الميم)) لوول ^.^

وابي ردودكم الحلوة .. يا حلويين .. ^.^