|
اســـمحـــولـــي ،، انا أخالفكم الراي تماما ً،، كـل شي ممنوع و عيب و منقود بالنسبة للبنت و يوم نسأل عن السبب يقولون: لانه اهاليكم يخافون عليكم ! هذا هو الجواب باختصار!! مجرد خوف! خوف الأهل على البنت = عدم ثقة الأهل في البنت.. وهو فالأساس خوف الأهل من البنت و تصرفاتها،،مش خوف عليها و " لكن" خوف منها،، يعني يخافون انها تسوي شي غلط و هالشي معناته انه الأهل مش واثقين في بنتهم.. واذا فعلا كانت المسألة مسألة خوف على البنت،، تراهم يخافون على الولد بعد،، لانه مهما كان رياااال و يعتمد عليه فالنهاية هذا ولدهم و لازم يخافون عليه حاله حال البنت،، اوكي ،، دامهم يخافون على ولدهم " لـــيــش " ما يمنعونه من معظم الأشياء شرات مايسوون فالبنت ؟؟؟ سؤال يطرح نفسه ! ترا الولد واثقين في تصرفاته و عاطينه ثقة مطلقة و هالشي غلط طبعا ً لهذا السبب ما يمنعونه من شي،، كل شي مسموح له تقريبا ً.. و على اساس هاي النقطة أنا بنيت استنتاجي اللي هو : عدم الثقة في البنت و خوفاً من تصرفاتها هو سبب مــنـع و حرمان البنت من معظم الأشياء.. " الأهل اللي واثقين من تربيتهم لبنتهم ما بيمنعونها من شي " و في وايد ناس يخلطون بين( العادات و التقاليد ) و( الدين ) مثال: البنت: أمي أبغي أسوق.. الأم: لا منقوووود،، شو هاي الرمسة ،، عيييب... طبعا اهنا العادات و التقاليد تمنع البنت من السواقة،، و "لـكـــن" دينا الإسلامي " ما حرم السواقة عالبنت " فا على أي أساس الأهل يمنعونها ! بيقولون: على اساس انه نخاف عليها من حوادث السيارات.. أرد و أقووول: لـو الله رايد انه البنت تتعرض لحادث سيارة،، بتتعرضله سواء خليتوها تسوق ولا منعتوها،، هذا قضاء و قدر فا موول ما يخصه يعني،، بس هم يخلطون الأمور !! البنت في المجتمع الخليجي وااااااايد مظلومة تحت ظل " العادات و التقاليد " " اذا الدين الاسلامي ما حرم على البنت وايد اشياء ،، ليش نحن نقيدها بالعادات و التقاليد اللي تحسسها بالظلم و القهر ؟!! " و اذكركم: كثرة الضغط تولد الانفجار ،، و كـــل مــمــنوووع مـــرغـــوب ،، دام يمنعون البنت من شي معين ،، هم بطريقتهم هذي يجبرونها انها تسوي هالشي من وراهم.. يعني نتيجة سلبية ! فالنهاية هاي وجهة نظري،، و أنا متمسكة و مقتنعة بها لأبعد الحدود.. الله الــمــســتــعـــان !! السموحة عالاطالة :66: |
مـرحبا بـصراحة أنا أشوف أنه في أشياء عادي نسويها وأشياء لا يعني مب كل شي هيييه ومب كل شي لااء وبث ^.^ وتسلميين عالموضوع وربي يعطييج العافيه . |
اقتباس:
ليش عدمـ الثقهـ أكيد هيه مسويهـ شيء عسب جي ما يثقون فيها .. الولد ما يعيبه شيء .. بس البنت كل شيء ولا شرفها .. " الأهل اللي واثقين من تربيتهم لبنتهم ما بيمنعونها من شي " صحـ بس كل شيء وله حدودهـ .. تسلمين ختيهـ عـ المرور الغــاوي.. ولا تحرمينا من تواجدجـ الدائمـ.. |
اقتباس:
المرحب باجي صحـ.. تسلمين ختيهـ عـ المرور الغـــــاوي.. ولا تحرمينا من تواجدجـ الدائمـ.. |
ياجماعه ترا هالشي معروف الاهل مايمنعون بناتهم الا خايفين عليها وبالاخص من الناس وكلامهم لانه لو شافو البنت تروح واتيي والامور طيبه مابيخلون كلمه مابيعقونها عليها الا فلانه جي وله جذاك فا الاهل لهم حق يمنعون بناتهم من الروحات والييات وغيره عشان الناس وعشان البنت نفسها عشان مصلحتها ويسلمووو عالموضوع |
| الساعة الآن 11:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir