منتدى استراحات زايد - • رواية : (( أخبرتك . . أن لا تحاول الاقتراب منهُم )) بقلميَ ،

( لآتشغلكم الرواية عن الصلاة ):1711:

البارت الرابع :

بعضُ الذكريات ثابتة لا تتغير !
في القلب بعيداً عن كل شيء مجرد ذكريات نتذكرها .. ووتجعلنا نراها واقعاً قديم ..

(( بعد مرور إسبوع )) ..

وهذا أنا في مطار بوظبي .. !! إلتفت حولي ، فيني شوق كبييير معرف أعبرر عنه ،

وأخيرا رديت لبلادي الغالية وبشوف أهلي وناس وربعي " ابتسمت " ..
كنت مب مصدق عمري أنا في حلم مرت الأيام بسرعه وتخرج

ورفعت راس أبوي وأميه .. وأخيرا بقدم لشغل وبعتمد على نفسي وبكد وإن شاء الله أتوفق في شغلي ، .. حسيت بشعور حلو خاصة إذا بعد تعب سنيين ..

طالعت فهد ياي يستقبلني ، عرفته من طوله ههه طويل ماشاء الله وبعد من ابتسامته جميل ييه صوبي وسلم : هلالا والله منور .. عساك بخير ؟

رديت عليه : فهد مب مصدق ياخي !! .. وأخييييراً

فهد ويضحك : هههههه .. هيه حاس فيك أهم شي الحمدلله ع السلآمه .

قلت : الله يسلمك .. عيل خبرني كيف أمور أهلك ؟؟

فهد وابتسامه أدري وراها شي : والله الحمدلله .. ماعلينا حموود وينه ..

رديت : إسكتت حمود بعدد متأثر .. يقول بيدخل شرطه ولا جيش ويتحرط طول الوقت يقول الأستاذ حاقد علي وهم السبب وو..

فهد : والله لو كان شاد حيله بيفلح .. هو رايح يلعب ويغير جو ههههه ..

ضحكت : ههههه بس مدري ياخي كاسرر خاطري مايهون علي نتخرج ونستانس وهو مضايق جيه .. قبل لا توصل قال سلم على فهود اذا شفته ركب سيارته و رايح البيت ..

فهد ويفكر : الله يسلمه .. ... ... عيل خلاص أوصلك للبيت بعد إنت يالله عن تتاخر عن أهلك ..

تميت ساكت وفهد يطالعني مستغرب : بشو تفكر ..

قلت : ولا شي .. يالله بتعبك معاي ..

فهد : لآ شوو عادي يا خوي هذا واجبي يالله تعال ..

تحركت أنا وفهد لسيارته عسب يوصلني البيت .. طبعا أنا سيارتي في البيت وإحساسي يقول أنهم

ماخلوها بحالها لو أحصلها تشتغل زين خخخخ أدري خالد وعلاوي ماصدقوا أنا محد ولاعنين خيرها .. حتى حجرتي

أكيد موصخينهاا ..

فوني رن .. منو غير مريوم !!

قلت : يالله اتتتصلت مريووم " فهد ضحك يعرف أني مبتلي في هالبنت " .. الوو ؟؟

مريومه : ألوووووووووييين .. ويييينككك .. متى بتووصل ؟؟ هااا ..

قلت : في الدرب ..

مريومه : أهاااا .. زييييين يالله بسررعه تعااال ..

أنا : شو راكب طياره أنا ..

مريومه : أووف زييين .. يالله مع السلامه

قلت : الله وياج ..

فهد : ههههه بلاك عالبنت ..

قلت : اضحك انت ترى والله هالبنت وايد تتكلم وتسال وتحاتي عالفاضي محد حشرني هالسنين غيرها ..

فهد : بالعكس اختك أكيد تحاتيك تحبك ..

رديت : هههههه .. محشوم ماعندك خوات صغار ..

فهد : هههه والله بخاطري خوات صغار ..

قلت : ليش خوات تزوج وييب لك عيال ..

فهد وضحك : هههههههههه وين أنا مشاكل الي في البيت وخواتي المزوجات تارسه راسي ..

رديت بإستغراب : غريبه ليش شو صاير ..؟؟

فهد : خلني ساكت .. والله كريم ..

كنت أفكر فهد كل خواته أظن متزوجات معقوله تصير مشاكل لدرجه أن فهد يتوهق معاهم الله يعينه !!

مايستاهل قلبه طيب . ..

***

بعض الأفراح .. تقاسُ بالإبتعاد ..
يبتعدون ثم نراهم من جديد وكأن
حان وقت الفرح المنتظر ..
هكذا أحبتنا نحبهم .. رغم البعد
وعندما نعود لهم تغمرنا السعادة !

شفت أميه ومرت أبوي يالسين يتكلمون عن راشد وأن ياي في الدرب ومريوم متخبله ..

كل شوي " أخيررا رشووود بييه .. أخييرااا ماعلي علاوي حسابك عند رشود اطفر فيني " .. حسيت علاوي مب مستانس ..

سمعت يقول بصوت شبه مسموع : أوف لييته طول الغييبه ..

قلت : علاااوي " بصوت مب عالي عسب لحد ينتبه "

هو التفت صوبي وقال : لا تقنعيني أنج فرحانه عسب راشد راد البيت ترا يبين من عيونج ..

أنا على طول غيرت السالفه : أميييه أنا رايحه حجرتي يوم يوصل خبروني ..

وتحركت حسييت .. علاوي كان يطالعني بنظره ..

وأنا رايحه الحجرة شفت عنود طلعت من حجرتها ..

طالعتني وقالت : ميروووه .. رشووود وصل ؟؟

قلت : للحين .. روحي الصاله كلهم هناك ..

العنود : لا ماابي .. أصلا ما أرمسه من آخر مره ..

ضحكت : هههه براحتج والله ..

عقب كملت دربي .. التفت كانت واقفه مكانها تفكر مدري بشو ..

دخلت الحجره .. وسكرت الباب ..

راشد رجع .. معناته المشاكل بتبدا ! ..

***

أحياناً أصدقائنا .. إخوة نحتاج لهم دائماً ..
يسعدنا وجودهم .. ويهمنا أن نساعدهم في أبسط الأمور ،

(( عند البيت ))

بعد مرور الوقت ..

أوك ماعلي ماتقصر ..

ابتسم : عادي .. ماعندي شي وبعدين هذا بيتنا قريب من بيتكم ..

رديت : يالله عيل الله وياك ..

رد : في أمان الله .. " عقب حرك سيارته وراح "

دخلت البيت .. وعقب اول مافتحت الباب شفت أميه وأبوي ومرت أبوي واقفين يتريوني ..

قلت : السلام عليكم ..

أميه على طول يت تسلم وحضنتني يلست تصيح : رااااشددد .. الحمدلله عالسلامه الغالي ..

بستها فوق راسها : الله يسلمج الغاليه .. عساج بخير ..

طالعتني بنظرات حزينه : ويينك عناا كل هالسنين .. دام شفتك أنا بخير ..

ابتسم : ربي يحفظج .. يالله أميه عاااد لاتصيحين تدرين ما أحب أشوف دموعج ..

عقب سلمت على ابوي وبسته فوق راسه : شحالك أبوي .. ها راضي علي ؟

ابستم لي : راضي عليك .. الحمدلله على سلامتك ..

رديت : الله يسلمكم كلكم مشتاقين وأنا مشتاق .. شو نسوي كل لعيونك ابوي أهم شي رضاك علي .. " وشفت أميه " ورضا أميه بعد ..

عقب سلمت على مرت أبوي : شحالج عموه عساج بخير يارب ..

ردت : الحمدلله طيبه طاب حالك ..

شوي واحس بحد يحضنني من وراي محد غيرهاا مريومه .. : رشووووودددي

أنا : هااا مريوومووه ..

طالعتني وشوي بتصيح : اشتقتلللككك واايددددددددددد ..

قلت : عااد الا الصغيرونه .. مانبي نشوف دموعهاا ..

مريومه : ايي شو صغيرونه خلاص كبرررت ..

ضحك : ههههه هيه بس بتميين صغيرونه البيت ..

مريومه : ماابي ههههه ، الحمدلله عالسلامه اخوي .. ومبروووك عالشهاده والتخررج عبال الشغل ..

رديت : الله يبارك فيج ..

أميه : تعالو داخل .. ارتاح شوي بتم جيه واقف ..

عقب تحركناا كلنا في الصاله ، واميه صبت لي ماي ..

يلست أشرب : يعطيج العافيه ..

أبوي : من باجر إن شاء الله نروح نقدم لك للشغل وان شاء الله تشتغل وتشل عمرك وماتعتمد علي حد ..

رديت : ان شاء الله ابوي ..

مريومه : برووووح أقول لعنوود ..

أنا : هيه صح وينها !!

مريوم ووقفت : ويييت .. " عقب ركضت تزقر عنود "

أميه : يوعاان إذا يوعان بقوم أحط لك شيت اكل ..

رديت : لا لا .. مب يوعان لا اتعبين عمرج ..

عقب شفت عموه .. تحركت مدري وين راحت بس سويت عمري
ما انتبهت لها .. أبوي يطالع اميه : وينهم العيال .. خليهم ينزلون و يسلمون على أخوهم ..

أميه وقفت : بروح أزقرهم ..

أبوي وقف : مايستحون إخووهم وصل وكل واحد يالس بحجرته ..

رديت : عادي ابوي مب مشكله .. أنا خلاص بتم هنيه مب رايح مكان ..

أبوي وقف : عيل يالله .. قوم سلم عليهم وعالمسيد بيأذن بعد شوي ..

رديت : إن شاء الله ..

حسيت أبوي معصب منهم !! بس ماحبيت يصير شي من اول يوم .. والحمدلله ان قام وراح حجرته ..

تميت انا ومريومه رحجعت .. فصخت غترتي وتنهدت : يالله هلكااان ..

مريومه : رشوود خالد هنيه ..

أنا والتفت على طول : قولي والله !!!!!!!

مريومه : هيه .. بس ظهر هو وحرمته وبعدهم ما رجعوا ..

رديت : أهاا خلاص مب مشكله .. أنا رايح حجرتي .. بتسبح وبلبس قبل لا يأذن ..

مريومه كأنها كانت تبي تقول شي بس سكتت ..

***

أشخاص .. أسماء .. أو حتى رائحة عطر !
مجرد النظر لهم أو سماعهم نرجع لذكريات قديمه ..
لو أن الماضي لا يتشكل بهم ،

(( بعد صلآة العشاا )) ..

رديت البيت ، وقفت سيارتي وشفت سيارة خالد !! نزلوا رحت أسلم ..

قلت : هلا خالد شحالك ؟

خالد ويبتسم : حي الله راشد شو الأخباار ..

رديت : الحمدلله يسرك حالي ..

شفت حرمته ، تحركت دخلت داخل .. حسيت خالد طالعني بنظره .. ليش التفت لها !!

خالد : راشد ..

رديت : هلا .. هيه يالله ندخل داخل ..

دخلناا ورحنا أميه مسويه العشاا .. عسب نتعشى ، طبعا نزلت عنود وسلمت عليها وشوي تنزل ميره وعلاوي

سلمت عليهم .. أبوي عصب عليهم .. حسيتهم لحظه بدأ الحقد !! كنت أتمنى أبوي مايعصب جيه !!

حتى ميره ما التفتت لي نهائيا ولا احت عيوني بعيونها ,, كأنها ماتبي تشوفني .. أما علاوي كان يطالعني

كل شوي بنظرات غريبه !! ..

كنت آكل ومستحمل الشي ونظراتهم لي ..

عنود ماكملت أكلها تمت يالسه بس .. إستغربت شو فيها معقوله بعدها زعلانه الموضوع مب مستاهل !!

مرت أبوي رمست : خالد عيل إنت وغالية بتمون هنيه معانا ؟

خالد : هيه .. قلنا هنيه أحسن لنا بدال مانكون في بيت بروحنا ..

مريومه : بس غاليه يمكن مب مرتاحه ؟

غاليه أخيرا سمعت صوتها : لا عادي ..

قلت : أبوي عيل باجر رايحين عسب الشغل ..

أبوي : هيه ان شاء الله ..

استانست أخيرا . . كنت أقدر أشتغل مب قبل وقدم وقبلوني بس أبوي ما أدري كيف يفكر !

قالي كمل دراستك برع .. وبعدها تشتغل ..

يمكن كان يباني أجرب أعتمد على نفسي فالغربه .. أحيانا ما أفهم أبوي لكن أدري به يبي لنا كل خير ..

طالعت عنود : وإختناا كبرت ومحلوه ..

العنود : لا تقعد تمدح ألحين ..

ضحكت : ههههههههه ، بلاج الغاليه

العنود : أبوي قوووله يسكت ..

أبوي مستغرب : شو فيكم متزاعلين ؟؟

أميه : عنووود !! عيب هذا أخوج العود ..

العنود سكتت حسيتها تضايقت زياده ..

عقب ماخلصناا .. توزعنا في البيت .. يلست بالصاله مع مريوم وعلاوي يالس يلعب ..

مريومه : في حددد ييه يدق الجررس برووح أشوف مع أني متأكده أنها عهود ..

أو ما قالت اسمها على طول ييه في بالي ذكريات قديييمه : ليش هيه بعدها هنيه ؟

مريومه ومستغربه : هيه بعدهم جيرااناا .. أظن يايه عسب ميره ويت ..

قلت باستغراب : هيه تخرجت صح ؟

مريومه : هييه شفيك هيه مع ميرووه ..

علاوي : ليش وايد تسأل عن البنت !!

التفت صوبه : ليش فيها شي ..

علاوي تم ساكت .. مريومه ظهرت من الصاله كنت أسمع حوارهم ..

- كنننتتت حاااسة أنج إنتي ..
ههههه شو محد يمر بيتكم صوبي ..

مممممممم لآ حاليا محد .. شحالج ؟؟؟
الحمدلله وينها ميره ؟؟

تعرفيين وين حجرتهاا بتحصلينهاا فووق ..

أهاا أوك شكرا .. هيه صح مريومه عادي تخلين ساره وشواخ معاج ..

فدييتهم هيه عاادي .. بلعب معااهم

حبيبتي والله .. يالله أنا رايحه تموو مع مريومه زييين ..

زييين ..

عقب شوي رجعت مريومه ومعاها بتنين صغاارر !!!!!!!!!!!!!!

مريومه : تعاالووو لاتستحوون ..

عقب يلست ويلسو عندهاا وانا فوق راسي علامه تعجب : عياالهاا !!!!!

مريومه وتضحك : هههههههههههههههههههههههه شو عيالها البنت مب متزوجه خواتها ..

رديت : ههههههههه عبالي بعد .. وليش يايبه خواتهاا ؟؟

مريومه وتهمس : ماعندهم حد ..

استغربت : شو ! كيف يعني ..

مريومه : شوااخ ساروونه روحو العبوو مع علاوي ..

علاوي : ليييش توهقيني مع الصغاار ..

مريومه : حررامم لعبهم ..

علاوي : أوووف .. زييين ..

مريومه وتهمس : أمهم توفت الله يرحمها وماعندهم حد عسب جيه عهود مسؤوله عنهم ..

انصدمت : توفت !!!!!!!!!!!!!!! متى ؟؟؟

مريومه : من زماان شفيك توك تدري ..

رديت باستغراب : هيه والله توني أدري .. الله يرحمهاا ..

مريومه : آمين ..

***

نحتاج شخصا يفهمنا لآ أكثر !!
ربما هنالك الكثير من حولنا لكن هنالك شخص واحد قد يفهك ..
نتحدث معهم عن كل شيء .. نرتاح لهم رغم كل شيء ..

(( حجرة ميره ))

شفتها وضحكت : هههههههههههههههههههه .. عهود عام مب جيه ..

عهود : لا تضحكيين أتكلم جد والله صج .. إنتي ماتحسين عواش وندي متغيرات !!

رديت : هيه معاج حق .. مدري شو صااير !!

عهود : محد فاهم وضعي غيرج عسب جيه مالي حد غيرج ..

رديت : فديتج والله وأنا مثل إختج ..

عهود : نحن من صغار كنا نعرف بعض وإنتي تعرفين أمي توفت الله يرحمها وألحينه مسؤوليه البيت علي ..

قلت : زين ألحين لاتضايقين بعمرج .. خلاص تجاهلي الكلام الي يضايقج ..

عهود : أحاول ..

قلت : زيين عيل وين شواخ وساره ؟؟؟؟؟؟؟

عهود : مع مريومه ..

رديت : وين في الصاله !!

عهود : هيه ..

رديت : ويييييه ليكون راشد هناك ..

عهود باستغراب : ليش هو رجع ؟

قلت : هيه .. تدرين هو مايحب اليهال وايد وحشرتهم ..

عهود : ههههه لآ تحاتين شواخ وساره وايد هاديات واذا شي أولاد .. مايرمسن يستحن هههههههه

ضحكت : ههههه فديتهن .. تدرين أحاتي الجامعة يمكن أغير .. أفكر أسجل في جامعة زايد لأنها أقرب ..
عهود : هيه احسن لج ..

قلت : الله كريم .. زين وانتي مافكرتي بكلام أبوج ؟

عهود : أي كلام ؟

رديت : أن يتزوج .. وإتكملين دراستج ..

عهود : مدري والله أحس رافضه الفكره نهائياً ..

ماحبيت أقول شي زياده وتضايق أعرف عهود من النوع الي يضايق بسرعه ..

فجأه سمعت صوت هوااش وقفت بصدمه : راااشد !!!!!!!!!!

كات :ax: