ف العرس :
الكوشة كانت على استايل فستان العروس و لونها ابيض ويا ذهبي و كانت القاعة عوووودة و الطاولات ما كانت دائرية شرات كل عرس كانت الكراسي و الطاولات محطاية بالطول بحيث انه يوم تظهر العروس بيشوفونها عدل و ما يحتاي يلفون ع ورا عسب يشوفونها و القاعة كانت فيها ورود حمر و بيض ويا بيج و شموع
احينة البنات فالحجرة عند نودي ( العروس ) و متحمسين
حمدوه : نودي حبيبتي انتي , اتخبليييييييييين
مهاري : هيه يا حيه ريلج
ميروه : قولوا ما شاء الله بتحسدونها
ريموه : عاد مهاري عيونها حاااااااااارة
الشلة تضحك : ههههههههههههههه
حمدوه : الله يحفظج و يتمم لج ع خير حبيبتي
عقب حمدوه زقرت عبير اختها لأنها مصورة و فنانة ف التصوير ! و بدوا البنات يتصورون فالحجرة . عبير كانت بتصور و بتروح لنه عندها شغل . المهم تموا يتصورون و يسوون حركات و هم يتصورون و كان كشخة و عقب نزلوا كلهم تحت ند باب القاعة يسلمون ع المعازيم الا حمدوه تمت عند نودي و عبير اخت حمدوه روحت و بدوا المعازيم اييون و القاعة استوت زحمة.
. . ( فالحجرة عند نودي ) . .
محد فالحجرة غير حمدوه و نودي
نودي : حمدوه أنا زايغة اتحسين شكلي اوكيه ؟
حمدوه ( تعرف انه نودي مغصوبة و تبا ترفع معنوياتها عسب تستانس ) : و الله انججججج اتخبليييييين و ما يحتاي اتزيغين انتي بس فكري ف الاشية الحلوة عسب ماتمين زايغة و اعرفي انا كلنا وياج حبيبتي
نودي : إن شاء الله حبيبتي
. . ( عند البنات ) . .
يت وحدة من المعازيم اترمس ميروه ..
الحرمة ( أم علي ) : بنت منو انتي ؟
ميروه اطالعها و ساكتة
مهاري : ليييش ؟
أم علي : أدور لولدي بنت غاوية شراتها
مهاري و ريموه ردوا عليها و ميروه تمت مستحية
عقب اسوت الساعة 10:00 الوقت اللي بتطلع فيه نودي .. البنات كلهن روحن صوب نودي عسب تنزل و بدت دقات قلب ودي اتزيد و هي زايغة
عقب الكل نزل تحت ويا نودي و اتسكرت الليتات و الكل عرف انه الوقت اللي بيشوفون العروس فيه. اتبطل الباب و الكل يوايج يبا يشوفها .. مشت خطوة وحدة جدام و فإيدها مسكتها و البنات وراها .. بدت الزفة و طلعت ع الزفة ..
. . . عنود الحلا يحتويها و الغلا يرتجيها . . .
. . . شيخة الحسن عنود الله عليها . . .
. . . عيدها عاد ثاني بين قلب و محاني . . .
. . . قلت أزف التهاني و أتغني و أجيها . . .
. . . يالبنات الصبايا عندي لها هدية . . .
. . . ما طارت هالرواية و استحيت اهديها . . .
. . . لأنه عنود هدية من اله البرية . . .
نودي كانت تمشي و الكل منبهر بجمالها و تمت تمشي لين وصلت الكوشة و كانت رووووعة . عقب بدت الأغاني و تموا يرقصون و دخلت المصورة و تمت اتصورهم و اتصوروا بنات الشلة و الاهل. ركبت وحدة الكوشة اللي هي ميثة ( اللي محيرينها لمنصور – اخو نودي ) كانت ميثة حلوة فستانها لونه بطيخي و الـ make up هادي . عقب فترة قالوا انه المعرس بيدخل ( اللي هو حمد )
حمد : طويل و اسمراني و عنده غمازات , عيوونه كبار و شعره ناعم .
دخل حمد ويا الرياييل الي من الاهل و اتغطن الحريم . منصور كان من بين الرياييل و يدور ميثة بعيونه و طاحت عينه بعينها و الحبيبة استحت. يوم قربوا صوب الكوشة حمد حب نودي على راسها و كان يطالع ويهها و كيف كانت محلوة عقب قبض ايدها و يلس عدالها .
حمد يهمس لنودي : أخييييرا استويتي حرمتي
نودي اتيمعت الدموع فعينها و صدت الصوب الثاني
منصور لسعيد اخوه : ميثاني اتجنن
سعيد : اندوكم هذا يطالع الحب اونه
منصور : اقول انطم
سعيد : ههههههههه
ميثة انتبهت انه منصور يطالعها و زلت راسها مستحية. مر الوقت بسرعة و خلص العرس و كل وحدة ركبت الموتر عسب اترد البيت . حمدوه فونها كان يرن برقم غريب . حمدوه : رقم منو ها !
( فخاطرها : أرد ع الرقم و لا ما أرد ؟ .. لا ما برد .. ) .. رد الرقم يتصل مرة ثانية .. حمدوه فخاطرها : ( برد برد ... )
حمدوه ترد ع الفون : .....
......: هلاا حمدوه
حمدوه ( ماعرفت الصوت .. ) : منو !!
......: صوتجج يقطع ماسمعج !
حمدوه ( ماتعرف منو ) : ألووووووو , منوووووو ؟؟؟!
......: الله ياخذج انا يا حمدوووووووووووووووه ..... أنااااااا يا الهبببببلة ميييرووووه ! فوني فشنطتج نسيته !
حمدوه : هيييييه صح فونج فشنطتييي !
ميروه : مب مشكلة , حمدوه مهاري عازمتنا ع الغدا فبيتهم بتين ؟
حمدوه : اممممم , بيي إن شاء الله بس بتأخر عليكم شوي ...
و بندوا
اتيمعوا البنات فبيت مهاري بس حمدوه بعدها ما يت
. . ( ف بيت مهاري ساعة 1:30 الظهر ) . .
هند ( أم مهاري و زايد و مريوم ) : هلا هلا بنات حياكن
الشلة كلها الا مريوم و مهاري : هلاااا خااالوووه
ام زايد : اشوف وحدة فيكن مب موجودة !
ريموه : هيه حمدوه بتتأخر شوي
ام زايد : هيه انزين يوم بتوصل بنحط الغدا , بنات ترا زيود عازم ربعه و هم فالميلس
الشلة كلها بدون مريوم و مهاري : آهى اوكيه مب مشكلة ( عقب ام زايد روحت ميلس الحريم عند اربيعتها )
مهاري : بنات ترا ماما عزمت اربيعتها بعد
مريوم : هيه
ميروه و ريموه و علاية : اوكيييه
" البنات يسمعون ضحك الشباب فالميلس "
ميروه : حسسسبي الله عليهم ازعاااااج
" تدخل اربيعة ام زايد الميلس ( ام علي ) "
ام زايد فميلس الحريم : هلا هلاااااا
ام علي : يا مرحبا و سهلا , علومج ام زايد ؟
ام زايد : يا هلا بأم علي نوّوّوّوّر البيييت , بخير و سهالة ربي يعافيج انتي علومج و علوم هلج ؟
ام علي : طيبة طاب حالج فديتج
( تدخل مهاري و اتسلم ع ام علي )
مهاري اترمس امها : يالله ماما نحححن يوااعة
ام زايد : وصلت حمدوه ؟
( ينسمع حس الموتر ف الميلس ) مهاري اتوايج من اميلي و اتشوف انه حمدوه وصلت
مهاري اترمس امها : هاااااذي حمدوووه
ام زايد : خللللله لاكشمي ( البشكارة ) اتيب الاكل ( و ترمس ام علي ) ها يا ام علي يحطولج الغدا فديتج ؟
ام علي : هيه حبيبتي انا متغدية سيري انتي اتغدي بارك الله فيج
ام زايد اترمس مهاري : خلاص قولي حث لاكشمي اتحطلكم الغدا و اتودي الغدا بعد حق زيود و ربعه
عقب ظهرت مهاري و تصارررررخ : لااااااااااكككككشششممممممميييييي
ام زايد اترمس ام علي : فديتج انا ما بتغدا لني اسوي رجيم
ام علي : شو رجيم بعد , انتي ناقصة ؟
ام زايد : اتعرفين عاد بو زايد لازم اتعدله , انتي تعرفين سوالف الرياييل ( و يضحكون )
. . ( عند البنات ) . .
تدخل حمدوه الصالة
ميروه : ما بغيييييييتي !
ريموه : متتتنا يوووووع
مهاااري : حسسسسسبي الله علييييج انتي كلللاااا فدبيي
مريوم تضحك : مبببب منهااا
حمدوه : هههههههههههههههه كلتوني بقشوري
( زيود من بعيد يصارخ ) : حطططططططوووووووو الغغغغغغدددددددددداااااااااا
ميروه : اززززعاااااج يا ربييييييييه
عقب مريوم روحت تقول للبشكارة اتوديلهم الاكل
البنات يتغدون , و هم يتغدون و يسولفون سمعوا صراااخ زيود
زايد : ححححححححححححلففففففت عليييييييك تااااااااااااااككككككككللللللل
سييييف : زيوووووووود خلللللل حميييييد فحااااااااله !
( الشباببب يضضحكووون بصوت عالللي : ههههههههههههههههههههههههههههههه )
البنات كلهم ساكتين و مصدومين ..
مهاري بصدمة بس اتحرك شفايفها و بدون صوت : حميييد !
مريوم : ششوووووو ياااااابه !
( ميروه و ريموه يطالعون بعض عقب يطالعون مريوم )
حمدوه مستغربة انه حميد هني
حمدوه اترمس ريموه و ميروه : بلاااكم !
علاية اتغير السالفة : يالله يالله كممممملوا غداااكم بناااااات
. . ( عند الشباب ) . .
حميد : رششود بلاك ساااكت ؟
زيود : مادري منو ماخذ عققققله
سوااف : اللي ماخذ عقلك بتهنا به هههههههههه
رشود : اقول جب , ابوية فالمستشفى
منصور : ششششششووووووو !!!
الشباب كلهم يطالعون رشود بصدمة ...
زيود : يقوم بالسلامة إن شاء الله
( ساعة 4 العصر و عقب الغدا روحوا الشباب و وصلوا المستشفى عند بو رشود و تموا عنده فترة عقب ردوا البيت و يلسوا فالميلسسس )
. . ( الصالة عند البنات ) . .
ام زايد تظهر الصالة : مريوم شلي الصينية احس بدوخة
مريوم : ماما لحظة شوي
علاية : خالوه هاتي الصينية انا بشلها عنج
ام علي ترمس ام زايد من الميلس : يالله يا ام زايد بو علي يترياني انا مروحة
ام زايد : توكلي يا ام علي فداعة الله ( و تتوايه وياها )
ام علي و هي طالعة مشت كم من خطوة و ما تمشي شوي الا و تسمع صرااااااااخ البنات ...
ميروه : خخخخخخاااااااااااااالووووووووه
مهاااااري : ماااااامااااااااااااااااا
علاية فالمطبخ سمعت صريخ البنات و طاحت الصينية من ايدها و ركضت للصالة
ريموه ادق ويه ام زايد بخفيف : خاااااالووووه تسمعيييينيييييي ؟!!!
مريوم و الدموع فعينها : مااماااااااااااا
علاية تدخل الصالة و اطالع الموقف و هي مصدووووومة !
حمدوه روحت اتيب ماي و هي تنتفض , الشباب فالميلس ساكتين و مب مستوعبين شو السالفة .
ميروه و هي اتصارخ و ترمس مهاري : روحي ازقري زيود بسسسسسسسسسرعة !
مهاري تركض صوب ميلس الرياييل و تصارخ : زييييييوووووووووووودددددد إللللححححقققق مااامااااااااا اغغغغممممممىىى عليييييييههههااااااا
زيود فز من مكانه و الشباب كلهم زايغين ما يعرفون شو يسوون !
زيود بفج باب الميلس و يدخل الصالة
مريوم : اتريا اتريااااااااا بنات اتشيييلللنننن
( كل وحدة تلبس شيلتها و حمدوه خازت عن ام زايد لنها كانت تغسل ويهها و تحاول تقومها )
عقب زيوووود شل امه و تحركوا المستشفى و مريوم روحت وياه المستشفى , البنات كلهم لحقوهم بموتر حمدوه و الشباب بموتر رشود )
. . ( في المستشفى ) . .
الدكتورة تطلع من الحجرة و الكل يطالعها
الدكتورة ترمس زايد : الحمدلله ع سلامتها ما تشوفش شر
زايد ( بتوتر ) : الشر ماييج , ها دكتورة طمنينا عليها !
الدكتورة ( تشل نظارتها الطبية ) : ما فيهاش الا العافية انته ابنها ؟
زايد : هييه
الدكتورة : طيب , هوا السكري ارتفع عندها بس
زايد ( مصدوم ) : فييييهااا سككككري !!
مريوم يت صوب زيود
مريوم : منو اللي فيه سكري , ماماااااا !!!
الدكتورة : ايوه ماماتك عندها السكري , انتوا ما بتعرفوش انو عندها سكري ؟
ام علي : هيييه فيها سكري
مهاري ( مصدومة ) : شششو !! من متتتتتى ؟!! ليييشششش ما قالتلنااا ؟!!
ام علي : امكم ما تبا حد يعرف
( البنات مصدومين و ساكتين )
زايد ( يصارخ ) : ليشششش ما تقولنا !! اتخبرج و ما تخبران ! شو نحن مب عيالها ؟!!
. . الشباب كلهم صدوا صوب زايد مب عارفين شو السالفة
الدكتورة اترمسهم : اهدى شوية يابني , احنا حنحاول نعطيها ادوية و حاقات كده علشان ينزل السكر عندها شوية لحسن الكلام و الصراخ هنا مش حيعمل حاقة
و روحت الدكتورة
( يرن فون مريوم )
مريوم : ألوووو هلاا
بو زايد : ويينكمممم ! امج وينهاا ؟؟؟
مريوم : .........
بو زايد : ليششش ساكككتة ! ششوو صصاااير ؟؟ ارمسسسي
( زايد خذ الفون من مريوم و رد على ابوه )
زايد : ابوووية , اماية طاحت علينا
بو زايد : شششووو !!! أي مستشششفى ؟؟؟؟
زايد : مستشفى خليفة
بو زايد : انا احييينة ياينكم
( و بندوا الخط )
عقب نص ساعة وصل بو زايد المستشفى ...
بو زايييد : وينهاااا !!!
مريوم : فهالحجرة
يدخلون الحجرة ...
بو زايد : سلمتي يالغالية , شحالج احينة ؟
ام زايد : بخير لا تحاتي
بو زايد : كم مرة اقولج خل عنج الرجيم , ما تسمعين رمستي .. و ها طحتي علينا !
ام زايد : خلاااص يا بو زايد صار اللي صار و انا بخير احينة
دخلت الدكتورة عليهم ....
الدكتورة خذت بو زايد ع صوب ...
الدكتورة : هيا فيها شوية هبوط فاحنا بشوف انو لمصلحتها تبأى فالمشفى لحد ما ترتاح شوية
بو زايد : انزين و شو بتسوولها ؟
الدكتورة : حنعطيها مسكنات شوية لانو هية تعبانة و بكرة حنطلعها
بو زايد اللي تشوفونه
و ظهرت الدكتورة...
بو زايد يرمس ام زايد : ما تشوفين شر يالغالية
عقب مريوم خبرت ابوها و زيود انه علاية بتدخل فظهروا
( علاية تدخل الحجرة )
علاية : الحمدلله ع سلامتج خالوه
ام زايد : الله يسلمج حبيبتي
و يلسوا البنات شوي عند ام زايد .. ام زايد رقدت ..عقبها بفترة
علاية ( بصوت واطي ) : مهاري , مريوم ! قوموا بنطلع انغير جو
( مهاري و مريوم يطالعون بعض و ساكتين )
ام علي : بناتي اطلعوا انا بتم ويا امكم و لا ابوكم مب شغلة هي
مهاري و مريوم : لا لا نحن بنتم عندها !
ام علي : يا بناتي انتوا اطلعوا و يا ربعكم خلوا الكبار يتمون هني
مهاري و مريوم ما بغوا يعاشونها و يجادلونها ... و بحزن : ان شاء الله
( فممر المستشفى , البنات )
ريموه : الحمدلله ع سلامتها
مريوم و مهاري : الله يسلمج
حمدوه : بنات خلنا نروح نيلس ف كوفي
الشلة كلها : و ام مهااري
حمدوه تعرف انه مريوم و مهاري يبون يتمون عند امهم و انه مب زين يتمون عندها
حمدوه : بنات مب زين انتم كلنا هني خلنا نسمع رمسة خالوه خلاص هي بتم وياها ان شاء الله و الوالدة ما فيها الا العافية
علاية : هيه
الشلة كلها : اوكيه


( زيود رن فونه )
راشد : هلا زيوود
زايد : اهليين ...
راشد : نحن طلعنا من المستشفى مرنا الميلس نترياك
زايد : اوكيه انا فالدرب , بنت منوو ؟
راشد : بيتنا
زايد : اوكيه
( البنات فالكوفي )
فجأة رن فون ميروه ...
ميروه : بنااااات نوووودي تتصصصصصل !
ترد ميروه ع الفون : الووووووو , نووودددددي اتولهنااا عليييييييييج
البنات مسوين حشششرة يبون يرمسوووونها
ميروه : اسكتتتتتن خلني اسسسمع البنتتتت , ويا راسسسككم
نودي : الووو الووووو ميروووه
ميروه : عيوووونها ! ياخي وينج انتي مسس يو و الله
نودي : حبايبي بصصيييح اشتقتلكم و الله ابا اخبركن وايد اشششية
ميروه : يالله متي بتردون ؟؟؟
نودي ( بنفس خايسة ) : و الله مادري عنه متى يبا يرد
ميروه ( تضحك ) : للابد جيه بتمييين !
نودي : و الله صجججج !! المهم .. متى ارد بخبركم شو استوى
ميروه : اوكيييييه
نودي : يالله فمان الله ... اتحملوا ع عماركم
ميروه : ان شاء الله و انتي بعد حبيبتي
( بندوا الخط )
الششلة كلها : هااااااا شووو اخباااارهاااا ؟؟؟؟
حمدوه : اشتقتلههههههاااااااا
ميروه : بخير الحمدلله , و قالت يوم بترد بتخبرنا شو صار وياها
الشلة كلها : اها ترد بالسلامة ان شاء الله
. . ( عند الشباب فالميلس – بيت رشود ) . .
رشود يرمس زيود : ها شحالها الوالدة ؟
زيود ( بملامح حزينة ) : طلع فيها سكككري
رشود ( بحزن ) : الله يشفيها و يشفي الوالد
الكل : آآآآمممييييننننن
سيف ( يغير السالفة و يوجه رمسته لمنصور ) : ها متى ناوي اتعرس ؟
منصور يطالعه بنظرة انه شو مشكلتك
رشود : ها ها بدوا بدوا يضاربون
( كلهم يضحكون الا زايد ساكت و يطالعهم : ههههههههههههههههههههههههه )
الشباب يبون يغيرون الجو الكئيب...
حميد : شو رايكم انسوي تحدي ؟!!
منصور : تحدي شو ؟
حميد : التحدي بيكون بين زيود و رشود ( لنه هم اللي عندهم حد من الاهل فالمستشفى )
سيف و رشود و زيود : شو التحدي ؟
حميد : التحدي يكون انكم تترايسون
زايد : اوكيه بس بيني و بين رشود
رشود : اووكيييه
حميد : بس نحن بنكون وياكم ع الخط عسب انعرف منو بيفوز و جيه
( منصور مب راضي بس يباهم يغيرون جو )
( عقب صلاة المغرب اتيمعوا الشباب فشارع الامارات )
موتر رشود كان FERRARI حممممرا و مزودة بتوربو اما زيود كان موتره BUGATTI بيضا و مزودة ب يناح
سواف : يالله شباب اركبوا مواتركم
( رشود و زيود يركبون و هم متحمسين )
عقب كل واحد كان راكب موتره و الشباب بعد كلهم ركبوا مواترهم و وصلوا شارع الامارات
حميد يرمسهم بالفون : مستعديييين !!!
راشد و زايد بحماس مش طبيعي : هييييييه اكيييييد
( و بدوا بترايسون عقب ما قال حميد .. 123 )
فالبداية العداد من 120 وصصصل 190 عند زيود و طاف رشود و تم يضحك عليه و يتم يسويله حركات من الموتر عقققب ثواني صد زيود و ما يسمع الا حسس موتر رشود اعلى و سشوفه خاطف جداااامه .. كل اللي فالمواتر يطالعونهم و يسبونهم سب ( انه شو ها شارع الامارات و يترايسون فيه ! )
رشششود كاان بيتجاوز الموتر اللي جدامه لنه مطفر به . .
كان ياي بيتجاوز و اول ما طووووف .... فففففججججججججججأأأأأأأة ..................