|
اقتباس:
|
وووووووووين البااااااااااارت؟؟؟؟؟؟؟؟؟؟؟ |
مشكووووووووووور ع البارت .. نتريا البارت الياي .. :12: دلع قطر لا تحكميين عليهن جي بسرعه ييمكن يتغيرن (امل و ملاااك ) .. :13: والسموحهـ ع القصوور .. |
السلام عليكمـ ... تسلمونـ عـ المرور الغاويـ ... تـابع / ميره حاولت تعرف السالفه من ساره بس ساره ماطاعت تقلهاا آخر شي ضعفت واستسلمت وراوتهاا الصوره والتسجيل ميره من جافت الصوره وسمعت التسجيل انصدمــت إلا انصعقــت ميره : يالغبيييه عسب هالخياس مسويه بروج جي ؟! ساره : ميره انا ما اعرف هالرياال ولا عمري جفته وابا اعرف منو هاا إلي مسجل صوتي ميره : والله تحريتج اذكى عن جي ظهرتي صدق غبيه تحيدين لما كنا فالمطبخ منو حدر عليناا ساره تفكر : اممممم ميره : لا تفكرين منوو غيرهاا ملاااك وهالصوره انتي هب متصورتنهاا فـ بيت قوم مزون ؟ ساره توها تتذكر : هييه والله بس انا تصورت ويا مزون هب وياا هااه ميره : انتي مطرشه الصور حق منوو ؟ ساره وهيه تفكر : امممم ملاك بـس ميره : جفتي ملاك هاليااهل تبى تخرب بينج وانتي لا حليلهاا تغيرت ومادري شوو ( صارخت ) وين سلطـان ؟ ساره : ما اعرف ما يعطيني سالفه ميره : غبيه انتي مالاحظتي ؟ ساره : والله من الصدمه والتعب مالاحظت ، مــلاااك !! ليش سوت كل هااه ؟! انا شو سويت إلهاا !! ميره : بس ابا اعرف منو شريكهاا ولا شريكتهاا ؟! كيف وصلوا الظرف لمكتب سلطـان ؟! ساره تمت ضايعه ماتدري شو الصح من الغلط ماتدري شو تسوي ألحين مر الأسبوع كله على خير ماصارت فيه احداث وايده طول هالأسبوع سلطـان كان فالشاليه يظهر يتمشى عالبحر يسبح ويحاول ينسى وساره طول هالأسبوع تتريا عوده سلطـان كانت واااايد خايفه علييه وميره سوت إلي عليهاا وخبرت ساره شو تخبر سلطـان وكان تجيك عليها كل يوم وتسأل عن سلطـان محد كان يعرف شي عنه أمل ومايد عرسوا وعرسهم كان واايد عود وفخم كلهم استانسوا لهم صوب سلطـان كان صوب الحوض يالس تذكر فونه ظهراه من مخباه فتحه جاف اشكثر مسكولات ومسجــااات مافتح ولا مسج لأنه كله من ساره تم يعابل بـ تلفونه مره وحده رن وكان المتصل سيف ردت عليه سلطـان وتم يرمسه خبرااه انه فالعين وجي عسب يطمن اهله ومايخافون عليه عقب سيف حاول يعرف سالفه سلطـان بس سلطـان سكر الفون فـ ويهه اونه مافيه جارج كان هاليوم آخر يوم لسلطـان فالعين كان المفروض اليوم يرد لـ بيته وشغله يمع اغراضه وسبح وكشخ وظهر وتوجه صوب دبي صوب بيتهم سار يفر اغراضه من وصل البيت تم واقف خمس دقايق يتأمله ويفكر شو بيسوي لما يجوف ساره !! يخبرهاا عن قراره الأخير !! شو بتكون ردة فعلهاا !! حدر البيت حصلهاا يالسه فالصاله شكلهاا حيل تعبــااانه من جافته استانست فرحت نشت من مكانهاا سايره صوبه بس هو تحرك ماسوالهاا سالفه سار صوب امه سلم عليهاا عقب سار حجرته ساره صدق حطت فـ خاطرهاا بس بعد قالت بتخبره عسب يعرف انهاا بريئه لحقته للحجرة من حدرت الحجرة : سلطــان أنــاا ... سلطـان قاطعهاا : ترومين تيمعين اغراضج وتردين بيت هلج ساره انصدمت ماتوقعت السالفه توصل لهالدرجه بس هيه مظلومه هيه نعم مظلومه ساره : بــس .... سلطـان : ماعندي كلام معااج وســاار عنهاا ساره انصدمت خلاص كل شي بينهاا وبين سلطـان رااح تمت تصيـــح اتصلت فـ دريول بيت ابوهاا وقالهاا يمر عليهاا لبست ساره عباتهاا والشيله نزلت تحت وهيه تصيــــح حاولت تخبره تفهمه بس هو ماعطاهاا فرصه سلطـان ظهر من الحمام دور عليها فالحجرة ماحصلهاا وايج من الدريشه جافهاا تربع ركبت السياره وسارت حس ان روحه سارت مع ساره مارام يستحمل نزلت دمعه غصباً عنه مسحهاا بكل قسوه سار وانسدح عالشبريه يبى ينسى كل شي كــــل شي ساره وصلت بيتهم على طول ربعت صوب حجرتها قفلت الباب ويلست تصيــــح خلاص هالمكان ردت لـه ثاني مره وللأبد سلطـان ماوثق فيهاا ولا عطاهاا فرصه ترمسه سلطـان هدم كل شي من بينهم صوب مايد وأمــل كانوا فالفجيره فـ فندق هناك كـان هاليوم رابع يوم من زواجهم مايد سار يسبح أمــل كانت واايد مستانسه مع مايد حبته حسته انسان عجيب مافي مثله مره وحده رن مبايلهاا كانت ملاك أمــل : هلا والله ملاك : اهلين وسهلين بالعروس شو نسيتيناا خلااص أمــل : لا وين ملاك : ها شو الأخبار ؟ أمـل : والله بخييير ملاك : شوو ؟ اخبار سلطـان وساره ؟ أمـــل : ملاك خلاص نحن سوينا إلي عليناا وطرشناا لسلطـان الصور والتسجيل ملاك : امل مايصير جي لازم نعرف اخبارهم بعــد زين طرشيلي الصوره ابا اجوفهاا أمــل : اظني مسحتهاا ما اذكر بجوف وبرد عليج خبر ملاك : اوكي هب خلاص ازوجتي تنسيناا ترى نحن الهنتين فالجريمه امــل : ههههههه ملوكه خلاص خل نبتعد عنهم انا عندي ريل وعرفت سلطـان شو بالنسبه لساره ملاك : مب ملاك إلي تبتعد بااي وسكر عنهاا بكل غيض أمــل تمت متندمه على إلي سوته نقزت من مكانهاا لما سمعت صوت مايد : شو مسوين انتي وملاك ؟ اي صوره واي تسجيل ؟ امل زاغت حست الدم إلي فـ جسمهاا وقف ماعرفت شو تقول مايد : بلااج ارمسي أمــل : ماشي سوالف بنات مايد زخ امــل بكل قسوه : يعني مابترمسيين ؟ امــل صاحت وخبرت كل شي لمــايد مــاايد حيل انصدم ماتوقع الإنساانه إلي ارتبط فيها وترياهاا كل هااه جي بتكون قالهاا باجر بيردون البلاد لااازم تسير تعترف لـ سلطـان ولا راح يخترب كل شي من بينهم صـــااااحت امــل صيـــااااح ماتروم إلي مايد يطلبه منهاا شي واايد صعب بس هيه تحبه وماتبى تخسره يلست ندماانه على إلي سوته كرهت عمرهاا كرهت الساعه إلي تعرفت فيهاا على ملاك مايد وااايد حرج عليهاا ويلس يهزبهاا فـ بيت محمد عوشه عرفت من الدريول ان ساره يت هنيه سارت دقت باب حجرتهاا بس ساره مابطلت إلهاا كانت تصيــح ماتبى تجوف حد وهيه فـ هالحاله بس عالمغرب نزلت ساره تحت ويلست ويا اهلهاا اليده موزه : اشعنه مودره ريلج ويايه عندناا ؟ ساره قفطـت : يدوه شو ماتبيني ؟ اليده موزه : لا فديتج بس هو يعرف ؟ ساره بحزن : هيه عوشه : الصبح دقيت الباب اشعنه مافتحتيه ؟ ساره : كنت راقده اليده موزه : متى بتردين بيتج ؟ ساره سكتت مانطقت بـ ولا حرف اليده موزه كانت حاسه ان صاير شي بين ساره وسلطـان عسب جي كـانت تسألهاا تموا جي طايحين فساره كل شوي يسألونهاا عقب تموا يسولفون فاليوم إلي عقبه مايد شل حرمته وساروا لـ دبي بالضببط لشركه عمه ساروا مكتب سلطـان سلطـان انصدم من وجودهم أمــل كانت واايد زايغه ومب رايمه ترمس بس مايد جبرهاا طبعاً عقب ما سلطـان ضيفهم بدت أمــل وخبرته كل شي سلطـاان انصدم هيه نعم انصــدم ماتوقع السالفه جي هو كان حاس ان ساره مظلومه وبعد حرمته مب جي بس الشيطان شــااطر حرج عليهاا : انتوو شو من البشر انا ألحيين طارد حرمتي من البيت وشو سويت فيهاا بس عسب هالسالفه مب حرام عليكم وظهر من المكتب وهو يمشي بسرعه يبى يلحق ع ساره يبى يخبرهاا انه عرف انهاا مظلومه نفس اليوم ساره تعبت وكانت حالتهاا هب حاله حصه ودتهاا عسب يكشفون عليهاا ساره : اييه اخااف يظهر فيه شي جاايد حصه : بسج انتي بعد حشرتيني ساره :عيل ليش خذوا مني دم اكييد شي فيه حصه : ان شاء الله مافييج إلا الخير ساره : اففف خليناا نرجع البيت مافيني شي انــاا حصه : ماتجوفين شكلج كيف غادي مصفره وضعفاانه وحالتج حاله وكنتي بتطيحين عليناا اليوم خل يعطونج مغذي وتهزج الدكتوره شوي يمكن تسطلبين ساره : ما اشتهي زيين عقب حصه تمت تسألهاا عن سلطـان ساره خبرت حصه السالفه كلهاا بس قالت لهاا لاتخبر حد حصه انصدمت ماتوقعت السالفه جي بتكون عقب سمعوا النيرس تزقر ساره حدروا عند الدكتوره الدكتوره : مين فيكم ساره ؟ ساره : انــاا الدكتوره : مشالله عليكي انتي ؟ ساره : هيه ليش ؟ الدكتوره : مبــروووك يابنتي انتي حــاامل ساره انصدمت : شوووو ظهرت من حجرة الدكتوره وهيه تصيـــح حصه تمت عند الدكتوره عسب تخبرهاا عن حاله ساره بالضبط عقب ظهرت ولحقت ساره حصه : بلااج انتي بعد جنج يااهل ؟ ساره وهيه تصييح : مااباااه حصه انصدمت : منووو ؟ ساره : منو يعني الياهل ، سلطـان مايباني خلاص قريب بيطلقني وانا مابا ولده مابا شي يذكرني في صدقيني مارووم حصه : طوفي طوفي شكلج خبله انتي ساره : ماتخبريين حد وعد حصه : زيين بس امايه بخبرهاا ساروا للسياره من وصلوا البيت حدروا الصاله ساره من جافت سلطـان حست روحهاا بتطييح ماتبى تجوفه خلااص نزلت دمعه من عينهاا سلطـان تجرب من ساره شكت فـ لحظه انه يدري انهاا حامل جافت حصه ، حصه ابتسمتلهاا سلطـان : يقولون كنتي فالعياده ساره سكتت ماردت عليه تمت تجوف كل إلي كانوا يالسين كلهم كانوا يراقبونهم قفطــت حصه : اممم ترومون تسيرون الميلس ترمسون ع راحتكم سلطـان : هيه يكون احسن بعــد ساره اطالعت حصه بنظره جنه تقلهاا جــب حصه ظحكت وودتهم الميلس حدر سلطـان وساره تمت واقفه برع عند حصه ساره : حصووه بلييييز إلي دريتي عنه اليوم وعد محد يعرف غيري وغيرج وامايه انا بخبرهاا واذا قالولج شو عندي قولي اي شي ألفي حصه : زين بقلهم تعب وارهاق ساره : اوكي ، اففف مابا احدر حصه دزتهاا : يلاا الحبيب يترياااج وسكرت باب الميلس وسارت عنهم تـابع / سلطـان سار ويلس حذالهاا : ولهت علييج ساره تمت مستغربه سكتت ماقالت شي سلطـان : شو ما ولهتي علييه ؟ ساره كــاانت حيل منصدمه ومستغربه وماتعرف شو تسوي سلطـان : وين كنتي ؟ ساره : فالعيااده ، سلطـان انا تعباانه بسير اريح وظهرت من الميلس سلطـان انصدم منهاا بعدهاا زعلاانه يعني سار عند حصه وسألهاا بلاها ساره وجيه خبرته شرى إلي ساره بغته ساره من حدرت حجرتهاا يلست تصييييييييح حدرن امهاا وحصه وحصه خبرت امهاا عن سالفه سلطـان وساره كلهاا وقالت لهاا انها حامل ألحيين ساره : اماايه مابي هاليااهل ولا ابي ابووه عوشه : يابنتي يا حبيبتي مب زيين ، سلطـان شو قالج ؟ ساره : ماخليته يرمس ظهرت عنه حصه : ترااه بعده تحت يبى ايي ويرمسج بس ابويه ماخلااه ايج الحجرة قال انج تعباانه وسرتي ترقدين عوشه : حبيبتي ساره فكري عدل مب زين ساره تمت ذابحه روحهاا صياح : ماابااه ماابااه ظهرت عوشه من حجرة ساره وتمت حصه عندها حصه : شو إلي ماتبينه ساره نحن هب فـ فلم مصري اغدي حرمه خلااص مب زين تجتلين روح حرااام تعرفين شو يعني حراام ساره تمت تصيــــح : ألحين بس رجعلي ليش وينه عني هذاك الاسبوع ودرني روحي يوم ييت اخبره يا يدزني شرى الحماره لا وبعد يوم ييت اقله الصدق قالي ترومين تسيرين بيت هلج حصوو حسي فيه سلطـان واايد ظلمني انا مظلوومه حصه : بس بعـد هو انظلم معااج رمسيه عرفي شو وجهة نظره عرفي شو رايه وشو إلي غيره ساره : مــاابااا هو دوم يتعمد يعذبني انــاا ألحين بتعمد اعذبه بخليه يذوق ربع إلي انا ذقته حصه : ساره انتي وحده عاجل هب ياهل فكري بالولد إلي فـ بطنج ساره قاطعتهاا : ها انا بعقه حصه حرجت : مينونه انتي ؟ جان ماتبينه ربي ويبيه انا بربيه بدالج ساره صــااحت بمرااره حصه حضنتهاا ويلست ترمسهاا وتنصحهاا سلطـان عقب ما فقد الأمل ان يجوف ساره رد لبيتهم تم يحاول كل مره يتصل فيهاا مبايلهاا مغلق كل مايسير إلهاا البيت مايحصلهاا يقولون له طـالعه بس هيه اصلا كانت راقده فـ بيت حصه وأحمد كان مسافر عنده دوره لمده 4 شهور عقب مرور 3 شهور ع هاي الحاله سلطـان يحاول يجوفهاا ويرمسهاا وهيه تتصداه فـ هاليوم كانت فـ بيت ابوهاا وحصه وامهاا و فاطمه كانوا ظاهرين ويا راشد وبو راشد وحمده حرمه سيف عند هلهاا سيف قال بيوصلهاا وبيرد عند ساره ساره كانت روحهاا فالبيت مع الخدم والياهال كانت فوق فالصاله تطالع تلفزيون وكانت منسدحه ومندمجه بالرسوم وحالتها حاله حدر سلطـان بيتهم وتم يدور عليهاا حصلهاا فوق من جافهاا تخبل عليهاا كانت لابسه بجامله برموداا ورصاصيه وفوقه كات وردي وفيه صور مرسومه بالرصاصي سلطـان : ههههه فديت حرمتي اليااهل انــااا ساره على طول نشت ويلست عدل وانصدمت من وجوده سلطـان سار ويلس حذالهاا : شو تجوفين ؟ توم وجيري ههههههههههه ساره اطالعته بنظره وسكتت تمت تطالع التلفزيون سلطـان : اجوفج مرتااحه هنيه مب مسوتلي سالفه حتى صايره دبــه وظاهرتلج كرشه ساره انصدمت حطت ايدهاا ع بطنهاا واطالعت سلطـاان سلطـان : اعصاابج حبيبي عن تكفخيني ساره سكتت عنه سلطـان تجرب منهااا : يالظالمه ما ولهتي عليه ؟ ساره حست روحهاا صدق صدق متولهه عليه فـأي لحظه يمكن تقله خلاص احبك برجع معااك بس فـ هاللحظه حدر سيف على طول نشت ساره جنهاا ماصدقت تشرد وسارت حجرتهاا سيف : اووه سلطون عندناا ياخي شل حرمتك سلطـان : هههه والله جان زيين اقنعهاا تعبت انــاا سيف : هههههههههههههههههه سلطـان : اجوفهاا مرتااحه هني حتى جوفهاا كيف صايره دبه وظاهرتلهاا كرشه سيف : ههههههه لاازم ترى الكرشــه من ... ف هاللحظة رن تلفون سيف وكان حارب رمسه وعقب سكر عنه سيف : بتي سايرين ويا الشباب استار بكس سلطـان : اممم اوكي يلاا عقب ساروا سيف وسلطـان لستار بكس وجافوا الشباب ويلسوا معاهم وتموا يستهبلون وسوالف وظحك هيه صح كانوا مقررين كلهم يسيرون المزرعه ويباتون هناك 3 ايام مر هاليوم على خير فاليوم إلي عقبه كلهم نشوا من وقت ، الحريم ساروا يساعدون عوشه والريايل إي يدخل السامان للسياره وإلي يالس يسولف ويا اليده موزه عالساعه 10 تحركوا وساروا صوب العزبـه وعالساعه 11 ونص وصلوا كانوا كلهم هناك ( مريم و ميثه / مايد و أمل / خميس وظبيه / عبدالله و ميره / بو عبدالله و ام عبدالله وسعيد / سيف و حمده / راشد و فاطمه / اليده موزه / محمد وعوشه / عبدالرحمن / هزاع و شيخه / حصه وعيالهاا / سلطـان وامه ) فـ ماكان شي مكان فـ خلوا شرى قبل البنات فـ حجرة والشباب فـ حجرة اما الكبار كل واحد فـ حجرة عقب ما ساعدوا ونزلوا السامان من السياره ساروا الشباب يظهرون دراجاتهم عسب يلعبون خميس / وسلطـان / وسيف / عبدالله / مايد اما الباقي كانوا تعبانين قالوا عقب بيلعبون خميس كان يسرع ويسوي حركات بالدراجه وظبيه كانت تطالعه وتظحك علييه وبنفس الوقت خايفه عليه تموا يلعبون ويتسابقون وحالتهم حاله عقب اذن الظهر ساروا يصلون بعدين تغدوا عقب الغدى بعضهم ساروا يرقدون بعضهم ساروا الملعب يلعبون كره و بعضهم يلسوا فاليلسه وبعضهم تموا يتمشون يتبع |
مشكوره ياحبوبه على البارت الرووعه .. ونتريا منج التكمله بفارغ الصبر ... |
| الساعة الآن 03:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir