|
أشتاق لك لى رحـت عنـي وإن جيت عندي أكثر أشتاق حبّـك حبيبـي مـا لكنـي وقلبي لكم بالشوق تـوّاق غايـة مـرادي والتمنّـي إن جيتني يـا راقـي أذواق طيفك يا عمري ملازمنّـي ويريح قلبٍٍ م الشقا ضـاق وان كـان مـا خـيـبـت ظـنـي لقياك عندي شمس الأشراق أصـل الـوفـى مـنـك ومـنـي مـا هـو بـطـبـع فـوق الأوراق |
كبر رأسـك على من كانوا أحبـابـك تغيـر فيـك كل شي كنت أشوفه فيـك ضحك وقتـك ولما الحـظ دق بابـك نسيـت اللي رخص عمره لجل يرضيـك حسافـه أنت زمن غـدار لي جابـك وأنا بعيـني و كل ما فينـي كنت أبغيـك نثرت إحسـاسي الغالـي على ترابـك و أثاري أنت ذهب زايـف بعـد يغريـك تظن ببكي تظن ما قوى على غيـابـك تظـن قلبـي بعـد ذاك الـوفـا يعطيـك بتذكرنـي إذا غـدْر الزمـن صابـك بلاني بك و بيـجـي دورك بعـد يبليـك |
تغفي عيون الناس وعيني سهيـره ويظهر لهيب الشوق في قلبي ألوان ويتعبني التنهـاد وكثـرة زفيـره وأحس أنا من الوله دوم شفقـان نفسي من الفرقا ياغناتي كسيـره ولايهتني يومي لاصـرت ولهـان أوله على إللي مالي في الناس غيره وإن زارني في منامي فزيت فرحان وإللي يحب ياناس هـذا مصيـره يسهر طوال الليل والناس هجعان |
يا طولها أيامـك ويا طـول فرقـاك الليـل بعَـدك عذبتنـي حلومه إن قلت ابنسى قلت وشلون أبنساك ومن لامني في حبـك الله يلومـه خليتني مابيـن حبـك وذكـراك حاير وروحي من غلاك مهزومه عطني أمل واحد شوفك ولقيـاك أرجوك حالي من هواك معدومه أرجع أبيك اليوم ودي بدنياك من رحت وجفني عايف حلو نومه أرجع وشوف الحال من بعد فرقاك ذايب وقلبي ما خفتلك علومه |
رجعنا بعد طول غياب .. رجعنا بس رجعنا أغراب ندور في ليالي الأمس عن الشوق إللي راح وذاب تَّغير كل شيـئ فينـا وماتـت كـل آمانينـا وضاع الشاطيئ والمينا مع غدر وأمـل كـذاب رجعنا بعد طول غياب .. رجعنا بس رجعنا أغراب ياما شفت ليل أحزان جرح أكبر مـن النسيـان وعهد إنتا نسيته هان وظلم من اقرب ألأحباب ياقلبي لاتصدق يوم محبـة بـلا آمانـي تـدوم ياخوفي ترجع المهزوم ونرجع من جديد أغـراب رجعنا بعد طول غياب .. رجعنا بس رجعنا أغراب |
| الساعة الآن 09:42 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir