منتدى استراحات زايد - روووووواااايــة [ツتآهــت أقدآري بـحبك و [الهوى] بحره عميق#!.*

part 38#!

حدروا بيت منصور جافوا الكل موجود هناك منصور سار صوب الريياييل ..الميلس.. و فواغي سارت عند البنات اللي كانوا بغرفة علايه

فواغي: مراااحب

موزان حضنتها: مرحبتين و لا يسدن ف ذمتييه و الله اشتقت لج يالخايسه

فواغي ابعدت عنها و بابتسامه مصطنعه: يلا عاد عن العيااره

مريوم: هييه من قدج جفتي منصور ما تبغينا الحين

فواغي اللي سرحت بللي صار فيها امس و نزلت دموعها غصب-ن- عنها

الكل انصدم لأنهم يدرون فواغي ما تصيح ع أي شي

سلامه: حبيبتي شفيج؟!

فواغي ساكته

علايه قربت منها و مسحت راسها: ليش تصيحين؟!

فواغي بتصريف: لا بس تدرين اني ابتعدت عن هللي و توني ف البدايه احس ما اروم

الكل عدى السالفه ما عدى موزان اللي تعرف فواغي عدل

موزان: اقولج فواغي نزلي وياي تحت بشرب مااي

شجون: وابووووي ع مكرج انتي ليش تنزل وياج سيري روحج

موزان جافت فوق و بنظره خقه: و انتي شعليج ليش حارقه اعصابج؟!

فواغي: انتوا ما تصدقون تتضاربون يلا زووز انا نازله وياج

نزلوا المطبخ فواغي يلست ع الكرسي ويت يلست حذالها

فواغي: شربي مااي لااه

موزان: تدرين اني ما ابغي اشرب مااي*

فواغي نزلت راسها

موزان: فواغي امانه قولي لي صار شي بينكم

فواغي ف خاطرها: شو اقول لج اقول لج ريلي جبرني ع نفسه اقول لج اني ما عشت فترة الخطوبه مثل اي بنت اقول لج انه خدعني عسب اتزوجه اقول لج انه يرمس وحده في سويتنا ف اول ليله.. نزلت دموعها بغزاره

موزان بتأكييد: لا الحين انا اتاكدت انه في شي صاير

فواغي و هي تمسح دموعها: لا ما في شي قلت لج خوف اني ابتعدت عن هللي

موزان: إه فواغي أنا اعرفج عدل ممكن تجذبين ع الكل الا انا

فواغي نزلت شيلتها ع رقبتها موزان انصدمت من اللي جافته

موزان و دموعها تيمعت ف عينها: ش شو ه هذا

فواغي يايه ترمس قطع عليها صوت

.....: مشالله انتوا هنييه

______________________________

مريوم: مو جنه اتاخروا واايد

حمده: يعني مواز شو تترين منها اكيد يالسه تستفسر و تسأل

الكل: ههههههههههههههههههههههههههههههه

علايه: لا صج انتوا صدقتوا فواغي

مريوم: نص و نص

سلامه باستغراب: كيف نص و نص؟!

مريوم: يعني هي داشه حياه يدييده شي طبيعي بتكون خايفه و تمتلكها مشاعر الرهبانيه بس اللي ما توقعته انها تصيح يدام الكل معناته في شي ثاني

حمده: مثل شو؟؟

مريوم: و الله علمي علمج

__________________________

.......: مشالله انتوا هنيييه

فواغي نشت: منصوووووور؟!

منصور بابتسامه عريضه يدام موزان: عيونه

فواغي عصبت من حركته و رفعت حياتها: تسلم عيونك الله يحفظهم

موزان بجرأه: منصور انت شو مسوي فيها

منصور و هو يطالع فواغي: شو مسوي لها

موزان جافته بتظرة احتقار: أنا اسألك مو ترد لي السؤال.. و ظهرت

فواغي بغت تشرد بس ييد منصور كانت أقوى منصور مسكها بقوه و نضراته كلها شرار: شو قايله لهم

فواغي بارتباك: و لا شي

منصور فكها: حسابي بعديين وياج و ع فكره الفير بنسافر لمدة اسبوووع

فواغي بسرعه: بس انا ما ابغي اسافر وياااك

منصور جافها ببرود: لا تجبريني ادخل ابوج بالسالفه

فواغي بلعت ريجها و سكتت و سارت عند البنات فوق

منصور ابتسم*

قزروا اليوم ع خير*

ردوا سويتهم فواغي تزهب اغراضها و اغراض منصور*

منصور: يوم بنرد من السفر بودييج شقه

فواغي جافته بسرعه: ليييش؟!

منصور جافها ببرود: ما يخصج

فواغي انقهرت من حركته بس سكتت خافت يتهور

زهبوا اعمارهم و ساروا مطار دبي*

منصور رن فونه: هلا قلبي .. هيييه .. ايوووه .. يمييين .. اوكييه حبي اترياج

فواغي سكت و يلست تضغط ع ييدها

منصور جاف وحده و ابتسم لها ع طوول و قرب لها و مسك ييدها اما فواغي انصدمت يوم جافتها منصور قرررب صوب فواغي و هو ماسك ييد البنت

فواغي بصدمه: هدى!!!! هذي انتي

هدى بغرور: هييه هدى*

منصور بابتسامه: زيين و الله تعرفون بعضكم

هدى: هييه ترى ما خبرتك ان فواغي كانت من اعز ربيعاتيييه

فواغي: تخسي الا انتي تصيرين ربيعتي انا ما اتشرف حبيبتي اني ارابعج

هدى تتمسكن: افااا فواغي و انا اتحسب انا نحن خوات بس يلا ما علييه انتي اختي و ربيعتي*

فواغي جافت منصور و بضحكة استهزاء: هههه هذي هي ما توقعتها

منصور بحدده: فواغي ترى هذي حرمتييه لا تغلطين عليها

فواغي بصدمه: شنوووووو؟!

_________________________

ف مكان بعيد

.....: شو هالمرت الأبو العبيطه اللي عندنا

......: شموه سكتي لا حد يسمعج انتي تدرين ابوي عادي يطردنا من البيت و سبه سحر

شمه بضجر: اوف سبحان الله اسم ع مسمى سحر ساحره الله يخس بليسها من مره

......: ههههههههههههههههههه

شمه: هيييه انسه دانه شعليج ضحكي ضحكي ع الاقل هي ما تحط دوبها بدوبج 24 ساعه تتمشكل معايه و تتمسكن عند ابوي بس تدرين شي ؟؟!

دانه باستغراب: شوو؟!

شمه: هيي من وين تخلي دموعها تظهر و الله يوم يي ابوي تقعد تصيح ممدري من وين الدموع يظهرون

دانه: *ههههههههههههه

شمه تنرفزت: و بعديين وياج انا مقهوره و انتي تضحكين

دانه تمسح دموعها من كثر الضحك: لا بس يعني جد افكارج غبيه شراتج

شمه: و الله لو تطييح بييدي بس عادي اذبحها

يت عندهم سحر و بهمجيه: منو هذي اللي لا طاحت بييدج بتذبحينها

شمه ببرود: انتي بعد في حد غيرج

دانه يالسه تجوف اختها اللي و لا هامها نتايج اللي تسويه

سحر: شنو ما سمعت عيدي اللي قلتيه

شمه وقفت و مشت صوب سحر: *والله يوم انج صمخه عاد هذي مشكلتج مب مشكلتي .. و قربت منها و صرخت باذوونها .. انتي يالثعلووبه بذبحج .. و ركضت فوق ع حجرتها و قفلت الباب

دانه منزله راسها قربت منها سحر و شدت شعرها

دانه: آااااه

*و وقفتها و طيحتها بالأرض

دانه تتألم و تعض شفيافها بقووه من كثر العوار اللي براسها

سحر: خليي يي ابوج و اخليه يربيكم من اول و يدييد

__________________________

آرآئكم . .،،