|
البارت الـ39 ( حرمتك عســل حافظ عليهاا عشاني والشباب يسلمون عليهاا كثيــر ) من قرى هالرمسه ما يدري شو إلي صابه ولا شو إلي صار فيه كل إلي كان يبغي يسوي يبتعد من هالمكاان شل الظرف وظهر من المكتب السكرتيره : استااذ سلطـان سلطـان سوالهاا طـااف وظهر وهو مسرع كل خطوه كانت اكبر عن الثانيه سيف صادفه فالممر سيف : سلطـون ابااك توقع ..... سلطـان بعد خطفه ولا جنه يالس يسمعه استغرب سيف وسار صوب مكتب سلطـان وسأل السكرتيره بلااه وقالته ماتدري قال بيلحقه بس لين مايوصل سيف ، سلطـان حرك وســـااااار بعييييييييد عن الشركه كــاان حيل منصدم ومستغرب معقوله حب حياته / زوجته / قلبه / روحه / كل شي بدنيته جي تسوي به تم يفكــر ليــش ليــــش وقف السياره مره وحده وضرب بإيده عالسكان وصارخ بأعلى صوته : ليييييــــــــــــــــــــــــش صوب ساره كــاانت مستـانسه حيـل أول مره هيه تسوي الغدى وتبطخ بضمير كانت مسويه برياني ديـاي وبدت تسوي السلطه حدرت ام سلطـان عسب تساعدهاا بس ساره قالت بتسوي كل شي روحهاا عقب ماسارت عنهاا ام سلطـان خلصت من السلطه عقب تمت تعصر البرتقال للعصير خلصت من كل شي ساره حجرتهاا اتسبحت وكشخت وصلت وصارت الساعه 2 ونص موعد رجوع سلطـان تمت تترياه ام سلطـان بعـد زاغت عليه لأنه تأخر نص ساعه ساره ماعرفت شو تسوي بس عسب ماتخوف ام سلطـان قالتلهاا ان سلطـان قال بيتأخر شوي عقب غصبت ام سلطـان تاكل ألحين وتسير تريح عقب ما تأكدت ان ام سلطان سارت حجرتهاا شلت تلفونهاا واتصلت فـ سلطـان مره مرتين ثلاث اربع خمس ماشي فايده موول مايرد عليهاا طرشت له مسج ( حبيبي وينك تأخرت ترااني يعت ) سلطـان من قرى المسج فر تلفونه ورى بكل قهــر : بس بــس ما اروووم لازم اقطع علاقتي من هااي الخايسه لاازم أأدبهاا يعلج تموتيين من اليوع استغفر الله استغفر الله ( وحرك سيارته وهو مايدري لوين ساير ) ساره تريت ربع ساعه جافت ماشي فايده سلطـان مووول هب طايع يرد عليها لا بالمسجات ولا بالإتصالات زاغت علييه اتصلت ع سيف سيف : هلا والله بأختاااه ساره : اهلين ، سيف انت وين ؟ سيف : بسم الله بلاج ؟ ساره شوي وبتصيح : سيف انت فالبيت ولا فالشركه ؟ سيف : لا بعدي فالشركه ساره : سلطـان موجود معاكم ؟ سيف : لا ليش سلطـان ما رد البيت هو من زمــاان ظاهر من الشركه وهو محرج ساره انصدمت : شــوووه ؟!!!! سيف زاغ ع ساره : لالالا هاكوه توني جفته وفـ هاللحظه حدر سلطـان البيت ساره من جافته طاحت السماعه من ايدهاا ربعت صوبه : انت ووينك بغيت اموت من الزيااغ عليك سلطـان دزهاا ع وراا وسار شل السماعه سمع صوت سيف : ألــووو .. سارووه الله يغربلج وينج ؟ .. ألــــووووو سكر سلطـان التلفون فـ ويه سيف بدون لا ينطق بأي حرف سار لـ حجرته بكل هدوء وفـ عقله وبـ قلبه يالسه تصير عواصف مايدري يصدق ولا مايصدق معقـوووله حرمته وحبيبه قلبه جي تسوي فيــه !! ساره استغربت لحقت سلطـان ساره بكل براءة: سلطـان حبيبي سويتلك برياني ( يودت ايده ) تعــاال ابا آكل يوعانه وربي سلطـان يفكر معقوله هالإنسانه إلي يالسه ترمس جدامي بكل براءة تكون هيه فالصوره وتذكر التسجيل هااه صوتها وهو متأكد وهااي ادله يعني كل شي صدق دزهااا بعيييد عنه طاحت عالأرض ساره انصدمت ( بلااه ؟ ليش جي يسويبهاا ؟! ليش جي شكله ضــاايع ) سلطـان : ظهري برع من حجرتي ساره انصدمت : سلطـان حبيبي بلااك ؟ سلطـان صــاارخ : ظهري بـــــرررررررررررع دمعت عيون ساره تجدمت صوبه يلست جريبه عنه سلطـان على طول نش ما استحمل قربهاا حس بأنه يالس يتكهرب من قربهاا مايروم يسكت لازم يواجههاا فر الظرف إلي كان ماسكه جدام ساره سلطـان : توقعت كل شي منج إلا الخيــاانه حبيتج من كل قلبي عطيتج كل إلي تبينه آخر شي جي تسوين ليــش ؟ عسب هالخيااس إلي شرااتج للأسف يا سااره للأســف طحتي من عيني والله ما توقعت هالشي منج ساره جنه حد صفعهااا كل كلمه كان يقولها سلطـان جنه يالس يذبحهاا ولا يطعنهاا بخنجر كــاانت حييل مصدومه وضايعه ماتدري شو السالفه ساره : سلطــاان انا ماسويت شي والله بلاك انا ما خنتك سلطـان شات الظرف صوبهاا : جوفي خياسج فـ هال سي دي وظهر من الحجرة ساره تمت تلحقه وهيه تصيح : والله ماسويييت شي سلطــاان تعــااال سار سلطـان ولا جنه يالس يسمعهاا يلس تحت فالصاله تم يجلب فالقنوات وهو اصلا تفكيره وباله مكان ثاني ساره تمت يالسه حذاله ترمسه تبى تفهم شو السالفه وهو ولا معبرنهاا ولا جنهاا يالسه فقدت الأمل قالت بتسير تجوف شو فـ هذاك الظرف يمكن تعرف السالفه سارت فوق للحجرة بطلت الظرف جافت السي دي دخلته فـ لابتوبهاا انصعقت من إلي جافته وإلي سمعته ماصدقت عينهاا شقايل جي التسجيل معقوله ميروه تسويهااا لااا مستحيييـــــــل والصوره منو هاا ؟! تمت محتاره ومليون سؤال وسؤال فـ بالهااا تذكرت سلطـان ربعت تحت عسب تشرحله عسب تخبره بس للأسف ما حصلته سارت تجوف لو سيارته واقفه ولاا بس ماحصلتهاا ردت لحجرتهاا طاحت عالشبريه وهيه تصيـح : ياربي انا شو سوييت شو إلي جفته من شوي ، منوو هااه منو جي يبى يخرب بيتي ( ويلست تظهر كل إلي فـ خاطرها بالصياح ) صوب سيف كـان وااايد زايغ ع سلطـان اتصل فيه اكثر عن خمس مرات بس سلطـان مايرد عليه قال بيحاول آخر مره اتصل رد عليه سلطـان سيف : انت وينك ؟ سلطـان : اتحوط السياره ؟ سيف : اشعنه كنت محرج ؟ سلطـان : ماعليك مشاكل فالشغل سيف : مزيغ اختيه معاك سلطـان : توني ظاهر من البيت سيف : تغديت سلطان : لاا امم اقصد هيه ( وجان يذكر ان ساره اليوم هيه إلي مسويه الغدى غمض عيونه بكل قوته ضرب راسه بالخفيف جنه يبى يمسح هالفكره ) سيف : ألحين هيه ولاا ؟ سلطـان : سيف الله يخليك تعباان شوي عقب برمسك سيف : سلطـان انت فيك شي ؟ سلطـان سكر التلفون فـ وييهه مارام يخرط عليه ولا رام يقله عن اخته سلطـان : للأسف يا ساره دمرتي كل شي من بينااا وقف السياره وحط راسه عالسكان وكل شوي الصورة إلي كانت فالسي دي تمر فباله صوب ساره كــاانت محتاره ضايعه ماتدري شو تسوي كل إلي قالت بتسويه بتتريا سلطـان ايي عسب يفهمهااا منو هااه إلي فالصوره هيه عمرهاا ماجافته مستحيل تكون هيه مع واحد وبتفهمه سالفه التسجيل مر الوقت وصارت الساعه 3 المسـاا وساره تتريا سلطـان وام سلطـان سألت ساره عن سلطـان قالتله قال بيسهر ويا ربعه وساره ميتــه من الزيـاغ على سلطـان فاليوم إلي عقبه ساره كانت حيل تعبانه من السهر رقدتلهاا ساعتين ونشت ع صوت حشره استانست من جافت سلطـان ساره : سلطـان انت وينك زيغتني عليك سلطـان اطالعها بنظره حقيره وسار يظهر لـه ثياب ساره سارت صوبه يودت ايده بس هو سحب ايده ساره : وربي ما اعرف منوو هااه إلي فالصوره سلطـان شو السالفه فهمني سلطـان وصل حده : سمعي انا هب ياي لسواد عينج ياي اسبح واسير الشغل وبعدين كل شي واضع متصوره ويا واحد ومسجلين صوتج وانتي ترمسين عن مايد غير الورقه وإلي مكتوب فيهااا سمعي انا مابا اعيش مع وحده خايسه شراتج ساره انصدمت من رمسته و قاطعته : وربي ما اعرف منو هااه ولا عمري جفته سلطـان انا مظلومه والله سلطـان ما سوالهاا سالفه حدر الحمام وسبح عقب لما خلص لبس ثيابه وسحى شعره وتم يتعطر وساره طول هالوقت وهي يالسه فـ زاويه يالسه تصيييييــــح سلطـان من جافهاا قلبه عوره كان وده يسير ويحضنهاا ويقلهاا خلاص السموحه بس بعـد لا هيه ما احترمته وخانته كيف هو يحترمهااا ظهر ولا سوالهاا سالفه سار الشغل وطول الوقت وهو فكره مشغول يبى يعرف منو ها إلي فالصوره فـ بيت سالم عبدالله كان واعد ميره ان يوديها اليوم بيت امهاا تمت حاشرتنه إليين ماوداهاا لما وصلت البيت استغربت ان هاادي مافيه احد امها كانت راقده تمت تدور على ساره سارت صوب حجرتهاا دقت الباب بس ماردت كل إلي كانت تسمعه صوت وحده صدق صدق متعذبه ويالسه تصيح زااغت ميره بطلت الباب وربعت صوب ساره ميره بخوف : سارووو بلاااج ؟ ساره : ..... ميره : ساره فديتج سلطـان فيه شي ؟ امايه فيهاا شي ؟ توني جايفتنهااا كانت راقده ساره هزت راسهاا بمعنى لاا ميره : بلااج زين ارمسي ساره وهيه تصيح : ميرووه انا تعبـــت (وطاحت فـ حضن ميره).. ميره وااايد انصدمت من جافت حال ساره يلست تحاول تخفف عنها بس جافت ماشي فايده كله تصيح عطتهاا منوم عسب ترتااح شوي لأن شكلهاا صدق صدق تعبـــــاااان سارت ميره فالصاله يلست وهيه محتاره تفكر فـ ساره بلاها ليش جي حالهاا !! معقــوووله سلطـان جي سوابهاا !! تمت محتااره وتفكر جان مره وحده تجوف امهاا ام احمد : هلاا والله ميره : اهلين ، شحالج امايه ؟ ام احمد : الحمدالله بخير ، شحالج انتي ؟ ميره : الحمدالله ام احمد : متى يتي ؟ ميره : من شوي كنت عند ساره ام احمد : اهــااا ميره كانت بتسأل امهاا عن ساره بس رمسه امهاا خلتهاا تتراجع وتسكت ام احمد : البارحه سلطـان موول مايا البيت كل ما اسأل ساره مره تقلي مشغول مره تقلي بيسهر ويا ربعه مره تقلي معزوم عالغدى والبارحه كان شكلهاا موول مايطمن يابنتي انا خايفه ع ولدي وحرمته قلبي قارصني ميره عسب تطمن امهاا : لا اماايه لا تحاتين بخير اليوم الصبح مرمسه سلطون كان فالشركه وساره توني كنت عندهاا خليتهاا ترقد ام أحمد : زين شحال ريلج وام ريلج وبو ريلج ؟ ميره : والله الحمدالله بخير ونعمه ام احمد : الحمدالله الحمدالله ، إلا ريلج وين ؟ ميره : نزل عسب يسلم عليج بس ماحصلج سار شغله ام احمد : زين زين صوب أمل كانت يالسه ترمس ملاك ملاك : زين ماصار شي لين ألحيين أمل : لااا مول ماشي خبر عنهم بس يقولون سلطـان ماكمل دوامه وظهر محرج بعدين مادري شو صار ملاك : يااااااااااي كشخه خاطري اجوفهم وهم يتضاربون امل : ههههههه صدقتي اقول ملوكه بخليج ألحين مايد ع الخط ملاك : اوكي فديتج امل : يلا مع السلامه ملاك : مع السلاامه ملاك من بندت عن أمـل كــانت حيييل مستــاانسه جنها مسويه انجــااز كانت تغني وترقص وحالتهاا حاله صوب سلطـان مارام يداوم اكثر خذ اجازه لمده اسبوع وظهر من الدوام وتوجه للعين سار حجز لـه فـ الشاليهات عقب ظهر اشتراله ثياب ورد الشاليه ورقد لأنه كـــان صدق صدق تعبــــــــاااان عالساعه 4 العصر نشت ساره من الرقاد كانت يالسه تتذكر إلي صار مسحت دموعهاا قالت بتنزل تحت عقب ما تسبحت نزلت تحت جافت ميره وام احمد انضمت إلهم يلسوا يسولفون عقب أحمد مر ع امه عسب يوديهاا بيت خالته تمن ساره وميره رواحهم ميره اتصلت فـ عبدالله قالت له انها بتبات هنيه لأن ساره تعبانه شوي بالأول تم محرج عقب وافق يتبع |
تسلمين غلايهـ ع المجهــود الطيب بانتظار يديـــدج ^^ |
لالالالالا حرام البارت قصير .. بس والله كسرت خاطري ساره . بدل مايكتشف اذا هاا صح او لا صدقه .. شو هاا والله خاطري أذبح ملاك وأمل .خخخخخخ ومشكوره ياحبوبه على البارت الرووعه .. ونتريا منج الزود .. |
يسلموااااااااااا على البارت النايس وبانتظار الجديد |
آهى حرآآآآآم وآلله حرآآآآآم =( الله يغربلهاا اموول انشاء الله يذبحهاا مايد ملووك الله ياخذهاا هي السوسه العووده كله منهاا |
| الساعة الآن 06:12 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir