منتدى استراحات زايد - خـٓففِ مـّن آلغـِيرھ عڶيِ ، قـَلبيٰ غيـٓـِرڳ مآإ هـِۈإآ*♡!*

.
مثل ماقلتلكم انا ساكنه ف بيتنا عشان اللي صار بيني وبين سيف...
ومنول ونصور ويانا! ماقدرت اتخيل البيت بدونهم!!!
عبود ومنول بيسافرون عنا شهر... ونصور قال ليدوه انه بيعتمد على عمره وبيشتغل وبيظهر
يدوه عارضته لكنه قالها (اميه انا ريال وحاس بالاهانه اني وياكم، خليني اشتغل وبصرف ع عمري وبظهر)
لكنها قالتله اذا ظهر مابترمسه طول ماهي حيّه...
لانهها فكرت بالمنطق (لو اشتغل بينزل مستواه الدراسي وحرام ينزل وهو خريج..)
ما اجملج يا يدوه❤️
\
الـــــيوم المنتظر:
2014-3-3
الصبح الساعه 8 وفي بيتنا بالتحديد:
يدوه تصارخ: قـــوموا قوووومووووووااا
نصور: بنّش بنّش
يدوه: من ساعه وانتوا تقولولي بنش ومانشيتوا!!!!!!!
عبود قالها بعيون مليانه رقاد: حرام عليج يدوه مب راقد امس انا
يدوه: محد قالك "سحبت اللحاف عنهم"
وقاموا عبود ونصور شلوا اغراضهم وطلعوا
لان حريم الصالون بيون البيت حقنا عشان نتعدل. .
الا منول فهي ف القاعه...
بدينا بالحنا والاشياء الخفيفه عالصبح....
مر الوقـت بسرعه!!!
الساعه 5 ...
دقيت لمنول اتاكد
انا: الوووووو
منول: هلا حصوه، خلصتوا؟
انا: هيه.. بس باقيلنا كلنا الميك اب والتسريحه وبنروح القاعه.
منول براحه: اوك طمنتيني... اترياكم.
انا: شو باقيلج؟
منول: باقي مناكير وميك اب وتسريحه يعني قريب بخلص لان وايدين فوق راسي. .
انا ضحكت ع تعليقها: عيل يلا نتلاقى فالقاعه....
منول بخوف: لحظه
انا: هلا؟
منول: قولي ل شويخ تدق لخالد يب الفستان!!!!
انا بغباء: الفستان شو يسوي ويا خالد؟
منول: يالهبله... ف بيتهم خلا يبه.
انا ابتسمت ع غبائي: اوكيه لا تحاتين شي
بندت عنها رحت عند شويخ عشان اتدق لخالد. .
انا: شوووو انا اكلمه تستهبلين؟؟
شويخ بخبث: تشوفيني بزي ماروم!!!!!!
ادري شويخ من قبل لا اتزوج وهي تحاول تقربني انا وخالد لبعض، لكن كنت دايما اصده. .
انا بعصبيه: بدقله بعد شسوي!
خذت فونها ودقيت له
خالد بتسرع: ها شويخ شو تبين قولي؟ سرررريع
انا: احم... خالد انا حصه
خالد ف خاطره: هلاااااا بهالصوت اعرفج اعرف حسج عساني ما خلا منننننههههه!!!
خالد: هلا بنت عمي.. امري؟
انا: مايامر عليك عدو، شسمه
ضحك خالد لان يبين اني مرتبكه!! وعشان كلمت شسمه
خالد: الووو حصه؟
انا انفجرت ضحك: هههههههههههههههههههههههه
خالد ابتسم: يالهبله شفيج؟
انا ابتسمت: ماشي ماشي، بس ولد عمي فستان منول ف بيتكم ف حجرة شويخ لو ما عليك امر ايبه بيتنا....
خالد: ماطلبتي شي، دقيقه وبكون عندكم...
بعد عشرين دقيقه حطلتي الحرمه الميك اب قبل لا البس الفستان وسوتلي التسريحه!
رن فون شويخ.... شفت المتصل خالد.
انا اصرخ: شوووويخخخخ فونج يرننننن!!!!!!
شويخ دخلت الحمام تاخذ شور عالسريع: انتي ردي
رديت عليه وانا مقهوره منها حرام تعلقه فيني ومايكون في امل انه يتزوجني لاني متزوجه. . .
انا: الو
خالد فزز قلبه: بنت عمي طرشوا حد ياخذ الفستان
انا: دقايق بس...
انا: وين الخدامه خ تروح تاخذ الفستان
نوفيه: مافي حد فالبيت غيرنا!!!!!
انا: روحي ايبي الفستان
اسوم: انا بسير
الحرمه تطالع اسوم: بسويلج شعرج؟
اسوم تأفأفت كان ودها تشوف خالد لو ثانيــه. .
عصبت لاني اعرف ان شويخ سوت ها كله بس عشان انجبر اطلع اسير عند خالد
ماعليه يا شويخ انا وراكي والزمن طوييييييـــل "ابتسمت"
طلعت برع جفته نزل ومدالي الفستان
اول ماشافني...
خالد ف خاطره: معقوله اللي جدامي انسانه؟؟ لالا هذي ملاااااااك هذيييييي قمممممر اي جمال فيج يا حصوه!!!! اخخخخ لو كنتي نصيبي . . .
انا خذت الفستان عنه: تسلم ماقصرت ولد عمي!
خالد: لو بغيتوا شي انا موجود "ابتسم"
رديتله الابتسامة
رن فونه... مشيت عنه لكن كنت اسمعه يصارخ ويقول:
خالد: والله بتندميــــــن!!!! ماتقربين صوبهاااا يازباااااااله.... والله مابهـــدج يا حثاله..... ((بتعرفون السالفه عقب))
انا مب مستوعبه اللي سمعته....
خالد يكلم بنت ويهددها وتهدده!
اي غموض يلفك يا خالد؟
خاطري افهمك.....
هه تفهمينه؟ تفهمينه وانتي اللي وصلتيه لهذا الحزن اللي هو فيه!!!!!!!
.
دخلت داخل علقت الفستان اللي للحين ولا حد شافه
على قولة منول مفاجأه. .
لبست فستاني وكنت اوردي مسويه التسريحه وخلصنا كلنا.
كنت لابسه فستان احمر وسيع من البطن وضيق صوب ريولي وكتفي وصدري.. بما اني حامل بس رااآااااآقي بمعنى الكلمة. .
ونوفيه لابسه فستان كحلي راص من الخصر و وسيع من صوب الريل كان فستانها بسيـــط بس راقي..
اسوم كانت لابسه فستان اسود راصصص كامل، وقصير لين الكراعين... وفيه شغل بسيط ذهبي، الكل تخبل ع فستانها!
شويخ كانت لابسه فستان وردي غامج فيه شغل من عالخصر والصدر وكان راقييييي..
والحريم كلهم فساتين خفيفه!!!
طلعنا من البيت شالين كل الاغراض ويانا متوجهـــين للقاعة..
تمينا هناك نستقبل المعازيــم...
عالساعه 7 امتلت القاعه تقريبا
عند عبود:
عبود ف الحمام يصرخ لنصور: نصور ايب الفانيله نسيييتهاااااااا
نصور يضحك: بلاك متحرقص!
عبود لبس كندورته... وحط البشت على ايده وتعطر قولوا الا تسبح بالعطر!!!
عبود صرخ: واخيررررراً بتزوج منول
نصور ابتسم: واخيرررررراً بفتك منك
عبود: افا يالحمارررررر.....
نصور يمثل حزن الحريم: لالا بفتقدك ريلي حبيبي
عبود يقلده: شهر مابجوفج حبيبتي "يتحاظنون"
عبود: هههههههههههههههههههه
نصور ضحك: يلا سرينا عن نتاخر!
.
رن فوني...
ابتعدت عنهم ورديت عليه
انا: نعـــــم
.....: حصوه!
انا بدون نفس: خير
....: من متى قلبج قاسي جي
انا: مب كل مره بتحملك سيف مب كل مره!!!
سيف بحزن: وحشتيني
انا: هــه بحاول اصدق!!!!!!
سيف: لا تكونين جيه... لا تكونين قاسيه!
انا ابتسمت بقهر: برمسك بعد العرس مابا اعكر مزاجي الحيـن.
صرت حتى صوتك يا سيف مابا اسمعه!!!!!!!
صار وجودك ف حياتي تعااااسه بعد ماكان سعاده. .
ادري والكل يدري اني على كل عيوبك بعدني احبك!
وببساطه اسامحك واتناسى اللي تسويه...
.
الصـــوب الثاني وعند منول اللي توها تخلص:
منول بخوف: شكلي اوكي؟؟
الحرمه: زي الئممممر بتعئددددددي!!!!!!
منول ابتسمت: مشكوره ماتقصرين
الحرمه: ولــو منول مابينا. .
هذي الحرمه دايما نتعامل معها ف كل مناسبه تصيرلنا وحلفت على منول انها تعدلها
ف عرسها وببلاش! بس منول خذت الفلوس وتبرعت باسم الحرمه....
دخلت عليهم وانا ميوده بطني كنت احس بتعب خفيف. .
انا اطالع منول باعجاب: ماشــاء الله شهالحلا مرت اخوي؟
منول احمرت: عيونــج الحلوه حصوهه!
انا ابتسمت: يا حظه اخوي فيج. .
منول ابتسمت: ويا حظي فيــه
اسوم: لهلهله هاااا منول طلعتي رومانسيه من ورانا!!!!
ضحكت منول....
نوفيه: ماشاء الله على حلاج، الميك اب حلاج زياده
منول ابتسمت بغباء: والله بس خلاص استحي
اسوم بخبث: بنشوف عبود شو بيقولها
منول ضربتها ع جتفها بالخفيف...
ضحكنا اول مره منول تكون عاقله وتستحي.....
رن فوني وماحبيت اشوف حتى منو المتصل لان ادري انه سيف:)
لكنه رن اكثر من مره!
رديت بسرعه بدون ما اشوف الاسم. .
انا: سيـــف بس خلاص! لا تيلس تتصل قلتلك بعد العرس بتفاهم وياك....
عبود: خيبه خيبه بلاج هدي هدي
ابتسمت: اوه عبود، خير؟
عبود بحماس: متى بددشششش؟
ضحكت: بلاك متسعيل هالكثر؟
عبود: ابا اشوفهاااااا
انا: هي عقب شوي بتظهر وانته بعد ساعه دش!!
عبود: اوك
انا: منو بيزفك؟
عبود: ابويه، خلود، نصور، ابوها، هزاع.
انا شهقت: هزززاع شيابه؟
عبود: انا عازمنه
انا: اوكي. .
سكرت عنه!
هزاع ولد خالتنا.. يعني ولد اخت امي، بس طبعا نحن علاقتنا منقطعه منهم من فتره لاسباب عائليه، لكن هزاع واخته كانو بين فتره وفتره يزورونا ويقولون ان هم مالهم ذنب باللي صار بين الاهل (بتعرفون عقب).
انا: يلا منول لازم تظهرين المعازيم ميتين يبون يشوفونج
شويخ بخبث: الا قولي عبود ميت يبا يشوفها....
انا: ههههههههههههه كاشفتنه!
ابتسمت منول...
.
.
نصور يصرخ: عبووووووددددد
عبود: صمختني يا كلب
نصور: قول يارب
عبود: يااارب
نصور: اشوف نوفيه بدون عباه
عبود: ان شاء الله ماتشوفها حتى ويا عباه
نصور بعبط: ليش تخرب ع بن عمك؟
عبود: عزااااااابيييي واكككككككك مدرسه واكككككك ياااااهههههل
نصور رفع حياته: بدقك ايه عبود، بخلي العرس يتحول عزا
ابويه قاطع سوالفهم: عبود اعقل ابويه انته الحين ريال متزوج... خفف الاستهبال خلك رزين اعقل اعقل!!
عبود ببراءة: ابويه ماروم!
نصور: ههههههههههههههههههه اتخيل عبود عاقل، والله مايليق!!
عبود ضربه: جب انــت.
.

منول عالكوشه بارتباك: اخاااااااف نظراتهم تخوووووف!!!!!!
اسوم: مابياكلونج
منول: يوم بتعرسين وبتشوفين نظراتهم قوليلي شعورج(:
انا: هدي هدي منول بلاج خايفه. . خلج طبيعيه عقب شوي بيلتهون فالاكل!
شويخ تضحك: والله شكلج توووووحفه
اسوم بفضول: يوم بي عبود.. تقوليلي شو قالج بالحرف الواحد. . ابا اعرف ليش كل عروس لما يساسرها ريلها عالكوشه تضحك!!!!
انا انفجرت ضحك: ههههههههههههههههههه تراها تضحك من الخوف!!!
اسوم بحزن مصطنع: افااااا عبالي يقولها شي. .
شويخ بخبث: عادي عادي حتى لو من الخوف نبا نعرف شيقول
منول ضحكت: متفيجــــات والله!
نوفيه: هاي يزاتنا نبا نخفف اترتباكج شوي !
منول تطالع نوفيه وابتسمت: اوقفي عاليسار يوم بيدخل عبود. .
فهمنا قصدها وضحكنا...
ونوفيه احمرت وابتسمت.
انا: فشييــله سيفوه مابيدخل ويا عبود. . .
اسوم بانفعال: خلا يولي صدق مافيه خير...
ابتسمت ببرود
لان كل كلمة تقولها اسوم عن سيف صح!!!
اسوم اكثر انسانه تكره سيف فهالعايله...
شو وراك يا سيف؟
شو الشي اللي خلاك تتحمل بعدي وجفاي؟؟
تنهدت وانا احاول اشله من بالـي
لازم اتعود بدونه لـــــــازم!!
يودت منول ايدي: بيدخخخخل حصوه ببدخل!!!!!
انا ابتسمت اطمنها: والله مافي شي يخوف منول اهدي... صدقيني الدقايق هاي احلى دقايق ف عمرج وبتطوف بســــرعه!
منول بخوف: اخاف!!!!
انا ضحكت
يدوه بدفاشه: يلا عاد انتي مش اول وحده تتزوج، صدقيني بتطوف الدقايق بسرعه!
عاد محد مستانس الا يدوه!!! لا شيله ولا عباه لان اللي بيدشون كلهم عيالها هههههههه.
نزلت من عالكوشه وتمت يدوه واقفه!
وام مهره قاعده هي ومهره، ومسوين اكبر طاف لمنول، ولا جنه عرس بنتهم.
انقهرت منهم، بس تجاهلتهم ويلست اراقب منول...
دخل عبود اللي كل البنات متخبلين عليه....
و عنداله ابويه وابو نصور... و راهم خلود ونصور وهزاع. .
طاحت عيني ف عين هزاع وابتسملي ورديتله الابتسامه!
خالد شافه بجمود وبنظره حاده ولاحظت هالشي....
معقــــــوله!! معقولـــــه خالد يغار عليّ؟؟ لالا مستحيل مايحقله اصلا!
كيف مايحقله؟ هذي مشاعره واهو حر. .
..
هزاع ف خاطره: بعــدج! بعدج ياحصوه بنفس الجمال!!!! ماتغيرتي بعدج ملآك...
..
خالد ف خاطره: لو انتي نصيبي بس! مادري سيف الغبي وين مخه يوم يودرج؟ حد يخلي هالملاك؟ والله جمالها مب طبيعي هالبنت، احبهااااااااا احبهااااااااااااا...
..
دخلوا عبود وظهروا بعدها..
رفع عبود الغطاء عن ويهها وانصــــــــدم!!
منول اللي جدامه؟ مستحيـــل لالا كيف جي؟
منول جميله لكن اليوم زاااايدددددد حلاها..
عبود باس جبينها: تبين تسحريني انتي ولا كيف؟!
منول ابتسمت له بحب......
اترك لكم الحريه في تخيل مايحدث في هذا العرس.
/
عالساعه 1
فضت القاعه كليــــاً تمينا احنا بس..
منول وعبود راحوا عشان يتصورون
اتصوروا والحرمه ماخلت حركه الا وخلتهم يسوونها!
ظهرت من عندهم... وظهروا وراها
سلمنا عليهم لانهم بيسافرون... ورحنــا.
كنت احس بتعب، احس ريلي مب قادره تشلني....
الكل تفرق وركبوا متوجهين لبيت يدوه (بيتنا).
استغربت المكان فاضي..... وانا نسوني؟؟؟ منو بيوديني؟؟ كيف بروح!!!
يلست ماكنت قادره امشي من التعب. .
بعد ساعه شفته يمشي يتقرب مني!
خالد: بنت عمي وينج؟!
ابتسمت ابتسامه بهاته: ولأول مره... نسوني.
خالد: لا مانسوج يدوه قالتلي انهم التهوا وحطوا ف بالهم انج ركبتي ويا ابوج!
ابتسمتله...
مابا اكرب معااااااه روحنا يارب يارب شويخ وياه!!!!
خالد: آ آ يلا بنت عمي مشينا؟
انا بخوف: روحك ياي؟
خالد: هيه شويخ قالت ماتروم تي... ويدوه قالتلي روح بروحك خلاص لا تتاخر عليها.
انا وقفت حسيت الدنيا دارت فيني وخلاص كنت بطيح......
مسكني من كتفي وقفني، بعدت ايده عني وقلت بصوت باهت: مافيني شي....
لكـــــــن!!!
لحظـــــه!!!!!
كــــــيف؟؟!!!
وليـــــــــش!!!!!!!!!!!!
.....: هههههههههههههه برااااافوووووووو
قلت وانا مقهوره: مب لازم اشرحلكم ليش خالد هني!
مسكني من شعري: يا واطـــــية
صرخت باقوى ماعندي.....
انا: سيفففففف هدني!!!!
سيف يصرخ: لاتشرحين ليس هو موجود، بس والله انا بادبج يا سافـــــله!!!!!
مهره: ههههههههههههههههه استغليتي غفلان سيف عنج ها؟؟ هههههههههه صدق واطيه!
خالد مسك سيف بقوه: مرتك حاممممل وكانت بتطيحححح ومسكتهااااااااا!!!!!!!! الغلط مني مب منها، يعني عندك شي تبا تقوله تقوله لي مب لها.....
سيف بغيظ: انته تسهبل شو؟؟ "صرخ" لو تزوجججججت بيكون عادي عندك واحد يلمس مرتتتتتتككككككك؟؟؟؟
خالد: لا تحسنني اني غلطت!!!!!!!!!!!! "صرخ" اقولك كانت بتطيحححححح!!!!!!!
سيف بغيظ: وانته خذتها حجهههههه ولمستهااااااااا!!!!!!!!
خالد عصب: انا لمستها من كتفهااا بس!!!!!! ماغلططططططتتتتتت.....
سيف صمه بكس: تباها؟ خاطرك فيها؟ تباني اطلقها؟ هــه والله تحلم يا خلود "صرخ" تحلممممم!!!!!
كنت اراقب الموقف بهدوء واصيح... ومهره تشوفني وتضحك.
بس كيف؟؟ مهره وسيف مع بعض؟؟؟
ليكـــون........
غمضت عيوني وانا اردد يارب اللي فبالي مو صج!
خالد صرخ: انا محترمممممم نفسيييي وساتتتتتتر عليككككك جدامها!!!!!!!!!!!!
سيف دزني عالارض: ها يلااااااا طاحححححت "صرخ" لو فيككككككك خخخخير يودهاااا وقومهااااااا... ولا بسسسسس من وراي يالديااااايههههه
مسكني خالد من ايدي غصبن عني وقفني...
خالد: انا ريال وماخخخخاف منكككككك
سيف قاطعه: يااااااا حثااااالهههههه
خالد يصرخ: الحثاله انتتتتته ومرتتتتتتك "ياشر على مهره"
لحظـــه؟ مهره حرمت سيف؟ كيـــف ومن متى؟ وليش.....
بدت دموعي تزيد، وقفت بالغصب...
وقلت بصوت مخنوق: تزوجتها؟
سيف: عندج مانع يا ام الشباب؟
انا اصرخ واصيح: يعني تزوجتهاااااا!!!!!
سيف بعصبيه: هيييييه
انا اصرخ: شو اللي ناقص فينيييي سيفففففف؟ شو الموجود فيها ومب موجود فينـــي؟ ها جــاوب؟
سيف: ........
انا: ولا يعيبونك الحريم الرخااااااص؟
صفعني باقوى ماعنده.. طحت عالارض.
تم يضربني ع بطني كنت اتالم وبقوه!!!!!!
قاعده انهاننننن جدام مهره اللي ماتسوى....
وخالد، ماكنت اباه يشفوني وانا بهالحاله!
انتي اقوى يا حصه انتي اقوى.
فجاه شفت ضرابه بين خالد وسيف...
ومهره كانت تدوس على بطني ماكنت قادره اشل ريلها عني لأني. .
غبت عن الوعــــي.............
/
مانشيت الا وانا فالمستشفى وفوق راسي... سيــف ومهره.
مادري منو شلني ويابني هني؟
ومادري شو صار؟
وحتى مادري وين خالد؟
تميت احاتيه، لو كان صايرله شي بكون انا السبب!
سيف بجمود: حصه!
انا من غير نفس وبتعب فظيــع: نعم!
سيف: الياهل.....
انا فزززز قلبي وقلن بخوف على ارتباك: شففففففيهههههه؟
سيف نزل راسه: مــــــات!
مهره: هههههههههههههههههههههه الله مب كاتبلج تصيرين ام!! يا حرام...
صرخت: اطلععععععي براااااااااا
صحت باقوى ماعندي وقلتله: مابسامممممحكك طوووول عمـري لو اشوفك جدامي تموووووت وتترجاني اسامحك مابسامحك، ومابتم على ذمتك دقيقه وحددددده!!!!!!!!!!!!!! "صرخت" طلقنــي يا سيف طلقنــــي انت ماتستاهلني.
مهره تقربت مني وضحكت: وايد ماخذه مقلب ف عمرج! ترا انتي ف حياته ولا شي!!!! ههههههههههههه "طالعت سيف" طلقها سيف....
سيف يطالع مهره: آ آ
مهره صرخت: ها ترد كلمتي؟؟؟ وجدامهــاااااا؟ طلقها سيف انا مرتك وبنخبر كل العايله بهالخبر!! طلقها عشاني.
سيف يطالع مهره: عشانج والله، ولا كنت ناوي اعلقها واذلــها!
مهره: ههههههههههههه خــلاص عيل بنأجل سالفة الطلاق لين ماتذلها...
انا اصيح بقوة وكنت اصرخ واهاذي ب : اطلعـوا مابا اشوفــكممممم!
اكرهكــم
مابسامــحكم!
...
بعد اسبوع طلعت المستشفى ودشيت ف صدمه لمدة 3 ايام اني خسرت ولدي ولثالث مره!!!!!!
وانصدمـــت من اللي قالته لي الدكتوره.
/
الدكتوره: انا اسفه حصه وماودي اقولج هالكلام لكن....
انا بخوف: قولي دكتوره
الدكتوره: انتــي مافي امل حتى 1٪ انج تحملين مره ثانييييـــهه!
انا شفتها وانا مصدومه ودمعت: يعني قصدج مابصيـر ام؟
الدكتوره هزت راسها بالايجاب: انا اسفه حبيبتي....
/
مرت اسبوعين من عرفت هالخبر وانا كنت كله قافله باب الغرفه على عمري....
طبعا ابوي دق لسيف وسيف قاله اني معاه. وبنسافر، عشان لا يحاتوني.
بس فالحقيقه ان انا انذل كل يوم......
تيبلي مهره خبزه الصبح وخبزه الظهر وخيار الفليل....
هــه ولا ذرة رحمه فيها.....
اسبوعين وانا محبوسه فهالغرفه كان بس ينفتح الباب عشان تحط لي مهره الاكل وتضحك على حالي وتطلع...
او ينتفح الصبح عشان يضربني سيف كف ع ويهي ويعاتبني عاللي صار فالقاعه ويطلع!!!
انا انثـــى! جسمي مايتحمل هذا العذاب!!!
لكن لا حيــاةٓ لمن تنادي...
سيف صار مثل مهره مافيه ذرة رحمه!
وكرهي له كان يزيد كل يوم اكثر عن اليوم اللي قبله!!!!!!
ندمت على كل لحظه ضيعتهــا مع سيف التافــــــهه
ندمت على حبي له!
صحت وانا اتذكر كيف كنت غبيه وانا اسامحه كل مره....
اتذكرت لما ذبح عيالي الثلاث.
بسبب سيف، انا بنحححححرمممم من الامومه!!!!!
والله هذي المره واحلف مابسامحه!!!!!!!! كفايه تزوج عليّ وعذبني وذلني وذبح ولدي وحرمني من الامومه!
والله ما اسامحه لو على قص رقبتي!
وراح انتقـــــــم مارآح اسكت له!
بس خلوني اطلع.....
/
نصور: يدوه حتى لو هي اميه... بس انا مابا غير نوف!
يدوه: هاي امك لو شو سوت تبقى امــك! لازم ماتعصيها... وهي قالتلك لو ماخذت اللي هي تباها مابترضى عليك، وكله ولا رضا الام.
نصور بحزن: بس يدوه انا شويخ كارهنها!!!!
يدوه: ادري يا ولدي! وادري انها تبا تزوجك غصب بعد وادري انها متعمده تختارلك وحده انته تكرهها ادري بس شنسوي؟ ماباليد حيلــــه. .
نصور: اوكي راضي بوحده ع مزاجهــا بس عاد مب شويخ!!!
يدوه بحيره: انته قايلها انك ماتفكر بالزواج حاليــاً؟
نصور: للاسف انا قلتلها اني ابا اتزوج اصلا من فتره من جي هي حطت الفكره ف بالها وعشان تغايضني وتضايقني خيرتني بين رضاها عليّ او نوفيه، وادري انها لو مارضت عليّ مابتوفق ف ماروم ارد لها طلب..
يدوه: خلاص تزوج شويخ كفتره ولا تلمسها! وعقب طلقها وقول للكل انكم مول ماتفاهمتوا وانك رديتها مثل ماخذتها، وانا بزوجك نوفيه....
نصور بفرح: صـــدق والله؟
يدوه ابتسمت: هيه، بس لا تلمـــس شويخ
لاتلمســـهآ...
لاتلمســــهآ..
لاتلمســـهآ.
تكررت الكلمه ف مخه ثلاث مرات! وقال ف خاطره: مستحيل اخون نوف واسوي شي بشويخ، واصلا منو قال اني احبها عشان المســها؟!

-مشكلة نصور وتقريباً انحلت...
-انا وكيف بقدر اشرد من سيف وانتقـــم منهم!ّ
-عبود تزوج اللي يحبها ويتمناها!
-هزاع شو رآه؟ (فالبارت الياي)
-بنقرب الروايه على بيت عمي بو حمود اللي مانعرف عنهم للحين الا تفاصيل صغيره!!
-خالد بيتم يحبني ولا بيتزوج (فالبارت الياي)
-شويخ كيف بتكون ردة فعلها لما بتعرف ان نصور بيتزوجها حتى لو مؤقتاً؟ (فالبارت الياي)
-منول وعبود بنبعد عنهم الروايه فهالفتره لانهم ف شهر العسل ومانبا نخرب عليهم....
اترقبوني مع البارت الياي ومع احداث راح تغير مجرى الروايه!
وراح يكون اول بارت من البارتات الخمس الاخيــره. . ع حسب ما اخطط له حاليا!

ترقبوني واتمنى يعجبكم البارت!❤️