منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

.
.

البارت الـ 46
نشت عذاري على رنه المنبه . . تثاوبت ب قوه وتعب . . . " تشوف الوقت " وتشوف المسج الي وصلها من حصوص . . دقت ع طول على حصوص . . بس ماردت . .
عذاري تثاوب وترد تقرا المسج مره ثانيه " السباله راقده ؟ انا توني مبنده عن ريلي احم هههه . . ابا اقولج شصار وعن احاسيسي .. متى مافضيتي كلميني "

قامت عذاري بتروح تسبح . .اندق الباب مرتين . . وسارت عذاري تفتحه . .
ام عبدالله : صبحج الله بالخير . .
عذاري تبوس امها وتحظنها : صبحج الله بالنور والسرور امايه ..
ام عبدالله : نشيتي فديتج . .
عذاري : هيه امايا . . احين بسبح وبنزل اتريق عشان ادرس . .
ام عبدالله : هيه اميه يالله ما باجي وقت . .
عذاري : ان شاء الله . .
ام عبدالله متردده : سيف متى يا اهني ؟
عذاري : البارحه اميه فليل . . وشكلهم كانو يشوفون تلفزيون ورقدو . . بعدهم رقود تحت ؟
ام عبدالله : هيه . . حتى وفوي متلصقه ف سيف وراقده . . ولا ضاريه من اول الصبح مسويه حشره . .
عذاري : سيري قوميهم انزين خل يسيرون الغرفه . .
ام عبدالله : لالا . . انا يبت الريوق وكل شي فوق . . خليهم برايهم تحت . . ما بخلى حد ينزل لين يشبعون رقاد . .
عذاري : احم لو انا وريلي راقدين تحت بعد بتسوين نفس الشي . .
ام عبدالله تضربها ع جتفها ب خفيف : امفف ع هالبنت مشتطه عالريل . .
عذاري : شسوي امايا كل ربعي عرسو . . .
ام عبدالله : يالله وراج دراااسه . . سيري اشوف . .
عذاري تبتسم : ان شاء الله . .
منصور يا : صباح الخير . .
ام عبدالله : صباح النور فديتك . .
يبوس راس امه . .
منصور : اقولج عن اللقافه . . مش تطلعين برع . . ربيعي تراا الحين بي وبنيلس ف الميلس . .
عذاري : انزيييين . . بيلس اذاكر اصلا . . .
ام عبدالله : شعنده ربيعك ياي من الصبح . .
منصور : امايا عنده ظروف ف البيت وحشره ومايقدر يدرس اهناك . . .
عذاري : ربيعك ثانويه عامه ؟
منصور : راسب كذا سنه . . وهالسنه انا وياه اباه ينجح . . .
عذاري ب خبث : قدك هو ؟
منصور يطالعها : نعمم انتي شو تبين . .
عذاري تحج راسها : ماشي الواحد ما يسال عن ربع اخوانه يعني . .
منصور : استريحي . . لا تسالين ولا تتعنين . . اسمعي الرمسه ولا تطلعين برا سمعتي . .
ام عبدالله : لعووووزت البنت خلاص ما بتطلع . . يالله سير انته . .
منصور: وطرشو ريوق الميلس امايا ..
ام عبدالله : ان شاء الله . . .

وراح . . .
ام عبدالله : سمعتي . . عن اللقافه . .
عذاري : انزين اماياااا . .
وراحت امها وسكرت الباب وقفلته ورررررررررررركضت صوب الدريشه . . .
مرت ربع ساعه والشيخه عذاري مرتزه عند الدريشه تتريا ربيع منصور متى بيشرف . . شوي ورن تلفونها وسارت يابته وردت . . والتهت بالسوالف وبا حصيص . .
حصيص : انزين وجذه اقولج . . بس الحمممدلله من اول مكالمه ارتحتله . .
عذاري : الحمممدلله يختي . . ومتى حددتو العرس بالضبط .. ؟؟
حصيص : اول شي قالو عقب شهر . . والحيين اتفقت وياه عقب شهريين . . بالقو رضا يأجل ..
عذاري : زين الحمممدلله . ..ألف ألف مبرووووك حبيبتي . .
حصيص : الله يبارك فيج فديتج وعقبالج . . .
فجاه سكت عذاري . .
حصيص : ألوووو ؟ بسم الله وين اختفيتي . .
عذاري واقفه وتشوف : يا لبيييييييييييييييييييييييييييه حصوص يا لبيه . . اتريي بطيح . . " واطيح ثانيه ع السرير وترد تنش " . .
حصيص : شو فيج يالمينونه ؟؟؟؟
عذاري : شو هالجممال شوو هالدلال . . شو هالوقفه . . شو هالجسم . . ماروم حصوص ماروم . .
حصيص : انتي استخفيتي . . رمسيني شوه فيج . .
عذاري : نسخه من توم كروز . . لكنه متعصم . .
حصيص تضحك : ههههههههههههه شو هالخبله . .
عذاري : انا اقول ليش منصور يقولي لا تطلعين . . كان خايف على ربيعه مني . . يخاف اهجم عليه .. .
حصيص : انتي ويا ويهج ما بترمسين .؟؟
عذاري: والي يشوف الي انا اشوفه وين يروم يرمس يا بنت الناس . .
حصيص : اقولج انتي شكلج ما بتذاكرين . . انا الحين بي عندج . .
عذاري تحط ايدها ع قلبها : تعالي تعالي . . خويتج واقعه ف الحب . . .انا فالغرام انا ذايبه خلاص . .
حصيص : الحمدلله والشكر . . هذا يسمونه اعجاب . . اعجاب بس . . انعجبتي ف شكله وجسمه بس
عذاري: انزين يالخبله اول شي يي الاعجاب . . وبعديين يي الحب وبعدين شوي شوي يي الزواج . .
حصيص : انتي وايد سريعه صراحه . .
عذاري : انتي لو تشوفين الي انا اشوفه ما بتقولين جي . .
حصيص : مالت عليج اجلبي ويهج يالله . . كل ما بتشوفين واحد غاوي بتقولين هالرمسه . .
عذاري : حصوص حشى عليه . . عمري ما شفت واحد وانعجبت فيه . . انتي بروحج تدرين بي . . . ها صاروخ دش ف فقلبي . .
حصيص تضحك : هههههههه كل ممنوع مرغوب . . عشان منصور قالج لا تطلعين ولا تشوفينه انتي استخفيتي وبغيتيي تشوفينه عشان جذه انولد هالشي فيج . . ولا ربع منصور ونصور دوم ف بيتكم عمرج ما انغوييتي ترى . . .
عذاري: اويه شوها . . ماتحمل يختي . . جلطه جلطه . .
حصيص : اعنبوه لين الحينه واقف ؟ ما سسار ؟
عذاري : من حظي ترا . . يباني اشوفه . . هذا الي يسمونه النصييييب والقدر . .
حصيص ميته من الضحك : ههههههههههههههههههههههههههه خفي علي دخيلج يا ام القدر . .
عذاري : من حوبتج دش داخل . .
حصيص : اقولج انا الحين بيييج . .
عذاري : يالله بترياج . . بروح اسبح بسرعه عشان ابركن عند الجامه اليوم . .
.
.
.

وفوي تضرب ايد سيف : عمممي عمي . .
سيف يفتح عيونه ب صعوبه : ها عمي . .
وفوي تاشر ع التلفزيون : سكرووووه . .
سيف يتثاوب : منو سكراه " يصد يمين يسار ، يشوف النور طلع "
وفوي : مممادري . ." تمسك ايده بقوه " شششغله . .
سيف : صبري انزين . .
يت الخدامه وركضت صوبها وفوي . . .
الخدامه : جوعااانه ؟
وفوي تهز راسها بمعنى هيه . . .
ام عبدالله تسمع وبصوت واطي : تعالي امي بناكل فوق . .
سيف ما رفع راسه عشان ما تلاحظ عمته انه قام . .
سارت وفوي فوق . . وراحت الخدامه . .
سيف يبوس راس مهره . . ويحطي ايده على شعرها الي صار قصيير وايد . . يلعب فيه وهو يذكر شعرها قبل كيف كان احلى بوايد ! هو الي خربالها اياه . . . تم يفكر . . معقوله محد من اهلها لاحظ ؟ وعقب استوعب ليش هي امس كانت لابسه الشيله طول الوقت وما بغت تبطلها . . تنهد ب ضييييج . . وحطا ايدينه على ايدينهاا ولاحظ انها دافيه وايد . . .
حطا ايده على يبتها . . : اوووبس . . . حاره وايد . . " يدق ويهها ب خفيف " مهوور . . مهره . .
مهره تفتح عينها ب تعب . .
سيف : انتي تعبانه ؟
مهره ب صوب مبحوح : وايد . .
سيف : وليش مااااااا قلتيلي دامج تعبانه . . ليش ساكته وماترمسين . .
ما ردت عليه . .
قام شوي عنها وشلاها وسار فوق . . .
منصور كان توه بينزل : خف علينا يا ريال .. شو هالرومانسيه من ع الصبح . . " لاحظ ويه سيف مقشر شوي "
منصور : فيها شي ؟
سيف : حممى من البارحه . . . بس انا رقدت وماحسيت فيها . .
منصور : ماعليك قويه اختي . . بطيب بسرعه . .
سيف كمل مشيته وسار الغرفه . .
ام عبدالله شافت بس ما قالت شي وصدت صوب منصور ..
منصور: فيها حراره . .
ام عبدالله حطت ايدها ع قلبها : واي بنتي . .
نزل منصور تحت . . وام عبدالله سارت ورا سيف . .
سيف يبوس راس عمته . .
ام عبدالله : امي مهره شوه فيج . . .
مهره تفتح عينها ب تعب فظيع : ماشي امايا . . لاتحاتيني . . انا بخير . .
ام عبدالله بـ عتب : قوووم ودها المستشفى . .شوه سويت ف بنتي .!!!!!!
مهره : امايا مافيني شي . . . مافيني " تغمض عينها "
سيف : عباتها وين !!
ام عبدالله : تحت فالصاله . .
نزل سيف بسرعه وياب عباتها و شيلتها . . نشت روضه وشافت سيف يصعد الدري بسرعه وماسك عبات مهره وشيلتها . . سارت صوبهم وهي تركض. .
روضه : شووو مستوي . .
ام عبدالله : ساعدي اختج خل تلبس عباتها بنودييها المستشفى . .
ساعدت روضه سيف ولبسوها العباه والشيله . .
روضه تطالع سيف : مافيها الا العافيه ان شاء الله . . بس حمى . . لا تروح بلبس وبي معاك . .
سيف بارتباك : اوكي . .
ما طولت دقايق ويت مره ثانيه . .
روضه : امايا ماوصيج ع جسوم و وفوي . .انزين . .
ام عبدالله : اول ماتوصلين طمنيني وخبريني
روضه : ان شاء الله . .
سيف شل مهره : روضه السويج اهناك شليه وتعالي السياره برا . .
سوت الي قاله وطلعت معاه لين السياره . .
دشت حصيص . . وبايديها صحن . .
نزلت لها ام عبدالله . . وسلمو ع بعض ..
حصيص : شوه فيها مهره خالوه ؟؟؟
ام عبدالله : حمى يعله فيني ولا فيها . .
حصيص : بسم الله عليج خالوه لا تقولين جي . .ان شاء الله بتقوم بالسلامه . .
ام عبدالله والضيج باين عليها : ان شاء الله . .
حصيص : اسمحيلي يايتنكم وحتى الشمس توها ما طلعت . . بس بنتج شكلها ما بتذاكر وعدل وانا يايه ارص عليها . .
ام عبدالله : فدييتج يا اميه . . البيت بيتج . . عشره عمر ولو . . انتي وحده منا وفينا . . سيري لها فوق ..
ابتسمت حصيص . . وحطت الصحن الي في ايدها ع الطاوله . .
حصيص : امي تسلم عليج وتقولي ذوقي هالفندال . .
ام عبدالله : فديت امج . . يعلني ما خلا منها . . البارحه اقولها ف خاطري فندال . .
حصيص تبوس راس ام عبدالله : عاد امي ما بغت تخليه ف خاطرج . . . يالله خالو من رخصتج بسير عند عذور . .
ام عبدالله : مرخوووصه فديتج
.
.
.

محمد : حمود ياخي ضبطني . .
حمد يطالعه : عند امنوه . .
محمد : عند بنت عمي . . ابا اتزوجها خلاص . .
حمد : اسميك ما تستحي . . جدامي ترمس جذه
محمد : والله حمود . . انا من سنييييين ما يييت بيتكم . . ولا ادري انها صارت غاويه . . وبعدين بنت عمي اولى من الغرريب .. . من شفتها ف العزا وخلاص مرره دشت ف خاطريه واباها حلالي ..
حمد يضربه على جتفه : انته ايييييييه . .
محمد يضحك : شوه فيك تراك ربيعي قبل لا تكون اخوها اوكي . . وبعدين انا مارمس عند بنت غريبه . . ارمس عن بنت عمي مافيها شي . . . خلني اظهر مشاعري ياخي
حمد : انته اشتغل وكون نفسك عقب ارمس عن المشاعر . .
محمد : خل توافق والله اشتغل . .
حمد يصد صوبه : اشتغل عقب بتوافق . .
محمد : فعينها اختك راسها يابس ..
حمد يبتسم . .
محمد : انزين ضبطني انته وياك فالدوام . .
حمد : انا بروحي توني راد من برا مش محصل لي وظيفه . .
محمد : بنشتغل ويا ابوك . . " يضحك " هههههه ف العزبه . . نراكض ورا الدبش
حمد : هههههههههه هالدبش يحصل من وراه خيير خيير . .
محمد : انت ع الاقل يا حيييك . . دارس برا كل حد يباك . .انا حي الله خريج ثانويه . .
حمد : ماعليه ان شاء الله زهب لي انته اوراقك ويوم براكض ل عمري براكض لك بعد . . ابتلشت ف ولد عم بلشششه . .
محمد : خششمك ولد عمي .
حمد : قر مكانك عند تدعم . .
محمد : انزيين الا بتخبرك شسالفه مييثا ؟ من صدقها تزوجت سيف ؟
حمد : ليش تعرف عنها شي ..
محمد يفكر ويطالع سيده وهو يسوق : لا استغربت يعني . .
حمد يطالعه باهتمام : لو تعرف شي خبرني .
محمد : شو بعرف يا ريال . . ومهره ؟ كيف صارت حرمته وماصارت حرمتك . .
حمد منزل راسه : انته ماحظرت العرس؟
محمد : لا كنت ويا امايه ف الكويت . . وصلني خبر بنفس اليوم وماحصلت حجز بنفس اليوم . .
حمد : متى عرفت انها مهره ؟
محمد : خبرني ابوك اول ما يييت اسلم عليه . . شره علي لاني ما ييت وخبرني انه سيف خذا مهره . . انصدمت والله
حمد يتنهد وعقب فتره هدوء صداله : حمود . . مش يفلت لسانك جدام حد . .
محمد : افا عليك . . انا قبل لا تتزوج مهره ماخبرت حد . . بخبر الحين . .
حمد : كفايا الي صابها مني . .
محمد : انته امرره حالتك جسيحه . . بس والله الغلط منك . . تحييد ؟؟ تحيد يوم اوصلك المطار ؟

>
<

حمد مستغبن . .
محمد : اسسستح ع ويهك ريال ب طول وعرض تصيح شرا البنيات ؟
حمد يتنهد : بودر القلب اهني وبسافر . .
محمد : اخطبها حمود . . اخطبها اظمنها عقب سير . .
حمد : ما بتوافق على حد غيري انا اعرف . .
محمد : ياريال ششدراك . . . اخطب وسير وانت مطمن وقلبك مرتااح . .
حمد : والله تقولي هي نفس الرمسه . .بس ماقدر . .
محمد : ابن عمي اسمع الششور . . اهناك بتتغربل وانت تحاتي وتستهم . . تراك ما بتسير يوم ولا يومين . . بتسير سنييين . .
حمد يبتسم : ماعليك . . ادريبها ما تبا غييري . .
محمد : ع راحتك ياخي . .
>
<

حمد : ليتني سمعت بشورك . . ليتني والله . .
محمد : ما تفيد الليت الحين . . يفيد اللمبا . .
حمد يضحك : هههههههههههههههههههههههههه سخييف من يومك . .
محمد : هيه خلك جذه مفرفشش . .
.
.
.