|
وين البارت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟:30: نونو كيوت |
يسلموو على الباارت ونترياا البارت الثااني |
آهئ ويـن آلبــآآرت >< |
السموحهـ عـ تأ خير البارت الـ 38 مرن هاليومين على خير ويوم ظهرو سلطان من المستشفى الكل كان مرتبك شقايل بيخبرونه !! وشو ردة فعله لما بيعرف الخبر !! وشو بيسوي !! ساروا سيف واحمد وراشد للمستشفى أحمد سار ووقع ورقه خروج سلطان وراشد وسيف ساروا صوب سلطان ظهروه من المستشفى وركب السياره كان شكلهم حييل مرتبكين حتى سلطان حس بس طنش ساروا لبيت محمد سلطان استغرب سلطان : اباا اسير بيتناا أحمد : امم زين بس بالأول سلم على عمي محمد سلطان : ودووني البيت سيف وراشد واحمد تموا يطالعون بعض سلطان : بلاااكم ابا اسير البيت حرك أحمد السياره وتوجهوا صوب بيتهم ولما وصلوا سلطان استغرب من وجود سياير جدام البيت سلطان : ليش كل هالسياير جدام بيتناا ؟ راشد : سلطـان ترى ( وسكت ) سلطان حرج : بلاااكم نطقوا كلهم سكتوا ونزلوا راسهم سلطان نزل من السياره وربع داخل جاف ساره فـ ويهه ساره انصدمت من وجوده : سلطــــااان !!! سلطان اطالعهاا : ساره شو في شو صاير ؟ ساره عيونهاا دمعت مارامت ترمس نزلت راسهاا وسكتت سلطان تجرب منهاا وحظن ويهاا بكفها ورفع راسهاا سلطان : ساره ارمسي شو صااير ؟ ليش كل هالنــااس هنيه ؟ ساره صـــااحت مارامت تستحمل فـ هاللحظه حدروا سيف وراشد وأحمد ساره ابتعدت شوي من سلطان سيف : سلطان هد اعصابك سلطان : كيف اهدي ومحد طايع يشرحلي وين أماايه ؟ سيف : امــك داخل تحرك سلطان عسب يسير بس سيف يوده سيف : وين سااير انت مينون حريم داخل عند امك سلطان : ليش يايين شو صاير ؟ كلهم سكتوا يبون يقولون له بس مايرومون سلطان حرج : انطقوا بلاااكم ؟ ساره كانت واقفه وتراقب الوضع وهيه ميته من الصيااح سيف : سلطان انت انسان مؤمن بقضاء الله وقدره ، كل واحد مناا له يومه سلطان قاطعه : سيف ارمس بسرعه لا اتم تتفلسف سيف حرج : اوووووه يعني واايد سهل انخبرك شو انت ماتحس راشد سحب سيف وهمس له : بــس خف عالرياال مايصير جي أحمد : سلطــاان ابوي عطااك عمره ، ترحمله سلطــاان وجنه حد صب عليه ماي بــاارد : شــــوووووه !! ولا اراديا يلس عالارض ويلــس يصيييييييييح هنيه ساره ما استحملت من جافته جيه ربعت صوبه تمت تمسح دموعه ساره وهيه تصيح : سلطان خلاص لا تصيح ها قضاء وقدر سلطان : من متى ؟! ليـــش ؟ ليــــش ؟ أحمد نزل راسه : من يوميين سلطان : ليش ماخبرتونيي ليــش ( واطالع ساره ) ليش ماخبرتيني ؟ ساره : والله مارمت سلطان خلااص نش سلطان وربع برع وتم يصيـــــــح ماراام يصدق ( ابوه !! مستحيـــل ) ماكان مصدق ألحين عرف ليش ماكانوا يزورونه ألحين عرف ليش كل ما احمد وسيف وميره وساره يزورونه ملامح الحزن فـ عيونهم ألحين عرف ليش كل هالسايير واقفه هنييه تم يصيـــح شرى الحريم مارام يخفي دموعه اعز النــااس واقرب النــااس له رااح راااح قبل لا يجوفه ويسلم عليه تم يصيـح ويصيـح يصيــح حس بتعب حس بأن الدنياا قاعده تسود فـ عيونه شوي شوي مارام يتحكم بروحه مره وحده حس انه فـ عااالم ثــــااااني احمد حدر صوب الريايل وراشد لحقه وسيف وساره ساروا صوب سلطان جافوه طايح عالأرض زاغوا وربعوا صوبه شلوه ودخلوه داخل كلهم زاغوا علييه ميره ظهرت الكل وهيه وساره وامه تموا حذاله ساره كانت وااااايد خايفه عليه حست ان دموعهاا خلصت من كثر ماصاحت كانت طوول الوقت حذااله ام احمد كانت تطل عليه شوي وتسير صوب الحريم شوي وكانت واايد زعلاانه ومتحطمه وميره حالهاا ماكان حاال يا تصييح يا اتم ساكته وسرحــاانه فتح سلطان عيونه ساره جافته لانهاا كانت يالسه حذاله ساره : الحمدالله عالسلامه سلطان رد وغمض عيونه بسرعه ميره : نـش ؟ ساره : هيه فتح عيونه وغمضهاا ميره : ساره انا بسير ألحين عبدالله حرق تلفوني خلي سلطان واميه فـ عيونج انشالله العصر امر عليكم ساره : افــاا عليج لا توصين من عيوني ظهرت ميره وتمت ساره روحهاا فالحجرة كانت يالسه تتأمل ويه سلطـان رد سلطان وفتح عيونه وتم يدور بـ عيونه جنه يبا يجوف شي محدد سلطان بكل تعب : وين ابوويه ؟ ساره : سلطان حراام عليك بسك سلطان : يعني ماكنت احلم ساره : لا كله صدق شو نسوي هاي اراده ربك ، المهم صحتك ارحم حالك ترااك واايد تعبااان فـ هاللحظه حدر سيف سيف : شحالهاا الحرمه سلطان اطالعه بنظره وسكت سيف : عيل جي تسوي ابهااا تدلع وتطيح عليناا شرى الحريم ساره : سيف بس عــااد سيف : فديـــت ربيعي والله احبك ياخي لا اتم اطالعني جي جنك شوي وبتذبحني ساره حرجت : سييييف سيف : بلااج انتي بعد شو تغارين يلا ظهري بررع واايد عطيناج وييه خليني يالس ويا حبيب قلبي ساره اطالعت سلطان عقب اطالعت سيف ساره : زين برايكم بسير ارتااح شوي وظهرت ساره من الحجرة سيف : سلطان حبيبي لا اتم جي والله اني ماداني اجوفك جي ، والله ان عمي حميد الله يرحمه كان غالي عليناا كلناا ألحين لازم نترحمله وندعيله بالجنه هب نصيح عليه ونعذبه فـ قبره فـ هاللحظه عيون سلطان دمعت سيف : ادري ان ها هب شي سهل انك تفقد انسان عزيز وغالي عليك بس شو نسوي هاي ارادة ربك وهاي هيه الدنيا ناس اتي وناس تروح يعني ألحين جفت هالشعشبونه شوااقي النحسه يت وعميه الله يرحمه رااح ، لو كل الناس تموا يسون إلي انت وغيرك يسوونه جان ما استمرت الحياه سلطـان : سيف انا تعباان ابا ارقد سيف : انت ويهك لوح قسم بالله من الصبح يالس ارمس واتعب روحي آخر شي وبكل بساطه تطردني أقوول مالت عليك ثم مالت عليك حد يجابل ويهك ظهر سيف من الحجرة ابتسم سلطان لانه عنده ربيع حبوب وطيب يوقف معاه وإلي هو سيف وتم يدعي لأبوه بالرحمه وبالجنه واقتنع برمسه سيف 100% وكل ما تنزل دمعه يمسعهاا بقوه عهد ع نفسه يوقف مع امه إلي صارت وحيده أحمد راح لبيته وميره راحت ويا ريلهاا مابقى إلا سلطـان لازم يكون قد هالمسؤوليه غمض عينه ونــااام عالساعه 7 المساا حدرن ساره وميره ع سلطان كان راقد ساره زاغت من الصبح وهو راقد خبرت ميره قاالت إلهاا ماعليه هو تعباان شوي عقب نش سلطـان من الرقااد ويابتله ساره أكل عسب ياكل بس ماطاع سيف وأحمد وميره وساره تم يحاولون معااه إليين ما أكل مرت الأياام كلها حزن فـ حزن تحسنت حاله سلطـان وصار شرى قبل واحسن وخميس وظبيه في تحس شوي فـ علاقتهم وميره وعبدالله كان ثنائي عجييب وفاطمه وراشد كانوا وااايد يحبون بعض والكل كان حاسدنهم مرت سنه ع وفاة حميد وفـ هالسنه عرس سيف وسلطـان خذ ساره عقب النقاشات والسوالف إلي تم يسويهاا وحملت فاطمه و ظبيه كانت شاكه انهاا حامل بس ما سوت التحليل عسب تتأكد كانت واااايد زايغه حمده سكنت ويا سيف فـ بيتهم وساره ويا سلطـان هييه صح قسمه خلص وكان شكله رهييييب أثاثه واايد راقي والقسم جي كل حجرة فيهاا حركه فنتوكيه وملاك وأمــل كانوا يخططون عسب يخربون علاقه سلطـان بساره ومــاايد جاف امـل كمن مره وانعجب فيهاا وقال لأمه تخطبها له وخطبتهاا وحددوا الملجه والعرس بنفس اليوم وشيخه حملت وربت و يابت بنوته سمتهاا موزه ع امهاا وشوق بنت أحمد كبرت وقامت تحبي وعبيد وااايد مستانس عليهاا وشماا وملاك ووجدان ويوسف ردوا الكويت بس ملاك تتواصل مع امل بالتلفون وبالأيميل واليده موزه كانت تسير فتره بيت حميد ترقد وعقب ترد لـ بيت محمد يوم اليمعه طبعـا كالعاده كلهم يتيمعون ف بيت محمد كانوا كلهم موجودين تغدوا وعقب الغدى يلسوا يسولفون حمده كانت يالسه ويا ساره وفاطمه وميره كانت يالسه تسولف ويا شيخه و ميثه صوب الشباب كانوا يالسين يسولفون شوي ويعلقون يعني كالعااده عالساعه 4 ونص العصر سلطـان : ههههههههههههههه بس بس خلااص يلا اناا ساير تامروني بحايه ؟ سيف : وييين ساااير ؟ سلطـان : تزوجتك ونسيتك يا خي اجلب ويهك الكل : ههههههههههههههههههههههههههههه أحمد : اعترف وين سااير ؟ سلطـان : ياااالله كيف ملقوفين باخذ حرمتيه وبنظهر سيف : وييين ؟ سلطـان : تؤتؤتؤتؤ مايخصك سيف : خلاص ماشي ظهره تراني اخوهاا سلطـان : هههههههههه ماال أول اجلب ويهك يلا شبااب اجوفكم ع خير سيف : اتريياااا بي معااكم وبيييب حرمتيه سلطـان : لاا دخيييييلك الكل : ههههههههههههههههههههههههههههه راشد : سيفوو خلاص غد ريااال سيف : اصلا رياال غصبً عن راس سلطـان سلطـان : يعني شو يخصني انــاا سيف : ليش ما تخليني اي معاك مشكلتك سلطـان : ههههههههههههههههههه ( وظهر سلطـان من الميلس واتصل بساره وقالهاا تظهر وظهرت له ) ساره : خير ؟ سلطـان : الخير بويهج يلا بنسير ساره : توو النــااس سلطـان : انا واحد تعباان بسير اريح شوي عقب بنظهر ساره : امممممم سلطان : لا والله تفكرين بعد يالله يالله بسرعه ساره : ههههههه من عيوني سلطان : تسلملي عيونج وسارت ساره داخل ولبست عباتهاا وسلمت عالكل وظهرت مع سلطـان ساره : امك منو بيردهاا ؟ سلطـان : لا تحاتين قلت لأحمد ساره : بلااك شكلك مايطمن ؟ سلطـان : مــااشي والله بس تعبــاااان احس اني برقــــد ساره : عرفت ان مايد خطب أمل بنت خالتك ؟ سلطـان : صــدق ؟ ساره : هيه من زمــاان ماخبروك ؟ سلطـان : لا والله ههههههههه يستاهلون بعض ومتى الملجه ؟ ساره : الاسبوع الياي سلطـان : ايــوااا وانا اجوف اميه 24 ساعه طايحه فـ بيت خالوه ساره : ترى الملجه والعرس فـ يوم واحد سلطـان : صدق ؟ ساره : هييه سلطـان : ههههههههههههههههههههههه ساره : بلااك ؟ سلطـان : تذكرت شكلج يوم ملجتناا ساره ضربته عجتفه بالخفيف : سخيــف زيين سلطـان : ههههههههه والله كنتي كيوووت ع اي كلمه ويهج يغدي طمااط هب ألحيين صايره متوحشه ساره : لااا وااالله ؟ سلطـان : ههههههههه احبج كيف ماكنتي ساره : بس بس انا ما احبك زيين ( وصدت صوب الدريشه ) سلطـان وقف السياره : حلفي انج ماتحبيني ساره سكتت سلطـان : زيين مابحرك ساره : شو بتسوي فيه شرات ماسويت فـ عرس ميروه ؟ سلطـان : هههههههههه ادري اصلا انتي تموتيين فيه ساره : واايد قاص ع روحك سلطـان : ساروه ساره : ياعيوون ساروه انت مشكله كاشفني سلطـان : هههههههههه جفتي عقب وصلوا للبيت ساروا قسمهم سلطان سار يرقد وساره سارت المطبخ تسوي كيكه كانت ملاانه سوت الكيكه وخلصت وعقب يلست تطالع التلفزيون كانوا حاطين فلم حلو تابعته وعالساعه 6 نش سلطـان من الرقاد سار وتغسل وبدل وظهر جاف ساره يالسه سار ويلس حذالهاا ساره : توو النـــااس لا كمل رقادك سلطـان : ههههـ يلا بسييرر ساره : تعــــااال سويتلك كيكه سلطـان : ياسلااام عاد حدي يوعـــاان فديت حرمتيه انــاا ساره : يالله مصـــاالح سلطـان : شو شو شو ؟ عيدي لو سمحتي ساره بدلع : مـــــااااشي سلطـان : آآآآخ ياقلبي ساره : بـــس عاااد سلطـان : شو تستحيين ؟ ساره : لاااا سلطـان : اقلج صايره متوحشه ساره : سلطــــااااان سلطـان : سااااره الاثنين : هههههههههههههههههههههههههههههه سلطـان : ماتبين تسافرين ؟ ساره : لاا فبيت محمد ظبيه كانت يالسه تسولف ويا البنات رن تلفونهاا كان خميس ردت قالهاا خل تظهر عسب يسيرون تمت تحن علييه عسب اتم بس ماطااع سلمت ظبيه عالكل عقب سارت ويا خميس اليده موزه : هيييه والله زمـن وين لما كنتوا كتاكيت صغـار وألحين مشالله كل وحده معرسه وإلي حامل وإلي عندهاا يهال عوشه : هييه والله كبروا عيالنــاا شيخه : ياليت الشباب يعود يوماً الكـل : ههههههههههههههههههههههههههههههههه ام احمد : ميثا انتي اي صف ألحيين ؟ ميثا : بسير ثالث ثنوي الحمدالله بفتك مابقاالي شـي ميره : بالعكس اصلا احلى شي المدرسه وسوالفهاا أحيد انا وساروه و الشله شو كنــاا نسوي ميثا : وععععععع عيل بدلي سيري انتي المدرسه وانا بيلس فالبيت وبرقد ميره : أنتي ألحين جي بس عقب بتذكرين رمستي وبقولين هيه والله عقب يلسوا يسولفون سارت الساعه 8 المساا وسلطـان وساره ساروا مطعم يتعشون عقب تموا يتمشون عالبحر وخميس وظبيه ساروا إمارات مول يتمشون عقب يتعشون ظبيه كانت تعباانه شوي وبطنهاا حيييل يعورهاا وحاسه بلوعه بس ماكانت تبين جداام خميس ظبيه : متى بنرد ؟ خميس : مســرع شو مليتي ؟ ظبيه : تعبت اباا ارقد خميس : بلااج صايره هالأياام كله ترقديين ظبيه : بعد ليش يرقدون ؟ خميس : ههههههههه زين زين اعصابج حبيبي عن تكفخيناا ظبيه : اباا ايلس تعبت عقب يلسوا ف مطعم وتعشوا وردوا العين صوب امل كانت يالسه ترمس ملاك بالفون وكانوا يالسين يخططوون امـل : خلاص ملوكه انا عدلت الصورة بالفوتوشوب وركبت صوره الولد مستحييل سلطـان يشك يبين جنه صدق ملاك : انزيين والتسجيل حدري المسن بطرشلج ايااه أمـل : أوكي انتي عدلتي التسجييل قصيتيه وجييه ملاك : هييه اكييد ، متى بتدزينه لسلطان ؟ أمــل : اممم باجر اجازه ما اظن انه بيداوم يوم الأحد ان شاء الله ملاك : تعــاالي بتدزينه ويا منوو أمل : بعطيه حق دريولناا وبقله يعطيه حق السكرتيره عسب تعطي سلطـان ملاك : اففف واخييرا بيفر هالجلبه وبيهدها وبيأدبهاا أمــل : انا مايهمني إلا ان سلطـان يتعذب الحقيـــرر ملاك : هيه صح انتي شو سالفتج ويا سلطـان ؟ أمـل توهقت : هــآآه ،( وألفت عليهاا ) هو كل مايجوفني يطالعني يإحتقــاار جني ماكله حلاله وسارت سالفه جديمه احب احتفظ ابهاا لنفسي ملاك : ايــواا أمــل : وانتي شو سالفتج ويا ساره ؟ ملاك خرطت عليهاا : ولاشي كله يحبونهاا هيه هيه دوم تكون الأحسن انا مليت كله يفرقون وهيه الأميره وجني انا الخدامه ( ويلست تألف اشياا ) امـل : أهــــاا ، خلاص ماعلييه نحن بنراويهم هالأثنين بنخليهم يتعذبووون عدل ملاك : هيه صح خلي الصور و التسجيل فـ سي دي عشان لو حد فتح الظرف مايشك ولا يطالع الصور مافيناا أمــل : هيه انا جي كنت بسوي ملاك : يالله عيل اخيلج ألحيين بسير انام أمل : تصبحين على خير ملاك : وانتي من اهله وسكرت ملاك من عند امــل وهيه مستـــاانسه واخيرا بتعذب ساره شرى ما عذبتهاا وخذت حبيبهاا منهاا واخيـراا سلطـان بيودر ساره صوب البحر وين ما سلطـان وساره كانوا يتمشون الجو كــاان عـــذااااب ساره وسلطـان كانوا يسولفون فـ عده مواضيع ويتناقشون سلطـان : هيه صح نسيت اخبرج باجر انـا والشباب بنسير البر ساره : اللـــه انا ابا ايي سلطـان : ههه وين اتيين كلهم شباب !! ساره : مايخصني ليش تسيرون رواحكم مابااا سلطـان يغايضهاا : يااي بنلعب دراجات وبنستاانس ساره تضربه ع عجتفه بالخفيف : نــذل تغايضني بعــد سلطـان تجرب منهاا : شو شو شو منو النذل ؟ ساره لفت ويهها وأونهاا زعلت يلست عالأرض : خوووز عني سلطـان يلس حذالهاا تم يغنيلهاا ساره : لا تحــااول لا تحــااول مابرضى سلطـان تجرب منها وااايد وساره ماحست إلا بشفايف سلطان عخدهاا حست روحهاا تتكهرب دزته سلطـان ظحك ووقف ساره وقف وضربته : ماتستحي عيـــب سلطـان : عاادي محد يجوفنــاا ساره : لاا والله سلطـان : أموووت فيج ساره : انــاا اعشقك سلطـان : وااي كم بعيش انــاا ساره : بس بس انت ماتنعطى وييه سلطـان : خيبه دفاشه العالم فيج متوحشه ساره صدت صوبه واطالعته بنظره أونهاا غيظت سلطـان تم يظحك علييهاا سلطـان : يلا تعالي بنسير ساره : يلاا عقب ساروا صوب السياره وركبوا وحرك سلطـان وتوجه صوب البيت مر هاليوم على خير فاليوم إلي عقبه نشت فاطمه من وقت ووعت راشد فاطمه : راشد حبيبي يلا نــش مابتسير البر مع الشباب نش راشد : صبــاااح الخير فاطمه : هههه صبــااح النور راشد : اشعنه تظحكين يالبطه فاطمه : لا والله ترى إلي فبطني ولدك الخايس لعوزني راشد : ههههه فديته اصلا محد شراته فاطمه : اووونه بسك بسك ترااني اغــااار راشد حب فاطمه عراسهاا : فديت إلي يغارون انـاا ، مهماا حبيت ماراح احب حد شرى حبي لج فاطمه : احم ادري ادري راشد : طــااعوا الواثقه ( وحط ايده عبطن فاطمه ) متى بتي وونجوفك تولهت علييك تعال جوف امك كيف حلوه صدقني راح اتحبهاا شراتي فاطمه استحت ورسمت ع خدها ابتسامــه تعذب فـ الصاله كانت اليده موزه يالسه ويا حمده وسيف وعوشه كانوا يرمسون عن عبيد وشوق اليده موزه : ها عبيد عليه حركات قسم بالله سيف : لا الباارحه ساحبنهاا من شعرهاا اونه رياال حمده : ياقلبي علييهاا فديت شوااقي ياربي شو صابهاا ؟ سيف : هههه لا تخافين عليهاا هاي قطوه ام سبع ارواح ماصابهاا شي حمده ضربته عالخفيف : حراام عليك قول مشالله عن يستوي شي بالبنيه سيف : متى ناويه اتيبين لي بنوته جي صغنونه عوشه : لا بالله عاشت البنت معااك الكل : هههههههههههههههههههههههههههههههه سيف : فديتني والله هب مجرم حمده : ان شاء الله فـ هاللحظه حدرت ساره : السلام عليكم الكل : وعليكم السلام والرحمه تموا يتخبرون عن الأحوال وجي اليده موزه : عيل وين ريلج ؟ ساره توهقت : هــآآه راااقد سيف : ليكون شارده ساره : جب جب الكل : هههههههههههههههههههههههههه اليده موزه : يابنتي ريلج بيحرج جان خبرتيه ساره : مـاابااا خله راقد ليش بيسيرون البر اليوم والله متغصصه انا بتم هنيه اليده موزه : وام ريلج وينهاا ؟ ساره : سارت بيت اختهاا اليده موزه : هاي خل تشل قشارهاا وتعيش هناك بالمره 24 ساعه طايحه هنااك ساره : ههههه يدوه حرام عليج ماعندهاا حد والله عوشه : شخبارهاا ميره ؟ شو اجوفونهاا ولا ؟ ساره : الحمدالله بخير ، هيه اتيناا كل يومين عوشه : زين والله زين ، واحمد وحصه ؟ ساره : لا موول هب مقصرين كل يوم ايوناا وفدييت شواقي عرفتوا البارحه عبيدان الدب شو مسويبهاا عوشه : هههههههههههههه هيه هالولد يبا حد يربييه اليده موزه : كل من حصه واحمد يدلعونه خل يربونه عدل خل يغدي ريااال فاطمه كانت توهاا تنظم إهم : صبــااح الخير ، سارونه هنيه وانا اقول ليش البيت منور الكل : صبـاح النور ساره : هلا هلا بطريقوو وصلت فاطمه : اييه حراام عليكم والله شو اسوي يعني الكل : ههههههههههههههههههههههههههههههههههه راشد : جني سمعت وحده ماتستحي ع ويهها تعلق ع حرمتي فاطمه بدلع : هيه هيه جوفهاا كاهي يالسه هنيه ساره : وابويييه خل اشرد الكل : ههههههههههههههههههههههههههههه راشد : صبــااح الخير الكل : صبــااح النور راشد : انتي وين ريلج عنج ابا اعرف ؟ سيف : اسكت تقلك شارده ساره : افففف لازم يفظحوون راشد : انتي ماتستحين ع ويهج منو يايبنج ؟ ساره : الله يخلي الدريول تم محرج عليها ويهزبهاا وسيف يظحك عليهاا ساره : امـــااايه سكتيهم عنييه عوشه : بسكم بلااكم ع اختكم خلاااص ساره حظنت امهاا : فديتج والله محد حاس فيه غيرج راشد : هيه هيه تمصلحي وتموا يسولفون وعالساعه 12 الظهر حدر سلطـان عليهم ساره انصدمت سلطـان سلم وتخبر عن الحـال وجي عقب سار ويلس حذال ساره وهمس فـ اذنهاا : انتي هنيه هااه وانا قالب عليج الدنياا ماعلييه اوريج بعدين ساره ابتسمت وسكتت وقلبهاا يدق بالقــووو سيف : شعندهم ؟ سلطـان : وانت شلك ؟ انا وحرمتي وااالله راشد : ههههههههههههههههههه لقط ويهك ويوووو سيف : افــاا يا صديقي الصدوق تفوو عليك وع شيفتك الكل : هههههههههههههههههههههههههههههههههه وعالساعه 3 تغدوا كلهم عقب تيمعوا الشباب كلهم وتوجهوا للبر (( عبدالله + هزاع + خميس + مايد + سيف + سلطان + راشد + سعيد وربعه +حمدان ( ربيع مايد ) + حارب ( ربيع سيف وسلطان ) + بطي ( ربيع خميس ) + عبدالرحمن وربعه )) يعني كانوا وااايد كل واحد ظهر بسيارته عسب هناك يلعبون بالعراقيب قبل لا يسيرون ساره توصي سلطـان ع روحه : لا تسرع لا تركب العراقيب واايد اخااف علييك سلطـان : هيه واايد اهمج !! ساره : حبيبي لا تقول جي والله آسفــه سلطـان : زعلاان لا تحاولين تراضيني ابـد ساره حبته ع خده : فديتك ادريبك ماتزعل مني سلطـان استـــاانس بس سوى روحه بعده زعلاان ساره : يلا عـــاااد والله احبك سلطـان : شو نسوي مانروم نزعل اكثر ساره : فديتك دير بالك ع روحك شوي شوي سلطـان : من عيوني وعقب سار مع الشبااب طبعـاا عقب درب طويل وصلواا للمكان إلي كانوا يبونه ساروا بر العوير كانوا ماخذين دراجاتهم وحاله نزلوا الجــوو كان رهيــب بالأول نصهم لعبوا ونصهم يلسوا يسولفون عقب كلهم نشوا يلعبون تموا يتسابقون وكل واحد يسوي حركات للثاني وكل واحد يخق عالثاني بعدين تعبوا يلسوا كلهم يسولفون وصار المغرب وشبوا ضوو يلسوا يشلون شوي راشد قال بيزيغ سيف راشد : سيفوو شو ورااك ؟ سيف صد : مـــااشي راشد : امبلى شي جووف سيف صد مره 2 : مـــااشي سلطـان عرف ان راشد يبا يزيغه جان مره وحده يصارخ بصوت عالي سيف نقز من مكاانه وتم يزاعج وكلهم ظحكوا عليه سيف : الله يغربلكم خوفتوني الكل : ههههههههههههههههههههههههههه حمدان كان يشرب بيبسي و مايد سفن اب حمدان : البيبسي هب طايع يخلص ياخي مليت منه مايد : زين صبه حمدان : وين ؟ مايد : اي مكان بعد ويين ؟ حمدان : صدق اي مكان ؟ مايد : هيه حمدان : عادي ؟ مايد : بلااك هيه حمدان : احلف مايد حرج : بلاااك والله عادي نش حمدان وصب البيبسي ع مايد مايد تم يزاعج ونش يلحق حمدان وحمدان يظحك : انت قلتلي عادي وحلفت بعــد مايد : الله يغربلك خيستني والله لرااويييك تموا كلهم يظحكون عليهم سلطـان وهو يرمس سيف : وانت ليش مستانس سيف : يظحكووون سلطـان شل خرشه الفانتاا وصبهاا ع سيف سلطـان : ههههههههههه ألحيين انت تظٌحك سيف حرج : والله ما اسكت عنك والله برااويك سكت عنكم واايد ربع سلطـان وتم سيف يربع ورااااه حارب : ههههههههههههههههههههه جنكم ياهاال وقسم راشد وهو يرمس عبدالله : بلااك انت بعد عبدالله : لااا دخلييك بفرك بالضوو ترى ماعندي واحد اثنين نش خميس وصب ع عبدالله : عيل اكييد عندك ثلاث واربع عصب عبدالله وربع ورا خميس وراشد يلس يظحــك ع خبالهم حارب : رشووود شحالك ؟ راشد : حرووب يوز هااه بكفخك ترى حارب : ههههههههههههههههههههه لالا ابويه اخااف ع عمري انــاا عقب ماتعبوا يلسواا يشوون عسب يتعشون نصهم قالوا بيباتون هنيه ونصهم قالوا بيردون البيت لأن وراهم دوامات ( راشد + خميس + عبدالله + سيف + سلطـان ) ردوا البيت لأن وراهم دواام باجر والباقي تموا فالبر فاليوم الثاني ساره وعت سلطـان عسب مايتأخر ع الدوام سلطـان بكسل : تعبــــااان ابا اخذ اجازه بس وراي شغل كبر راس اخوج ساره : هههه انزييين شو يخص اخوي يلاا نش نش سلطـان وهو متردد ياخذ اجازه ولا بس مايدر يشو الي منعه وماخذ سار وتسبح وتلبس وتكشخ وتريق وقبل لا يظهر من البيت ساره : عيونك لو سمحت مب تجوف وحده مني منااك اخااف يصرقونك مني سلطـان تقرب منهاا : انتي قلبي انتي حياتي مستحييل حد يصرقني منج ساره : ليش جي متكشخ انا اغاار والله سلطـان : هههههههه عيب سلطان مايتكشخ مايصيير اصلا تدرين بسير اخطب سكرتيرتي ساره ضربته عصدره : سخيييف سلطـان : هههههههههههه امزح فديتج يلا اجوفج عالغدى ساره : انــاا بسويلك الغدى اليوم سلطـان : واخيراً مابغيتي ساره : زين كنت اتعلم والله سلطـان : عيل يااي هــااه اتريني مو تتغدين ساره : من عيوني عقب توجه سلطـان لسيارته وسار صوب الشركه عقب نص ساعه بالضبط وصل سلطـان للشركه وسار صوب مكتبه عقب مامر على كمن واحد وسلم عليه ويلس يسولف طشونه السكرتيره : استاذ سلطـان وصلك ظرف من شوي سلطـان : من منوو ؟ السكرتيره : واللهي معرفش سلطـان : امم زين وديه لمكتبي بعدين بجوفه عقب سار سلطـان صوب مكتب سيف جافه بعد ما وصل توه بيظهر حصل سيف فـ ويهه سلطـان : بسم الله الرحمن الرحيم سيف : هههههههههههههههه بلااك ؟ سلطان : مــااشي بس زيغتني ، شحالك ؟ شخبارك ؟ ( وتوايهوا ) سيف : والله ترتووب ومن صوبك ؟ وتموا يتخبرون عن الحـال سيف : تحييد يوم كنا نبى نسوي شركه انا وانت سلطـان يلس عالكرسي يلس مجابل سيف : هيه والله ايااام سيف : هههههههه إلي يسمعك يقول عنك شيبه زين شو السبب إلي خلاك تمسح هالفكره من راسك سلطـان تنهد ونزل راسه وتم يلعب فـ صبوعه سيف : سلطون حبيبي هب حاله هاي كل ما اسألك عن هاي السالفه ماتجاوبني سلطان رفع راسه : اسمع يا سيف من توفى ابوي الله يرحمه مسحت هالفكره من بالي لأني صدق حسيت بالمسؤوليه حسيت اني الريال فالبيت عقب احمد الله يطولنا بعمره سيف قاطعه : سلطـان خلاص ماباك تزعل انسى كل شي سلطان : ايييه خلني اكمل زيين بلاك جي قاطعتني عييب ماتستحي ع ويهك سيف : هههههههههههههههههههههههههه كيفي ، إلا شحالها شقيقتي ؟ سلطـان : بخير والحمدالله راشد وهو توه يحدر مكتب سيف : عاشوااا يرمسون اللغة العربيه الفصيحه سلطان + سيف : ههههههههههههههههههههههههههه عقب راشد هزب سلطان وسيف ليش مايشتغلون ويالسين يسولفون سار سلطـان لمكتبه ويلس يعابل فاللاب إلي حذاله وبالفايلاات مره وحده تذكر الظرف قال عقب بيجوفه بس مايدري شو الفضول إلي يااه من جاف شكل الظرف سار صوبه وهو قلبه يدق جنه حــااس ان شي مصيبه ولا شي بس طنش كل هالأحاسيس والأفكاار وفتح الظرف حصل cd دخله فاللاب وانصــــــــــدم من الي جــااافه وسمعه تم شرى الخبله هب مصدق ســـااره حرمته !! مستحييل ساره ماتسويهااا !! معقـــــوووله !! ومنو ها إلي لاوي عليهاا ولا بعد تسجيل لصوتهاا مستحييل يكون مقلب ولا شي ها كله صدق معقــووله قصت عليه كل هــااه ظهرت السي دي من اللاب بكل غيـــض ورجعااه للظرف وجـاف ورقه صغيره مكتوب فيهاا ( حرمتك عســل حافظ عليهاا عشاني والشباب يسلمون عليهاا كثيــر ) من قرى هالرمسه ما يدري شو إلي صابه ولا شو إلي صار فيه كل إلي كان يبغي يسوي يبتعد من هالمكاان شل الظرف وظهر من المكتب السكرتيره : استااذ سلطـان سلطـان سوالهاا طـااف وظهر وهو مسرع كل خطوه كانت اكبر عن الثانيه سيف صادفه فالممر سيف : سلطـون ابااك توقع ..... سلطـان بعد خطفه ولا جنه يالس يسمعه استغرب سيف وسار صوب مكتب سلطـان وسأل السكرتيره بلااه وقالته ماتدري قال بيلحقه بس لين مايوصل سيف ، سلطـان حرك وســـااااار بعييييييييد عن الشركه كـــــــــــــــــــــــــــــــــــــــــات |
اويه حرام والله بالي سوه ملاك وامل .. مشكوره ياحبوبه على البارت الرووعه .. ونتريا منج التكمله بفارغ الصبر .. |
| الساعة الآن 05:32 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir