|
حيااااج الله الشيخه ،، و مسموووحه بالحل ،، و لا تبطيين علينااا ،، بإنتظااار الباارت >> خخخ مع انه نااسين الشخصياات و الأحداث ،، دمت بحفظ الرحمن |
تسلمين على القصه الحلوة بصرااحه ابدااااااااااااع وننتظرج في البارتات اليايه لا تتاخرين علينا >_< |
عودتي بعد طول غياب"~ السلام عليكن ورحمة الله وبركاته اشحالكن كل من سال وتابع علني ما انحرم مكن؟؟ ربكن بخير وسهاله الرب ورب اموركن طيبه وتساهيل!! وحتى لي ما سال وكان بس يخطف بعد اعلوومكوو؟! فكرت وايد كيف برد من عقب هالغيبه 6 شهور مب شؤيه ادري والله لكن هذا حكم القدر علي فديت رووحكن مب اختياري يغابي كان @@ بعد طول تفكير قررت احطي لكن هالرابط بيعبر عن كل اللي فخاطري وربه يشفعلي عندكن الشيخات وتعذرني اما عن البارت واخيرا اقولها قبل لا تنطقبها شفاتكن شاف النور اقوولها وانا اذكر كل لحظاتي معاه خلال هال 6 شهور تعبت نفسيا في اصراري على كتابته واشكر لكن سؤالكن وصبركن اللي كان يزيدني قناعه اني اكمل رغم كل الظروف ما بطول عليكن ابشركن البارت زاهب وبرتبه الحينه ان شااء الله http://www.youtube.com/watch?v=KGfkL...eature=related |
part 11 أدوّرني | ولا ألقى .. أثر يكشف مكاني وين ..! ........... أدوّرني | وأثاريني .. وطن مجفي من أحبابه part 11 وتشرق شمس البلاد على اغلى احلى دارفالبلاد .. دار الزين ام محمد يالسه فالعريش مع ابو عبدالله وام عبدالله ام ام مبارك عند بنتها الروووض ام محمد : محمد ابويه دام مايد يبا العرس انا اقول تزهبون لعرس بوغيث وياه ابو عبدالله .. ساكت ويتقهوى ام عبدالله: صدقها اميه يابوعبدالله بنيوزهم رباعه وبنفتك من عبالة العروس ابو عبدالله : يصير خير.. قالها وهو يفكر.. انه غصب مطر ع الملجه هذا شي متاكد منه.. لكن هل مطر بيتقبل فكرة انه يقدم عرسه ولا بعده اساسا ما تقبل الملجه؟؟.. بينه وبين نفسه بو عبدالله شايف الفرق بين عياله.. واحد مب سايعتنه الدنيا من الفرحه والثاني ضايقه به الوسيعه من الضيقه.. حط فنياله وسار عن الحريم اللي ما تخلص سوالفهن وخصوصا و شي ترتيبات لعرس قريب ام محمد: عووشه بنيتيه تراج ما سالتي عن بناتج هاليومين ام عبدالله: صدقج ياميه لهينا بالروض وبنتها وحادث بوغيث ما خلا فيني عقل بنتصلبهن وبنتطمن بس عقب شؤي الحينه رقود ظنتيه ام محمد: ما يووز مرغدات بنيكن ولا تتخبرن عنهن ولا عن عيالكن ام عبدالله: وين مرغداتهن ترا هن مع ابوهن واخوانهن ... وهم ما فيهم خير بعد ثره محد منهم اتصل ام محمد: لا بروك اتصلبيه ما يصبر عني فديته وسلطان بعد ام عبدالله: هيه زين يوم حد منهم بيتصل انا قلت شافوها لبنان وين بيسالو عنا ام محمد: ربي يردهم لنا سالمين غانمين ام عبدالله: امين يارب العالمين ام محمد : الا تقولين لي ناعمه بتسير علينا ام عبدالله: اسمعها البارحه ترمس الروض وتقول بتسير ام محمد : هيه حياها الله وبنرتب للعرس بالمره ام عبدالله: صدقتي والله هالمايد قذانيه بنيوزه وبنفتك من حشرته ام محمد: ريال كم عمره صار... كم بيصبر ترااه.. خلوه يعرس ويشوف بذره ام عبدالله: محد منعه ياميه انتي تدرين يا غير عيالنا لي يتصدوون من طاري العرس ام محمد: برووك دواه عنديه بس اشووفه ما بصبر عليه شروا ما صبرتي على مايد العرس ستر للريال والحرمه ام عبدالله : والله انا اشوف بروك ما يفكر بالعرس مول بس الله كريم ام محمد: لا لا هب ع كييفه بيعرس وريله فوق رقبته بعد ~~~~~~~~~~~~~~~~~~~~~~~~~~~~~~~~~~~~~~ مايد .. كنت صدق زعلان منها ولين الحينه بس ذبحنيه الشووق لا لا مب شوق.. شوه ما روم اصبر يوم يعني تراني كنت عايش بدونها.. استغفر الله انا بشوه افكر لحول ولا قوة الا بالله .. بس دواها خلها تحس شؤي.. عنبوه من تفكير ع البنات توني فهمت ليش الشباب ما يدانون دلع البنات.. بس صدق كيف يصبرن انا ذبحنيه الشوق ونحن فاول يوم بس.. لا وهذا وانا الزعلان بعد يعني مفروض العكس.. ويقولون البنات قلوبهن رهيفه وين رهيفه ؟؟ معقوله ما اشتاقت لي!.. بلا ذهن رفعت الفون وتطالعته اوووف ليش ما تتصل.. طلعت مني تنهيده ما حسيتبها الا يوم سمعت مروان يقول: خير بو محمد عسى ما من شر ؟ مايد: هااه .. سلامتك ما من شر مروان : متاكد ميود تراك مب عايبني اليوم مايد: لا ماشي بس البارحه سهران وما رقدت عدل فمصدع شؤي مروان : ما تشوف شر .. عيل تقولي سهران هااااه وانا اتصل بك ما ترد يالهرم ميوود... اووه كيف نسيته : امممم لا ترا كنت مع الاهل فالعزبه والفون تدريبه دومه سايلنت << ميود ركز شؤي خرط لك خرطه شرات العرب يوم بيخرطوون هع مروان: انزين اطلع من الدوام يا خي استاذن شكلك صدق تعبان مايد: بشوف ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~ سلامه.. كنت يالسه بين خالاتي وبناتهن وحاسه بفرحه وشوق وحتى وانا مبينهن صدق اشتاق يمكن لانهن يذكرني بالغاليه.. الله يرحمها تميت احاول اتذكرها اتذكر صوتها تشبه منوه فيهن ولا ترمس شرات منوه فيهن ولا شخصيتها اقرب لمنوه؟ سمعت صوت يدوه : سلامه يا إميـــي سلامه : لبيه يدوه يدوتها: شبكي ما عم تأكلــي حبيبي ازا ما عجبك بنعملك غيروه ابتسمت : كيف ما يعيبنيه اكلج يدوه وانا كل مره ارد البلاد اتوله عليه يدوه: ايــه لكن كلي حبيبة ألبي ليش ما عم تاكلي سلامه : ان شاء الله خالوه: اليوم بدنا ناخدك ع الجنينه سلامه : الله من زمان ما سرت لها اخر مره من سنتين تقريبا يدوه: ليش بأخر مره ما اخدناكي؟؟ سلامه لا يدوه انا اخر مره ما بغيت لاني ما كنت بطول يدوه / ايه صحي والله الكبر ايلوه تاسيروه ع هالزاكره يابنتي نسيت سلامه: عدش بنيه يدوه يدوه: هههههههههههههههههه لكن انتو شوه ازا انا بعدني صبيه سلامه: ربي يطولنا بعمرش الغاليه خالوه: ايه سلامه راح تعجبك كتير كتير غيرنا فيها سلامه: كلنا بنروح طبعا الكل : اكيد ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~~~~~~~~ عند قوم شميس ومهاري شمسه: انزين ليش انتي ما تروحين مهاري كنت اطالع برع الجو خبال كشووووووووووووخي : احتراما لش BIG SIS شمسه: دخيل والديش يالمحترمه.... ني سامحتلش سيري مهاري التفت عليها : ما تحقها نفسيه شمسه فريت العطر ع الشبريه : مهاااري عاد مهره : انزين اتصليبهن شميس : اخافهن رقود شرات اخيش لي خاس رقاد مهاري : بيني وبينش اختيه العزيزه تراش موعيتينيه من وقت شمسه : حلاتها النشه من غبشه فالسفر ليش كل يوم بتسافرين ويهالراس؟! مهره: قلنا BIG SISبس ع الاقل حسني الفاظش عسب اصدق برستيجش اللي سويته لعيونش وانتي مناك وما تستاهلينه شمسه :دبه مهره: ريلج الدب شميس : ريليه فعينش بسم الله عليه مهره : التفتنا ع الباب لي يندق بصوت خفيف وشفت شميس عفدت فوق الشبريه ويت صوبيه صوب الدريشه : بسم الله بلاش ما فتحووه لباب بس يدقووونه الحمد لله والشكر شمسه : وينش يا سلامي ذا وقتش مهره: وانا اقول اختيه الكبيره عونيه طلعتي خواااااااااافه شمسه: جب جب سيري اتطالعي منوه بدال ما تسوين افلامش علي مهره : بسير عيل بترياش يالخوافه... لا ومسويه عمرها حرمه ومسافره رووحها ليش ما شليتي العيوز وياش تحرسش عن لا يسرقونش .. وصلت العين مالت الباب وتطالعت منها ابتسمت.. ما فيهن حيله.. المنصوريات احسن منش قدنهن عدنا وانتي ساعه تعزمين عمرش تتصلين بهن سلامه: افتحي انززين مهره : مرحبا الساع تو ما نورت الروم البنات : منوره بوجودنا طبعا هع السلام عليهن شمسه ومهره : عليكن السلام مشكله الخقاقات ريم: شصبحتن فديتكن فطيم: هيه تراكن عهده لابد من الدلع عاد استغلووها ريموه بدلعكن شمسه: فديت روحش والله بخير وسهاله هنو: وانا اقول رقود قلت لهن عن تحشروونهن وحليلهن هب عيايز شراتنا مهره: والله عنديه عيوز تبعكون ازا بدكون تشلونها بزيدكون بس شلوها شميس : لا والله البنات: هههههههههههههههههههههههههه فديتها شمسووووه منوه ما يباها مهره : هع محد... فووووديتها الشجاعه شمسه : جب مهره لووول: عادي تعودت ع دلعش الغاليه ريم: شوه السالفه مهره: ماشي فديتش مسويتليه فلم رعب عسب انكن دقيتن الباب هع شمسه: امممم لا انا بس كنت مستغربه البنات: مستغربه هااااه هههههههههههههه فطامي : يا حيكن عيل يوم نشيتن من وقت ابرك اصلا بنحوط لين ما نفجج روسنا هع هع البنات: والله سويتن فينا خير امبونا انتعازم منوه بيسيرلكن يشوفكن وعيتن ولا!! هنو: ليش ما اتصلتن؟ مهاري : الشيخه تقول خافهن رقود ريم: شمسوه بصفعج تراني عن الرسميات باي وقت اتصليبيه ع فونيه ولا فون الغرفه اوك مهاري: ما عليش منها انا بحشرش حتى لو ما با شي بجرببه فون الروووم خخخخ ريم: فديتج يالله اتزهبن بنريقكن مهره وشمسه ... اتطالعن بعض فطيم: بلاكن.. ريوق.. بريك فاست.. فيييييطار.. ترويئه هنو : هههههههههههههههه صدق بلاها ويوهكن غدت جي؟ البنات: اممممم حضرة القايد عده راقد هنو: منوه منوه؟ شمسه: حمدان اخويه ريم: وشوه يعني حتى الشباب رقود فطامي : تراكن ويانا ما بيقول شي شمسه: فديت روحها سلامي العاده الهزاب كله ع راسها توني حسيت بها خخخخخ هنو: هيه توج الحينه تحسين بها وحليلها مهاري: صدقها شميس والله لها وحشه ريم: وانا بسدكن لو ياتكن اي كلمه منه قولوله.. بنت سلطان تقوولك عين من الله خير وين بنغدي ترانا مع خوات خوياك وما عليكن شر وبعدين نحن ما سرنا بعيد الا فالفندق فطامي : بعدين عميه موصي عليكن قالنا ما انتحرك شبر الا وانتن ويانا ما يخصكن فشي اي شي حطوها براس ريمان وعميه بيتصرف وياه لو فكر يعتررض مهاري : كشخه عيل خذولنا تاكسي خاطري اقول شرات الافلام اوقف ع الشارع واقول تااااااكسي دام حضرة القايد ماله شؤر البنات : هههههههههههههههههههههههههههههه احلامج عبيطه عاد مب لهدرجه تسون به طاف يعني بعده اخوكن ترا البنات: خخخخخخخخ هيه صح صح فطامي : وانتن وايد معطينه سالفه اونه حضرة القايد مهاري: والله هو مدلع عمره هذا ايميله جي واصلا فكل مكان هذا اسمه حتى بين ربعه خخخخخخخخخخخ اصلا يوم غناها عيضه قال شفتوه كيف يقلدنيه البنات هههههههههههههههههه اونه ريم : المهم يالله تزهبن بسرعه البنات : ان شاء الله هنو .. شغلت التيفي لين ما يخلصن البنات وفرفرت بهالقنوات كلها رووتانا اوووف وين ايامج يا حواااس خطفت اغنيه حزينه اووف لازم هالغم ع الصبح التفت ع الدريشه الجو خبااال تذكرت ركووو يباله تصفييييييييييييييع وربي قاهرنيه اوووف منه بس دواك عنديه عيل انا جي تسويبيه من غير سبب .. انزين بشوه غلطت ... بس هين جان ما ذووقتك غلاستك عسب تحس شؤي.. اساسا انا لشوه ممتحنه عله ما سولف ولا التفت صوبيه بموت يعني !! ... اوووف بتخبل من زود التفكير ... فطيم: ريمووووووه ريم : هممم فطيم: اخوج الدب ما ردليه خبر ريم: عن ؟! فطامي : عن شوه يعني ريم: اها عن الهديه ... لازم يقولج شكرا يعني!! فطامي : هيــــــــــــــــــــه ريم: عاد البارحه ربشه وفالليل اكيد ارتبشو زود بربيعهم وجي يعني عادي نسى فطيم: لا والله ع كيفه ينسى هنو: انتي حتى بتفكيره بتتحكمين فطيم ... اتطالعتهم بس ما رديت صدق لازم يردلي خبر ع الاقل !! البنات: زهبنا ريم: انطلقنا فطيم .. ونحن فالدرب كتبت مسج لشيخيه "دبــــــــــــــــــــــــــــ " وارسلتها قبل لا ندخل اللفت ريم.. طلعنا من اللفت والتفت ع البنات : اليوم الريوق ع ذوق مهاري مهاري : اديت الذوووق انا شمسه : يا سلام وليش ع ذوقها ان شاء الله ريم : عاد مهاري اصغر عنج قلنا يمكن محتايه حنان الوالده بنعوضها شؤي مهاري : اديتني عدنيه بيبي ... سؤيت حركات بعنوني اقهر شميس شمسه : المهم بنطول وقووف يالبيبي؟ مهاري : اممم شوه الخيارات انزين ترانيه ما دل شي ريمان: شي المطعم اللي تعشينا به البارحه هذا الاساسي مال الفندق وشي مطعم برع شؤي ورا السبا البارحه انتبهت له يوم طلعنا شكله فرنش وشي جاينيز لي خبرتيني عنه هنو هنو: بس احسه لوعه جبد مادري ليش ريم: وانا اقول جي بعد وشي مكان فالفيفث فلور ظنتيه بعد مطعم بس اذا مطعم وايد روومنس الدنيا غدرا فيه مول ما تطالعين شي خخخخخخ البنات: ويل حالي البدو يعرفون الرومنس بعد ريم : شوه قصدن !! فطامي : متى دليتيه دبووه ريم: يومكن خستن رقاد حبيبي بروك ما قصر حوطنيه لين ما قلت بس قال لازم حد فينا يدل فالفندق عاد يوم شافنيه واعيه حوطنيه فيه متر متر خخخ مهاري : عيل ابا ذا الخرمس خخخخ هنو: لا مب حلو الحينه حلاته عشى^.~ شمسه : والله ما تنعطن ويه بعد تتخيرن عشى ولا ريووق فطامي : صدقها ترا وقفتنا غلط خلصينا اختاري مهاري هنو: انزين عميه وينه؟ ريم: قالي برايكن تريقن هو بيتقهوى وخذاله جريده تحت عسب ناخذ راحتنا يمكن البنات يستحن منه ههههههه مهاري: انزين ابا الفرنش شميس : من زود ما ترطنين فرنسي مهاري: ولا عليه منهم برمسهم وبيفهمونيه ان شاء الله خخخخ ريم: لا صدقها هالمطعم يفتح النفس لريوق كله زجاج انا كنت بقول لها عنه هنو: عيل غايته ترانيه اتوحش يوم ايووووع فاحسن لكن لا تشوفونيه وانا متوحشه خخخخ فطيم... وصلنا مدخل المطعم وانا اتطالع الفون شكله بعده راقد ما رد لي مسج ..رفعت راسيه اتطالع الديكورات صدقها ريماني المطعم كشوخي ويفتح النفس لريوق كله تقريبا زجاج هذا غير الديكورات الهاديه والموسيقى اممممم محد كان فيه فاااضي ونحن ينا وحشرناهم... عاد بنات وتخبلن شوه بيسكتنا لوووولز المهم انه صدعنابهم على ما طلبنا ولا يوم كنا نتريا الاكل خخخخ والله نضحك على اي شي وكل شي... صابتنا هستيريا ظنتيه مادري شوه المهم ما كنا فكامل قوانا العقليه هذا أكيــــــــــــــــــــــد اخرتشنا ع الصبح هههههههههههه عيل شوه بقينا لليل ريمان: ههههههههههههههه بنات دخيلكن بس والله شوفوهم كيف مستغربين شمسه : اقلعيهم عنش وخذي راحتش مهاري : ع قولت حظرة القايد : تيكت ايزي .. بنفسج يا عزيزي هنو: هههههههههههههه مشكله العيناويه لازم يدخلووون البنفسج حتى لو ما يخصه .... شفتهن كلهن التفتن صوبي البنات: خير الظبيانيه جنه الا هب عايبنج؟! هنو: اممممممم اخسي ما يعيبنيه الا يعيبنيه وانا شيختكن خخخخخ ~~~~~~~~~~~~~~~~~~~~~~~~~~~~~~~~~~~~~~~ حمدان .... نشيت ع التسع وتطالعت فونيه ابا اتصل بخواتي اطمن عليهن ماداني المسؤليه اعنبوهن حتى فاحلامي دخلن كوابيس طول الليل الا سلامه ولا الخبله مهره حليلها شمسه حتى فالكابوس مالها صوت سلامه: مرحبا بالشيوخ حمدان : حيبج رضيعتيه زين ما غيرتيها رمستج سلامه : خخخخخ اعاني معاناة والله الا كل جمله والثانيه اترجم حمدان : شصبحتي فديتش سلامه : بخير وعافيه توك واعي؟ حمدان: اها سلامه : ارقاد العافيه عيل انا ما عرفت ارقد حمدان :لا تيبينه طاري الرقاد دخيلش كرهته البارحه وانتن السبب سلامه : ليش فديت روحك حمدان : انا قررت خلاص لا ابا اعرس ولا ابا يهال سلامه : استغفر الله حمدان : المسوليه شينه يا بووج ما عرفت ارقد من زود ما كوبستبكن سلامه: هههههههههههههه ما علينا شر ان شاء الله انا بين خوالي والبنات تراني موصيه عليهن الريم وهي اعرفها ما بتقصربهن حمدان<< حلاته الاستهبال: منوه ذي بعد ؟؟ سلامه : ربيعتيه اخت شهاب عنبوه حمدان ربيعتيه من عمر ما عرفتها حمدان : اهااااا اخافها الا اخرش عن خواتش سلامه : لا لا ما عليك ينشد بها الظهر حمدان : انزين انتي طمنيني عنش مرتاحه سلامه اها يعلني افداك تطمن حمدان : عيل شي فخاطرش بتصل بخواتش اشوفهن سلامه : سلامة راسك حمدان : اتحملي بعمرش فديتش فداعة الله سلامه : فداعة الرحمن حمدان... استغربت الخبله ليش ما اتصلت لين الحينه يمكنهن رقود .. هذا وانا موصنها تطمني قبل لا ترقد اتصلت بها شمسه ... سمعة الفون يرن تطالعت مهاري ومهاري اتطالعتني ريم .. شفتهن انقلب لونهن شمسه : ما برد فطيم : الحمد لله والشكر ردي ما بياكلج شمسه : لا والله ما اعرف ارمسه اكيد بيقول وينكن شوه بقوله ريم: وانا شوه قلت لج ؟؟ هنو: شمسوه بلاج لي يشوفج يقول سرنا لمرقص خخخخ شمسه : احسن بند مهاري بيرد يتصل حمدان... شكلهن بعدهن رقود قمت بسبح البس وبسيرلهن اوعيهن شمسه : بنرد للغرفه مهاري لااااااااااااااااع ما يت اتم فالغرفه انا ريم: اديتج شمسوه انتي ليش جي مكبره الموضوع عادي ارمسيه وقوليله شوه لي صار ترا انا خبرتج انه ابويه موصنا عليكن وبعدين من وعيتن لين الحينه ساعتين ونص كنتن بتمن من غير ريوق مثلا واي شي قولي له انا قلت لهن وقالولي اتفاهم مع بنت سلطان هي لي عازمتنا شميس : اوك بس مب ع الفون ما اعرف اتفاهم وياه والله فطامي: انزين طرشيله مسج مهاري : هيه قوليليه نحن مع البنات شمسه : اوك حمدان طلعت وانا اسمع صوت مسج واصلني شليت الفوده من ع راسيه وفريتها ع الشبريه عدال الفون امممم يالله نفتحه يمكن شي ضروري وفعلا طلعت الدبه شكلها توها نشت "هلا حمداني فديتك بغيت شي نحن عند ربيعات سلامه " حمدان: لا والله حلفي انتي...!! وهذا وانا موصنها ع طول اتصلت بها شمسه : يتصل مهاري ردي انزين بيحتشر جان ما بتردين شمسه: الو! حمدان: وين انتن بالضبط شمسه : صباح الخير هلا الغالي حمدان : انا البارحه شو موصنش شمسه:............. حمدان : المهم انقفظن الحينه انتي واختش لحجرتيه شمسه: ان شاء الله شمسه.. : بند فويهي مهاري : شوه قال شمسه: يقول تعالن حجرتيه الحينه ريم: انا شوه قلت لج تقولين ليش جي ساكته جنج مسويه جريمه شمسه : يزيغنيه صوته اعنبوه ما سلم علي حتى فطيم: انزين يالله بنروح بس انتي لا ترمسين دامج ما تعرفين تردين خلي مهاري ترمسه مهره : عادي بقوله شوه يعني ما سؤينا شي بس شميس امبونه خوافه حمدان ... كنت اغلي ع نار الحينه انا احاتيهن وهن ما سوليه سالفه ولا عبرونيه شميس.. قلبي كان بيطير من صدريه والله من زود الخوف لحول الله يستر وصلنا لين حجرته ومهاري دقت الباب فتحه على طول البنات: السلام عليك حمدان : وعليكن السلام هدوووءءء.... حمدان: انا شوه موصنش البارحه شمسه.... ياربي يرمسنيه وانا ما باا ارمسه والله اخاف مهاري: حمدان فديتك حمدان: انتي صه لا اسمعه نصخش انا ارمسها هي شمسه بلعت ريجي: شوه موصني حمدان : ناسيه اونش هااا؟! انا ما قلت لش تطمنيني عنكن ما قلت لش اول ما تنشين تتصلينبيه؟ شسمه: قلت مابحشرك وانت راقد حمدان: ما تحشرينه هاا ماشاء الله ع التفكير المتطور ما تحشرنيه وتتحوطن من صباح ربش من غير لا تشاورنيه مهاري: انزين شوه فيك ... حمدان اذكر ربك ونحن بنفهمك شوه السالفه حمدان: ليش تعبين نفسش وتفهمينيه اصلا انا ليش متعب عمري ومتعني وياكن مالي حايه منبينكن مهره: محشوم اخويه بس كل السالفه انه ابو اربيعك وصى بناته علينا لانه شافهن نشن من غبشه وقال لهن ما تتريقن الا مع ربيعاتكن ومروا علينا قلنا لهن ما بنظهر دون شؤرك بنخبرك قالن ترا اخوانهن بعد رقود عادي الا بنتريق دام ابوهن يدري نحن فالفندق ترانا وما بغينا نزعجك حمدان: وليش ما خبرتونيه مهاري بديت اعصب لحوووول هذا اقول تيس يقوليه حلبووه : تراك كنت راقد حمدان :وشو يعني راقد ماشي اختراع اسمه مسج مهره: اصلا ربيعة سلامه قالت لنا لو احتشرت علينا نقولك تفاهم مع بنت سلطان<< اظني قالتها بطريقه غير المهم اني من العصبيه خبصت الرمسه حمدان: ونعم الربيعه صدق ينشد بها الظهر.. وانتي شعنه صاخه وما ترمسين شمسه: السموحه منك اخويه خلاص لا تضيق بخاطرك فديتك نحن غلطنا ومنك السماح حمدان... كسرت بخاطريه صدق الموضوع ما يرزا وحليلهن مسافرات يبغن الوناسه وانا لي ضيقتبهن بس كنت محرج من الخاطر فما قدرت اني اراضيهن غروري اعماني : ما عليه حصل خير وين ما تبغن انا بوديكن ~~~~~~~~~~~~~~~~~~~~~~~~~~~~~~~ فطيم... وصلني مسج صباحج رومنس يالرومنسيه << يتمصخر ادريبه ع كلمة الدب فطيم.. " يا صباح الزعل " سعود : " افا منوه لي مزعل القلب وانا بخليه يعتذرلج الحين الحين" فطيم:" عرب ما غسلوا ويوهم لين الحينه" سعود: " هههههههههه وكيف عرفتي يالساحره" فطيم : " تراني ساااحره" سعود:" علني افداها الساحره أزين ساحره ريتها بحياتي من شوه زعلان المزيووووون" فطيم : "شوف عمرك شوه مسوي ولا تكثر السوالف خسرتنيه وع طاري الزين ربك جحلت عيونك زين ما زين فالمطعم البارحه " سعود: احترت وياها ما حيدني زعلتها بشي !! اممم الحينه هي غيرانه بس ولا شي مزعلنها والله ما يندرابها بنت محمد قلت بنتفاهم خلاف يوم بنزل بطرش لها باقه هالمره مب الا ورده وبنشوف ليش زعلانه نزلنا تحت مع الشباب وتريقنا والبنات مالهن شوف شفنا حمدان واهله بيظهرون سلم علينا وقال انه مستعيل وياه اهله شهاب: وين بها ان شاء الله عندكو شي ضروري حمدان: الا بنحوطهن ماشي ضروري طويل العمر شهاب : خلهن مع الرضيعات فوق وتعال تريق خلاف بنحوطهن رباعه وين بتفر براسك وياهن رووحك حمدان: لا ما عليه بياخذن راحتهن روحهن شهاب : ترا لي اعرفه انهن شروا الخوات ما ظنتيه اهلك بيتضايقون بالعكس بيتونسون حمدان... صدقه وانا ليش ميبس راسي بس يمكن لاني حتشرت عليهن اليوم ابغي اعاقبهن... ما مداني ارمس الا بايد بو مبارك ع جتفيه التفت عليه ووايهته بو مبارك: هلا ولديه حمدان : مرحباابك عميه شصبحت فديت راسك بو مبارك : بخير وسهاله .. ابويه ليش موقف هلك فالدرب حمدان : بنظهر فديتك ما بطول عليهم بو مبارك: لا لا لا ماشي ظهره عليهن توصيات اهلك... وتراهن بناتيه واعز حمدان... شوه هالاحراجات شوه برد عليه الحينه انا من الاساس ليش يبست راسيه عند شهاب لو اني طعت شؤره ابرك ليه بو مبارك: خلهن يسيرن عند خواتهن اليوم عازمنكو ع مزرعه بيستانسن فيها وبياخذن راحتهن وزود حمدان: ما تقصر عميه يا غير ما بنثقل عليك ترانا ما بنطوول فلبنان وبيتشرن هدايا بومبارك: خلهن يتشرن لين العصر وخلاف عشاكو عندنا حمدان: فالك طيب.. .. يالله شي فخواطركم الكل : سلامة راسك وصلت للبنات وخذت لنا تكسي وانا ما ادل وين بوديهن المهم اني طلعت من هالموقف وخلاف بيصير خير وصلني مسج من شهاب" ميبسه راسك يالعامري" خخخخخ صدقه والله بس عاد شوه اسوي كان مودي ما يساعد كله من فضل ذا البني غربلات عدوهن بس يالله بنعوضهن العصر شمسه وصلني مسج من ريم تتطمن علينا ههههههههه وحليلها خايفه خبرتها اني الحينه ما روم ارمسها وخلاف بنتصل بهن ~~~~~~~~~~~~~~~~~~~~~~~~~~~~~~~~~~~ عند الشبيبه.. راكان: ابويه اسمعك تطري مزرعه بو مبارك: هيه قلت دام الجو حلو اليوم ذا الشرقه يبالها كشته ومبارك طلع يشوفها لنا....عديبهو ياجرو مزارع الشباب : وانت ابويه خلصت اوراق الريال بومبارك: يوم بخلصها بوصلكو ان شاء الله بغيتوا شي قبل ؟ الكل : يا غير سلامتك ابو مبارك: هالله هالله فخواتكو الشباب : ان شاء الله بو مبارك : يالله فداعة الله الكل : فداعة الرحمن حمود: الا الساحرات الثلا ث وينهن شهاب : يوم بنخلص بنتصلبهن وبنشوفهن سعود: اتصل بهن الحينه بنشوفهن وين دارهن اكيد ما قرن فالغرفه شهاب: السلام عليج ريم: مب وقتك شهاب : بلاج ترمسيني جي؟. ريم : ما اقدر ارمسك بصوت عالي شهاب .. اندمجت وقمت ارمسها شراتها: شعنه ريم : الحينه انته شوه تبغي شهاب: ابغي اعرف وينكن ريم: فالسبا دخلن البنات والحينه دوري بعد بدخل شهاب : ملعونات الصيروشوه وداكن السبا ريم : ريولنا شهاب : لا والله بشؤر منوه ان شاء الله ريم حبيت اقهره : بشؤريه وانا بنت سلطان المنصوري شهاب : ما عندنا بنات يطبن السبا يالسباله ريم : حرمتك السباله لا تطولها الرمسه لا ابند فويهك.. شهاب.. عورني بطني من طرت الحرمه : الحينه تظهرين انتي وال...... اللي وياج ريم : لا انت دواك ابنده فويهك دام وصلت لهالالفاظ الغير حضاريه << خخخخخ هو ع يمر وانا ابرد عن الثلج ع فكره شهاب ..: هيــــــــــــن دواج عند سلطان هو لي بيربيج ريم: تعرف رقمه ولا اعده عليك شهاب : انقلعي يعلهم يحرقونج ريم بندت بويه وانا اضحك مشكله البدووو خخخخخ امبونه ابويه لي دفع لنا بس حبيت اني اقهره اونه محد يدري وبشؤريه سمعتها تزقرنيه خذت لي نفس its my time اغلقت الفون مابا حشرت حد وعطيتها السمان تحطه فالبوكس عندها ودخلت وماشي فبالي غير الدلــــــــــــع وبس سعود: وانته ترمسها ....بعد جان امرتها تطلع هي ومسودات الويه لي عندها راكان: هين جان ما صفعتهن حمود: ياخي بلاكو جي لبقتو ظووو هن تراهن عند حريم سود: صخ عنا قوم بوظبي الامور طيبه عندكو حمود: ههههههههههههه شهاب :/ ندريبهن حريم ويهالضروس حمود: ترا بتمصخرو اعماركو وبس... ما بيسون شي من دون شؤر عميه هن ... لا تسيرون لهن تهازبونهن وخلاف تنقلب عليكو السالفه راكان: مبرده دمك ياخي اختك يفعصونها وانت تتفلسف علينا سعود: دوااااهن عندي شهاب : فذمتيه مقهووووور قهر وتتضحوك يعل ما من ضرس يبقالها الخااامه ~~~~~~~~~~~~~~~~~~~~~~~~~~~~~~~~~~~~~~~~~~ مبارك ... سالت عن اماكن لمزارع التااجير وخبروني انه هالمنطقه لمزارع خليجين قلت لهم اوك وبنستاجر بها مشيت ع الوصف بشوف المزرعه قبل لا استاجرها جانها زينه ولا لا ونحن فالدرب ريت بروك الصغيرون يتمشى ع حصان وحليله بغيت انزل اسولف وياه بس قلت اكيد حد من اهله وياه ولا فهد وانا بصراحه ما فيني يلزم علي زود ابا الوالد هو لي يقرر متى بنزورهم وع الاقل نعطيهم خبر مب حلوه نطب عليهم مادري كيف رن صوت اخته الناعم فاذني بروووك بروووك هههههههههه اتذكرت كيف فز قلبي ع بالي تزقرني وين ابا محد اسمه مبارك غيري ~~~~~~~~~~~~~~~~~~~~~~~~~~~~~~~~~~~~~~~~ ساره... طرشت له مسج" راقد حبيبي" ما رد العاده يقيل يوم يرد من الدوام بس ما يقيل لين يتصلبيه شكله زعلان مني اخاف اتصل ازعجه وهو راقد اووف ماداني حد يزعل ما تعودت اراضي ما اعرف كيف يتراضون .... ياست من انه يرمسني شليت بعمري لمايه قلت بشوفها يمكن نسير نسلم ع الروض ع الاقل اشووفه ساره: السلام عليج ام ذياب ناعمه: وعليج السلام اخت ذياب ساره... حلو المزاج اوك : شمسيتي بنت دار الزين ناعمه : شعندج بنت دار الحي ساره : هههههههههه ما عندي شي الا بسولف عند امايه ممنوع ناعمه : لا هب ممنوع بس بنتيه واعرفج ساره: فديت رووحج الغاليه بس كنت بتخبرج متى بنسير لروويض وبنتها اشتقتلهن مب قلتي اليوم بنسير ناعمه : لا لا غيرت رايي عندي حرمه بعزيها العصر وباجر بغبش صوبهن وبرد ع المغرب ان شاء الله ساره ... امممم فهمت انها بتسير روحها ولا يتهيالي: وليش ما نسير لهم ليوم اميه ناعمه : تراني اقوولج بعزيها الحرمه ساره : انزين تعزينها ونروح ناعمه: ومنوه قالج انج بتسيررين ويايه ساره:/ ليش امايه ابااشوف رواااضي ناعمه : لاحقه عليها ساره: امايه حراام خاطريه اشووف بنتها ناعمه : بقولها تطرش لج صورتها ولا بتصور وياها بتلفونيه ساره.... ما فيها حيله المنصوريه الحلول زاهبه عندها ؟: انزين امايه شعنه ما اسير فديت روحج غير يوم بشووفهن ناعمه: بس فضيحه عموتج اتصلت بي وبيقدمونه العرس وما بتسيرين لهم بكل سيره بسيرها لين عرسج منقود ساره: امايه اهلنا شوه منقوده بعد ناعمه : بس اقطعيها الرمسه مب شالتنج رضيتي ولا انرضيتي ساره,,, اخ يالقهر: انزين ترا مايد بيزورنا لين يوم العرس بتمنعينه بنت ضبابه شوه ناعمه : من حقه لو انه هب من حقووقه منعته ساره : وانا من حقي بعد ناعمه : سؤيره ساره: خلاص خلاص تفرقه عنصريييييييييييييييه ما ريت شراتها بشتكيج عند حقوووق الانسان ناعمه : والله لو اشتكيتينيه عند حقووق الحيوان بعدني مب شالتنج وياي ساره ..نقعت عليها ضحك وانا مقهوووره حيوان اونه رووووح عيوزيه تنكت بعد مب هينه ... قمت عنها وانا معصبه: عيل بسير العزبه مع ابويه ولا ممنوع بعد ناعمه: سيري ربج تغدين سؤده قبل عرسج ساره : اوووهووو يعني سؤاها وقدم العرس .. انزين شوه قصده عيل ما فهمت اوووف... اليوم يوم القهر العالمي ~~~~~~~~~~~~~~~~~~~~~~~~~~~~~~~~~~~~~ brb |
ريم تدلعنا احلى دلع لمده ساعتين حسيت اني من زود الدلع ما ابا اصك شي.. ولا ابا اتحرك ابا اتم عندهن هههههههه بس.. البنات اكيد خلصن قبلي والدنيا برع اكيد منقلبه فوق تحت .. ترا الشباب ملزومين فينا ونحن اخرناهو وايد... اول شي سؤيته فتحت الفون بتصل فابويه يحمينا من الغجر لي برع ههههههه.. وبعد فينيه فضوول اشوف منوه سال عنيه فهاالساعتين.. طبعا خابت ظنونيه كل لي سالو عنيه مب فبالي طول... اتصلت فابويه وقلت له نحن فحماك ايها الوالد العزيز لوولز... اتفاهم مع الشبيبه تراني رفعت ضغطهو شؤي... طلعت للبنات وسالت عنهن لقيتهن سبقني للغرفه طلعت انا بعد وراهن ريم: مرحبا صبايا فطيم : ما اروم ارمس ما اروووووووووم ريم: هههههههههه وانتي هنو بعد ما فيج ع الرمسه هنو: لا انا دلعي بسيط عادي اروم ارمس^^ ريم: وشعنه مدلعينها زود عنج وساكته عنهن هنو: ظليمتهن شينه ما قصرن يا غير هي.. كل يوم عندها من يطرش لها وروود جوليت تعوقت روحها مدوخه من السبا وشافت الورود اغمي عليها مره ريم: ههههههههههههههه منوه يلومها روميو مدلعنها هنو: شفتي حد من الشباب ريم من بعد ما مديت ريوليه ع الطاوله : نو ما ريتهم هنو: ههههههههههههههههههههههههه عيل الله يعين نتصلبهم يبندونه بويوهنا ريم: جان ما بيونج لين غرفتج قولي ريموه ما قالت . فطيم: ما ظن والله تقولج يبندونه حتى شيخهم ما يرد علي . ريم: ترا مسوياتلهم سالفه ما ظنتيه كفرنا وابويه و عنده خبر واصلا انا اتصلت به اخبره انا خلصنا والشباب بيتفاهم يعلني افداه وياهم وبيونا لين عندنا وبيحوطونا بعد هنو.. ما مداها تخلص رمستها الا بشهاب يتصل بها ريم: ههههههههه ما قلت لكن .. الو.. شهاب: مبارك يترياكن بيسبح وبيشلكن عن تاخرونه اتجهزوا ريم......: بنده فويهي البنات : ههههههههههه اقولج منتفخه روسهم ريم: انزين وين بنسير بنعرف شوه بنلبس .؟ البنات : انزين هو شوه قالولج ريم: قالي اجهزن لاتاخرون مبارك يسبح وبيشلنا وياه فطيم: اتصلي فبروك انزين ريم : اقولج يسبح خلينا بنسترخي لين ما هو يخبرنا وين بنسير هنو: اخافه يحتشر علينا ريم: فديته بروك ما يعرف يهاد ع حد.. خلاص بطرش له مسج يمكن يرد ... امممم ما لاحظتن شي غريب فطيم:انا ماروووم ارمس مارووم افكر مارووم الاحظ هنو: ويل حالج ههههههههههههه ريم: لا صدق ارمسكن هنو: شرات شوه يعني ريم: العيايز ما تصلن بنا موول هنو: يمكن رمسن عمي وتطمنن خلاص ريم: لا بس شي غريب بصراحه لازم نتصل بهن والله ولهت ع شوفهن فطيم: اسميني ما ولهت عليهن ريم وهنو: حرااااااااااااام عليج فطيم: صدق والله يمكن باجر اوله مادري احتمال خخخخخخ هنو: ريمان فديتج اتصليبهن ريم: اوك بتصل باميه ريم......... ما ترد هنو: اتصلي بيدوه بترد اكيد ريم: هيه صدقج.............السلام عليج ضبااابه يدوه: مرحبا مرحبا بنيتيه حيبه هالصوت فذمتيه ريم: مرحبااااابج زوووود الغاليه اشحالج فديتج اتولهت عليج يدوه: خل عنج الا قولي تولهتي على عرب غيري ريم: قفطت والله ................. يدوه : تستحقين سلامتهم ريم: شووووووووه يدوه: شوه بنتيه ما تدرينبه ريلج مسوي حادث ريم: متى؟؟؟؟ يدوه: وانا بقص لج القصه !! لا تحاتين طيب ما فيه الا العافيه يا غير لافين راسه ريم.... وقف قلبي ما عرفت شقول فديته والله وانا الشيطان يلعب براسيه وهو ميهود !!! فريت الفون ع هنو لي مصدومه شراتي بس ما تدري شوه السالفه تسالني وانا مسويه طاف اشرت لها انها ترمس ما فيني والله انطق بحرف قلبي يعورررررررررررررني ابا اشووفه الحين الحين هنو: مرحبا يدووه يدوه: منوه الهنيفي هنو: هيه يدوه اشحالج فديت روحج يدوه: بخير وسهاله انتن اشحالكن فديتكن؟ هنو: نحن بخير يدوه بغينا نسلم عليكن حد عندج يدوه: لا فديتج انا الحينه فالصاله كلهن عن رويض وشماني صدعت منهن قلت اريح شؤي بعيد عند حشرتهن هنو: فديت راسج الغالي ما تشوفين شر ما بطول عليج يدووه عيل يدوه: اتحمل بعماركن وهالله هالله بالعقل لا تلعوززون سلطان هنو: ان شاء الله يدوه ..شي فخاطرج فديتج يدوه: سلامتج ربي يحفظكوو فداعة الله هنو: فداعة الرحمن ريم.. من فريت الفون ع الهنوف وانا اصيح واصيح مادري خوف ولا احساس بالذنب من افكار سوده مرت فبالي فوقت هو محتاي لي فيه... ولا شوق له بس الاكيد اني صحت من خاطري ابا اظهر كل لي كتمته طول هالفتره فطيم.. ما دري شوه لي قالته يدوه خلها تطيح فحظني وتصيح طاح قلبي من الخوف: ريمان فديتج شوه صاير لا تخلينا جي خبرينا ريم:....................... هنو: انا من الخوف ما سالت يدوه اصلا ما ادري شوه قلت لها وشوه قالت ما كنت بذهني كل تفكيري شوه فيج خبرينا ريموه لا تمين جي فديتج شوه فيج ريم.. قمت فجاه سحبت الفون منها: ممكن تظهرن عني شؤي ابا اتم روحي فطيم: لا والله ريم: فطيم دخيلج ابا ارمس مطر شؤي فطيم... نغزني قلبي: انزين بنظهر بس تراج بترمسين وبتقولين لنا كل شي فااااهمه!! ريم ..هزيت راسيه بس اباهن يظهرن عني وساعة ما ريتهن ظهرن اتصلت به بسرعه:....................... رن ورن ورن من غير لا يرد اااه يا قلبي كيف بيبرد من غير لا اسمع صوته رفعت الفون واتصلت من يديد بس بعد محد رد علي مطر... كنت اشوفها تتصل بس انا فميلس واحد من ربعي ما برد عليها خلاف برد اسويلها... ردت تتصل مادري ليش غمضتني لو هي مواز كنت ظهرت ورمستها من غير تفكيركنت بقوم ارد بس بندته هالمره بعد لو اتصلت بعد مره بظهر وبرمسها ريم.... يمكن تعبان ولا شي فيه مادري اتصل ولا اترياه لين هو يشوف اتصالي ويرد يتصلبي ... بس من وين لي قلب يصبر لين ما يرد يتصلبيه خلاص هالمره اخر مره جان رد ولا برسل له مسج بقوله يتصلبي ضروري رفعت الفون واتصلت وانا مغمضه عيوني اباااااااااااااه يرد مطر ... شفتها اتصلت للمره الثالثه استغربتها مب عادتها تتصل شليت بعمري وظهرت برع الميلس ارمسها مطر: الوو.. ريم.. انتفض قلبي من سمعت صوته .. صح بغيت ارمسه بس ما عرفت شوه اقوله سكت ثواني وهو ساكت مطر: الوووه الريم تسمعيني؟! ريم: السلام عليك بو غيث مطر: مرحباااا وعليج السلام والرحمه ريم: اشحالك؟ مطر: بخير وعافيه .. انتو اشحالكووو وشوه لبنان ربكو مرتاحين ريم:مب بخير.. عضيت ع شفايفي انا شوه قلتله مطر: عسى ما من شر شوه صاير شي فيج ريم.. ياربي اصلا ليش اتصلتبه موقف خايس ما تعودت اتصلبه:ااااا يدوه خبرتني مطر.. بلاها جي وبالغصب ترمس شكله حد مضايقنها: ريم حد مزعلنج ريم: لا لا مطر: عيل شوه فيج ارمسي !! ريم: انا ما فيني شي بس انت مطر: انا شوه فيني ريم: خبرتني عن الحادث مطر... اوووه انا نسيت هالسالفه ثرها وصلتلها: ههههههههههههههه فديت روحج فلختينيه واخر شي هالسالفه بس ريم: ليش تضحك مطر.. ااا انا خايفه عليك من عرفت اتصلت بك من جي انت ما اتصلت بي ولا رسلت لي مسج ثرك تعبان مطر... ااه ثرها تتريا مني اتصال : لا فديتج بس ما بغيتج تهتمين والموضوع ما يسوى حادث بسيط ما عليج ريم: اكيد بسيط؟ مطر: هيه بسيط ريم: شي فيك!! مطر: مخيطينه راسيه ريم!!!!!!!! وتقولي بسيط والله كنت حاسه شي فيك مطر: يالله ريم لا تكبيرنها انتي بعد يسد العيايز ... ما علينا فديتج انتي لا تحاتين انا مشغول شؤي هاليومين لا تحاتيني ما فيني شي اباج تستانسين مع البنات ولا تخبرين الشبيبه اوك ريم.. شوه قصده بيبند؟؟: ان شاااء الله مطر: يالله اتحملو بعماركو..شي فخاطرج؟! ريم عورني قلبي ليش جي يسويبي انا متصله اطمن عليه : لا سلامة راسك مطر: فداعة الله ريم... بند عني وانا اتطالع الفون الحينه بدال لا تريح قلبي عوقتبه زود يا مطر شوه هالحاله يا ربي .. شليت السماعه عن اذني وفريت الفون بعيد سرت وقفت عند الدريشه فتحتها ابا اشم هوى احس عمري مخنووووووووووووووووووووووقه سمعت صوت الفون يرن ربعت له بسرعه مستانسه قلت يمكن مطر ... بس خابت ظنوني طلع بروك رديت عليه: مبارك: السلام عليج ريم: وعليك السلام والرحمه .. مبارك :وينكن فديتج؟! ريم: الا فالغرفه مبارك بلاه صوتج الغاليه؟. ريم: لا ماشي بس يمكن لاني نعست شؤي يوم كنت فالسبا مبارك : يا حيكن عيل دلعتن اعماركن ريم: هيه والله فديت لي يتفهمون مب الغجر لي تحت مبارك: هههههههههه انزين فديتج لا تاخروني انا بلبس واباكن تتعدلن بنسير للمزرعه ريم: اوك مبارك:شي فخواطركن..!! ريم: سلامة راسك مبارك: اساليهن انزين عنبوه ريم: ادريبهن ما يبغن شي وان بغن بتصلبك ما عليك لا تحاتي فديتك مبارك: برايج عيل .. ريم: ربي يحفظك ريم... خذت نفس وانا احس عمري تفكيريه مشوش.. الضيقه بعدها فصدريه ولا ادري كيف بخوزها ... رمسته صح ويمكن لقيت له اعذار ع كل شي بس هالقلب متى بتريحه يا مطر ... كنت مقرره اشلك من راسيه اليوم يا غير تفرض وجودك الزامي فحياتيه.. انفتح الباب فطيم: ما بنظهر لو شوه ما تسوين ريم: ابتسمت اصلا توني كنت بزقركن بروك يبانا نتزهب بنسير لمزرعه يقول فطيم: لا تحاولين تغيرين السالفه ابا اعرفها الحين يعني الحينه هنو: صدقها شوه مستوي والله فلختينا ريم: بخبركن ونحن نتلبس خلصونا حرام بنتاخر ع بروك وفعلا خبرتهن وانا قلبي يعورني انه غناتيه مخيطين له راسه لانه مسوي حادث بسيط ع قولته وتعدلنا ع السريع وطلعنا لبروك وانا فكري عنده طول الدرب افكاري متشتته مادري فشوه افكر بالضبط هو صدق كان مشغول وعسب جي بند ولا نغزة قلبي فمحلها واحاول اني انكر الواقع ااااه فطيم.. كتبت المسج مع اني شاله فخاطريه بس مستغربه هدوء شيخيه :" ثانكس حياتوه الورد كشووخي" سعود:" لو ادري بعلومج جان ما طرشته" فطيم هههههههههه فديت لي يحتشرون يا ربي: " ليش حياتي خساره فيني هالورد يعني" سعود: " لا تخسريني ما ابا منج مسجات" فطيم: " خاطريه اصدق بس قويه شيخيه" سعود .. ضحكتني الدبه:" فديت الواثقه انا .... اغار عليج يالدبه والله ان صدري يفور من خبرنيه شهاب" فطيم: " فديت الغيور حبي بدال لا تقول نعيما ربج ارتحتي ع الدلع ..تزعل!!" سعود:" جااااب لا تذكريني .. تدرين عاد باجر دورنا نحن الشباااب وانا بختار حرمه تدلعني" فطيم: "لاااااااااو الله " سعود: " هيه والله... واصلا ليش خبرتج مفروض اسوي كل شي من غير لا ارد لج خبر ترا شورج فراسج وشوريه فراسيه" فطيم: قهربيه الدب ما عرفت بشوه ارد عليه وتخيلته صدق يسويها بغيت اموووت ... اوووف بس انا عند حريم مب شرات ما هو ناوي هو طفـــس!!" ع فكره بعده خاطريه ما طاب يالدب " سعود: " يا خسارة الورد عيل يومه خاطرج بعده ما طاب" فطيم: اوووووف ريم: بلاج ؟ فطيم : ماشي بروك : شكلهن المسجات يقهرن ولا شوه رايج ريموه!! فطيم .. قفطت ولا رديت عليه ريم وهنو: ههههههههههههه هنو..: ريماني شوفيهن بنات العوامر وينهن ريم: صدقج ذكرتينيه كنت بنساهن ريم اتصلت بشمسه ما ترد بطرش لها مسج اخبرها انه نحن فالمزرعه ونباهن عدنا.. كتبت المسج وطرشته لها.. ~~~~~~~~~~~~~~~~~~~~~~~~~~~~~~ ساره... امايه قهرتنيه كنت محطيه امال انه يوم بشووفه بيتغير كل شي.. الحينه كيف براضيه رفعت عيوني اطالع السما الجو خبال والسما صافيه وابويه مشغول عند رجابه وهالبتانيه عنده اووف ملل .. مادري ضيقه .. لكن الاكيد خاطريه ضايق.. الجووو كان هادي .. يلست لي ع راس عرقوب وانا محتااااااره يا ربي كيف جي استوابنا.. يعني ع سالفه صغيره مثل هذي بيزعل مني هالزعله... اممممممم انا لازم اعرف هو كيف يفكر عسب اعرف كيف اراضيه.. غصب عني تذكرت ذيج الليله اصلا متى خازت عن بالي عسب اتذكرها انا من ردينا من العزبه وانا عايشه جوها تذكرت رومنسيته سوالفه طيبته وضحكته وناسته فيني كان كان مستااانس واااااااااااايد كان يحسسني بكل احساس ممكن تتمناه اي بنت فهالدنيا .. واكثر وانا بالااخير زعلته >< والله اني ما قصدت ازعله من غير لا انتبه لعمري خشيت صبوعي فالرمله وغمضت عيوني رجعت لي احلى ذكرى فحياتي كنت مستحيه اول مره احس بيلستنا سؤؤ روومنس.... العاده يكون فبيتنا ويعني طبيعي مب ماخذ راحته لكن الليله غير.. كنا رواحنا والجو كان يساعد انا من ذيج الليله عرفت انه نور القمر تاثيره غير يوم اكون مع حبيبي ... اتذكرته وهو يشل يدي من الرمله وينفضها باسها وطوول وهو ويبوسها وانا بعدني منزله راسي ما رفعته .. قالي: حرام هالنعومه تخشينها فالرمله خليها فيدي .. ييت بسحبها ضحك ويودها ورد يقولي: اقوولج لا تحاولين ماشي مجال تنسحب من يدي لين اوصلج لي غرفة البنات وابوووسج واقوولج تصبحين على خير رفعت له راسي منصدمه بيبووسنيه ولا وين عند الغرفه ضحك وقال: يالله ع الخووف لي فعيوونج هذا وانا ريلج جي خايفه ما باكلج سؤيرتي تراني.. ابتسمت له.. رد يقولي : يعني ما بسمعه صوتج اليوم ساره: ههههههههه ما خليت لي مجال ارمس مايد : مره بسكت جاني بسمعه هالصوت ساره: وانا مايد : وانتي شوه. ساره : بشتاقله صووتك مايد: يعلني افدا خاطرج لي يشتاااق صدقتي عاد اني بتم ساكت فجئه شفته يمرر صبوعه ع خشمي قفطت وهو ابتسم : تدرين حبيبي فخاطري من زمااااااااااااااااان اسوي هالحركه كل ما اشووفج مادري ليش يغريني خشمج ضحكت انا وهو اطالعني بنظره مادري كيف فيها خبث خخخ : وسؤيرتي ما فخاطرها شي تسويه ...!! رفعت حياتي وانا اضحك قلت له: نوووو قالي: لالا انا متاكد بس انتي ناسيه اتذكري وتمينا على هالحاله هو يغلسبي وانا اقفط زود يمكن السوالف كانت عاديه بس فكرت اني وياه رووحنا ومحد عدنا كانت موترتني كنت حااسه بالبرد ومستحيه اقووله بردانه لكني ما حسيت بجسمي بدا يرجف مايد : حبيبي برداننه ساره : لا مايد: شوه لاااا احسبج ترجفين ساره : والله عادي بس هو ما سوالي سالفه قرررررررررررررررررب وايد مني وحظني وحط راسي ع جتفه هو تقريبا كان ع صدر ريلي فديته هههههههههه انا بالنسبه له ولا شي مقارنته بجسمه حسيت حراااره تسري فدمي اول مره نكون فهالقرب : حبيبي بردان ولا يبا يخبرني ادفيه ويود لي خشمي ويرررره ساره : ههههههههههه شوه ياينك ع خشمي ميووود قرب شفايفه من اذني وشل شيلتي شؤي وقالي احبه ورد الشيله ما تهونين علي تبردين ولا ما خليتها هالشيله ع راسج وقتها حسيت بدفا هالكون كله وانا بين اييدينه حسيت شوه يعني اكون مع انسان يحبني.. يخاف علي.. وو .. وانا احبه .. لكن ميودي فديت رووحه ما خلاني اكمل افكاري سمعت صووته يقول.. تسمعينه قلبي شوه يقوول؟؟.. رفعت راسي اتطالعه شفت نظره حنووونه فعينه نظره حلوووه وايد ما اعرف كيف اوصفها ابتسامته تعذبني صحيح ميودي لحيته يحبها غليضه بس مستحيل انها تخش غمازاته مهما غلضها كان شكله طــــر ونور القمر عاكس ع ويه حسيت ودي ايووود خدووده واقطعهن خشيت ويهي زود فصدره وانا مستاااااااانسه : شوه يقووووول مايد: مب طايع يخبرني يوم اساله يقولي شوه يخصك الرمسه لسوسو انته شلك ساره : هههههههههههههههه فديت قلبي انا مايد: شليتيه يالسراااقه هااا ساره : خلاص شليناه عنك حسيتبه يلوي علي بالقوووووو : اصلا انتي يالشريره من زمان شااالتنه عني ولا رفتي بحاليه من كم سنه عايش وقلبيه فدبي وشل لي بصووته العذب ,,, قـلـبـي خذا لي ساكن دبـي غر جميل ومرهف اسلوب فـــتــان بـنـظـرات يــسـبـي فايج على الخفرات حبوب ساره.. انقطعت افكاري وانا اسمعه ابويه يزقر وياشرلي من بعيد اااه مب وقته قمت عن الرمله وانا انفضها عني يالله حسيت بكل المشاعر ردت لي وكانه ميود عندي حسيت اني بردانه وجنه حد سحبني من حظنه الدافي ابااااااه اباااا ميووودي اباه يشلي بصووته ياربي كيف براااضييه ... وصلت لابويه وركبنا الموتر بنرد للبيت وانا طول الدرب احاتي كيف براضي حبيبي هو ما يستاهل هالزعل صح اني ما قصدت لكنه زعل وشل بخاااطره وانا ما اتحمل هالحااااله والله ما يهون علي فديت رووحه ~~~~~~~~~~~~~~~~~~~~~~~~~~~~~~~~~~~ عند شمسه .. استلمت المسج بس مب عارفه بشوه ارد عليها مستحيل اقول لحمدان نبا نسير صوبهن وهو ما ياب لنا طاري وين ناوي عليه الليله اتطالعت مهاري وعطيتها المسج تقرااه ومهاري طبعا ما تردد ولا ثانيه : اااقول حمدان حمدان لي كان يدفع عن الهدايا : لبيه مهره استانست الرياال تعدل مزاجه : لبيت فمنى ياربي خوات ربعك طرشوولنا مسج عازمينا ع مزرعه مستاجرينها يقولون حمدان اتطالعتهن كسرن بخاطري عويناتهن ترجي هههههههه حسيت وكاني شرير : فالكن طيب امبوني بشلكن عندي خبر فهالعزيمه شسمه: فديت روووحك والله مشكووووووووووور حمداني ولويت ع يده مهره وانا سؤيت شراتها بس من الصووب الثاني حمدان : هههههههههههههه انزين بطيحن هالجياس عنبووه البنات : اصلا نحن بنشلهن عنك حمدان : خل عنكن وين تبغونا نسير بعد البنات : نبا نرد الفندق نبدل ونروح للمزرعه حمدان : يالله عيل رووحنا ~~~~~~~~~~~~~~~~~~~~~~~~~~~~~~~~ فطيم وصلنا للمزرعه كانت بواابتها كلها ياسمين وريحته قووويه من كثره وشكله ع الباب روووعه ومبين عليها المزرعه كبيره ومرتبه مبارك: وهذي المزرعه وصلناها بتعيبكن وااااايد الهنووووف: وااااااااااااااااااااااااااااااااااااااااااااااااا ااو برووووك : شووه ياها بنت خليفه استقطعت البنات: هههههههههههههههه هنو : لا تلومنيه مب مني من اللي اشووفه التفتنا نشوف اللي تشووفه مباارك هههههههههههههه كل هذا عسب اسطبلات الخيووول هنوووو: مبارك والله مشكور مشكوور مشكوووووووووور والله بصيح مبارك: حشى مب خيول هذي جي تسويبج هنو: عادي نركبهن صح مبارك : هيه عادي وشي مسبح بعد الصوب الثاني وهناك تشوووفوون ورا هاليلسه شي ملعب كوره طبعا انتن مالكن حاايه فيه ادري... وهذا البيت تشوفوونه صح مابنبااات بس يعني تريحن فيه ولا شي كل شي موجود داخله انا روحي عيبني تصميمه من دااخل هنو: انزين بسك خلاص نبا ننزل مبارك : هههههههههههههههههه انزين بنبركن عنبووه مب طايره عنج الخيووول هنو... ما سؤيت له سالفه من خفف شؤي وانا فاجه الباب وطيران ع الاسطبلات ريم: هههههههههههههههههههه وحليلها هنووو فطيم : عمي وينه ما خلص شغله مبارك : بتصلبه اشووفه بس الشباب موجودين قبلنا نزلنا وتمشينا مع مبارك وهو يسولف مع عمي ويوصف له المزرعه وين فطيم : ما شوف الشبيبه مبارك: صدقج المزرعه هاديه غريبه ريم: خلونا بنسير عند الهنووف مبارك : سيرن وانا بلحقكن خلاف ريم .. سرنا لها انا وفطيم ولقيناها وسط الاسطبلات تتطالع الخيوووول فطيم : ههههههههههههه شوفي نظرتها كيف تقوولين ياهل وفمحل الالعاب هنو: والله كل واحد احلى عن الثاني ابا اركب ومحتاره ريم : اييه شوه تركبين بتتكسرين علينا شوه عرفج بالخيول انتي فطيم : صدقها ع بالج سهله السالفه هنو: ما يخصني والله بركب ولا عليه منكن فطيم/ انزين اتريي مبارك ع الاقل هو عنده خبره هنو: اووف وينه انزين مبارك: شعندج محتشره العيووز البنات: شالين عشاها هههههههههههههه هنو : برووووووووك دخيل ابا اركب وهن محتشرات علي اون بتكسر مبارك : هههههههههههههههه ما عليج منهن ما بتم فخاطرج بنت خليفه بس اتريي لين ما ازهب لي وياج خيلين وبنتمشى البنات : لااااا والله مبارك : ههههه وانتن ويانا بعد صبركن شؤي لين ما اقوول لهم يزهبون الخيول فطيم: وينهم قوم بو احمد مبارك: بيتشروون لحم وهالسوالف للعشى ريم: وابويه شوه قالك وينه؟ مبارك: قده على وصول هنو: انزين عيل نحن بنسير البيت بنشووفه وبنرد لك يوم بيزهبوونهن الخيول مبارك: خلاص برايكن فطيم: غريبه شعندج هنو: بنتعدل داخل وابا ابدل كنت لابسه تنوره بغيرها مادريت شي خيول فالمزرعه فطيم : عيل نحن زين يوم طقمنا ريماني بالبناطلين هنو: وزين اني شليت لبس وياي قلت يمكنه برد ريم: خلاص بدلي وبنسوي لنا شي دافي نشربه بعدين بنسير صوب برووك عند الشباب كانوا رادين للمزرعه ع دراجات بعد ماجرناها ويتساابقووون وسوالف وضحك ولا حس ذياب بفوونه لي حرقه حمدان من زود ما يتصلبه حمدان: غريبه ما يرد هذا وينه عن الفون شسمه: انزين اتصل بغيره يمكن يردون عليك حمدان: اتصلت محد يشله بشووف مبارك وبعد السلامات ع السريع توصف منه المزرعه وين وبند عنه مهاري : حمدان بعيده المزرعه حمدان : مادلها يا بووج شوه قالوولج مقطع لبنان رووحات وييات انا اتصلتن بسلامه اتشوفن اخبارها؟؟ البنات: فونها مغلق بس هي مطرشتلنا مسج اتقول المنطقه لي هم فيها ما فيها ارسال حمدان: غريبه ~~~~~~~~~~~~~~~~~~~~~~~~~~~~~ هنو.. : يالله عاد بسكن سوالف تراني بسير عنكن فطيم : مب خيول هذي تسويبج جي ريم: بنشرب النسكافيه انزين هنو: اوووهووووو البنات : هههههههههههه خلاص خلاص بنسير لا تنقعين علينا هنو: يالله انزين بسرعه بعدهن يالسات!!!!! فطيم.. انزين اقولج من الحينه الابيض انا بركبه هنو: تتحلمين وايد ثرج ريم: لا تتحشرن ع سوالف يهال انا ابيض وانا اسود اللي يشووفكن يقول خيولكن مره الا هي خيول والسلام وصلنا لين الاسطبلات ولقينا مبارك راكب الخيل ويمشي حوالين الاسطبل ويوم شافنا قرب منا : هااا مستعدات اشوفكن البنات: هيه بس ترانا ما نعرف شي مبارك ما عليكن انا بعلمكن كل شي واصلا شوه بتسون ثركن الا بتتمشن ما يباله ترا قرب لنا الخيول وركبنا بعد تكركر وسوالف تعرفن الاحساس يوم تشفرن وتضحكن ع اي شي لو كان تااافه <<< هذي كانت حالتنا وتمينا نتمشى وبروك يحاتينا وحليله خصووصا انه الجو مب مال خيول ولا مزرعه بس من باب التجربه وتغير الجو حبيناها وصلنا لين الباب شفنا الشباب دخلوا وهم يتضاحكون ويوم شافونا نقعوا ضحك من الخاطر فطيم ارتفع الضغط عنديه ع شوه يتضاحكون ان شااء الله اوووف حرقوا ويهيه هنو... شفتهم تناقعوا ولا حفلت بهم بالعكس سؤيت حركات وتمشيت بالخيل غياضا فيهم اونه ميتين ضحك ريم: شــــــــــــــــوه يضحكك انت وياه هااااا؟؟ فطيم : يا ربي ع السخـــافه بروووك: ولا تهتمن ارفعن روووسكن شهاب : ما يسوى عليكن كل هذا بس لانا ضحكنا حمود: ما عندهن روح رياضيه ريم: وانتو ما عندكم روح حضاريه<< شوه خصه سعود: روح حضاريه هذي شوه تطلع بعد ريم: يعني انتوأأولد فاشون راكان : ايواااااااااا سالفة السبا تطرين ريم.. درنا ظهورنا عنهن راكان : ما عليه ما بطووف بسهاله صدقني مسودات الفيس هنو: التفت عليه محد غيركو سؤيدان راكان.. فتحت عيوني هذي شوه فيها الشبااااب : هههههههههههههههه والله وطلع لها لساااان بروك: اييه انت وياه خفو عليهن نحن مسفرينهن نغير بهن جو ولا تغثونهن شهاب : والله بعدهن ما شافن شي سعود: حسابهن عسير وغير قابل لنقاااش راكان : طفاستهن هذي لطلعها من عيونهن هيـــن بروك : يعني.. دام جي اسمحولي ع اللي بيصير عيل الشباب: انت ع شوه واقف وياهن بروك: لاني ما اشوفهن ارتكبن جريمه هذا شي والشي الثاني عندهن تصريح من اللي اكبر عني وعنكو فيعني لا تحطون اعماركو بموقف خاايس بيهزها صورتكو عند البنات شفتهم مب عايبنهم لي قلته خليتهم وسرت عنهم وانا اشوف موتر يدخل المزرعه ~~~~~~~~~~~~~~~~~~~~~~~~~~~~~~~~~~~ عند البنات شافن موتر بيدخل المزرعه وابتعدن عن البوابه بخيولهن لانه الريم عندها خبر من شميس انهن ع وصول فطيم: اووووووف يقهرووون ريم: اكبر طااف وحياتج ^^ هنو: اصلا هم اللي ميتين بغيضهم لا تحرقين اعصابج اديتهن فطيم : تتوقعن قوم شميس هم اللي يونا هنو: منوه غيرهن ريم: يمكن ابويه مادري فطيم: لا مب هاي السياره اللي رووح فيها عميه ريم: انزين بسرعه بنسير للبيت فضيحه يمكن البنات هناك هنو: هيه صدقج والله ~~~~~~~~~~~~~~~~~~~~~~~~~~~ شمسه .. دخلنا المزرعه كانت كشخه وحلوه ومرتبه بس انا كنت ادور البنات بعيوني ما شفت غير شبيبه متوالفين ع صوب وصديت اطالع الصوب الثاني شفت فيلا كبيره وشكلها غاوي سمعته يقول سيرن صوب البيت اكيد الحرريم داخل مهاري ... خخخخ حريم بلاك ما عرفتهن ولا ما قلت حريم^^ نزلنا انا وشميس وسرنا للبيت ع قولته عند الحريم مهره: سمعتيه يقول حريم شمسه خخخ: هييه سمعته حريم والنعم فينا ههههههههههههههه دخلنا البيت وما شفناا حد والله فضيحه نكمل ايييه مهره وين وين يمكن شي ريال وانتي داخله لا هود ولا هدا مهره: سؤيت شرو ا الريال ما يسووون وغلضت من صوتي هووووود يا عرب هووووووود شميس : بسش فضحتينا اييه قصري صوتش ريم ومن برع البيت ييانا صوتها ريم: هداااا يا مرحبااااني تو ما نورت المرزعه مهره وشمسه : منوره باللي اجرووها خخخ انتن برع حريم ونعم فيكن فطيم: مرحبا مليااااار خشوومكن علني افدااها هنو : شوه قصدكن بالحريم خخخخخ ريم : لالا اكيد مغلطااات فطيم: حيبكن ومسهلا فذمتيه لو ما يابكوو حضرة القااايد جان بتييه هزبه محترمه ريم : والله ملل زين لي طاع ايبكن شمسه : صدقكن والله ملل يوم نتحوط مع ريال نبا بنات نخترش وياهن وهنو : ويخترشن وياااكن مهره: ونفجر لبنان بالللي فيها نيهاهاهاها فطيم : ويا هالضحكه تقولين ساحره خبريني شوه صار الصبح مهره: بخبرج بس دخليني بيلس ما اعرف اسولف وقافي انا هههههههههههههههههه شميس حريم هاااا خخخخ شمسه : هههههههههههههههههههههههه ويعه بطني بينطر من الضحك البنات:....^^ شوه سالفتكن مع هالكلمه الا كل شؤي حريم وحريم وتتضحوكن >< ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~~~~ brb |
| الساعة الآن 08:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir