|
حلوه الروايه بس حسيته من البدايه يعني عاديه وجي وعقب بديت تتعميقن اكثر فحسيت بالاكشن يعني ماحسيت الروايه هاذاك زود ياريت اتكثرين من الحورارت والاكشنات |
. . . البارت الـ ثالث من بعد ما خلصنا غدا وصلينا العصر . . يدي : وليد وليد : امر يديه يدي : يالله ودني بيت عمك المرحوم . . وليد : ان شاء الله . . يدي : يالله مهره امشي . . تميت اطالع يدي بنظرات ضيج . . وليد : طاع طاع يدي كيف اطالعك . . يدي : اعرف كيف تطالعني وليد : وين تعرف ييدي خل عنك . . يدي : يالله ابوي مهره نشي وليد : ليش ماتبين تسيرين بيتكم . . شو مستوي .؟ انا : ماصاير شي وليد : ليش ماتقولين لي انزين . . يعني يمكن احل لج المشكله يدي : يالله انت ودني . . قمت معاهم وطلعنا من البيت متوجهين بيتنا وصلنا بيتنا وبطلت الباب ودخلنا . . على يمينا كانو الرياييل قاعدين فالصاله ويشربون شاي وقهوة . . وعلى يسارنا يدار مقطع وفيه دايره عوده مفتوحه الحريم يرومون منها يشوفون . . تيمعن البنات بسرعه صوب يدي يركضون . . رفعت عيني وشفت نظره عيونه . . النظرات الشرانية الي ماتوحي بخير . . كان يشوف القرب الي بيني وبين وليد . . يمكن حركه بسيطه ويدق جتفي ب جتفه . . لاحظ وليد عدل نظرات سيف ونظراتي . . وليد : عيونك بن عممممي . . من الحشره واليوله محد كان مركز علينا . . مشيت شوي وبعدها رمسني وليد وليد بصوت واطي : بيموت ارحميه . . اطالعت وليد : سير ول انته وياه وليد : هههههههههههههههههه قفعه انزين انا شو يخصني . . ابتسمت لا ارادي . . وليد : تبين تقهرينه . . " يبتسم " عارف حركات البنات هذي انا فاجه عيني ع وسعهن : حشى علي . . تقرب سيف لحد ماوصل عندي : تعالي ورايه . . انا : مش مجبوره . . سيف عاقد حياته والنار تشب من عينه : قلتلج تعالي ورايه انا بقوه عين : وانا قلتلك مش مجبوره . . سيف يبتسم : اوكي . . تذكريها عدل . . انا : وايد اشياء بتذكرها سيف " ابتسمت " وايد اشياء . . سيف : ماعليه ضمي هذي معاهم . . سيف يطالع وليد : نعم ؟ في شي ؟ وليد عاقد حياته : والله بنت عمي وانا كيفي اطالعها انت ليش معور راسك فيني . . سيف بكل غيض تقرب منه بيضربه لييييييين صرخت يدتي يدتي : سيفووووووووووووووووووووووووووو يالهرررررررررررررم . . نزل ايييييييييييدك . . الكل صد صوبنا . . عمي حمد : سيف .. شوه فيك على ولد عمك . . عمي سعيد : وليد . . سيف . . بلاكم . . وليد يسير صوب يدتي ويحظنها : فديت الغاليه . . يدتي معصبه : بقصها ايدك وبعلقها عند الهوش اذا مسكت شعره من راسه عمي حمد : سيف اكلمك وليد : عمي شحااالك " يروح يبوس راسه " عمي حمد كان معصب ويطالع سيف بغيض لكن وليد تدارك الموقف وليد : عمي ها ولدك مناحسني . . ع كل شي رفع ايده . . ما يراعي ان قلبي رهيف وحساس وماتحمل ضحكو . . عمي سعيد : امف عليك من ولد . . وليد : افا ابويه . . ماهقيتك ماتوقف ويايه عمي سعيد : خل عنك الهذره وين كنت ؟ ليش ما يييت تتغدى . . كم مره قايلك الا الجمعه يود روحك وتعال وليد : والله كنت ياي بس صارت سالفه اضطريت اروح . . عمي سعيد : شوه استوا يدي : انا بتم واقف عند الباب . . البنات يضاربن عليه عنود : لا يدي انا بوديك . . شيخوه تحرك الكرسي : انا بودييه ميره : شيخوه هدييييييييييه انا بوديه وليد سار صوبهم : حسبي الله عليكن من بنات . . خوووووووووووزن لا اكفخن وحده وحده . . يدي بييلس ويا الريايييل . .فارجن يلا . . وكل وحده تطالع الثانيه . . انا من شفت الموقف برد انسحبت بهدوء لكن سيف رمسني بصوت واطي . . سيف : امشي ورايه بدون مشاكل .. اتنهدت وشفته لين غاب عن عيني . . لكن عزت نفسي وكرامتي ما خلتني ألحقه . . ما دافع عني ولا دافع عن حبه لي . . وفوق هذا كله يهددني والحين بكل هدوء لانه غيررران يباني اتكلم وياه . . حريمتك يا سيف . . حريمتك . . رحت صوب البنات لكن زقرني عمي سعيد . . ميره : شو يباج . . انا : مادري بسير اشوفه . . نشيت ولحقته لين قعدنا بزاويه بروحنا . . عمي سعيد : مابتقولين حق عمج الي سويتيه انا : شو سويت عمي . . عمي سعيد يبتسم : انتي خبريني . . انا حسيت انه قلبي يعورني واني دوم ظالميني ومحد يفهم شعوري ف تميت ساكته الكلام ما بييب نتيجه .. عمي : اتكلمي خبري عمج انا : خبرت يدي كل شي مابي اتكلم زياده . . عمي سعيد : انتي تعرفين ان ابويه باجر بينسى الي قلتيه انا :اعرف بس يكفيني اني شكيت له عمي سعيد : زين جيه عاديتي عمج حمد . . حسيت بقهر من عمي حمد . . احسه مش ريال يقهر . . يسير يدردع حق كل حد الي صار بيني وبينه وايد انقهرت منه . . عمي سعيد :الحين روحي تاسفي له ماعندنا بنات يراددون الي اكبر عنهم .. انقهرت وايد وحسيت بالظلم . . عمي سعيد : زين حبيبتي ؟ رفعت عيني اطالعه بقهر : ليش اتاسف له ليييش . . انا ماغلطت ف شي عمي . . انت روحك دوم كنت تقول لي الغلطان ما يخاف من شي ولا يتاسف على غلط ما سواه صح ولا لاء ؟ انزين انا ما سويت شي . . انا دافعت عن نفسي . . انا دافعت عن الشخص الي بيتزوجني . . تباني ارضا انيه على راسي شريجه ؟ واني سيف يتشارك ويا حرمتين . . عمي ماقدر . . انا ما سكت . . سيف مافيه لسان ما يقدر يتكلم ولو انا ماتكلمت شو راح يصير ؟؟؟ انا الي بتلعوز محد غيري بيتلعوز والله . . انا الي بعاااني محد فيكم بيجرب العنى هذا . . لا تقولي الريال محلل له 4 . . انا اعرف هالشي لكن مابرضى فيه . . لو اخر يوم بعمري مابرضى يكون على راسي شريجه ولا برضى اكون الحرمه الثانية . . وليد : من حقها . . ما قالت شي غلط ابويه . . انصب الدم كله فويههي يوم شفت ان وليد كان ورايه وسمع كل شي . . عمي سعيد : وليد خلنا بروحنا . . . وليد يقعد: لا بتم اهني . . ابويه لين متى البنت فالعايله تعيش مظلومه ؟ تجبرونهم ع الزواج من الاهل ما قلنا شي . .تعلقونهم من الصغر ع واحد من الاهل ما قلنا شي . .لكن فوق هذا تتحكمون فـ مصيرهم . . تتحكمون بكل ذره تصير . . حرام محد يرضاها . . وفوق هذا كله تبون البنت تسكت وماتتشكى ولا حتى تعاتب . . لا والقهر تتاسف ؟ ليش .. محد يرضاها والله . . اطالعت عمي سعيد وانا قلبي ينعصر : الله ما رزقك في بنت لكن . . " مسحت عيوني قبل لا تنزل دموعي مابي حد يشوفها " لو الله عطاك بنت . . جان مارضيت فـ الي قاعد يصيرلي . . عمي سعيد بلع ريجه : مهره لا تقولين جيه . . انتي حسبت بنتي انا : انا حسبت بنتك لكن مش بنتك . . بترضى علي الي ما بترضاه على بنتك . . عمي سكت ووليد تم يطالعني باندماج . . انا : لو ابويه حي جان مارضا بكل هذا " ابتسمت بحسره " جان ما خلاني طوفه كل من هب ودب عق علي كلام . . ولو يدي بصحته وعافيته . . جان والله ما صار الا الي انا ابيه . . وليد : صح . . لكن يدي تجنب المشاكل بين الاهل وما يقدر الا انه يواسينا . . اطالعت وليد بابتسامه بارده ودخل سيف ويا صوبي ولمحني ومات قهر عقبها واختفى من عيني . . من بعد ما اختفى من عيني قمت على طول ابي ارمسه لكن عمي سعيد حظني . . عمي سعيد : سامحيني . . تميت اصيح بهدوء من دون ما اي حد يلاحظ . . واتشللت مجرد ما شفت وليد وايج علي وشاف ويهي وابتسم ابتسامه ماكره . . على طول وخرت عن عمي ومسحت دموعي كلها . . انا : يالحيوان عمي سعيد فج عينه :انا وليد : هههههههههههههههههههههههههههههههههههههههههههههه انا : لا عمي محشوم والله انت . . ولدك بس يستفزني يقهرني . . " ابتسمت غصب " عمي سعيد يبتسم : دامه خلاج تبتسمين مابعاتبه . . وقام عمي راح . . وليد يبتسم : مهوووور . . انا : والله انك خايس جب لا تقول ولا حرف وليد بنظره جديه : اول مره في حياتي اشوفج تصييحين . . حتى يوم توفى عمي ما شفت دموعج انا : ومن قالك اني كنت اصيح وليد : هيه كنتي تقطعين بصل وتحظنين ابويه انا ابتسمت : ع فكره انته وايد بايخ وتحاول تكون ظريف بأي طريقه وليد ابتسم . . : لا تصيحين مره ثانيه . . بلعت ريجي . . وليد : افا عليج بنت عمي . . الي تبينه بيصير لكن لاتنزلين دموعج . . وسيف مصيره يعرف قيمتج انا : ياخوفي يعرف قيمتي بعد ما يخسرني . . وليد : هو يباله قرصه تأدبه صراحه . . انا : سيف ماعنده قرصه . . بيعاند وبيسوي امور محد بيندم عليها غير انا وهو . . وليد : تحبينه اكثر من ما يحبج . . انا : اعرف . . ميره تي صوبنا :انتو شو تسووون اهني متخششين . . وليد : ها ميروه شحالج " يبتسم " بعدج تحبيني . . ؟ ميره ماتت ماتت ماتت . . تمت تطالعه وهيه مصدومه من جرائته .. انا : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههه وليد : هههههههههههههههههههههههههههههههههههههههههههههههههه ه ميره : حيوانين والله هههههههههههههههههههههههههههههههههههههه انا حطيت ايدي عويهي وتميت اضحك من قلب صراحه . . همتني ميره يعني جد قفطت . . ميره : لا تغيرون السالفه شو قال عمي . . وليد : انتي لا تغيرين السالفه وجاوبيني . . ميره : مهور جوووووووووووووووووووووووووووفيه . . وليد يحيس بوزه : امفف يت العله . . شيخه : هااي ليش تامين بروحكم . . وليد : سبحان الله . . ماعرف ليش بالذات انتي الوحيده الي ماحبج . . شيخه : من زينك ولا انا احبك . . وليد : يعني جي من اشوفج جني شايف عزرايييل . . ميره ابتسمت . . شيخه : مايهمني انزين انا : محد قالك تعبر عن رايك . . صدلي بنظرة احتقار : انتي منو رمسج وقالج عبري عن رايج ؟ انا بابتسامه : نفس الي قالك تعبر عن رايك عن شيخوه . . شيخوه : ههههههههههههاي حلوه . . وليد : انزين مهروه انزين . . وليد : ميروه الصراحه لبسج طرر اليوم . . ميره استحت وابتسمت . . انا ابتسمت : خف علينا . . وليد يبتسم : علشان اعلقها فيني اكثر . . ميره : وليد عاااد . . شيخه : هههههههههه . . وليد : انا ابا اضحك الكل الا انتي لا تضحكين . . شيخه باستهبال :هاهاهاهاهاههاهاهاهاهاهاهاهاها بضحك لين باجر . . موت حررره وليد : مالت عليج . . وبعدين شو هاللبس العنقاش . . بنيه تلبس ازرق ؟؟ انا : انت بلاك تفصل لبسنا تفصيل استح ع ويهك لا تقعد تدقق . . وليد يبتسم : لكن انتي لبسج . . تحطييم . . أموت ع لون البيج الشيفون الي ياي ع نفس لون الجسم . . ميره فاجه عينها : انت وايد ماصخ . . وليد : والله جد . . لا ومخصر من فوق ومن تحت مفروش . . كلنا ضحكنا . شيخه : منفوش منفوش . . مفروش اونه وليد : انتي اسكتي اسكتي محد قالج علقي . . وليد يبتسم : لاجد مهروه مسكته هالاسبوع . . انتي ميرو احتليتي المركز الثاني . . " يطالع شيخه " عاد انتي امررره ع الاخييير . . وبعدين يالله عرسسن فكوني منكن انتن العوانس الباجيات . . ميره : ويييييييييين احنا بس . . بقت رقوي و شما و و وو و ابتسمت وخليتهم يسولفون مع بعض ورحت عنهم . . وليد : تعالي وين رايحه . . صديت له : بسير . . تميت ادوره ف كل مكان احصله فيه بس ما حصلته . . قلبي معاه واحس بكتمه . . مابي يسوي شي ما ارضى فيه . . طلعت من البيت من الباب الوراني الي يطل ع المطبخ الي برع وتميت واقفه عند الباب ولمحته يرمس مع عمي حمد . .. عمي حمد : عفيه عليك . . احين انته ولدي الي انا ربيته . . سيف ابتسم . . عمي حمد : لا تشيل هم العرس كله علي انا بدبره . . حطيت ايدي ع حلجي اكتم الشهقه . . سيف يطالعه . . : ليش ماتعنيت دام عندك القدره حق مهره . . انت ليش ماتحبها ابويه ؟ شو شايف عليها ؟ عمي حمد : انا وعمك المرحوم ماكنا نتوالف وكان بينا شي كبير . . سيف : الله يرحمممممممممه يا ابويه . . توفى كيف تقول هالرمسه . . وبعدين هي بنته مالها ذنب عمي حمد : الحب من الله . . وانا هالبنت ماحبها . . سيف : بس عشان عمي ماتحبها . . ما يستوي يا ابويه ما يستوي . . عبدالله : حرام عليك ابويه تظلمهم . . مش كفايا ظلمت عنود عمي حمد : انا ماظلمت حد .. وشو فيها عنود . . هكي يايبتلك ولد والحين حامل عبدالله : مافيها شي عنود . . كامله والكامل الله . . لكن العيب فيني اني ما قادر اسعدها . . ليش خليتني اتزووجها واناا احب بنت عمي خالد . . عمي حمد : عنود الف واحد يتمناها . .وحرمه ماكنت اباها تضيع لواحد غريب . . عبدالله : الواحد الغريب كان بيسعدها اكثر عني . . عمي حمد : بس خلاص هي حرمتك الحينه . . سيف يبتسم : كنت تغار وتبا احسن البنات عند عيالك . . مش مهم عيالك يبون منو . .الاهم الناس ترمس انت مناسب منو . . عمي حمد : كبرتو وقمتو تحاسبوني؟ سيف : محشوم ابويه ما نحاسبك على شي . عبدالله يتنهد : لا تضيع سيف الثاني . . خله يتزوج الي يحبها . . . عمي حمد : انت لا تدخل . . سيف اقتنع في بنت خاله . . وبنت خاله تيتمت وامها مريضه واخوانها بعاد ومالها حد . . عبدالله : حتى مهره مالها حد . . انا ف خاطري " حتى عبدالله يدافع عني لكنك يا سيف ساكت " خلود : شو تسوين . . نقزت وصديت بخوف : خوفتيني . . خلود توايج : تتصنتين . . تنهدت بضيج : اتصنت لمستقبلي الي بيضيع . . خلود تبتسم : شرات ما ضاع مستقبلي . . فهمت السالفه يوم شفتها تطالع عبدالله بسرحان . . خزنا عن الباب ومشينا سايرين الصاله . . انا : انتي الي يحبها عبدالله صح . . خلود بنظرات خوف : هاه . . انا : سمعته .. خلود : مهور دخيلج لا تخبرين عنود . . لا توضحين ولا تبينين لها اي شي . . انا : ما بخبرها . . خلود : والله بغا ياخذني الثانيه ورفضت عشان عنود . . عنود وايد طيبه وما تستاهل . . انا : عنود غبيه لانها ماتعرف الي يصير حوالها خلود عاقده حياتها : ليش تتحريني خايسه واسوي شي غلط .؟ من ملجو وانا ماعرف عنه اي شي وقطعته حتى سلام ما اسلم عليه . . انا : ادري خلود . . اعرفج عدل . . لكن اطري انها ماتعرف عن عبدالله وقلبه . . خلود : مسكينه عنود . . انا : والله مسكينه اختي .. خلود تتنهد . . اانا : عشان جي انتي رافضه الزواج خلود : مهور مابي اتكلم فالموضووع . . " تبتسم " خليها على الله . . انا مسكتها من ايدها : رافضه الزواج عشان عبدالله بس . .انتي مينونه خلود : لو انتي مكاني بترضين تتزوجين غير سيف . .؟؟؟ بتقدرين؟ سكت مره وحده مارمت ارد عليها . . خلود : جفتي . . موقف صعب . . ترسمين احلامج مع شخص وبعدها يروح لغيرج . . انا بقلب مكسور : وها الي بيسويه سيف فيني . . خلود تطالع وليد : يمكن نصيبج مع غيره . . شفت لـ وين تطالع : ليش تطالعينه ؟ خلود تبتسم : بس جي انا : خل عنج شو تعرفين وماتقولين خلود : صدقيني ولا شي . . يالله بخليج . . وراحت عني وخلتني بحسرتي . . افكر بـ إلي صار قبل شوي . . سيف خلاص راح يتزوجها لا محال انه ما ياخذها . . وعبدالله طلع ما يحب اختي ويحب بنت عمي الثانيه الي تموت وماتجرح عنود . . شو شافت عنود وشو الي سوته من ظلم علشان يكون هذا جزاها . . تعيش مع واحد يحب وحده غيرها ولا قادر يعطيها الحب . . وساكته ! وماتتكلم ولا تتشكا . . ولابينت هالشي لا لي ولا لحد . . " ابتسمت بحسره " يا صوبي وهو يربع من ورى ويحظن ريولاتي . . على طول عرفته . . حبيب قلبي صقر . . انا : عيووووووووووووووني انته عيوووووووووني . . حبيبي تعال . . " شليته " وفديت الاولاد كلهم دامك منهم . . عطني بوسه صقوري : كاااكااام انا : بسك من هالسسقم . . ماتبا كاكام صقوري مبوز : كاااااااااااكااااااااااااام . . انا : يا حبيبي مش زين بس بعدين دودو داخل بطنك صقوري يضرب ويهي : كاااااااااكام كاااااااكام . . انا : تبا كاكام صقوري يهز راسه بهيه : ايييي كاكام . . انا : تعرف اني ماروم اردك صح . . صقوري يهز راسه ب هيه : ايييييييي انا : ههههههههههههه حبيبي والله . . حبيبي الي يفرج هم خالته بشوفته بس . . شليته وييت اصعد عشان اروح لغرفتي . . ميره : وين رايحه انا : بييب كاااكام حق الولد . . ميره : كاكاام . . علميه الصح انتي بعد انا : لا . . هو يعلمني ميره : مالت عليج . . حصلتيه ؟ انا : لا . . ميره : ماجفتيه ؟ انا : لا . . ميره : من عيونج جذابه ابتسمت لها ورحت . . دخلت الولد غرفتي وحطيته ع السرير وقعدت ادور له كاكااو ومع الاسف ماحصلت . . يييت بتصل للدكان بس تلفوني مافيه رصيد . . شليته وردينا ننزل تحت وجفت ناصر وعمور عيال عميمه نوره . . صف اول ابتدائي وثاني ابتدائي . . انا : بتروحون الدكاان . . عمور : حرررررررررررر . . مانرووووووووم انا : حرام عشان صقووري . ناصر : مااااااانبا . . عمور : روحي زين انا فاجه عيني ع وسعهن : ايييه " دزيته ع راسه " رمس الي اكبر عنك زين " ناصر : جب جب . . عمور : روح خلها تولي ومشو عني انا فاجه عيني : والله ما يستحون . . عميمه نوره تبتسم من بعيد : مهور تعالي اقعدي ويانا ليش منخشه روحج . . انا ازاعج : صبري عميمه قاعده ادور حد يستحي ع ويهه يسير الدكان شيخه : انزين اتصلي فيه .. انا : ما بييبه العصر . . يقول حرر وما يمرنا الا فليل . . صقوري يضربني ع ويهي : كاااااااااكام انا : انزييين بابا انزين لا تضرب . . مروان ولد عمي خاطف بيطلع من بيتنا . . انا : مروان مروان . . مروان يطالعني . . انا : بتروح الدكان ؟؟؟ مروان سوا عمره ما سمعني وطلع من البيت وانخبط بـ شما . . انا فجيت عيني ع وسعهن . . اوه ماي قاد . . ما بغيت تدعم الا شششما . . شما من النوع الي ما تكشف عن ويهها ابد ولا تفصخ العباه ابد في جمعتنا . . حتى يوم تكون الجمعه في بيتهم ماتفصخ العباه ابدا . . ودوم متستره ومتغطيه ومتغشيه وما تكشف حتى فالصاله الا لو بالمره ماشي ولا صبي من العايله . . وايد ستييير ماشاء الله عليها ووواايد خوافه وخجوله . . مروان : اسمحيلي والله اسمحيلي . . ماردت عليه ومشت ودشت داخل وهي تركض . . تميت اطالع الموقف بدون تعليق . . " مروان يرمسني وهو يطالع شما " شو تبين من الدكان . . انا تميت اطالعه ماعرفت ارد . . مروان : تعالي اهني ما اسمعج . . نزلت الولد وخليته يسير صوب عميمه . . رحت صوبه وانا فاجه عيني ومصدومه بعدني . مروان بصوت واطي : منو هاي . . انا : هاه مروان : اقولج منو هاي . . انا : بنت عمك . . مروان : ادري الكل اهني بنات عمي . . بس هاي منو . . انا : شو تبا تعرف مروان : ياخي لاتتفلسفين وقولي انا : شما . . مروان : بنت عمي حمد . . انا : هيه . . مروان يبتسم : هاي ثاني مره ادعمها . . انا : ههههههههههههههه احلف مروان يبتسم : قسم بالله انا : متعمد الهرم مروان : حشى والله . . انا : عاد ما بغيت الا شموه . . ادعم حتى ثاني مروان يبتسم : الله يحفظها انا عاقده حياتي : مروانو . . مروان يبتسم : حشيم . . مع اني للحين ماجفتها بس داشه خاطري . . ابتسمت وما قلتله شي . . مروان : من متى اقول اني اباها . . هالبنت الي احنا ندش ونطلع من سنيييييين ومانسمع لا حسها ولا نعرف شكلها كيف . . " يسويلي مالت " جان طلعتو عليها . . انا : ترا بسير اخبرها . . مروان : اييه . .والله ماتخبرينها و لا تخبرين حد . . انا : هههههههههههه انزين سرك فـ بير . . مروان : يوم ابغي ارمس اهلي اوقفي وياي . انا : متاكده بيوافقون من غير ما اوقف معاك . . منو ما يبا شما مروان : ليش وايد يخطبونها ؟ انا : هيه بعد شو . . مروان : احلفي انا : والله مروان : هزرج استعيل . . انا : احمد ربك انك مش محير لـ حد ولا هي محيره لحد .. " اسوي لروحي مالت " عسب تروم تاخذ الي تباها . . مروان : عاد مول الي يسمع انتي ما تترييينه . . وليد من وراي : هههههههههههههههههههه مفضوحه قسم بالله . . ما تستحين ؟ مروان يبتسم : ابد يا ريال . . انا بقهر : جب انزين حيوانين . . وليد :الي يقهر الكل يعرف الا هو الغبي . . مروان عاقد حياته : اخويه مش غبي . . " يبتسم " يستغبى . . انا : جب جب . . المهم روح اشتر كاكاو حق الولد . . مروان : حد قالج اني ملزوم فيج انا : مروان عاد لاتخون . ." ابتسمت بخبث " ترا بخون . . مروان فاج عينه : ايه لا تهددين سمعتي . . وليد : شو زاخه عليك انا ابتسم :اقووول . . مروان : قسم بالله اصمج بطراق اعلق راسج بدال اللوحه اهناك . . انا : ههههههههههههههههههههههه عيل روح اشترله .. مروان : مستعيل مستعيل . . دوريلج حد غيري . . وطلع بسرعه وصك الباب . . يايه بلحقه بس وليد زخ جتفي وانصدمت من الحركه وليد : ايه ايه وين رايحه انتي . . سيف : نزل ايدك . . وليد حس ع روحه ونزل ايده . . سيف يطالعني من فوق لين تحت باحتقار وتعداني وبطل الباب فويهي وطلع . . . . . |
ممممشكوووره على البارت نتريا التكمله ^^ تقبلي مروري |
تسلمين ع البارت غلايه وبانتظار الي بعده ^^ |
هههههه يضحكني ولييد حلوه شخصيته وسلمتي ع البآأرت يعطييج العآأفيه ونتريآأ الي بعده ^^ |
| الساعة الآن 11:25 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir