في قسم خليفه ..
الساعه 4 وربع ..

القوافــــي باسمك اتغنت *** مايمـــــوت الشعر يحيابك
منك مامـــــــلت ولا كلت *** دام تسكن صـــفحة اكتابك

ميثه : ها حبيبي وصلتهم
خليفه :هيه غناتي .. والله اسميييني مدووخ هلكان والله ..
ميثه :لانك متعود هالوقت دومك راقد يله حط راسك لين الساعه 6 ..
خليفه :ان شاء الله عممري بس بخبرج شي ..
ميثه : خيير ان شاء الله ..
خليفه : ام انا انا ...
ميثه : حبيبي انته شو شو بلاك روعتنيه
خليفه : بساااافر ..
ميثه : ريلي على ريلك ..
خليفه وهو يلوي عليها : ههههههههه فديت روحج انا .. حبيبي اول شي انتي حامل وهب زينه لج الطياره وثاني شي انا بسير ثلاث ايام وبرد عنا اجتماع اهناك مال الشركه مالتنا بنعرض عليهم مشروعنا في استراليا وبنرد ..
ميثه :بعد استراليا .. لا ماشي سيره .. ماباك اتسير ..
خليفه : حبيبي انا اللي مسوي هالمشروع ولازم انا اكون موجود ومديري وبعض رؤساء الاقسام .. والله انيه مابتاخر ثلاث ايام بس .. حبيبي والله انيه احبببببج بس شسوي ..
ميثه : ومتى السفر ان شاء الله ..
خليفه : باجر المغرب ان شاء الله ..
ميثه : خلاص غناتي ربي يحفظك ان شاء الله بس مثل ماوعدتني 3 ايااااام وبس ..
خليفه :هههههههه والله بس ثلاث ايام ..
ميثه : انزين خلاص ..
خليفه :تعالي ..
ميثه : هههههههههه ...شو تبا .
خليفه : اباج تحظنييييييني واتبوسيني 300 بوسه ..
ميثه وهي ادور عيونها : هااااااااااااااااا
خليفه :هههههههههه هيه عن كل يوم انا فيه محد 100 بوسه . ولو سمحتي ماشي اقصاد ..
ميثه :واشعنه انا اللي ابوسك وانته ماتبوسني .
خليفه : ثرج انتي اتخليييييييني ..
ميثه : هههههههههه احبببببببببك ياناس والله انيه احببببببببه ..
خليفه نش ووقف على الشبريه : اموووووووووووووووووووووووووووووووووووووووووت فيها يانااااااااس صدقووووووووووووني ورد مره ثانيه لوى عليها وتم يغلس عليها ..وخلاف رقد ..

في العين ..
بيت بو حمد الفلاحي ..
غضت عيونك ولا غضت *** عين من حبك وهاذابــك
انته يلي روحك اتــــهنت *** يامتى روحي اتـــهنابــك
الـــــــــجرواح كلها حنت *** ظاميه تبكي على بابـــك
تخــــــفي الاسرار مادلت *** هايمه نفسي وتـــشقابك
ماعرفت وكيف لك اثـبت *** حبي اللي ماقوى اعتابك
شافتك عيني وثم ســمت *** لو شحيح الـــحظ مايابك
حمد هالوقت كان قاعد ايحط اثايبه عسبة انه بيروح بوظبي وفكره كله عند نوف .. وحدرت عليه ام حمد ..
ام حمد : يعلني افداك يابويه .. شو بلاك هالاسبوع متغير واحسبك تعبان ..
حمد : لا امايه يعلني افداج مافييه شي ..
ام حمد : يابويه اشعنه ماتي وادوام اهني ويا اخوانك في شركات ومعارض ابوك الحمد لله يابويه ابوك ماعليه اقصيره وانته تتغرب عنا وماتينا الا بالاربعاء وتروح الجمعه ..
حمد : يااماايه عيني من الله خير الدوام لله .. وبعدين انا ابا اعتمد على نفسيه .. بسوي نفس اللي ابويه سواه .. خلي بس شركتيه اللي في بوظبي تكبر صدقيني صدقيني يامايه .. لانقلها عسب خاطر اعيونج العين وحبها على راسها ..
ام حمد : رضا الله عليك ياولديه .. تباني اساعدك في حايه ..
حمد : لا امايه روحي انا اعرف انه الصاله الحينه متروسه حريم ابرايج روحي عندهن وانا ان شاء الله بظوي بوظبي الحينه ..
ام حمد : اتحمل على عمرك ياولديه ..
حمد : ان شاء الله يامايه .. وحبها على راسها وراحت عنه .. وكمل ترتيب اغراضه وهو طول الوقت يفكر في نوف وجمالها ورقتها ومستحاها ويذكر الموقف اللي صار وياها ياربي ياربي شو سوتبيه هالبنيه .. يالله محلاتها يالبييييييييه ياقلبيه .. ليش هالبنت غيير غيير خلونا نرمس عنه شويه ونعرفكم عليه .. حمد الفلاحي .. ريال من العين عمره 26 سنه مزيون و جمال هل بوفلاح كله فيه طول بعرض بهيبه بمنصب .. ابوه من شيوخ بوفلاح .. وهو عنده شركه في بوظبي ويسير حق هله بالاربعاء ويرد بوظبي بالجمعه ..

يوم السبت
الساعه 4 العصر ..
في قسم خليفه ..
ميثه كانت قاعده اتحط اثياب خليفه واجهزله كل اللي هو يباه وهو كان توه ظاهر من الحمام الله يعزكم ..
وكانت متفقه وياه انها اتروح اتبات عند هلها لانها ماتقدر تيلس في الببيت من دونه ..وظهر وبدل اثيابه ولبس قميص لونه رصاصي وبنطلون لونه ابيض ..
ميثه :اشعنه تلبس من الحينه طيارتك الساعه 7 . وانته بتروح المطار الساعه 6 ..
خليفه : وانتي اشعنه ماتلبستي
ميثه : اتلبس اشعنه غناتي اتلبس وين بروح بيتكم امايه بروح بشيلتيه عادي ..
خليفه : بتظهرين معايه حبيبي بنروح نتمشى لين خمس ونص وخلاف بنزلج بيتكم ..
ميثه : فديتك حبيبي لا تعب عمرك ارتاح شويه ..
خليفه : عيوووني انا مابا اسمع منج هالكلام انا ماعرف كيف بستحمل انيه ايلس من دونج ..
ميثه واونها اتحاول اتقوي نفسها عسب اتقويه معاها : لا حبيبي الا هن 3 ايا م ..
خليفه : يله ماعليه بنصببببر ..
ميثه : ههههههه .. وراحت ميثه اتلبست بسرعه وحطت ميك اب خفيف على السريع وركبت مع ريلها وقعدوا ايحطووون على الكورنيش .. وخلاف عالساعه خمس ونص وصلوا البيت ووقف سيارته جدام باب بيتهم ..
خليفه : حبيبي توعديني انج تتحملين على عمرج ..
ميثه وخلاص واصله حدها : اوعدك حبيبي ..
خليفه : غناتي والله انيه هب متاخر عليج والله لارد لج باسرع وقت ..
ميثه : الله يوفقك ان شاء الله ..
خليفه وهو ماسك ايديها وقاعد يطالعها : اتحبيييييني
ميثه :اموووووت فيك هب بس احبك .. اني ماعشت الحب الا فيك انته ..
خليفه : وانا ماهوى قلبي الا قلبج ..
ميثه : يله حبيبي روح عن لا تتاخر ..
خليفه وهو ماسك ايديها ويبوسها على ايديها : بتووووولهه عليج وعلى ولدييييييه واااايد .شو تبيني ايبلج من اهناك
ميثه : شي واحد ..
خليفه : واللي هوه ..
ميثه : سلامتك .. وبس ..
خليفه : يعلني افدا روحج وبييب حق حبيبي اللي اهنيه وحط ايديه على بطنها ..
ميثه : ههههههه هب اتيب لبس اولاد ولا اتيب لبس بنات .. بس هات شي يلبس الاولاد والبنات ..
خليفه : يعلني افدااااااااا روحج وروحه انا ..
ميثه :حبيبي بتتاخر استوت الساعه 6 الا ربع ..
خليفه : خلاص غناتي سلمي على قوم امج ..
ميثه : ان شاء الله سلامن يبلغ ...
خليفه :ميثااااني .
ميثه :لبيه
خليفه مسكها باسها على راسها : وانا وين بوستيه ..
ميثه :امواااااااااه ..
خلاص اهنيه ميثه ماقدرت تمسك عمرها حطت غشوتها على ويهها : ربي يحفظك ..ونزلت عنه هو حس فيها بس سكت .. وراح المطار ..عند رببعه وخلاف بيي واحد من الشباب وبييب سيارته عند بيتهم ..
دشت ميثه البيت وشافت هزاع وشمه وطبعا العيون متروسه ادموع ..
ميثه : السلام عليكم..
وراحت سيده حجرتها ..
هزاع وهو ناش بيروح صوبها : شو بلاها .
شمه : خليفه سافر اليوم وبيرد يوم الثلاثاء ان شاء الله ..
هزاع : ياويييييييلي على هالحب انا ..
شمه : واايه ريلها واذا ماحبت ريلها امنوه بتحب ..
هزاع :ااااااه يالحب ..
شمه :انقلع انقلع ياويهك ههههههه ..
وراحت عنه عند ميثه عسب اتهديها لانه هب زين الصياح عليها وايد ..

روح وسافر بس توعدني تجيني *** وانت سالم لللي ينطر مرجعك
اما عني روحي وربــــــي يعيني*** الله يعلم كيف حال مودعــــــك
شمه : ميثه امايه فجي الباب ..
ميثه : امايه عقب هب الحينه ..
شمه : يامايه بيروح وبيرد سالم غانم ان شاء الله انتي شو بلاج الحينه عيل انا ياله ابوج ايروح عنيه بالاسابيع والشهور القنص ماقول شي ..
فجت ميثه الباب اعيونها متروسه دموع ..
شمه : لا تسوين بعمرج جذه هب زين لج وللي في بطنج ..
ميثه : ان شاء الله يامايه ان شاء الله ..

في صالة قوم المر ..
نار شوقي فالحشا شبت *** مانطفت والــــــروح تدفابك
ماتلبي لغيرك ولبـــــــت *** يامنــــــــادي قلبي اسرابك

كلمات الشيخ : هزاع بن سلطان بن زايد ال نهيان ..

رن تلفون الصاله ورد هزاع على التلفون .. ومن شاف رقم بيتكم خاله ين اينوووونه ..
هزاع : ..
روضه : اف اف يله باي .. ههههههه ..
هزاع :ماعليه يامسودة الويهه .. بتشردين ماشي شررده ماشي ..
روضه : ههههههه شحالك
هزاع : والله انيه ابخير انتي اشحالج حبيبي
روضه : هزاعوه والله لاارقع السماعه في ويهك .. عن قلة الادب ..
هزاع : الله وكبببببببر .. الله وكبببببببر انا الحينه استويت قلييييييييل ادب ..
روضه :هيييييييه ..
هزاع : عادي كيفي .. اقولج زهبي شنطج باجر بني نشلج ..
روضه : اشعننننننه ابويه ياين تشترون ذبييييحه
هزاع :ههههههههههههااااااااي . احلا ذبيحه اسميني باكلج اكل امم ..
روضه : احلف انتته بس احلف .. عن الاستعباط عطني ميثوه ..
هزاع : اششششششششد مسرع ماوصلج الرويتر ..ميثوه في الحجره اتصيح .
روضه وهي ميته من الروع : اووووووونه احلف اشعننننننننننه
هزاع : تتدلع تبا ريلها من ويبن انيب ريلها
روضه : مالت عليك انته ثرك بدون احساس ..
هزاع : اشعنه انتي اللي يحبج ايتم احساس فيه الاحساس كله ايروح صوبج ولج ..
روضه :امحق ليل ..
هزاع : رواضي يوم بسافر عنج بتصيحين عليه ..
روضه :هأ هأ ولا بيطريلي اصيح على منوه عليك انته بن عروه ..
هزاع : هههههههههههااااااااي ماعليه ماعليه .. انتي اشعنه متصله بيتنا مانوصل طلببيات اللي يبانا ايينا
روضه : هازاعوه ..روح بيع طماط على شارع الامارات يله باي ...
هزاع : اوكيييييه بروح ابيع .. بس بسويلج بسطه صغيره حذالي تعالي بيعي بصل ..
روضه : انقلللللللع ... باي .وسكرت في ويهه . وهي ميته من الضحك ..
هزاع وهو يمسح على ويهه : اااااخ هاذا من اولها ماشي احترام ههههههه اموت فيها والله والله ..

انتهى الجزء ..
الجزء الخامس والثلاثون

من اشواقي عليك الخاطر ايدينك *** مشاعر صادقه وهاذي براهيني
افكر فيك من طيبك ومن زيــــنك *** ياعذب صوت في سمعي يسليني

الثلاثاء
الساعه 10 مساءا
في بيت فاضل القبيسي ..
عزه وميثه ونوف وشيخه وعاشه وعفراء وبناتها كانوا يالسين في الصاله ايسولفون ويتريون سعيد اللي راح اييب خليفه من المطار ..مهره كانت على ريول ميثه ..وعزه كانت تتطالع الاخبار ..
شيخه :ميثه نزليها عنج عن لا ترفسج في بطنج .. شيطانه ثرها ..
ميثه :شويخ انتي مالج خص انا وهي نصافا ههههههه حليلها هاي وين اتعرف اتشوت ولا حتى شاتت شوتتها ماتسوي شي .. وخلاف يلستها على ريلها واتشرلها اضربيه اضربيه وجانها بنت لا تضربينها بترابعج ..
شيخه :هههههههه انا ماليه خص عيل اتقاضن انتن الهنتين ..
عاشه : انتوا ماجفتوا محمداني ولد هادف شقايل ايمووت فيها اقولج نحن قاعدين انا وامه قابضنا ميسه ميسه .. ماماتي انسير عند ميسه
ميثه :فديييييييته ولديه هاه ..هههههههه والله كله ولا يوم عرسيه ..
نوف :انتي كلهم اعيالج.. هههههههه .. عادي ماماتهم الثانيه قصديه الدادا ..
ميثه :يعلني افداهم .. كتاكيييييت والله انهم كتاكيييت ..وتمت اتبوس مهاري الصغيره .. وشويه بدشة سعيد وخليفه ..
خليفه :السلاااااام عليكم ..
سعيد : هووود هووووود ..
نشت ميثه من مكانها وهي شاله مهره ماقدرت انها تم يالسه شوقها كان له اقوى عنها ..
الكل : وعليكم السلام ..
راح خليفه اول شي صوب امه وسلم عليها وحبها على راسها ..
عزه :حبيت الكعبه ياولديه .. الحمد لله على سلامتك ...
خليفه : الله يسلمج .. وخلاف خطف عليهن كلهن وسلم عليهن ووايهه نوف وبنات اخوه وخلاف يوم وصل عند ميثه وايهها ..
ميثه :الحمد لله على سلامتك ..
خليفه : الله يسلمج غناتي..
وخلاف يلست ميثه ..
خليفه : هااااااه هاااااه اشعنه يلستي قوم اباج في سالفه .. وايه بنت منوه هالحلوه
سعيد : بنتيه انا ابوها هههههههه ..
عفراء : وانا حرمة عمها ههههههه
خليفه : احلفوا توني اعرررررف هههههه وشلها عن ميثه مهاري مهاري .. وتم يناغيها وهي تضحك..
عزه : جفتها كاشخه حق عمها تتري عمها يوصل ...
خليفه :فديييييييييت يدووووه انا يدوووه وخلاف عطاها ابوها ومسك ميثه من ايدينها ..
خليفه : يله انرووووح ..
ميثه وهي ويهها محمر ومنزله اعيونها : انزين . يله سمحوليه ..
عزه : مسموحه يابنتيه سيري عند ريلج ..
نوف : خلوف ميت من الولهه ..
خليفه : يااااااااله متخبببببببل ..
ميثه : اخوكم مول بايعنها ههههههه ..
خليفه : يله انزين انسير .. انسير
وراحوا ويوم وصلوا عند الدري طبعا دري بيتهم كان له مثل الغرفه الخاصه يدخلونها ويحصلون الدري ويركبون ..
خليفه : اشعنه تركبين
ميثه وهي معقده حياتها : شسوي
خليفه : انا بخبرج شو اتسويييييين .. وخلاف شلها وركب الدري وهي قافطه انه حد ايجوفهم بس منوه قال انه خليفه بيسوي حق حد احساب .. اللي في راسه بيسويه وصدق سواه وتم شالنها لين ماوصلوا قسمهم ..وحدر خليفه القسم وشاف الشموع مولعه والورود المنثوره على الفراش والليت اللي كان عاطي الغرفه جو رومانسي ولا ارووووع .. وتم يطالعها طبعا هالشي ماكان غريب على خليفه لانه ميثه دوم اتسوي جيه بس هالمره غير كان اكثر عن قبل ...
ميثه : ههههه ..
خليفه : سكتي لا تتكلمين انا متولهه بموت بتخببببببل من الوله ماروم ماروم دقيقه انا ماروم اصبر عنج ثانيه وحده انا ماروم انيه اصبر بلياج .. وتم لاوي عليها.. وماخلا كلمة عاشق ماقالها اياها ..وخلاف تمت الخدامه ادق الباب ...
الخدامه : مااااااااما ...
خليفه : اااااااف وقتتتتتج ..
ميثه : هههههههه اصص هاه ماماااا ..
الخدامه : هاذا في شنطه مال بابا .. برع ..
خليفه : انزين خليها عند الباب انقلعي ..
الخدامه :جييييين ..
ميثه :ههههههههههههاااااي ..
خليفه : والله شو تبا هاي ام السعف الليف . فدييييييتج والله انيه متولهه عليج ..
ميثه : انزين حبيبي انته يوعان
خليفه : لا غناتي هب يوعان انا متعشي في الطياره وشبعان .. انا يوعان شوووق يوعان ولهه يوعان حنااااااااان ..
ميثه : امم والمطلوب انيه اشبعك ..
خليفه : هيييه نعم ..
ميثه مسكته وحطت راسه في حظنها وتمت تمسح ايديها في شعره. وخلاف ظهر خليفه شل الشنط .. ويابهم داخل .. وتوه بيفتح الشنط .
ميثه : اشعنه تفتحهم خلهم باجر ..
خليفه : لا براويج الحييييييييييينه شو خذتلج وخذت حق النونو ..
ميثه : لا هب الحينه انته روح اتسبح الحينه وارقد وباجر من اصبح افلح يله حبيبي ..
خليفه : ان شاء الله حياتي ..
ميثه : فدييييت الله يسمع الكلام ..
خليفه : فدييييت روووحج انا فدييييتج ..
وراح خليفه الله يعزكم الحمام يتسبح وخلاف راحت ميثه واتلبست واتعدلت حق ريلها طبعا غير عن التعديل اللي كانت متعدلتنه قبل له ..

زهور الحب ياعمري بساتينك *** ياجمل ورد وردك غاية اسنيني ..
سويسرا
الساعه11 صباحا بتوقيت سويسرا
في وحده من الحدايق ..
يابر كان قاعد يتمشى مع ريسه وحاط ايديه في ايديها وكان لابس بنطلون جيشي وتيشرت لونه عنابي في خطوط باللون الجيشي وريسه كانت لابسه سكارف وعباه .. وقعدوا يتمشون وخلاف ركبوا الاالعاب اللي هناك ويسلوا يلعبون ..
ريسه :اف تعبت انا من المشي بيلس اهنيه وقعدت على الكرسي .. وخلاف يا يابر وقعد حذالها .. وهالوقت المكان اللي هم كانوا قاعدين فيه ماكان فيه ولا حد ..
يابر: فدييييييييت هالويهه انا محلاه . مستانسه حبيبتي
ريسه : انا عمري مافكرت مجرد تفكير اني بستانس نص هالوناسه الا وياك ..
يابر: فدييييييييتج ياغناتي ..
ابتسمت ريسه ونزلت اعيونها في الارض ...
يابر: اونه لين الحييييييين تستحين مني .
ريسه :ههههههه ..
وخلاف نش يابر وسار قطع ورده وحطالها اياها في شعرها ..
يابر: يااحلا ورده فالهدنيا ..
ريسه : لا والله يود وردتك خلني اعدل شيلتيه اجوف بنات يتمشن يايات صوبنا ..واتحجبت ريسه وقعدت ..وخلاف اتقربن البنات منهم وطبعا يابر كان لاصق في ريسه على الكرسي .. وكانن ثلاث بنات واللي على الطرف خطفت حذال الكرسي اللي كانوا قاعدين فيه .. صدوا البنات عليهم يطالعونهم ويابر كان يطالع ريسه وهي تتطالعه .خطفن من حذالهم لين ماوصلن عند الزاويه عكسن البنات مشيتهن وردن صوب قوم يابر وريسه ..
ريسه : هذيله يستبلهن ولا شوووووو
يابر: شوتبيبهن خليهن ينقعن .. مالت على ويوهن خله يحترمن عمارهن طالعي شو ملبسات ..
ويوم وصلن البنات عدالهم ..
البنت : انته يابر القبيسي
ريسه :شووووووووو
البنت : ارمسك انا ..
يابر: هيه انا يابر خيير انتي امنوه
البنت : هييييييه انته ماتعرفنيه بس انا اعرفك ..
ريسه : اوكيه انقلعي ..
البنت : انتي منوه
يابر: حرمتييييييييه ..يله فارقي .. فرقاج عيد ..مسودة الويهه لا حيا ولاحشميييييه .. انقلعي لانيه ماتنزل انيه اوقف مع اشكالكن ..
وراحت البنت وهي قاافطه وتمن ياوقعنها البنات اللي معاها ..
ريسه وهي معصبه : جووووووووووف شو اللي يستووووووي ..
يابر: حبيبتي والله انيه ماعرفها والله ..
ريسه : يوم كنت اقولك ماتمت بنت ماعرفتتتتتك ..
يابر: انزين انا ماليه خص ..
ريسه :انزين انزين خلاص خلنا انرد الفندق ..
يابر: حبيبي انا ماباج تزعلين والله العظيم انيه احبج ولاافكر في حد غيرج .. وقسم بالله ..
ريسه : خلاااااااااااص عاد خلنا انرد ...
يابر: ان شاء الله .. وتم يابر طول الطريق يراضيها لين ماوصلوا الشيراتون .. اللي كانوا حاجزين فيه ..

الساعه 5 العصر
بيت فاضل القبيسي ...

قبل احبك واشوفك كل شي كان عادي *** كل شي بعيني كنت مرخـص بـشانه
بك عرفت المحبه وصار قلبك بلادي *** ومن سكن في خفوقك به يلاقي كيانه

خليفه كان نازل وكانت وراه ميثه شالتله دبة ماي صغيرونه لانه كان بيروح يمشي على الكورنيش ..كان لابس بنطلون اسود وتيشرت رصاصي ... طبعا خليفه كان عليه هاللببس جنان بسبب جسمه الرياضي ...وكان رافع شعره بالنظاره .ونزلوا هم الاثنينه تحت وحصلوا عزه مع فاضل مع عفراء وبناتها واليازيه وعاشه ومديه ونوف ...
ميثه وخليفه : السلام عليكم ..
الكل : وعليكم السلام ..
خليفه :العرب كلهم اهنييييييه ..
ميثه :هاه مديه وينه ولديه .
مديه : ولدج حاطينه في السيكل ويدزونه خاري ..وفضولي وياه في العربانه ..
ميثه :ههههههه فديتهم .. فضولي خاري
عاشه : هيه خليت الخدامه اتحطه في العربانه وادزه .. وهو مستانس اول مره يظهر خاري ..
ميثه : ياربي فديييييييته ..بسير اجوفهم
خليفه :ها فاضل شوهباتك اليوم
فاضل : والله ابخير وسهاله ...
خليفه :يعلني افدا روحك عساه دوم ..
عزه :وين ساير .
خليفه : ساير اربع على الكورنيش بتييييين ..
موزه ونوره : هيييييييييييييييه نحن بني ..
عفراء : هييه عاده خلكن انتن الهنتين من دق دبله قلتوا نحن قبله ..
نوف : ههههههههه ...
عزه : لا لا شو يوديني وياك ..
خليفه :ههههههههه .. يله انزين ماعليه وظهر وظهرت وراه ميثه راح صوب سيارته وشغل سيارته ووقفت ميثه حذال بابه ..
ميثه : يود هاي دبتك .. واتحمل على عمرك انزيييين .
خليفه :ليش اتخافين عليه ..
ميثه :هييييه اخاف عليك ..
خليفه :ليش يوم انا سافرت يلستي اتصيحييييييين
ميثه وهي منصدمه: شوووو منوه قص عليك ..
خليفه : اللي قالي مايعرف ايقص عليه ..
ميثه : لا والله ..
خليفه :هيه نعم .. حبيبي الحينه انا عندج انا ماباج اتصيحين ولا تجهدين عمرج انتي حامل انتي شاله اعز شي في هالدنيا وبعدين انا اخاف عليج واحبج وحبج اللي في قلبيه ياميثاني والله انه ماله احدود .. حب تعدى هالمجره بكبرها ..
ميثه :فديتك ياحبيبي خلاص اوعدك انيه ماصيح مره ثانيه بس توعدني انك ماتخليني مره ثانيه ..
خليفه : وعد .. ياعمرري
ميثه :فديييت قلبيه انا يله حبيبي روح عن لا تتاخر ..
خليفه : اول شي عطيييني بوسه ..
ميثه : لا هب عاطتنك وين اعطيك جوف البشاكير واحد ساير والثاني راد لا لا ..نوووو . روح يوم بتي بعطيك ..
خليفه : والله انيه هب متحرك لين ماتعطيني يله بسرعه بسرعه اقولج وتم ياشر بصبعه على خده ..
ميثه : اننننااااااه .. هب معطتنك ومشت بسرعه صوب الصاله ومن بعيد تمت اتعيب عليه واتظهرله لسانها وتمت تضحك ودشت الصاله ...
خليفه : ماعليه والله اراويج .
وراح وراها الصاله جافها قاعده حذال نوف وميته من الضحك ..
عزه :هاه مارحت ..
خليفه : لا الحينه بروح.. تعالي احسللللج ..
ميثه : روح ياخي شو تبا هههههههه ..
خليفه : جوفي بالزييين تعالي ..
فاضل : شو تبابها البنيه خلها ..
خليفه :فاضل حرمتك حذالك ..تعالي اقولج ..
فاضل : مسود الويهه ..
خليفه : السموحه منكم الشيووووخ .
ميثه :هههههههههه انزين هاه ييت شو تبا يالقذااااا .مسكها خليفه من ايديها..وودها لين عند سيارته وركب وتمت واقفه حذاله تطالعه وميته من الضحك عليه ..
خليفه :بوسيني احسلج .
ميثه : هههههههههه انزين هاه . وباسته ..
خليفه : اتحرا . وتم ماسك ايديها والله انيه احبج والله والله فديت قمر حياتي محلاتها فديتها ياربيييييه ..
وشويه بدشة حرمه هي ويا بنتها عليهم ..
ام حمده : السلام عليكم ..
ميثه : وعليج السلام والرحمه ..
وراحن ام حمده وحمده صوب ميثه ووياهنها ..
ميثه : حياكن الله اقربن اقربن ..
ام حمده : انتي نوف
ميثه : لا فديتج انا هب نوف انا حرمة اخوها ..
ام حمده :العروس
ميثه : لا الغاليه هب العروس انا حرمة خليفه ..
ام حمده : هيه ماشاء الله .. وعمتج عيل وينها ..
ميثه : امايه عزه في الصاله حياكن اقربن .. وراحت وياهن ميثه عسب ادخلهن الصاله ..
مشت حمده وياامها ورا ميثه وخليفه كان ايشغل سيارته وتوه بيبند الباب لفت حمده ويها تتطالع منوه اللي قاعد في البورش البيضا ويوم صدت جافت خليفه وتمت منصدممممه وااقفه ..وخليفه يوم جافها ماعطاها ويهه سكر الباب في ويهها وهي تتطالعه وحرك سيارته وظهر من البيت ..

في الصاله ..
ميثه : امايه عرب ياينا ..
عزه : حياااهم الله ..
ام حمده : السلام عليكم ..
الييازيه وهي تصاصر عفراء : الله لا كان ياب الغلا ..
الكل : وعليكم السلام والرحمه .. ونش فاضل وظهر من عندهم ...
وصدت نوف على ميثه اللي يت وقعدت حذالها وتمت اتحيس بوزها ..
عزه : مرحبا السااااع بمن يانا حياكن اتفضلن اتفضلن ..
ام حمده : دام فضلج يالغاليه ..
عزه :وشحالكم واعلومكم ربكم الا بخير
ام حمده : بخير الحمد لله انتوا شخباركوو وعيالج شخبارهم
عزه : بخير وسهاله .. كلهم ابخير ..
ام حمده : يعلني افداها حرمة ولدج شافتنا من برع وجابتنا لهنييه ..
عزه : هيه يعلني افداها هاي ميثه حرمة خليفه ..
ام حمده : ماشاء ماشاء الله عليها ..
حمده : شحالج نووف
نوف : بخير يسرج الحال انتي اشحالج
حمده : والله الحمد لله ..
وتموا قاعدين عندهم اشويه واتفاولوا وخلاف قعدوا لين عقب اذان المغرب وصلوا وظهروا عنهم ..
عفراء : هاي شو يايبنها ..
اليازيه : يايه حق القيل والقال ..
عزه :الله يعينا ..
ميثه : شو سالفتها منوه هاي
عزه : هاي وحده حذال بيتنا في ليوا مغربيه ريلها قبيسي ومتوفي عنها .. وماعندها غير هالبنت اللي وين ماسارت ودتها وياها لا حشمه ولا ستر ...
نوف : عافان الله ..
موزه : هاي حمده كانت ويانا كنت انا اول ثنوي وهي كانت ثالث ثنوي .. والله سمعتها خرى في المدرسه ..
عفراء : اسكتي لا تتطرين العرب .. الله يستر علينا .. ان شاء الله ..
ميثه : اميين ..
اليازيه : طبعا ابوها متوفي وامها مغربيه وماتروم عليها ..
عزه : بالعكس في وايد امهات مغربيات ومربيات بناتهم احسن تربيه عالحشمه والستر ... بس اختلاف التربيات في كل مكان ..
عاشه : هيه والله صدقتي يامايه ..
مديه : هاك اليوم كانوا يايين اهنيه وكنا انا وهادف تونا بنظهر كنت حامل في محمد وبحلقت اعيونها في هادف ماطاعت اتشل اعيونها ..
ميثه : هيه شكلها جيه يوم شافت خليفه تمت واقفه تتطالعه .. تتحراه بيطالعها عنده اللي ساده اعيونه مالت عليها ...
عقب صلاة العشا راحت نوف مع ميثه بيتهم تيلس شويه مع امها وراحت نوف معاها ..تموا قااعدين عند شمه وخلاف ظهروا عنها وهم ظاهرين ..
شفت ريم ياملا مـــاله مثـــــــيل *** سيد الخفرات يمشي باعتدال
به جمال الكون في وقت الاصيل *** تاه فكري والعقل وياه شــال
ياحلات الزين لي منه يمــــــــيل *** غرنجي ياحلا منه الــــــدلال
صابني في القلب وادعاني عليل *** من عيون دعج ترمي بالنبال

نوف : هااااااااه لاااااااا. واتغشت بسرعه ..
ميثه : شووووو
نوف : هاذا اللي لحقني يوم كنت رايحه اتحنا الله يخسه لين الحينه يدور صوب بيتنا ..
ميثه : اونه قولي والله وحطت ميثه غشوتها على ويهها .. ومشن بسرعه .. ودخلن البيت ونوف ميته من الروع وخلاف يا حمد ووقف سيارته ودخل الخيمه .. اللي كانوا قاعدين فيها خليفه وسعيد وزايد ونهيان وربعهم .. وعيال عمهم..
حمد : السلام عليكم ..
الكل : وعليكم السلام .. والرحمه ..
زايد : حياك اقرب اقرب ..
حمد : جررررريب .. بغيت اتخبركم بيت مايد المنصوري وين
نهيان : والله ماعرف الغالي وصد نهيان على قوم خليفه حد ايعرفه ..
خليفه : لا الشيخ اشعنه انته ماتدله وين .. ليش هو وين قالك ..
حمد : بين الجسرين ..
خليفه : يمكن اللي صوب الجمعيه ..
حمد : هيه وين الجمعيه ظنتيه في هاك الصوب ..
ووصفله خليفه مكان الجمعيه وطبعا الرياييل ماخلوا حمد يروح و حلفوا عليه انه يشرب عندهم فنيان اقهوه ..

في الصاله

دشن ميثه ونوف ماحصلن حد يالس في الصاله ...
نوف وهي اتصيح : ميثوه اخاف يمشكلنيه والله انتي ماتعرفين شباب هالايام عادي ايقول هاذا بيت قوم اربيعتيه .. اتخيلي شو اللي بيستوي فيني ..
ميثه : نوافه حبيبي انتي اشعنه متروعه لا تتروعين ايهبي مايروم ايسوي شي ..
نوف : ميثوه هو حدر الخيمه عند اخواني يمكن قالهم شي ...
ميثه : لا قالهم شي والله لا الله قاله لا تخافين يمكن يخطبج ..
نوف : لا اونه يهبي الا هو ماباه ..
ميثه : هههههههههه خلاص خلاص عادي انتي هدي عمررج ..
نوف : خلاص انا مول مابظهر من البيت ..
ميثه :ههههههههه حشا يابوج مايسوى عليج ..

فليل الساعه 11
بيت فاضل القبيسي ..
قسم خليفه ..

احبك كلمه ابقلبي تحبك ***غرامن ماقوى صدري يشيله
حدر خليفه القسم ماله وسمع التلفون ايرن ..
خليفه : الووو ..
روضه : مرحبا ..
خليفه :هلا .. مرحبتين ..
روضه : شحالك خليفه
خليفه : هلا روضه ابخير وسهاله انتي اعلومج ربج ابخير ..
روضه : ابخير وسهاله ربي يسلمك ..
خليفه : شحالهم ابوج واخوانج ربهم ابخير
روضه : والله يسرك حالهم ..
خليفه :عساه دوم ياربي .
روضه : امييين ... الا ميثه حذالك ..
خليفه : ميثاني مادري والله انا توني ياي حدرت الصاله ماحصلتها يمكن عند نوف اتريي شوي بشوفها وبرد عليج ..
روضه : ان شاء الله ...
وظهر خليفه وراح يدورها راح عند نوف وحصلها قاعده عندها ...
خليفه :السلام عليكم ..
نوف وميثه :وعليك السلام ..
ميثه : فديتك ولد حلال ..
خليفه :اشعنه حبيبي
ميثه :توني اقول اليوم خليفه قايل بيي من وقت جان مايا ..
خليفه :هييييييه .. انزين روضه تباج عالتلفون ..
ميثه : يله يايه ..
وظهر خليفه وظهرت وراه ميثه .وحدروا قسمهم ..
ميثه :مرحبا مرحبا بالشيوخ ..
روضه : وايه يعلنا افدا هالصوت ..
ميثه : افداج هههههههههه . شحالج رويض
روضه :ابخير وسهاله انتي اعلومج ..
ميثه : والله اعلوم الخير ..
روضه : ياويهج اتحرا ريلج محد دام ريلج عندج ابرايج بس بغيت اخبرج اليوم ساروا قوم عمي بطي وابويه ايححدون موعد وياقوم خالتيه صفيه حق ملجة عليا وعبدالله ...
ميثه : اووووونه والله زين زييييين يستاهلون بالبركه ..
روضه : الله يبارك فيج ...
ميثه : ههههههه الفال الكم انتي وهزاع ان شاء الله .
روضه : اه اميييييين ..
ميثه :هههههههههه ..
روضه : هاك اليوم ايقولليه اونه .. باجر نحن بني نشلج زهبي شنطج .. ههههه هاذا اخوج خبله ..
ميثه :هههههههه من زمان توج تتدرين ..
روضه : هاه عند الغلط..
ميثه : انزين انزين يله فارقي ...
روضه : اوكي يله باي ..
ميثه :باي ......

سويسرا ..
الساعه 8 فليل ..
يابر: غنااتي ...
ريسه :لبيه ..
يابر: انتي وييييين
ريسه : اهنيييييه ..
يابر: قوليلي مكانج ..
ريسه : لاوالله تباني اقولك مكاني عسب اتي واتزخنيه لا ياحبيبي دور ..
يابر: اهون عليييييج .. تعبت ..
ريسه :ههههههههه دواك دورنيه عيل لين مايدور راسك ..
يابر: ياويلاااااااه .. اااي ااااااي . الحقي عليييه بمووووووت ..
ريسه وهي تظهر من المكان المنخشه فيه ومتروعه عليه ويت تربع صوبه : هاااااااه هاااااااااه شوفيك ..
يابر: هههههههههههه زخيتج .. بمووووووووت من حبج من شوه بموت يعني ..
ريسه وهي معصبه عليه وشلت المخده اللي كانت في الصاله وفرتها عليه : ماالت على ويهههههههههك انا كككككككم مره اقولك لا تفاول دوووده فيييك هاااااه
يابر: ههههههههههههههههههههههههااااااااااي اي بطني اه اه بموت بس بس طالع شكلج كيف وانتي معصبه ..
ريسه : لا والله مستانس يعني انته فرحان وايد وايد فرحان ..
يابر: ههههههههه انتي اي مكان تنخشين عادي انا ماروم انخش ...
ريسه :اوووووووونه احلف انته بس ..
يابر: هههههههه وغلاتج ..
ريسه : والله يايبور اصطلب عن الحركات عن الغش ..يله عيد من اول ..
يابر: لا لا هب عايد ولا شي قومي يله انسير نتعشى برع ..
ريسه :ا حبيبي هات الاكل من برع وانا بترياك وبنسوي جو رومانسي ..
يابر: ههههههههههه حلفي ...
ريسه : والله لا اسويلك احلا جوو ..
يابر وهو يضرب راسه بيديه ويعض شفايفه : اااااااخ .. من اعيوني وظهر برع من دون نعال . وهي ميته عليه من الضحك .. ويوم وصل عند اللفت نزل اعيونه شاف انه من دون نعال رد مره ثانيه وهي بعدها على حالتها ميته من الضحك عليه ..
يابر وهو معصب ومعقد حياته : لا واللللللللللله ....
ريسه :هههههههههههههههاي بس بس ماقدر ماقدر ..
يابر: واشعنه ماخبرتينيه انيه ابليا انعال ...
ريسه : والله محد قالك انته روحك اللي ظهت جذه ..ههههههههه ...
يابر: وانتي الي يشوفج ويقعد وياج ايتم صاحي ...
ريسه : هههههههاااااااااااااي والله والله اتفطس من الضحك وانته تربع رايح صوب الباب من دون نعال .
يابر وهو يطنز: اهيييي اههههي اونه والله ..اسكتي لا تخليني اقولج شي اخليج اتخرين من الحيا ..
ريسه : لا لا خلاص اسفه اسفه يله روح روح ..
يابر: بووسه ..
ريسه :ان ييت بتنرفس هااااه ..
يابر: وابوووووووكم لا لا بروح اخير ..
ريسه :ربي يحفظظظظظظظظظك . اتحمل على عمرك وان اطالعت حد والله انيه اخش صبيعين من اصبوعي في عيونك ..
يابر: هيييييه خلج انتي عاده المجرمه قرانديزر انا ماخذ .. هب حرمه ..
ريسه وهي تمشي عنه صوب المطبخ : رووح عن التحرطيييييم اسمعك تتحرطم شي قلت ..
يابر: لا ابدا سلامتج .. احببببببببببببج اموووت فيج فديييييييتج ويا صوبها ومسكها من خدها وباسها بوسه قويييه وروح ..

انتهىىىىىىىىى الجزء ..
ظنكم منوه هاي حمده وليش انصدمت يوم شافت خليفه
ظنكم شو بيسوي حمد
الجزء السادس والثلاثون

انا شفتك انا شفتك *** حقيقه وابـــتدى عمري
وحسيت بندم لاني *** قبل شوفك عديم الشوف
للشاعره : مطلع الشمس ..

في بيت غيث الشامسي ..
الساعه 7 المغرب ..
يوم الاربعاء ..

ام حمدان والعنود وساره وشمسه كانوا كلهم قاعدين في الصاله.. دخل عليهم سلطان ..
سلطان :سلم عليييهم ..
الكل : وعليكم السلام ..
ام حمدان :حشا يابويه مابغيت اتنش من الرقاد اعنبوه عبرت الرقاد ..
سلطان : هههههههه ياله محلات الرقاد ..ي
شمسه : اصلا هاذا امبونه بالوعة ارقاد ...عادي عنده لو حتى يرقد يومين ورا بعض ..
سلطان وهو يشل غايه : هاااااي بنت منوووووه ورفعها بيد وحده ..
العنود : اييييييييه ايييييييييييه بنتيه هاي ..شويشوي ..
ام حمدان : غربل الله ابليسك من صبي شويشوي عليها . هاتها هاتها .. هاي يود سويج سيارتك . وعطته سويج سيارته ..
سلطان :لا والله وانتي من وين يبتي سويج سيارتيه ..
ام حمدان : حصلته حذالك .. وشليته . عطيته الدريول وسار يابليه خيشة بصل من الجمعيه انته اتعرف انه سيارتنا في الوكاله ..
سلطان : شووووووو شوووووووو لا والله اقولج اقولج.. شل السويج ورد حطاه في ايديها .. هاااي السياره اصلا انا ماباها اعنبوه هاذيه سيايير اعيالج اتركبين الدريول في سيارتيه الرنج ويخيس السيت بدهااانه اخيييييييييييج .. لا ومركبه خيشة بصصصل عاشوا .. ماباها انا هالسياره لو سمحتي غايه .. يودي هالسياره وعطيها الدريول مالج .. انا ابا سياره يديده ..
ام حمدان : صاااااااء صااااااء اعنبوووك هذرباااااااااااان ..مايوقف ..
العنود وشمسه : ههههههههههههاي ..
سلطان : انطمن انتن لا تضحكن ..
ام حمدان : كيفهن يعلني افداكن اضحكن اضحكن ...
ساره : هههههههههه..
سلطان : قلنا انتي العوده حرمة العود العاقل مالت ..
ساره :هههههههه عليك وعلى ويهك ..
العنود : سلطان عيل ماتباها السياره هاه .
سلطان : هييييه نعم ماباها ..
شمسه : وشو تبا ان شاء الله ..
سلطان وهو يصد صوب ام حمدان : انا في خاطريه رنج كوبي .. ايبونها من المانيا ..بثلاثميه وخمسين ..
ام حمدان : يالقعتيييييييه .. واشعنه عاده
سلطان وهو يعيب على امه : وايه مادري عاده هي اروحها جذه عاده ..جوفوا ترا هي ماتعرف شو هاي الرنج كوبي بس من سمعة سعرها قالت واشعنه عاده .. امايه امايه شو يعني رنج كوبي ..
ام حمدان : مسوووووود الويهه .. رنج عندك كم رنج تبا ..
سلطان : ههههههههه يوم اقولكن ..
العنود : يله يله صااا مسود الويهه اشعنه اتعيب على عمتيه ..
ام حمدان : هيهااااااء بيطي خلوه خلووووه يتحلم ولا يشم ريحتها ..
سلطان : هههههههههههههههه .. عادي ببيع مزرعتج وباخذليه وعقب عاده مول مابعطي حد ويهه ولا بطيحه بيتكم .. وانتن بتن اتصيحن عسب تركبن
ساره : اسفيين نحن مانحدر في احلام اليقظه ..
ام حمدان وهي تتنطز عليه : هيييييه زييين زيييين الشور شورك .. ثره ..
وشوية بدشة ريسه عليهم ..
ريسه : السلاااااااااااااااااااام علييييييييييييييكم .. وربعت صوب امها..
ام حمدان : وااااايه فديييت هالويهه انا يعلني ماخلا منه ..
وراحت ريسه وسلمت على حريم خوانها وعلى سلطان ..
ريسه : اقولكن يابر بيحدر ..
ام حمدان : حياااااه اقرب اقرب ابويه ..
يابر: السلاااااااام عليكم ..
سلطان : واايه فديييت هالويهه يعلني ماخلا منه هههههههههه ..
وتموا كلهم يضحكوووون على سلطان ..
وحدر يابر وحب ام حمدان على راسها وسلم على سلطان ...
يابر: اشحالكن
ساره : بخير ربي يسلمك ..
العنود وشمسه : بخير الحمد لله ..
ام حمدان : اقرب اقرب ياولديييييه ..
يابر: جريب يعلني افداج .. وقعد يابر وقعدت حذاله ريسه ...
ريسه : فدييييييييت غايووتي انا ويلست اتلعوزها وغايه مستانسه ..
ام حمدان : شخباركم واعلوم الدار اللي يتوا منها ربكم استانستوا ..
يابر: والله الحمد لله استانسنا ..
ام حمدان : وشحالهم هلك ربهم ابخير ..
يابر: ابخير وسهاله ..
سلطان : ها يابر شو المزايين اهناك ..
ريسه اتفج اعيونها حق اخوها سلطان : هيهااااااااااء شو اتخربط انته حووووووه .. الريال معرس .
سلطان : وخير ياطير معرس
يابر: ههههههههه لو سمحت انا معرس ..
سلطان :هاااااه كسرووووه السيف يالفضيييحه ااااااااخ وتم يمسح على لحيته ..
يابر: شسوي هههههه .. مابليد حيله ..
ريسه :سلطانووووووه هاه يوز عنه بيستوي ابو الحينه وماله في هالخرابيط ..
العنود : ههههههههههه .. يبا يخرب الناس كلهم شراته ..
سلطان وهو منصدم : شووووووو
ريسه : هييييييه وانته بتستوي خال للمره الثالثه .. وصد سلطان صوب يابر.. وانا دوم ارمسك اشعنه ماخبرتنيه ..
يابر: ههههههههه .. والله انيه قايل حق ريسه اتخبركم .. ونحنا ماعرفنا بالهشي الا قبل لا نرد بيوم واحد
العنود : انا اعرف ..
شمسه : وانا بعد اعرف ..
ساره :ههههههههه ..
ام حمدان : نسينا انخبرررررك ..
سلطان : هيه لازم بتنسيني ..هب منج من الثلاث الكوكباني اللي عندج ..
ام حمدان :ههههههههه ياله والله انه عيوز وسارقين عشاها ..
يابر: ههههههههه ..
سلطان : مبرووووووووك مبروووووووك .. تستاهل بوفاضل ..
يابر: الله يبارك فيك ..
سلطان : مبروزك ام السعف والليف ..
ريسه : ههههههه جب ريلي طالعه ايسبنيه ..
يابر: حووووه لا تغلط . ..
سلطان : انا كمن امره اقولكم يوم بتن اهنيه لا اتقولن ريليه قولن امايه قولن اخوييييييه ..
ام حمدان : مسود الويهه انته اليوم امضيعنه المذهب .. سير سير اتسبح .. مجابل العرب بوزارك وفانيلتك
سلطان : وايه عادي اذا على يابر ياما رقدت جدامه جذه بعد هب بس جابلته ..
يابر: ههههههه حرمتك وانا مادري ...
وتموا ايسولفون لين وقت العشا واتعشوا عندهم وخلاف ردوا يابر وريسه بوظبي ..

في الروح حبه دوم موجود *** يابوي هايم به هيامي
هو غايتي وهو كل مقصود *** وأحن له حن الضوامي

في قسم خليفه ..
الساعه 11 فليل ..
ميثه :حبيبي ..
خليفه :عونك حبيبي ..
ميثه :في خاطريه اروح اتسبح في البحر ..
خليفه :ههههههه رميثيه وين اتيوزين عن البحر ...
ميثه : لا واللللله .. صدق اريد ارووووووووح ..
خليفه :ومتى الحلو يباني اوديه
ميثه :ماعرف على راحتك لو الحينه ..
خليفه :الحيييينه ..
ميثه : همم هيييه ..
خليفه مسك ايديها ووقف جدامها وحط اعيونه في اعيونها : احبببببج اتحبييييييني
ميثه منزله اعيونها : ههههههههههه لا ..
خليفه وهو يرص على ايديها : اشعنننننننننه
ميثه : اااي هههههههه لاني امووووووووت فيييييك ..
خليفه وهو يلوي عليها: فدييييييييت الللي يموت فييييني انا ..وانا بعد احبج وامووووووووت فيج ..
ميثه :انزين بتوديني
خليفه :غناتي انتي ..انوديج ليش مانوديج والحييينه بعد اممره تم على هالخشم ..
ميثه واتحط صبعها السبابه على خشمه : ههههههههه فديته انا .. وشردت عنه لانه هو يتخبل يوم اتسويله هاي الحركه ..
خليفه :هههههههههه تعالي اشعنه شردتي ..
ميثه :اعرفه عوقك ...
خليفه: ههههههه انزين .. اخبرج تراج بتتسبحين بعباتج وشيلتج بعد ..
ميثه قاعده اتحط الاغراض في الكيسه : ان شاء الله .. اني ثنق الس ياقرقوش ..
خليفه :لا بس ..خلاف بنكمل الباقي ..
وراح خليفه صوبها وظهرله بنطلون لين تحت الركب وقميص كت راص على جسمه ولبست ميثه شيلتها وعباتها ونزلوا تحت . وهم نازلين على الدري ..
ميثه :اقولك ماخبرت قوم اخوك يابر جان بييون ويانا ..
خليفه : حبيبي انتي بتتسبحين جدام اخويه . تبيني اذبححج ..
ميثه :ههههههه على الاقل قولهم اذا بييون مابتسبح الحينه باجل السبوح ..
خليفه : انا اريد اروح وياج ماريد حد ويانا يله ..اريد افترس فيج .. هههههه ..
ميثه : هيه تبا اتغرقنيه تفتك منيه ..
حرك خليفه ايديه بحنان على راسها وغمز الها ..وحدروا الصاله ..
ميثه :السلام عليكم ..
نوف وموزه : وعليكم السلام ..
ميثه :بتووووون ويانا ..
نوف : وين ..
ميثه :بنسير شويه البحر ..
نوف : الاااااااه والله اتصدقون في خاطريه ..
موزه :وانا بعد بخاويكم ..
خليفه :يله انزين اتحركن لبسن عبيكن وتعالن ..
نوف : اوكييييه ..
موزه : انا بشاور ابويه وبلبس عباتيه وبييكم ..
ميثه :وينها نواري
موزه : راقده .
ميثه :هيييييه .. انزين وعيها جوفيها جان بتسير يمكن اتحط في خاطرها انا سرنا ولا وديناها ويانا ..
موزه :ان شاء الله وراحت موزه فوق وخبرت ابوها وامها وعلى الدري اتلاقت مع نوف وظهرن من باب المدخل الرئيسي وحصلن سيارة خليفه واقفه وركبن وراحوا البحر ...وصلوا البحر وقف خليفه سيارته ونزلوا من السياره ..
ميثه :ها بتحدرون ويانا
نوف : انتي وين اتحدرين هب زين انا احيد عويش هاك اليوم يوم كانت حامل بفاضل كانت تبا اتحدر وامايه ماخلتها اتقول امايه هب زين ..
خليفه : والله صدق ..
نوف : هييييه ..
خليفه :يله يله ماشي عيل مابتحدريييييين ..
ميثه :هااااااااه خلوف حرام عليك والله انه في خاطريه بعدين هاي كلها سوالف مالت اول .. ومدام الياهل الله حافظنه مابيستوي عليه شي .
نوف : هيه والله ..الرب حافظنه ..
خليفه : لا لا ماشي ..
ميثه : اعنبوه انته اللي دارس في استراليا فكر بالعقل ..
خليفه :ههههههه هيه صح كانن يسبحن الحريم الحمل ..
ميثه وهي معصبه : خلووووووووووف اييييييييه شووووو وانته فاج اعيونك تتطالعهههههن ..
خليفه :ههههههه اوكيه اوكيه خلاص خلاص اسف اسف ..
ميثه :يله تعالوا بنحدر كلنا ارباعه ..
نوف : انا عن نفسي ماروم وانتي تعرفين ليش ..
ميثه :هيه .. وانتي مواز ..
موزه :انا عباتي يديده ماريد اخربها بماي البحر ..
ميثه :وايه وايه .. عالعباه اليديده ابرايكن عيل يلسن ..ههههه
تمن نوف وموزه يالسات على الرمل ودخلوا ميثه وخليفه البحر ..اول مادخلوا البحر تم خليفه لاوي على ميثه وموقفنها جدامه ..
خليفه : احببببببببج ..
ميثه : خلوف استح على ويهك طالع هيله بنيات لااتم اتسوي هالحركات جدامهن ..
خليفه : حرمتيييه كييييفي ..
ميثه :لاوالله ..نش نش وسارت عنه بعيد ورشته بالماي . وتتموا يتراششون بالماي.. ويلعبون بالماي ..
موزه : طالعي والله ماشاء الله عليهم كناري ..
نوف : الله يخليهم لبعض .. يارب ..
موزه :اميييين .. ااه متى بعرس..
نوف : هههههه .. قريب قريب ..
موزه :يسمع من بؤك ربنا ..
نوف :هههههههه ..
وخلاف صدت نوف عليهم شافت خليفه يسبح وميثه طايحه وطافيه على البحر
نوف وهي ميته من الروع : خليييييييفه شو بلاها ميثه طالعهاااااااااااا ..
خليفه : هههههههههه روحها اتسوي جيه عادي .. تسترخي ..
نوف : اعنبوه اتحمل على حرمتك شوووو ..
خليفه :شو ابابها خلها تغرق ..
نشت ميثه ويلست اتلف شعرها اللي ماشاء الله مستوي شرات الذيل وراها ..
ميثه : شو اتقولون .
نوف : يابويه لا اتسوين جذه روعتينا عليج ولا هاذا ريلج ايقول خلها تغرق شو ابابها ..
ميثه :هيه مايباني هووو اصلا . ياويهك ..
راحلها خليفه ومسكها من جتفها وغاص وياها ..
موزه :هيييي وين راحوا ..
نوف : يابويه هيله يايبينا عسب يصرعون اقلوبنا وفجاه ظهروا ...
موزه :ماشاء الله عليها ميثه اتعرف تسبح وتغوص انا لو اموت مارمت اطفي جذه فوق ماي البحر ..
نوف : هيه ماشاء الله هم من يوم هم صغار كله في البحور ..
وخلاف تموا شويه وظهروا من البحر..فرش خليفه على كرسيه وكرسي ميثه الفوده ويلسوا وردوا البيت ولفوا الفوده على عمارهم وحدروا الصاله اللي في قسمهم اما نوف راحت غرفتها ترقد وموزه بعد راحت قسمهم عسب ترقد ...

من عرفتك وقلبي حس باحساس ثانـي *** كنت مدري بــحبي لين فاجأ كيــــــاني
قمت بأسمك انادي بين روحي وفؤادي *** وصار هالكون كله دون شوفتك عتمه
للشاعر : خالد العيسى

في قسم خليفه
الساعه 10 الصبح ..
يوم الخميس
ميثه كانت توها مسكره التلفون .. وخليفه تو ناش من الرقاد ..
خليفه : صباح الخير .. حبيبي ..
ميثه : شو بلاها كشتك ناطره .. ههههههه صباح النور غناتي ..
خليفه : كشتيه هاااااااه هاي كشتيه اربعه وعشرين ساعه انتي حاطه ايديج فيها ..
ميثه :ههههههههه ..
خليفه : حياتي اسمعج اتباركين حق منوه ..
ميثه : كنت ارمس امايه .. ترا قوم امايه في العين وساروا يحددون موعد حق ملجة هزاع وروضه وحددوها عقب ثلاث اسابيع .. ان شاء الله
خليفه : زيييين يستاهلون بالبركه يستاهل حليله هزاع ..
ميثه : يله الله يفرحهم شرات مافرحنا ..
خليفه يطالعها بنظرات : محد ايروم يفرح شرات الفرحه اللي انا فيها لانه مافي غير ميثه وحده فهالدنياااااا اللي قدرت انها اتفرح خليفه .. وتغير كل شي في حياته بحبه الها يعلني ماخلا منج ياعز انسانه فهالوجود واحلا انسانه فهالوجود .. والله انها ياعيني ماكد شافت احلا عنج .. ولااطيب عن قلبج .. فديييييييت ولديه اللي اهنيه واشر على بطنها ... اموااااح احبج والله ..
ميثه تمت تتطالعه وخلاف تمت تضحك ..
خليفه : وايه اشعنه تضحكيين
ميثه : ماعرف استحييييييت ..
خليفه وهو يضرب ايديه براسه :ااااااه يلعني كم بعييييييييييييش .. حبيبي هاتيلي فودتيه .
ميثه : هههههه بسم الله عليك لا تقول جذه غناتي العمر كله ان شاء..
خليفه :فديتك ياحلوو .. وغمز الها .
حدر خليفه الحمام الله يعزكم عسب يتسبح ونشت ميثه وعطته فودته واتريته لين مايخلص عسب تنزل معاه تحت ..


في بيت ام حمده ..
الساعه 12 الظهر ..
حمده كانت قاعده اتكلم اربيعتها وديمه ..
حمده : ودوووووووم شحالج ..
وديمه : بخير انتي اعلومج ..
حمده : والله ياودوم اعلومي ماتسر
وديمه : افا اشعننننننه
حمده : تذكرين هاك اليوم يوم ظهرت البيم ام مالتيه من الوكاله وخلاف رحنا المارينا وقعدنا في ستار بكس وكانوا شباب يمكن سبعه ولا ثمانيه جذه .. اللي اتخبلنا عليهم اللي حطوا علينا وسبونا هذاك اللي انا تمينت ارمس عنه ..اللي كان لابس غتره حمرا ..
وديمه : هيه طبعا اذكره انتي لين الحين بين فتره وفتره تتطرينه واتقولين ياليتني يبت رقمه ..
حمده : هيييييييه هو هاذا ..
وديمه : شو بلاه
حمده :اتصدقين منوه ظهر ..
وديمه :منوه
حمده : ظهر واحد قريب من بيتنا اللي في ليوا واسمه خليفه ومعرس وحرمته حامل وتتدرين شو عنده عنده بورش فورويل وعليها رباااااعي والله انه هاي الصيده ولا بلاش ..
وديمه : وانتي من وين عرفتي هاذا كله
حمده : هاك اليوم رحنا بيتهم وشفته ااه ياودوم ليتج شفتيه كان لابس بنطلون اسود وقميص رصاصي ياله محلات عرضة صدره ياويلي والله العظيم انا ولا مره شفت انسان فهالجمال مزيوووووووون مزيووووووون والله خشمه سيييف وابيضاني وحياته مقرونات رفاع
وديمه : ياوييييييلتااااه اعرف اعرف والله انيه شفت جماله بعيوني مايحتاي توصفين وهذاك اللي خبلبيه اللي كان لابس غتره بيضا واللي يوم نشينا قال اخيرا اللوح حس ..
حمده : هيييه اتذذكرته تتدرين ودوم انا بنسى كل الشباب اللي رقمونا الا هيله .. ياله محلاتهم .. والله العظيم انا حفظت رقم سيارته وبتشوفين شو بسوي ..
وديمه : شو بتسوين ..
حمده : انتي بتشوفين شو بسوي ...
وديمه :حمده لا تتهورين اوكيه نلحق شباب انوسلف وياهم لكن مانتهور ..
حمده : انا هالانسان من اول يوم دش خاطريه ومستحيييييييل اظهره من خاطريه ماقدر ماااااقدر مابستغنى عنه ولا بودره عقب ماحصلته ..
وديمه : الله يخليج واذا اتعرفتي عليه عرفيني على هذاك بوغتره بيضا الله يخليج حمدوه سوي فيني خير
حمده :افا عليج لا يهمج .
وديمه : انزين هو معرس عنده اعيال ... وحرمته حلوه شراته ولا لا ..
حمده : لا ماظنتيه عنده اعيال لانه حرمته حامل ويوم سالتها امايه كم شهر لج قالتلها شهرين ..
وديمه :انزين وحرمته حلوه
حمده :واالله ماقص عليج هيييييه حلوه حلوه وايد وايد بعد ..
وديمه : يعني لايقين على بعض ..
حمده : لا ووووووووووع ..

في بيت فاضل القبيسي
في الصاله ..
الساعه 5 العصر ...

كنت افكر بأني قبلك الحب عرفـــــته *** وان غيرك عشقني واني غيرك عشقته
لين همتك هيامي وفاض فيني غرامي *** ادرك القلب انك في وريده ودمــــــــه
للشاعر : خالد العيسى

ريسه ويابر كانوا قاعدين في الصاله على كرسي واحد وكان لاصق فيها وماسك ايديها يلعب في اصابعها ..
يابر: غناتي وين تبين اتسيرين اليوم ..
ريسه : بقولك بس بسسسس ..
يابر: بس شوه غناتي لبيه امري ادللي قولي اللي تبينه ..
ريسه :واذا قلت مابتواقعني وبتوديني وين ابا ..
يابر: وااايه يالدنيا انتي اتخافين منيه انيه اوااقعج .. ياربيه من وين ظاهره الشمس ..
ريسه :هههههههه جب جب صدقتك عمرك يعني ..
يابر: وانا اقوووووول .. يله انزين خبريني وين تبين اتسيرين ..
ريسه مسكته من ايديه ويلست تلعب بصبوع ايديه الثانيه وشكلهم يضحك كيف كانوا متشبصين في بعض : اريد اريد اروووووح السي السي ي ي ..
يابر: ي ي ي شو بلاج شوش الشريط ...
ريسه : لاااااااااء ..
يابر: عيل
ريسه : اوووه انته منوه ايخاف منك .. اباااااااا اروح السينمااااااا ..
يابر: شووووووووووووو
ريسه :لا لا لا يعني انا انا كان قصدي انه انه ..
يابر واونه عاد معصب : انه شوووووووو
ريسه : انه عادي ..
وخلاف فجت ايديها شلت ايدينها الثانيه من ايديه بقووو..
ريسه : يبور جوف لا تنفخ ريشك عليه ..
يابر: ههههههههههه من اعيوني مره ماطلبتي ... فديييييييت قلبيه انا ..
ريسه :هههههههه ياوييههههههههك روعتنيه .. الااااااااه قول والله والله انك بتودييييني .. فدييييييييت حبيبي فديييييتك..
يابر: عليه الطلاق اني اودييج ..
ريسه وهي معصبه :لااااااااااااا لاااااااااااااااااا تحلف بالطلاق لاااااااااااااااااء..ومسكت المخده وتمت اتفره فيها وتوها بتفج ايدينها من ايديه رص على ايديها ...
يابر: هههههههههه لانيه مستحييييل اسوي هالشي لو على قص رقبتيه ..
ريسه معقده حياتها : ماترووووووم اصلا ..
يابر: اعرررف ..
وخلاف نزلت ميثه ..وراها خليفه على الدري ..
ميثه : ياعييييني ياعييييييييني ..على دلع الحمل ..
يابر: عاشوا يو خراب الدار
ميثه : منوه خراب الدار ياخراب العالم ...
ريس : شو بلاك على بنت ختيه
يابر: افا عليج الشيخه ميثه الرميثي اتفضلي اتفضلي اقربي تعالي بعد اقعدي في نصنا ..
ميثه :لا لا مايحتاااي بقعد حذالك بس الصوب الثاني ويت يلست حذاله على الطرف الثاني بس شويه كانت بعيده عنه ..
ونزل خليفه : لا واللللللللللله
ميثه : هههههههههههه ونشت قعدت على الكرسي الثاني ..
ريسه : اوووونه خليفه اتغار عااادي . حد ايغار من هاذا ..
يابر ايدق ريسه بكوعه : فديت روحج انا .
ريسه : هههههههه انزين انزين ..
وراح خليفه وقعد حذال ميثه وهو ميت عليهم من الضحك ..
ميثه :هاه ايدلعونك هاه ..
يابر: ويييييين الدلع امحق ليل هيه هيه وايد وايد ايدلعوني ..
ريسه :البيبي مالنا شونسوي .. ههههه
يابر: هيه بعدني بيبي توني حادر 23 ..
ريسه : واعلييييييه عنك اتصدق انك كسرت خاطريه عادي وانا بعد توني حادره 19 .. عن الدود هاه
خليفه :حتى انتي عن الدود
ميثه :ههههههههه مورثه علينا هاي الكلمه ..
خليفه : هييييه ثرها جذه السالفه عيل ..
وخلاف نزلت نوف شاله مهره بنت سعيد ووياها شيخه ...
نوف وشيخه : السلام عليكم ..
الكل : وعليكم السلام ..
ريسه : ياربييييييييييه فديت اللي لابس مفصخ انا فديييييته ...
شيخه : اندلعها من الحينه .هههههه ..
ميثه : ثرها هاي كلها اغراءات اليه
وشلها يابر ويلس ايناغيها ويحببها ...
يابروهو حاط على ريله مهره ويطالعها : جوفي ترا خالتج ريسه حامل وبتيب ولد يعني انا اسف مابنيب بنات وان يابت بصف عليها عشرين وحده .. شو رايج يدتيه .. جات اتصيح مهرره ..
ريسه : ماعليه يامسود الويهه هاتها هاتها صاحت حتى ..وشلتها عنه ..
نوف : بننتنا ماتوافق على هالاشيااااااء ..
ميثه : ههههههههه فديت الجمال كله انا .. يالله ماصدق انه الدوام يوم السبت اتصدقون انيه متعايزه اسير ..
ريسه وهي منصدمه : شوووووووووووو
نوف: هيه صدق دواماتكم يوم السبت في التقنيه ..
ريسه : اونه اتصدقون انيه اتحرا السبت الياي ..
نوف : هيله المدارس السبت الياي هب انتوا ..
يابر: وين بتسيرين انتي التقنيه بامر منوه ان شاء الله يله يله تقعدين في البيت ..
ريسه وهي معقده حياتها : شوووو منوه اللي يقعد في البيت نحن متفقين على هالشي . انزيييين ..
ميثه : وانا شاهده وانا بعد رمستك يوم الخطبه قبل لا توافق عليك قلت عادي بخليها اتكممل .هههههه وشهد شاهد عيان ..
يابر يطالع ميثه بغيض : انزين انتي ماعليه ..انزين اعرف اعرف بخليج اتروحين روحي عادي
ريسه : اشوا اتحريت ..
شيخه : عادي نحن متعودين على هاي السوالف اول شي ماشي وخلاف لا عادي .. ايعيبهم ايوترون الاعصاب ..
ونزل سعيد : منوه اللي يوتر الاعصاب ...
يابر: ههههههه انته حرمتك تتطريك..
شيخه : ااه منك ياخراب العالم ..
ميثه : توني اقوله ههههههههه ..
وخليفه طول هالوقت ساكت يطالع ميثه وكان كل مايطالعها يحمد ربه الف مره على طيبتها وجمالها ..
صدت ميثه عليه وشافته ابتسمتله وحطت ايديها ورا ظهرها وحط ايديه على ايديهها ..
يابر: شو فيه وراكم
خليفه :ياخي انته شو يخصك ..
يابر: لا بس شكلكم مشكوك فيه.. شو اتهربون شي
خليفه : انهرب براقع تبا . اتلبس العيوز اللي حذالك ..
ريسه : هااااااااااااااه انا عيووووووووز ..
يابر : لا فديتج انجلبت صورة اللي حذاله واتخيلج انتي .. عادي عادي العتب على النظر ..
ميثه : ياويهك هههههههههههههه ..
نوف : والله انيه متوقعه كل واحد بيلس ايحط على حرمت الثاني ههههههه ..
سعيد : هاه كله ولا شويخ بشوتكم برررع ..
خليفه وهو يصد على يابر: السالفه فيها شوووووت ..
يابر: خلهم ايعيشون الدور مره ..
خليفه : هيه هيه يستاهلون ..
ميثه :الا وين امايه عزه
نوف : امايه اكيد قاعده خاري فارشه زوليتها ويالسه اتقهوي فاضل ..
سعيد : قوموا خلونا انخرب عليهم ...
ونشوا كلهم وراحوا قعدوا على الزوليه اللي فارشينها في الحوي ...

حسيت بحنان وحــــــــــب *** وحسيت بهوى عذري
وحسيت الشمس ماتشرق *** اذا جاها بيوم كــسوف
للشاعره : مطلع الشمس ..

الخميس
الساعه 7 المغرب ..
في قسم خليفه ..

عزه وعاشه وشمه كانوا بيرحون عرس ناس ايعرفونهم .. وعاشه كانت عند ميثه في الغرفه كانت قاعده اتحطلها الميك اب وريسه كنت قاعده هي ونوف عندهم .... كانت ميثه يالسه وحاطه المخده على ريلها وطايحه عليها عاشه .. اتصلت ريسه في يابر..
ريسه :انته ويييييين
يابر: اهنيه يالس العب سوني ..
ريسه : يهاي السوني اللي ماتشبع منها يله مابتودينيه ..
يابر: انزين يله الفلم بيبتدي 9 ..
ريسه : انزين عاده لين تنش وانا انش اتلبس يله انا بروح اتلبس وانته الحقنيه انزييين ..
يابر: ان شاء الله غناتي ..
ريسه : بسير السينما اتصدقوووووووون
ميثه : هههههههه زين زين ..
عاشه : يله استانسوا انتوا توكم عرسان ايداد ..
ريسه : نوافه بتين ويانا
نوف : ههههههههه لا ياحبيبي انا ماحب اكون عذول روحوا ارواحكم ..ولا اريد اخرب عليكم ..
ريسه :مادري عاده في شوه بتخربين .. يله عاده عن المصاخه..
عاشه : وايه شو تبينها اقولكم روحوا استانسوا ..
ريسه :يعني
ميثه : هيه يله روحوا انتي اربعه وعشرين ساعه مجابلتنا جابليه شويه ..
ريسه : انا ماحب اللزقه وماداني اقعد في قسميه استظييج والله ..
عاشه : والله انتي شراتي انا اربعه وعشرين ساعه اهنيه .. بيتنا ملل من يظهر ريلي ربعت صوبكم هههههه
ريسه : يله عيل انا استاذن.. وراحت ريسه غرفتها عسب اتبدل..
نوف : وانا بسير تحت اطالع مويز ونواري .. ونزلت نوف ..
عاشه :والله انا هب في خاطريه اسيرله هالعرس .. بس امايه اللي يهديها ..
ميثه : اتعرفينها ماشاء الله عليها لازم اتوجب الكل ..
عاشه : انا لو ماعرف بنتهم جان مارحت وهي روحها مطرشتليه الكرت ..
ميثه : ههههههه .. انزين وفضولي وينه
عاشه : عند الخدامه بخليه ..
ميثه : اشعنه عاده .. تعالي عليا بنتج وينها
عاشه : بيت قوم عمها .. بايته من يومين ..
ميثه : هيييه حليلها وانا اقول وينها انزين فضولي اشعنه اتخلينه عند الخدامه بسير انا وخليفه بوظبي مول وبوديه ويايه ..
عاشه : لا ياختيه بيلعوزج اهناك ..
ميثه : افا ياعويش ماهقيتها منج اعنبوه فديته والله انه هادي ماشاء الله عليه ..
عاشه : هادي عندج والله ياميثه ساعات انصدم انه عادي يطيح في حظنج ولا انا يوم احطه يتحرك الف حركه ..
ميثه : ههههههههه فديييته .. يله خلصنا شو رايج وعطتها المنظره ..
عاشه : ماشاء الله عليج . فن فن .. ماشاء الله الحينه بتصل في ريلي يخليه ايي يجوفنيه وخلاف يرد للمكان اللي هو فيه ..
ميثه : هههههههه لا الله يخليج .. اتحيدين يوم عرس فاطمه يارتكم يوم سرت ويا امايه عزه انا ونوف اقولج انا اتعدل جان ايحدر اخوج عليه اونه لا والله ماسرتي واتخيلي خلاهم ايرحون عنيه ووداني هو عاده الساعه كم الساعه 10 قبل لا تحدر العروس ..
عاشه : عاده ماشاء الله عليه اخويه عنده ملاك..
ميثه : عويش .. خلي عنج هالسوالف .. وسيري اتلبسي وبجوف لبسج واخر لمساتج هههههه انزين ..
عاشه : يله تسلمين حبيبتيه
ميثه : العفوو ..
خليفه : السلام عليكم . ياله ياعويش جنج ساحره ..
عاشه : يله يله انقلع واثقه من عمريه ..
خليفه :انزين جان مافرج ريلج من الجامه الحينه ..
عاشه : هههههههه .. ياويهههك ..
صد خليفه على ميثه اللي كانت تضحك واتلم المكياج ..
عاشه : يله برايكم سامحونا ..
ميثه : افا عليج غناتي .. بالحل ..
وتوها بتظهر عاشه ..
ميثه : عويش ..
عاشه : هلا ..
ميثه : بتلبس وباي صوبكم البس فضولي انتي اتجهزي لا تضيعين وقتج واتلبسينه وانا الحينه باي بلبسه وبشله ويايه ..
عاشه : ان شاء الله يله ابرايكم وظهرت عنهم ..
خليفه : وين بتودينه
ميثه : معانا حليله امه بتروح ويدته بتروح العرس واخته محد وبيتم عند الخدامه حرام . قلت بوديه ويانا ..
ياها خليفه ومسكها ..
خليفه : فدييييييييت احن قلب فالدنيا هاي ابكبرها وحبها على راسها ..
ميثه : فديت اعيونك الحلوه ..

انتهىىىىى الجزء ..
ظنكم شو اللي تبا اتسويه حمده
ظنكم شو موقف هزاع وروضه من عقب ماتحدد موعد الملجه
الجزء السابع والثلاثون

ما الوم عيني تسهر عليك*** و احلمك بغمضة عيوني
طبعك حلو ميت انا فيــــك*** و اللي شراتك من يكوني
السبت
الساعه 6 ونص الصبح ..
نشت ميثه من الرقاد وراحت واتلبست واتعدلت لانه اليوم اول يوم حق دوامهم في التقنيه ...ولبست لبس وردي وميك اب خفيف لونه وردي وراحت اتوعي خليفه ..
ميثه : صباح الخير ..
خليفه : وايه يعلني افدا هالويهه الحلو انا صباح النور والسرور ..
ميثه : افداااااك ..
خليفه : فديييت اللي يفداني ..
ميثه : انزين غناتي يله نش اتسبح عسب ماتتاخر ..
خليفه : وانتي من بيوديج
ميثه : امممم بروح ويا الدريول انا وريسه وموزه .
خليفه : لا اسف حبيبي انا الللي بوديج وبيبج بعد ..
ميثه : حياتي انته جذه بتتاخر على دوامك ..
خليفه :لا ياحبيبي محد يوديج الا انا وانا الحينه بنش اتسبح والبس بسرعه وبوديج بس عسب ماتتاخرين .
ميثه :هههههههه والله انك انته سوالف.. هيييه يوم اوعيك عسب اتروح دوامك ماطيع اتنش بسرعه اتظهرليه اعيوني وعقب اتنش والحينه بتنقز بس عسب اتوديييييييني ..
تم خليفه يطالعها وهي تتطالعه وخلاف نقز من على الشبريه ..
ميثه : هههههههه شويشوي ..
وربع صوبها ومسكها وباسها بين حياتها .. وغمز الها وروح .. الله يعزكم الحمام عسب يتسبح ..ونزلت ميثه تحت عسب اتحطله الريوق عسب يتريق ويظهرون ..

في الصاله ..
كانت عزه وموزه قاعدين ..
ميثه :صباح الخير ..
عزه وموزه : صباح النور ...
راحت ميثه صوب عزه وحبتها على راسها ..
عزه :حبتج العافيه يابنتيه ..
ميثه :الله يعافيج ..
وخلاف بنزلة ريسه لابسه عباتها وشيلتها وماسكه نقابها في ايديها ..
ريسه :صباااح الخير ..
الكل : صباااح النور وراحت ريسه وسلمت على عزه ..
عزه : يعلني افداج يالغاليه ..
ميثه : اقولكن جان مستعيلات وتبن بتسيرن برايكن سيرن انا ريلي بيودييني ..
موزه: وانتي ريسه منوه بيوديج ريلج .. بتخلوني اروحي
ريسه : ههههههه لا وين يابر دوامه من الساعه 6 ظهر بروح وياج ..وهاي خلها اتي ويا جاكشان مالها ..
ميثه :ههههههه حرام عليج .. ها ريوس شو الوحام .
ريسه : اف لوعة جبد واول شي يلوع الجبد ولدج يامايه والله انا وين والنقاب ويييين والله اف كيف يغااااااار يقههههههر ..
عزه : ههههههههه .. شسويبه يامايه ..
ميثه : اف الحمد لله لين الحينه ماحكموا عليه به ..
والا بنزلة خليفه عليهم ..
خليفه :السلام عليكم ..
الكل : وعليكم السلام ..
ميثه :يله خليفه ريوقك زاهب عسب مانتاخر ..
ريسه : يله عيل نحن بنروح ..
ميثه :تعالن ويانا ..
ريسه : لا ياحبيبتي انتي تبين تتاخرين نحن الحينه بنظهر يله برايكم مع السلامه يله مويز ولبست نقابها وظهرت..
خليفه :ههههههه النينجا تعالي
ريسه : ياويهك شسوي كله من اخوك .. ههههههه ..
خليفه :الله يعينج عيل ..
ريسه :اميييييين ..
وظهرن هيه وموزه وتموا خليفه وميثه يتريقون وخلاف ركبوا السياره..

دلوعتي كل الحـــــــــلا فيها *** احترت انا مدري شسميها
في حسنها كنه البدر ظاوي *** اخت القمر محدن يساويها
محبوبتي في كامل اصــباها *** يازين بســـمتها وممشاها
ماواحد في الكون يـــسواها *** حتى الخطا مـــنها يحليلها
في سيارة خليفه
عن بوابة التقنيه ..
ميثه : يله غناتي اتحمل على عمرك ..
خليفه : من اعيونيه وانتي اتحملي على عمرج وعلى ولديه ولا تمشين وايد عسب ماتتعبين ..
ميثه :ان شاء الله ياغناتي افا عليك يالغالي امره ماطلبت .. على هالخشم ..
خليفه :وايه فدييييييت هالخشم وراعيته ..
سوت ميثه حركة دلع بعيونها وتوها بتفج الباب بتنزل من عقب ماحطت الغشوه على ويهها ..
خليفه : ههأأأ هاه هاه لحظه على وين
ميثه : شو على وين على اهنيه بحدر التقنيه ..
خليفه : ولا في الاحلام صكي صكي الباب ..
ميثه : واااايه اشعنه ..
خليفه : بس بنرد البيت .. لا انا بداوم ولاانتي بداوميييييين ..
ميثه وهي معقده حياتها : هااااااااء لاااااااااااء ..
خليفه :ههههههههههه فديتج فديتج والله فديييييتج ..
وتم ماسكنها من ايديها خمس دقايق بحنان ايوصيها على عمرها ..وخلاف نزلت وحطت غشوتها على ويهها وحدرت التقنيه ...

في التقنيه ..
ميثه كانت قاعده تمشي في الممر فجاه شافت شلة بنات ..
فاخره : هااااااااااااااااااااااااه ميثوه وربعت تلوي عليها ..
ميثه : فديييييييييييتج والله يافخور والله انيه متولهه عليج ..
وخلاف صدت وشافت اربيعاتها امنه وحصه ونوره ..
ميثه : يالسباله يامون اشعنه اتقولين انه امج ماطاعت انج تحدرين التقنيه ..... وراحت لوت عليهن كلهن ..
امنه : هههههه اقولج سويتلها حفله وماخليت حد ماخبرته ..
ميثه :ههههههههههه . ..
حصه :اللي في بطنج ان بنت حصصصصصصه .. مالي خص
ميثه : افا عليييج ..
تمت نوره اتحط ايديها على بطن ميثه ..
نوره : ياربييييي كتكوتتتتتيي .. يله بسرعه اطلع عسب انلعوزك وانظهرلك اعيونك ..
حصه : لا يابويه هاذا قبيسي محد بيرومله االا هو اللي بيلعوزنا ..
ميثه : يله منوه الدادا مالته ومنوه يدته
فاخره : انا مالي خص .. بضربها شرده ..
نوره : روحي روحي الشرده نص المريله هههههههه ..
حصه : انا الدادا مالته ..
امنه :اف شسوي خلاص عيل انا بستوي يدته امريه لله ..
ميثه :اف يالله عاده عرسن فكنا .. ابا البس ابا اتعدل ..
نوره : اف نحن اللي انحرمنا من ييت عرسج جان اتريتي نحدر التقنيه وعقب عرستي عسب اني عرسج مدوده بيطير العرس هاه
ميثه : وانتي صادقه بيطير المعرس هههههههه ..
فاخره : ههههههه خسكن الله يله خلنا انجوف منوه اللي بيدرسنا وبيتهلل في هالعقول المصديه ..
امنه : الله يعينه علينا ..
ميثه :لا يابويه ينانكن اللي ظهرتنه حق المدرسات خشنه .. يله امشن طابور .. جدامي بسرعه اتحرككن ..
حصه : اتفضلي الحمل قبل ..
ميثه : قبل قبل يله .. ورايه ..
وتمن يتمشن لين الكلاس وخلاف ظهرت ميثه تلفونها واتصلت في ريسه تتخبر عنها وقالتلها انها في الكلاس الثاني ووياها موزه في نفس الكلاس .. ارتاحت ميثه انه ريسه كانت مع موزه لانهن كانن مع بعض ..توها ميثه مع ربيعاتها بتتدخل الكلاس جافت وحده تزقرها ..
حمده :ميييثه ..لفت ميثه ويها عسب اتعرف منوه اللي يزقرها ...
ميثه وهي معقده حياتها ومرصصه اعيونها عسب تذكر اللي جدامها : نعم ..
حمده : ماعرفتيني انا حمده القبيسي . اللي يينا بيتكم هاك اليوم انا وامايه ..
ميثه : هم هيه هلا هلا شحالج ...
حمده : بخير .. شحالج
ميثه : بخير وسهاله . يله السموحه ولفت ويهها.. يله بنات ..
حمده : ميثه هاي ربيعتيه وديمه ..
ميثه وهي تبتسم ابتسامه متصنعه : اها هلا فيج ..
وديمه وهي منبهره من جمال الانسانه اللي جدامها : اهليييييين وسهليييين ..
فاخره : يله عن لا نتاخر على الكلاس وراحن البنات .
ميثه : هاذا اللي ناقصني انا هالاشكال بعد ..
امنه : ميثاني منوه هاي شكلها من صيع التقنيه ..
ميثه : قلتيهاااا . هاي اللي خبرتكم عنها اللي يت بيتنا ويلست تتطالع ريلي ..
نوره :اشعنه ماخبرتيييني عسب اعمي اعيونها ... امحق ماتم ميك اب ماحطته على ويهها والله لوحه فنيه ..
حصه وهي تتنطز :ماعلفتيييييييني انا حمممده القبيييييييييسي . شويه وبتموت ..
ميثه :هههههههه خلها تنقلع يله انحدر الكلاس وحدرن البنات الكلاس ..
في الممر ..
وديمه : منوه هاااااي ... حمدوه
حمده : هاي حرمة خليفه القبيسي راعي البورش ..
وديمه : اوووووووونه ..
حمده : والله ..
وديمه : واشعنه اتقولين مب حلوه والله انهااا قر ..
حمده : ودوم اكرهج يوم ينعدم عندج الذوق امشي امشي وسحبتها وراحن كلاسهن حمده كانت ثالث سنه في الكليه

في الكفتيريا اللي في التقنيه ..
دخلت ميثه هي وربيعاتها وحصلت ريسه وموزه قاعدات وكمن بنيه اتعرفت عليهن ريسه وربيعات موزه قاعدات على الطاوله ين اربيعات ميثه وسلمن على ريسه وموزه وقعدوا كلهن على طاوله وحده ..
فاخره : نحن اشعنه قاعدات اهنه تتريون حد ايروغنا ..
نوره : ههههههه شبعنا من روغ المدراس خلنا نظهر ..
ريسه : ههههههه الظاهر اممممره واصل الحد من الروغ ..
ميثه : هاه ريسه شو الوحام ..
ريسه : يعني ماياني هاكي اللي ييني شويه اخف محشم الظاهر ..
ميثه :هههههه لا يابويه هاذا وحام مايعرف يحشم ..
ريسه وهي اتعرف اربيعاتها اليداد على ميثه : هاي ميثه بنت ختيه وحرمة اخو ريلي وهيله اربيعاتها فاخره ونوره وحصه وامنه صح ولا خرتها ..
حصه : لا الغاليه صح ونص هههههه ..
امنه : ماشاء الله ريسه حامل ..
ريسه : هيييه ..
فاخره : بس هب جنه استعيلتي شويه ..
ريسه : الا استعيلت وااايد وايد بس شسوي كله من العله اللي عندي ..
موزه : ههههههه حليله عمي حليله والله ..
نوره : ليش ماشاء الله عقب كم من عرسج حملتي
ريسه :صلن على النبي اول شي..
الكل : اللهم صلي وسلم عليه ..
ريسه : اسبووع ونص ..
الكل : ماشااء الله ..
ميثه :اخبركن تراكن بتن ويايه لانه الدريول رايح ايودي ابويه فاضل العزبه وانتن بتن ويايه يعني ماله داعي سيارتين لبيت واحد ..
ريسه : خلاص اوكييه ...
امنه: يله عيل ظهرنا انا ابويه متصل ايقول انه برع ..
فاخره : وانا اكيد الدريول برع يله ظهرنا ..
شلن البنات اغراضهن وظهرن من الكفتيريا رايحات صوب البوابه ..

جدام البوابه الرئيسيه مالت التقنيه .
حطن ميثه وموزه غشوتهن على ويهن ولبست ريسه انقابها .. وظهرن خليفه كان واقف في البورش مالته وكانت واقفه حذاله الرنج مالت يابر اليديده اللي ماعليها مخفي يابر كان متسفر ولا بس النظاره وخليفه لابس غترته واعقاله ومنزل الجامه وقاعد يسولف مع اخوه يابر..
ريسه :هاذا يابر..
ميثه : والله يمكن امايه قالتله روح هاتهن ..
ريسه : غريبه ماتصلليه ..
وظهرن من البوابه .. وشافن كل البنات متيمعات برع يطالعن خليفه ويابر وكل وحده يالسه اتقول منوه احلى عن الثاني مرن حذالهن ريسه وميثه وسمعهن وهن يرمسن وخصوصا عن يابر اللي كانت سيارته بلا مخفي على الاقل خليفه شي يغطي بس كان ينشاف ..
ريسه : والله لا اروايييييه ..
ميثه : مستانسين هذيله شووووو
ريسه : انا ادري ..
موزه : عاش ياكم الموت ياتركين الصلاه .. لا يابويه ريوس انا هب راكبه وياج عن لا اتسوين شي واستوي شاهد عيان بروح ويا كم ميثه ..
ميثه :هههههه حياج ..
وراحت ميثه هي وموزه وركبن سيارة خليفه وراحت ريسه وركبت السياره مع يابر..
في سيارة خليفه ..
ميثه وموزه : السلام عليكم ..
خليفه : وعليكن السلام ..
ميثه :اشعنه منزل الجامه .
خليفه :ماشي وقفت وخلاف يا يابر وقف حذالي ونزلت الجامه .
ميثه :هيه ممكن ماتنزل الجامه مره ثانيه .. لانه بعض البنات اهنه هب جايفات خير مستقطعات ...
خليفه : ان شاء الله من اعيوني .. وحط صبعه عند اعيونه .. يعني سوالها حركه ايقولها من اعيوني هاي قبل هاي
ميثه : تسلمليه اعيونك ..
خليفه وهو يعض على شافايفه : فديت اعيونك ...

في سيارة يابر
يابر: حبيبي شو ابلاج .
ريسه : جب اوكيييييييه ..
يابر: غناتي شو ابلاج خلاص مدام التقنيه بتخلي مزاجج جذه اظهري اخيرلج ..
ريسه : جب تفففففففففففهم .. يسد اللي سويته ..
يابر: اعنبوه شو سويت انا الحينه ..
ريسه : لا والله انته اشعنه ياني التقنيه مستانس لانه عندك رنج وماعليها مخفي ماطالعت كيف البنات يالسات يطالعنك وانته مستانس على عمرررررررك هاااااااااااه ..
يابر: ههههههه وانتي عسب جذه معصبه ..
ريسه : هييييييه اخر مره اتيني التقنيه تفهم ماتيتي الا يوم بتركب مخفي وان نزلت الجامه جتلتك ..
يابر: هههههههههههاااااااااااي ..
ريسه : لا تظحك لانه مافي شي يظحك اوكيييييييييه ..
يابر: هههههههه هو شي واحد يضحك اتعرفين شو
ريسه : ماريد اعرف ..
يابر: حبيبي انتي اتعرفين انه محد يسد عوقي غيرج ومحد يفج راسي غيرج ...
ريسه : لاه زيييين احلف عيل ..
يابر: وقسسسسسسسسم بالله محد في قلبيه غيرج شو تبين اكثر
ريسه :كلام وميمع تعال واتسمع ..
يابر: اشعنه تتحرطمين جنج عيوز .. يوم اقولج عيوز اتقوليلي عييز حيلك ..
ريسه :لاااااه
يابر: والله العظيييييم وغصبن عنج بعد احببببج .. رضيتي ولا ان رضيتي ..
طول على الاف ام وحصل اغنية انا اتحداك مالت راشد الماجد ..
ريسه :ياااااااله حلوه هاي الاغنيه ...
يابر: ياااااااااااالبييييييييه والله انها يت عالعوووووووق ... سمعي سمعي اهدااء اهداااااااء وبالقو بعد ..
انا اتحداك لو تــــــــــــقدر *** تخرج احساسك من اجوائي
شوف بعدي عنك واتصور *** من حياتـــــــك تفقد اجزائي
دام احاسيسي هي المصدر *** كيف تحيا بموقع نائــــــــي
من دهاه الحب مايصـــــبر *** يسمح الغاليــــــــن لخطائي
من يشــوفك غصب يتخدر *** فاتنن واسلوبك اغرائــــــي
فـــــــــعينك اتجمع واتبعثر *** من يجمع خلي اشلائــــــي
يحقلك في جوي اتســــيطر *** وتتخذ فيه اية اجرائــــــي
ماعتقد في دنيتي اخـــــطر *** من حضورك بين الاسمائي
ماكتفيت بزينة المــــــظهر *** فايز باشيــاء واشيائـــــــي
بين بوظبي وجوها المبهر *** استلم شعري وامــــــضائي
انته آمــــــــر يالغلا اشــر *** ياسفر هالكون واضوائـــــي
بـــــر ولا ردني ابــــــــحر *** لجل عينك صــــرت برمائي
ريسه :يويييييييييلي .. خلاص رضيت ولا اقولك بعدني زعلانه ومابرضى الا عقب ماتشلليه اياها ..
يابر: افا علييييييج اره ماطلبتي تم .. وقعد يشللها الاغنيه ..
ريسه وهي اتحط ايديها على ايد يابر : يعلني افداااك احبك والله انيه احبك ..
يابر: فديييييييت عمرج انا ..
بيت فاضل القبيسي
في الصاله ..
عقب صلاة العصر ..
خليفه ويابر وسعيد وفاضل كانوا رايحين ايصلون في المسيد .. وميثه توها كانت نازله على الدري ودشت الصاله وحصلت عزه واليازيه وعفراء وعاشه ومديه ونوف وشيخه ..
ميثه :السلام عليكم ..
الكل : وعليكم السلام ..
عزه : ها امايه ربج ماتعبتي اليوم في الكليه ..
ميثه :لا امايه الحمد لله ..
اليازيه : ماشاء الله ميثه كم كملتي الحينه ..
ميثه : 3 شهور ونص يعني اول عشره ان شاء الله بدش الرابع ..
عزه : بسلامج يعلني افداج..
ميثه : امين فديتج ..
مديه :حليلها ريسه وحامها وايد ملعوزنها ..الله يعينها ..
عزه :هيه والله يعلني افداها ويها مصفر . ووحامها شرات شمه يوم تحمل في كل اعيالها جذه كان وحامها ..الله يعينها ..
عفراء : اميييين
ميثه : ها نوافه شحالج حبيبي
نوف :بخير متولهه ..
قعدت ميثه عدالها وصاصرتها : هاه على عرب هههههههه .
نوف : وووع يهبي الا هو ماطرالي ..
ميثه :عيل على منوه ..
نوف : ههههههه ياويهج عليج من الصبح ماشفتج ..
ميثه : ياعييني ياعييييييني ..
نزلت ميثه وقعدت على الارض وقعدت تتقهوا وتاكل فواكه ..
وحدر يابر هالوقت وريسه توها كانت نازله من عالدري .. اول مافتح يابر الباب شاف ريسه نازله وكانت مجابلتنه قعد ايحركلها حياته وهي تضحك عليه ..
يابر: السلام عليكم ..
الكل : وعليك السلام ..
ويا يابر وقعد عدال ميثه على الصينيه عسب يتفاول . ويت ريسه قعدت على الكرسي حذال شيخه ..
شيخه : ريسه انزلي اكلي فواكه زينه لج ..
ريسه : ماروم والله لا يعه جبديه .. وكلت اليه تفاحه قبل شويه والحينه احسبها مغفيه على جبديه خلوه يظهر انا براويكم فيه ...
يابر: ههههههههه من الحينه تتحلفيله اعنبوه . اشعنه هو شو مسوبج هو ماله خص ..
ريسه : ترا انته السببببب ..
عزه :ههههههههه يعلني افداكم ياعيالي الله لا يغير عليكم ..
يابر وريسه : اميييييين ..
نوف : عزه عطينا شويه من دعواتج هالحلوه اللي من الصبح ترقعين خليفه وميثه ابها والظهر ترقعين شيخه وسعيد ابها والعصر ترقعين ريسه ويابر ابها والمغرررررررب ترقعين عفراء وزايد ابها والعشااااااااااء ترقعين اليازيه ونهيان ابها ولللللللللللف..........
عزه : صاصا اعنبوج هذربان مايوقف مشغله مسجل ..
عاشه : ياله يالغيره شو اتسوي ..
وتموا الكل يضحكون على نوف وشكلها يوم تتحرطم كل ساعه اشرت على حد .. ..
حدر سعيد مع فاضل ... وسلموا وقعدوا ..
ميثه وهي قاعده حذال يابر على الصينيه : وين ريلي
يابر: ريلج في المسيد ..
ميثه : شو يسوي لين الحينه ..
يابر: يضارب ويا المطوع ..
ميثه : وايه بالستر اشعنه
يابر: ماشي يالسين يضاربون منوه اللي ياذن حق صلاة المغرب ..
ميثه :هيهيييههههههههييييييييي .. ياويهك اتنكت ولا اتحاول ..
يابر: عهععهع لا احاول..
ميثه : ماتضحك اتصدق ..
يابر: هيه ادري تعالي قرقطيني بشيول ..ههههههه
ميثه : ياالااااااااااه مسخفه ريلج ..
ريسه : حطيله هاي السجينه في حلجه بيصخ عنج ..
ميثه : يباله ..
يابر: عاد مالقيتي تسالين الا خالتج سالي امايه.. او ابويه ..
فاضل : لا ابوك ماله خص ..
عزه : دواك ..
يابر: افاااا افااااااا ..
وحدر خليفه خليهم ..
خليفه : السلام عليكم ..
الكل : وعليكم السلام ..
عزه : وينك يابويه تاخرت ..
خليفه : ماشي كنت واقف وياهزاع ..
عزه : هيييه ..
ويا يلس خليفه حذال ميثه وقعدت ميثه تقطعلهم الفواكه وكلوا ...
خليفه : يله يله شغلوا السوني خلونا نغسل بو مهره شويه ..
سعيد : لا بو مهره تعبتوه بسير انا عنكم بركض على الكورنيش ها خلوف الحينه ماقمت تركض ..
خليفه : لا ياريال انا هب دوم ساعات بس ..
سعيد : هيه على الخطافي عيل .. يله السموحه وراح سعيد غرفته عسب ايبدل وراحت وراه شيخه وخلت بنتها عند ريسه ..
يابر: هيه ماتروم الا على سعيد .. هههههههه والله البارحه ميثه كيف شكله خليفه يوم ياج فوق
ميثه : عادي اشعنه
يابر: والله انيه غسلته 6 – 1
خليفه : فعينك يالهرم انا مبوني البارحه فيني ارقاد ومسطل تعال الحينه براويك سنع الله ..
يابر: اوكيه يله ..
وشغلوا السوني وقعدوا يلعبون والحريم قعدن ايسولفن وعقب المغرب راحت ريسه مع ميثه ونوف وعزه عند شمه وقعدوا عندها لين عقب صلاة العشا .. وردن البيت ...

الساعه 10 الفليل ..
في ستار بكس .. بوظبي مول ..

حمده كانت قاعده مع وديمه داخل ستار بكس في الكراسي المجابله الباب .. وخلاف يوا يابر وخليفه وسلطان وربعم وعلي ونهيان وراشد وحميد وقعدوا برع على الكراسي التابعه لستار بكس..
نهيان : خليفه وينه نسيبك وانته حميد وينه ولد اخوك
خليفه : يابويه في العين من قالوله بتملج وهو اربعه وعشرين ساعه هناك ..
سلطان : لا وازيدكم من الشعر بييت بعد يبكي على الاطلال يقولكم ..
راشد : هههههههههههااااااااي . حليله والله كله ولا هزاع ..
حميد : ثره جذه العرس ايفر روس ويكسر سيوف ..
سلطان وهو يصد على يابر: احم احم ..
يابر: يالهررررم ..خخخخخخ
خليفه : اقولكم الساعه كم الفلم بيبدا
علي : والله ياريال بيبتدي 10 وربع وبعدين الجزء الاول وخلاف راحه وبيحطون الجزء الثاني ..
يابر: هيهاااء عيل اسمينا بنبات خاري اليوم ..
سلطان : ماقوولكم .. جفتوا ..
علي : هيهااااء الحينه صدقتك ..
راشد : ههههههههه صراحه انا ورايه الوالده بعصاها في البيت ههههههههه ..
سلطان :لا انا عيوزي غير ترقد ويوم ايي الصبح احتشرت ..
وياهم الريال اللي يشتغل في ستار بكس وخذا طلبياتهم ..
الريال : ماشاء الله كلكوا عاوزين كابتشينو ..
حميد : هيه عسب انقند روسنا .. نحن يابقهوه يا بكبتشينو..
الريال : ايوه هههههه واللهي دنتو حاجه .. طب ليه من زمان ماقيتونا دنتو وحشتوني خالص .. وسوالفكم ..
يابر: ياحيييه قوم سوالفكم ..
الريال : الله يحيك ويبشيك ..
نهيان : يبشيك لا الله لا يبشيك ولا يبشيه .. وراح عنهم الريال خلاف يابلهم الطلبيه ..
كانت حمده يالسه ونشت اشويه اونها اتعدل عباتها ويوم نشت شافت خليفه ..
حمده : هااااااااااااااا هههههههههااااااي والله وجيت ياغالي .. ماخليك والله انيه ماخليك ..
وديمه : حمدوه اشعندج اتخربطييييين ..
حمده : خلوف خلووووووف ..
وديمه : قعدي خلج عاقل اونج عاده ...
حمده : ماروم والله ودوم جفتي حرمته شو تلبس ..
وديمه : والله بصراحه حرمته كشيخه وايد وايد طالعي اصلا هو اروحه ايبين انه عايش جمال وجسم وبورش و ماتبينها هي تكشخ وتتعدل ..
حمده : تعالي تعالي انسير نقعد على الطاوله اللي حذالهم بسرعه قبل لا حد ايي اهناك بسرعه ونشت حمده وتمت وديمه تتسحب وراها ... مسكت حمده الكرسي وقعدت ..
حمده : تعالي اشعندج
وديمه وهي مفتضحه لانه المكان متروس شباب كانوا على اليمين وعلى اليسار : يايه يايه .. ويت وقعدت حذال حمده ..
حمده :اشحاااااالج وديييييييييييمه
وديمه : اقولج هب جنه اللي في خاطريه هب ويااااااهم ..
حمده : افا عليج بنيب لج اياها بس خلهم يعطونا ويهه ...
حميد : اقولكم هب هيله اللي هاك اليوم كنا في المارينا اللي علقنا عليهم ..
نهيان : متى نحن على وايد انعلق ...
حميد :اللي قلتولهم صبوره وحفله ومادري شوه ..
علي : والله ماذكر ياريال ..
يابر: انا كنت وياكم ..
حميد : اذكروهن عاده اللي قالت صوبنا ياحلو يوم كان ويانا هزاع ..هاك اليوم ..
خليفه : هييييه هيييه اذكرتهن . مالت عليها ..
راشد : هيه حتى انا اذكرتهن اقولك طالع العباه شويه وبتنطر .. هاي دببببببه ..واااااااااو وووووه
سلطان : هيه حلوه هاي اللي على الطرف بس الظاهرانه جمال مغشوش جمال كله اصباغ .
علي : طبعا عيل شو تتحراهن هذيله ..
خليفه : طبوهن شو تبون ابهن خلهن ايولن اشعنه ترمسون عنهم .. والله احسكم توصلون مستواهن يوم ترمسن عنهن ..
سلطان : هههههههه .
وخلاف تموا الشباب ايسولفون وفي نص سوالفهم حمده كانت اتسوي حركات حق خليفه ..
خليفه : لعنت الله على صيرج يالسباله .. قوموا يله بنتاخر عن الفلم ..
سلطان : صبروا برقمها ..
يابر: وووووووع ماحيده ذوقك هاذا امش امش ..
سلطان : اطالع .. يخويه لا وووووع ووووووع . شرده شرده ..
نشوا الشباب ودفعوا الحساب وروحوا ..
وديمه : حمدوه عاد بس طالعي الريال مايبا ايخون حرمته طالعي كيف سبج ..
حمده : عادي مايهمني امشي وراهم ..
وديمه : ماخلصت الكوفي مالتي..
حمده وهي تسحبها من ايديها : امشي بشتريلج وحده غيرها طوفي يله .
ونشن حمده وديمه ويلسن يتبعن الشباب لين ماوصلوا الطابق الثالث السينما ..
وقفوا الشباب يشترون الهم اكل وهالسوالف وراحوا خليفه ونهيان ايقصون الهم التذاكر ..
مكان التذاااااكر ..
حمده يت وقفت ورا خليفه عقب ماخلص خليفه وقص التذاكر لف ويهه على اساس انه يرد حق الشباب وكل مايلف صوب لفت هي نفس الصوب ..
خليفه وهي يطالعها باحتقار : لو سمحتي بمممر ..
حمده : اول شي عطني رقمك ..
خليفه وهو معقد ايديه جدام صدره : نعم
حمده : اللي سمعته ..
خليفه : اسف ..
حمده : اوكي عيل انا مابخليك اتمر ..
خليفه : جوفي تراني وياج باعصاب بارده واحترمي نفسج احسلج ولا والله والله ورفجة بو خليفه لا ييج شي ماكد شفتييييه ... في حياتج ابكبرها .. انقلعي قلعج ربي انا ماتنزل انيه اعطي اشكالج رقميه .. انقلعي ..
نهيان : حوووووه حووووه انتي اشعنه ناشبه في الريال نشبه .. انقلعي سيري دوريلج حد من اشكالج .. سؤال بسالج اياه .. لو سمحتي تم شي من الكريم الاساس
حمده : جب انته محد رمسك ..
خليفه :هههههههههه شو تبين تقطيع اكثر بعدج واقفه ولا اتقوليله جب لا ييج كف ..
نهيان : لا يابويه هيله مايتعاملن بالكفات يبالها بكس اينعلمها اضروسها خلاف بتتادب ..
تمت حمده واقفه وشويه وبتصيح ويت وديمه وسحبتها من ايديها وروحن .. دخلوا الشباب السينما وهم ميتين من الضحك عليها ...
في سيارة وديمه ..
حمده : انا يسوييببي جيه انا انا .. انا حمده القبيسي اللي الف واحد يتمناني اخر شي هو ايي يسويبي جيه والله لا اخليك تندم على كل لحظه
وديمه : بس عاد شو تبين اتسوين اكثر عن الفضيحه اللي سويتيلنا اياها ...
حمده وهي اتصيح : مالي خص مالي خص ..
وديمه : اوهووووو .. حمدوووه ..
حمده : بس خلاص انجبي ماتعرفين تنجبين ...

في بيت فاضل القبيسي
في قسم خليفه ..
الساعه 12

نوف وشيخه وميثه وريسه كانن قاعدات مع ميثه في قسمها . كانوا قاعدين يطالعون شريط عرس ريسه ويعلقون عليهم . فجاه جوفوا ياهل اصغيروني ياي يعطي يابر ورده وبطاقه .. وسلم على يابر وراح .. ريسه في العرس مانتبهت لهاالشي .. لكن كان مبين في الشريط مال العرس ..
نوف :هاااااااه شو هاللقطه ..
شيخه : عيدوها عيدوها ..
ميثه : عاشوااااا .. بطايق بعد ..
ريسه : عيدوها بدقق منوه هالولد .... اتعرفوووونه
وعادت ميثه اللقطه ..
نوف : صراحه مايبين الا ظهره ...
شيخه : اعنبوهن مايستحن حتى يوم عرسه .
ريسه : لازم انا هاذا لازم يوم بيي اسويله شي .. لازم اركبله عاكس ..
ميثه : ههههههه اجتليه ..
ريسه مسكت تلفونها واتصلت على تلفون يابر..
يابر: ياويييييييلي الحكومه ..
نهيان : هههههههههه عندج اياه ..
يابر: مرحبا ملايييييين ..
ريسه : عللللللله .
يابر: وابوكم مالت على ويهك يالنحس .. هلا بالشيوخ ..
ريسه : انته وين .
يابر: انا اهنه في السينما ..
ريسه : لا والله في السينما ومع منووووووه ان شاء الله ..
يابر: والله انا اهنيه ويا سلطان وخليفه وربعيه ..
ريسه :اقولك يوم عرسنا منوه الولد اللي ياك وعطاك الكرت الصغير والورده الصفرا . وشوكان مكتوب في الكرت ووين وديته
يابر: شووووو ماعرف والله شو اتقولين
ريسه :يبور لا تستهبل ..
يابر: .............هيييه اتذكرت والله ماعرف منوه هالولد وانا حطيت البطاقه حذالي وماشليتها ..
ميثه :افرجي عنه طالعي عقب الزفه الكرت والورده مكانهم .. يعني ماشلهم
شيخه :ههههههههه مبروك يابر افراج ..
ريسه : اشوووووف .. هيه صح .. هاذوه ..
يابر: شفتييي ..
ريسه : لا بس بعد مهما كان ..
يابر: انزين انا ماليه خص شسوي .
ريسه :ماشي .
نش راشد ونزل على الدري اللي في السينما لين ماوصل تحت اخر شي . وقف عند الشاشه ..
نهيان : حوووووه هالخبله وين رايح
سلطان : رشوود شو اتسوي ...
راشد وهي ايصارخ : اتخيلوا عماركم في المحاضره وانا الاستاذ .. ياود ياخليفه عمال تتوشش مع الود علي ليييه بتؤولو ايه .. عقد خليفه حياته يطالعه ويضحك ..
خليفه :نطنز على شكلك ..
راشد :اوكيه اوريك والله 10 درجات ناقصين . وانته ياود ياقاااااابر عمال تتكلم في التلفون ليه ممنوع مننووووووووع هياااااء اااااهب ..اااااااههههب ..
حميد : الله يخسك فضحتنا .. سينمة ابونا هي تعال يالمهروم ..
وخلاف حدر ريال مع حرمته وشافوا راشد واقف اهناك . افتضح راشد جان ايرد مكانه .. والشباب يضحكون عليه ..
ريسه : شو بلاك تضحك ومنوه هاذا اللي يتحرطم
يابر: هاذا ربيعيه رشود نحن قاعدين نزل تحت صوب الشاشه واتخيل عمره للحظه انه يكون استاذ في الجامعه واونه نحن الطلبه ..
ريسه : اونه وكيف والنااااس
يابر: لا محد كان غيرنا نحن اهنيه كل الناس ظهروا شويه شي استراحه ربع ساعه لين مايحطون الجزء الثاني .. والعرب ظهرت اللي بيروح الحمام واللي بيروح مادري وين ..
ريسه : هيه عيل ان شاء الله انتوا متى ناوين اتون البيت ..
يابر: باقي ساعه وبيخلص ..
ريسه : ساعه ..
ميثه : خله ايقول حق خلوف ايبات برع ..
يابر: هههههههه خلوف بتبات برع ..
خليفه : اونه احلف والله زيين خلاص اوكيه ببات برع ههههههههه ..
ريسه : ميثوه ريلج استانس ايقول عادي بيبات برع .. ويله انته لا تتاخر برع واتحمل على عمرك ..وسكرت ريسه عن يابر ..
ميثه : ايخسسسسي الا هو . وشلت ميثه ودقت حق خليفه
خليفه :ههههههههههاااي ..
ميثه : هييييه هيبه مستانس بطير من الوناسه ..
خليفه : انا اروم والله ماروم ..
ميثه : هيه اتحرا خلاص عيل برايك . واتحمل على عمرك ..
خليفه :ان شاء الله .. سكر خليفه عن ميثه التلفون وقعدوا الشباب وكملوا الفلم ومن عقب ماخلص الفلم ردوا البيت سلطان كان بيروح العين لكن حلفوا عليه انه ايروح عندهم ويبات بس هو ماطاع وحلف ان ييلس عندهم شويه ويرد لكن مبييت مابيبات عندهم ..

بيت فاضل القبيسي ..
في الصاله ..
الساعه 1 ونص ..
حدروا يابر وخليفه وسلطان الصاله راحوا خليفه وو يابر عسب يزقرون حريمهم ايسلمن على سلطان وسلطان كان قاعد في الصاله ونفس الوقت نوف كانت ظاهره من المطبخ .. وشاله في ايديها قلاص ماي ..

انتهىىىىىىى الجزء
ظنكم شو بيصير بين نوف وسلطان
ظنكم منوه هالبنت اللي عطت يابر البطاقه
ظنكم شو اللي بتسويه حمده عسب اترد حقها ..
الجزء الثامن والثلاثون

شوفي يديني ترتجف بين اياديك *** تخاف تتركها مع الشوق ثاني
وهاذي عيوني بالمدامع تناديــك *** بالله لا ترحل لو هي ثوانـــــي ...

ردت نوف على ورا وسلطان اول ماشفها تم يطالعها وخلاف نزل اعيونه في الارض وهو يبتسم ويسوي حركات بحياته ..
سلطان : اشعنه تنخشين
اتغشت نوف بشيلتها مالت البيت وتمت واقفه عند باب المطبخ : السلام عليكم ..
سلطان : وعليكم السلام. شحالج نوف
نوف : بخير ربي يسلمك .. انته شحالك وشحالها خالتيه غايه
سلطان : بخير يسرج حالها ..ويسرج حاليه .. شو هاذا اللي في ايديج
نوف وهي منصدمه : هاااه امممم ماي ..تبا ايبلك كوب
سلطان :ه لأ ابا هالكوب اللي في ايديج ..
تمت نوف واقفه تتطالع الكوب اللي في ايديها وتتطالع سلطان من تحت الشيله وهي معقده حياتها : لا بروح ايبلك كوب يديد وتوها بتجبل بتدش المطبخ ..
سلطان : هيهااااء تعالي اقولج ..
نوف في خاطرها : شو هاذا البلا وصدت عليه ..
يا صوبها سلطان وشل الكوب من ايديها وراح يلس مكانه وهي بعدها منصدمه من الموقف وواقفه مكانها ..
نوف : ياويييييييهك .. مات عليها سلطان من الضحك ومشت بسرعه صوب الغرفه اللي فيها الدري وهي على الدري شافت يابر..هالوقت طاح قلبها في بطنها ..
يابر: انتي لين الحينه مارقدتي ..
نوف : هاأ لااا لاللا .. عطشت ورحت اييب اليه كوب ماي ويوم ظهرت شفت سلطان اتغشيت وقلتله السلام عليكم وحدرت ..
يابر: هيه خلاص عيل روحي نامي ..
نوف : هيه ان شاء الله ..وراحت نوف غرفتها ونزل يابر عند سلطان ..
يابر: ياحيييييبه الشامسي والله ونورت البيت ..
سلطان : خسك الله هالوقت تباه ينور قول ظلمت البيت يايبني الساعه 1 ونص ويقولليه نورت هييييييه وايد نورت ثرني هب شويه ..
يابر: هههههههههه اشعندك تتقحطن جنك عيوز
سلطان : ههههههههه .. ياريال من كثر ماتقولوليه جنج عيوزي اخرتيه باخذ عيوز وبفتك من هالصدعه والحنه ..
ريسه وهي نازله : هههههههه وانا اللي بخطبها لك .. مرحبا مرحبا ملايين وراحت صوب اخوها ووايهته وقعدت حذاله ..
سلطان : المرحب باجي يعلني افداج شحالج
ريسه :بخير فديتك انته اشحالك وشحال قوم امايه ربهم ابخير
سلطان : انتي كل يوم تتصليلهم واتقولين بعد شحالهم .. ايووووووه ..
يابر: هههههههه ...
وشويه ونزلوا ميثه وخليفه من فوق ..
ميثه :السلام عليكم ..
الكل : وعليكم السلام ..
وراحت ميثه صوب سلطان ووايهته ..
سلطان : هاه العيوز اعلومج فديتج
ميثه :ههههههه بخير ياغناتي انته اعلومك ربك ابخير ..
يابر وهو يرمس خليفه : اقولك تراه من الصبح مكهرب الجو علينا قابض يتفدا حريمنا هاه .
سلطان :هههههههههه مسود الويهه ..
خليفه وهو يسوي مالت حق عمره : واحنا نص هاذا هب محصلينه الا هزاب اربعه وعشرين ساعه ..
ميثه :هيييييييي ياويييييييلي يالصبه جان انتوا هب محصلين مادري منوه اللي محصل ..
ريسه : هذيله مايبين اصلا في عينهم شي وخصوصا هاذا هاذا وتمت تاشر على يابر..
يابر: ههههههههههههه شوف شوف يوم اقولك ..
سلطان :ياويلي عليكم انا الحينه منزلين هيله الحمل من فوق .. اشعنه انتوا الاثنينه .
ريسه : يعلني افداك ياخويه ..
ميثه : لو تباني انزلك من الطابق العشرين نزلتتلك ..
سلطان : هههههههههه يالبييييييييييييه ..
خليفه : هييييه هيييه ماعليه ماعليه بتيين اخلاف ..
سلطان : يله الحينه خلوا دودتكم اتطيح على قولة ريوس مدامني ييتكم يله اسمحولنا بترخص ..
ميثه :افا عليك فديتك بات عنا وين بتظوي في نص هالليل ..
ريسه :هههههههه جان تبين امايه تقصبه بتقوله اكيد بايت مع وحده ..
سلطان :هااااااه قالتها عطتج المدفع العود اللي بتقوله يتدج ..
يابر: ههههههههههه ..
ميثه : هههه حليلها يدتيه يله عيل اتحمل على عمرك .. وسلم عليهم .
سلطان وهو ناش : افا عليكم سلامن يبلغ يله اماره حايه
خليفه : سلامتك يابومييد ..
ريسه : ربي يحفظك ..
وظهر عنهم سلطان وراح صوب العين .. وراحوا كل واحد منهم مع حرمته الغرفه عسب يرقدون لانه عليهم دومات باجر الصبح ..

لو بغيت الروح ماتغلى عليك .. كل عمري لك ولو تامر عليه
ولو بغيت القلب في مدت ايديك .. كيف أنا بعطيك قلبٍ إنت فيه

في قسم خليفه
الساعه 6 ونص ..
ميثه : **** .. حبيبي ..
خليفه :شويه شويه بس ..
ميثه : هاااااااه رديت اتقولليه اشويه .. ودواميه اهيء اهههيء اههيء . وتمت مبرطمه وحاطه ايدينها على خصرها
خليفه فتح عين وحده ويطالعها : ااااااااااااااااه ااااااااااااه حتى صباح الله خيييير دللللللع اموت اموووووووت اتخبل اتخببببل ااااااااااه اموووووووت فيييييييييج امووووووووووووووووووووووووووووووووت تعالي تعالي ..
ميثه :ههههههههه نش نش عن الخبال ..
خليفه : الخبال اللي انا فيه انتي السبب فيه ماروم اتحمل مارووووووم ..
ميثه :هههههههه خلوف والله شكلك يضحك .. اشعنه مغمض عين وفاج عين يعني
خليفه :هههههههه عسب مايطير الرقاد ..
ميثه :ههههههه اونه اونه قوم قوم وفرت عليه المخده ..
خليفه : تعالي شليييييني ..
ميثه وهي معقده حياتها وتتطالعه بنص عين : هههأأأهههه احلف ..
خليفه : صدق بعد شووووو
ميثه : اوكي يله تعال
وراحت صوبه وتوها واقفه على راسه تم ماسك ايديها ويطالعها وساكت ..............................
ميثه : ياويييييلي اشعنه جذه تتطالعنيه
خليفه : انتي اشعنه تتعدلين يوم اتروحين التقنيه ابصراحه انا انسان اخاف عليج واغار عليج لو حتى من البنات ..
ميثه : هههههههه خلوف انته شكلك هب راقد عدل وقمت اتعق خيط وخيط ..
خليفه : اللي يرقد في حظنج ايكون صاحي في ذمتج انتي بس ..
ميثه : والله انك ماصخ يله الحقني بسرعه عسب اريقك وانروح ..
خليفه وهو يقلدها يوم تيلس تتدلع عليه : مابا ماببببببببا ..
ميثه : اونه يله تعال ورايه اذا اتحبني بتنش ..
خليفه : شوووووو احبج احبج .. ههههههههااي ضحكتييينيه ..
تمت ميثه واقفه وحاطه ايديها على خصرها : واشعنه ماتحبنيه
خليفه : ه لاني لاني ويا صوبها وقف جدامها شرات وقفتها لاني لاني ..
مسكته ميثه من رقبته : بجتللللللللللللللك ..لانك شوووووو
خليفه :هههههههههههههه لاني امووووووووووووووووووووووووت فيج وباسها وشرد الحمام الله يعزكم ....
ميثه : الحمد لله والشكر واشعنه شردت
خليفه وهو في الحمام الله يعزكم : لانه الشرده نص المريله ..
ميثه : وااااااااضح وراحت عنه تحت اتحطله الريوق عسب يتريقون ويوصلها التقنيه ..

في بيت المر الرميثي ..
الساعه 5 العصر ..
ميثه وريسه وشمه كانن قاعدات في الصاله يسولفن ..
شمه : ماخبرتكم امايه ..
ريسه : عن شووووو
شمه : عبدالله يعلني افداه بيملج بالخميس ..
ميثه : والله زين زين يستاهل .. بس اشعنه ماخبرونا من قبل عسب نتزهب ..
شمه : ومنوه ثره بيتزهب ابويه الزاهب في كل مكان ..
ريسه : هيه والله بنروح الحريبي وبنطالع شي غاوي .. واكيد بنحصل وان ماحصلنا المحلات وايده ..
ميثه : همممم اوكيه ..
ريسه : حليله عيل يبالنا نتصلبه ونباركله يوم بسير البيت من تلفون حجرتيه بدقله ..
ميثه : هههههههه عن لا تتيج الفاتوره ..
ريسه : ههههههه مافيني يقولج من الموبايل يصرف اكثر .. وهالاتصالات عافان الله فاجين احلوجهم ..
شمه : ههههههه لازم بيفجون احلوجهم مايبون بيزاتهم اعنبوه تبونهم يخلونكم ترمسون ببلاش بعد . يسدكم الماي ببلاش ..
ميثه : ههههههه يضربونه دبل على الكهرباء ..
شمه : زين يسوون فيكم عسب تقتصدون حق ابلادكم ..
ريسه : هيه هيه ودري عنج رمسة محامي الدفاع هاي الا بتخبرج ريلج وينه
شمه : يعلني افداه هالقنص شال نص وقته .. يالس خاري ويا طيوره ماشفتوه وانتوا حادرين ..
ميثه : لا ..
شمه : يمكن عيل ورا البيت ..
ريسه : والله ياحييج يوم ميودله شغله يشتغل فيها هب نحن اربعه وعشرين ساعه ريايلنا خاري ..
شمه : خليهم يظهرون هذيله اصغار بعدهم واحد 24 والثاني 23 وتبون اتحبسونهم .. مدام ايحبونكم والقلب طاير جداكم الا ارتاحوا من هاي الناحيه حطوا في بطونكم بطيخي صيفي على قولتهم ..
ميثه : ههههههههه جوفي جوفي ختج قامت اتعق امثال ..
ريسه : ياله ياهوى الرميثي عيل شو يسوي اسميييه انه انه ..
شمه : غربلكن الله من بنيات هههههههه ...
ميثه : امايه يتج امايه عزه اليوم
شمه : هيه يعلني افداها يت ويلست عندي وحطينا الريوق واتريقنا وسرنا صوب حرمه في مستشفى الجزيره ..
ميثه :هيييييه ..
المر : السلااام عليكم ..
ميثه : واييييه يعلني افدا هالصوت و حناااااانه .. وعليك السلام ونشت ميثه وسلمت على ابوها ..
ريسه : شحالك المر
المر : بخير ربي يسلمج انتي اشحالج ...
ريسه : بخير وسهاله ..
المر : عساه دوم . يله عاده انا ابا اجوفه الحفيد الاول ..
ميثه : ان شاء الله بتشوفه وبتوديه وياك القنص بعد جانه ولد وجانه ابنيه بنيبلك الثاني ان شاء الله ..
المر : هههههههه الله يرزقج بالذريه الصالح يابنتيه ..
ميثه : اميييييين يابويه ..
وحدر عليهم هزاع محتشر . ..بوزار وفانيله والويهه ميفن من كثرة الرقاد ..
هزاع : شو هالحاله اعنبوه كل الناس ملجة وعرست وانا بعدني شو تتريون حنايه ينشف يعني حنايه ونشف وياااني السقم من كثر ماترييت ياخي ابطيتوا عليه انا ابا اعررررررررررررس اعرررررس يله المر قوم قوم ..
المر : وين بوزارك وفايلتنك وين نظوي
هزاع : ههههههههههه يله بنظوي نخطب ياريال انا ماروم اصبر صبررت اسسسسسنييين .. والحينه عبود بيملج وانا وانا ..
شمه : اتريا يعني شو بقى عن ملجتك الا اربع اسابيع بتموت ..
ريسه : لا وحياتج هاي دوده تنغش فيه مايروم ايود عمره هيهاء اصلب عمرك وانا خالتك ..
هزاع : انتي عرستي ولا لا ريلج عندج ولا لا حامل ولا لا
ميثه : ليكون اتغار منها لانها حامل اوكي الغالي سير احمل انته بعد ..
شمه : ميثووه مسودة الويهه شو هالرمسه ..
ميثه : ههههههههههه ..
هزاع : ايه انتي ريلج وين عنج مخلنج عنز الحاره .. ههههههههه واااااااااااااهههههههههه ..
ميثه : هههههههه اتصدق انه دمك سم .. سم اللي يسم عدوك يارب ..
هزاع : اميييين هههههههه
المر : يابويه استهدوا بالله ..
ميثه : اف يابويه هاذا ولدك بلا ..
هزاع : خلج انتي عاده يالحامل والله هاك اليوم يالس بس اضربها على ريلها حتى والله ماضربت بس الا جذه دقيتها على ريلها اونه هاااا لاااء انا حامل ... انزين حامل خير ياطير حامل في بطنج ولا ريلج هاااااااه
ريسه : ههههههههههه .. ياويهك والله صدق هاي هي العيوز اللي سارقين برقعا عنها ولدج ياختيه ..
هزاع : ماشاء الله ياشميم بنتج واختج .. يايات يستخفن بدمهن عنا اخبركن انتن ماعندكن بيييت كل يوم وسرقتوا انعلوكم ويوتونا .. شوووووو من طق طبله قلتن انتن الهنتتين نحن قبله ..
ميثه : هييييه قالوها البيت بيت ابونا والقوم حاربونا . ابويه هاذا ولدك اشعنده مستلغث لغاثه على العرس .. اعنبوك اتريث العرس مابيطير . ولا العروس بطير ..
هزاع : وهو ياي صوب ميثه ويلس عدالها وكل ساعه ايوايها بالخشم ..
المر : طالعي هب الا جنهم يضاربون ..
ريسه :ههههههه ولدك وراه شي ..
صد هزاع صوب ريسه وقعد يسولها نفس الحركه .
ريسه : يله قوموا عاده الحينه فجها واستلمني ..
شمه : ههههههه عطهن من الاخر شوتبابهن
هزاع : طلبتكن خلو ملجتيه هالاسبوع ويا عبدالله ..
ميثه : ههههههه بتبطي الساع ..
هزاع : مالت عليج .. وعلى اللي في بطنج ... خالتيه خالتيه ..
ريسه : مايخصنيه هاذوه ابوك وهاذي امك ..
هزاع : هذيله مامنهم فايده انا كل يوم احن ..
ميثه : حن حن لييييين ماتهلك ماوراء التعب الا الراحه ..وشويه رن تلفون ميثه وكان خليفه متصل عسب انهم بيظهرون يتمشون ..
ميثه : برايكم انا ريلي يباني .. بظهر . يله السموحه وسلمن ميثه وريسه وراحن صوب البيت .. ظهرت ميثه مع ريلها وتمت ريسه مع يابر في القسم وخلاف راحوا عسب يكملون اثاث صالتهم اللي في القسم ..

الا ربعاء
في بيت مايد الفلاحي ..
اللي هو ابو حمد ..
في الميلس عند الشباب ..
معلن قلبي حــــداده ** لابس ثواب السواد
زاد الونين ايهــاده ** هم ووزى وانـــكاد
كثر الصـــبر مافاده ** قلبن شكى البـــعاد
اللي لعــــــبه ارقاده ** يوم اهتنوا العـــباد
عين السهر معتاده ** على عربـــــي الـــيواد
خرس دمعي وساده ** ولي من ذكــــرته زاد
نــجرن يدق ارشاده ** حليف جاه ايــــــــهاد
مـعتاق جسمي فاده ** وادعي حالي نفــــــاد
اقفــــــا وزاد ابعاده ** وعن اقصــرت الايــاد
ولا لـي غيره راده ** والروح له تنـــــــقــاد
له ســــعايٍ بوداده ** وعقلي لـــهب نـــشـاد
يازين بســـك عاده ** تـرى الزمــــــن رداد
وصلك ولالي راده ** فيكم بدعـــــــت انـشاد
ان كان حظي صاده ** يافرحتي واعـــــــيـاد
بحيا بـخير وسعاده ** وبنزع ثــــوب الـحداد
معـــلن قلبي حداده ** لابس ثوب الســــــواد .
القصيده للشاعر : المزروعي ..وله الشكر

حمد : وسوالم ..
الشباب : سلمت يالفلاحي سلمت ..
خالد : ياله يابوشهاب اسميييييك مووول رايح وطي ..
حمد : ياريال هب وطي مره وحده مراااااات . لا تي عالعووق طلبتك ..
خالد : افا عليك يابوشهاب مره على هالخشم بس والله نك صدمتنيه اخر واحد كنت افكر انه ايطيح فهالصيده هو انته
حمد : اااااه يابوالوليد اشهد انه الغالي ظبياني ..
خالد : ايووه ..
حمد : خلوود انته هب غريب البيت بيتك ثواني وبييك..
خالد : افا عليك .. بس لا تبطي ..
حمد :ماطلبت ..
وراح حمد وخلا الشباب في الميلس واتصل في فاطمه اخته اللي يته وقعدت حذاله وين وماكان قاعد على الكراسي اللي على البرجه ..
فاطمه : حمد روعتنيه يعلني افداك شو بلاك
حمد وهو ياشر على قلبه : هاذا اللي بلاني يلعن صيييرررره لا ليله ليل ولا نهاره نهار ..
فاطمه : ههههههههه انزين خبرنيه شو اللي مستوي عاده
حمده : من اول يوم شفتها فيه وانا احبها ..
فاطمه وهي منصدمه : حممممد .. وشو المطلوب انه امايه تخطبلك اياها اسفه نحن مانظوي على هل التلفونات لا تفكر فيها تراها مثل مالعبتبك بتلعب بغيرك ..
حمد : فطييم اي تلفونات اي خرابيط ..
فاطمه : عيل شو السالفه فهمنيه ..
حمد : اسمعييييني .. انا هاك اليوم كنت رايح ادور بيت واحد من الربع خطفت جدام باب بيت عرب وكانت بنتهم نازله من السياره يوم وقفت حذال باب بيتهم اطالعها حطت غشوتها على ويها وسكرت في ويهيه الباب ومن هاك اليوم وانا هب رايم اني انساها او اني ابعدها لو لحظه وحده عن بالي ماروووم والله ماروم يافطيم كل ماغمضة اعيونيه شفتها ماعرف معرسه ولا لا ماعرف عنها ولا شي انا تعبان ولا حد حاس بعذابيه وودي اخطبها والله انه وديه .. حمد ماقال حق اخته السالفه اللي استوت لانه يمكن تفهم الموضوع غلط ..
فاطمه : حمد مااعررف ابصراحه انا اول مره اشوفك بهاي الحاله .. الله يعينك ياخويه ..
حمد : طلبتج فطيم ساعدييينيه ..
فاطمه : والله انيه ماعرف اروحي احترت من هالسالفه .. وماعرف كيف اساعدك هاي سالفه عوده وفي مشكلات وايده نحن ماندري اذا هي معرسه ولا لا او مخطوبه او مالجه او كيف نوصللهم ولو حتى وصلنالهم العرب بتقول من وين عرفهم وخصوصا نحن العرب حاطه عينها علينا من كل صوب وهم بيتخبرون كيف عرفتوا بنتنا شو انقول هييج الساعه يعني اشياء وايده وايده ..
حمد : دخيلج فطيم لا اتقولين جذه انا مستعد انيه اسوي المستحيل ..بس شكلها البنت هب معرسه توها صغيره ..
فاطمه : انزين .. انته ماخطيت اي خطوه انك اتعرف اخوانها او اي حد يقربلهم ..
حمد : هيه حدرت عند اخوانها الميلس وقربوبي وقعدت سولفت عندهم واخلاف ظهرت ...
فاطمه : والله هاي احلا خطوه بس خلني افكر شويه وبرد عليك اخلاف الخبر..
حمد : فطيييييييم ارحمييييني ..
فاطمه : افا عليك ياحمد انته اخويه وبس عاده عن هالبزا وسير اقعد عن ربعك ..
حمد : بقعد عن ربعي لكن القلب القلب ..
فاطمه : هههههه قلبك ربي بيعينه ان شاء الله ..
حمد : اليوم فليل اتخبريني شو اسوي لاني تعبت من كثر مافكر ..
فاطمه : ان شاء الله ..
وراحت فاطمه الصاله عن الحريم وراح حمد الميلس ......

حكايه عمرها اعوام انا ماودي اذكــــــــرها *** ولا ودي ليالي الجرح ترجع لي واسهرها
عسى مايوم يرجع لي خيالك ياحبيب الامس *** من وين اعطيك اشواقي اذا قلبي يطواه الياس..


في بيت حمدان الشامسي
الساعه 10 ونص
يوم الاربعاء ..

ميثه :الووو ..
عبدالله : مرحبا ..
ميثه : مرحبتييين .. شحالك عبدالله .
عبدالله : بخير وسهاله مرحبا ميثه شحالج
ميثه :بخير ربي يسلمك شحالهم قوم خالي وخالتيه واليهال
عبدالله : بخير وسهاله انتي اعلومج واعلوم ريلج وقوم عمتيه
ميثه :بخير ربي يسلمك .. هاه مبروم مبروك تستاهل ..
عبدالله :...............الله يبارك في حياتج .. هي صح نسيت اباركلج مبروك عالحمال ..
ميثه : الله يبارك فيك انا استويت جديمه الحينه خالتيه ريسه اللي يحتاي انه حد ايباركلها ..
عبدالله : لا جفتها هاك اليوم في بيت قوم يديه وباركتلها .. ميثه ..
ميثه : لبيه ..
عبدالله : لبيتي حايه .. انتي صدق فرحانه اليه ..
ميثه :عبدالله سؤالك غريب ليش مافرحلك يعني ..
عبدالله : الاااه يازمن من عقب عبود استويت عبدالله ..
ميثه :الا رويض وينها
عبدالله : ................ لحظه شوي ..
وراح عبدالله يزقر روضه وتمت ميثه اتفكر في كلامه وكانت اتقول في خاطرها شو يقصد من رمسته اوه وانا شعليه هاذا ها عبود عمره مابيتغير ولا بينسى انيه عرست وحملت وهو بعد بيعرس ...
روضه :الوووو الوووووووووو..
ميثه : هلا هلا ..
روضه :هلا وغلا بالمهلي ساعه اقول الوه ماتسمعين ..
ميثه : لا بس كنت افكر في كلام عبود اخوج..
روضه : ليش شو قالتلج ..
ميثه : قالتلج قالي قالي ريال هو ..
روضه وهي اتغني : في الجو غيم في المطر غيم في السحب غيم في الرمل ماي لللا لللااااا للاللالا ..وفي الراس عقل لا والله ماظني نننانانانننننن ..
ميثه وهي ناقعه من الضحك على روضه : خسج الله ياوريض عمرج مابتعقلين ..
روضه : هههههههه شراتج عقلي في نعالي ..
ميثه : ههههههههههه لا عيون البقر ..ههههههه ..
روضه : ميثاني والله اتولهت عليج ..
ميثه :وايه فديت اللي اتولهه عليه انا يعلني افداه .. ياويل حالي ههههههه ..
روضه :ها شو اخباره ريلي
ميثه :هزاع ..
روضه : هههههههه لأ ماباه اللي في بطنج ..
ميثه : هيهااااء اسميج وايد بتترين ..
روضه : ههههههههه عادي بتريا بس ياويله اذا كبر وقال لا ماباها ابا وحده غيرها هههههههه ..
ميثه : افا عليج من اول مايظهر بنقرا عليه اسمج وبنخبره انج محيرتنه ..
روضه : جان جذه اوكيه موافقه هههههههه .. بس هاتي شور ابوه .
ميثه : ماعليه يوم بيي ابوه بنخبره .. الا شو تجهيزاتكم حق الملجه ..
روضه : كل شي عال العال يعني شوية حجات وحتكون كول حاجه جاهزه ..
ميثه : يله زين تستاهلون بالبركه ان شاء الله ..
روضه : الله يبارك في حياتج ..
وتمن ايسولفن لين الساعه 12 ويا خليفه وسكرت عنها ...

الساعه 1 فليل ..
بيت ام حمده ..
حمده كانت قاعده اتكلم وديمه في التلفون ..
وديمه : حمدوه والله شفتي تنورة ميثه اليوم اتجننننن والله انها اتجننننن .. خاطريه اعرف من وين ماخذتنها
حمده : هيه حلوه .. ياختيه هاي وايد ممصختنها كل يوم لبس كل يوم شنطه وشيله ..
وديمه : لازم عندها ريل ..بس اتعرفين في وايد معرسات مايكشخن شراتها هي جمالها اللي يزيد كشختها ..وتعرفين اللي وياها يوم تظهر تتنقب منوه
حمده : لا منوه هاي انا احيد وحده موزه اسمها بنت اخو ريلها . والثانيه اللي تتنقب يوم تظهر منوه هاي
وديمه : حلوه ماشاء الله عليها صح ..
حمده : هييييه هاي حلوه مب ميثوه اول مره ايكون عندج ذوق منوه عاده هاي
وديمه : هاي خالتها وحرمة اخو ريلها ..
حمده : هيييه ..والله ماكون حمده ان مالفيته جدايه ياالاااااه الحينه وايد بترياه من الصبح اتصلبه ومايرد ..
وديمه : منوه خليييييييفه
حمده : يالييت عندي رقمه ..
وديمه : منوه عيل ..
حمده : واحد بيخبرني شي ..
وديمه :شو بيخبرج عاده قولي ...
حمده :خليه ايخبرني عنه وخلاف بخبرج شوووو يوم بيستوي هالشي .. ودوووم ودووم برايج برايج هو على الخط وسكرت وردت على الخط الثاني .


الصبح الساعه 10
يوم الخميس
بيت فاضل القبيسي ..

ركبن ميثه وريسه مع الدريول وراحن المارينا مول عسب يتشرن لبس حق الملجه .. من عقب ماحجزن في الصالون حق الميك اب والشعر ... حدرن ريسه وميثه الحريبي وخذن عنه لبس سهره مثل التنوره والقميص لونه وردي وعليه ورده صوب الرقبه على الطرف وردن البيت ...
ريسه : امايه بتيين اليوم العين
عزه : ان شاء الله بنسير انا وعاشه ومديه وشيخه وعفراء..
ميثه : واليازيه مابتي
عزه : تعرفين هاذا اخر شهر الها وقالت ماروم على درب العين ..
ميثه : هيه حليلها الله يعينها ..
ريسه : عيل تعالوا معانا امايه ..
عزه :يابر بيوديج
ريسه : هي امايه وخليفه بيودي ميثه هاي السيارتين فاضيات اشعنه اتسيرن ويا الدريول
ميثه :هيهااء شليهن كلهن وياج وانا منوه بيروح ويايه
عزه : هههههه يعلني افداكن يابناتي . في السيره بنسير ويا يابر وفي الرده بنرد وياخليفه ..
ميثه : هيه اتحراج بتزعلينه ..
عزه : يعلني افداج يابنتيه حد ايزعل ظناه ..
ريسه : هيييه هييييييه دلعيها وانا
وتمت عزه ميته عليهن من الضحك ومسكتهن ولوت عليهن ..
عزه : والله يابناتي انه غلاتكن وحده ..
ميثه : يعلنا نفدااااج ..
ريسه : اميين .. يارب ..
ونزلت نوف من تحت ..
نوف : عاشووا يعني انا يوم ارقد تستولن انتن الهنتين على امايه .. ظكن ظكن
عزه : ياااااااله يالغيييييررررره ..
ويت نوف وطاحت على ريل امها ..
واستوت عزه الام الحنون اللي ميثه على يسارها وريسه على يمينها ونوف طايحه على ريلها .. يابر توه كان ياي من برع وحدر من باب الصاله وفي نفس الوقت خليفه توه كان نازل واعي من الرقاد ..
يابر: ههههههههههه لا والله هيه امايه تتلصقين فيها وانا اتروغيييني ....
ريسه : اسكت اسكت الله يخليك انته بس ..
خليفه وهو يطالع ميثه : ماشاء الله اليوم عزه اتوزع حنان
عزه : فديتهن كلهن بناتي يعلني افداهن .. والله انيه بقول جدام عفراء واليازيه وشيخه هالرمسه بعد شراتهن حريم اعيال انا ماحصلت والله في ذمتيه .. الحمد لله الحمد لله ..
ميثه : لا يامايه لا اتقولين جذه نحن كلنا بناتج الله يخليج النا ياربي ..
ريسه : يعلني افداج والله ..
نوف : عزه حووووه نحن بناتج ..
عزه : حوه اللي يحوا عظامج مسودة الويهه انتن باجر بتعرسن وبتسيرن وانا ماحد بيقومبيه غيرهن ..
ريسه : بطولة عمرج فديييييتج ..
يابر وهو يطالع خليفه : اقول خلوف خلاص الحينه هن بناتها ونحن شو نظهر .. وتم يصارخ على عزه عيال اليراااااااااااان .
عزه :ههههههههه فديتكم كلكم ياربيه هههههههه ..
وتموا ايسولفون لين الساعه 3 ونص العصر ..وراحن ميثه وريسه مع الدريول الصالون وبعد ماخلصن ردن البيت ..

في قسم يابر..
الساعه 6 المغرب ...
روحي إللي من غلاك تذوب فيك .. شوقها إللي بكل غالي تفتديك
كل ذره في كيــــــاني تهـــتويـك .. أعشقك وأهواك طريقٍ تهتويك ..
ريسه توها كانت يايه من الصالون وحدرت شافت يابر طايح على الشبريه ..
ريسه : السلام عليك ياغناااااااااتي .. اتصدق يبوري اتولهت عليك ..
تم يابر ساكت فاج اعيونه وحلجه يطالعها : .................
ريسه : شو امول مره اتشوفني ..
وتمت ادزه وهو مايتحرك ..
ريسه : يبوري عاده ... يبوري .. اوهوووو .. يبوووووووور عله ..
يابر: ها . ها ...
ريسه : شو بلاك
يابر: تعالي بقولج شي يلسي عدالي ..
ريسه : هااااااه يلست ..
يابر:
على ديار الزين انا ساري *** مادام دار الزين هــــــي داري
الكون في تدليعه هيمانـــي *** بالزين كل الناس تتطريـــــها
ولهان واغلا الناس ولهانه *** والشوق فيني تنبض اشجانه
دلوعتي بــــــين البشر دانه *** ياليت ربي لي يخليــــــــــها... وسوالم ..
ريسه : فديييييييييييت هالصوت انا فدييييييييييته يعلني افدا راعيه ونشت عنه راحت صوب التسريحه عسب تفتح شعرها ..
يابر وهو يصارخ وميود راسه :ولهاااااااااااان ولهاااااااااااااان ابا حد يحظني ولهاااااااااااان ياناس ولهااااااااااااااان منوه بيتكرم عليه بحظنه الدافي امنووووووووووه
وهي تتطالعه من الجامه مالت التسريحه وميته من الضحك عليه ..

في قسم خليفه ..
مالكني بالغلا مالك شريك .. كن ماغيرك بشر أنظر إليه
لو بغيت الروح ماتغلى عليك ..كل عمري لك لو تامر امر ..
ميثه وخليفه هالوقت كانت عندهم حرب عالميه هي تبا تفتح شعرها وهو هب طايع ..
ميثه: خليفه عاده حرام عليك انا وريسه متفقين انا نفتح اشعورنا ويابر ماقالها شي ..
خليفه :لا والله عاده انا ماليه خص في يابر وحرمته .. انا عليه منج انتي ..
ميثه : خلوفي حرام عليك فديتك فديتك امواح امواح امواح ..
وطبعا هو مكيف ومستانس : بعد .. بعد ...
ميثه :والله تعبت حراااااام ..
خليفه : حتى انا تعبت كل مايستوي عرس ولا ملجه اتلوعين اليه جبديه اسف مابتفتيحنه ..
ميثه : تقههههر قهههههههر ..
خليفه : هههههه حبيبي انا مابا اقهرج وانتي حامل وياها ومسكها وباسها بين حياتها ..
ميثه : بس اليوم والله بس اليوم ..
خليفه : نوووووو يعني نوووووو ..
ميثه :اف خلاص بسكره ..
خليفه :هاتي انا بسكره ..
ميثه وهي اتصارخ ومعصبه : جب انتتتتتتتتتتتته ..
خليفه : هههههههههههههااي اوكيه جب جب بسكت ..
وتمت ميثه اتلف شعرها ويالسه تتحرطم ..: اف لو كنت بيت ابويه جان فتحته ومحد قالي شي انا شليه في البلا والعذاب .
خليفه : ههههههههههه لانج اتحبيييييييينيه ..
وشرد من الغرفه في القسم رايح صوب الصاله اللي في قسمهم ..
ميثه يالسه ادور شي عدالها عسب اتفره فيه وهو ميت من الضحك عليها ..

الساعه 6 ونص ..
اتحركوا هل بوظبي ركبت ميثه مع خليفه ومعاهم عاشه ومديه وراحت عزه وعفراء مع يابر وريسه .. وصلوا هل بوظبي العين بيت قوم غيث القبيسي عسب يتلقونهم لانهم ماكانوا ايدلون بيت العروس .. ونزلوا من السيايير وحدروا البيت ..حدرن الحريم في الصاله والرياييل في الميلس ..
صفيه ام عليا : مرحبا مرحبا بهل بوظبي حياهم الله ..
عزه : الله يحيج ويبجيج ..
ميره : حيالله ام زايد نورتينا يعلني افداج ..
عزه : منور بوجودج ياام عبدالله ..
وقعدن الحريم مع بعض وراحن البنات فوق عند العروس ايسولفن معاها ..وروضه وبنات خالتها صفيه كانن لابسات لبس هندي .. وطبعا ين ميثه وريسه وغطوا على الباقين بجمالهم .. واتعشن الحريم وتمت الملجه ونزلوا العروس وتمن البنات يمشن وراها وكانت عليا حلوه وجمالها طفولي .. بس طبعا هب في جمال ميثه .. وعالساعه 12 خلصت الملجه وردوا هل بوظبي بيتهم ..

في قسم خليفه ..
الساعه 1 ونص
الامانه امانه والامــانه فــــــــــــؤادي *** به تهنا ياعمري وارتوي من حنانه
انته يلي هويتك حيل واقع مـــــــرادي *** صافي الود وافي ماتعرف الخيـانه
خليفه كان راقد وكان حاط تلفونه علىالطاوله مالت التسريحه وميثه كانت واقفه اتفج شعرها وتمسح الميك اب .. فجاه وصل مسج ..
" الشيخ راقد ..."
مافتحت ميثه المسج عشان اتشوفه .. رد وصل مسج ثاني ..
" غناتي ... من الصبح اتصلك ماترد عليه .. مشغول ...."

مافتحته الثاني ... مسج ثالث ..

" يوم ضاق صدري تنفست بذكرى غلاك ... حضنت الملامح في خيالي ..
وتمنيت اجلس معاك ..ليتك كثر ماانته على البال القاك .. بس يالله عسى الايام ..
تسرع خطاويها والقاك .. "

ماقدرت ميثه انها تتحمل فتحت المسجات .. وقرتهن ..

انتهىىىىىىىى الجزء ..
ظنكم منوه اللي مطرش المسجات
ظنكم شو بيكون موقف ميثه عقب هالمسجات
ظنكم شو الشي اللي بتسويه حمده وماخبرته اربيعتها وديمه
الجزء التاسع والثلاثون

قلت بخفي المحبه قلت بلجم جوابي *** واثره الحب جارح من يروض حصانه
من يظن المحبه جوها جـــــو هادي *** اشهد انه يماري في زمـــانه زمانــــه

تمت ميثه ماسكه التلفون فتره تستوعب المسجات اللي وصلن .. وكانت اتقول في خاطرها .. معقوله هالمسجات لخليفه .. لا ماظني .. لا كيف ماظني واسمه موجود .. يمكن حد من ربعه يبا ايسوي في حركه هو دوم ايخبرنيه عن ربعه انه ايسون فيه هاي الحركات .. اسأله .. لا ليش اسأله واكبر السالفه .. هو بيقولليه اشعنه اطالعين تلفونيه .. لا فديته انا واثقه فيه بس ابا اعرف منوه اللي مطرش هالمسجات .. اوهو لا حول انا اشعنه معوره راسيه .. هو دوم ايخبرينيه عن سوالف ربعه يوم ايسون فيه هالحركات .. واكيد بيخبرنيه عن هالحركه .. بترياه لين ماهو ايخبرنيه وان ماخبرنيه .. انا بفتح له الموضوع .. انا ماريد اخرب بيتي بيديه عسب هالحركات السخيفه اللي مالها معنى .. تمت ميثه اتهويس بهاي الاشياء لين مارقدت .. ومسحت المسجات اللي في التلفون .. عسب مايعرف خليفه انه حد فتحهن ..

الجمعه ..
الصبح الساعه 11 ..
في الصاله ..
ميثه كانت قاعده هي مع ريسه في الصاله وعزه وفاضل وعفراء وزايد قاعدين برع في الحوي .. دشت الخدامه وكانت شاله الريوق ويايبتنه داخل ..
ميثه : سوسن وين ماما عزه
سوسن : ماما في برا مع بابا كبير بابا جايد ماما ابراء ..
ميثه : هييييه .. وانتي من وين يايبه الريوق ..
سوسن : انا يجيب من برا ماما ايقول ودي داكل يمكن في هد قومي ..
ميثه :انزين خلاص روحي ..
ريسه :سوسن سويلي عصير برتقال ميثاني تبين ..
ميثه :لا ياختيه مابا بشرب حليب..
ريسه :خلاص روحي . ميثاني شو بلاج اليوم ..
ميثه :ماشي اشعنه ..
ريسه :ماعرف احسبج ظايجه ..
ميثه : لا بس يمكن هالحمال تراه حالات هههههه ..
ريسه :ااااه ياربي الله يعينا وييسر هالحمال علينا ..
ميثه : اميييين .. الا ريلج وينه
ريسه :ريلي راقد فليل يحطليه على الموفي وييلس يطالع وانا اطالع لين نص الفلم وارقد ..
ميثه :هههههههه شراتي انتي ياحيج توصلين نص الفلم انه اوله ارقد ..
ريسه :ههههههههه .. يوم الاحد بسير العين عندي اجازه طبيه الاثنين والثلاثاء ..
ميثه : اشعنه شو فيج
ريسه :ماشي هاك اليوم .. يوم الاربعاء خليت يابر ايوديني عند الدكتوره اللي اتراجعين عندها .. وقتلها عطيني اجازه وعطتني.. ميثاني والله وحامي تعب وايد .. فقلت بسير العين فهاي الاجازه ..
ميثه : هيييييه الله يعينج .. ياربيه ..
ريسه : امييييين ..
ميثه : ومتى بتردين
ريسه : برد بالثلاثاء ان شاء الله ..
ميثه : هيه زين اتسوين والله ارتاحي شويه ..
وخلاف دشوا عزه وفاضل وعفراء وزايد ..ونشت ريسه وميثه وسلمن على فاضل وعزه ..
فاضل : ماشاء الله بناتي قاعدات ..
ريسه : هيه يابويه كنا بنظهر الكم لكن انتوا حدرتوا ..
عزه :لا فديتكن محد يشره عليكن وخصوصا انتي ياريسه لازم شويه اتريحين ظهرج توج ..
ريسه :الله يسلمج يعلني افداج ..
زايد : الا وينهم ريايلكم ..
ميثه : ارقود ..
زايد : ياله حلاته الرقاد ..
ريسه : ههههههه لا مابخلي الرقاد يحلاله بسير اوعيه عسب يسير المسيد ... يله السموحه منكم ..
الكل : مسموحه ..
وراحت ريسه قسمها عسب اتوعي يابر.. واستاذنت ميثه وراحت صوب المطابخ اتقول حق الخدامه اتولع الفحم وخلاف راحت قسمها عسب اتوعي خليفه ...

في قسم خليفه ..
الساعه 11 ونص ..
فرحتي ورضاي دايم ترتجيك .. بس نظره منك قلبي تحتويك
آخذك دنيا بعيده وأفـــــــتديك .. بالعمر أعطيك كل اللــي تبيه
حدرت ميثه على خليفه وشافته توه مسكر التلفون وكان شكله متضايق ...
ميثه : صباح الخير حبيبي ..منوه اترمس
خليفه وهو يحاول انه يبتسم : صباح النور غناتي .. اربيعي متصلبيه ..
ميثه : اها حبيبي اشعنه جذه شكلك زعلان ومويم ..
خليفه وهو ايقول في خاطره فديتج والله ياميثه محد ايحسبي في هالدنيا الا انتي ويعرف وقت زعليه ووقت ارضايه يعلني افدا قلبج ولو حتى احاول انيه ادس عنج شي مابقدر ..: ...................
ميثه : وايه بسم الله عليك شو فيك غناتي
خليفه :ههههههههه امم ليش مابستييينيه اليوم
ميثه : حبيبي يعلني افداك انا .. عسب جذه زعلان ..
خليفه : هم هيه ..
ميثه : قوم اول شي اتسبح واتلبس حق الصلاه وخلاف لك اللي تباه ..
خليفه : والله حبيبي
ميثه :هيه اعنبوه والله ..
خليفه : فديييييييت قلبج وروحج انا ..
ميثه وهي رايحه صوب الكبت اتظهرله اثيابه : افدااااااااااك غناتي ..

في بيت ام حمده ..
الساعه 11:45 الصبح ..
وديمه كانت في بيتكم حمده ...
وديمه : حمدوه شو فيج من الصبح زعلانه ومويمه اشعنه خليتيني في الميلس ورحتي .. وين رحتي شو هاالاتصال المهم اللي ياج و خلاج اتخلينا واتروحين
حمده : عادي انا برمس جدامج لكن عسب اختي ندى كانت اهنيه ومابغيتها تسمع ..
وديمه : انزين منوه الي كان متصل ..
حمده : اسمعي البارحه اتصلت في خليفه كم مره ومارد عليه ... وطرشتله فليل 3 مسجات ..
وديمه : لحظه لحظه لا تكملين من وين يبتي رقمه
حمده : الله يسلمج اتحيدين سالم اللي رقمنا اخر مره في بوظبي مول ..
وديمه : هيييييه ..
حمده : هاذا هو الله يسلمج اللي ياني هاك اليوم على الخط وهو اللي عطاني رقم خليفه ..
وديمه : وكيف عطاج الرقم..وهو يعرفه ومن وين يابه
حمده : هو يشتغل في المرور من عطيته رقم السياره ونوعها ظهرلي اياها باسم منوه وظهرلي رقمه من الملف ماله ..
وديمه : وووواااااي ثرج هب هينه ياحمدوه ..
حمده : يوم اقولج بس عسب اتصدقين انا شسوي .. يوم ابا شي بس صبري بعدج ماجفتي شي ..
وديمه : انزين وهاذا سلوم مالج شو قلتيله ماقالج ليش ..
حمده : امبلا ..
وديمه : وشو قلتيله ..
حمده : قتله اتحيد اربيعتيه اللي كانت ويايه في بوظبي مول يوم اتنقلنا.. قالي هيه ..قتله اربيعتيه من قبل شافت واحد في المارينا والمره الثانيه جافته في بوظبي مول بس هو مايعطيها ويهه وهي اربعه وعشرين ساعه تتطريه واتصيحه ليل نهار وكاسره خاطريه وطلبتني اني اساعدها ومارمت اردها قالي افا عليج امره فالج وفالها طيب بس عطيني رقم سيارته ونوعها . وعطيته وثاني يوم يابليه اياه فهمتي ..
وديمه : الله يخسج ثرج داهيه .
حمده :ههههه طبعا .. انزين سعمي شو سويت عقب ..
وديمه : شووووو
حمده : اول شي المغرب اتصلت فيه يمكن اربع مرات مارد وخلاف طرشتله هالمسجات عالساعه وحده ونص ولارد عليه .. خلاف الصبح يوم نشيت طرشتله مسجين ومارد عليه اتصلت وبعد مارد الظاهر كان راقد ويوم كنت قاعده وياكم اهنيه اتصل ورحت فوق ..
وديمه : انزين وشو قالج
حمده : الله يسلمج قتله انا اللي في المارينا ويلست اصيحله شويه قتله انته ليش جيه اتعذبني انا اطريك ليل انهار انا اهويسبك اربعه وعشرين ساعه واصيحك اباك انا احبك ليش ماتفهم انا احبك هب من اليوم ولا من البارحه انا احبك من اول يوم شفتك فيه وانته كل ماتشوفني اتقفطني وماتحس فيني ... صدقني مثل ماتسويبي بتحب حد وبيسويبك نفس ماسويت فيني .. حسيته اتروع شكله ايحب حد ..
وديمه : ههههههه طبعا ايحب حرمته منوه بيحب يعني ..
حمده :جب لا تتطرينها هاي السباله ..
وديمه :انزين وشو قالج ..
حمده : يعني شو بيقولي اقولج ترا اللي عنده سباله ايحبها ايموت فيها .. قالي اسمعي انا ريال معرس وبستوي ابو عن جريب .. ابتعدي عنيه وجوفي طريجج انا حياتي هب وياج انا حياتي ويا حرمتيه وان رديتي اتصلتي مره ثانيه بتشوفين شي ماشفتيييييه .. وسكر في ويهيه ..
وديمه : ياله مقواااااااه .. حمدوه خلاص اقلعيه شو تبيبه
حمده وهي اتصارخ على اربيعتها : ودوووووووم ... انتي اتخبلتي ولا شووووه انا اقلع كل حد فالهدنيا الا هوو اتعرفين شو يعني اباااااااه اباااااه من اول يوم شفته وهو في بالي وانا ماروم اني اظهره من بالي ..
وديمه : انزين يله شو بتسوين الحينه ماعليه كثر الدق بيفج اللحام ..
حمده : صبري شويشوي هاذا شكله مابيفيد معاه الدق لا هاذا يباله شي اقوا .. شي اخليه هو يركض ورايه هب انا ..
وديمه : حمدوووووووه شو بتسوين
حمده : بتعرفين عقب ..
وديمه : لا والله كل شي بتقوليلي اياه عقب مالي خص الحينه اتقوليلي اقولج .. يله ..
حمده : ودوم لا تستعيلين اتريي ... تعالي تعالي خلينا انروح نتعدل عسب نتغدى في المارينا ..
وديمه : اوكيه واي نوت خلنا شويه نتفرج على المزايين ..
حمده : ههههههههههه يله ...

يوم الجمعه
في بيت مايد الفلاحي ..
الساعه 3 الظهر ..

ذا نصيبي في الهوى دومي ... معــــادلاته دوم مختـــــــــله
من حبيب القلب محرومــي ... ماعرفت ارضاه او اوصلـــه
فاطمه :امايه وين حمد
ام حمد: مادري يابنتيه جنه راقد اشعنه شو تبيبه
فاطمه : لا ماشي بس بغيت ارمسه ابا اسير بوظبي اشتري شوية غريضات وهو ايقول انه باجر ماعنده دوام اجازه .. يعني فاضي خليه ايودينا ..
ام حمد : مادري يابنتيه جوفيه في حجرته ..اشعنه ريلج وين
فاطمه : مابا ريلي ايوديني ابا اروح وياحمد لانه يزوي بتي معايه ..
راحت فاطمه حجرة حمد وحصلته طايح على الشبريه ويالس يلعب بشعره وسرحان ..
فاطمه : باااااااو ..
حمد : ...................
فاطمه :حمد حوووووووووو..
حمد :........ شو تبين اشعندج اتزاعقين ...
فاطمه : شو ابا لقيتلك الحل جان ماتباه ابراييييييك يله انا بظهر برع... وجبلت صوب الباب اونها بتظهر نقز حمد من على الشبريه وراح صوبها ومسكها ..
حمد : تعالي تعالي .. فطيم شو تتمصخرين انتي ..
فاطمه :هههههههههه .. ابا اجوف ردة فعلك جوف ياطويل العمر اول شي اتوديني انا ويزوي ختيه بوظبي واتودينا المرينا مول نشتريلنا بدل لانه نحن من زمان انحن وانته هب طايع ..
حمد : هي والحينه عاده تبين انتي وختج تنتهزون الفرصه هاه
فاطمه : هههههههه يعني هييك شيي ..
حمد : ادلينها امج وين روحي انقلعي عندها ولا ريلج وينه من الصبح عندي حل وعندي حل عندج طل ..
فاطمه : ههههههههه انزين اتريا ..
حمد : جب جب انقلعي ...
فاطمه : كنت يايبه الحل ويايه بس برايك انته ماتباه وتباني انقلع اوكيه باي ..
حمد : تعالي تعاااااااااالي .. مشكله اللي يحط قلبه عندكن انتن يالبنيات يله قولي ..
فاطمه : اسمع ولا تقاطع ..
حمد : انزين يله قولي خلصينا ..
فاطمه : عقب ماتودينا انا ويزوي المارينا مول اونك عاده انته بتمر اتسلم عليهم واتخلينا نحن في السياره وعقب اذا قالولك اقعد قولهم سمحولي الاهل عنديه في السياره وماروم ابطي عليهم لازم انرد العين وانا بس بغيت انيه امر واسلم عليكم .. فعقب هم اكيد مابيطيعون بيحلفون عليك انه تقعد وانك اتخلينا نحن انحدر عندهم البيت فعقب انا بشوف البنت انزين .. وطبعا بتعرف على اساميهن كلهن وبعرف منوه هي اذا كانت البنت الوحيده و عسب نطمن انه يمكن ايكون عندها خوات فااباك توصفليه شكلها عسب اعرفها .. اي وحده فيهن .. وعقب بشوفها وبخبر امايه عنها وبنروح انخطبها ..
حمد : ياويييييييييلي هاذا عقل ولا شوووووووووو ماشاء الله عليج ماشاء الله عليج .. والله انتي شي خطييييير ..
فاطمه : هههههههه عيل شو تتحراني .. احم احم ..
حمد : انزين بس ياذكذك اذا ماقولليه خله هلك يحدرون .. شسوي ..
فاطمه :هالشي مستحيل يعني اذا استوى هالشي يكون 2 بالميه .... مادام انته قربوا بك نحن مابيقربوبنا ..
حمد : خلاص على خير ان شاء الله عيل اليوم انروووووح ..
فاطمه : اعنبوك اشعنه جذه مستعيل ..
حمد : جب انتي كثر ماصبرت انا ماروم انيه اصبر صبرت وايد عاد انا ..
فاطمه : اوكيه ولا يهمك اليووم اليوم بس صبر شوي بشاور ريلي وبفرح يزوي بهالخبر اوكيك ..
حمد: اوكيك بس يله بنصلي العصر وبنروح عسب تشترون على راحتكم لين عقب اذان المغرب وعالساعه 8 انكون عندهم لانه نفس هالوقت كانوا كلهم متيعين يوم رحتلهم ..
فاطمه : اوكيييه ولا يهمك ..
حمد : فطييييم مشكوره ..
فاطمه : العفوافا عليك نحن في الخدمه ..
وراحت فاطمه عن حمد .. اتخبر ريلها واتخبر اختها اليازيه عن روحتهم لبوظبي ...
يوم الجمعه
الساعه 8 ونص
في ميلس فاضل القبيسي ..

كانوا قاعدين الشباب ويا زايد ونهيان وسعيد وخليفه ويابر وهزاع وراشد وعلي .. يلعبون ورقه ..
حدر عليهم حمد ..
حمد :السلاااام عليكم ..
الكل : وعليكم السلام... وسلم علىالكل
خليفه :مرحبا مرحبا بهل العين اقرب اقرب ..
حمد : المرحب باجي الشيخ شحالكم ..
الكل : ابخير وسهاله ..
يابر: وانته اعلووووومك ربك ابخير
حمد : والله يسرك الحال ..
سعيد :وينك ياريال ماييتنا غير مره وحده وخلاف قطعت .. جنه الا ماعيبتك قعدتنا ...
حمد :افا علييييييييك .. قعدتكم على العين والراس ..
زايد : من طيب اصلك يالفلاحي ..
راشد : الريال بني عمي عيل
حمد : فلاحي من دمتك حسيت فيك ..
راشد : هيه نعم .هههههههههه ..
وتم حمد ايسولف معاهم تقريبا عشر دقايق ..وظهر ايعرف قوم راشد ويقربولهم من بعيد ..
حمد : يله اسمحولي ..بترخص عنكم ..
خليفه :افاااااااا ياي اتمر علينا مرورو الكرام واتروح اقعد اقعد ..
يابر: ياوالله ماتظهر اليوم الا وعشاك عندنا اعنبوه عشانا الحين بيحطونه اقعد ياريال شو وراك خبرنيه شو وراك .
حمد : اسمحوليه والله هليه عندي في السياره وانا كنت قريب صوبكم فقلت بمر بسلم عليكم وخلاف بسرح صوب العين
سعيد :اشعنه باجر ماعليك دوام
حمد : لا الغالي اجازه باجر .. يله السموحه ..
خليفه : افا يابوشهاب ماهقيتها منك اشعنه ماخليت هلك يقربون داخل ... والله الصراحه ماهقيتها منك ..
يابر: والله ماتظهر لا انته ولا هلك الا وعشاكم اهنه ..
حمد : اشعنه اتحلفون
سعيد :شو هو اللي اشعنه انحلف اعنبوه من مذهب يابوشهاب توصل انته وهلك لين اهنه وماتخليهم ايحدرون واتحدر انته خمس دقايق وتظهر .. لا لا اعنبوه .. مطرودين
حمد : يارياااااااااال ... المره اليايه ..
ومسك خليفه تلفونه واشر على حمد : مابتروح اليوم عاده .. جان اتروم تظهر خاري الميلس اظهر ..
حمد : ههههههه والله انكم انتوا .. سالفه اليوم بتسوليه اياها ..
اتصل خليفه على تلفون البيت وردت ريسه ..
خليفه :الوووو..
ريسه :الوو مرحبا خليفه ..
خليفه : مرحبتين .. اقولج امايه وينها ..
ريسه : امايه محد ظهرت راحت صوب قوم ختيه شمه يتمشون هي وعويش وعفراء ..بغيت حايه .
خليفه : هيه هل ربيعيه في السياره ..
ريسه : افا اشعنه عاده خلهم يقربون حيااااهم الله .. انتوا ماتستحون على ويوهكم مخلينهم في السياره اشعنه ماقربتوبهم .. يالفضيحه شو بيقولون العرب عنا ..
خليفه : جفت الهزاب كله يا فيييييني .. وسكر خليفه عن ريسه .. خبرت ريسه ميثه وظهرن هن الهنتين يستقبلونهم عند الباب مال الصاله بس وقفن داخل في الممر وفتحن الباب ..
حمد : خيركم سابق ..
يابر: لا خيرنا سابق ولا لاحق يله خله يهلك يقربون .. وظهروا يابر مع خليفه عسب ايدلونه مكان الصاله وقفوا يابر وخليفه عند باب الحوي وين ماكان حمد موقف سيارته خاري ..وراح حمد صوب سيارته عسب ايخلي خواته يحدرن ..
حمد : انزلن..حلفوا عليه الا اخليكم اتحدرن ..
اليازيه : هااااااااه لا لا شوه انا هب نازله ..
فاطمه : عيب عليج استحي على ويهج اكيد يتريونا داخل ...
اليازيه : هاااااااا لا لو تدريبيه امايه جان قصبتنيه انتي حرمه معرسه انا عدني بنيه لا لا مافيني روحي انتي وانا بتم اهنيه ..
حمد : يله عاده عيب عليكم الرياييل يتريون ..
فاطمه وهو اتحط غشوتها على ويهها وتوها بتنزل : يله ..
اليازيه وهي تفج الباب بضيجه : والله انكم فضيييحه ..ومن شافوا يابر وخليفه البيبان اتبطلت حدروا داخل الميلس يتريون حمد .. اشر حمد حق هله على المكان اللي اشروله يابر وخليفه عليه وراحت فاطمه ووياها اليازيه صوب باب الصاله .. وتمن واقفات ..
ميثه : مرحبا مرحبا اقربن حياكن الله ..
فاطمه : تسلمين الغاليه ..
وحدرن فاطمه واليازيه وسلمن على ريسه وميثه اللي كانن واقفات في الممر وقربن فيهم لين الصاله وين ماكانت قاعده شيخه ونوف... ونشن يسلمون على فاطمه واليازيه . ويلسن الحريم ويابن الهن الفواله واتفاولن ..
ريسه : سمحولنا والله ماندريبكم لو كنا ندريبكم جان ماخليناكم في السياره خاري ..
فاطمه : افا عليج انتوا اللي سمحولنا يايينكم جذه على غفله .. الا ماتعرفت عليكن ..
ميثه : انا ميثه حرمة خليفه ..
ريسه : وانا ريسه حرمة يابر..
شيخه : ههههههه وانا شيخه حرمة سعيد وهاي بنتيه مهره ..
فاطمه : فديييييتها ياربي وشلتها وباستها .. وانا فاطمه الفلاحي وهاي ختيه اليازيه ..
نوف : حيااااااج ..
اليازيه :الله يحيج ..
نوف : وانا نوف اخت يابر وخليفه وسعيد .. وانا اصغر وحده في البيت ..
فاطمه وهي اتقول في خاطرها والله وعرفت تختار ياحمد : يعني اخر العنقود ..
اليازيه :شراااتيه يعني ..
نوف : انتي اصغر وحده ..
اليازيه : هيه .. ونوف انتي وين تتدرسين .
نوف : انا كنت في التقنيه وخلاف حولت جامعة زايد ..
اليازيه :هيييييه ياحييج انا بعدني اخر سنه ثنويه عامه ..
شيخه : بالتوفيق ان شاء الله ...
وقعدن ايسولفن الحريم واتعرفن على بعض اكثر وخلاف يت عزه وعفراء وعاشه وقعدوا معاهم واستانسوا كلهم بالهليلسه .. وخلاف اتصل حمد بفاطمه على اساس انها تتطلع عسب مايتاخرون لانه وراهم درب طويل للعين .. خذت فاطمه رقم شيخه اللي اندمجت معاها لانها كانت في سنها ..

يوم السبت
الساعه 6 ونص العصر ..
في بيت فاضل القبيسي
ميثه وريسه وعاشه وعيالها وعفراء ونوف كانوا قاعدين على الزوليه اللي فارشينها في الحوي ..ايسولفن وخلاف يا يابر وقعد معاهم ..وعزه هالوقت كانت في العزبه هي وفاضل ..
نوف وهي ترمس ريسه وميثه : تتدرون اليوم اربيعاتيه يرمسن عن فلم عوكل في السينما ايقولكم ايفطس من الضحك .. ولا لقطه منه ماتضحك.. وكله اللي شافه مدحه والله خاطريه اروح لو مره في حياتي السينما
ريسه : انا قبل لااعرس كنت شراتج اتمنى اتمنى.. شويه وبحب ريل اخوانيه بس امايه اااه يامايه كانت دوم في المرصاد .. بس عقب العرس سرت ويا شيبتيه مرتييين ..
يابر: جني سمعت شيبه
ريسه :ههههههه جوف جوف الرمسه اللي عنه بيسمعها ...
ميثه :انزين يعني لهالدرجه الفلم حلو جنيه انا جفت حاطين اعلانات عنه في التلفزيون هب هو اللي يمثل فيه اللمبي ..
نوف : هييييه هوووو . خلونا انروح دخيلكم ...
ريسه : هههههه وين انروح
نوف وهي اتصاصر ريسه : رمسيه هو من رمسه وحده منج يقتنع .. خليه يودينا ..حرام ريوس دخيلج ..
ريسه :ههههههه انزين ..
وراحت ريسه وقعدت حذال يابر ..
ريسه : يبوري ..
يابر: هاه ها لبيه اعيونه قلبه ..
صدت ريسه على نوف اللي كانت لاصقه في ميثه اتخبرها وغمزتلها ..
ريسه :انته جفت فلم عوكل ..
يابر: لا والله بس سمعت عنه ..
ريسه : انزين حبيبي انا في خاطريه اجوفه شو رايك ..
يابر: مادري ..
ويت نوف ويلست اتقردنه ..
نوف : حبيبي اخويه اخويه اللي يخليك ..
يابر: حوه اشعندها هاي نقزت .. انتي شو يخصج ..
ريسه : تراها بتي معانا ..
يابر: هيييه عسب جذه لاصقه فيها من الصبح قولي ابا اسير وياكم خلاص مدامج بتين ويانا مابنوديج ..
نوف واونها مبرطمه وريسه تمسح على راسها : حليلها هاي النونو مالتكم اللي في البيت ..
يابر: اي نونو قولي بغله ..
ريسه : هههههههههه حرام عليك ..
نوف وهي اتصاصر ريسه : جوفي ترا انا بس ساكته عنه عشان ايودينيه ولا والله اقوم اجلب هالزوليه على راسه ..
ريسه :ههههههههههههههه ...
يابر: شو قالتلج ..
ريسه : ماشي اتقولليه جوفي اخويه يحبنيه الحينه بيودييييينيه ..
يابر: خلاص اوكيه ..
ميثه :حووووووه انا بعد اريد اروح اجوف الفلم .. واتصلت في خليفه اللي كان قاعد في الميلس مع اخوانه ويا قعد معاهم ..
يابر: ها سحبتييه ...
ميثه : اااااا طبعا ..مرحبا مرحبا بابوهزيم ..
نوف : شو نويتي اتسمونه هزيم اذا ولد ..
ميثه : شو نسوي ابويه فاضل يباه على اسم يدج ..
نوف : اسميه الولد بيتعقد ..
خليفه : ياره الله الاسم بلاه اشعنه يتعقد ..
نوف : لا سلامتك ..
خليفه :هييه اتحرا ياام الهيلان ..
نوف : تراهم من الصبح طايحين فيني وانا ...
جان ادقها ميثه بكوعها ..
يابر: وانتي شوووووو ..
ميثه : وهيه ماشي .. خليفه ..
خليفه : لبيه غناتي ..
ميثه :اريد اروح السينما اشوف فلم عوكل اوكي خلوفي ..
خليفه وهو فاج اعيونه يطالعها وهي ترمس : هاه حبيبي
ميثه : عييب هالرمسه جدام الصغاريه وكانت يالسه تتطالع يابر واتحرك حياتها له ..
يابر : هههههههه عمريه مابكبر في عينج دومي ياهل ..
ميثه : خخخخخخ لاني عرست قبلك هههههه .. عسبة جذه ..
يابر: اوكي اتس اوكي . يله الحينه شو يابوهزيم شو قلت ..
خليفه : افا عليهن انوديهن ليش مانوديهن واطالع ميثه وغمز الها ..
يابر: بس هاي الحشره الغريبه تبا اتي ..
خليفه وهو يستهبل : وينها ..
يابر: هاذي واشر على نوف ... ونوف شويه وبتقوم اتصفعهم هم الاثنينه ..
نوف : جب جب انا مابا اسير .. ونشت عنهم ..
ريسه : حرام عليكم ..
ميثه : نوافه حبيبي تعالي ان انتي ماسرتي انا هب سايره ..
يابر وهو يربع ورا نوف ومسكها : هههههههههههه فديت اللي يزعل انا تعالي تعالي انتي على راسي افا عليج ..
نوف : احم احم اتحريت . وهاذا الثاني واشرت على خليفه ..
خليفه : تعالي يالدلووووعه بنوديج ..
عاشه : وين بتوديها ان شاء الله ..
يابر: صباااح الخير نحن من الصبح نرمس ياام فاضل وانتي وين ..
عفراء : ماسمعناكم يالسين انسولف ..
يابر: هيه صح انتن من تشوفن بعض تنسن اللي صوبكم .. وخصوصا هاي عويش ام لسانين ..
ميثه : هههههههه ..
عاشه : ماعليه مسود الويهه ههههه .. ...
خليفه وهو ايحط ويهه حذال ويهه يابر: منوه ابيض
عاشه : فديييتك امبونك الزين الا من عقبك..
يابر: حووووووه مالقيت الا ذوق هاي ..
عفراء : هههههههه ..
نوف : يله انا بسير اطالع الاوقات .. وبخبركم ابها وبحجز الكم .. ويسلت اتعدهم ..
ميثه : وموزه ونوره وعليا مابين معانا ..
عاشه :الله يسلمج عليا بيت عمتها ..
ريسه :هيه صح وموزه ونوره من الظهر وهن بيت يدهن صح عفراء ..
عفراء : هيه ..
نوف : خلاص عيل خمس كراسي بحجز ..
ريسه : في النص هاه
نوف : اوكيه وراحت نوف تربع ..
وشلت التلفون وحجزت ... وردت الهم مره ثانيه ..
نوف : فيه الساعه خمس والساعه سبع ونص والساعه عشر ..
ميثه : احسن وقت الساعه 7 ونص .. صح
ريسه : اهي احسن ..
خليفه : خلاص ماعليه سبع ونص سبع ونص يله حجزي عالساعه سبع ونص ..
نوف : اوكيييييييه وردت تربع صوب التلفون وحجزت ...
ريسه :عيل يله انروح نلبس لانه الحينه سبع الا رربع عسب نلحق ..
ميثه : يله ..
خليفه :انا في الميلس انزين .. وراح عنهم ..
يابر: وانا بروح معاج..
ريسه : شو اتسوي اتي معايه روح الميلس ويوم بخلص انا بنزل ..
يابر: جب مش على كيفج وراح معاها ..
ريسه : لزقه لزقه ..
وراحت ميثه قسمها عسب تتلبس وشافت نوف في طريقها وقالتلها تلبس .. وعالساعه سبع وعشر كانوا جاهزين وركبوا كلهم في سيارة يابر وراحوا السينما وحضروا الفلم وردوا البيت ..

يوم الاحد
بيت غيث الشامسي
الساعه 5 العصر ..

كانت ام حمدان قاعده هي مع شمسه وسلطان والعنود ومنصور واخو شمسه مطر .. ياينهم من دبي.
ام حمدان : حشا يابويه يامطر مابغينا انشوفك ..
سلطان : هاذا ولد ختج ماينشاف الا من عيد لعيد ..
مطر : شسوي ياخالتيه والله انه دواميه اسبوعين باسبوعين يعني اسبوعين راحه واسبوعين دوام ..وماصدق احصل هالاسبوعين الا بس عسب اخلص اشغاليه .. والله انيه اادري انيه مقصر وياكم ..
منصور : مقصر وايد هب شويه بعد .. ياريال انا متى ماشفتك من يوم عرسيه ..
مطر : ههههههههه انزين والحينه شفتك ..
ام حمدان : وايه واشعنه هالدوام جذه لوعة جبد شلك في البلا ..
مطر : شو اسوي ياخالتيه ها البترول واللي يباه ..
ام حمدان : واعليه عنك ..
شمسه :انزين ويوم بتعرس شو بتسوي بتودي حرمتك وياك
مطر : حوه اشعندج وين اودي حرمتيه ويايه سكن كله شباب وين اوديها اقعدها عند الشباب ..
شمسه : هههههههههه .. اشدراني ..
سلطان : هههههههه يوم اقولك . الحمد لله محد ترى صاحي فهالبيت ..
العنود : ياويهك اذا نحن كلنا خبايل فاانته اخبل واحد فينا ..
سلطان : اوكيه يوم اقولكم تعالوا بنسير المستشفى بنجيك مااطيعون . من شو متروعين ..
ام حمدان : وايه بالستر اشعنه اتجيكون وعلى شوه اتجيكون ..
منصور : ههههههههه امايه ولدج ايقول كل اللي في البيت خبايل ويبا ايوديهم المستشفى يطالعهم ميانين ولا لا ..
ام حمدان: ثره هو اول واحد لازم اتودونه..
سلطان : غايه اشعندج اتعقين خيط وخيط ..
ام حمدان : طالعوا طالعوا انته مسود الويهه هاذا شو ايقول ..
مطر : هههههههه تعالوا مستشفى الامل عنا في دبي ..
سلطان : جوف مطور انا بروح معاهم وبخليهم كلهم ايجيكون على عقولهم وخلاف انا بيلس اضحك عليهم
شمسه : جفت لانه شاك في عمره ههههههههه ..
سلطان : ياويهج هاي اختك
العنود : سؤال غبي
سلطان : والله جان هاي اختك عيل على الدنيا السلام ..
مطر : شسوي هاذا قدر ربيه ..
شمسه : مسود الويهه انته وياه ..
وخلاف دشت ميري يايبه العصير ..
سلطان : ميرررررررري ميررررررريوووه ..
ميري : شو يريد هزا واجد فيي مشكل ..
منصور : ههههههههه ياخي بعدك يالس لو انا منك بحفر حفيره وبخش ويهيه فيها ..
سلطان : وايه تراب عاد مابغيت لا انخش من هاي ام ضروس .. ميريوووووه ..
ميري : شو في
سلطان وهو ياشر على مطر : جوفي هاذا في مطر ايريد يسوي شادي .. مشان انتي .. بس هو يستحي ..
ميري وهي تضحك : لا انا مايريد هازا انا في زوج داخل سيرلانكا ..
مطر : وابووك اللبو يعني انا الميت الحيييينه ..
ام حمدان : هههههههه .. سيري ماما هذيله اليوم ماعرف شو مستوي بعقولهم ..
ميري : جين ماما وروحت ...
سلطان : مينونه هاي الحينه بتيلس اتفكر ..
منصور : ههههههههه .. بتيلس اتغني عيل طول الليل .. في دبي ساكن صاحبي .. فاق المها وحد الظبي .. انته مدحت اللي تريد .. وكل حد يمدح من يبي ..
وتموا كلهم يضحكون . ..
ريسه : السلااااااام عليكم ..
الكل : وعليكم السلام ..
ريسه :حياك يابر احدر . وحدر يابر..
منصور : حيالله النسيب .. اقرب اقرب ...
وسلمت ريسه على قوم امها واخوانها وحريمهم وعلى مطر وسلم يابر عليهم وقعد وقعدت حذاله ريسه .
ريسه : اشحالك مطر ربك ابخير
مطر : بخير وسهاله انتي اشحالج
ريسه : يسرك حالي .. وشحالهم قوم خالتيه
مطر : بخير وسهاله ..
ريسه وهي رايحه صوب الباب تزقر على ميري عسب اتروح تنزل الشنطه
وخلاف ردت عند يابر ....
ريسه : يابر عطني سويجك عسب اخليها اتنزل الشنطه ..
يابر: السياره مفتوحه ..
وراحت ريسه وقالتلها اتنزل الشنطه ..
العنود :سمعتج يوم زقرتيها ...
ريسه : ههههههه هيه اشعنه
العنود : من الصبح مخبلبها سلطان اونه مطر ايحبها ..
ريسه :هههههههههه حليلها .. بتعيش الدور عيل ..
يابر: اي وحده فيهن ..
منصور : هاي وانته بعزه وكرامه السيلانيه اللي ضروسها خاري ...
مطر : يبون ايفرونها في جبديه لا وتعرف شو قالت اونه لا انا مايريد انا في زوج مالي في السيلان ..
يابر: هههههههههه ...
ام حمدان : يابويه هاي من زمان عندنا من عشر اسنين وهم دومهم طايحين ابها .. وحليلها دومها ساكته لا تهش ولا تنش ..
شمسه : هههههههه يابر يقولك خرفت وبعدها يالسه ..
يابر: هههههههه شو اتسوي مسكينه .. وينه شيبتكم
شمسه : راقد ..
يابر: وعيوزكم ..
العنود : هههههه خاري ماجفتوها وانتوا يايين شالتنها الخدامه ادور فيها في الحوي ..
يابر: لا ماجفنا حد ..
ريسه : يمكن مودتنها ورى البيت ..
العنود : وايه بسم الله بنتيه وراحت العنود اجوف بنتها وزقرت على الخدامه اتيبها داخل ..
ام حمدان : وينها
العنود : اهنيه قاعده وياها على المريحانه ورا البيت ...
وحدرت الخدامه وشاله غايه الصغيره في ايديها اللي خدودها مستويات حمر من الحر ...
ريسه : وايه فدييت جكلي بف .. فديتها .. اناااااااا ..وشلتها ويلست اتبوسها . وعطتها يابر..
يابر: فدييييت اعيونج انا عمي اغوو اغوو ..
ريسه وهي تغمز حق العنود : يتعلمون عربنا على اليهال ..
العنود : ههههههه شو تبين بعد اكثر انتي ياله منج طماعه ..
وقعدوا ايسولفون واتعشا يابر عندهم في العين وخلاف رد بوظبي لانه عليه دوام باجر ...
لك يتوق القلب مشتـــاقي**خذتني عن كل مزيوني
يالجمال وحسن الاخلاقي**وانسجام بدد شجـــوني

يوم الاحد ..
الساعه 12 ونص ..
في قسم يابر..
هالوقت يابر كان ايكلم ريسه في التلفون ..
يابر: يله متى بتين ماروم ارقد ..
ريسه : هههههههههه اعنبوه توني اليوم يايه ..
يابر: لا اسف انا باجر بيي اشلج..
ريسه : يبوري عاده ..
يابر: اسف حبيبي ماروم بموووووووت من الولهه تعرفين شو يعني بموت ..
ريسه : انته اتعرف ان يبت طاري الموت على لسانك انا شو بسويبك ...
يابر: ههههههه شوووووو
ريسه : بنحرك اتعرف شو يعني بنحرك ..
يابر: ههههههه ان ساء الله من اعيوني .. ياعيوني
ريسه : تستوي سخيف يوم اتييب هالطاري ..
يابر: وايه وايه .. لا والله ..
ريسه : هيه والله .. ويالله انته ارقد الحينه لانه باجر عليك دوام ..
يابر: احببببببج احبببببج اموت امووووت فييييييييييج عذبيتييييني عذبتييييييني مب بس اموت فيج .. انا اتعذب انتي شومسويه فيييني اف اف هلكت ..
ريسه : هههههههههه يالمينون برايك ارقد ..
يابر: اسف ماقدر ..
ريسه :يله عاده ..
يابر: اممم احببببببببج والله ..
ريسه :وانا بعد امووووووووت فيك ..
يابر : ماروم ارقد وانتي هب حذالي ...
ريسه : غمض اعيونك وبترقد ..
وتم يستهبل عليها لين الساعه وحده ونص وخلاف هزبته وخلته غصبن عنه يرقد ..

يا كل عمري يا حياتي أنـا أبيـــــــــك *** يا عالمي يا حلمي الــلي طواني
ضم بحنانك دافي الــحضن وأعطيك *** قلبي وفكري وكــل كلي وحناني
في سيارة خليفه
الساعه 7 المغرب ..
خليفه كان مودي ميثه ونوف السوق لانه ميثه كانت تبا تشتريلها قطعه حق ملجة اخوها هزاع .. فنزلت هي ونوف و تم خليفه اروحه في السياره ... خلاف يت سياره بي ام ووقفت حذاله ..وكانت حرمه منقبه ..
نزلت الحرمه الدريشه حق خليفه واشرت عليه .. نزل خليفه الدريشه عسب ايعرف هي شو تبا ..
الحرمه : لو سمحت اخويه هاي سيارة ريم
خليفه : لا هب سيارة ريم غلطانه ..
الحرمه : نفس السياره ونفس الرقم انا اتحريتها سيارتها وانته ريلها ..
خليفه : لا جيكي على الرقم ..ولف الصوب الثاني يطالع ميثه اللي كانت يايه هي ونوف يتشمن صوب السياره ..
الحرمه وهي اتفر شي في سيارته : يله السموحه منك .
رد خليفه صد عليها مره ثانيه : مسموووووحه ..وسكر الجامه ..

الجزء الاربعون

قولوا لو هو حب غيري *** وش يكون اسمه مصيري
غير اموت انا ف مكاني *** واترك الدنيا ورايـــــــــــه ..

في سيارة خليفه
الساعه 9 فليل ..
ميثه : نوف حلوه القطعه تعرفين بوديها عند علي باجر ايسويلي اياها ..
نوف : هيه ميثاني والله وايد حلوه وبعدين الوانها حلوه بتظهر عليج ..
وظهرت ميثه القطعه عسب اتراويها خليفه ..
ميثه : حبيبي حلوه ..
خليفه هالوقت كانت ضيقة الدنيا كلها في صدره ونزل اعيونه على القطعه : هيه حلوه .. ورد رفع اعيونه بضيج على السكان ..
ميثه وهي اتحط ايديها على ايد خليفه : شو فيك .. نزلت عنك وانته تضحك اشعنه متضيج
خليفه : ............. مافيني شي شو بيكون فيني يعني ..
ميثه انصدمت من طريقة الكلام اللي كان يتكلم فيها وصخت عنه وتموا طول الوقت ساكتين لين ماوصلوا البيت نزلهم خليفه عند باب البيت وروح عند ربعه في القهوه ...

في واحد من الكوفيات الموجوده في بوظبي ..
الساعه 11
حمده كانت قاعده مع اربيعتها وديمه .. وحمده مستانسه ..
وديمه : حمدووووووه اليوم شكلج مستانسه وطايره من الوناسه غريبه ..
حمده : هههههههههه سويت اللي اباه وصدقيييني صبري بس شويه .. شويه وبتشوفين كل شي بعيونج.
وديمه : هااااااااااه حمدووووووه شو سوييييييتي
حمده : هههههههههه الله يسلمج دقيت حق خالتيه في المغرب وخبرتها كل السالفه ويلست اصيح حقها قالتلي افا عليج ياحمده اللي تبينه بيوصلج والبارحه فليل ولد خالتيه يا ويابلي اياه .
وديمه : شو اللي يابلج اياه شو هو اللي ترمسين عنه هااااااه ليكووووووون
حمده : هييييييه سويتله عمل في ورقه وفريتها في سيارته .. وحياتج اتقول خالتيه ها من اقوى الاعمال اللي في المغرب يعني مفعوله تقريبا ساعه ويبتدي يشتغل .. والعمل مابيضره في شي بس بيكره حرمته وكل مايشوفها بيحس انه شايف ابليس ... وبيكون محتاي لشي عسب يرتاح وبكون انه هالشي اللي هو بيحتايه ..
وديمه وهي منصدمه : هاااااااااااا حمدووووووووه ..
حمده : سكتي اعنبوج فضحتينا طالعي الخلق كيف تتطالعنا اشعنه اتزاعقين
وديمه :حمدووووه حرااااام ..
حمده : وديمه جوفي انا سويت اللي مايستوي وياه صح ولا لا ..ييته بالطيب وبالزين وبالهداوه مايابه شو تبيني اسوي يعني .. انا ماقدر ودوم دخيلج حسي فييييييني والله انيه هب رايمه اتحمل اكثر والله بليز ودوووم ..
وديمه : والله صدقج انتي وايد صبرتي .. ان شاء الله عاده يفيد وياه ..
حمده : هيه جي اباج ودوم اربيعتيه اللي اعرفها اللي دوم واقفه ويايه ..
وديمه :هههههههه بس عشرط ابا هذاك اللي كان وياهم ..
حمده : افا عليج ولا يهمج مايغلا عليج ..
وديمه : انزين بنشووووف ..
وتمن وديمه وحمده يالسات لين الساعه وحده وخلاف ردن البيييييت ..

في القهوه
الساعه 12 ونص ..
خليفه كان يالس ويالشباب وواصل حده من الضيجه اللي في صدره كانت وايد قويه مارام انه يتحملها وكل الشباب مستغربين منه ومن تصرفاته ..شويه وشل تلفونه وسويجه وظهر عن الشباب والشباب يالسين يزقرون عليه وهو لابسنهم ولا جنه معاهم ... وركب سيارته وراح البحر .. واتصل في ربيعه نهيان ..
خليفه : الووو ..
نهيان : مرحبا ببودعي شحالك
خليفه : زفت ..
نهيان :افاااا يالقبيسي .. شو فيك
خليفه : مادري ياريال .. حاس انيه ضايع وحاس انيه مضايج وقلبيه يعورنيه ..
نهيان : افاااا افااااا وانا اخوك اشعنه شو اتحس فيك
خليفه : والله انيه مادري ..
نهيان : غريبه ماحيدك احيدك من الساعه 12 في البيت ..
خليفه : اتصدق مالي نفس انيه اروح البيت احس بضيجه بس من حد يطري اليه البيت .. والله ياريال ضايج وواصل حديه ..
نهيان : خليفه لا اتقول جذه حرام عليك .. انته وين انا الحينه ياينك
خليفه : لا تيني ولا شي خلاص انا برد البيت ..
نهيان : اعنبوه جانك الا بترد البيت وانته في هاي الحاله لا لا .. الحينه انا ياينك وبردك البيت ...
خليفه وهو يصارخ على ربيعه : مابااااا حد ايييني مافييني شي خلاص برد البيت قتلك ...
نهيان :خلاص خلاص هد عمرك مايسوى عليك يله اتحمل على عمرك .. بس انا بتم وياك ع الخط لين ماتوصل البيت .. ويوم بتوصل بسكر ..
خليفه : برايييك لانيه ابا ارمس في التلفون ..
نهيان : ومنوه بترمس ..
خليفه :شوووو حرمتييييييه
نهيان : خلوف شو ابلاك انته اليوم جوف انا ساكت عنك بس لانيه عارف انك متضايق وواصل حدك ..
خليفه: اسمحليله يانهيان بس والله انيه هب عارف شواللي فينيه ..
نهيان : بالحل يالقبيسي انته خويه من زمان هب من اليوم ولا البارحه نحن عمر ويا بعض .. والله يديمه علينا ان شاء الله ..
خليفه : خلاص عيل ..
نهيان : خلاص من توصل اتصلبيه طمنيه عليك ..
خليفه :خير ان شاء الله ..
نهيان : ربي يحفظك .. مع السلامه ...

ان قلت هانت بين الوقت تاليه *** احترت بالايام من وين اجيها
كني يتيم مالقى من يراعـــــيه *** اسري وعيني مايوقف بكيها

كان خليفه هالوقت توه بيركب السياره واتصلت فيه ميثه ومارد عليها وردت اتصلت به مره ثانيه ورد ..
خليفه بملل : الووه ..
ميثه : مرحبا حبيبي انته وين
خليفه : اهنيه اشعنه
ميثه :اعنبوه الساعه كم الحينه ..
خليفه : وخير ياطير شو يعني ... لازم يعني 12 يعني 12
ميثه : شو فيك حبيبي متضيج .. تعال البيت ارتاح اخيرلك
خليفه وهو يزاعج عليها : هب يااااااي غصب تبييني ارد البيت
ميثه : لا خلاص هب لازم .. ابرايك ..
خليفه : باي وسكر الخط ..
وتم يدور في تلفونه مثل المينون رقم حمده وحصله واتصل سيده .. هالوقت حمده كانت يالسه ويا قوم امها في الصاله .. وتلفونها في يديها اول ماشافت " حبيب القلب " شهقت وربعت سيده حجرتها ..
حمده : الووووووو . هلا هلا ..
خليفه وهو يحس انه مرتاح من سمع صوتها : هلا وغلا ..
حمده :هلا والله بالمهلي .. اشحالك
خليفه : ابخير من سمعة صوتج ..
حمده بخبث : عسااااه دوم هب بس يوم... خليفه اتولهت عليه ..
خليفه :اااااه وايد
خليفه استغرب من نفسه كيف قدر انه يكلم وحده غير عن ميثه كيف قدر انه ايقول هالكلام حق وحده غير عن ميثه .. ميثه اللي طول عمره حبها وبغاها وحارب الدنيا ابكبرها عسبها واخر شي وبالهسوله صارت عنده انسانه عاديه عادي ايكلمها مايكلمها يسمع صوتها او مايسمعه .. معقوله ..
حمده : اشعنه ساكت ..
خليفه : لا ماشي بس بغيت اسمع حسج .. شو اسمج
حمده : جفت كيف حتى ماعطيك عمرك اي فرصه عسب تسالني عن اسميه او عن عمريه ..
خليفه : ماعليه انا اسف انسيي ي ي اللي صار .. وابت ت دي معايه من اليو وم ..
حمده : ليش اتقطع
خليفه : لا ماشي ماعرف اشعنه
حمده : الله يسلمك اسمي حمده القبيسي .. عمري 22 سنه .. ثالث سنه في التقنيه ..
خليفه لااراديا : ويا ميثه حرمتيه ..
حمده وهي معصبه : اشووووووووو ممكن ماتييب طاريها ..
خليفه : اقولج يله باي وسكر في ويهها .. وتمت تتصلبه وهو مايرد ..خليفه هالوقت ذكر حب حياته حب عمره كله .. اللي حبها اللي كان كل مايشوفها يتخبل عليها ... الانساه اللي يشوفها او يسمع صوتها ينسى الدنيا ومافيها ...اتذكر انها هي تترياه الحينه واتحاتيه اكيد .. حب خليفه كان اقوى من اي عمل فهالدنيا بس لين متى بيتم هالحب قوي ... معقوله حب وعمل منوه اللي بينتصر الحب ولا العمل ..

برق تلظا للـــــخوالي بريــــــــــــقه *** شح المطر في خافيات الضلوعي
فيه من بلاوي الوقت همن وضيقه *** دنياي ماجتني على كيف طوعي