منتدى استراحات زايد - عّششَقتڪ بمَسسَتوَى عآلـي ., وَ حبيْتڪ عڪس حبهَم ..~

آلـــبــــــــــــــــ{ 9 }ـــــــــــــآرت آلتــــــآســع ...’,

{ سرقتني عن جملـﮧ الناس يا صاح

ـﯙالفكر منك ماخذنه نهـﭑيب ~ }

يوم الأربعاء ..

فـ العين ..

بيت بو محمد ..

الساعه 7:30 ..

روضة ~ قمت وأنا خآطري أررقد رقآد .. افف امس كان عليه امتحان ع الفليل ومن غير اليوم كله محاضرات وبرزينتيشنات .. واليوم بعد آلعزيمة والله فـ خآطري مآ أسير بس مب حلوه يعني .. اتفقنا انا ونوروه امس انخلص محاظراتنا ونرد ع الساعه 10:30 أرقد اشويه لين الساعه 12 واقوم اتسبح واتلبس واتعدل حق آلعزيمه يآربيييييييييه ناقصه أنا .. الحيين محسوبه عليه كل صغيرة وكبيرة .. وما شاء الله حرمة عميه اتلاحظ .. ليش مسوتنها سآلفه انا أشل كتبي وانزل تحت اتريق واويه الجامعه أبرك لي بدال هالسالفة اللي اذا فتحتها بيتم متعكر مزاجي طول اليوم .. ~

نزلت الصاله ولقت امها ويدها وعمها .. والباقين كلهم سايرين دواماتهم واشغالهم ..

روضه : السلام عليكم .. " ويلست حذال يدها تتريق "

الكل : وعليكم السلام و الرحمه ..

روضة : شحالكم ..؟

اليد وام محمد : بخير وسهاله ..

روضه : بلاك عمي .. ؟

زايد : قولي عمج شو مافيه ..؟ هالشيبه اللي حذالج مخلي حد يرقد ..

روضه : ههههه .. " تلتفت صوب يدها " .. يدي ليش ما خليته يرقد حليله باجر عليه دوام ..

اليد : شو بعد يرقد .. خ يقوم يفازعني عند الحلال بدال هالرقاد اللي ما منه فايدة ..

زايد : انا لو عشت يوم زياده فهالبيت بنتحرر ..

ام محمد : يالله اتيمل فيه ابوك هذا ..

زايد : يالله يا شويخ كم بتيمل أنا .. باجر بعرس وبسير بعد ..

اليد " استانس " : تبا تعرس باجر ..؟ .. " يلتفت صوب ام محمد " .. شويخ قومي سيري دوريله حرمه ..

زآيد : يا ابويه انته تسمع بالجلب شو ..؟ .. " بدون لايحس " .. انا عقب حصه ما ابا حد .. " شاف كل العيون عليه قام بهدوء ورد حجرته .. "

روضة ~ كل حد يعآني .. حتى عمي ..! .. الله يرحمها كان وايد يحبها .. بس الموت ما يعرف لا صغير ولا كبير .. فـ نفس يوم ملجتهم سوت حادث وأتوفت .. مآ صدق بالبدايه و يلس يصارخ ويهآزب يته حاله كان شكله يغمض .. ما كان يعرف كيف يعيش بدونها .. كان عمره 22 سنة .. كانت تقرب له من اهل امه اللي هي يدتيه .. كلهم حاولوا وياه ينسى لكنه ما قدر .. أسير اشوفه و لا لاء ..؟ .. لا احسن جي بيهدي عمره وبيرد ينسى .. الله يكون بعونك .. ~

" وقفت بتسير الجامعه "

ام محمد : يلسي يا امايا تريقي ..

روضة : شبعت امايا بسير الجامعه ..

ام محمد : متى بتردين ترا العزيمة اليوم ..؟

روضة : بخلص وبرد ع الساعه 10 ونص ..

ام محمد : هي زين الله يحفظج ..

روضة ~ طلعت وشفت الدريول توا داخل البيت .. ركبت السيارة .. سلمت ع نوروه وعمتيه بيخطفنا الدريول ع الجامعه وهي بتسير ع قولتها تقضيلها كم حايه وشاله ولد فطيم ختيه سلطان اونه محرم .. حليله عمره 3 سنين وجي الله يعينه بعدين .. وفيه رقاد الاخ وعين مسكرة وعين مفتوحه إلا ملتهي بالحلاوه .. وصلنا الجامعه .. نزلنا من السيارة وشفنا الأخ عبدالله مرتكز جدام بوابة الجامعه ويغآزل .. سآرت نوروه وهزبته وطبعاً هددته بـ سعيد هههه هالثنائي كششخه .. والله ناس فاضيه حد يغآزل الحييين .. ناس تدرس وتسوي وتسهر وتتعب .. وناس هزبه كل يوم عسب يسيرون الدوام " تقصد عبدالله " .. سرت ويريت نوروه عن الفضايح وصيح علينا ويل الأخ المغازلجي بمعنى ليش خربتوا عليه .. والأخت يالسه إلا تتحرطم لين لقينا ربعنا وسكتت شوي .. ~

شمووه : بلاها هاي محمره ..

شيخوه : علمي علمج ..

نوره : خلصنا يلا .. باقي عشر دقايق .. نفس الكلاس اليوم بنحظر لاه ..؟

روضه : هي .. يلا تحركنا ..؟

شموه : يلا ..

شيخوه : تحركنا ..

روضة ~ هالثنتين دوم جي يكملن الكلام عن بعض .. ولا اذا حد قفط وحده منهن الثانيه اونها ترد عليها عشان بس ما تتقفط .. الله يخليهن لـ بعض .. هن بنات عم من يوم يهال ويا بعض .. هن من العين بعد .. بس فـ منطقه غير عن منطقتنا .. المهم سرنا الكلاس وحظرنا نحن الأربع ولقينا منول ربيعتنا هناك بس هي مب واايد وايد ويانا .. بس نتواصل يعني .. طبعا يوم يجتمعن شموه وشيخوه و نوروه تسمعون ذبذبات فـ الكلاس والاستاذ الاصلع ع قولتهن مع اني والله اشوف في شعر يحليله كل ثانيه ينازعهن .. احسه شوي وبيفقد كل شعره والسبه هالثلاث .. المهم كتبنا اللي علينا وخلصت المحاظره الساعه 9 بدت من ساعه .. وطلعنا خذينا بريك ربع ساعه وردينا انا وشموه وشيخوه .. اما نوره محاظرتها الثانيه الساعه 10 تبدأ ومحاضراتها الثانيات بتتغيب عسب العزيمه .. دخلنا الكلاس الساعه 9 وربع وبدينا نكتب اللي يقوله .. ~

فـ أبوظبي ..

بيت بو ناصر ..

نفس الوقت ..

نآصر ~ يآ ربيييه تعبت .. سير ييب الخضرا والفواكه وبعدين سير ييب الحلويات والمكسرات والبساكيت وغيره وستين الف شئ والله حششره .. محد عندهم غيري وحامد منخمد مب جنه هالعزيمه ع شرفه .. محد قالي انا الغلطان وماخذ اجازة اسبوع يومين رقدت ويا حامد ويوم كنت فالبيت ارتاح واليوم العزيمة وباجر حق تجهيزات الملجه .. افف هاي بروحها بعد سالفه .. اسستغفر الله .. يآ ربيييه تعييني ..~

ام ناصر : حامد .. حامد .. يا بويه قوم قووم ..

حامد : يا ربييه يا امايا .. ها آمري آدللي ..

ام ناصر : قوم سير هات الأغراض ..

حامد : امايه ما اروم دخيلج قولي حق ناصر ..

ام ناصر : ناصر كل ساعه اطرشه مكان من الصبح واعي .. يعلني افداه هاب ريح .. وورا باجر بعد ملجته .. قوم فازعه اشوف ..

حامد : اييييييييييها علينا .. محد بيملج غيره ومحد مسوي عزيمة غيركم .. عندج الدريول طرشيه ..

ام ناصر : قوم اقولك قوم ..

حامد " يبا يخوفها .. ويحط إيده ع راسه " : آآخ يآ راسي .. يعورني مكان الجراحه آآخ .. امايه لازم ارقد عشان ما يعورني ..

ام ناصر " خافت " : ويي بلاك ادق لـ ناصر يوديك المستشفى ..؟

حامد " بصوت خفيف " : اييها ما بنخلص اليوم .. " يرمس امه " : لا امايه لازم ارتاح ..

ام ناصر : هي زين زين فديتك ارتاح .. ما ابا شئ .. " وظهرت عنه "

حامد ~ آآه .. ما أبا اكون حزين وأهلي يستهمون .. اكون عادي احسسسن .. لو ما أنساها بتناسها ولو ما قدرت اتناساها بدور اللي تنسيني إياها .. ما ابا اخون اخويه .. واخاف اجرأ اسوي شئ من وراه .. امسحها من قلبي وعقلي وتكون شرات اختي احسسن ..

ما نسينا .. لو تناسينا ... يالغلا .. في يوم حبينا

يوم كنا بسمة حلوه ... قلب واحد .. من يساوينا ...

تذكرين حروف كلماتي ... يوم كنتي اروع ابياتي

يوم قلتي قول وحياتي ... غير موتي .. يفرق ايدينا

تذكرين .. وكم وعدتيني ... كم حلفتي ما اتناسيني

بس اللي صار .. هنتيني ... واستمعتي لعذلهم فينا

ويا حسافة ما مضى والله ... يا حسافة هالغلا كله

ليت قلبي .. ليت ما اتوله ... وليتنا في يوم ما اغلينا

ويالغلا .. وان كان لي خاطر ... عند وعدي لك انا حاضر

لو يضيق بك الفضا .. تامر ... قلبي الوافي لك رهينا

ما ابيعك ذا عهد مني ... لو يخيب احساسي وظني

هب شرا غيري ترا فنى ... يوم اجفي عنك .. تجفينا

وما نسينا .. لو تناسينا ... يالغلا .. في يوم حبينا

يوم كنا بسمة حلوه ... قلب واحد .. من يساوينا ... ~

...

فـ أبوظبي ..

الساعه 9:45 ..

فـ دوام منصور ..

{ يآلس فـ المكتب .. مآ عنده شئ .. او بالأحرى ما عنده معاملات يجيك عليهن .. سرحآن .. مع انه الأثنينه اللي وياه فـ نفس المكان إزعاج وحشرة والمكان أبد ما يساعد على السرحان .. }

منصور ~ يآربي يا حلاتها هاذيج .. بس ما اعرفها منووه .. أسميها العزبه فيها خير دامني شفت ذيج الغرشوب .. شو اسمها ..؟ .. اخت منو .. يمكن بنت عم عبدالله .. مآ ادري والله .. بس عذآب عذآب .. الله يحفظها .. " وفجأه طآخ " ..

منصور " زاخ راسه " : آآآآآآآآآآي ..

........ : و ويعاه .. من متى أزقرك .. مسوي عمرك هذاك ..

منصور " معصب " : نععم شو تبا .. ؟ " يزخ راسه مره ثانيه " .. يارب اطيح المكتبه اللي حذالك عليك ..

........ : هاللي فالح فييه .. قوم اشوف سير هاتلي كوفي ..

منصور " يقلده " : سير هاتلي كوفي .. كوفي يحرقك إن شاء الله ..

....... : إيييه عن الغلط ..

منصور : حمدانو والله مب فايجلك ..

حمدان " سار ويلس حذال منصور " : شو فيك ..؟

منصور : ما فيني شئ ..

حمدان " يشهق " : هيييييييييييييأ .. لا يكوون ..؟!

سعود " ايي حذالهم " : لآ يكوون ..؟!

منصور " يطالعهم " : بلآكم ..؟

حمدان : لا تقول ..

سعود " يكمل " : إنك ..

حمدان : مستـ ..

سعود : ـصيب ..!!

منصور " يقوم " : عبآلي عندكم سآلفه .. قوموا مناك ..

حمدان : ششردت ها .. يعني ورا السالفه ..

سعود : بنت ..

منصور : قوموا لا مناك .. بستأذن وبروح انا ..

حمدان : مواعد ها ..؟

سعود : وراه وراه ..

منصور : والله انكم مخبل .. تعالوا يلا تعالوا بنتحوط عند الكورنيش ..

حمدان : السالفه فيها ..

سعود : كورنيش .. لا وشو بعد الصبح ..

منصور : هههههه .. والله انتوا نكتته .. امشوا اشوف امشوا جدامي ..

استأذنوا من رئيس قسمهم .. وعقب دهان سير ظهروا .. وساروا الكورنيش وكل ما تخطف بنت يبصبصون فيها حمدان وسعود يبون يكشفون منصور بس البنت أصلاً مب من بوظبي .. عاد من زود البنات اللي هناك اللي فالشغل واللي جامعه او مدرسه .. وحظراتهم حتى الاجنبية يطالعونها .. فآضييييييييييييييين ..

فـ العين ..

الساعه 10 ..

فـ الجامعه ..

روضة ~ دخلت نوروه كلاسها .. و نحن فـ المحاظرة القبليه .. الدكتور مواطن وعطا شموه و شيخوه محاضره شـ طولها عشان ما يرمسن وصصخن بعدين .. لو مصري ولا عليهن منه .. ولا جنهن مسويات شئ هاذن يضحكن حذالي .. سرنا ويلسنا ع طاوله من الطاولات وكل وحده فجت لابها ويلست اتكمل برزنتيشنها .. ~

مرت ساعه ونص .. وطلعت نوره من كلاسها دقت لـ روضه عشان اتقولها المكان وصلت عندهن ..~

نوره : السلام عليكم ..

روضه وشموه وشيخوه : وعليج السلام ..

نوره : يالله روضه الدريول بررع ..

روضه : يلآ عيل ...

استأذنن من ربعهن .. و سارن برع وركبن السيارة ..

فـ السيارة ..

نوره : ها رويض شو النفسيه ..؟

روضة : شو قصدج يعني ..

نوره : ما اقصد شئ ..

روضة : اطمني ماشئ مشاعر ولا بتكون ..

نورة : انتي قد كلامج ..؟

روضه : هيي ..

نورة : انزين شو بتلبسين ..؟

روضة : حق ...؟!

نورة : حق العزيمة بعد حق شو ..؟

روضة : عندي عباه فيها ديزاينات حلوه .. وتناسب المناسبات ..

نورة : الذهبيه ..؟

روضة : هي .. وانتي شو بتلبسين ..؟

نورة : شراتج .. شسوي توأمج ..

روضة " تبتسم " : هههه فديت توأمي أنا ..

نورة : احم كح كح .. اممممممممم ..

روضة : وراج رمسه قولي قولي ..

نورة : ما سويتي شئ حق المجله ..؟

روضة : اففف لا تطريلي اياها ..

نوره " بجدية " : روضه لا تستهبلين ما باقي شئ حتى ما حجزتي كوافيره و ممكيجه .. ولا فصلتي ولا شئ ..؟

روضه : أصلا منو قال اني بظهر له ..

نوره : ضحكتيني .. لو ما بتظهريله بتظهرين حق الحريم .. لا تستوين سخيفه ..

روضه : يآ هي سآلفه .. يوم بنظهر من بيت عمي بخلي راشد يوديني عند هذيج اللي فصلنا عندها فستان يوم حفلة التخرج .. بنفصل عندها وانتهت السالفه ..

نوره : خييبه .. ستين الف محل ومححل فتحوا وانتي تبين هاذيج المعفنه .. ولا ما انتهت السالفه ..

روضة : شو رايج اتسيري اتحوطين المحلات وادوريلي فستان .. وافضل لو يكون اسود ..

نوره : يآ سلآم ..؟

روضه : بتسوين فيني خير لو بتسيرين ..

نورة : روضوه هآي ملجه مب أي منآسبة .. يعني اكيد حرمة خآلي الله يرحمه بتتنقد وبتشوف وغيره .. هي تبا الزين حق ولدها مب الشين .. لا تفقدين هالشئ دام انه بإيدج ..

روضه : هـه .. أصلاً هالشئ مب مهم عندي عشان افقده ..!!

نوره : روضة هالسالفه لا تاخذينها استهبال .. فكري فيها بجدية شوي ..

روضة : على امرج ..

روضة ~ عطتني محآضره شـ طولها .. آفففف والله ابتليت .. الحين احجزي وسيري فصلي .. وبعدين جهزي الزهبة واللستة حق الأغراض وكل يوم مكان وكل يوم خيآط .. أنا لو عليه جأن من البدايه رفضضت أصلاً .. بس شـ سوي ..

يآ ربي تعيني .. وصلنا البيت الساعه 10:30 .. وشفت يدي وامايه والأخ راشد طآلع من نص دوآمه عشآن عيون الاخت حمده كانوا يالسين ويشربون قهوة الضحى ..~

روضة : السلام عليكم ..

الكل : وعليج آلسلآم ..

روضة : هآ انته هنييه ..

راشد : تصدقين لآ هنآك ..

روضة : اشوفك " وتصد الطرف الثآني " .. مآ شوف حد انا هناك ..!!

رآشد : بلآ خفة دم ..

روضة : رآيق الأخ مآ ينلآم ..

رآشد " يبتسم " : آآآه إلا ما بروق مدامني متوجه اليوم لـ دآر ذيج آلمزيونة ..

ام محمد : وآبوي عليك انا شهالرمسه ..

اليـد : خبريني بلآه عشآن أمرغه بهالعصه شوي ..

رآشد " يقوم " : لآ حشم حشم آلشيبه .. ورآيه مغآزل هناك مآ فيني اتشوهلي ويهي ..

اليد " مآ فهم شئ " : هي زين زين ..

راشد " يطالع روضه ويأشر ع يده " : خرف شيبتنا تلآحقيه ..

روضة : ههههههه سير سير أنته مآ تقول وراك مغازل .. ؟!

ام محمد : انتي ويآه بعد ..! .. قومي من اهنا اشوف ..

راشد " نقع من الضحك وروضة قفطت " : وآككككككككككككككككككككككككك ..

روضة : جب جب .. أسير عند عمي أبرك من مجآبلك .. " وسآرت عند عمها وهو لحقها بيسير حجرته "

فـ حجرة زآيد ..

دق دق دق ..

زآيد " فتح آلبآب وابتسم " : هلآ بالروض كله ..

روضة : احم احم .. شحالك زيود ..؟ " ويلسوا ثنيناتهم ع الغنفه "

زآيد : بخير وسهالة .. أشوفج إلا لآبسه العباه وين سآيرة ..

روضة : مب سايرة مكان يآ غير توني رآده من الجامعه وخطفت عليك ..

زآيد : هيييي زين .. شو الجآمعه عـآد ..؟

روضة : والله زيييينه .. انته ليش مآ رقدت ..؟

زآيد : قبل لآ تين كنت وآعي ..

روضة : زيييين .. امممم عمي ..؟!

زآيد : آمري ..

روضة : أنا بسحب أورآقي من آلجآمعه ..

زآيد " انصدم " : لييييش ..؟

روضة : الحيين بملج .. وبعدين بعرس و بسير ابوظبي .. ومآ بتفيج طبعاً للـجآمعه وآلطريج ..

زآيد : انزين أدرسي فـ نفس جآمعة حمدة ..!

روضة : خلآص بـ مجرد اني بملج بالنسبة لي بتنتهي حيآتي الدرآسية ..

زآيد " شك أنه في شئ " : روضوه أنا اعرفج .. فيج شئ ..؟ .. قولي ..

روضة " بدت ادمع " : يوم من الأيام يآني محمد أخويه وقآلي إنه نآصر بيخطبني وطلع عني .. أول شئ انصدمت .. وبعد كم يوم يآ رآشد يبآ يعرف ردي وقلتله إني مب موآفقه .. لاني أصلا مآ أحب نآصر ولآ أطيقه .. عمري مآ أتفاهمت ويآه .. وبعد الزوآج مآ اعرف كيف بتعآيش وبتفآهم ويآه .. رآشد غصصبني عليه لأنه إذا رفضت انا .. ناصر عآدي يخلي حمده ترفض رآشد ..

زآيد " قآطعها وهو معصب " : مآلهم حق أصلاً يغصبونج هآ عرس مب لعبه .. " يقوم " ألحيين بسير أرمسهم وأوقف هالمهزلة اللي يالسه تستوي ..

روضة " مسكته من إيده وبدت دموعها أتطيح " : عمي دخيلك لآ تقول شئ .. والله الحين أنا مب مهتمه .. ما أبا تصير مشآكل بسبتيه .. عيآل عمي مآ عندهم حد غير أبويه .. وخوالهم مآ يهتمون .. أنا رآضيه بآللي يصير .. طول عمري أفضل ونآستهم ع ونآستيه .. ما بيتغير شئ ألحين بعد .. " وحطت إيدها ع ويهها وتمت اتصيح "

زآيد " رد يلس وغمضته روضه وكلمها بهدوء " : حيآتي خلآص لآ تصيحين .. إذآ مآ تبينا ومب مقتنعه برمستهم واللي فيها فيهآ .. " قآطعته روضة يوم طآحت فـ حضنه ويلست أتصيح وهو بدوره تم يمسح ع ظهرها .. "

فـ دبي ..

بيت بو هزآع ..

نفس الوقت ..

فـ الصآلة ..

بو هزاع " يصآرخ " : يآآ عيآل يلآ اتأخرنا .. لين نوصل بوظبي بععد ..

مآيد " ينزل " : أنا خلصصصت بآقي هآذيلآك الـأثنين ..

بو هزاع : أنزين دق لـ خليفة أخوك أستعيله ..

مآيد " يتصل لـ خليفة " : ألو .. السلام عليك .. بخييير .. وين انتوا ...؟ .. طلعتوا ..؟ .. لآ بعدنا .. ابويه يتخبر عنك .. زين الله يحفظك ..

مآيد : آبويه يقول خليفة من ربع ساعه طآلعيين ..

بو هزاع : يآلفضآيح فـ بو محمد ونآصر .. سير سير أستعيل اخوانك ..

مآيد " وهو يركب الدري " : انزين ..

فـ حجرة هزاع ..

دخلت عليا ووراها مآيد ..

مآيد : المعرس خلصنا ..

عليا : مـآ تسوى عليك اللي شآيفنها ..

مآيد " حس ان شئ بينهم " : يلـآ خلصونا ابويه يقولكم بسرعه .. انا بنزل اترياكم تحت .. " ورد نزل "

هزاع : عليوه جي شكلي اوكي ..!!

عليا : يآ ربييه .. هي قمر قمر ..

هزاع : من زين القمر إلا محفر .. انا احلى عنه ..

عليا : هي .. يلا عاد هزاع لين نوصل اتأخرنا ترا ..

هزاع : بنوصل بنوصل .. انزين العطر شو رايج فـ ريحته ..؟

عليا : حلوة حلوة ..

هزاع : انزين شو احلى النظارة الحمرا ولا الرمآدية ..؟

عليا : مدامك لابس كندورة رماديه البس الرمادية أحلى ..

هزاع : انزين هالسفرة البيضه حلوه ولا الحمرا ..؟

عليآ " تصآرخ " : بتسير تملج انته .. بتسير تملج ..؟ إلا عزيمة عيش ولحم وبترد ..

هزآع : الله يسمع منج واملج باللي أباها ..

عليا : هزاع والله أخبر أبويه عليك ان ما ظهرت الحين ..

هزاع : خلاص ظهرت ظهرت فكنيني ..

" ظهر وياها وساروا الصآله لقوا مآيد يترياهم وابوهم وامهم سآيرين قبلهم .. "

مآيد : مآ بغيت الشيخ .. يلا اشوف ..

عليا : ما بنخطف ع مكان نشتري شئ مب حلوة إيدينا فآضية ..؟!!

هزاع : اماية أكيد شلت ..

عليآ : لا حتى ولو انا ما بدخل وإيديه خاليه ..

هزاع : يلا فكينا بنخطف واشتري اللي تبينه .. صدق بنات ..

عليا : مب عايباتنك البنات ولا مب عايباتنك ..

هزاع : مب عايباتنك الثآنية .. < مقولتيه الشهيرة هههه ..

مآيد : وانا اختار الاولى ..

عليا : عبط فـ عبط فـ عبط ..

مآيد + هزاع : يساوي = ..

عليا : اففففففففف انا لو سرت ويا امايه وابويه ابرك ..

هزاع : هدي هدي .. " وظهروا كلهم متوجهين لبوظبي "

فـ بوظبي ..

الساعه 12:30 ..

بيت بو منصور ..

ام منصور تحوط ع حجر عيالها تستعيلهم .. ودخلت حجرة فطامي ..

ام منصور : يا امييه نحن مب سآيرين عرس .. سآيرين عزيمة وبنرد ..

فطآمي : مآمي لآ تخربين ونآستي عآد ..

ام منصور : كيفج ويا اخوج اعييل ..

فطآمي : دآم رآس أبويه يشم الهوا اعيالج الخممه ما يخصهم فيني ..

ام منصور : عيالي بعد هذيلا لا تقولين عنهم جيي ..

فطآمي : اوك مام .. دونت بي لآيك ذيس ..

ام منصور : ما فهمت شئ " : يلا انزين خلصي خلصي ..

" طلعت من حجرة فطآمي وشآفت مهروه طالعه من حجرتها ومخلصه "

ام منصور : حي هالشوف .. لا خلا ولا عدم ..

مهروه " تبتسم وتجرب من امها تبوس راسها " : اعيل ذياب مآ بيي ..

ام منصور : لآ عنده حجز ع قولته وبآجر بيظهر ..

مهروه : اها ..

" ويطلع منصور من حجرته .. "

منصور : ها اشوفكن جاهزات اعيل وين فطييم ..؟

مهروه : داخل فـ حجرتها ..

منصور " دخل عند فطامي فـ حجرتها .. وعصب يوم شآف مكياجها " : إيييه انتي شو هالصصبغ اللي ملصقتنه ع ويهج .. مسحيه اشوف ..

فطامي : اخيييج عـآآد .. بدينا نحن ..

منصور : شو قلتي ..؟

فطامي : قلت ما بمسحه ..

منصور " وهو يصآرخ " : لا بتمسحينه ..

فطآمي : كلمتيه وحده ما بمسحه يعني ما بمسحه رضيت ولا انرضيت ..

منصور " اجرب منها وكان بيعطيها كف .. بس وقفه صوت هز البيت "

بو منصور " يزاعج " : منصصصصور ..

منصور " صد عليه ونزل إيده " : ...........

بو منصور " وهو ع صوته " : مآ علمتك تمد إيدك ع بنآت .. مدام اني حي ما لك خص فيها ..

منصور " وهو معصب " : بنششوف نهاية هالدلع والاستهتار اللي عايشتنه والثقة اللي مالها لزوم وين بيوصلها ..

" طلع وهو معصب ويوم خطف حذال مهروه قاللها : أترياج فـ السيارة .. طلع من البيت وركب سيآرته وهو منقهر من اخته .. ومن ابوه اللي عاطنها ثقة لـ أوسع الحدود .. عقب 5 دقايق طلع بو منصور وركب سيآرته ولحقته ام منصور وساروا بيت بو ناصر .. بعدين ركبت مهروه .. وتم واقف يتريا فطامي .. "

مهروه : منو تتريا ..؟

منصور : ست الحسسن في غيرها ..

" شافها من المنظره الأماميه وهي تتمشى .. ويوم جربت من باب السيارة بتفتحه نزل دريشته وقاللها "

منصور : خلي الصبغ اللي مازرتبه ويهج يوديج العزيمة .. " وصيح عليها ويل وروح وهو مستانس انه برد حرته .. تمت تصارخ منقهرة وتدعي عليه .. دقت لـ شخص .. "

فطامي " بدلع " : آلو ..

....... : هلا بهالصوت وينج عني من زمان وين .. ؟

فطآمي : شو آسوي بععد مشآغل .. اممم بطلب طلب ..

....... : عيوني لج آمري ..

فطآمي : تقدر تخطف ع بيتنا وتوديني مكآني ..

....... : تم ألحيين يآينج ..

فطآمي : يلآ أعيل أتريآك .. بباي .. " وسكرت التلفون "

فطآمي ~ مستحيل يسويلي شئ مثل هذاك الكلب .. والحمدالله الله ستر ع المره اللي طآفت .. ومب كل الرياييل مثل بعض ..

بركب وياه وبيوديني هناك وانتهت السالفة .. ~

فـ طريج آلعين بوظبي ..

نفس الوقت ..

روضة ~ ع الساعه 11:30 وعيت وما حسيت إلا اني بحضن عمي رآقدة ساعة ونص وهو رقد ع جتفي بعد .. شكله من عقب سالفة الصبح مآ رقد .. الله يكون بعونه وعوني .. المهم وعينا شفنا البيت مشتل عسب العزيمة .. مهرة تلبس لطيفن اللي مخيسها عمرها ومب طآيعه تلبس .. وابويه وامايه يعآيون بيدي عشآن هو يبا يسير العزبه ونحن بنسير بوظبي وماشئ وقت .. ومحمد يسآعد مهرة ع لطيفة لانها يحليلها طلعت حآمل والأخ ماخذ احتيآطآته هههه .. وراشد كل ساعه كندورة وكل ساعه نعال وكل ساعه نظارة وكل ساعه غتره بروحه مسوي حفله فـ البيت .. وانا دخلت حجرتيه طلعت عبآتي خليت الشغاله تكويها .. و اتسبحت .. حطيت آيشدو ذهبي خفيف مع أسود وجحال وآيلآينر .. حطيت بلآشر وحطيت قلوس وردي فآتح .. أستشورت شعريه وعدلته واستشورت قصتيه سويت فيها بآف ونزلت منها ع طرف .. يآبت الشغاله عبآتي ولبستها كآنت عبآه عآدية مسكرة مع حزآم ذهبي يلمع وعليه حركة ونازلة منها سلاسل صغيره ذهبية وسودة .. وع الجتف بعد حركة ونازلة منها سلاسل .. والشيلة تنحط عآدي ع الرآس وفيهأ مثل زخرفه ع طولها .. ولبسست فلآت ذهبي يلمع فيه فيونكه سودة .. خلصصت قبلهم ويلست فـ الصآله اتريآ حضرآتهم يخلصون .. نزل عمي زآيد وكان كاشخ بالكندورة البنية و متسفر والغتره مخلنها ع طرف والنظآرة الشمسية والعطر ينشم من مسافه 10 كيلومترات .. ومن غير نظرته وملامحه الشيوخيه .. صرآحه لو مب عمي جآن طحت فـ هواه .. المهم يلس حذآلي يسولف ويتمصخر .. حسيته يبا يغير من نفسيتيه .. خلصوا كلهم ع الساعه 12 ابويه شل يدي وامايه وروحوا .. ومحمد شل حرمته وبنته وروحوا .. وركبنا انا و عمي زآيد ويا رآشد فـ سيارته وهو اللي يسوق .. والحين فـ الطريج .. يمكن بآقي ربع ساعه وبنوصل لأن رآشد يسرع .. اتصلت لنوروه .. قآلتلي عن لبسها طبعا مثلي .. هي وعبدالله ساروا فـ سيارة .. وعمتيه وعمي " احتراما له اقوله عمي " ساروا بسيارة وحده .. وسعيد وفطيم ختيه وسلطون بسيآرة .. توهم رآشد وعبدالله يسآبقون زيين ما شافونا قوم ابويه ولا عمتيه ولا رآيحين فـ خرايطها نحن .. مررت ربع ساعه .. وصلنا بيت عمي .. يالله من زمان ما ييييته فـ الأعياد هم أيون وماشئ مناسبات عندهم يمكن قبل لا يتوفى عمي بكم سنة دآخلتنه .. احس وآيد أتغيرت أشياء فيه .. جدام بآب الصاله من برع مسوين مكان مرتفع عشان تخطف السيارة فيه .. والحديقة اللي حذال بآب البيت الكبير احلى عن قبل .. ومنصه وخيمة زجاجيه وورا البيت نافورة وجدام البيت نافورة فالنص .. وميلس الرياييل شـ كبره .. الله يعين الخدامات اليوم .. حديقتهم الورآنيه أحسها تفتح النفس ورود مرتبه وكراسي ونافورة وجرآت صغآر كانت كشخه .. نزلني رآشد ونزلت ويآيه البآقه .. دخلت داخل واتفآجأت بآلحريم هالكثر .. خدي انسحت من كثر ما يسلمن .. طبعا حرمة عمي يلستني حذالها ويلست اتقول للحريم اني بستوي حرمة ولدها .. والحريم يرمسن ويرمسن ويرمسن .. يو قوم اماية وفطيم ومهرة وفكني منهن .. سرت عند البنات وسلمت عليهن حمدوه ومهروه وعليوه ونوروه يلسست أسولف وياهن وجي .. ~

عند فطآمي ..

{ يآهآ اللي اتصلت له .. واول ما ركبت جربت منه عشان أتسكر البآب .. وهو بدوره طبع بوسه سريعه ع خدها .. اقشعر جسمها .. وابتسمت له .. دلته البيت ونزلت جريب منه عشان محد يلآحظ السيآرة .. لكن كان هناك من لآحظها و تمنى لحظتها لو الجتل مسموح به جآن سآر وجتلها .. دخلت الحوي وهي تتمشى والشباب يطالعون ويوم شآفها منصور أنقهر .. سوالها حركه ع أساس تتغشى لأنه كله شباب .. بس هي إلا تعاند .. وما تغششت .. دخلت البيت وسلمت وسآرت يلست ويالبنات وحياتها إلا التعليق .. والضحك .. وتستصغر الناس .. }

روضة : ربيعتيه ادقلي بسير برع برمسها اهنا كله حشره ..

حمده : ادلين الباب اللي يودي صوب الحديقة ولا لا ..؟

روضة : ههه يالله مب لهدرجة انسى البيت ..

فطامي : لازم بيتها بيكون ترا بعدين ..

" كلهن طالعنها بنظرة .. وأولهن نورة لانها ما تدانيها .. ظهرت روضة وسآرت آلحديقة الخلفية .. "

فـي الحديقة ..

كانت تمشي تبا توصل عند الكرآسي عسب تيلس وهي يآلسة ترمس ربيعتها .. وصلت جريب الكرآسي وحست بـ انفآس ورآها .. لفت تشوف ولآ بـ ويهها جريب من ويهه ..

روضة " شهقت .. "

نآصر " منصدم ويقول فـ خآطره : مستحيل هآي روضه .. لآ امبلا هي ملآمح ويها أعرفها .. " رد ع ورآ وقآللها "

نآصر : آسف عبآلي حمده .. شرآت مقفآهآ ..

روضة " في حآلة صدمة .. هو روح وفكره عندهـآ .. مآصدق انه هالملآك اللي دوم يضآرب ويآها ويكرهون بعض هي روضه .. فكر فيها وآيد .. بس يقول فـ خآطره هي ما اتهمني ولا هي تهتم .. ليش انا اهتم .. اما روضه سكرت عن ربيعتها حتى بـ ويهها ولا قالتلها كلمة بسبب الصدمه .. ويلست ع كرسي من الكرآسي وهي ع صدمتها .. شعور غريب و ويهها جريب من ويها .. تحس أنها اتنفست انفاسه وهو كذلك .. ~

روضة ~ يآ ربيييييه شو هالموقف اللي انحطيت فيه .. ولا بكامل زينتيه بعد .. يآ ربي شو بيقول شو بيفكر .. أصلا هو الغلطان .. انا ليش أحآتي شو بيقول خ يقول اللي يقوله .. ~

عند الشبآب ..

{ سوآلف وحشرة .. لكن هناك كان اللي سآرح بـ فكره .. هزآع .. مـآيد .. منصور .. حد منهم متحسف ومنقهر وحد منهم ضآربنه فضول .. وحد منهم خآطره يشوفهـآآ .. }

**** " فـ خآطره " : شهالبنت ******** , أتفآجأت صرآحه .. مآ اعرف شو اسويبها .. لو الجتل عندنا مسموح بـه جآن جتلتها .. صرآحه كل اللي سويته ضآع ببلاش .. لو اندفنت بيومها ولا ادخلت جآن أحسن .. والأخت من قوات عينها رآكبه وياه السيآرة ويآيه عآدي .. صدقيني يا بنت الناس بيمر يوم وبتندمييييييييييييييييين ..

عند الحريم والبنآت ..

{ طبعاً الحريم يرمسن هآي سآرت وهآي يت وهآي عرست وهآي انخطبت وهآ اطلقت وسوالف لا لهـا بدآيه ولآ نهآيه .. والبنآت سوآلف شو يسون فـ الجامعه وعن الملجة شو بيسون ومصخره وتنغيزآت ومن تحت لين تحت .. }

الكل ..

{ ع الساعه 2 اتغدوا .. ويلسوا لين أذآن العصر صلوا و كل حد روح .. وتموا الأهل و دخلوا الصآله .. الحريم والرياييل والشباب فالصالة .. والبنات سآرن ويآ حمده حجرتها .. مسحن مكيآجهن وخففنه عسب في محآرم ومب زين يظهرن جدام الشبآب .. نزلن عندهم .. }

البنات : السلام عليكم ..

الكل : وعليكم السلام ..

" يلسن .. "

اليد : إيه أنتوا الشواب " يرمس الشباب " متى بتعرسون ما مليتوا من العيشة بدون حرمة وبيت ..

رآشد : أنا وناصر طلعنا من هالشغلة .. خلاص بنملج .. رمس هذيلا اللي بدون شغله ..

اليد : اول وآحد بيعرس زآيد ..

رآشد " بانفعال " : لا لا لا انا بعرس أول .. " اطالعوه كلهم وزآيد غير السآلفه .. "

زآيد : عين خير يآ أبويه لا بعرس ولا الله قآله ..

هزآع : انا بلحقكم إن شآء الله بس مب أحيين عقب مآ تعرسون بفضى أنا .. " ويطالع نورة بدون لآحد يلآحظ .."

نآصر : لآ دخييلك .. اللي يقول أنته يآلس أتعدل الصآله اللي بنعرس فيهآ ولا بتمسح الأرضيه .. ولا بتسوي شئ ..

الكل : هههههههههه ..

هزآع : جرحتني مع اني قآيل بعآونك .. وبتشوف ولآ بسوي طشه بس حق رآشد ..

رآشد : انا بعد مآ أبآك اتسوي شئ ..

الكل : ههههههههههه ..

عبدالله : قففففففففففففطه ..

هزآع : جب أصلا مب منكم مني أنا اللي مسولكم سآلفه ..

حآمد : فكونا لآآه أنا خآطري أسير المول حد بيسير ..؟

البنات : هي نحنا ..

حآمد : خيبه حآظرآآت ..

رآشد : اقطعن يلا بيسيرن المول اون ..

نورة : نحن ما بنسير جي .. الاخوات حمدة وروضة بيسيرن يتشرن حق الملجة وبعدين ما عندهن وقت ..

روضة و حمدة " اطالعنها وفآجآت عيونهن .. "

نورة : هآ بلآكن أطآلعني صدق ماشئ وقت ولازم تشترن ..

بو محمد : أعيل قوموا ودوهن خ يتششرن ويخلصن مدآم إلآ هالمجمعآت حذآلنا ..

مآيد : مآ نروم نشل بنآت نحن ..

عليآ : عآدي بسير ويآ هزاع مب لآزم انته .. " تلتفت صوب ابوها " أبويه عآدي أروح ويآهم ..

بو هزاع : عآدي فديتج .. سيرو بس لآ تتأخرون ..

هزاع : إن شاء الله .. يلآ فزوا اعيل ..

روضة : أنا مآ اروم أسير ..

نورة : لا بتسيرين وريولج فوق ظهرج فوق رآسج بعد ..

روضة : أفففف ..