أن شكيت الحال محدن لي سموع
وان سكت الناس زادوني ملام


ام مايد ; عيل وينه ريلج
ميروه تثاوب ; مادريبه نزلني وسار
ام مايد ; ودي في وحده ماتعرف ريلها وين
ميروه ; اميه انا بسير ارقد واذا رد منصور قوليله اني راقده
ام مايد ; زين
ميروه دشت حجره منصور وانسدحت ع الشبريه
ميروه ; آآآآآآآه فديت ريحتك يآلغآلي
آبتسمت وحضنت المخده ورقدت ..
صوب منصور اللي سآر وحجزله تذكره لـ " كويت "
سافر بدون لا يخبر حد !
ع السساعه 6 ألمغرب نشت ميروه وجيكت ع فونها مالقت ولا شيء من صوب منصور
اتصلت فيه لقت فونه مغلق ~
اتصلت في " ميود "
ميروه ; هلا ميود وين أنت ؟
ميود ; من شوي طالع من البيت .. بغيتي شيء ؟
ميروه ; مارمسست منصور ؟ لأني اتصل فيه فونه مغلق
ميود ; لا والله مارمسسته ! بسس لا تحاتين اكيد مغلق
ميروه بخوف ; خلاص آوكيه
ردت اتصلت في منصور لقته مغلق ~
صوب منصور اللي وصل كويت وخذله فندق !
" آفف وأخيرا بقدر أفكر وأخذ قراري بدون حنت حد .. بسس لازم أخبر حد أني مسسافر "
شل فونه واتصل في " مهروه "
مهروه ; الوو
منصور ; أنا منصور
مهروه ; بسسم الله من وين متصل أنت ؟
منصور ; أنا سافرت كويت !
مهروه ; شوووووووه ؟ وليش ماخبرتنا !! ميروه اهني جالبه الدنيا عليك وأنت حضرتك مافكرت تتصلبها واتقولها انك مسسافر
منصور ; مهروه توني واصل .. وروحي تعبان لا تزيدين همي
مهروه ; زين بخليك اترمس ميروه
منصور ; بيقطع مافيه رصيد بعبي وبتصلبها
مهروه ; آوكيه
سكرت عنه ولفت صوب ميروه
مهروه ; منصور في كويت
ميروه ; شووووووه وليش ماخبررررني !
مهروه ; قال أنه بيبخرج لأنه من شوي واصل
ميروه ; اففف منك يا منصور
مرن يومين ع سفر منصور وميروه كانت تترياه يرمسها !
صوب منصور اللي اميود فونه ويكتب مسج لـ ميروه
" وايد مشتاقلج اليوم مادري ليش ! المهم اشحالج ؟ "
صوب ميروه اللي من قررت المسج اتخبلت واستانست
" بس اليوم مشتاقلي ؟ وانا صارلي يومين والشوق ذابحني .. هب بخير دامك قاطع اخبارك عني "
منصور
" هو انا كل يوم اشتاقلج بس اليوم غير ! فديتج سامحيني غلايه "
ميروه
" جب .. وين اصرفها هاي ؟ "
منصور
" يلا عاد خل عنج .. خاطري اشوفج اتولهت على خبالج ولسانج الطويل "
ميروه
" وانا اكثر وربي الشاهد "
صوب منصور ; آآآآخ قلبي !
ميروه نزلت الصاله وهي مستانسه
ميود ; اوب اوب ان شاء الله دوم انشوفج جيه
ميروه سارت صوب ميود وحطت راسها ع جتفه ; آختك بطير من الوناسه
ميود ; فديتج دوم ان شاء الله
مهروه و حميد و مريوم ; امين
ميروه حاطه ايدها ع ويها وهي مستانسه
مهروه تحرك حياتها ; وشوه سبب الوناسه هاي
ميروه تشوف ميود ; بلاها حرمتك ملقوفه جيه
ميود يطالع مهروه ; فديت حرمتي انا
مهروه بمستحى ; ايه جب
ميود ; فديت الجب انا
نرد لـ منصور
آميود فونه ويتشاور اذا يتصل في شموه وﻻ ﻻ !
منصور ; اتصل وﻻ ﻻ ؟ احسن شيء اسويه اني ماتصل !
صوب سيف
سيف ; اميه ابا اعررس دوريلي حرمه
ام سيف ; افا عليك يا ولدي
سيف ; اخطبيلي ابسرعه
ام سيف ; ويدي ليش مستعيل .. بدورلك بنت الحلال اللي اتناسبك ﻻ تحاتي
سيف يالس يتأفف
شويخ تصاصره ; يعني ليش ماوضحتلها وقتلها انك تبا مريوم
سيف ; مابا مريوم
شويخ ; نععععم ؟
سيف ; اففف يا شيخوه ترا مول مب وقتج
صوب مريوم
اللي اميوده فونها وتتصل في سيف وسيف مايرد عليها
جان يطرشلها مسج
" يوم بتوافقين اني اي اخطبج ذيج الساعه برد عليج "
مريوم
" اففف يا سيف ﻻ تسويلي حركات يهال "
سيف
" انتي اللي ﻻتسوينلي حركات يهال .. ولين متى بنتم انرمس بعض في الفون ! وشوه نهاية حبنا يعني ؟ مريوم قلتلج قبل وبرد اقولج انا اباج اتكونين حلالي "
مريوم
" وانا مافكر في الزواج الحين "
سيف
" ربي يحفظج عيل "
مريوم ; افففف
مهروه ; بلاج ؟
مريوم ; ماشي
ميروه ; ويه باجر اليمعه بيت يدوه
ميود ; ﻻ بنسير بوظبي
ميروه ; عند عموه ام سيف ؟
ميود ; هيه
ميروه ; ياي كشخاه
حميدوه ; شوه الكشخه في الموضوع ؟ طبعا بنشوف نفس الويوه بس هاي المره المكان غير
ميروه ; هههه فديت ويوهنا
حميدوه ; مالت بس مالت
اليوم الثاني ~
نشت ميروه وطرشت مسج لـ منصور
" اليوم بنتيمع في بيت عموه ام سيف .. ناقصنا وجودك "
منصور
" صدق مكاني خالي ؟ "
ميروه
" هيه والله صدق "
منصور
" اوكيه "
ميروه خلت الفون وسارت تكشخ ويا البنات وعقب ماخلصو ركبو السياره ~
اللي يسوق " ميود "
ام مايد و بو مايد رواحهم سارو ~
ميروه ; عيل يدوه منو بيمر عليها ؟
ميود ; قوم اميه
مهروه تزاعج ; اللللللللللللللله غنيتي المفضله .. دخيلك ميود طول ع المسجل
حميد يسكر المسجل ; اصبحنا واصبح الملك لله
مهروه ; افف عن العبط الحين ساعه 10 !
حميد ; جب صخي مابا اسمع نفسج
ميود يفتج المسجل ; ايه انت مب ع حرمتي .. تراني بنزلك وبخليك اتي مشي
حميد ; افا بو الشباب ! ويصد صوب مهروه ; سامحيني مرت اخويه
مهروه ويها شويه وبينقع من المستحى خخخ
ميروه ; والله وقمنا نستحي
مهروه ; ايه عاد بلا سخافه زايده
حميد ; غريبه ! مريوم صاخه
مريوم ; روح زين حدي مب متفيجه
عقب نص ساعه تقريبا العايله بكبرها وصلت " بوظبي "
" ع الغدا "
ام سيف ; قررت اخطب ل سيف
اليده ; هاي الساعه المباركه ومنو هي ؟
ام سيف ; بنت شيخه .. بنت ماشاء الله عليها مب ناقصنها شيء جمال واخلاق
ام مايد اتيبب ; بالمبارك .. يستاهل سيف
مريوم حست بغصه من سمعت رمسة ام سيف
مريوم ; الحمدلله
ام سيف ; ويه ماكلتي شيء يابنتي
مريوم ; الحمدلله شبعت عموه
مريوم وهي سايره تغسل ايدها شافت منصور بس ماعبرته .. غسلت ايدها وبغت اتسير بس سيف وقف جدامها ..
سيف ; السلام ببلاش
مريوم ; وليش ماخبرتني انك بتخطب ؟
سيف ; خطبت منو ؟
مريوم ; ع قولت امك بنت شيخه !
سيف ; هههه ومنو هاي شيخه
مريوم بعصبيه ; ﻻتم تستهبل عليه !
سيف يتقرب من مريوم و مريوم تبتعد عنه الين ما لصقت في اليدار !
سيف ; عنبوه ماباكلج ! شعنه تشردين
مريوم ; خوز عني
سيف يحضن ويه مريوم بايده ; دامج اتحبيني واتموتين فيني ليش هـ العناد كله ؟
مريوم ; ودامك اتعرف اني احبك واموت فيه .. ليش تخطب غيري ؟
سيف رافع حياته ; مب انتي ماتبين اتكونين حلالي ؟
مريوم ; بس الحين ابا .. ابا اكون حلالك وكل شيء في دنيبتك
سيف ; ياويلي ياويلي .. ليش ما قلتيها من زمان .. ليش معذبتني انتي ؟
مريوم تبوسه ع خده ; هاي البوسه ﻻني عذبتك ع قولتك
سيف ; مابا ع خدي !
مريوم ادز سيف ; خوز عني يالطفس
سيف ; ههههه بلاج اقصد ابأ بوسه ع راسي
مريوم ; هيه ماعليه
سيف ; احبج والله احبج
مريوم ; اتخبلك انا
عقب الغدا
رن فون مهروه المتصل " شموه "
مهروه شلت بعمرها وطلعت برع ..
مهروه ; هلا شماني
شموه ; اهلين مهروتي .. اشحالج الغلا ؟
مهروه ; تمامو ومن صوبج ؟
شموه ; بخير دامج بخير .. هممم الا بسألج
مهروه ; سألي فديتج
شموه ; منصور وينه ؟ اتصل فيه اليوم فونه مغلق
مهروه ; نعم ؟ وانتي شوه تبين في منصور
شموه ; هههه ماتدرين ؟ احنا حبايب
مهروه ; شوووووه ؟ ومن متى ؟
شموه ; من زمان بس من خذ هاي العله ميروه وخربت علينا كل شيء ..
مهروه ; لو سمحتي مارضي ع مياري !
شموه ; افف عاد مهروه .. وينه منصور ؟
مهروه حبت تقهر شموه ; منصور و منايه مسافرين كويت
شموه ; شوووووووه ؟ وليش ماخبرني ! واصلن بأي حق يسافر ويشل ميروه وياه ؟
مهروه ; ههههه اويه بلاج نسيتي انه ميره حرمته
شموه ; اففففففففف
مهروه ; وانتي شوه ماتستحين ﻻصقه في واحد امعرس ؟
شموه ; هههههه وليش استحي دام اخوج روحه يباني ؟ واحنا انحب بعض ومنصور قالي بياخذني وانا اول شيء رفضت وقتله طلق ميروه وخذني بس الحين عناد في ميره بخليه ياخذني وبكون عله ع قلبها
مهروه مصدومه من رمسة شموه ; انتي شوه اتخربطين ؟ اصلن منصور مستحيل ياخذج
شموه ; اوكيه بنشوف .. يلا ججاو
مهروه " صدق انها حقيره !!!!!!!!!!!!! منصور معقوله يسويها ! ﻻﻻ ماعتقد .. بس كل شيء جايز "
مهروه اتصل في منصور
منصور ; مهروه اجلي كل اللي عندج ﻻني انا الحين برد البلاد
مهروه ; بس
منصور يقاطعها ؛ دخيلج عقب عقب .. انا عقب ساعتين وﻻ ساعه بكون في البلاد وﻻ تخبرين ميروه ابا افجأها
مهروه ; اوكيه
مهروه " اصلن منصور يحب ميروه والله يحبها "
فـ الصاله
اليده ; وينه منصور ؟ مول ماشوفه هـ الايام
ميروه في خاطرها " فديت هـ الطاري انا " ; مسافر يدوه
اليده ; ويه متى سافر وليش ماخبرنا
ميروه اوهو الحين شوه يفكني من لسان يدوه ; ﻻﻻ هو مابيطول
اليده ; دواه عندي ملعون الصير
ميروه ; يدووه عاد
حميد ; يدوه ترا منصور ساير يدورله حرمه
ميروه تفلع حميد بـ المخده ; فال الله وﻻ فالك جب جب
حميد ; ههههههه اونج ها .. ترا الشرع حلل 4
ميروه ; اصلن انا عن 4 ومنصور مايبا غيري
مهروه في خاطرها " مسكين حالج يا ميروه "
حميد ; دخيلج عن يطيح السقف علينا
اليده ; حميدوه ويهد .. بس اسكت عن اختك
حميد ; يدوه ترضين جيه كلهم بيعرسون الا انا عزابي
اليده ; خل عنك المنكر بعدك صغير ع سوالف الزواج .. اكبر وانا اللي بختارلك الحرمه
ميروه في خاطرها " آآخ يا يدوه ﻻ تسوين مثل ماسويتي فيني وفي منصور "
تمو يسولفون وعقب ساعتين وصل منصور واتجه جدا بوظبي ~
قطع سوالفهم صوت منصور ; سلام عليكم
ميروه من شافت منصور شقت الحلج وبغت تسيرله وتحضنه بس استحت لانه
دش منصور سلم عليهم كلهم وسار يلس عند ميروه
منصور يهمس لميروه ; شوه رايج في المفاجاه
ميروه ; وربي احلى مفاجاه
نش منصور و سحب ميروه وياه
منصور ; اسمحولي عاد بشل حرمتي عنكم وبنطلع
اليده ; وين ساير يابويه توك واصل ريح شوه
منصور يشوف ميروه ; الشوق ذابنحي يدوه
الشباب ; اوب اوب مانروم
ميروه تشوف منصور بنظهره ; استح ع ويهك شويه
منصور ; هههه سيري لبسي عباتج وتعالي السياره
ميروه مبتسمه ; اوكيه
لبست عباتها وطلعت .. اتجه منصور صوب البحر ~
الجو كان بارد من الخاطر ونفاف
ميروه ; الجو يجنن والله
منصور ; انتي اللي امحليه الجو
ميروه في خاطرها هيه اكيد مضارب ويا شموه .. علها ماترضى ; صدق ؟
منصور ; هيه
ميروه ; زين
منصور ; همم شوه الشي اللي يخوفج ؟
ميروه ; ماخاف انا !
منصور ; مول مافي شيء يخوفج ؟
ميروه ; نوب !
منصور ; انا في شيء وايد يخوفني بس دامج ما سألتي مابقول !
ميروه ; قول !
منصور ; اخاف احب انسان واتعود عليه ويكون جزء كبير في حياتي وعقب يخليني !
ميروه ; اها
منصور ; يخوف الشي صح ؟
ميروه ; همم هيه
منصور ; انا خبرتج الشي اللي يخوفني الحين دورج !
ميروه ; مافي شيء يخوفني
منصور ; ماتخافين مني ؟
ميروه ؛ اكيد ﻻ !!
منصور ; بوووووه
ميروه ; ها ها ها ها سخيف
منصور يشوفها بطرف عينه ; نعم ؟
ميروه ; اسولف بيبي
منصور ; همم شوه معناته اذا اشتقتلي لـ شخص وهو يالس عندج ؟
ميروه ; همم اكيد اتحب هـ الشخص !
منصور ; وشوه معناته اذا شخص دوم اي في بالج ؟
ميروه ; اكيد اتحبه !
منصور يطالع ميروه بنظره كلها حب ; انا احبج ! انتي امطيره عقلي ! انا اباج انتي بس انتي ميره !!
ميروه حست بقشعريره من رمست منصور واول مره اتحس انها تستحي منه !
منصور ; ميروه صدق اباج !
ميروه فجاه حست بحزن ; انا ادري هذا كله مابيدوم !
منصور ; ليش جيه اتقولين ؟
ميروه تصد عن منصور ; شموه !
منصور شهق ; ليش كل مره تخربين عليه يوم ابا اتقرب منج !
ميروه تصد صوب منصور ; ﻻنك مب اول مره تتغزل فيني وعقب تلبسني ! منصور
انت ياما جرحت قلبي وعقب اتيني وﻻ جنك امسوي شيء ! وانا ارضى ﻻني احبك !
منصور ; بس هاي المره مب مثل كل مره !!
ميروه ; مابا بس كلام ! دخيلك منصور ارحمني ﻻني مب رايمه استحمل اكثر عن جيه !
منصور ; ان شاء الله اوعدج اني مابجرحج مره ثانيه !
ميروه اكتفت بابتسامه ..
منصور ; وين تبينا انسير ؟؟
ميروه ; هممم مادري
منصور يود ايد ميروه وسحبها ; تعالي وياي
جدآ شموه الي تتصل في منصور وبعطيها مغلق
شموه ; افففففف وينه هذا
شلت فونها واتصل في مهروه
صوب مهروه شافت المتصل وخلت فونها ع السايلنت
ميود ﻻحظ ع مهروه انها مغيضه !
شلت مهروه فونها و سارت الحجره
　
مهروه ; نعم شموه ؟
شموه بعصبيه ; وينه اخوج ليش فونه مغلق ؟
مهروه ; والله من شوي كان اهني بس شل ميروه وطلعو
شموه ; يعني رودو من ألسفر ؟
مهروه ; افف هيه
شموه ; اوكيه
مهروه سكرت عنها وبغت تطلع جان يدخل ميود ~
ميود ; كنتي ترمسين امنو ؟
مهروه تحط ايدها ع قلبها ; بسم الله خوفتني
ميود ; كنتي اترمسين امنو ؟؟؟
مهروه اتراويه الفون ; شموه !
ميود ; وليش امغيضه ؟
مهروه ; مب مغيضه !
ميود ; باين
مهروه ; انا برد الصاله مافيني حد يشوفنا
ميود ; اوك
صوب العشاق ~
كانو يالسين في مطعم عشان يتعشون
منصور فتح فونه .. و اول مافتححه رن جان يحطه سايلنت وابتسم لميروه
منصور ; شوه في خاطرج تاكلين ؟
ميروه ; في خاطري ربيان
منصور ; استويلج ربيان
ميروه ; هههه ﻻﻻ خلك منصور احسن
طلبو اللي يبونه اتعشو وردو البيت .. ميروه دشت داخل .. منصور شل فونه و اتصل في شموه ~
شموه بعصبيه ; جان ماتصلت بعد ؟
منصور ; اعوذ بالله بلاج ؟ فديت هالحس انا
شموه تزيد عصبيتها ; ﻻ والله ؟ احر ماعندي ابرد ماعندك .. ماشاء الله من الصبح طالع ويا الحبيبه وفونك مغلق وﻻ شالنها ومسافر بعد
منصور ; وانتي كيف عرفتي ؟
شموه ; مهروه خبرتني
منصور متنرفز ; اولا انا سافرت روحي وميروه كانت اهني
شموه اتقاطعه ; ﻻ اتبررلي ﻻني مستحيل اصدقك
منصور ; اوهو عاد شموه .. بتصدقين صدقي مابتصدقين برايج
سكر عنها ودخل داخل ~
منصور يطالع مهروه وهو متنرفز منها وخاطره يكفخها !
ميروه ; حبيبي بلاك جيه تطالعها ؟
منصور ; ماشي
ميروه ; متأكد ؟
منصور ; هيه حياتي
ميروه ; اوكيه !!
صوب شموه ;
اففف انا الحين مب ﻻزم ازعل منه .. براضيه عقب !
"مر هـ اليوم ع خير"
يلي ذكرت الهجر وتحدد المهله !
ﻻ ماتروم الهجر لو قلتلي رايم ~
شموه اتصلت في منصور ~
شموه ; همم انا اسفه ع الاسلوب اللي رمستك فيه البارحه
منصور ; عادي !
شموه ; انزين بغت اخبرك اني موافقه انك تزوجني وميروه ع ذمتك
منصور ; بس
شموه ; شوه بس ؟ ﻻيكون غيرت رايك !
منصور ; ﻻﻻ ماغيرت رايي ..
شموه ; خلاص عيل انا موافقه
منصور ; اوكيه
توقعاتكم !

منصور بياخذ شموه ؟
وام سيف بترضى سيف ياخذ مريوم ؟