|
البـــــارت 12 " فطـامي : لا ياحمـدان .. مالي شغل فيك ولا لك شغل فيني ان شاء الله لو امووت ما تي تعزي !!! خلاص (سكتت شويه) وعقب نزلت راسها و الدموع فعينها جان ترفع عنونها : خٍّلاٍّصٍّـٍّ يٍّـٍّـٍّاٍّ حٍّمٍّـٍّدٍّاٍّنٍّ عٍّـٍّـٍّـٍّاٍّفٍّكٍّـٍّ اٍّلٍّخٍّـٍّـٍّاٍّطٍّرٍّ صوب بو حمـدان ,, توهم واصلين المستشفـى .. وسـارو صوب فـطامي ,, شافو محمد شايل اكل وياه بو حمـدان : تستـااهل سلامت اختك الغالي محمد شاق الحلج : الله يسلمك عميه سـاره : شحالك حمود ؟ محمد : ويا هالويه اصغر عيالج تقوليلي حمود ,, الحمدالله بخير سارووه =P ,, شحااااااالج خالوو شخبارج حماااني فديتك خشمك .. ام حمـدان : الحمدالله بخير الغالي ,, حمـدان ياكم ! محمد : هيه ويا فـطامي سـاره فخاطرها : اكيـــد 10000% نقع البوكس !! صوب فـطامي حمـدان انصعق يوم سمع هالكلمتيـن تمنا يموت قبل لا تقوله جي ,, ندم انه سوا جي !! فـ خاطره يعيد الماضي و يصحح الغلـط ,, ولا تقول هالكلمتيـن ,, حمـدان كان سـااكت و صدق منصــدم من اللي يستوي شل عمره ,, وطلع بدون مايقول اي شي ,, بو حمـدان شافته طالع و شكله متغيـر وماقالهم شي ولا شيات .... بو حمـدان : حمـداااان !! حمـداااان !! ,, سمعو صوت فطـامي كانت اتصيـح بصوت خفيف : لييييش ليييييش !!!!! فجأه جان تصرخ : تستـااااااهل زود حمــدااااان و بتشوف من ها و اكثــر !!!! .. وتصيـح زياده بشكل غير طبيعي !! بو حمـدان : فطوم شوفيج !! عبدالرحمن : ماما خالو بلاها ام حمـدان : مافيها شي فديتك .. طلعت عقب ,, ماقدرت تستحمل قالت اكيد السالفه فيها حمداان لانه سمعت يوم قالت تستاااهل زود حمدان .. محمد : فديتج شو استوالج ,, ليش اتصيحين ,, و حط الاكل ع ريلها اونه عشان تاكل بس بدون مايحس ,, ما استوعب اللي يستوي جان يحط الاكل عليها فطـامي تصيح وتصـارخ : مابا اككككككككككل و تفـر الاكل لين ما طاح و تصييييح وخوزت الربطه اللي ع ايدها اللي متعوره سـاره بغت اتصيح يوم شافت فـطامي و هيه فـ هالحاله يت صوبها لوت عليها عرفت انه شي استوا : بس فديتج هب زين عليييج و وتحاول اترد الربطه بس هب طايعه فـطامي ,, اتم ادزها وتحرك ايدها بالقو بايدها المتعوره من القهر ماتحس بـ الويع ,, بوحمـدان : فطوم شو فيج حمـدان قالج شي ؟ فطـامي : هالاسم مابا اسمعععععه مابببااااااا مابا ... سـاره قامت و سارت صوب ابوها : ابويه ممكن شويه تطلعون شويه بس لين ما اهديها ,, بو حمـدان : اوكيه خلاص ,, يلا تعالو نسير برع ,, ساره سارت صوب فـطامي ,, فـطامي لوت عليها من الخاطر و اتصييح من الخاطر: ياربيه كيف قاهرني من الخـااطر يالله ,, سـاره : بس فديتج بس فطـامي: لييييييش ايييني يوم كنت فـ غيبووبه لييش ,, مايستحي عقب اللي سواه فيني !! سـاره : ......... فطـامي : ليش قلتله جيييييييه ,, وتيود ايد سااره : والله ما اقصد والله ,, بس والله يسـتااهل يستااااهل سـاره : فديتج شو قلتيله !! فـطامي من الخـاطر قالت : قلتله عافك الخـاطر ! سـاره انصدمت جنه حد قص لسانها !! : شوووووووووو .. فطـامي : والله ما قصد ساروه حسي فيني دخيلج !! والله عقب اللي سوالي ها كل تبيني اسامحه مابا يوم بيدق فـ مزاجي بسـامحه مثل ما عذبني و قهرني انا براويه !! سـاره : ما الومج فديتج ,, حمدان يستاهل اكثر من جي ,, بس هوه شكله ندمان ع اللي سوا فيج ,, بس ماعليه ,, انا بوقف وياج ,, لانه انا روحي مقهوره منه ,, انتي الحين ارتاحي و ان شاء الله خير فـطامي وهيه اتصيح من الخـاااطر وكانت تعبانه وايد ماسكه ايد ساره بالقو : سارووه انا والله والله اني .. اني .. انـ , اني وعقب سكتت وردت ع ورا !! سـاره : فطوم فطووووم شوفيج قومي نشي !! فطوووووووم بو حمـدان : شوفيج !!! سـاره : مادريبها محمد ازقر الدكتور !!!! محمد ركض بسرعه برع عشان يزقر الدكتور ,, ويوم ياا ,, يتم يفحص عليها ,, وقال تعبت وايد ولازم ترتاح ولاتسون ازعاج و من هالرمسه !! ام حمـدان : فديتج يا فـطامي ,, الله يقومج بالسلامه سـاره : بسير الحمام ,, محمد دلني وين ماعرف محمد : تعالي انزين وطلعو برع ,, سـاره : اييه صدقت عاد بسير الحمام ويا هالراس برمسك عن فـطامي و حمـدان محمد : بلاااهم !! سـاره : الله يسلمك ............ محمد : قويــه !! حلفي انتي بس سـاره : والله !! صوب حمـدان مايعرف وين يودي عمره !! كره حياته كره العيشه اللي هوه عايشنها تمنـا يموت ولا يعيش هاللحظه ,, وسـار بوظبي و يسوق 220 كان الشارع فاضي ,, و اتصل حق ربيعه اللي يشتغل فـ المطـار و قاله يبـا يسـافر اليـوم !! تم يقوله ياريال مايستوي اتريا لين باجر ,, بس حمـدان اصّر انه يسـافر اليوم وين سـاير مايعرف ,, وعقب دقايق جان يتصل ربيع حمدان و يقوله انه في سيـره لـ بانكوك اليوم ساعه 10 اطير الطيـاره ,, وافق حمدان ,, و عقب ساعه و نص وصل بيتهم و خذا اغراضه و شل الجواز و عقب سـار دبي مره ثانيه ,, فـ الدرب قبل ما يوصل تم يذكر يوم فـطامي تقوله (( عافـك الخـاطر )) وهوه متغصص من هالكلمه ,, و يوم وصل تم فـ الفندق ولا طلع ,, وكان حاط موبايله ع السايلنت و 20 مس كول من بو حمدان و ام حمدان و محمد و سـاره ,, بو حمدان تم يحاتي !! و يعرف حمدان خبله بيسوي اي شي و العصـر قوم بو مريم سارو المستشفى بس شافو فـطامي راقده و ام حمدان خبرتهم شو السالفه و سـاره تمت تخبر عليا و مريم شو استوا بالضبط تمو يحاتون ,, و يوم استوت 8 و حمـدان وصل و فـطامي ماتخوز من بـاله ,, وعقب يوم خلص من شغله ركب الطيـاره ,, و بو حمدان و الباجين مايدرون حمـدان وين ,, محمد اتصل ع الفندق بس قالو انه خذا اغراضه و روح !! وين سـار الله يعلم ,, اتصل ع بيتهم ,, الـ AL Body Guard قالو انه شل شنطته و سـار بس مايعرفون وين سـار ,, وقبل لااطير الطيـاره طرش مسـج حق محمد ((انا مسافر)) وعقب سكـر موبايله !! محمد : شووووووووووووو !! ام حمـدان : شوفيك !! محمد : ولدج استخف و سـافر ! بو حمـدان : ســافر سـاره : نعــم !!! ,, سافر وين ,, محمد : شعرفنيه فـ حركاته !! ام حمـدان : لاحول ولا قوة ,, هالولد متعبني وايد بو حمـدان : ماعليه شيخه ,, كمن يوم و بيرد .. بو مريم : الله يحفظه بس !! فـطامي تمت تتحرك نشت بس مارمست مووول مريوم : فطامي فديتج شحالج ؟ فـطامي تشوف مريوم و تحرك راسها انها زينه ! مريوم حبتها ع راسها : الله يعافيج عليا : ولهنا عليج وايد والله تقربو الكل عشان يسلمون عليها ,, فـطامي ساكته وسرحانه !! عقب دقايق محمد يا صوب فـطامي : شوفيج ؟ قوليلي فـطامي بصوت خفيف : ماشي ,, و دموعهـا اربع اربع بدون صوت ,, سار يلس الصوب الثاني محمد و ساره يت مكانه ,, ساره حمدان وين ؟ سـاره تتقرب من اذنها : انتي الحين ماعليج منه ,, المهم سلامتج فطـامي : لا صدق وينه !! مريوم : سـافر فطـامي صوت عالي : شووووووووو !! ويييين ؟ ام مريم : باسم بالله عليج شوفيج !! عليـا : لا امايه مافيها شي ,, تصد صوب فـطامي: جب فضحتينا فطـامي: عميه ابا اظهر بو حمـدان تقرب صوبها : شو تظهرين !! انتي تعبانه محمد حس فـ فطـامي فطـامي وهيه ماسكه ايده و تترجاااه وتصيح : دخيلك طلعني ولي يسلمك طلعني كتمه هنيه احس اني بموت ( وانفجرت من الصيـاح ) بو حمـدان : خلاص ارتاحي الحين بو مريم : بس فـطامي هب زين عليج فطـامي : عادي محمد : مريم وعليا شويه بس برمسها ,, خازو مريوم و عليا و يلس محمد عدال فطوم .. محمد : قوليلي شوفيج ؟ فطـامي اتصيح بدون صوت : ماشي محمد فخاطرها يقول : شي استوا من بينهم !! اكيـــــد .. عبدالرحمن يلس ع الشبريه و سار فـ حظن فطوم : خالو ليش اتصيحيين منو زعلج فطـامي فخاطرها : محد زعلني انا اللي زعلت شلت عبدالرحمن و لوت عليه بالقو و اتم صيح ام حمـدان وهيه تتقرب من فطوم خذت عبدالرحمن و يلست ع الشبريه : ليش اتصيحين فديتج ,, حمـدان ندم من الخاطر انه هزبج و كله يقول انا السبب ,, بنت عميه فالمستشفـى .. فطـامي صاحت زياده ,, جان تلوي ع ام حمدان وصاحت صوت عالي ام حمـدان غامضتنها حالة فطوم : بس فديتج بس فطـامي وهيه اتصيح بصوت خفيف ترمس : خااالوه والله ما اقصد ازعل حمـداااااااااان ام حمـدان : ادري فديتج ,, ادري انج مقهوره اعرف فديتج هدي و لاتصيحين و كل شي بيتصلح فطوم تمت فـ حظن ام حمـدان وهيه تهديها .. لين ما رقدت ,, بو حمـدان : فديتها رقدت ,, الله يعينها ,, ام حمدان اطيح فطوم ع الشبريه : يلا محمد خلنا نسير و ان شاء الله باجر بنيها ,, سـاره : ماابااا اسير !! بو حمـدان : نعـم ,, وين بتمين يعني !! سـاره : دخيلك ابويه خلني عندها محتاجتلي صدقني ! بو حمـدان يطالع فطوم : اوكيه خلاص تحملي بعمرج و طمنينا عليج سـاره : محمد انته سير الفندق غرفة فطوم ,, محمد : لاحشى ما اخلي فطوم بروحها !! سـاره : انزين انا وياها !! محمد : حتى ولو حتى لو عميه وياها مابخليها بروحها ,, بوحمـدان : انزين ماعليه تمو وياها .. بو مريم : نحنا بعد بنسير يلا بنات ,, و سلمو ع بعض و عقب سـارو و بو حمدان و ام حمدان و عبدالرحمن سارو وراهم ,, سـاره طرشت مسج حق حمدان قالت له : حمـدان انا برقد ويا فطوم ,, فالطيـاااره ,, وبحبك وحشتيني ,, بحبك وانت نور عيني ,, ده وانت مطلع عيني ,, بحبك موت .. حمـدان كان يسمع غنيه حسين الجسمي بحبك وحشتيني و مغمض عينه و يذكر كيف كانت تشوف الرنج و يوم حصلت عبدالرحمن و كيف حصلها فالشـارع ,, وليش اسوالها و و و و و و و اذكر كل شي و لين ما عند آخر لحظه ,, فطـامي : لا ياحمـدان .. مالي شغل فيك ولا لك شغل فيني ان شاء الله لو امووت ما تي تعزي !!! خلاص (سكتت شويه) وعقب قالتها والدموع فعينها : خلااااص حمـدان عـــافك الخــاطر .. حمـدان مسك شعره و يرده ع ورا .. وفخاطره : ليييييش ليييييش فطوم تسوين جي لييييش ,, والله اني ندمااان ندمااااااااان من الخـاااطر خاطري نرد شراات قبل و احسن خـاااطري ,, ليش قلتي هالكلمه مره وحده ( حمـدان عافك الخـاطر ) حرام عليج قسـم بالله .. دمعت عينه ,, كان صوب الدريشه محد عداله ,, و يطالع صوب الدريشه ,, آآآه آآه فطوم آآآه عذبتيني دخيلج ارحميني ,, دخيلج ارحميني ,, وكان حـاط MP3 و يسمع آآه من قلب .. آه من قلــب غدا حبــه جنوني وآه من خلن على بالي طــرا لي سطــا فالروح و تملك شجونـي من صدوده يا مـلا دمعــي جرا هيه والله صدقك يا الشـااجي من صدوده يا ملا دمعي جرا .. تم يفكر فـ فطوم لين ما رقد فـ الطيـاره وعقب ساعتين نش ,, تم يشرب كولا و ببسي يمكن فوق الـ 7 يبـا ينسـا فطوم شويه هب قادر ,, وتم عقب يجلب بالقنوات و حطاله فـلم اجبني ,, قصه شرات حمـدان و فطوم ,, و اذكرها ,, وتم يشوووف لين ما خلص !! حمـدان : غربلااااتها من نهايه !! فطوم مابتموت !! يلعن شكلكم !! ههههه وايد متأثر حمـداان ,, باجي عن الوصول 4ونص ,, حمدان من فلم لين فلم ,, لين ما وصل ,, طبعا ربيعه مجهزله كل شي ,, السيـاره و الفندق ,, حمدان قاله ,, و يوم وصل فندق اماري سيده دش الغرفه خذا شاور و قبل لا يرقد فج موبايل و قرا المسج ,, و طرش حق سـاره مسـج ,, ارتاحي فطـامي مابتشوفيني مره ثانيه >> كان مطرش حق سـاره وعقب رقد ,, كان الصبـح عندهم ,, رقد من الخـاااطر ,, بيت بو مريم ,, صوب البنـااات مريوم : ياربيه غامضتني فطوووم واااايد !!! عليـا : هيه حتى انا ,, الله يعينها ,, مريوم : عرفتي شو السالفه ؟ عليـا : لاااه ,, شعرفنيه وانا كنت وياج !! مريوم : هيه تعالي ,, بتخبر سـاره يوم برمسها ,, تعالي نسير نتريق .. فالمستشفــى .. الثلاثاء سـاعه 6 ونص فطوم نشت بدون ما اطلع اي صوت ,, وتمت سرحانه و سـاااااكته وتشوف ساره و محمد رقود ,,وعقب ساعه محمد نش ,, محمد : انتي من متى ناشه !! فطـامي بصوت خفيف : من الساعه 6 ونص .. محمد : بل !! ليش ماوعيتينا فطـامي : بس سـاره نشت من صوتهم : صبـاح الخيـر محمد : صباح النور سـاره تتقرب من فطـامي : شحال الحلوه ؟ فطـامي سرحانه و سـاااكته !! سـاره تاشر حق محمد انه (بلاها ؟ ) محمد ياشرلها ( ما ادري !! ) سـاره دشت الحمام و تغسلت و عقب دخل محمد ,, سارت ساره صوب فطوم ,, طيط طيط طيط طيط >> صوت المسج فطوم سيده عينها ع الموبايل و حست انه حمـدان .. نشت بدون ما تحس !! سيده يودت الموبايل تشوف المسج فطامي قرت المسج و الدموع فعينها قرته مرتين ثلاث اربع و تتاكد من الاسم انهارت من الصيـاح : لااااااااااااااا .. حرام علييييييييييك حمدااان ليش جي ,, انته وين سـاااير وييييييين سرت بعييد سرت بعييد عنيه دخيلك رد دخيلك رد و نزلت ع الارض ويودت ريل سـاروه ومنهاره من الصيـاح و تصـارخ : حمداااان كرهني !! ساروه حمـدااااان عااافني ,, قوليله اني اني ماكملت لانه محمد طلع من الحمام يشوف فطوم : بلاها ,, سـاره فخاطرها : هالمره ثانيه تبا تقول شي و حد يخرب عليها اففف وهوه يتقرب من فطوم : بلاج فديتج شو يـاااج ؟ سـاره : تبا تظهر ,, و اقولها انتي بعدج مريضه و هب طايعه تقتنع و تشوف فطوم بنظرات انها تقول جي محمد : تبغين تطلعيين فديتج ,, من عيوني والله بخلي الحين الدكتور يطلعج بس انتي لاتصيحين ,, ليش جي غادي ويهج فطوم ,, هب حرام عليج ,, المغذي ماتبغينه و الاكل ما تاكلينه !! شوفي ويهج كيف مصفـر !! فطـامي : ابا اطلع حمود دخيلك ودني بوظبي ابا اسير بيت عميه ابا اسير بيت عميه بصوت خفيف ابا اسير غرفة حمـدااااان .. سـاره : سير رمس الدكتور وانا بتم وياها ,, محمد وهوه يشوف فطوم : ان شاء الله و طلع عنهم سـاره لاويه ع فطوم : الحمدالله انه ما سمع حبيبي فطامي دخيلج لاتصيحين و اتعبين عمرج ,, حمدان بيرد بيرد مابيطول ,, فطـامي : لاااااااا حمداان مايبااني عااافني كرهنــي !!!! كرهنــي !!!! سـاره : حمـدان مايكرهه حد فطيم ,, مايكرهه حد .. اخويه و انا اعرف ,, قومي فديتج بوديج الحمام تغسلي و عقب تريقي ,, فطـامي وهيه تزعج : ماببببا ريوووووق !!! سـاره : باسم الله عليج ,, اوكيه فديتج بس قومي عشان اوديج الحمـاام ,, صوب الدكتور الدكتور : يا فندم مابيصير تطلع وهيه بـ هاي الحاله !! محمد : ادري دكتور بس احسن بتتعب اكثر لانه بتم اتصيح !! انته اكتبلها ادويتها و اكتب متى تاخذهم وان شاء الله ,, بنحطها فعيونا والله ,, الدكتـور وهوه يفكـر ...... : حاضر بس بخلي الممرضه تغيرلها الجبس اللي ع ايدها ,, محمد : اوكيه خلها تي بسرعه لانه يمكن تبا تغير ثيابها ,, الدكتـور : من عيوني ,, حنااان روحي غيري الجبس و حطي واحد يديد حق فاطمه الممرضه : حاضر ,, صوب فطـامي فطـامي : دخيلج لاتلبسيني ابيض مابا مابا ابيض ,, انا هب ويه ابيض دوريلي قميص اسود دخيلج !! سـاره : فطووم !! ماشي قميص اسود والله ماشي ,, فطـامي : لبسي انتي الابيض وعطيني قميصج الاسود دخيلج سـاره ماقدرت تقول لا : ان شاء الله .. سارت الحمام و بدلت و عطتها القميص دق دق دق سـاره : ادخل محمد : وافق فديتج الحين بتي الممرضه بتبدلج الجبس وانا بطلع لين ما تخلصون ,, فطـامي : مشكور ,, الممرضه : فاطمه ليه وجهك هييك !! مابتاكلي هاا ,, سـاره وهيه تبا تغير جو : ماعليه بخليها تشبع من الاكل فالبيت فطـامي : تحلمين الممرضه : اوكيه حبيبتي راح اخلعي القميص عشان ابدلك الجبس ,, سـاره : انا بطلع فطـامي : ايه وين سايره تعالي ,, عادي عادي مافيها شي حنان شلت عن فطوم الجبس وهيه تتويع من الويع ,, و عقب حطلتها الجبس ,, وفطوم مستحمله الويع ,, وعقب حطت الربطه حق ايدها ( ها اللي يحطونه فـ الرقبه و تمسك الايد ) فطامي: ماشي اسود !! الممرضه : لييه !! فطـامي : سؤااال يعني فيه ولا ؟ الممرضه : آآآآ هيه استني وتمت ادور ادور حطلت اسود .. فطـامي : مشكوره و عقب سـاره لبستها القميص الاسود ,, و قومتها سـاره : تعالي بحطلج جحال شويه فطـامي : مشكوره فديتج ماريد سـاره وايد حزينه ع حال فطوم : اوكيه فديتج محمد دش عليهم : شو ها !!! سـاره : شو محمد : ليش لابسه تنوره سودا و قميص اسود !! شو فعزا ونحنا ماندري !!! فطـامي : ع راحتي !!!!! محمد تقرب منها : حبيبي بعدج صغيره ليش لابسه اسود حرام عليج فطـامي : انا مرتاحه جي محمد : خلاص ع راحتج فطـامي : ماروم البس عباه !! محمد : خلاص لاتلبسين طوفي نسير و هذا دواج ,, ساره خليه فـ Hand Bag سـاره : ان شاء الله محمد : فديتج انا خليت حد من AL Body Guard ياخذ اغراضج اللي فـ الفندق و يوديهم بيت عميه فطـامي : مشكور ,, وعقب سـارو داار الظبي ,, سـاره اتصلت حق ابوها و قالتله انه الحين ياين صوبهم و بو حمدان قال الخدم ينظفون غرفه حق فطوم وعقب ساره تمت ترمس مريوم بالمسجات و خبرتهـا بالسالفه مريوم شهقت : اويييييه هاي تخبلــت وقالتله جي !!!!! عليـا تمط الموبايل شو قالت وتم تقرا .. شهقت : غبييييييييييه !!! من جي تقول ما اقصد ومادري شو مريوم : ياربيه فطوم ماعرفنالج !! طيط طيط طيط طيط عليـا فجت المسج ,, ( انا و فطوم و محمد بنسير دارنا ) مريوم : لااااااا هاي صدق اتخبلت ,, وتصارخ : هاااي غبيه تظهر من المستشفـــى !!! عليـا : مريوم والله لو بتم عادي تموت يعني ,, باسم الله عليها ,, اذا تمت اتصيح كل يوم ,, مريوم : هيه صدقج !! ماعليه بتصلبها فليل و بعرف شو السالفه كلها ,, فالسيـاره ,, فطوم كانت حاطه راسها ع جتف ساره و تشوف الدريشه ,, محمد كان يبا يسوي جو ,, لانه كان الجو هادي ,, و شغل الـFM كانو حاطين ,, غنيه حسين الجسمي ( بصبر على فرقاكم ) محمد فخاطره : لا لا شوحطيت انا وغير فطـامي : خلها !! محمد فخاطره : انا ليش اشغل الراديو مالت عليه !! الحين بتصيح سرحت فطوم و بدون ماتحس غنت بصوتها العذب والدموع ع خدها بصبــر عـلى فرقاكم مــهـما تمــــر سنيــن .. اتخيـل محــيـاكم ياحبيبـين العيـن .. سبحان من انشاكم ومكمــــلك بالـــزين .. قلب العنا يهواكم يانـــاس ياناســين .. افرح انا بلقياكم وانتوا علـي قاسين .. وابكـي علـى لامــاكم وايـام مـرت ويـــن .. القلب يبغي رضاكم مجروح به جرحين .. جرح الجفا وفرقاكم وجـرح نزيف ........ وعقب محمد سكر الراديو فطامي : ليش !! محمد : مابا اسمع فطوم حست انه عشانها ,, فطـامي : حمود طلبتك قول تم ! محمد استانس : تـم الساع والله ,, فطـامي : اسرع الشارع فاضي محمد و ساره فجو حلوجهم سـاره : خيبه !! حق شو بنوصل انزين فطـامي : ابا اوصل بسرعه ,, حمود اسرع اوكيه دخيلك شوف والله الشارع فاضي وانته تسوق ومادري كم محمد : ان شاء الله ,, وسااع 180 سـاره : غربلات افكارج فطوم !! وتمت اتسمي ( بسم الله و بسم الله ) >> عايشه فـ رعب وعقب نص ساعه و صلو البيت ,, بوحمـدان : فديت هالويه ياربيه ,, شحالج غناتي ؟ فطـامي : يسرك الحال ام حمـدان : فديتج فطامي وتحبها ع خدها ,, شحالج ؟ فطـامي : يسرج الحال بو حمـدان : بلاه جي ويهج غادي اصفــر !! فطـامي : مابلاه شي ام حمـدان تاشر انه خلها و عقب بتاكل : ادخلي فديتج ,, وعقب دشت البيت ,, و يلست فالصاله ,, بو حمـدان : فطامي تعالي ايلسي عدالي فطـامي : ان شاء الله ,, و سارت صوبه كانت سلة فواكه ع الطاوله فيها ميع انواع الفواكه ,, ام حمـدان تقص الهمبـا حق فطوم و تحطلها موز و فراوله فطـامي : خالوه مابا .. بو حمـدان : لا شو ماتبين ,, انا باكلج ,, فطوم شوفي ويهج كيف مستوي !! يوم بشوف ويهج شرات قبل مابقولج كلي ,, و تم يـاكل فطوم و هيه مغصوبه ,, فطـامي : بس شبعت بو حمـدان : بس هالفراوله !! كلت فطوم الفراوله : خلاص ! محمد : بالعافيه غناتي ,, بو حمـدان : انزين عيل انا بسير الشغل يلا شيخه ,, محمد تعال خاوينا محمد : ان شاء الله عميه ,, بس بسير البس كندوره من كنادير حمـدان و بي ام حمـدان : ان شاء الله ساره اخوج فوق ويا البشكاره يوم بينش خليهم وياكم سـاره ان شاء الله .. فطوم من سمعت اسم حمـدان سيده شافت محمد ,, محمد لاحظ عليه و عقب سار عنهم ,, سار اتسبح بسرعه و لبس كندوره من كنادير حمدان و تعصم و تعطر و نزل ,, و فضا البيت ,, فطوم و ساره بس موجودين فطامي : ساروه حوطينيي فـ بيتكم و دليني كل الاماكن سـاره : هههه اوكيه سارو تمو يحوطون فالبيت و ساره تخبر فطوم كل شي ,, بس فطوم انتبهت حق باب كان لونه غريب !! فطـامي : ها شوفيه !! سـاره : ههههههههههههه هاي صاله سبـورت حق حمـدان ,, و فيها مال تسجيـل الصوت فطـامي : تسجيل الصوت !! سـاره : الاخو مستطرب يبا يسجل صوته ,, مطلع كل الحان الاغاني اللي تعيبه و يوم يدق فـ مزاجه يسير يغني ,, يعني بس لحن الغنيه وهوه يغني بدال المغني ,, فطـامي : الله كشخه ابا اغني ,, دخليني سـاره : اوكيه ,, فجت الباب تفاجأة يوم شافت الغرفه فطـامي : ههههههه ماشالله عليه رياضي ,, تعيبني عضلات ايده سـاره : هيه حلوات هب كبار و لا صغار ,, بس لو تشوفين جسمه ,, ماشالله عليه سبورتي من الخاطر فطـامي : اهاه ,, وهيه تحوط فـ الصاله ,, الله Piano سـاره : تعرفين ؟ فطـامي : هممم نص نص ,, احيد قبل بيت ربيعتي شفنا تايتانك و وايد تاثرت فيه لوول وكانت عندها موسيقى و حاولت اعزفها و عرفت =p .. سـاره : ماشالله عليج عيل سمعيني ,, فطوم سارت يلست و رفعت مال ال Piano و بدت تعزف ,, سـاره تصفق من خاطرها : الله علميني فطـامي : لو ايدي الثانيه صاحيه جان عزفتها عدل ,, احيد المدربه اللي تي حق ربيعتي تعلمني بعد فـ علمتني اعزف بايدين ,, سـاره : عيل يوم بتستوين بخير بسجل اوكيه ؟ فطـامي : ههههه اوكيه ,, نشت فطوم وسارت صوب مال التسجيل ,, سـاره يلست ع الكمبيوتر ,, فطـامي : شو تسوين ؟ سـاره : اشوف الحان الاغاني فطـامي : بتخبرج شوفي فيه آآه من قلب ؟ سـاره : اكيه اول وحده .. فطـامي : تعرفين تسجلين و هالسوالف سـاره : هيه حمـدان دوم يوم يبا يسجل انا اسويله فطـامي : عيل يلا سجلي سـاره و هيه مخترشه من غنت فطوم ( بصبر على فرقاكم ) وهيه متشقق تبا تسمع صوتها بـ آآه من قلب عدلت الصوت وكل شي خلصت صوت الشاجي يشل و هيه تغني بدال حربي و بدت الغنيه و فطوم مخترشه و جدامها الورقه وهيه تغني و سـاره تعدل بالصوت وجي و عقب 5 دقايق خلصت فطوم و سمعت و سـاره وايد عيبها فطـامي : الله كشخه كل يوم غنيه ماوصيج سـاره : افا عليج ,, بنسخ نسختين فطـامي : لا 3 سـاره : اوكيه ,, ويوم خلصت سـاره طلعت غلاف السيدي حق السيديات ,, وعقب عطت فطوم و يلست ع الطاوله وتمت ادور بـ السدات سـاره : شو ادورين ؟؟ فطـامي : ماشي طابع من هالطوال ؟ سـاره : هيه فيه اكوه ,, شو بتسوين فطـامي : تريي ,, كتبت ع الطـاابع بخط خبـال ,, اهـداااء من قلب لـ القلب .. ( آآه من قلب(ن) غدا حبه جنوني ) سـاره : هههه حق حمدانوه !! فطـامي : هههههههه ها اذا سمعه سـاره : تعالي حطيه هنيه ,, صوب مال السيديات اليداد عشان اييه الفظول و يسمع فطـامي : دواهي ,, ابا اسمع صوته وهوه يغني سـاره : بسمعج وهوه يغني و يغني ايراني مادري شي جي فطـامي : نط العرج ها ,, هههههههه واعليه ابا اسمع سـاره : ها اندوج ,, وعطتها السماعه لا لا تظن ابقا بدونك ,, ولا تظن اني بخونك وقلبي انا عايش يصونك ,, و عمري ترا فدوا لعيونك (المقطع الايراني ) فطوم فاجه حلجها : اويه !! نفس الشي هههههههههههه حركات قسم بالله ,, وعقب يوم خلصت الغنيه سـاره و دتها غرفتها و AL Body Guards ياب اغراضها ,, و الخدم سارو و حطو الشنط فـ غرفة فطوم ,, سـاره : اكم شنطج .. ارتاحي شويه وانا بسير اتسبح اوكيه فطـامي : تسلمين غناتي ,, سـاره : العفو .. طلعت ساره و فطوم تمت اطلع الاغراض و تحطهم داخل الكبت و شـافت شي خلها تترك اللي في ايدها ,, شافت غتره ,, مال منو ماتدري فطـامي : خيبه مال منو هاي !! تمت تفكر و تروحت الغتره من الخاطر ,, شافتها و دمعت عينها فطـامي : حمـدااااان !! خلت الاغراض تولي و سارت طاحت ع الشبريه و هيه حاظنه الغتره و تصيح : فديت رحت الغتره ياربيه ,, يـااارب ترحمني و تخفف عليه ,, تعبت من كثر ما افكر فيه ,, قسم بالله تعبت !! حمـداان اكيد عافني ,, ليش روح ليييييييش !!! متى بيرد و بشوفه !! متى ,, و اذكرت موبايلها طلعت قالت يمكن مطرشلي او داقلي !! سارت و شافت موبايلها بس ماشافت لا مسج ولا مس كول !! فطـامي تصيح من الخـاطر : حرام عليك ,, ليش جي !! ادقله !! لا لا مابيرد عليه مايباني خلااااااص !! فطوم تبا تنـسى شو يستوي !! بس ماتروم ,, نزلت تحت بسرعه و طلعت برع !! فطـامي : جـااسم جاااسم ,, مسحت دموعها جـاسم AL Body Guard : هلا فاطمه .. فطـامي : وين الدريول !! جـاسم AL Body Guard : موجود بغيتي شي ؟ فطـامي : خله يسير الصيدليه و عطه هالـ 50 و عطه رقمي و خله يدقلي يوم بيوصل بسرعه الله يخليك جـاسم AL Body Guard : ان شاء الله ,, وعقب سارت فوق تسمع صوت عبدالرحمن ناش ,, سارت صوبه فطـامي ادش الغرفه : بلاه يصيح ميري : He is hungry فطـامي : وين الحليب ميري : Here فطامي شلت عبدالرحمن و خذت الحليب : اوكيه ماعليه انا بعطيه انتي سيري ثانكس ^_^ ,, سارت غرفتها فطوم و طاحت عدال عبدالرحمن وهيه تشوفه فطـامي : فدييييتك ياربيه تشبه اخوك وايد ,, عطته بوسه من الخاطر وعقب تسمعت حد يتصلبها : اكيد الدريول اشرف : الو ,, فطـامي : ها اشرف عطني الريـال اشرف : اوكيه الريـال : السلام عليكم فطـامي : وعليكم السلام ,, لو سمحت اخويه بغيت حبة منوم اقوى شي الريـال : حاظر فطـامي : عطني الدريول ,, اشرف : الو فطـامي : خذ الدوا و تعال البيت بسرعه اوكيه اشرف : اوكيه فطـامي : بباي ,, عبدالرحمن : خالوه فطـامي : ههههه فديتك حماني انا هب خالو انا عموه اوكيه عبدالرحمن : هممم اوكيه فطـامي : انا منو ؟ عبدالرحمن : عمووه فطـامي : هههه فديتك عبدالرحمن : عمووه وين امداااااان فطـامي ابتسمت وهيه تلعب فـ شعره : سار فـ الطيـاره عبدالرحمن : متى بيرد ؟ فطـامي : مادري حبيبي عبدالرحمن : ابا الووح غرفته ,, تأاالي بوديج و يمط فطوم و وداها الغرفه ,, اتحي الباب >> افتحي الباب فطـامي : لا حبيبي عيب !! خلنا نسير نلعب عبدالرحمن : لاااء اتحي الباااب فطـامي فجت الباب وهيه مغمضه عينها عبدالرحمن : تعاااااااالي و يمطها و يسكر الباب ,, فطوم فجت عينها و انصدمت من غرفت حمـدان ,, كان لونها بيج و الرسم بـ العنابي ,,الغرفه وايد كبيره ,, و الشبريه حلوه وااايد عيبتها ,, شرات مال الملوك .. و محطي صورته ع الطاوله اللي فيها العطور و هالسوالف و عدال شبريته في طاوله و سدادت صوب اليمين و اليسار بعد محطي صورته ويا حمدان و الصوره الثانيه صورته و صورت محمد ,, ابتسمت و فخاطرها تاخذ صورت حمـدان بس قالت لا عيب شو بيقولون عنيه !! عبدالرحمن : ابا حلاوا !! فطـامي : من وين حبيبي ؟؟ عبدالرحمن : اهنيه .. فطوم شافت سلة بـااتشي عطت عبدالرحمن و خذتلها حبه ,, وعقب يلست ع شبريته و شافت صورته خذتها و تمت تشوفه و سرحت ,, سـاره شافت غرفة حمدان مفتوحه قالت منو داخل ,, سارت الغرفه دخلت بدون ما اطلع صوت و تأشر حق عبدالرحمن اووص ولا تقولها اني يايه ,, يت من ورا و شافتها شو ميوده سـاره : حلو صح ؟ فطـوم قفزت و نفس الوكت قفطت من الخاطر : باسم الله وين طلعتي انتي !! سـاره : هههه اشوفج سرحانه فطـامي : ههههههه حماره ,, فديتج خذي حماني انا بسير الغرفه اوكيه ,, سـاره حست انه في شي بس ماحبت تسال شوفيج : اوكيه غناتي بيلس ع النت انا فطـامي : سي يو ,, و تريت سـاره ادش الغرفه وعقب نزلت تحت صوب المطبخ الكبيــر ,, ادور حد من الخدم فطـامي : تعالي انتي شو اسمج ؟ ميري : hhhhhh i`m mayri فطـامي : اهاا اوكيه اشرف ماياب جيس ؟؟ ميري : yes .. وعقب يابت الجيس و عطته فطوم ,, و سيده سارت فوق فجت المكييف خلته ع 15 برد من الخـاااطر ,, و خذت حبتين منوم !!!!!!!! من القوي ,, و عقب نص ساعه رقدت من الخــااااطر ,, كانت الساعه 9ونص كــــــــــــــــــــــــــت فطـوم بتم ع هـ الحـااال !! بـ المنـوم .. و قوم عمهــا بيدرون ولا ! وحمـداان .. شو بيصيـر وياه .. السموحه |
البـااارت 13 " في بـاااانكوك ,, حمــداان كان راقد ,, نش تقريبـاً ساعه 2 الظهــر ,, عندنا 12 ,, وعقب سار الحمام تغسل و ظهر لبس بنطلون جنـز اسود و قميــص اصفر هادي ,, وعليه كتابه صوب الصدر ,, و سار مشط شعره وعدله و لبس نظاره شمسيه ,, استوا يخبـــــــــــل ,, وينج يا فطوم لوول ,, و خذا بوكه و موبايله و طلع يتغدا برع ,, تم يحاوط و يحاااوط ,, وعقب دش المطعــم المصري ,, ويا واحد عطاه منيو حمـدان : لوسحمت ,, الريـال : نعـم حمـدان : هممم بغيت منــدي لــحم الريـال : حاظر ,, واي حاجه ثانيه ؟ حمـدان : ببسي ,, الريـال : من عيوني ,, الريـال مال المطعم سـاار و خبرهم ايبون مقبلات حق حمـدان و هالسوالف و عقب 10 دقايق يابو الاكل و كلا حمـداان >> بالعافيه عليك خيو بينه و بين نفسه مدح الاكل من الخـااطر لوول ,, قال كل يوم بيتغدا من هالمطعم ,, و عقب طلع وتم يحاوط فـ السوق ,, كان في واحد يسوي ميداليات بس هب ع الشارع متخشش المكـاان ,, و كان عربي ,, حمـدان : السلام عليكم الريـال : وعليكم السلام و الرحمه حمـدان : هممم تسوي ميداليات بالعربي ؟ الريـال : هيه اكيد حمـدان : اوكيه ابغيت تسويلي الريـال : من عيوني ,, شو بغيت الاسم حمـدان : تقدر تسوي 3 كلمات فـ ميداليه وحده ! الريـال : كيف ؟ حمـدان : اباك تكتب (آآه) بروحها و تعلقها فهاي الحديده وتكتب (من) و تعلقها وتتب (قلب) الريـال : هييييه ,, هيه اقدر اسويلك ياه ,, حمـدان : اوكيه بكم ؟ ومتى بتخلصها لي ؟ الريـال : اليوم ساعه 5 نفس الوكت حمـدان : خلاص باجر بيك اوكيه واذا عيبني بسوي زياده يغمزله الريـال : ان شاء الله بعجبك حمـدان : فداعة الله و طلع عنه و عقب تم يحوط بروحه ,, عقب دقيقتين حد اتصلبه !! حمـدان : ابويه !!! الله يستـر ,, رد عليه عقب شويه حمـدان : الو بو حمـدان : السلام عليكم حمـدان : وعليكم السلاام و الرحمه ,, هلا باالشيوخ ,, شخباركم ؟ بو حمـدان : جي عيل تسـافر بدون ماتقولي !! حمـدان : ................. بو حمـدان : حرام عليك الكل يحاتيك !! وانته ولا همك !! انته وين ؟؟ حمـدان : شو تباني اسوي ابا اغيـر جو ,, انا فـ تايلند .. بو حمـدان : ماتبا تغير جو انا اعرف ليش انته مسـافر !! حمـدان : ابويه دخيلك بس !! بو حمـدان : مسـافر بس عشان بنت عمك صح !! حمـدان : لا غلط !! بو حمـدان : حمـدان ,, انا ابوك و اعرفك !! صح ولا ! حمـدان : ماعرف !! ماعرف !! ابويه لاتعكــر مزااجي الله يخليك !! بو حمـدان : تراها عندنا حمـدان : شووووو !! منو فطوم عندكم ؟ طلعت من المستشفـى بو حمـدان : هيه ,, محمد طلعها ,, كانت تعبانه من طلعت عنها ,, كله تصيح و تسكت تصيح و تسكت و ع هالحاله ,, وعقب محمد طلعها والحين هيه في بيتنا ,, حمـدان فخاطرها : صاحت يوم طلعت !!! شحقه !! .. : بتم عندنا !! بو حمـدان : هيه ,, و بخلي محمد بدال ما هوه فـ الشقه يتم عندنا هوه و اخته ,, حمـدان متى بترد البلاد !! امك تحاتك وياك !! حمـدان : ماعرف ابويه ماعرف ,, اليوم الفير راد دخيلك بتم كمن يوم و عقب برد ,, بو حمـدان : خير ان شاء الله ,, امك تباك ,, حمـدان : الله يعين ,, احم .. ام حمـدان : سمعتك حمـدان : هلا امايه هلا بالشيخه هلا والله بالمزاين ,, شحالج فديتج ؟ ام حمـدان : هيه قردن ويا هالويه مادري طالع ع منو !! حمـدان وينك ,, ليش سرت بدون ماتقولنا ؟؟! حمـدان : بقول بس شي و بســكر ,, ام حمـدان : شو !! حمـدان : اول شي سلمي ع الكــل و ثاني شي ,, اسالي بنت عميه ليش انا هنيه و شو قالتلي و سكــر عنها و قفل الموبايل ام حمـدان فخاطرها : شو قالت !! هيه صح ,, تمت تقولي والله ما اقصد !! الا اعرف السالفه اليوم ,, بو حمـدان : بلاه ؟ ام حمـدان : مادري قطع ,, بسير ازقر محمد عشان نرد البيت ,, بو حمـدان : خلاص انا بنزل تحت صوب السيـاره ,, سـارت ام حمـدان تزقر محمد و عقب نزلو تحت صوب السيـاره و عقب سـارو البيــت ,, و صلو البيت ساعه 12 ونص ,, و ساره كانت تحت تشوف التيلفزيون ويا عبدالرحمن ,, وعقب و صلو قوم بو حمـدان بو حمـدان : السلام عليكم عبدالرحمن شهق : بابااااااااااا سـاره : وعليكم السلام بو حمـدان : هلا هلا هلا والله بـ عبدالرحمن ,, اميه سـاره محمد بيدش ,, سـاره قامت و لبست شيله ,, خله يدش ام حمـدان : محمد تعـااال محمد : السلام عليكم سـاره : وعليكم السلام محمد : عيل وين فطوم ؟ سـاره : من الساعه 9 ونص دشت الحجره بس ما اشوفها طلعت !! يمكن راقده ,, ام حمـدان : واعليه سيري شوفيها !! محمد : لا لا انا بسير ,, سـاره : تعال انزين بدليك وين حجرتها ,, وسـارت فوق ويا محمد ,, و دلته حجرتها ,, سـاره : هذي حجرتها ,, بنزل تحت انا بخليك وياها محمد : اوكيه ,, محمد دق البـاب كمن مره بس محـد رد عليه ,, قال بيدش .. يوم دش شافها راقده محمد : من الساعه 9ونص لين الحين راقده !! يمكن استوالها شي !!! وابويه ,, محمد يتقرب من فطوم : فطـااامي فطـامي فطـامي : حمـدااان خلني برقد تعبانه محمد فخاطرها : استخفت اختيه ,, فطووووووم !! فطـامي : هااااا شوووووو مستوي ,, افففف ماتخلون الواحد يرتـااااح محمد : بلاه حمـدان !! فطـامي : ماشي ليش !! محمد : يوم قلتلج فطامي قلتي حمـدان خلني برقد تعبانه فطـامي فخاطرها : اميه ياهي مصيبه : ماقلت !! محمد : انزين قومي تغدي فطـامي : حمودي دخيلك فيني رقاد من الخاطر خلني ارقد محمد : من الصبح وانتي راقده قومي نشي ,, فطـامي : دخيلك عقب بتغدا محمد : اوكيه فديتج ,, تمسين ع خير ,, وظهر عنها فطـامي : انا اليوم مابطلع من غرفه بتم راقده !! و بتشوفون مابا آآآآآكل افففف ,, خذت حبه منوم و رقدت محمد نزل تحت يتغدا ويا الباجين بو حمـدان : وينها ؟ محمد : تبا ترقد ! ام حمـدان : من الصبح وهيه راقده !! هب بسها محمد : تقولي تعبانه بو حمـدان : خلوها هاليومين مارقدت عدل ,, هيه صح رمست حمـدان .. سـاره فز قلبها : والله متى !! شحاله هوه وين !! بو حمـدان : في تايلند ام حمـدان : يسلم عليكم محمد + سـاره : الله يسلمه محمد : متى بيرد ؟ بو حمـدان : مادري بـ منكـره !! وعقب تمو يسـولفون ,, و يوم خلصت سـاره ,, سارت اتصلت حق عليـا سـاره : مرحبـا كبـااار عليـا : هلا والله ساروه شحالج ؟ سـاره : يسرج ومن صوبج ؟ عليـا : تمام والله سـاره : شحال مريوم ؟ عليـا : بخير ربي يعافيج ,, بتخبرج فطوم وين ؟ سـاره : راقده عليـا : واعليه عليها ,, فديتها والله سـاره : يقولولج الشيخ حمـدااااان دق حق ابويه عليـا : والله !!!! هوه وين سـاره : فـ تايلند عليـا : هيه حق المنـكر هناكي !! سـاره : هههههههههههه عليـا : والله صدق ,, تعالي ساروه خبريني سالفت فطوم !! شو قالت حق حمـدان عسب اتصيح هالكثـر !! سـاره خبرتها بـ السالفه ,, عليـا : خيبه تخبلت هاي و تقوله جي سـاره : ماحست اكيـد عليـا : حليلها والله ,, بتخبرج بخليج انا تعبانه بسير ارقد اوكيه السموحه فديتج سـاره : لا افا عليج ,, تسلمي ع الاهل عليـا : اوكيه غناتيه وانتي بعد ,, فداعة الله سـاره : فداعة الرحمـــن صوب حمـدان ,, استوت الساعه 5 و سـار المحل وشاف الميداليه مالته عيبته واااايد ,, حمـدان : ياعيني ,, وايد حلو ,, اباك تسويلي واحد شراته بعد .. الريـال : من عيوني حمـدان : وبسجلك كمن اسم اباك تسويلي ياهم الريـال لك على عيني حمـدان : ابا ورقه الريـال : تفضل ,, حمـدان بدا يكتب الاسامي اللي يباهم ,, كتب : فطـامي ,, سـارونه ,, مريومه ,, علايه ,, بو حمـدان ,, ام حمـدان ,, محمد ,, بو مريم ,, ام مريم ,, غنـاتي ,, احبـج موووت ,, ولهان ع شوفت الغـالي ,, في ذمتيه يا عرب اني احبـها ,, الريـال : من عيوني ^_^ .. حمـدان : بس هذيل (( في ذمتيه يا عرب اني احبـها ,, ولهان ع شوفت الغـالي )) خلها شرات ( آآه من قلب ) الريـال : ان شاء الله حمـدان : متى بتخلصلي ياهم ,, الريـال : يومين حمـدان خلاص تم فداعة الله الريال : مع السلامه صـووب دار الظبــي مر اليوم بسرعه واستوت السـاعه 7 و فطوم بعدها راقده .. فالصـاله كلهم كانو موجودين ,, بو حمـدان : باسم الله ,, فطيم ليش مانشت !!!! هب زين عليها متى تبرقد فليل !! ام حمـدان : بسير اشوفها ,, سـاره : مابتقوووم !! ام حمـدان : ماعليه ,, بو حمـدان : بسير وياج ,, عقب سـارو فـوق صوب غرفة فـطيم ,, دقو الباب بس ماردت عليهم ,, دشو عليها ,, سارو صوبها ,, شافوها تصيـح وهيه راقده شو السالفه مايعرفون ,, ام حمـدان : بلاها باسم الله عليها !! بو حمـدان : فطامي غناتي قومي نشي فطـامي وهيه تصيح وترمس بدون ماتحس : حمـدااان دخيلك سامحني والله ما اقصد بو حمـدان على صوته : فطـاااااااامي فطوم فزت من مكانه سيده يلست بدون ماتحس تصيح مسحت دموعها : ها عميه بو حمـدان : شفيج غناتي ,, بلاه حمـدان !! فطـامي فزت و خافت وايد : حمـداان فيه شي !!! شو فيه حمـدااان .. عميه دخيلك قولي !! ام حمـدان : فديتج حمـدان بخيـر مافيه الا العافيه ,, اليوم دقلنا و يسلم ع الكـل فطـامي : الا انا صح قالج جي !! ام حمـدان : لا غناتي هوه قال الكـل ,, بو حمـدان : يلا فديتج تمي ويا خالوتج شويه انا بنزل تحت و اباج تلبسين و تين فطـامي : تعبانه ابا ارقد بو حمـدان : فطووووووم شو تعبانه !!! من الصبح و انتي راقده !!! فطـامي : بليز ابا ارقد !! بوحمـدان : انزين تمي شويه و عقب رقدي اوكيه غناتي حبها ع راسها ,, يالله فديتج ,, وطلع عنها فطـاامي : وين حمـدان ؟وين سافر ؟!! ام حمـدان : سار تايلند ,, فطـامي : متى بيرد ؟ ام حمـدان : ماقالنا ,, انزين فديتج ,, ابا اعرف شي واحد بس فطـامي خافت : شوو ؟؟ ام حمـدان : هاكي اليوم يوم حمـدان كان عندج ,, و طلع وهوه مصدوم بدون مايرمسنا ,, شو قلتيله ؟؟؟!! استهبـلت فطوم سوت عمرها ماتعرف : متى خالوه !! ام حمـداان : يوم تقوليلي ,, ما اقصد ازعل حمـدااان فطـامي : هاا لا ماشي ام حمـدان : فطيــم !! قوليلي عشان خاطري ,, لانه هوه قالي فطوم قبل لا تكمل رمستها : شووووو قالج !!!!! ام حمـدان : قالي (اسالي بنت عميه ليش انا هنيه و شو قالتلي) شو قلتيله فديتج ؟ فطـوم انصعقت فخاطرها : شو اقولها !! مابا اخبرها مستحيل شو بتقول عنيه !!!!!! ام حمـدان : وين و صلتي فديتج ؟ ام حمـدان بصوتها العذب و وحنانه ترمس فطـامي عشان ما تخـاف ام حمـدان : غناتي لاتخافين ,, بيني و بينج قوليلي شو قلتيله فطـوم ودمعه ع خدهـا : قلتله عـاافك الخـاااطر و لوت ع ام حمـدان و هيه تصيح ام حمـدان انصدمت : بس فديتج خلاص ماصار شي فطـامي : خالوه والله ما اقصد ,, صدقيني من القهر اللي فيني والله ما اقصــد ام حمـدان : بس غانتيه ,, صدقيني بتردون شرات قبل و احسـن لا تصيحين ,, يلا فديتج قومي بوديج الحمام و بدلي ثيابج عشان البسج القميص فطـامي : ان شاء الله ,, ام حمـدان ساعدت فطوم عشان تقـوم و دتها الحمـام ,, وعقب طلعت يالسه تتنقا شو تلبس ,, ام حمـدان : هيه صــح ,, يوم سرنـا المول خذتلج شي ,, صبري بييبه ,, سـارت ام حمـدان تيب الشي اللي يابته حق فطوم و يوم يابته ام حمـدان : فجيه فطـوم فجت الجيـس ,, شافت جلابيـه من النوع الـراقي ,, الـوانه خبـال .. قميص كـت باللون بيـج المحروق و من تحت في خرز ,, و كندوره عنابي ايدها طويله ,, يااي صوب الكـف وسيـع و عليه شغـل باللون البيج المحروق و العنـابي ,, فطـامي : الله خبـااااااااااااااااال ام حمـدان : تعالي وياي غرفتي فطـامي : ليش ؟ ام حمـدان : انتي تعالي .. ومطتها ام حمـدان مستويه اخت و الام وكـل شي ويا فطـامي و هيه وايد مرتاحلتها ,, سارو غرفتهـا .. فطوم اندهشـت بغرفت ام حمـدان و بو حمـدان جنـه فـ بلاد ثاني ,, خبـااال غرفتهم ,, كل الالوان ,, كانو الالوان متناصقه ,, و رسم ع الجـدار ,, في فرع فيه المكيـاج و هالسوالف ,, و فرع حق اليلسه ,, و الغرفه الرئيسيه ,, الشبريـه الكبيـره ,, كانت صدق احلى غرفه دشتها فحيـاتها ,, فطـامي : خالوه غرفتكم وايد حلوه ماشالله ,, بس ع شو ناويه ,, ام حمـدان ودتها صوب فرع المكيـاااج : انتي يلسي و شوفي اللي بيستوي .. سـارت ام حمـدان يـابت المكيـاج و كل اللي تبـاه ,, ماشالله عليها كانت داشه دورة مكيـاج و كان مكيـاجها خبـااال من الخـاطر ,, بدت ام حمـدان تحط حق فطوم مكيـااج خفيف باللون العنابي و البيج ,, ماسوته وايد يعني شرات الاعـراس ,, و رسمت عيونها و حطتلها مسكره و عدلتها من الخـااطر ,, جنه الروح ردتلها ,, و حطللتها قـلوز وردي هااادي .. يوم خلصـت ام حمـدان : لاتفجين عينج بصفعج فطـامي : هههههههههههه ان شاء الله ,, ام حمـدان سارت صوب الصندوق الكبيـر حاطه فيها ذهبها ,, وطلعت ذهب ذهبي ,, و لبسته فطوم و ساعه و خاتم ,, فطـامي : شو تسوين خالوه ؟؟ ام حمـدان : ايلسي جي و لاتفجين عينج ,, فطـامي : الله يستـــر ... اذكرتينيه بحركات عليوه و مريوم ام حمـدان : ليش ؟ فطـامي : الله يسلمج كنا بنسير مول الامارات جان يسوولي جي اقولج مكيجونيه و خلصو وجي و طلعت اهبل هههههه ,, يوم شفت فيه حمـدان ,, و عبدالرحمن ضاع ام حمـدان وهيه تصارخ وخايفه : ضاااع وييين ؟ فطـامي : هههههه ما استوا شي خالوه ( وقالتلها كل اللي استوا و شو من المواقف استوت ويا محمد ) ام حمـدان : هههههههه غربلاته ولا قاليه بعد .. حلوه هاي اخو يغازل اخته ههههه فطـامي : خليه خخخخ مايدري انزين وعقب ام حمـدان سارت صوب شعر فطوم و سحته وهيه تسمي عليها ,, كان شعرها طويل و غليض ,, لفته بـ شبـاصه عنابيه ,, و صوب القصـه من جـدام كانت قصتها قصيـره تغطي يبهتها و ع الينبين جي خصله طويله ,, حطلتها شباصات صغـااار لونهم عنابي و بيـج ,, و صدق كانت حلوه من الخـاطر ماشالله ,, ام حمـدان تقوم فطـامي و تراويها عمرها بـالمنظـره فطوم انصدمت لصقت فـ المنظره : ياويلي ,, المكيـاج حلوووه خالووه علميني !! ام حمـدان : هههه من عيوني ,, مستويه عروس ماشالله فطـوم استحت : خالوووه !! ام حمـدان : وين حمـدان عنج و تغمزلها فطـامي استحت : خالووووه عااااد .. بسير البسلي النعـال عندي ذهبي ام حمـدان : يلا سيري وانا بنزلت تحت وعقب تعالي اوكيه فطـامي : ان شاء الله نزلت ام حمـدان تحت محمد : وييين فطوم !! ام حمـدان : الحين بتنزل سـاره : ليش يعني ؟ ام حمـدان : ههههه لاتستعيـلين بو حمـدان : اصلا ليش تأخرتو!! ام حمـدان : لاتستعيلـون ,, عقب دقيقتين ,, نزلت فطوم شرات الملاك االلي داش البيت ,, النور كله فويها .. ونظرات عيونها تذبح الواحد ,, ,, دخلت الصـاله كلهم فاجين عيونهم و ام حمـدان مستانسه فطـامي وهيه مستحيه : السلام عليكم محمد : يـاااويييييل حاااااالي فطوووووووم ,, يتقرب منها ,, و يسوي شرات الاجانب يوم يوخون تحت و ويبوسون ايد البنيه ,, بـاسها محمد بصوت غليــص : هـل تقبلين لي زوجه ؟ الكـل : ههههههههههه فطـامي رافعه راسها فوق : لاااء طبعـا و ادزه و تسير عدال عمها و خالتها ,, محمد : آآخ ويهي !! فطـامي : وااايه فديتك .. محمد : لو انج هب اختيه جان خذتج هههه سـاره : هههههههه وايد تتحلم بو حمـدان : فديييييت روحج فطـامي ,, عروس ماشالله ,, بس ناقص الريـل سـاره : المشكله انه الريـل هب موجود ,, مسـافر فطـامي عصبت : سـاره !!! سـاره : خلاص خلاص !! بو حمـدان : هاي فطوم اللي اعرفها ,, متكشخه و متعدله دوم ,, فطـامي : ان شاء الله بتشوفني جيه دووم ,, ام حمـدان : ميري !! ميري ميري : yes madamام حمـدان : حطي اكل حق فطـامي ميري : okay فطـامي : ماااااااااابااا !! ام حمـدان : شو قلنا !! فطـامي وهيه ماده بوز : انزين انزين ,, سـااروووه حطي قناااة نجـوووم كانو حاطين غنية (( لاتبكين ياعيني )) حسـام كمـال .. كــانت تحب الغنيه و دوم يوم تضايج تسمعهـا ,, جان تعتدل و تغني وياه ,, لاتبكين ياعيني ياعيني ياعيني وتبكينـي مــثـل مــا فـارقـوك فارقوك مـفـارقــيني لو بالبكـي يرجعون اعمــي اثنيـن العيون يــاعينــي عــليهــــم شـــو تــنشــدينــي مــثـل مــا فـارقـوك فارقوك مـفـارقــيني باجــر يجون احبابنــه نحكيلــهم كل شي بدمـــع الفــرح واثنــينــا نقابلــهم ونبكــي لو بالبكي يرجعــون اعمـي اثنيــن العيون يــاعينــي عــليهــــم شــــو تــنشــدينــي مــثـل مــا فـارقـوك فارقوك مـفـارقـــيني ياعين غمضي الجفن خليني ساـعه ارتاح وصدقينــي عمر البكي مايعوض الـي راح لو بالبكي يرجعـون اعمـي اثنيــن العيون يــاعينــي عــليهــــم شـــو تــنشــدينـــي مــثـل مــا فـارقـوك فارقـوك مـفـارقــيني محمد : ياويل حاليه عليج فطوم والله انه صوتج عذاب .. غنيلي كل يوم بو حمـدان : عاشت بنت اخويه ,, ياترا حق منو هالغنيه ؟؟,, فطـامي بـكل حنان و دلع : نـاااس عيونهم وسـاااع ام حمـدان : فديتج يـاربيه .. سـاره : امااااااااايه ,, تراني اغاااار = ( .. فطـامي : هههه عيل بسير غرفتي احسن ام حمـدان تغايض بـ سـاره : لا خلج فديتج سـاره : اماااااااااايه !!!!! ام حمـدان : ياروح امايه سـاره : بسج عاد الكـل يضحك ع سـاره و فطوم ,, و مـرت الايـااام و الليـاالي ,, و حمـدان يفكـر فـ فطوم و فـطوم تفكـر فـ حمـدان ,, تبا تنسـاه شويه ماتروم ,, كله تاخذ منوم ,, خلصت الكرتون ,, و الكل لاحظ عليهـا ,, وعقب مرور سبوعيـن ,, بو حمـدان و ام حمـدان ,, ماخذيـن اجازه شهـر ,, و كانو يالسين فـ الصاله ويا محمد و سـاره ,, بو حمـدان كـان معصب من الخـاطر : لا حووول فاطمه ليش ماتيلس ويانا !! شو سالفتها بالضبط 24 سـاعه رقـااااد !!! بسير اشوفها لازم اعرف شو السالفه !! ام حمـدان : محمد !!! محمد شوي شوي ع البنيه !!!!!!!!! واعليه ,, ونشت سارت صوب ريلـها ,, بو حمـدان يدق الباب بس ماردت عليه ,, دش عليها ,, شاف ع الطاوله ,, دوا وقرا انه منوم !! ام حمـدان : خلها راقده !! بو حمـدان وهوه مصدوم : تـااااخذ منوم من 3 اسـااابيع !!!!!!!!!!!!!!!! ام حمـدا انصدمت : احلــف !! بو حمـدان ماسوا علم و خبـر ,, خوز اللحـاف عنها و هوه بروحها قومها ودزاها ع الايدار وهوه معصب من الخـاطر : ماتخافين ربج تاخذين منوم 3 اسابيع !!! تعرفين اصلا ها زين ولا لا !! فطـوم مصدومه : ............. !! بو حمـدان يصـارخ فويها : ارمسج اناا !!! ليش تسوين جي ,, ماتعرفين انه في حد يخاااف عليج !!!! فطـوم و الدموع فعينها : ............ !! بو حمـدان : اذا انتي هب مهتمه فعمرج ,, غيرج مهتم !!!! ليش جي تسوييييين ارمسج انا ردي عليه !! فطـوم : ................. بو حمـدان : ردي عليه ماتسمعيـن .. عطاها كــــف محترم .. ام حمـدان وهيه تصيح و خايفه من اللي يستوي : محمد تخبـــــلت !! شو اللي سويته ,, هاي يتيمه ليش صفعتها ليش ؟! كل شي بالتفاهم ينحـل ,,, ليش جي حرام عليك ! وعقب لوت عليها .. وفطوم هب مصدقه اللي يستوي تمت متيبسه فـ مكـااانها !! بو حمـدان توه استوعب اللي يستوي سيده ظهر من الغرفه بسرعه و رضخ بالباب البيت و سـار برع صوب الحديقه ,, محمد : اويه شو مستوي ,, اركضي خلينا نسير سـاره خافت و سارت فوق بسرعه ,, شافت فطوم فحظن ام حمـدان و هيه تصيـح من الخـاطر فطـامي : ها اللي اونه بيكون بدال ابويه جي يسويلي !!! ليش خالوه لييييييش ,, حرام عليه ,, انا شرات بنته ليش جي يسويلي !! لو ابويه حد و امايه حيه جان ماسوولي جي !! ام حمـدان : فديتج خلاص ,, فطوم هدت ام حمـدان و تصـارخ : ليش يصفعني ,,, قوليلي ليييييييش !! وييينك يا ابويه ,, وينج يا امايه ,, تعـالو شوفو شو يسوون فـ بنتكم ,,, تصيـح من القهـر شرات اليهـال محمد : عميه صفعج !! لييييييييييش ؟؟؟؟ فطـوم تصيح من الخـاطر و تصـارخ : بس لاني آخد منوم من 3 اسـابييع مافيها شي والله ,,, محمد يودها من الخـاطر و يزاعج : هب حرام عليج !!! ام حمـدان : محمد ,, هدها حرام عليك ,, اللي فيها يكفيها جان تخوز فطوم عنه محمد : ليش جي تسوين قوليلي ليش !! الكل يخاف عليج وانتي تاخذين منوم ,, سـاره : محمد بــــــس !! محمد يودها من شعرها بالقو : والله !! ان شفتج ماخذه منوم ماتلومين الا نفسج فااهمه !! عند بو حمـدان ,, بو حمـدان فخاطرها : يالله انا شو سوييت!!! هاي اللي كنت بخليها فـ عيوني جي اسويلها !! شو بتقول عنيه الحيــن ,, هب حرام عليها .. تاخذ منوم 3 اسابيـع !! لا تاكل ولا شي !! يـاربيه سامحني ع اللي سويته !!!! صوب غرفة فطوم ,, فطـوم تصيح من الخـااطر : انته هــــب اخويـــــه !! هب اخوويه !! و بو حمـدان هب عميــه !! ماعندي اخو و عم يمدون ايدهم عليــه ,, خذت شيله مال البيت و ركضت و طلعت برع ,, ام حمـدان لحقتها هيه و سـاره ,, و محمد انصدم يوم قالت فطوم (( انته هب اخويه )) ,, طلعت من البيت و سـارت الحوي .. و هيه تركض و الدموع ع خدها ,, بو حمـدان شافها وهيه تركض صوب بوابه الكبيـره كانت مفتوحه ,, بو حمـدان : فااااااااااطمه فاااااااااطمه !! ام حمـدان طلعت من البيت : محمد الله يخليك الحقها ,, بو حمـدان : جـاااااااااااسم ,, جـاسم AL Body Guard : نعم عميه بو حمـدان : لحق فاطمه بسرعه .. جـاسم AL Body Guard : ان شاء الله عميه و ركب السيـاره و سار ورا فطوم ,, فطوم طلعت وهيه تركض فـ الفريج .. كانت الساعه 9 ونص ,, و ظلاااام ,, تمت تركض تركض و سمعت سيـاره وراها ,, و تمت ركض وعقب انخشت فـ مكـان ,, و جـاسم ما حصلها ,, وتم ســاعه وهوه يدور بس ماشي فايده !! فطوم طلعت وهيه تركض فـ الفريج .. كانت الساعه 9 ونص ,, و ظلاااام ,, تمت تركض تركض و سمعت سيـاره وراها ,, و تمت ركض وعقب انخشت فـ مكـان ,, و جـاسم ما حصلها ,, وتم ســاعه وهوه يدور بس ماشي فايده !! في بـانكـوك ,, وبالتحديـد فندق امـاري ,, غرفة حمـدان ,, كانت السـاعه عندهم 1 ونص فليل ,, كان حمـدان يرتب الاغراض اللي ماخنهم حق البنااات ماخذ سوع و شنط ع ذوقه ,, و عطور و ابواك ,, وسكارفـااات ماخلا شي ,, خذا حق ساره و فطـامي و مريم و عليا مانساهم طبعاً ,, وخذا نعله حق بو حمـدان و بو مريم ,, و نعله حق ام حمـدان و ام مريم ,, طبعا خذالهم عطور و شنط و ابواك ,, وطبعاً مانسـا الميداليـات ,, كانو وايد حلوين ,, وخذا حق عبدالرحمن و رشود ,, العـاااب ماشالله يعرف حق هالسوالف البركه فـ سـاره لول وعقب ما خلص دق موبايله ,, حمـدان : مرحبا كبـااار (****) : هلا فديتك شحالك ؟ حمـدان : يسرج ومن صوبج ؟ (****) : دامك بخير انا بخيرين حمـدان : عسى دوم غناتيه (****) : هممممم شو اتسوي ؟؟ حمـدان : ماشي طايح افكر فيج ,, كنت بتصلبج >> ياسلام ع الجذب (****) : فديتك والله ,, حبيبي متى بترد ؟ حمـدان : فديتج ماعرف والله ,, بشوف (****) : حبيبي والله ابا اشوفك حس فيني ! حمـدان : انزين انا الحين برع البـلاد ,, كيف تبغين تشوفيني !! (****) : تعال باجر ,, حمـدان وهوه يفكـر : ماعليه باخذلي حجز بـاجر ,, آمري انتي بس ؟ (****) : فديتك والله ,, الله لاحرمني منك ,, حمـدان .. حمـدان : عيـون حمـدااان (****) : احبــك .. حمـدان : ........... (****): شوفيك حمـدان : ماشي (****) : والله احبـك حمـدان : فديتج انا بخليج الحين طولت عليج (****) : افا عليك حمـداني ,, خذ راحتك عادي عندي ,, حمـدان : ابا ارقد تعبـاان ,, الساعه كم عندكم الحين ؟ (****): 11ونص حمـدان : انزين غناتيه انا بخليج الحين ,, تـامريني بشي ؟ (****) : سلامت قلبك حمـدان : وين بوستي ؟ (****) : امممممموااااح .. حمـدان : فّديـــــتج والله ,, يلا حبيبي تصبحين ع خير و طمنيني عليج بـاجر (****): من عيوني ,, وانته من اهله ,, باي حمـدان : بايات سكـر حمـدان من (****) ,, وهوه يفكر فيها فخاطره يقـول : فديتها والله ,, كشخه هالبنيه و عقب دقايق ,, فطـــــوم !! آآآآآآخ يا فطوم وينج لج وحشـه والله ,, فديت الارض اللي تمشين عليها ,, شحالج .. شخبـارج ؟؟ ,, شو دنيـا وياج ؟؟ ,, انتي وين؟؟ شو اتسوين الحين ؟ تم يفـكر فـ فطوم وعقب رقد ,, واليوم الثـاني .. العصـر ,, حمـدان كان متردد يتصل ع بيتهم ولا لا ,, عقب 5 دقايـق اتصل .. تم يرن يرن وعقب شلوه حمـدان : الوه سـاره : حمـدااان !! حمـدان : فديتج شحـالج ؟ سـاره : يسرك ؟؟ ومن صوبك ؟؟ حمـدان : بخير الغلا ,, شحالك الاهل ؟,, شحـال الغنـاااااه ؟! سـاره : ســافرت محد يدري وين ,, فـز من الحلـم !! حمـدان : بسم الله !! بسم الله !! ان شاء الله خيـر ,, خذا موبايله و اتصل ع بيت بو حمـدان تم يرن يرن يرن محد شله كان عندهم ساعه 3 عند حمـدان 5 ,, اتصل ع بوحمـدان ,, رد عليه حمـدان : السلام عليكم بوحمـدان بتعب : وعليكم السلام حمـدان : شوفيك ابويه ؟؟ فطوم فيها شي !! بوحمـدان: شدراااك ؟ حمـدان : قووووول فطوم فيها شي !! وين هيه الحين ؟ بو حمـدان : طلعت من البيت حمـدان : شوووووووو !! وين سـاررت ؟؟؟ بوحمـدان : مانعرف ,, حمـدان الشرطه ادقلي تريا شويه !! خلا حمـدان ع الخط الثاني و عقب رد ع الشرطي بو حمـدان : هاا سعيد شو سويت سعيـد : حصلناها بو حمـدان : ويين !! سعيـد : فـ الفريجكم بو حمـدان : الحمدالله يارب ,, هيه بخيـر سعيـد : والله شو تباني اقولك ,, حالتها ماتسر ,, تصيح وتقول ماعندي عم ماعندي اخو بو حمـدان : لاحول ولا قوة ,, خلاص انا الحين ياي مشكور ,, فداعة الله سعيـد : مع السلامه بو حمـدان يرمس حمـدان حمـدان : ها ابويه حصلوها !! بو حمـدان : هيه بس حمـدان : بس شو !! بو حمـدان : حمـدان بنت عمك صارلها فتره ترقد وايد ومحد يدري شو السالفه ,, و امس سرت الغرفه اوعيها جان اشوف دوا منوم مخلصه الكرتون كله ,, من 3 اسابيع وهيه ع هالحاله لا اكل ولا شرب اللهم بس الدوا تاخذه حمـدان مصدوم !! بو حمـدان : عقب وعيتها من رقادها و هزبتها من الخـاطر و جان يسكت حمـدان : كمــل .. بو حمـدان : عطيتها كــــف محترم .. حمـدان انصعق من الخـاااطر : ابويه تخبلت انته !! بو حمـدان : والله ماحسيت بالي اسويه !! يعني هيه ماتهتم فـ عمرها غيرها يهتم حمـدان : وبعدين !! بو حمـدان : بعدين سـارو محمد ساره يعرفون شو السالفه ,, و حرج عليها محمد و يودها من شعرها !! و قالها (( ان شفتج ماخذه منوم ماتلومين الا نفسج فااهمه )) ,, حمـدان : محمد يسوي جي !!! بوحمـدان : بعدين طلعت من البيت .. خلاص حمـدان انا عقب بتصلبك بسير اشوفها ,, ماقلتلي الغالي متى بترد ؟؟ والله لك وحشه !! حمـدان : ان شاء الله قريب ,, فداعة الله بو حمـدان : ربيه يحفظك سـار حمـدان سيده اتصل حق مكتب طيران الامارات ياخذ اقرب حجز وقالوه اليوم في رده سـاعه 9 توقيت بـانكوك و وافق و طرشوله التذكره و رتب اغراضه ,, ويتريـا الوكت يمر بسرعه ,, اتصل حق (****) وقالها انه بيرد اليوم ,, سار بو حمـدان وخبر شيخه و ساره و محمد عشان يسيرون عند فطوم ,, ركبو السيـاره وعقب سـااارو ,, يوم وصلو سيده عند فطوم بو حمـدان : فاطمه غناتي سار يبا يلوي عليها فطـامي وهيه تصيح : لاتلوي عليه !!!!!!!!! انته هب عميه !! بو حمـدان : فطوم ,, قسم بالله ما اقصد ,, دخيلج سامحيني ما اقصد والله العظيم فـطامي سارت و لوت عليه بالقو : ليش جي تسويبي لييييش ؟ بو حمـدان : فديتج والله آسف اوعدج ما اعيدها ,, محمد : فطـامي فطوم تشوف محمد بخوف محمد : تعالي فديتج عندي ,, فطوم هدت بو حمـدان و تقربت منه و لوت عليه من الخـاطر : اوعدني ماتضربني مره ثـااانيه وهيه تصيح = ( محمد دمعت عينه : وعد الغاليه وعد يلا فديتج خلينا نسير البيت فطـامي : ان شاء الله ام حمـدان : عاش من شافج غناتيه فطـامي : فديتج والله خالوه سـاره : دبووه ولهنا عليج !!! فطـامي : حتى انا والله وعقب سـارو البيت وهم مستانسين ,, و اتصلت فطوم ع مريوم و طمنتهم عليها وصلو البيـت و حطو العشـا قبل لايتغدون يتريون فطوم تنزل ,, كانت تسبح و لبست مخوره بـ الوان فاتحه كانت Cute وايد .. فطـامي : يوعاااانه حطو الاكـــــــــل !! بو حمـدان : تعالي غناتيه هنيه نتريـاج ,, فطـامي وهيه تتروح الاكل من الخـاطر : ياويلي انا خبــااال يوعااانه و تركض صوب الاكل ,, يلست عدال بين بو حمدان و ام حمدان عشان تاكلها سـاره : اميه تراني اغار بسير اكسر ايدي عشان تسوولي شرات ماتسون حق الدبه فطـامي : مشكله اللي يغاروووووووون الكـل : ههههههههه بو حمـدان يبـا يقهرها : خذي فديتج ويكالها سـاره : بفلعج والله !! محمد : تعالي انا بـأكلج بو حمـدان + ام حمدان + فطـامي: هههههههههههههههههههههههه فطـامي : عقبـال ما تأكلها فعرسكم كيكة سـاره انصدمت و احمرت من الخاطر : فطوم !! بو حمـدان : آآآآمين محمد : اتريا هاليوم و يغمزلها سـاره : جـــب !! ابويه ماتقول شي !! بو حمـدان : عادي انا موافق من الحين سـاره وهيه مقوره : ابووووووويه !!!!! بعدنيه صغيره ع العرس مابا اعرف ,, ومنو قال ابا محمد ,, بيغصصبي محمد : فديت روحج انا و روح بسرعه ام حمـدان : واايه انا عليهم Cute فطـامي : OMG Sooo cute مر الوكت بسرعه ,, العشـى ,, حمـدان فـ طريجه للمطـااار ,, و خلص شغله بسرعه و ركب الطيــاره وطارت الطيـاره ساعه 11 .. ويتمنـى يغمض عينه و يفجها و يحصل عمره فـ بلاده .. فـ دار بو خليـفه الله يرحمه .. سـاعه 9 ,, فطوم كانت فالمطبـخ ,, تشوف شو مسوين ,, كانت تبا شي حلو ,, فجت الثلاجه شافت مسوين كيكه كلها جوكلت ,, فطـامي : ياويل حـاليه انا ,, سوسي بليز حطيلي هالكيكه سوسي : okay سارت سوسي وحطتلها الكيكه و سارت الصاله وهيه تاكل فطـامي : ياويل حاليه خالوووه منو مسوونها !! ام حمـدان : هههه عيبتج ؟؟ ,, هالخدامه يايبينها بس حق اكلات الحلو فطـامي : خليها كل يوم تسوي حلو ,, كشخه هالكيكه ,, فجي حلجج ,, جان تاكلها ام حمـدان : هممم لذيذه تصدقين فطـامي : الا هب خبـااال ,, خالوه انا تعبت من الجبس اللي في ايدي دخيلج ابا اسيـر المستشفى ام حمـدان : الحييـن !! فطـامي : هيه خالوه عشاااني ,, بليييييز ام حمـدان : اوكيه غناتيه سيري تلبسي و خبري ساره ,, وانا بخبر عمج فطـامي : من عيوني ,, سارت فطيـم فوق وهيه فرحانه من الخـاطر خبرت سـاره وسارت تتلبس ,, وفخاطرها تقول : واخيـرا بشله افف ثجيل ع القلب ,, عاد ان شاء الله يرضون ,, سـاره سارت صوب فطوم دق دق دق فطـامي : هلااااا منو سـاره : انا فطـامي : تعالي سـاره : خلصتي ؟ فطـامي : هيه ,, يلا طوفي ,, نزلو تحت و شافت بو حمـدان و قالت فخاطرها : الله يستـر بو حمـدان : ماشي سيرره فطـامي : عمييييييييييه !! بو حمـدان : هههه اسولف وياج فطـامي : منو بيودينا !! بوحمـدن : انا يلا طوفو وعقب سـارو المستشفـى ,, و يوم وصلو ,, دشو عند الدكتـور عادل ,, ماكانت تدري انه هوه فطـامي : دكتوور عاااادل ,, يا مرحبــاا الساااع والله ,, شحالك ؟ شخبارك ؟ منزمان ما شفتك >> تقردين بو حمـدان و سـاره فجين عيونهم دكتور عادل : هلا والله فاطمه ,, والله يسرج الحال ,, من صوبج ؟ ,, تعالي بلاها ايدج بو حمـدان : ماشالله تعرفون بعض دكتور عادل : اوووه ,, عميه شحالك ؟ انا ربيع ولدك ,, هههه لاتفهم غلـط ,, حمـدان يابها عندي يوم كانت تعبانه ,, بو حمـدان : هيييه انته اللي عالجتها ,, يا مرحبـابك والله فطـامي : دكتور طلبتك ,, دكتور عادل : تم بو حمـدان : هههه ع كيفك والله شوف انزين شو بتقولك فطـامي : ههههه ,, دكتور شل العله اللي فايدي ,, دكتور عادل : يـالله !! شو استوالج فطـامي : طحت فالحمـاام ,, شوفها الحين ماتعورني ,, وشلت الربطه و نزلت ايدها دكتور عادل : تعالي ايلسي ع الشبريه ,, فطـامي : اوكيه ,, سارت يلست ع الشبريـه و دكتور عادل فج الجبس عن ايدها تم يحركها دكتور عادل : تعورج ؟ فطـامي : ابدن !! دكتور عادل : اكيـد !! فطـامي : هيه والله ,, دكتور عادل : عيل خلاص ,, مبروك فطـامي : يـــس و رفعت ايدها اللي تعورها : آآخ دكتور عادل : لا لا لا لاتحركينها ولا بلف ايدج الحين فطـامي : من الوناسه ,, بو حمـدان : فديتج تحملي ع عمرج ,, سـاره : عنيه افداج ,, مبروك و لوت عليها فطـامي : الله يبـاارك فيييج ,, بو حمـدان : بتخبرك دكتور تحتاج عمليه ؟ دكتور عادل : هيه تحتـاج ,, لانه ايدها ممكن في اي وكت تنفك بو حمـدان : خلاص عيل بنسـاافر برع دكتور عادل : يكون احسن ,, حمدالله ع سلامتج فاطمه فطـامي : الله يسلمك دكتـور ,, مشكور و ماتقصر ,, دكتور عادل : عاد انتي سوي لها تمارين حق ايدج جان يطلعلها ورقه ,, تفضلي هالورقه فيها التمارين بس شوي شوي فطـامي : مشكـوور و ماتقصر ,, دكتور و اليرح اللي ع يبهتي ,, بيخوز ولا اسوي عملية تجميل ماحبه جي !! دكتـور عادل : اشوفه وين ؟ فطـامي راوت الدكتور ,, دكتور عادل : هممممم بيتم هوه جي بس اذا تبغين تسوين العمليه ,, بتنج لانه بسيطه بتكون العمليه ,, و يبهتج ماتشوهت وايد فطـامي : خلاص عيل بسوي ,,مشكور دكتووور ماتقصر ,, وعقب راحو البيـت و فطوم وايد مستانسه ,, و يوم وصلو دخلت البيت و هيه تركض فطـامي : فجكوووووو الجببببببببببببببس ,, وتشوف عبدالرحمن : حماااااااني ,, وايه فديتك و تشله محمد : باسم الله ,, فطووم !! ويين الجبس !! فطـامي : هع هع فالزبـاله ,, واخيرا ً مابغيت ,, عبدالرحمن : ايدج مافيها واوا ؟ فطـامي : لا غناتيه و تبوسه ونزلته ,, ام حمـدان : مبروك فديتج بو حمـدان : داقه سوالف ويا ربيع حمـدان ,, هههههه الدكتور .. فطـامي : ههههههههه سـاره : ههه ويا هالويه ,, ابويه شو رايك فـ غمازت بنت اختك ؟ بو حمـدان : اصلا اللي محلي ويها ,, غمازتها فديتها و فديت الغمازه انا فطـووم احمرت : عميه استحي ,, الكـل : ههههههه ,, فطـامي : انزين عيل تصبحون ع خير بسير اتأبح (اتسبح) و ارقد ع راحتي الكـل : وانتي من اهله ,, محمد : نوم العوافي فديتج فطـامي : الله يعافيك ,, سارت حبتهم كلهم و عقب سارت غرفتها ,, |
نترياااااااااااااااااااااااااا |
بنزل بارت يديد |
دخلت الحمـام و تسبحت من الخـااطر ,, و يوم خلصت قرتلها كمن آيه و صلت العشـا و صلت ركعتين شكـر ,, و عقب فجت الكبـت شافت نعالها بو الشفايف اذكرت حمـدان فطـامي : يـالله يا حمـدان ,, لك وحشـه من الخـاااطر ,, سكرت الكبـت و سارت تتصل حق مريوم فطـامي : الوووووو ,, غناتيه ولهت عليج وايـد مريوم وهيه تزعلج : واااااايه فطووووم ,, فديتج والله ,, حتى انا غناتيه شحالج شخبارج ؟ فطـامي : يسرج الحال ,, شخباركم انتو ؟ شحال الاهل ؟ مريوم : كلهم بخيـر فديتج فطـامي : باركيلي شليت الجبـس مريوم : وااااعليه ,, مبروك فديـتج ,, بتخبرج حمـدان لين الحين مايا ؟؟ فطـامي جان تغني من خاطرها و هيه نادمه ع اللي سويته : آآآه من قلب(ن) غدا حبه جنوني ,, و آآآه من خلن على بـالي طرا ,, شو تبغيني اقولج ,, صارلي فتره وانا لا اشوفه و لا اسمع صوته ,, اللهم صوره له .. مريوم : فديت روحج انا والله ,, ان شاء الله بيرد فطـامي : آمين ,, انزين فديتج ,, سلمي على علايه وايد ,, انا بسير ارقد تعبانه ,, مريوم : اوكيه غناتيه طمنيني عليج كل يوم ,, فطـامي : من عيوني تصبحين ع خير مريوم : وانتي من اهله فطـامي : فداعة الله مريوم : فداعة الرحمن طاحت ع الشبريه وهيه تفكـر فحمـدان ,, يوم بتشوفه شو بيقول ,, و هيه شو بتقول ,, و شو بيستوي ,, شو مابيستوي ,, كيف بتكون الاوضااع ,, تمت تفكر لين ما رقدت ,, السبت الساعه 5 الفير حمـدان وصل البـلاد بـ السلامه ,, و هوه طاير من الفرح ,, بس نفس الوكت مضـايج ,, في سوال محيرنه (( ياترا فطوم بتستانس يوم بتشوفين ولا لا )) نزل من الطيـاره ,, و طيران صوب ختـم الجوازات ,, ختم جوازه و سـار يدور شنطته وعقب حصلها ,, و طلع من المطـار ,, كـاان الجو بـاارد من الخـاطر و الدنيـا مغميه حمـدان : فديـــت ترابج يا الاماراااات ربيع حمـدان كان مزهب حد يوديها دار بو خليفه ,, اتصل حق الدريول و حصله ركب السيـاره و جان يمشي صوب دار المرحوم ,, فـ بيت بو حمـدان ,, كانت فطامي ناشه من السـاعه 6 ونص ,, فيها نشـااط غير طبيعي ,, سارت الحمـام تغسلت و صلت الصبـح و سارت فجت كبتها ,, فطـامي : همممممم شو البس شو البس ,, الدنيا مغيبه برع ,, بلبس شي يدفيني ,, سارت و طلعتلها بنطلون بيج و قميـص وردي هادي و جاكيت طويل لين الركبه ,, طقم ويا البنطلون ,, لبستهم و تمت تتكشخ بـ الاكسسوار و جحلت عينها و حطت قلوز و لفت شعرها طالعه Cute,, و لبست شيلتها و نزلت تحت .. فطـامي : غريبه محد نـاش بسير المطبخ ,, ابا كييييك ,, سارت المطبخ ,, فطامي : سوسي سوسي : yes miss فطـامي : سويلي عصيـر برتقـال فرش ,, و حطيلي هالكيكه و يبيلي ياه فـ الحديقه اوكيه سوسي : okay miss فطـامي : بتخبرج ,, وين الجريده ,, سوسي : The newspaper in sitting roomفطـامي : اوكيه ثـانكس سـارت فطوم خذت الجريده و طلعت بـرع فطـامي : صبـاااااااااح الخيـــــر جـاسم AL Body Guard + وليد AL Body GuardGuard : صبـااح الخيـر فطـامي : شحالكم ؟ جـاسم AL Body Guard+ وليد AL Body Guard: يسرج الحـال و من صوبج ؟ فطـامي : مستانسه من الخـاطر جـاسم AL Body Guard: مبرووك شليتي الجبس فطـامي : افا عليكم ,, وليد AL Body Guard: ليش ناشه الصبـح فطـامي : مادري والله فيني نشاط غير طبيعي ههههههه ,, جـاسم AL Body Guard: هههههههههه فطـامي : بخليكم عيل بسير اقرا الجريده ,, وعقب سـارت صوب الحديقه ,, وهيه تشوف الورد ومستانسه وتتروح الروز العنابي ,, يلست ع الكرسي و يت سوسي وتمت تقرا الجريده و تاكل الكيكه وعقب دشت البيـت شافت بو حمـداااان و ام حمـداان بو حمـدان : باسم الله وين ييتي !! فطـامي : تريقت فالحديقه ام حمـدان : اشوفج كاشخه فطـامي : افا عليج ,, وسارت حبت راسها و راس عمها ,, تمو يسولفون و خلتهم يرتبشون ع الصبح لول حطت قناة نجـوم .. وتمو مرتبشين نص سـاعه ف الحوي دشت التيما سودا مخفي عرفتو منو هذا ,, حمداااااااااااان وصل البيــت !! >> نورت ويا هالويه ,, نزل من السيـاره ,, و شل النظاره و شاف جـاسم AL Body Guard+ وليد AL Body Guard,, يو صوبه جـاسم AL Body Guard+ وليد AL Body Guard: هلا والله ,, شحالك حمـدان؟ و يسلمون عليه حمـدان : هلاااا جسووم و و ليد ,, والله يسركم الحال ومن صوبكم ؟؟ جـاسم AL Body Guard+ وليد AL Body Guard: تمام والله حمـدان : دوم ,, بليز خلو البشكاره تودي شنطتيه فغرفتيه جـاسم AL Body Guard+ وليد AL Body Guard : ان شاء الله جان يدش البيت و سـار الصـاله واللي فالصاله انصدمو من اللي يشافوه .. فطـامي : حمداااااااااااان !!!!!!!! حمـدان اطلع فطوم بستغراب محلا ملقى العين بالعين ,, عقب اشتيـاق و طول فرقا .. بو حمـدان : حمـداااااان ,, يا هلا والله توه نور البيت سار و سلم عليه ,, شحالك فديتك ؟ حمـدان حب راس ابوه : والله تمام يا الغالي ام حمـدان : واااايه حمـدان دمعت عينها ,, لوت عليه من الخـاطر ,, فديتك والله لك وحشه من الخـاطر ,, شحالك فديتك شخبارك ؟ حمـدان : فديتج امايه ,, والله يسرج الحـال جان يشوف فطـوم و يخـاف من ردها اذا رمسها ,, حمـدان : شحـالج فطيـم .. تقربت منه وبكل حنان : يسـرك الحـال ,, الحمدالله ع السلامه .. |
| الساعة الآن 01:46 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir