|
:@ وين البارت |
مرحباااا الساااع .. شحالهم عربنا .. بصراااحة انا واايد مستحية منكم لان صار لي جم يووووم ما ادخل المنتدى بس وربي واايد مشغوووولة مع المدرسة واختباراتها نونو كيوت .. دار الزمن .. الــدانــه تسلموووون على التواجد الغاوي وربي لايحرمني منكم وداااانووووو ترى الازعااج الي بيي منج على قلبي شراات العسل وما ابا طول عليكم البارت السابع في دبي الساعة 4 الفير في غرفة مايد قام من فراشه وخذ سويج سيارته وطلع من البيت ،، سار مايد للسيارة وخذ الهدية الي شراها لسلامة حظنها وكان ويه ما ينجاف من دموعه بس قطع عليه تفكيره صوت تلفونه لكنه من دون ما يجوف من على التلفون على طول بنده وحرك السيارة متوجه للبحر ،، وصل البحر ونزل من السيارة وقعد على الرمل وكتب على الرمل الا يابحري الهادي ابي اجلس معك هالليل وابحكيلك واسولفلك عن غالي وحشني حيل اكل عقلي واخذ قلبي ومن بعده شربت الويل انا احبه وانا اوده ومن صده شربت الويل فداه عمري فداه روحي وله عيني تشيله شيـل ثواني والبحر مسح الي كتبه بأمواجه ،، سار مايد السيارة وفتح تلفونه وكتب مسج لسلامه وطرشه في البيت في غرفة سلامة استغربت ان واصلنها مسج هالوقت ففتحته مستحيل إني أخونه بالحياه..! كـــان في موتي فأنا كلي حـــــذر.. يمكن بقبري أجاور لي ســـواهـ ! وأعتبر خنته وأنا عندي((عـــــــــذر)) المرسل : مايد قرت سلامة المسج مرة ومرتين وثلاث وكانت متحيرة اطرش له مسج او لا وقررت اطرش له ((مستحيل اخونه بالحياة)) هههه ضحكتني انت مو مرة ولا مرتين خنتني ولو تبى تعرف جم مرة خنتني احسب كم كلمة حلوة قلتها لكم لبنت بتعرف كم مرة خنتني قرى مايد المسج وحس بطعنه في صدره ،، لكنه ما فقد الامل لانه يعرف انه سلامة تحبه فطرش لها أدري إني بحقك أخطيت وماني من الخطأ معصوم لكن جيتك بقلب مكسور وعند أبواب قلبك وقفت مذلول طالب عفوك ولرضاك مرتجي يالطيب يالحنون بس سلامة ما ردت عليه فطرش لها مسج ثاني جيتك معتذر وأدري إني مخطي وبغلطتي معترف ولعفوك مرتجي يامنهل الجود يابحر العطا لاتتركني محترق بجمر الغضا وخلي عذري يدخل قلبك وينال الرضا يامنهل الجود يابحر السخا ثواني ووصل مايد مسج ففتحه جيتني اليوم تعتذر وعلى ما فات تقول نادم نسيت الجرح والاثر والقلب الي بسببك انفطر ركب مايد سيارته وسار المسيد لانه اذن ،، صلى مايد وعقب سار البيت وعلى طول لغرفته الساعة 10 الصبح في دبي الكل واعي ويالسين في الصالة ما عدا مايد وسلامة راقدين سيف : امنه بلاج ساكتة وشكلج زعلانة راشد : هيه حتى انا لاحظت امنه : ما فيني شي سيف : امممممممم متأكده امنه : هيه لا تشغل بالك سيف : اذا ما شغلت بالي فيج اشغله بمن استحت امنه ونزلت راسها وقالت بصوت خفيف : تسلم هزاع : يا ويل حالي على الكلام الحلو سعيد : والا على الخدود المحمرين الكل : ههههههههههههههههه راشد : والله مو سهل ولد عمي (راشد يزقر ريال خلاته عمامي) سيف : بسكم عاد ما صارت كلمتين قلتها حرجتوا البنت الكل : هههههههههههههه في العين في بيت بو سيف ام سيف وبو سيف يالسين في الصالة ام سيف : اشترى سيف سيارة بو سيف : والله ما ادري ،، عطيني التلفون بتصل له ام سيف : من عيوني بو سيف : تسلم عيونج اتصل بوسيف لسيف بوسيف : مرحبا بهل دبي سيف : مرحبابك ابويه بوسيف : شحالك سيف : بخير يعلك الخير انت شحالك وشحال امييه بوسيف : يسرك حالنا سيف : دوووم بوسيف : سيف شو صار بالسيارة سيف : اليوم العصر بسير اخذها بوسيف : زين ابويه محتاج فلوس سيف : لا كل شي تمام بوسيف : يالله عيل فوداعة الله ودير بالك على عمرك سيف : فوداعة الرحمن سكر سيف التلفون ،، نسير لمايد وسلامة ، سلامة في الحمام تسبح اما مايد زهب اغراضه وطلع من غرفته وهو في باله خطه في الصالة مايد :السلام عليكم الكل : وعليكم السلام والرحمة هزاع : صح النوم مايد : صح بدنك ،، وامون سيري زهبي وخبري سلامة تزهب روحها لانا بنسير العين امنه : ليش ؟؟ راشد : لان مايد عنده شغل مايد : امون ترى سعيد وسيف ما بردون معانا امنه : ليش ؟؟ هزاع : وانتي ما عندج الا ليش ،، لان سيف وسعيد بسيرون العصر ياخذون سيارة سيف من الوكالة وعقب بردون العين الريم وموزة وامنه : اهااا مايد : امون امنه : لبيه مايد : لبيتي في منى ،، حبيبي انا بسير شوي وبيي واذا وصلت عند البيت بسوي لج تلفون اوكي امنه : اوكي سارت امون تزهب وتلم قشارها وخبرت سلامة الي عارضت انها تسير مع مايد في البداية بس امون خبرتها ان اذا ما سارت مع مايد سعيد بعصب عليها وهي مو ناقصة فستسلمت سلامة للواقع الساعة 11 سوى مايد لأمون وظهرت هي وسلامة للسيارة بس سلامة بسرعة ردت البيت لانها نست شنطتها فوق في السيارة مايد : امون اوعدج ان اليوم قبل ما نرد العين انا وسلامة متصالحين قولي ان شاء الله امنه : ان شاء الله مايد : بروح البيت بسرعة وبرد امنه : ليش مايد : بعدين بعدين في البيت وتحديداً فوق ،،سلامة كانت ظاهرة من غرفتها وجافت مايد يالس على الكرسي الي يم غرفتها طالعته بنظرة عتب ولوم وحزن ،، وقف مايد ومسك ايد سلامة حست سلامة برعشه فغي جسمها كامل و حاولت تشيل ايدها بس ماقدرت مايد : أسف عمر لساني ما نطقها يمكن غرور! ويمكن كبرياء! لكن عشان حبك بحفظها ودوم بكررها بحفظها ودوم بكررها سلامة : مايد ممكن تترك ايدي مايد : سلامة بقولج هالقصيدة وعقبها كلمتين ويمكن اكون اخر شي اقوله لج خلاص يعني خلاص يعني كل شَيّ انتهى وراح خلاص يعني مـا بقينـا حبايـب يعني وعودك كلها كانـت مْـزاح والاّ انت ما لك في المحبّه رغايب وين العهود ووين لحظات الافـراح يعني تلاشت مع هبـوب الهبايـب القلب بعدك من له اليـوم يرتـاح من بعد ما هو في محبّتْـك ذايـب ياما على شانك تحمّلـت الاجـراح وياما جروحي من صدودك عطايب سرقتني عن جملة الناس يا صـاح والفكـر عنـدك ماخذنّـه نهايـب خِلّك يحبّك يا بَعَـدْ سِيْـد المْـلاح إن رحت عنّه راودنّـه مصايـب خَلّك معه دام الهوى حيل نضّـاح والواش رِدّه يا هوى البال خايـب وسلامتج سلامة انا حبيتج من يوم ما انوجدت بهالدنيا حبيتج حب ماله حدود صح انا غلطت ورمست بنات بس انا اعتذرت لج اكثر من مرة واعترفت بغلطي وودرت كل البنات ومسحت كل ارقامهن ومسجاتهن كل هذا عشانج وبالاخير تبينا نفترق (سلامة دموعها بدت تنزل على ويها ومايد ما قدر يشوف دموع حبيبته تنزل فمسك طرف حمدانيته ومسح دموعها) الغالية الله يسامح عبده اذا اخطأ وانتي ما بتسامحيني (ثواني بسيطة مرت لكنها كانت اصعب الثواني بحياة مايد لان يعرف ان سلامة بتاخذ قرارها وكان احس ان هالثواني الي مرت ساعات) نزلت سلامة راسها ورفعته وهمست لمايد احبك وعلى طول ركضت للسيارة ،، مايد حس ان يبا يطير من الفرحة "مو مصدق نفسه الريال بس اتصدوقون من حقه" قام ايول بالقلم الي موجود على الطاولة في السيارة ودخلت سلامة امون : بسم الله ،، ابويه السلام مو بفلوس وبعدين وينج تأخرتي (وصرخت امون) حووووووووووووووو ارمسج انا وين سرتي نقزت سلامة من صوت امون ورفعت راسها : بلاج اتصارخين امون : يا ويل حالي علـى ويهج بلاه غادي طماط ،، سلامي بلاج ،، لاه البنت فيها شي دخل مايد مايد : السلام عليكم امون : وعليك السلام والرحمة مايد بصوت اعلى شوي : فيه ناس ما ردوا على سلامي رفعت سلامي راسها وابتسمت لمايد بكل خجل : وعليك السلام والرحمة مايد : قلبي انا صابه ذهولي .. من شفت أنا روعة خصايلك .. ماشفت أنا مثلك خجولي .. والزين كله من فعايلك .. محلاك بالوجه الطفولي .. ومحلا العذوبة في قوايلك .. ابتسمت سلامي ونزلت راسها من المستحى شغل مايد الراديو وكانت اغنية عبد الله رويشد لا تلومونه لا تـلومونـه مفـارق أحـبابـه .. يبان في عيونه شوقه و عذابه .. و ان جا يوم يتناسى ودهم .. ما قدر دايم و هو في ذكرهم .. مايد بند الراديو امون : ليش مايد بندتها الاغنية حلوة مايد : حلوة ما قلنا شي بس احنا ما نبا فراق وعذاب ،، انزين شو تبون غدا ؟؟ (طلب مايد لهم غدا وخذوه وساروا البحر بيتغدون هناك ،، وصلوا البحر وخذت امون اكلها وقالت انها بتاكله عند البحر وبالمرة تخليهم ياخذون راحتهم) في السيارة طلع مايد الهدية الي شراها لسلامة : تفضلي سلامة : شوها مايد : يعني شو ،، هدية من محبوب لمحبوبته سلامة : مشكور بس ليش تعتبت روحك وبعدين شنو المناسبة مايد : المناسبة هي ان انا وانتي تصالحنا سلامة : ليش احنا كنا متزاعلين مايد وسلامة : ههههههههههههههههه نسير لامون البنت الرومانسية الي تعشق البحر بشكل جنوني ،، بعد ما خلصت اكلها لفت نظرها ان يم السوبر ماركت فيه محل ورد وهي وايد تحب الورد فسارت واشترت وردة حمرة وجربت من البحر و رمت الوردة فيه ،، دقايق ويرن تلفونها وكان المتصل مايد امنه : الو مايد : ههههههههههههه امنه : ليش تضحك مايد : عليج وعلى خبالج امنه :علي انا وعلى خبالي ،، ليش ؟؟ مايد : عيل فيه حد يشتري وردة ويرميها في البحر امنه عصبت منه : اولا لاتتمصخر علي وثانيا انتي شولك رميتها في البحر والا في الارض وثالثا وهو الاهم شو فيها يعني اذا عطيت البحر وردة مايد : خلاص يا بوج السموحة منج لاتعصبين ،، ويالله تعالي السيارة امنه : اوكي طول الطريج من دبي للعين وامنه اتفكر في سيف توقعاااااااتكم ؟؟؟؟؟؟ |
تسلمين الهمسه ع القصة وااااااااااااااايد روعه ... نتريا البارت لا تتاخرين علينا .. ^^ |
يسلمووووووووونيشن ع البارت الحمدالله يوم مايد ترك حركاته واتراضا هو وسلامه اموووووووون وسيف الله يديم المحبه بينهم جاااااااااااااااااااااااااااااااااااااااااااااااار ي انتظار التكمله |
مرحبا الساع شحالج اختي الهمسه البارت طرر ونتريا البارت اليديد متى بتنزلينه |
| الساعة الآن 04:52 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir