وييييييييييييييييييييييييينج لاتبطين :137:

السلام عليكم ورحمة الله وبركاته ..


ادري تأخرت عليـــكم .. سوري بس واااااااااااايد بيزي ..

وكانت عندي ظروف .. واليوم قلت بعوضكم وانزلكم بارتين طوال ..

وان شاء الله كل اسبوع انزل بـــارت اذا قدرت .. وما صارت عندي ظروف .. اوكـــيه .. ^^


سي يووو .. ^^



دمتم بود

الــــــــــــــــــــــــــــــــــــبارت الخــــــــــــامـــــــــــــــــــــــس



وفجأة¿!¡؟



دخل سعيد..... اللي كان محضر لهم مفــــاجعـــه وااايد حـــــــلوه ..



وكان وراه.......سلطان،حمدان،سيف:السلام عليكم ..
الكل:وعليكم السلام..والكل طارمن الوناسه.وهجموا عليهم.
اليده:فديتكم اناياعيالي والله اتولهت عليكم.يانظر عيوني..وقعدت اتصيح (يحليلها*_*)
اليده توجه كلامها لسلطان:شخباره اخوك احمد فديتك مب صوبكم هو..؟؟
سلطان:لايامايه احمد فبلاد ثانيه مب صوبنا بعيد عنا.
اليده:يالله اتردلي ياه بالسلامه..
الكل:آمين..وكانوا مستانسين برحعة الشباب.
بوسيف: شوشباب بعدكم ماخلصتوا..
سيف: لايابوي بعد عندنا شهر ونص وخلاف الامتحانات وبنخلص انشاءالله .
بوحمدان:يعني كم يبالكم بعد؟
سلطان:ثلاث شهور.
اليده:بعد بترجعون ؟؟
سلطان:ثلاث شهوربس خلاف بقعد عندج العمركله وبتملين مني بعد..
اليده:ماعاش من يمل منك يانظر عيني.
منال:احم احم نحن هنا انا اغار ..
سلطان يلوي ع أمه:سيري هناك انتي باجربياخذج واحد وبتسيرين عنها ..
وما بيبقالهاغيري انا.
منال :جب جب اصلا لوتزوجت بشرط عليه اني بقعد عندامايه.
حمدان:ليش يمشي بكيفج هو..
منال:غصباعنه.
سلطان:بنشوف.
سيف:وين باقي البنات؟!
منال:من الشله المشتله؟عندهم عزا قعد يودعون زعيمتهم بتسير عنهم اليوم ..
سلطان:ماشاء الله ومن زعيمتهم ...
منال:ميره بنت أحمد.
سلطان:ماشاء ميروه هني عندنا.
منال :يس.
شوي و ينزلن الشله المشتله وعواش من لمحت سيف ركضت صوبه الاطارت طيران..
وسارت ولوت عليه.ووايهت عمها وسلمت عولد عمها حمدان ونفس الشي ميثه وياخوهاوباقي البنات
بعد سلمواعليهم.وميره وايهت سلطان وسيف.وسلمت ع حمدان اللي تخبل عليها من شافها..
وسارت صوب سيف:وكان حمدان قاعد ع يمين سيف وهي قعدت ع يساره
ميره بصوت واطي محد سمعه غير سيف وحمدان اللي قاعد عنده ..
ميره : نوف ها ياملعون الصير من ورانا ها.وابتسمت ابتسامه خبيثه..
وسيف انصدم(هالساحره كيف عرفت من خبرها)وحمدان يضحك ع سيف.
ميره:تباتعرف من خبرني ها؟
سيف:سكتي بعدين بتفاهم وياج انا..
ميره:مابتلحق وحياتك.
.سيف:ليش متى بتسيرين انتي؟
ميره:توديه *_^
سيف:لا..ليش.؟؟
.ميره:تدري بعد اذا حضرت الشياطين تذهب الملائكه.
سيف:لاوالله .
سيف باستهبال:انزين شوتعالي شو سالفة نوف شو فيها؟!
ميره بخبث : شو سالفتها ها علينا هالحركات
.سيف يبتسم:بسألج انتي ساحره؟
ميره:فديتني ..اصلا مافي شي يخفى عن ميره.
سيف: يــنــيه (وحمدان مندمج وياهم ويسمع سوالفهم)
عواش يت صوبهم:شواتقولون؟!
سيف:ماشي ياحلوه بس قعد نسأل عن احوالها
عواش:اها.
ميره قامت من مكانهاوسارت وقعدت عند نوف وعيون سيف وحمدان يراقبونها...
سيف فخاطره(غربلاتح ياميروه ما ادري عشو ناويه)
ميره:وشحالج بعد نوفاني فديتج...
نوف مستغربه : يسرج الحال..
ميره:يعله امديم.وحبتهاع خدها ..فديتج أحبج اموت فيج..
ونوف الف علامة تعجب فويهها.حبتج العافيه..
سيف:يأشرلها ويتوعدلها.
ميره:نوفاني تعالي اباج بسالفه بيني وبينج.
نوف: انتي شويا ينج اليوم.
ميره:تعالي بخبرج .
وقامن نوف وميره.سيف شافهن وعطى ميره نظره اللي طنشته وظهرو برع.
حمدان :شوفيك ياريال.
سيف:ماسمعت الخبله اموت واعرف من خبرها بالسالفه.
حمدان: اسألها.
سيف:اريد اعرف ليش شلت نوف برع.
حمدان:يمكن بتخبرهاعن السر...
سيف: هزرك
.حمدان:بتسوي فيك خير..
سيف:هي والله..
صوب ميره و نوف.
نوف:شوعندج.
ميره:بشاورج ف موضوع.
نوف: شو الموضوع .
ميره:في واحد يموت فوحده. يعشقها بس هي ماتدري عن هوا داره انزين
نوف:انزين.وبعدين كملي.
ميره:هذا الواحد الله يسلمج يبايفاتحها فالموضوع بس مايعرف كيف؟
نوف:انزين.
ميره:هوسألني واناقلت له خلني افكروالحين اباج تشورين علي شو أقوله.يعني شواتقولين.خله يصارحهاولا؟
نوف:امم اذايحبها صدق ليش لا خليه يصاحها .يمكن بتقبله.ويمكن لاما تدرين انتي بعد.
ميره:يعني انتي لو مكانها وفي واحد يحبج.شوبتسوين
نوف:خليني انابعيد.
ميره:انتي خلي روحج مكانها كيف بتتصرفين.؟
نوف: اذاكان واحد زين وشاريني وعقولتج يحبني ويموت فيني.ليش لااللي يحبك احسن من اللي مايحبك.خخخ
ميره:يعني موافقه.
نوف:ع شو موافقه ؟؟
ميره:هالاماشي قومي نسير نقعد وياهم .
نوف:ماخبرتيني من هذا ومن اللي يحبها.
ميره نشت من مكانها : قومي خلنا نسيرنقعد وياهم.وبعدين بتعرفين وكل شي فوقته حلو لا تستعيلين عرزقج يالله مشينا صوبهم
نوف:ليتس قو..وساروالبنات٠داخل.
وميره صدت صوب سيف وابتسمت ابتسامه خبيثه.
ميثه نازله من فوق و شافت ميره:انتي وين سرتي وانا ادور عليج.
ميره:يعني وين بسيرالا اهني.وتموايسولفون كلهم وحمدان مانزل عينه عن ميره.(الريال متخشع ورايح فيها).
وقعدو شوي وخلاف ساروالشباب يريحون.و الباقي كل واحد سار بصوب والبنات نفس الحال.
كل شله بصوب.الشله المشتله قاعدين برع .
والثلاثي المرح بصوب،والعاقلات بصوب.
والحريم ساروا بيت يارتهم.والشياب ساروا ياخذون قيلوله.
والبيت استوى هادي وحصوص وعبود وعنوده وشواقي يلعبون فالحوش..وعبود وحمود وذياب ماسكين كتبهم
اونهم يذاكرون.وبعد المغرب..هل سويحان ورماح ردوا دارهم،
وميره اتلبست عسب اتسير دبي.
ميره:سنيتاويرآريو(خدامت ميره)
سنيتا:يس مام.
ميره : بي ريدي وي ول قو ناو اوكيه...
سنيتا:اوكيه مآم..
ميره:تيك ماي باقز ان ذا كار.
سنيتا: اوكيه.ميره لبست عباتها ووقايتها.وجحلت عيوناتها وحطت غلوس و شلت شنطتهاوظهرت والبنات وراها..
وظهروابرع ونزلوتحت....
اليده كانت قاعده تحت مع سيف سلطان وحمدان اللي توهم كانوا واعين.
ميره سارت صوب يدتها وحبتها ع راسها.
ميره:يالله امايه فداعة الله.
اليده:خلاص مروحه يامايه.
ميره:هي امايه مروحه..
ميره:هي خلاص يا امايه.
مهاري :وين سايره بهالسهوله هانت العشره عليج.
منال:رايح وما قلت وين انشوفك.والله موهاين علينا نعوفك.
ميره:صدق انتهينا لكن الحب باقي .ماهوبدينالاانكتب يوم الفراق.
عواش:كيف تتركني اواجه هالمصيروبالسهوله عادي تهجرمن هواك لحظه لو تسمح لي مطلب اخير
قبل ماترحل خذ فوادي معاك..
ذياب:روح وروح ابعد بدنياك.يامتعب قلبي بصدك
الدرب لي ضحكك بكاك موت وتكوا بنارحقدك..
ميره:صدق انك نذل .
سلطان:من بيوديج..
ميره:بسير ويا عبدالقادر.
سلطان:وليش اتسيرين ويا الدريول ونحن اهني صبري ببدل و بوصلج انا.
ميره:لاعادي اصلا انا متعوده يعني مب شي يديدعلي.بعدين انت ياي من سفر وتعبان.
سلطان:طز فالتعب المهم بنت اخوي اتطمن عليها.
سيف: من قدج يحبونج.
ميره:فديتني اصلا انا ميره مافي حدما يحبني كل الناس تحبني.
حمدان فخاطره(اصلا اهبل وماعنده سالفه اللي يشوفج ومايحبج).
سلطان :من بيخاويني شباب.
سيف:اناوراي سبوح وبعدين بسيرصوب حميدوفهد(ربعه).وعدتهم امرهم.
سلطان:حمدان لاتقول لاولا بهفك بكس.
حمدان:لايابوك خلنا نقوم بكرامتنااحسن.بسيرالبيت ببدل واخطف علي اهناك .
سلطان:اوكيه.
وسار حمدان يبدل.وسلطان بعد سار يبدل.وميره تترياه.
بعدنص ساعه.شل سلطان ميره.. وسارصوب بيت أخوه بوحمدان وشل حمدان وسارو صوب دبي..
ميره:سلطون ربشنا شوي.
سلطان:سلطون فعينج.اسمي سلطان..شوتبين تسمعين.
ميره:شوعندك؟
سلطان: كل اللي تبينه.
ميره:عندك عيضه اليديد
سلطان:لا... وغيره.
ميره:عبيد بن سرحان اوسلطان الشحي؟
سلطان:ما عندي عبيد اناسلطان وهذوه بعد حمدان ما تبينا نحن؟
ميره:تستعبط؟
سلطان:لا بس احاول اخفف دمي.
ميره:محاوله فاشله حاول مره اخرى..
سلطان: ان شاء الله عمتي انتي تامرين.اممم شو رايج احطلج ميحد؟
ميره:امم حطه ..شو ورانا بنسمع ميحد.
سلطان: يحصلج الشرف اصلا يوم بتسمعين ميحد.
ميره:ماشي شغل ليش الامام الشافعي وانا ما ادري.
حمدان:سكتوك ها.
سلطان:احم احم.
ميره:القط ويهك عن يدوسه حمدان.حمدان فخاطره( يالله محلا اسمي وانتي تنطقينه ، ما حسيت بحلاته
الا اليوم)..
سلطان:جب سكتي ولابفرج اهني وبرد بوظبي.
ميره:جان فيك خير سوها.شو قد الكلمه.
سلطان:ها لايابوج سحبناها الكلمه.
ميره:هي اتحسب بعد.يالله سمعنا شو عندك يالله.وشغل سلطان اغنية
لاتغرك ضحكتي ولاسلوبي .. اعرف اعزاز النفوس من الردية.
وسلطان مرتبش ع الاخر..وجذا تموا مرتبشين لحد ما وصلوا دبي.
ميره نزلت : اقربوا حياكم.
سلطان:لا مره ثانيه .
ميره:امي شيخه بتزعل اذا درت انكم وصلتوالدارهاومانزلتوا اتسلمون عليها وتتقهون من قهوتها. منقود.
يالله اشوف نزلوا.
طبعا سلطان ما يقدر عميره لانها اذالزمت ع شي لازم اتسويه.
ونزلوا سلطان و حمدان .
ميره دخلت الفله وبصوت مثل صوت الريايل (حركات هالبنت ): هود هود .اليده شيخه وشما كانوا قاعدين
وشماعدلت وقايتها.شيخه:اقرب حياك
ميره دخلت وهي ناقعه ضحك.
شما: خس الله بليسج وانا اقول الصوت مب غريب علي سامعتنه قبل.
ميره تحب راس امها وتوايه خالتها وتمت تسألهم عن احوالهم ونست سالفة الشباب اللي منقعتنهم ع الباب
شيخه: شخبارام محمد والاهل هناك؟؟
ميره:يسرج حالهم ويسلمون عليكم..
شيخه:الله يسلمهم.الا من اللي يابج يامي.
ميره:اويه نسيتهم . امايه عمي سلطان وحمدان ولد عمي عند الباب بيسلمون عليج.
شيخه:ويدي ومخلتنهم واقفين عند الباب .. قومي ناديهم يالله الحين.
ميره:نسيت.وقامت ميره تزقرهم.ميره:تصدقون نسيتكم
سلطان:احلفي.وعطاهاكف خفيف ع راسها.
ميره:اي.
سلطان:يالله امشي...
ودخلت ميره وراهاسلطان وحمدان: السلام عليكم.
الكل:وعليكم السلام وساروا حمدان وسلطان وحبواراسها
شيخه:اتحبون الكعبه ياعيالي شحالكم.سلطان يسرج الحال.شما اللي كانت متغشيه :اشحالكم.سلطان:يسرج الحال.
وسارت شما تزقر الخدم يحطون الفواله والقهوه.
سلطان:يالله بنترخص احنا.
شيخه: شو لايابوك منقود تظهرون من عندنا من غيرضيافه.قعدو مكانكم ما تظهرون قبل ما تشربون من قهوتيه ,
وتمت تزقرشماوميره اللي سارت وياها.شماوين الفاله عجلوا شوي.
شما ظهرت من المطبخ التحضيري وماكانت متغشيه وفهالحظه سلطان كان صاد صوبها فشافهابس نزل راسه بسرعه.
شما:ان شاء يما الحين ..
ويابت الخدامه الفواله وحطتهم ع الطاوله:حياكم تفضلوا..
ونشت العيوز ووراها سلطان وحمدان.وقعدوا ع الطاوله.
شيخه:ميره.صبي القهوه لعمج وولد عمج ..
ميره:عونج يامايه .و نشت ميره وصبت لهم قهوه.
وبعد ما خلصوا.ظهرواالشباب.وساروايتمشون شوي فدبي وخلاف بيسيرون بوظبي
عند ميره وشما ..
شما:ميره.
ميره : لبيه ..
شما : لبيتي حايه ..منو هالاثنين؟.
ميره حبت تحرج خالتها:وانتي شويخصج ليش تسألين عن الريايل.منقود يابنت استحي ع ويهج.
شما:لاتفهميني غلط انابس اسأل.جنه واحد فيهم عمج سلطان عدي به يوم كنا صغار كان دايما يي وياكم يوم
اتزورونا.وكنا نلعب ويا بعض.
ميره بخبث :هي..وماشاء الله عليج بعدج تذكرين شكله ما نسيتيه.
شما:جب جب محد يخبرج شي انتي .وسارت عنها وميره ناقعه ضحك ع خالتها..
.................................................. .................................................. ........................
يوم الاحد..اول ايام الامتحانات..
فمدرسة الاولاد.فقاعة الامتحان كانو قاعدين ذياب وراه عبود وراه حمود طبعاكانو مغيرين ارقام الجلوس و حاطين اساميهم ورا بعض عسب يقعدون ورابعض ويغشون.يدام ذياب كان قاعد واحد مصري اسمه اسامه ومرابعينه بس عسب يغششهم(مصلحجيين).
ذياب:اسامه افتح الصفحه الثانيه.
اسامه:حاضر و فتح الصفحه وتم ذياب يغش.
عبود: ذيابوه اشوف اجابة السؤال الثاني.
ذياب:اصبر شوي لاتستعيل ع رزقك .
حمود:عبود شو ماخلصتوا.
عبود:اصبر شوي انت الثاني بعد لا تستعيل ع رزقك.
وطبعا المراقب اللي كان استاذهم مال التاريخ قاعد و ما يدري عن الدنيا.
قام من مكانه وسار يدام وشاف ذياب قعد يغش من اسامه ..
الاأستاذ:يا زياب عيب اللي أنته جالس تعمله.
ذياب:هذا اللي يبا ينضرب .،
الاأستاذ:بزمتك في شخص يسوي اللي أنت جالس تسويه ؟.
ذياب قرر إنه يساير الاأستاذ:ليه يا أستاز أنا عملت إيه شو زنبي يا أستاز ؟،
الاأستاذ:الرجاجيل ما يسون شذي يا زياب ،.
ذياب:يا أستاز خلاص بأه ماتقولش زياب دنا اسمي ذياب أيوا يا فندم سمعني كده ذياب ،.
الاأستاذ:ضياب ،.
وفهالوقت حمود وعبود استغلوا الفرصه تموا يغشوون وظهروا البراشيم اللي كانوا يايبينهم وتموا يغشون
ونفس الحاله عند بقيه الطلاب .. ذياب سوا فيهم خير يوم قعد يرمس الاستاذ اللي نسا انه يالس فلجنه مراقبة
وقاعد يسولف ويا ذياب ..
ذياب:علك تمشي بشارع مزدحم وتتبهدل في الضباب وآخر شي تندعم سيارتك وتترقد أنت في المستشفى و نرتاح إحنا
من شيفتك،.
الطلاب كلهم في وقت واحد:آمين ،.
الاإستاذ:شو هاضا اللي تتحشون عنه ،
ذياب:سلامتك أستاذ بس حبيت أقولك موعدنا باجر في بوظبي صوب الوحدة مول ،
الاأستاذ متشقق من الوناسة:يخرب بيتك إنت عايز تعزمني ،
ذياب ضحك ع الاأستاذ: أنا أريد أتضارب وأنت تقول بتعزمني،والله إنك أهبل واحد شفته في حياتي أنا برد البيت اليوم
وبطمن شباب العايلة وبقوللهم تطمنوا في واحد أخبل عنكم بس لو سمحت رقمك عسب أعطيه ل مبارك ولد عمي ،
الاأستاذ:والله يا زياب،.
ذياب قاطعه:ذياااب،.
الاأستاذ:اللي أنت عايزو. خلي عينك ف ورأتك وكمل الامتحان عايزين نخلص ..
ذياب : هي والله شفت استاذ اذا انا رسبت بشتكي عليك بقول انك انت اللي كنت ترمس ف القاعة
وخليتنا ننسا معلوماتنا اللي كنا مخزنينها ف عقولنا ..
الاستاذ : حل ياابني حل وخلصنا ..
‏وسار الاستاذ قعد مكانه , وكملوا الاولاد غشهم .. والله القاعة كانت مصخــــــــــــــره ..
... وتمو الاولاد على هالحاله لين ماخلص الامتحان...
فبيت بوسيف،عواش كانت راده من الامتحان ومن التعب حطت راسها ورقدت.سلطان توه ناش من رقاده
نزل تحت شاف عواش راقده...
سلطان:حليلج يابنت اخوي.ماتعرفين شو اللي بيصير فيج الحين.
وسار صب كوب ماي وسار صوب عواش وصب الماي عليهاوعواش من برودة ماي صرخت.
عواشه:يالسبال يالخام يالتيس اكرهك اف منك. سلطان ناقع ضحك
سلطان يستهبل :اسف حسبتج منول.
.عواش:احلف انت بس.بخبر عليك ابوي.
سلطان: لا دخيلج ...خوفتيني..
عواش دزته:قوم عني وسارت عنه فوق تكمل رقادها.
وقعد وفتح التي في يجلب القنوات.
ودخل ذياب:هاي.
سلطان: وعليك الهاي .يالجلب الناس يقولون السلام عليكم .
ذياب:وعليكم السلام
سلطان:شوالامتحان..
ذياب:عال العال
سلطان:شو سويت ان شاء حليت زين
ذياب:بوجود اساموه المصري اكيد ..
سلطان:يالجلب اتغش.
ذياب:لاماأغش انقل الحل بس.
سلطان:ومن هذا اسامه المصري.
ذياب:واحد مرابعينه عسب يغششنا.ودوم نعزمه بحسابنا
سلطان:مصلحجيين انتو...
ذياب:كل واحد يدور ع مصلحته فهالزمن..
سلطان:ع قولتك كل حديدور مصلحته دنيا مصالح.
ذياب:بسيرارقد انا نعسان
سلطان:سير دام وراك اسامه ارقد وانت مريح بالك..وسارذياب يرقد ...
سلطان حطاه قناة العربية وقعد يتابع اخبار الدنيا..
.................................................. .................................................. ..........
فبيت مهره.. أحمد وخلود قاعدين ف الصاله ودخلت عليهم عليا اللي كانت راده من الامتحان.
خلود:شو سويتي
عليا : سويت اللي علي والباقي على الله.
خلود:الله يوفقج ان شاء الله .
عليا : امين ..
أحمد:يالله انا ساير صوب رماح شي فخاطركم؟!
عليا:بسير وياك.
خلود:وين اتسيرين باجرعندج امتحان ..
عليا:بسير اذاكر وياحمدايه.
خلود: قعدي مكانج يالله.ذاكري بدل الحواطه
أحمد:يالله فداعة الله ..
خلود:الله يحفظك..وسار أحمد وتمو خلود وعليا يسولفون..
.................................................. ...........................................
فبيت بوحمدان .ميثه من ردت عطول
اتصلت فميره..
ميثه:الو.
.ميره:هاي كيفو..
ميثه:منيحه..
ميره:امديمو..
ميثه:شو عملتي فالامتحان..
ميره:دخيلك لا تسألي.خليها مستورا..
وتموا يسووولفوووون ..
.................................................. ..................................................
فمكان ثاني بعيد عن الكل فمدينة العين.كانت قاعده نوره فغرفتها و كانت تتويع (نوره كانت حامل فشهرها الأخير)
ومافي حد فالبيت ناصر فالدوام،
ويوم شافت نوره انها خلاص ماتقدر تتحمل الالم اتصلت ف ناصر
.نوره:ناصر الحق علي مااقدرخلاص.احس اني بموت ..
ناصر:شوفيج الغاليه.
نوره:ما ادري يمكن الام الولاده .
ناصر:يالله عشر دقايق وبوصل اتزهبي.
نوره: بسرعه ناصر بموت خلاص..
ناصر:بسم الله عليج يالله ياي الحين .
بند عنها ناصر وطيران صوب بيته.
ونوره لبست عباتها وتمت تترياه فالحوش. عشر دقايق وصل ناصر البيت شلها و طيران ع مستشفى توام.
دخلوها غرفة الولاده.
وناصر مايعرف شو يسوي .اتصل فعمته وخبرها .ويت عمته ع طول.
واتصل فامه وخبرها ان نوره بتولد.استانست وايد ام ناصر من قدها بتستوي يده.^^.وعطول من غير ماتخبر
حد شلت الخدامه و سارت وياالدريول صوب العين بعد ما اتصلت فبو ناصر وخبرته وقال انه بيلحقهم هناك
بعد مايخلص شغله..
.................................................. .................................................. ...
نشت مروه من النوم ع الساعه ٢
ودورت عأمها بس مالقتها..وقعدت فالصاله اتشوف تي في.نزلت حمده.
وقعدت وياأختها..
مروه:حمدايه وين امايه؟
حمده:مادري ليش مب فالبيت ؟؟؟
مروه:لادورتها مالقيتها.
حمده:اي دونت نو.يوم رديت من السكول كانت موجوده.خليتها وسرت رقدت..
مروه:بتصل فيها..وشلت مروه السماعه واتصلت فامها..
طبعا فهالوقت كانت ام ناصر فالمستشفى وبعدها نوره فغرفة الولاده..
مروه: السلام عليكم.
ام ناصر:وعليكم السلام.
مروه:وين انتي امايه؟؟
ام ناصر: انافالعين .
مروه: فالعين شو اتسوين هناك؟
ام ناصر:فالمستشفى نوره بتولد اليوم.
مروه:حلفي يعني بستوي عمه خلاص.وسحبت حمده السماعه عن مروه..
حمده:امايه نواري ربت يعني استويت عمه.
.ام ناصر: بعدها ماربت بس الحين فغرفة الولاده.
حمده:انزين ليش ماشليتيني وياج ؟؟
ام ناصر:وين اشلج انتي راقده.وانا كنت مستعيله.
حمده:مابا مابا مابا ابا اي عندكم .
ام ناصر:خلاص خلاف بطرشلكم الدريول يشلكم بعد مايرد نوف من الجامعه..
حمده:عوقيه..بس اول ماتولد خبريني .
ام ناصر :ان شاء الله.يالله فداعة الله..
حمده ومروه قاعدين عند الفون.
بانتظار مكالمه من امهم..
.بعد نص ساعه اتصلت ام ناصرفالبنات وخبرتهم ان نوره ربت و يابت ولد..
وطبعاحمدايه نشرت الخبرفكل مكان واتصلت فالشله المشتله
كلهم وخبرتهم وكل وحده بدورها نشرت الخبر.والكل بيسير العين بالباجر..حتى ميره اللي طيارتها بتكون باجر
المسا قررت انهاتسير من الصبح تسلم ع نوره وتشوف البيبي وترجع دبي عسب السفر.

تـــــــــــــــــــــــــــــابع



يوم الثلاثاء.الصبح.
الكل متجه صوب العين هل بوظبي وهل رماح و سويحان..ع الساعه عشر الكل متيمع فالمستشفى والغرفه انترست بنات
والشباب قاعدين برع فغرفة الانتظار كانو (أحمد،حمد،سلطان،حمدان،سيف،سعيد،ناصر،بوحمدان،بوسيف، بوناصر،عبود،
حمود،ذياب،منصوري)
اما داخل فالغرفه(ام محمد،ام سيف،ام ناصر،ام حمد،ام أحمد، ام حمدان،ام حميد والبنات(منال،روضه ، حمده ،عواش،
فطامي،مهاري، علايه،أمون،سلامي، مروه، شوق، العنود)الغرفه كانت متروسه حلويات وورود وهدايا......
اليده ام محمد:ان شاء مولود مبارك ويتربى فعز امه وابوه.
الكل:آمين
وناصر دخل عند الحريم عسب يشل البيبي ويوديه عندالريايل.
طبعا منال شلت البيبي وطلعت وياناصر برع .
ومن طلع البيبي والكل هجوم ع منول.
منال:بسم الله شوي شوي لو سمحتواواحد واحد بالدور.والكل كان مستانس بالبيبي .
وخلاف شلته منال ..
بوسيف : شو سميتووه ؟؟
ناصر : سميته فهد ..
بوسيف : عاشت الاسامي , يتربى فعزك ان شاء الله ..
ناصر : عاشت ايامك خالي .. امـــين ..
مبارك : نصور خلاص انا زعلت منك ..
ناصر : وليش ان شاء الله الشيخ مبارك ؟؟
مبارك : انت ما قلتلي انك بتسمي ولدك ع اسمي ؟..
ناصر : متى هالكلام ما احيدني قلتك هالكلام ..
مبارك : افا وتنكر يا نصور .. ماعليه باجر انا بتزوج .. واذا ياني ولد لا تقول سم ولدك ع اسمي ..
ناصر : ههههههـ الله كريم لهذاك اليوم ..
سلطان : حتى انا زعلان افا يعني انا خالك اللي رباك وعلمك .. تستكثر علي انك اتسمي ولدك ع اسمي ..
ناصر : ياريــــــــــــال ..
سلطان : بروك ..
مبارك : عونك ..
سلطان : خلاص يوم بتتزوج ويييك ولد سمه سلطان ..
مبارك : انا موافق بس عندي شرط ..
سلطان : صدق ما تستحي ع ويهك بعد تتشرط ..
مبارك : المهم , اذا تباني اسمي ولدي سلطان انت سم ولدك مبارك ..
سلطان : لا يابوك اسمك هب حلو .. تبا ولدي يتعقد يزقرونه بروك ..
مبارك : هذا اللي يباله ظرب .. تعيب ع اسمي يا نذل ..
سلطان : ايه من النذل .. ياخي احترمني .. مب جني انا عمك ..
مبارك : فديتك والله عمي .. بس انت اللي حديتني ع هالشي عيل تعيب ع اسمي .. فديت اسمي ما في شراته ..
سلطان : سامحنـــي يا ولد اخوي .. بس اناحقاني .. وكلمة الحق لازم تنقال .. اواسمك الصراحه ما يعيبني ..
مبارك : المهم انه عايبني ..
سلطان : وصلت .. هذا اهم شي انه يعيب صاحبه ..
مبارك : اشكر فنك العم ..
سلطان : حياك الله ولد الاخو ..
حارب : صدق مخبل .. اشهد انكم ميانيـــن ..
سلطان ومبارك هجموا ع حارب اللي شرد عنهم ..
ع الساعه ١١وصلت ميره اللي كانت يايه وياخالها ومعاهم اليده شيخه..
وهم سايرين وصلوا صوب الشباب وسلموا عليهم وميره سارت توايه عمامها وخوانها
وخلاف سارت داخل.(طبعا حمدان كان بيظهر بس من شاف ميره غير رايه وقعد...دخلت ميره ويدتها شيخه
ميره و شيخه :السلام عليكم.
الكل: وعليكم السلام.
ميره:سلمت عيدوتها ..
والحريم والبنات وع نوره وشافت البيبي
وقالت:ياي فديته يشبهني وايد
نوره:هههههه يا بختي اذا يشبهج ...
ميره:غطت ويها باديها ياي استحي..
والكل يضحك عليها..
منال ظهرت برع عسب تزقر ناصر لان نوره كانت تباه
وهي ماتدري ان خالد برع ..
منال يت صوبهم :نصور تعال مطلوب...
ناصر:وين مطلوب بعد؟
منال وبعدها مب ملاحظه وجود شخص غريب بينهم:الحكومه.طالبتنك؟
حمد:روح روح يابوك الحكومه طالبتنك.
ومنال تضحك.وصدت منال صوب اخوها سلطان .وشافت واحد واقف وقفطت وع طول سارت عنهم..
اماخالد حليله من شافها صد ورا مؤدب حليله ^_* ..
منال دخلت وهي قافطه وسارت صوب ميره:انتي ليش ماتقولين ان خالج برع زين جيه خليتيني اقفط مع
ويهج..
ميره تضحك ضحكه شريره:نيهاهاهاهاهاهاها..تستاهلين محد قالج تظهرين من غير شوري ..
شيخه:يالله يامايه سيري قولي لخالج يالله خلنا انسير..
ام محمد:وين تو الناس ياشيخه.
.شيخه:والله قعدتكم ماينمل منها بس هنال شما محدعندها ..
ام محمد:وشعنه مايبتوهاوياكم.
شيخه: فالجامعه..ولاكان فخاطرها اتي ويانا..
ميره:وانا بعد يامايه ورايه سفربسيراتزهب.
ام محمد:سلمي ع ابوج فديته وعامج والعيال وقوليله اتقولك امك بسك يامايه ارجع امك خلاص ما تقهربعدك تعال
ارجع يا وليدي وقعدت اتصيح.
ميره اتهدي يدتها.واتغنيلها(جبتهاع الجرح وكنك مادريت)ان شاء تشوفينه وتقرعينج يا ام محمد.
الكل:امين..
شيخه: يالله يا امايه..سيري زقري خالج..
ام محمد شليني وياج بسلم عليه..
ميره خلج يمايه بزقره عند الباب سلمي عليه..
وظهرت ميره صوب الريايل تزقر خالها..
ميره:خلود تعال في عرب عيونهم سود ووساع طالبينك بيسلمون عليك ..
خالد:وامنو هالغراشيب؟
ميره:غرشوبة بوظبي حصه بنت محمد...
خالد:ياحيهاوالله.والنعم فيها.
ميره:و النعم بحالك..يالله تعال تترياك عند الباب..
خالد:يالله.عن اذنكم..
الكل:اذنك معاك.
وساروا ميره وخالها و وقف خالد عند الباب ودخلت ميره تزقر امها.وتسلم عالموجودين عسب اتسير ..
ام محمد:شحالك ابويه؟
خالد يحبهاع راسها : ما نشكي باس خالتيه..ومن صوبج؟!!
ام محمد:يسرك الحال ياوليدي.ما وصيك عاد ع ميره دير بالك عليها
خالد:لا توصين يام محمد ميره فعيوني ..
ام محمد:وسلمواع بومنصور والعيال وقولوله امك تقولك ارجع بسك من الغربه..
خالد:ان شاء الله يام محمد...
وظهرت ميره بعد ماسلمت عليهم و سارت اتسلم ع عمومتها والشباب..
و ردت اتسلم عامها العوده .. وخلاف سارو صوب دبي ..
¤فالمستشفى¤
بعد ماسارت ميره تفرقوا الكل.كل واحد شل اهله وسار صوب داره...
بعد المغرب ..
طبعا الشله المشتله كلهم اتجمعوا بيت بوسيف حتى حمدايه وعلايه ساروا وياهم ..بس اللي ناقصهم زعيمتهم البوس ميرا
اللي الحين هي فالطياره سايره صوب اهلهااللي تولهت عليهم وايد ...
بيت بوسيف عند الشله المشتله..
(عواش، علايه ، حمدايه ، فطامي ،مهاري ، الميث ).
قاعدين فغرفة عواش..وكانت الساعه وحده.
الميث: والله القعده من غير ميراني مب حلوه.احس الشله ما فيها حياه.
الكل:هي والله..
علايه:شوانسوي الحين
حمدايه:انا ابا أرقد احس من عشر اسنين مارقدت من ورا هالامتحانات .
فطامي:هي والله حتى انا احس نفس هالاحساس..
مهاري:هي خلنا نرقد اليوم.وبنبدا السهرمن باجر.
ووافقواالكل عالاقتراح ومن التعب رقدوا كلهم..
ثاني يوم الصبح ..
(( عبد الله قرر ان يجدم عرسه لانه قسمه خلاص خلص وماباقي غير اشياء بسيطه مثل الاثاث
وهالسوالف , فقال انه يقدر يخلص هالامور بسرعة , فكلم امه عسب يجدم العرس ويخليه بعد
اسبوعين بس امه قالته ان اسبوعين ما يكفون عسب يجهزون , واخر شي اقتنع ان العرس يكون بعد شهر
بعد محاولات من امه .. حليلك ياعبد الله .. ))
عرفوا البنات ان موعد عرس عبد الله اتجدم وهني عاد واشتطوا البنات اونه ليش بعد شهر مايمدينا نفصل ونتجهز ومن
هالكلام.. بس مع هذا استانسوا البنات ان بيكون عندهم عرس جريب .و سوواحفله فاتحين عنجوم ويرقصون
وشالين البقعه شل..ومن حشرتهن نش سلطان ونزل تحت وهزبهم بس
يوم عرف سبب الحشره تم ايبس وياهم <<<<<<<<خبال عالاصول
الميث بندت التي في : سلطون تودينا دبي.
سلطان قعد:وليش ان شاء الله ..؟؟
الميث : بنسير انفصل فساتين..
سلطان:سيري لامب متفيج انا لروحة السوق وعوارالراس..
مهاري:دخيلك عمي فديتك حبيبي ودنا..
الكل: بليز ؟؟
سلطان قام عنهم وهو ساير صوب غرفته:خلوني افكر واخلاف برد عليكم..وسارعنهم...
والبنات سارو برع صوب قوم منال اللي كانوا ف بيت اخوها سعيد ..
.................................................. .................................................. ........
(( عند ميره فلندن وصلت وتفاجأو كلهم فحضورها..واستانسوا وايد..))
ام منصور: يالله شكثرولهت عليج يامايه وكانت لاويه ع ميره
ميره :واناأكثرفديتج..
منصور: يالله بسج قومي عن امي .
ميره:سير لاانت مجابلنهااربع وعشرين ساعه انا اللي ما شوفها غير فالسنه احسنه..
وسار حمدعند اخته:اناما ولهتي علي.
ميره سحبت اخوها صوبها:فديتهم انا اصلا انت اكثرواحد اتولهت عليه ولوت عليه وباسته.
بومنصور :هي اشوف ولهتي عالكل الاابوج.وسارت ميره عند ابوها ولوت عليه وباسته ع راسه:اذا ماتولهت ع ابوي
حبيبي بتوله ع من..
بومنصور :لاخليت منج يارب.خالد:شوفو هاي كل شوي تغير رايها.والكل ضحك عليها..
.................................................. .................................................. .................
بيت بوسيف..
نش سيف من الرقاد.ونزل تحت وشاف سلطان قاعد فالصاله..



كــــــــــــــــــــــــــــــت


بس مب جني دلعتكم وايد هع ^_*


توقـــعاتكم ؟؟


شو ياركم بالبـــارت ؟؟


سي يوووو ف البـــارت الـــياي ..


دمتم بود ^^

ثانكس ع البارت