|
" بداية البارت في الصفحه الخامسه " المســتشفى بعد ماحدرو على الدكتور الدكتور : سعيد يعاني من فقر دم والضغط الكل : !!!!! الدكتور : ولازم يتم تحت العنايه يومين انشاء الله مانع " بحزن " : نقدر نشوفه الحينه الدكتور : اكيد بس هو نايم فقعدتكم مالها لازم لانه بيصحى بكره مانع : انا بتم عنده احمد : سمعت رمسة الدكتور مانع : ادري بس دخيلك احمد بتم عنده احمد : خلاص اوكي نحن بنسير البيت وبنخبر الاهل مانع : خلاص اوكي توكلو انتو احمد : اذا بغيت شي اتصلبي مانع : انشاء الله احمد : يلا راشد راشد : يلا وهم ظاهرين تلاقو ب هادف وبطي . . . الساعه 11 الكل موجود فالبيت الا البنات -_-" بعد ما انتشر الخبر انه سعيد فالمستشفى مريم " ام احمد " : انا دقيقه مابتم اهنى ابا اروح عند ولديه !! شويه وبتصيح زايد : بو احمد : مريم هدي اعصابج انشاء الله الصبح بوديج صوبه والدكتور قال ممنوع الزياره " يخرط عليها عشان يسكتها " احمد : صح اميه وبعدين هو مافيه الا العافيه شوية ارهااق بس زايد : ها سمعتي ولدج قالج شوية ارهاق وبعدين مانع عنده وانشاءالله ماعليه شر وخلاف بعد ماهدا الوضع فالصاله اللي تحت هادف وبطي واحمد يسولفون .. صوب البنات اللي توهم حادرين نصره : يزوي انتي ادخلي اهئ اهئ احسنا بننهزب اليازيه : لا انا اخاف موزه: خلاص انا بدخل اول شي وحدرن البنات موزه : السلام عليكم الكل : وعليكم السلام وكانو بيسيرون فوق عطول بطي : لحضه لحضه لحضه ووقفن حذال بعض شاف بطي ساعته بطي : شفتو الساعه كم انتي وياها وياها موزه " بعبط وتشوف ساعتها " : وحده الا ربع بطي : ماشاء الله عليكن زين بعد يوم تشوفون الساعه وراح صوبهم موزه وقفت واليازيه ونصره طارن صوب هادف بطي تم يشوف موزه ويتأمل ملامحها بس هي ماسوت له سالفه وراحت عنه فوق هادف : خلاص بطي خلهم نصره : هي صح خلنا هادف " ويتصنع العصبيه " : آخر مره مفهوم اليازيه : خير انشاء الله وربعن فوق بعد مرور هاليوم الاثنين العصـر الكل كان فالمستشفى .. ام احمد : انزين حبيبي سعيد ماتبا تاكل شي سعيد : لا اميه مب مشتهي متى بظهر انا احمد : باجر انشاء الله سعيد " عاقد حياته " : ابا اظهر الحينه لاعت جبدي وهم يخبقون ايديه بالابر هادف : ماتشوف شر يا بوعسكور سعيد : الشر مايك . . شوي واحدرن البنات ووياهن بطي موزه اليازيه نصره ميثا بطي : السلام عليكم الكل : وعليكم السلام ورحمة الله موزه : سلامتك سعيد ماتشوف شر بطي تم يشوفها ومنقهر سعيد : الشر مايج انشاء الله وسارت ميثا نقزت فوق سعيد ميثا : ثعيد سعيد : عيون سعيد ميثا : ثعيد انته مريض سعيد : لا ميثا " شوي وبتصيح " : عيل ليث اهني وحاطين لك ابره سعيد : مريض بس شوي ميثا : انذين حطها فيني ماباهم يعوونك " يعورونك " سعيد : لا حبيبي وايد بتعورج بعدين انا شوي مريض وبستوي الحينه اوكي ميثا حضنته : انثــاء الله فيني ولا فيك الكل : !!!!!!!!!!!! الكل انصدم من رمسة ميثا معنه صغير بس من وين يابت هالرمسه ! سعيد حضنها : بسم الله عليج ياربي فالعدو انشاء الله " ودمعت عيونه وانتبهت عليه موزه " موزه : ميثا حبيبي تعالي وسارت ميثا صوب موزه وشلتها موزه واظهرت برع وياها صوب الكراسي موزه : ميثا حبيبي منو علمج تقولين جذى ميثا : بروحي مره ثــمعت بطي وبطي كان واقف يسمعها موزه حضنت ميثا موزه : حبيبي ميثا ماباج تقولين جي مره ثانيه اوكي ميثا : اوكي موذه موذه موزه : عيون وقلب وروح موزه بطي " تخبل على حنية موزه " وتم يراقبهم ميثا : موذه انا وايد احب ثعيد هو وايد طيب موزه : حتى هو وايد يحبج ميثا : موذه احضنيني موزه حضنتها بالقو ميثا : بترقديني عنج اليوم موزه : هي برقدج ونحط فلم مال سنوايت اوكي ميثا : اوكي ميثا باست موزه وراحت عند سعيد صوب خوله وشما خوله : شفتيها بنت اللذينه تقهر شما : خوله والله بزعل منج خوله : افف بسير برع سارت برع شافت موزه على الكرسي وماسكه الفون ومشت يدام وشافت بطي يطالعها خوله : عيونك عن تطيح بطي " ابتسم لها " : شحالج خوالي خوله " تخبلت " : الحمد الله وانته شحالك غناتي بطي " عقد حياته ونفس الوقت استانس " : يسرج حالي خوله " تقربت منه " : ممم بطي : فيج شي خوله : مم تحبها بطي : منو خوله : موزه بطي : ......... يهمج خوله : اكيد يهمني بطي : ليـِش يهمج خوله : لاني احبك بطي " انصدم من جرأتها " : ممـ م هاأآ خوله : بطي والله اني احبك وماباك تكون لغيري بطي : بس خوله " قاطعته وسحبت فونه " : واتصلت على رقمها من فونه وراحت بطي " متيبس فمكانه " ويرمس عمره : بسم الله الرحمن الرحيم من وين ظهرت لي هاي بعد وسار صوب موزه ويلس عالكراسي تم بطي يشوف موزه وهي مستوله طاف رن فونها اليوم اللي بعده ظهر سعيد من المستشفى ومرت الايام عاديه لين عرس هادف فالصالون .. الساعه 7 نصره : وين موزو عيل يزوي : سارت تلبس عباتها نصره : ياربي بسير اشوفها وانتي تغشي يوم بتظهرين سيري عند بطي عن يسير عنا يزوي : هه اوكي شوي ويت موزه نصره : وااااااو ماشاء الله عليج موزه " استحت " : يلا نروح نصره : يلا وتغشن يوم ظهرن ,, وركبن ويا بطي .. اليازيه ونصره عقن الغشوه فالسياره الا موزه وتم بطي منقهر يبا يشوفها بطي : اسمعني انا بنزلكن عندكن 10 دقايق بالضبط ماخلصتن بسير عنكن اليازيه : حشى بطي : مب عايبنج اليازيه : خلاص ماقلنا شي .. ! بطي : انزين بشوف ووصلو البيت ونزلن البنات يبدلن بسرعه اما عن بطي سار يبدل صوب حجرته اللي ملاصقه حجرة موزه اول ماظهرت موزه ظهر بطي وهي رايحه عكس درب بطي وضرب جتفها بتجف بطي وطاحت الغشوه بطي : !!! موزه " بكل هدوء " : ماتشوف بطي : ........... موزه " عقدت حياتها وراحت عنه بطي : موزه موزه : نعم بطي : مم انا آآسف عاللي استوا من كمن يوم موزه : ........ ليـش تتأسف بطي : مم لانه يمكن اللي سويته غلط موزه : الله كريم وراحت وتم بطي يشوفها لين ماختفت من يدامه كـــــــــــــــــــــــــت السموحه عالتآخير بس كانت ظروف وانشاء الله بنزل البارت الياي فأجرب وقت روح البداآوه .. |
تسلمين والله علـى البارت الطرر ونتريا البارت الياي باحر من اليمر لا تبطين علينا |
Tslmeen 5eetw 3 al.part al.6r6ryshn ., w Rbii y36eech al.3afeeh 3 HeeK part fee ant'6ar al.Tkmlah 5eetw ., w atmna anch Ma Tb6een 3leena |
بطططي يقققهـر والله :( . . نترقب البآآرت الييت فـي آحر من الجممممر و آلله يعيين موآز ع بطططي و [ خوله .. |
We Pantzarj Grain And wait for the sequel |
| الساعة الآن 05:56 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir