منتدى استراحات زايد - مع غيري( إلـ ع ـب) وبين له( مهاراتك)

الجــزء الســادس..

••.•°¯`•.•• أول نظرة••.•°¯`•.••

شفته وفي شوفه فتني..ياني صدف من غير ميعاد..
أسهام عينه صـــــــــــوبني..كنه طــليب الحق قصاد..

طااحت عينها افعينه..هو ماا غيره اللي ياما وياما لحقها من مكان لمكــــان..هو نفسه الريـــــال اللي يعيشها افرعب من اتشووفه ع مـــوتره يلحقهـــا..كان افبـــاله تسأله هو شو سالفتــــــه؟؟بس شافت ان لا المكـــــان ولا الزمـــــان يناااسبون هالسؤال...
......: شو الشيخه..عسا ما صاابج شي؟؟
موزة:لا..لا الحمدالله ما فيه شي..
ربعت سهيله صوب أخوها وربيعتها..
سهيله:منصور شو يابك اهنيه..
منصور:ييت اخذج..امايه خذت الدريول وسارت دبي..
سهيله:هيه..موزاني تعوقتي؟؟
موزة"تذكرت ويهها وتغشت":لا فديييتج..
منصور:الشيخه السموحه منج..صدقيني ما كان قصدي..
موزة:مسموح..يلا باي سهيله..
مشت موزه وطنشت سلامي وروضه اللي كانن ايأشرنلها..بس سوتلهن طاااف..ومن ركبت الموتر..حست بويع بريوولها..صج هو عورها..وزين انها ما طااحت..ولا جان انفظحت جداام الشبااب اللي واقفين جدام البوابه..يكفي ان ويهها ظهر..!!!

. . . . . .

و تاخذني لدنياك يا سيــــــد الخــــــــــود..واعيش فيها الف ليله وليله..
اشوف نفسي معك يا مطرف العـــــــود..مرتاح بالي من الهموم الثقيله..

بيت بوسيف..
الصـــاله..

صد سيف عن أمــه ورمس بضيييجه..
سيف:اميه دخييلج فهميني..انا شاايل فكرة العرس من باالي اللحينه..
أم سيف:ليش انشالله..
سيف:في اسبااب واايد..
ام سيف: سيف طييع الشور..انته بعدك شبااب..بعدك كمن يوم عمرك بيصك الثلاثين..وبيظهرلك الشعر الأبيض..ومحد بترضيبك..
سيف:دخييلج عاده..هن ودهن بس بنظرة من عيوني..
سيف:خل هالخقه ورمسني..
سيف:انا ما بعررررررررررس..
ام سيف:شو السالفه؟؟؟لا يكون عناد؟؟
سيف:انا ما ارووم اعرس اللحينه..
أم سيف"بتعب واضح":غناتي شو السبب؟
سيف:اللحينه انا وسهيل قررنا انا نشتـــرك مع عميل ياباني..انييب سيايير يديده من اليابان..واتفقنا ويااه..ولين اربع اشهور وتنتهي هالسالفه..ومن بعدها انشـــاللله يستوي خيير..
أم سيف:اربع شهور واايد؟؟انا اباك اتعرس هالشهــــر..ملجتك وياا سلطان..
عقد سيف حيـــاته..شو تقصد..تم يطالع خلودي اللي التزمت الصمت ولا كأنها موجــــوده..
أم سيف:شو رايك اخطبلك شيخه؟؟
سيف"بصدمه": شيييخـــــــــه؟؟؟
أم سيف:هيه بلاها شيخه..احلــى عنها ما بتلاقـــي.
سيف:لالالا السموحه منج..انا ما بزف روحي للتعاسه..
أم سيف:اي تعاسته وهي بنت خالتك..
سيف:لا لالالالالا..
أم سيف:انزين انته فكر وردلي خبـــر..اباك تخطب اليوم قبل بااجر..
من قالت أخر خمس كلمات..حدرت فطوم اللي كانت توها يـــايه من المدرسه..
فطامي:منوووو؟؟شوووووو؟؟عيدووووو؟؟
أم سيف:يالسه اقنع اخووج يعرس..وقلتله بخطبله..
فطامي"مستااااانســه": وعاااد منو سعيدة الحظ..؟؟!!!
وعقت شنطتها ع الكنبه بــــكل قوة..تتريااا جواب من أمهـــا..
ام سيف:شيخاني بنت خالتج غبيشه..
فطوم"بصدمه": شووووووووووووو؟؟شيخاني؟؟؟ووووووووووووع وع وع وع..امايه ما فيني ارجّع اللحينه..وتلوع جبدي وانا خاطريه بــــغدى كشووخي..شو شيخاني عااده؟احن ما بندخل الشر افبيتنا ونحن ندريبه..
ام سيف"محرجه":حشمي عااد هاي بنت خالتج..
فطوم:لا اميه اقترااحج مب حلوووو..عندج شموس وموزة ..وغبوش..بالله عليج كل وحده تنافس الثانيه بجمالها..واخلاق..ومتربيات عدل..وما يعقن رمسه ماصخه ع الراايح والراااد..>>>عااشووو قوية العين..
أم سيف:اقوول مسودة الويه بلعي لسانج يلا لا افرج بهالقلااص..ناقصه لسانج انا..ورمستج الماصخه..اختج العوده ما رمست اتيين انتي ترمسين..
فطامي:انا اقول الصج..دامها شيخاني جدامكن يالحرمات اتمثل دوور الطيبه البريئه الحبوبه العسل..احن عارفينها زين ما زين..عيووووز النااار..ويا لسانها الوصخ..
أم سيف:بسج فطــامي..
خلودي:خلاص فطاامي قطعي الرمسه سيري حيرتج..
فطامي:انزين بس كلمه اخيرة"وتصد صوب سيف"..بتعيش عمرك بتعاسه اذا خذتها..من اللحـــــينه اقوولك..
وساارت فطوم بعد ما فجرت القنايل..!!!!!!!!

. . . . . .

أنساك كلمه مالها أيّة وجود بمرجعــــي..
والقلب لامنّه نوى غيرك حبـــيبي بامنعه
تنتابني ذكراك ما بين الوعي واللاوعي..
ما كنّك الاّ بحر حلمي والمشاعر الأشرعه..

بيت بو محمد..
الساعه خمس..

دق الباب المتواصل أزعــج روضه بمعنـــى الكلمة...وما خلاها تكمل رقادها..كلـــه ولا الرقــــــــــــــااااااد..
نشــــت وهي متكسلـــــــــه..وعرفت إن هذا حمدان محد غيره..اللي من ايي من بوظبي يجلـــب البيت كلـــه بصراااخه وازعاااااجــــــه..
روضه:بتخبـــرك انته ليش ما تيلس في بوظبي..اتصدق انه أريـــــح لك واريحلنـــــا..
حمدان:هع هع هع ..سوااالف والله كم رقمـــج؟؟
روضه:يااخي انا وحده ابا ارقـــد..سييير عند غبوش بتعطيك رقميــــه..بس ابغي افهم ليش تزعجنـــي..؟؟حس فيني وجرب شعوري..
حمدان:خلاص يلا تراااج خستي رقااااد..
روضه:شووو خست رقاد ما خست رقااااد..توني الا موطيه رااسي ما وحاالي الا والأخ مسوي إعلان حرب ويا باب حيرتيه..
حمدان:اقووول يلا جب ولا كلمـــــة..سحي هالكشـــة..اللحينه بتيي ريسوه وما ماريدها تشرد اذا شاافتــــج..
روضه:واااااااااااااااايه يا حاااااااااافظ..اللحينه عرفت ليييش مكسر بابي المسكيين..عسب ست الحسن والدلال الأخت ريسووووه..
حمداان:اسمها ريسه مب ريسوووه..
روضه:شوف حمدان انا وحده ياايه من المدرسه ما وحالي ارقد الا واذن العصر جان انش واتمسح واصلي وارد ارقــد..خلنــي ارقد عســــب انش لك المغرب واعدل لك الفوووواااله>>>>>هي متعوده ان طلبه دووم اتعدل له الفواله وهالسووالف..وخاصتن يوم اتييهم ريسه..
حمدان:ولا شي ثااني بعد..رتبي قسمنــــا..
روضه:لا والله؟
حمدان:انتي الوحيده اللي مهتمه بكل صغيره وكبيرة فالبيت..لو طلبت من غبوش بتردني وبتصك الباب افويهــي..
روضه:خلااص حمدووني كل شي يهون عسبك وعسب ريسوه فديتها..بعدل قسمك ولا بّدخنه بعـــد..شي أوامر ثانيه..
حمدان:لاااا سلامتــــج..
سار حمدان وبندت روضه الباب بس من ردت وريحت جسمها ع الشبريـــة..طاار الرقااد من عيونها وودعهـــــا..اتأففت..وقالت بصوت مسموع..
"كله منك يـــا حمدااان"..
نشت من مكانهـــــا..وتسبحت وتلبست ..وطاحـــت عينها ع الجيس اللي حاطتنهـــا فوق مكتبـــة الأفلام..ويوم فجتــــــه..انصدمت يوم شااافت اربعة أفلاااام هنديـــــة..تذكرت انه غبوش يابتلها اياااه..وقالت انه من سهيل..بس لأنها مشغووله ذيج اللحظــــة..ما راودتها أي فكرة عن الفظوول..!!!!!
شلــت اول فيلم..كان فيلم "ديفدااااس"..مع انه جديييييم..وكمن مرة شـــافتـــه..وسهيـــل يدري بهالشـــي..بس هو دووم يقول لسلامه..قولي لروضـــه..انه اذا ما خذ روضه بيستويليه شرات ما استــوى لشاروخـــــاااان..
يعني عاادي عند سهيــل يموت جدام بيت روضـــــة..ومن هالشـــي..صارت روضه كل ما اتشــوف أي فيلم لشـــاروخـــان..تتذكر رمســـة سهيــــل..
ابتسمـــت روووضـــه...و توضحت صورة الأخ سهيل..وهو يبتسملهــــا... اللي تعتبر احلـــى ابتسااامه طااحت عليها اعيوون روضــــه..
شلــت الأفلام..ورصتهن عدال الأفلااام الثانيه اللي مازرة هالمكتبــــة..ظهـــرت من حيرتهــــا وشــافت غبوش كـــانت يالســة فالصـــاله..
روضــه:السلاااام عليييييهـــــم..
غبوش:وعلييج السلاااام..هاه خستــي رقــــاااد..؟؟
روضه:بلاج انتي واخووج..اول مرة اتشوفون حد يرقــد..
غبوش:ههههههه..شكلنـــا..المهم لا تنسين اللي قالج اياه حمدوون من اشويه..
روضه:اوكيك..بتخبرج..؟؟ريسوه يـــت ولا لا..؟؟
غبوش:الحرمــة ياالســة فالحــوي..ويا العااايلـــة الكريمـــة..
روضه:وانتي شو ميلسنج ارووحج اهنه..؟؟
غبوش:والله يالسه ومجاابلـه هالكتــاب..هذا هو السبب..
روضه:تدرين انج سخيفه وماا عندج ســـالفه..
غبوش:هيه أدري ..
روضه:الحمدالله..أقول وينهي الأخت شجوون..
غبوش:وين يعني..منخشه افحيرتها لحد يرمسهــا ولا اترمس حد..
روضه:حمدان سار صوبهــا؟؟
غبوش:هيه..سلم عليها واتخبرها عن أحوالها ..وظهر من عندها..يأ وغلس علييه اشويه ونزل تحت..
روضه:اهـــااااا..يلا بسير اشووفها..
غبوش:يعني مستعده لقنابلها..
روضه:هااي اختنا لو شو ما صاار..لا تنسين هالشي؟؟
غبوش:انا ما نسيته..
روضه:غبوش انا احااول اسولف فياها..وادخل عندها..بس من اسوفها اغير رايي..لأنها تيلس اتهيييني..وترمسني من طرف خسمها..وانا ما اداني حد يرمسني بهالأسلووب..
غبوش:رواضي داام عندج هالشجـــاعه..وناويه اتعدلين علاقتج وياها..اتحمليها اشويــه..والله خاطري اسولف وياها..بس هي مب عااطيه حد هالمجـــال منا..وانا ما عندي أي استعداد انيه احدر حيرتها..هي ما اتعرف الا ابوي وحمدان ومحمد..حتى امايه العوده مب اووكي وياها..
رواضي:ماادري هالبنيه لييين متـــى بتم جيـــه؟؟
غبوش:انشاالله بتتغير..ترى الإنسان مهما صبر عن غيره..وما رمس حد..مرده يرد لهله وعربـــه..وشجون نفس الشي..يمكن صدمتها بوفاة أمها للحينه مأثر عليها..بس معقوله كل هالمــدة ولا نست اشويه..ولا اتغيرت اشويه..
روضه:غبوش..اللي اتوفــى هب أي حد..هاي امها..اتعرفين شو يعني امهاااا..يعني ما بستغرب اذا حزنت عليها الدهر كلـــــه..انا اللحينه بسير صوبها..وانشالله القــى منها تجااوب..
غبوش:حاااولي..بالتوفييييييييق..
مشت روضه بخطواتها صوب حيرة شجون..ويمعت كل شجاعتها..وقوتها لهالموقــف..واقنعت نفسها انها تتحمل التنغيزات والإهانات..عسب ترد شجون لخواتها..وتترك هالقطااعه اتزوووول..
دقت الباب ..الا وتسمع حس شجون يعطيها الإستذاان عسب تدخـــل..دخلــت وشـافت شجون لابسه بجامه ورديه ولامه شعرها القصير على فوق..
روضه:مرحباااا
شجون:مرااحب..
روضه:شحااالج؟؟
شجون:يسرج الحاال..
روضه:شو تسوييين؟؟
شجون:ماالج خص..
روضه قال افخاطرها."وعع على اسلوووبها"..
روضه:لييش جيه اسلووبـــج..؟؟!!
شجون:كيفي..
روضه:انزين بتنزلين تحت؟؟
شجون:لا ما ارييييد..
روضه:يلا ريسوووه يت؟؟
شجون:شو اسوي يعني..احبها ع رااسها..
روضه"ما قدرت تمسك اعصابـها":ايييه انتي على شووو شاايفه عمرج؟؟
شجون:اوووه صخي ..ظهري برع حيرتيه ما ابا اشووفج اهنه يالعنـــز..
روضه:انا عنز يا السباله..مب منج من اللي يعطييج فيييس..
شجون:يلا يلا ظهري..مب فاايجه لهالأشكـــال..
روضه:بظهــر عيل بتم اجاابل هالشيفه..ووووووووووووع..انتي انساانه حقييرة..
ظهرت روضه من عند شجون..وشافت غبوش يالسه يلستها..ومن شافت رووضه ضحكت..
غبوش:ههههههههه..شو دخلتي وانتي ناويه تيودين اعصاابج..اشوفج ظهرتي وحاالتج لله..
روضه:حقييره هالإنسااانه..هاي اخر مرة أحدر عندها..وبشوف منـو بيتخبــر عنها؟؟
غبوش:هدي هدي اعصاابـــــج..
روضه:يلا انا بنزل تحت عند ريسوه بشوف علوومها..
نزلت تحت رووضه وهي صج متضاايــجــــه..هالأخت لو شو ما يستوي ما بتتغيـــر..براايها تنقققققع..
سارت للحــوي..ولقـــت امها وريسسه وحمدان وعليــا..والعنود وعبدالله..
روضه:السلاااام عليييكم..
الكل:وعلييكم السلام..
سلمت روضه ع ريسه ويلست بينها وبين حمدان..وهي مكشخه ضرووسها وتطالع في حمدان..
حمدان:يعني ضااقتبج البقعه..يلستي بيني وبين حرمتـــيه..
روضه:هاهاهاهاهاهاااااي..تولهت عليييها فديييتها..شحاالج ريسسوه القطاعه ..؟؟
ريسه"مبتسمه":يسرج الحال فديت قلبج ومن صووبج؟؟
روضه:نشقح بس ما ننطـــح..
وانتبهت رووضه لأمهــــا..جان تنقز صوبها..
روضه:اميييييييييييي..فديييييييييييييتج تولهت عليييج..تعالي خليني ابووســـج..
ام محمد:فجي عنيه اهنااااااك..
روضه:امييييه عااد حرااام عليييــــج..يرضيج تحرقين ويهي حدام اللي يسوى واللي ما يسوى..>>وتطالع في حمدان..
زخها حمدان بنظره وسار صوب امه وحد راسه ع ركبها..وعق سفرته..وسحب يد امه وخلاها اتمسح ع شعره..وتم يطاالع رووضه اللي تمت فااجه اعيوناتها..
روضه:لاااااااااااااااااااااا والله..سر سر عند ريسووه هااي امايه انا..
حمدان:اميه قبل لا تكون امـــج..انقلعي يلا لقسمنا عدليييييييييه..ودخنييييه..
روضه:والله ما طبييييييييييييييته..جان هاي سواياك سووف منو اللي بيدخنــــه..
حمدان:اووه رواضي بلا استهبال توج قايله بتعدلينه وبتدخنينه..مااا مدااااااج اتغيرين راايج..
روضه:مااااااااااريد ماااااااااااااريييد مااااااااااااااااااااااااااااااارييييييييييد..
حمدان:امايه شوفي بنتج..
روضه:امايه اتسوفني مب عميه..
حمدان:روووضه..
روضه:لا تحاااول..قسمك والله مااااا طبــــه..
حمدان:العنود حبيبي ييبي ييبي نعالي..خليني افرها ع رااااس هالعنــــــــز..
روضه:انا مب عنـــــــــــــــــــز..حرمتك العنـــــــــــــــز..>>>هههههههههه..
ريسه:ويدي..وان شو دخلني فالساالفه..
روضه اتنش من مكانها و تربع لنص الحوي..
روضه:ترااااااااااج حرمـــــــــــــــة هالسبــــــــــال..
نش حمدان وراها وهو ميود نعــــاله الثنتين..فرها بوحده بس ما صابتها..جان اتوقف روضه الخبله جدام البااب العوود..اللي يظهر ع الشااارع..
روضه:حمدووون اترك هالعب ولا تراني بظهــر الشـــارع..
حمدان:سويها جان فيج خيـــر..
فجت روضه الباب..اونها بتظهر خاري..جان يفرها حمدان بنعاله..بس هي خازت عنها ويت على بشكارة قوم سلامي..ههههههه..ع راسها بعـــد..روضه تمت اتطاالع ..بعدين استوعبـــت وتمت نااقعه ضحـــك.
أم محمد:ويديه ..حمدوون شو سويت فالبشكاره..تعالي تعالي ماما..
سارت البشكارة وهي اتهز راسها وميودة صحـــن..روضه من شافت """الصحن"""سارت تربع صوب البشكارة اللي كانت عند قوم أمهـــــا..
روضه:عيسه عيسه عيسه..<<<اونه عييشه..
حمدان:مسكينه عورتها..
روضه:انته بعدك تحت تأثير الصدمه..
ريسه:شكله والله..
روضه:ههههههه..اقول جانين مال منو هاذا..
البشكاره"اتطالع حمدان بنظرات كره":مالتس انتي..من عند سلامي..
روضه:شو هاه انزين..
أم محمد:شوفي الصحن وبتعرفين..
روضه:هيه صح صج انيه غبيه..هاتي هاتي اشوف..الله بيييتزا..
حمدان"ايسوي عمره مسكين":الله عطووووووني..
روضه"تشرد بالصحن":للصغار فقط..
حمدان:حوووه انتي تعالي تعالي وياا هالرااااس..
روضه:لا لا لا ..امايه بسير عند قوم عمي محمد..
أم محمد:سيري واذا شفتي عموتـــج خليها اتخطف عليه.
روضه:انشاااااااااااااالله..
واتطالع في حمدان وتظهر لســـانها..وتشرد لبيت عمها ..عند موزاني..

. . . . . . . .

ياحــزن كم بيني وبينك من فروق
ورغم الفروق أصبحت ياحزن مني
ياحــزن نار الشوق خلت بي حروق
جــروحــها باقي العــمــر عذبني

جدام بت بوسيف..
سيارة سهيل..

عدل سيف يلستـــــه..وهو داخل فهالنقاش الحااار..
سيف:انزين انا من متى ادق..وانتي مسويه لي اكبر طاف..
مها:اووه السيف لا اتم جيه اتحن فوق راسي..قلت لك جفت رقمك بس مالي بارض ارد عليك..
سيف:وانشالله متى بتتبرضين حقي<<يعني تتفيجين..
مها:اللحينه..اتجوفني لي بارض ودقيتلك..ياخي لا تاكلي قلبي..
سيف:اخر مرة؟؟
مها:خلااص اخر مرة..
سيف:............................
مها:المهم شعلومك؟؟
سيف:خلي اعلومي وابا اشووفــــــــج..
مها:سيف لا تحاول..علاقتنا بس فالتيلفون..
سيف:انا مستعد اخطبــــج..بس عليج اتدليني وين بيتكم..
شيخه ارتبشت..وما عرفت شو تقول..فقالت ارقع السالفه..
مها:سيف..بلا استهبال..
سيف:أي استهبال..اقولج بخخخخخططططبج وانتي يالسه اتقوليلي بلا استهبال..
مها:يعني انته من صج تبى تخطبني..
سيف:ومن اليوم قبل باجر..شو ع باللج انا شرات هالشبااب اللي يقصون ع البنات..
مها:سيف..سيف..سيف انته صدمتني الصراحه..
سيف:هاه متى بشوفــــــج..
مها:سيف لا تحاااااااول لا تحاااااااااول..
سيف:انزين طرشيلي صورتج..صدقيني افأيدي امينه..
مها:قلت لك ""انا بنت عرب وناس""مستحيل اضيع شرف هليه..
سيف"بقهر":انتي شو من تفكير عليييج..علاقتنا في تيلفون..تعتقدين ها شي ما تضيعين فيه شرف هلج..
مها:سييييييييف انت شو يالس اتقووووول..انا ضحيت عسب ارمســـــك..كافي لو عرفت اختك خلودي بطييح من عينها....!!
سيف:انتي كيف ربيعة اختيه..وانا تخبرتها عن وحده اسمها مها قالت لي ما أعرفها..
مها:انته ناوي تفظحني من بين ربيعاتي..
سيف:أي فظيحه..انا يالس اتخبر..
مها:انا واختك معرفة سطحيه..
سيف:كيف تعرفينها وانتي من بنات ابوظبي..
مها:ترانا كنا افسويحان..
سيف:شوووووووووووو؟؟
مها:صدق تراني ما جذب..
سيف:انتي من أي قووم..ووين كان بيتكم..كيف ما كنت اعرفــج..مهووي انا بنات اسويحان كلهن اعرفهن..مستحيييييل ما اعرفج دااام انج من بنات اسويحان..احن هل سويحان كلن منا يعرف الثاني ومعظمنا اهل..ومن جبيله وحده..
مها:انزين انا بعد من جبيلتك تراني..
سيف:شووووووووووو؟؟انتي يالسه اتعقين علي صدمات..معقوله انتي من جبيلتيه..
مها:بلاك..شو مالكم الشرف..؟؟
سيف:اقول الغلا بتصلبج بعد اشويه..هاذا سهيل يأ..
مها:امممم اوكيك..بس اختار وقت مناسب لو سمحت يعني..
سيف:لا توصيين..فمان الله..
بند سيف وهو منصدم من الرمسه اللي قالتها الأخت مها من اشوي..فج سهيل البااب وحرك السيارة...
سيف:كل هاذا سلام..
سهيل:يااخي امك سوالف..تمت تسولف وتقهويني..شو اسوي يعني ارد قهوتها..
سيف"يصارخ":خلااص ياريااال ما قلنا شي..
سهيل:شو الأخت مها عصبتبك..ورديت علييه..
سيف:...................................
سهيل:شو قالتلك..
سيف:تخيل اسهيل..هاي كانت من بنات اسويحان وانتقلت لــبوظبي..تخيل انها من بنات جبيلتنا..
سهيل:شوووووووووووووووووو؟؟بنت منو هااي عسب اسيير اربيها واربي ابوها وامها ويااااهاااااا..هااي بتفظحنا..
سيف:بس ما ترمس الا انا..
سهيل"معصب":رمستك اليوم..وانته ولد جبيلتها وبتستر عليها ولا بتييب طاريها بين الشباب.. بس باجر بترمس غيرك..وبييب طاريها..بيقول مها بنت فلان الفلاني..جيه وجيه..
سيف:مهااااااااا مستحيييييييل اترمس حد غيري..
سهيل:شاللي يثبتلك يااخي..؟؟؟؟؟
سيف:اتحبني..
سهيل :مشكلة الحب..
سيف:شوف عمرك..
سهيل:انا احب..مستحيييييييييييل..
سيف:وروضه..؟؟
سهيل:بلاها؟؟
سيف:اتحبها.
سهيل:هههههه..بليييز اخ سيف لا اتضحكنـــي..انا احب روضه؟؟ ليش خلصن بنات العالم..؟؟
سيف:سهيل بلا استهبال..
سهيل:ياخي مشكله ماعندي قرآن في موتريه ولا بحلف لك..ان روضه ولا يووووم حبيتها..هاي بنت حيرتها حقي لأنها حلوووة..يمكن بعد ما انعرس احبها..!!!!<<<نذل..
سيف:بس اللي سمعته انها تحححححححبك مووووووت..وفوق هاذا انته اتحبها وعيشتها في دباديب الغرام..
سهيل"بهدووء":منوو قالك؟؟
سيف:خواتي..
سهيل:اهاااا..هيه صح هي اتحبني..بس انا اقول لها انيه احبها..اممم يعني اجذب عليها..سيف..هاي الإنسانه..اممممم..كيف اقولك..يعني من ناحية الشكل تعيبني..واعرف كل شي عنها..بس ما احبها..يعني وجودها وعدمها وااحد...بس انا ابين لها اني امووووت فيييها..وهي مصدقه واحليلها..
سيف:سهيل احشم هااي بنت عمك..واذا ما خذتها بعدين.يتطييح بنت عمك افرمسة الناس..بيقولون ولد عمها كان يبغيها اللحين غير رايه
..أكيد البنيه فيها شي..
سهيل:ليش انا غبي اخليها عشان ياخذها حميد..
سيف:وشو دخل حميد؟؟
سهيل:اممممممم..يبغي روضه..بس انا عاندته وعرفت انه يبغيها ورحت وحيرتها قبله..وانته تعرف السالفه كلها..
سيف:يعني انته اللحين حيرت روضه عسب تقهر حميد..؟؟
سهيل:هيه..
سيف:الله يهداك..

. . . . . . .

--------------------------------------------------------------------------------

كـل من جـانــي هجانـي ولامنـي ... قالـوا أمر الـحـب بالدنيـا سـراب
ليتهم شافوا اللي شوفه شاقني ... كـان قالـوا إن الهـوا أمره صـواب

بيت بو محمد..
حيرة شجون..
الساعه 2ونص..

فجــت شجون اعيوناتها ع وسعهن..وهي اشوي وبتاكل شاشة الاب..المكتوب..:

اتحدى بعودك كل عودن خضر..:
شجون ابغي ارمســج ضروري..

يــا ويل حالي..:
شووووووو خالد احن شو قلنا..علاقتنا بالمسن وبس..

اتحدى بعودك كل عودن خضــر:
حبيبتي ..انا احبــج وانتي اتحبيني..شو يعني اذاا رمستــج تيلفون..محد بيدري..

يا ويل حالي:
اممممممممممممممممممممممم..ما اعرف شو اقووولك..

اتحدى يعودك كل عودن خضر..:
حبيبتي اعيوووني قلبي..لا اتردين حبيب قلبج خلوووودي..

يا ويل حالي:
خلود بس لو دروا هليه بيذبحووني..خص اخوويه حمدان عادي عنده يرتكب فيني وفيك حريمـــة..

اتحدى بعودك كل عودن خضر..:
شجوووون قلتلج مححححد بيعرف..

يا ويل حالي:
باجر بعطيك رقميه..

اتحدى بعودك كل عودن خضر:
شجوووون ابا ارمســج اللحينه..

يــا ويل حالي:
خلوودي فديتك والله أخـــاف..

اتحدى بعودك كل عودن خضر..:
من شو اتخافيني وانا ويــااااااج..وانتي قلتي لي انج ما تظهرين من حيرتج مووليــه..الا اذا حد يــاج..حتى غدا وعشا ما تيلسين وياا هلج..شو بيعرفهم انج اترمسيني..شجووووووون..

يــا ويل حالي:
انزين تيلفون البيت ولا موبايلي...

اتحدى بعودك كل عودن خضر:
لا موبايلج ايكوووون احســـــن..

يــاويل حالي:
انزين خالد اللحينه الساعه قريب بتي ثلاث..انا بسير برقد باجر اربعا ومدارس...

أتحدى بعودك كل عودن خضــر:
له له..من زوود محبتج للدراسه اللحينه..

يــاويل حالي:
هههههه..لا بس بداوم عسب اشوف مهرووه بنت خالتك من زمان ما شفتها..

أتحدى بعودك كل عودن خضر:
هيه هالأيام اونه ملت من الدراسه وكل يوم غاايبه..

يــاويل حالي..:
بس اقنعتها انها ادوام باجر..

أتحدى بعودك كل عودن خضر:
فديييتج شجون صدقيني أحبــــج مووووتــ..

ياويل حالي:
اللحينه من صج يااااا ويييل حااالي..ههههههه..

أتحدى بعودك كل عودن خضر:
فدييت قلبج يا حياتي..

يــا ويل حالي:
يلا غلااي بسير برقد انا..باااااااي..

أتحدى بعودك كل عودن خضر:
الله يحفظج..

بندت شجون وظهرت اوف من المسن..حطت راسها ع المخده..وفكرها كالعادة وكالعادة عند خـــالد..وهي اتفكر كيف ملك قلبها بأسبووووع..وهي تتخيل شكله..بااجر قالها بشوفـــج عند بوابة المدرســــه..!!!!!

. . . . . . .

من غ ـلاك اتخيلــك دوم فـ ع ـيونــي
شوف ح ـالي كيف ع ــقبــك مـ خ ـطرى
لك غ ـلا لك حب في دمــي مـ خ ــزوني
يا لزيمــي حتى في نومــي ترى

الأربعــــــــــــــــــاااء..
مدرسة قوم رواضي..
البريـــــــــــــــــــــــــك..

شلــــتنا المعروفه"روضه موزة سلامه "..ومريوم وسهيله وعواش..
روضه:يبووووووولي البيتزا قبل ما يخلص..
مريوم"ربيعة روضع الروح بالروح":بسرعه لبو طلب شيختنا رووضه..
روضه اتحرك حياتها بنذاله..اونها مستانسة وتسرط لها حبة بيتزا..
سهيله"تاكل ورق عنب وترمس":احلاااااااااا ورق عنب..فديييتج موزاني كل يوم يبيلنا..
موزة:هاهاهاهاهااااي..ضحكتيني..
سلامه:ههههه..هاي موزوه أكبـــــر زطيه فالعالم..
موزة:اقول لا تخليني اشوه صورتج في عيووون ..........
البنات:خلوووووووووووووف..
سلامه:صخن يالعنز فظحتني طالعن البنات شقايل بياكلنا بعيونهن..
عواش:عااااااااادي..
سهيله:عصير عصير عصير..
روضه:شو الفقريه هاااي؟؟
سهيله:جب ولا كلمة ...اليوم ما تريقت..
مريوم:بسم الله طالعن هالبنات كيف بياكلن روضه يعيونهن..
عواش:طبيعي يا مريوم..روضه تجذب أي حد يشوفهـــا..بيضا وشعرها طايح ع ويهها..
موزة:والعيون قصيده..بدوون جحال..
عواش:وحمرة الخدود الطبيعيه جنها الا مسويه بلشر..
سهيله:بالمختصر روضه تجذب بمعنى تجذب ..وطالعي انتي البنات كيف بيكلنها بعيونهن..
روضه:يااااااااااي فديتني هالمدح كلللللللللللللللللله فيني..جاان استحي..
سلامه:ما قول الا ياا حظ سهيل فيج..
الكل:ههههههههههههههههههههههههه..
مريوم:سلامي يوم ترمس اتضحكني..احسها عيوووووز..
سلامه:...."تفهم السالفه".....اااه..محد غيرج عيووز عيزن ركبـــج..
عواش:لحظة سلامي ليش سكتي اشوي وبعدين قلتي ااه..
موزة:تستوعب السالفه..
روضه:يووم اقولكم هاذي ام سلوم ولا حد يصدقني..
مريوم:خلاص محد يزقرها سلامي ..بنقولها ام سللوووووم..
سلامي:لا والله ليش انشالله؟؟
موزة:لأن ام سلوم بطيئة الإستيعاب شراااتــــــج..
سلامي:ايووااا اللحينه فهمت..
روضه:وخلووف ابو سلوووم..
الكل:ههههههههههههههههههههــــــــــــــااااااي..
مريوم:نعووم ليش غايبه اليوووم..فاتها الصرااحـــة..
سلامي:البارحه يوم رمستها قالت اونها تعبـــانه..
روضه:هاه بنات تبون اليوم ناخذلنا لفه ع الشعبيــه وبنخطف ع نعوم بنشوف شو حالها..
مريوم:اوكي ايكون احســــن..
سهيله:اول شي انا وعواش بنخطف على مريوم وخلاف بنييكم..
روضه:هيه ايكون احسن..من بعد صلاة العشا ابسسرعه تعالن..
سهيله:اوكيك اتفقنا..
موزة:لا تتأخـــرن..عسب انرد بدري ونرقـــد..هيه ورايه يلسه ع النت..
روضه:متفيجه اتجابلين النت..سمعن منو بتسير رحلة دبي..؟؟
موزة:هيه صج والله خلونا انسير جيه شلة روووعه..
مريوم:هاه سهيله عاد حاولي تقنعين امــج انتي..
سهيله:اخاف ما ترضـــى..
سلامه:......اممم..دخلي ابوج فالسالفه..ابوووج فرييي..
سهيله:عااد اميه حرمة ماال اول..اذا قلت لها بتقول هياته في دبي..
مريوم:ماا عليـــج بنخلي وحده منا اترمســها ..
سهيله:انا بحاول وياها..ويتم ع راسها ليل ونهار..لين ما تمل وتقولي سيري..واذا ما رضت بخلي وحده منكن اترمسها..
مريوم:اوكيك..وانتي عواشي؟؟
عواش:لا انا اول الناس..
مريوم:فديييتج والله..ناقصنا نعووم..
روضه:نعوم بتوافق ما عندها أي اعتراااض..
سهيله:بنات شراايكن باجر اندق ابووهـــــا غيــاب..؟؟
روضه:هيه والله ما علينا لا متحانات ولا هم يحزنون..
مريوم:هيه والله خلونا نرتاح شرات العالم والناس..
موزة:بس بتفوتنا الدرووس..
عواش:اذا حد منكن بتدوام بداوم وياها..
موزة:انا بدااوم..ما فيني يفوتني درس الرياضياااات..منو بيشرحلي بعدين..
روضه:غبووش فالخدمه..معظم ادروسنا الرياضيات يدرسونها قوم علمي وهم بعدهم افثاني ثنوي..
مريوم:والله علمي مدلعين..اذا شافوا بنت علمي اتحووط فالمدرسه ما يرمسونها..
سهيله:اما بنات ادبي واااحليلنا احن بنات ادبي..شافوج اتحوطين..يودونج وودوج الإدارة..وتعهد على طول..بدون ون تو..
روضه:ههههههه..هيه والله حقوقنا رااحت انا ملفي فيه اربع انذارات وتعهدين..وخااصمين من سلوكي فوق العشرين درجه..يعني ماشي مااشي جامعه...لازم نشتكي فستيديو واحد..وبنشتكي على هالنظام اليديد..
عواش:بس بعد بنات علمي يكرفن اكراااف فالدرراسه..
سلامه:اذا كنتي اتحبين ومن بنات علمي..ما بتفكرين افحبيبج فالحصه..لازم تنتبهين لكل صغيره وكبيرة..
مريوم:هيه وانا اقوول رواضي وسلامي ليش دخلن أدبي..
الكل:ههههههههههههههههه..
روضه:الله يقطع سوالفــج..
عواش:هيه صح موزاني شو سويتن عسب ملجــة بنت عموتكن خلودي..
موزة:والله سرنا انا وروضه وسلامي وغبوش محل افبوظبي..واشترينا جيه تنانير وفيهن اشوية حركـــات..ونفس الشي كلنا..
مريوم:حتى اللون؟؟
روضه:هيه كلنا خذنا لون احمـــر..
سهيله:كشووخي اللون الأحمــر..ويجذب,,
مريوم:وبالنسبه للميكب صفن طابور جدام حيرة روضه..عسب اتعدلكن..
روضه:والله انا اعرض خدماتي ع الكل..
سلامه:انا وموزاني وغبوش..وخلاف هي اتعدل رووحها..
عواش:متى الملجه..
روضه:يوم الخميس..
من خلصت روضه كلمتها..يتهم ابنيه من بنات اول ثنوي..اسمها العنود..وهاي اونها اتحب رووضـــه..وتمووت فيهـــا..ومن بعد ما سلمت عليهن..
العنود:روضه اذا ما عندج مانــع ممكن امشي وياج اشويــة..
طالعن بالشله كلهن صوب روضه ..ويترينها شو اتقوول..
روضه:امم..سمحيلي العنود..اليوم انا وايد تعبانه ومالي بارض..انشالله باجر بييج وباخذج من عند شلتكم..وبنتمشى اربــاعه..
العنود"عصبت:...ااااممم..خلاص ختيه مشكوووورة..وايي منج الأكثـــر..
موزة:ليش حرجتي؟؟.. البنيه ما قالت شي..
العنود:انزين انا ما رمستج..
موزة:لا والله ..اقول انتي شفتي ويهج قبل لا اتين اهنه..
مريوم"اخلاقها عاليه هالبنيه":اقوول العنود السمووحه منج..خلاص سيري..
العنود:اصلن محد فيه الخير افهالشله الا مريووووم..باااي..
سارت العنود بعد ما حرقولها ويهه..خخخخخخ..
مريوم:شو هالرمسه موزاني..؟؟
روضه"ردت بسرعه قبل ما ترد موزاني":خلها تتأدب..تتحسبني مقصه وبتلعب عليه..<<<<المسكينه ما درت بسهيل..
مريوم:الله يهداكن..البنيه قالت ختيه..
موزة:شو تترينها اتقول حبيبتي..عسب اقوم وادووس اببطنها..
الكل:ههههههههههههههههههه..
وتمن البنات ايسولفن لين ما دق الجرس وانقلعن لصفوفهن..

. . . . . .

تعبت أسأل سما الحرمان متى بس تنجلي الغيوم..
متى نتلاقى ولو لحظه واشوف ايديني في ايدينك..
قويت الصوم على غيرك..وعنك ما قويت اصوم..
توقع ليش انا احبك..وانا راضـــــــــــي بتخمينك..

مدرسة شجون..
ع البيوت..

وقفت شجون على باب صف اربيعتها مهـــره..وهي معصبه ع الأخير.لأن مهره لين اللحينه ما خلصت ..عسب يظهرن..وشجون اتشوف خالد..اللي يكون ولد خالة مهره..
شجون:يلا عاااد مهاااري..والله انج مليله..
مهره"اتلطخ بودرة افويهها":اوووه شجون لا تنسين اللحينه حبيبي واقف برع..لازم ايشوفني كااشخــه..جيه اظهر بغباري..
شجون:يلا..الدريول اتحيرت عليه..
مهره"تمزر ثمها قلوس":الدريول ولا خــــالد؟؟
شجون"ابتسمت":فديييت خالد والله..
مهره"اتقطع اعيوناتها بالجحال":بل بل..تتفدييينه؟؟
شجون:هيه اتفدااه فديته والله..اقول مهاري انا مستغربه؟؟
مهره"اتسبح عمرها بالعطر":من شو فديتج..؟؟
شجون:كيف حبيت خالد واتعلقت فيه بأسبووع..
مهره"اتصد صوب شجون ويالسه اتقطع قصتها بالمشط":هههههههههه..حبيبتي هااي المحبه..انتي شوو دراااج؟؟
شجون:انزين انتي ما خلصتي..
مهره"تلبس عباتها":لأ بعدني..شجون ظهري تيلفوني من شنطتيه..
شجون:اقول مهاري انتي ما اتوبين..اللحينه كمن مرة زخووج انتي وتيلفونج اترمسين فالحمامات..
مهره"اتطالع عمرها فالمنظرة":والله كل شي ايهوون عسب حبيبي..
شجون"فيدها التيلفون":هااج وصلج مســـج..
مهره "تقرى المسج":حبيبي انا اتريااج خاري.."تصارخ"ياااااالله فديتهم اللي يتريووني..لا خلاني الرب منهم..
شجون:مهاري انتي متأكده انه يحبج..
مهره"تاخذ شنطتها":هيه شرات ما انتي متأكده ان خلووود يحبج..
شجون:اها..
شجون..مثل ما قلت افأول باارت..كانت تتمتع بجمــال ..قصة شعرها البني..وعيونها العسليه الناعمات..وبياضها الماايل ع الإسمرار..كاان كل شي يغااايض الأخت مهره..لأن مهره اتلطخ ويهها بالكريمات والجحال وحالتها لله..بس ما توصل لجمال شجون..أكيد لأنه الجمال الطبيعي ..ماشي يتحداااه..
وصلن خاري المدرســـة..وعيون شجون تتلفت يمين ويســـار..
مهره"تبتسم":لا اتعبين عيوناتج..هاذا خااالـــد..
شجون من سمعت "خالد"..صدت ابسرعه ع المكان اللي تأشر عليه مهره..وشــافت ريــال ..طويل وعريض اشويــه..واسمــر..
شقت ويهها بابتسامه..ووطت راسها بخجل يوم شافته ايطالعها..من ناحية ثانيه..دقق خالد في ملامح شجوون..موول ما توقعها ابهالجمـــال..وويعطونها ان ان امها مغربيـــه..بالفعل شجون تشبه امها المغربيــه..الله يرحمها..اللي كانت آيه فالجمال..
من بعد هالنظرااات السريعه جداً..مشت شجون بسرعه لموترهم..وطلبت من الدريول يتحرك بسسرعه..خاايفه لا خالد يلحقهم ولا شي..المسكينه ما تدري ان خــالد..إنه يعرف كل شي عنها..ويعرف اخوانها بعد..وانه اللحينه ينفذ انتقامه.. والسبه اخوها حمداااااان........!!!!شو بيستوي لهالشجون المسكينه..اللي مالها من العمر الا 16 سنه..بس..هالسنين مب كاافيه اتخلي شجون تعقل وتعرف سوالف الشباااب..المسكينه ادوور ع الحب..اللي موجود بين اهلها..بس هي ما قدرته..وودها بمحبة وااحد حقيير همه ينتقم وبــــــــــــــس.....

"نترك الجواب للأيام..هي الكفيله بهالجواااب"..

. . . . . . . .

جيت اداوم نظرة عيونك..ما حسبت ان الثمن غالي..
واقصرت الأنظار دونك..شفت في عيونك شقا حالي..
جدام بيت قوم روضه..
الساعه 9..

مريوم:يلا عواش ولا سهيله..وحده منكن اتسير صوب بيت قوم روضه وتزقر البنات..
سهيله:لالالالالا..انا مالي خص..استحي ادخل بيتهم من دون امايه..
مريوم:يلا عوااش..أنتي وحده عاايشه حياااتج..ودوومج طاابه بيتهم..
عواش:فديتني والله..متى طبيت بيتهم؟؟امممم..هااك الشهر..مع انا بيتنا ورى بيت قوم رواضي..بس متعايزة اييهم..
مريوم:اقوول عوواش تركي الرمسه الزايدة اللي مالها معنى وسيري زقريييهن..
عواش:انزين انزين..انتي دوووووومج اتقفطيني..
مريوم:ههههههه..فديتج والله..طوفيها هالمرة غناتيه..
عواش:انزين انزين اخر مرة..
مريوم:خلااص سيري يلا..
سارت عواش..عسب تزقر روضه وموزة وسلامه وشمموووس"ما طريناها هالبارت"..من وقفت عند الباب..صدت وراها صوووب سهيله و مريوم..وسوتلهن حركه بيداتها..تعني كلمة "اووكي"..وما وحالها اتصد صوب دربها..الا ودعمت ريال..طووووويل عملاااق.لابس كندورة كركميــــة..
.
.
.
لا تعليقااااات..
.
.
.
لا كلمة"انتهىىى الباارت"..!!!
.
.
.
من بعد هالمفاجئاات كلها..
اللي استوت فهالبارت..
ومن بعد ظهور شخصية
خالد ومهره و ""مريوم""..
اتــــرك لقلم كل وااحد منكم..
ان يسطر لي بعض الكلمات..
تعبر عن رأيـــــــــه..
من دوون اسئــله..
مثل ما تعودنا افكل باارت..
.
.
.
تحيتي..

والسموحه على التأخير طبعاً لي ظروفي